SEKHUKHUNE SOUTH DISTRICT

NATIONAL
SENIOR CERTIFICATE

KREITI YA 11

SEPEDI LELEME LA GAE (HL)

LEPHEPHE LA BOBEDI P2

MOŠONGWANA WA THETO

26 MOPITLO 2023

MEPUTSO: 100
NAKO: Diiri tše 2½
Palomoka ya matlakala ke: 8

Tokelo ya ngwalollo e ileditšwe Phetla

Sepedi Leleme la Gae/P2 2 LimpopoDoESekhukhune South/Mopitlo 2023
Molekwana wa Theto: Kreiti ya 11

DITAELO LE TSHEDIMOŠO

1. Badišiša ditaelo ka šedi.

2. Araba dipotšišo KA MOKA.
3. BOTELELE BJA DIKARABO
• Go potšišo ye telele ya karolo ya Theto, karabo e be mantšu a
magareng ga 250-300.
4. Nomora dikarabo tša gago go swana thwi le ka fao dipotšišo di nomorilwego
ka gona.
5. Thoma POTŠIŠO YE NNGWE LE YE NNGWE letlakaleng LE LEFSA.
6. Ngwala ka bothakga le ka mongwalo wa go balega.

Tokelo ya ngwalollo e ileditšwe Phetla

Sepedi Leleme la Gae/P2 3 LimpopoDoESekhukhune South/Mopitlo 2023
Molekwana wa Theto: Kreiti ya 11

KAROLO YA A: THETO

NGWEDI WA LETOPANTA – MOKABA M.J,MALATJI P.P,MOGANO S.L, HLAKA

M.H

DIRETO TŠE DI BONWEGO: Araba dipotšišo ka moka.

POTŠIŠO YA 1:1 POTŠIŠO YE TELELE
Sekaseka sereto sa ka tlase o lebeletše Poeletšo

Diteng= 6
Sebopego + Polelo=4
POTŠIŠO YA 1.2 POTŠIŠO YE TELELE
Sekaseka sereto sa ka tlase o lebeletše Dibokantšu
Diteng= 6
Sebopego + Polelo=4

TOKA E PADILE – MOKABA M.J et.al

1 Ka katwa ke sehlopha tsoko,
2 Ka swaešwa ka kokwanahloko,
3 Kokwanahloko sehlokakalafi,
4 Kokwanahloko sellišaditšhaba,
5 Ka ihlagiša go badirišanemmogo
6 Ke phutše sekaku boladu bja tšwa
7 Ke a sebja, ke a segwa, ke a gegewa
8 Dikgang ke nna, ka maaka ke a pharwa
9 Ke a šišingwa boka botshwelamare.

10 Ke bitšwa lenaba
11 Ga ke sa kgona go nab aka naba
12 Nka se fetole kwena ya se sa ja nama
13 Go logwa maanomabe a go ntšhupa tsela
14 Ke tšhwene ya rotoga ke sa nyakwa
15 Ke tšhwene ya roto tšhikanoši
16 Ke longwa ke manyeunyeu leboelelela
17 Twatšikgolo sešitaleboramahlale.

18 Bolwetši e le kobo seaparwakebohle;

19 Bolwetši bo sa kokote, bo itsenela fela;
20 Malwetšimahlokakalafo a thiba letšatši
21 Go bjalo toka e kae?
[Letl. 37]

POTŠIŠO YA 1.3: TOKA E PADILE – MOKABA M.J et.al

POTŠIŠO YA SETSOPOLWA

Bala ditemanatheto tša sereto sa ka godimo ka tsinkelo gore o tle o kgone araba
dipotšišo tša go latela.

Tokelo ya ngwalollo e ileditšwe Phetla

Sepedi Leleme la Gae/P2 4 LimpopoDoESekhukhune South/Mopitlo 2023
Molekwana wa Theto: Kreiti ya 11

1.3.1 Efa mohuta wa morumokwano temanathetong ya 1 o be o laetše. (1)

1.3.2 Tsopola tshwantšhokgopolo ye e laetšago gore sereti se ile sa botša batho
sephiri sa gagwe. (1)
1.3.3 Ngwala setlabelatheto se se dirišitšwego mothalothetong wa 7 o be o fe
mohola le tirišo ya sona. (3)
1.3.4 Hlaloša tirišo ya tshwantšhokgopolo mothalothetong wa 9. (1)
1.3.5 Efa tlhalošothwii ya mothalotheto wa 12. (1)
1.3.6 Re alele molaetša wa sereto se. (1)
1.3.7 Akanya maikutlo a sereti seretong se. (2)

POTŠIŠO YA 2:

KE BE KE SA GO LEBELETŠE – MOKABA M.J et.al

POTŠIŠO YE TELELE
Bala ditemanatheto tša ka tlase gore o tle o kgone go araba dipotšišo tša go latela.
Sekaseka sereto se o lebeletše mohuta wa sona. [10]

Diteng= 6
Sebopego + Polelo=4

Tokelo ya ngwalollo e ileditšwe Phetla

Sepedi Leleme la Gae/P2 5 LimpopoDoESekhukhune South/Mopitlo 2023
Molekwana wa Theto: Kreiti ya 11

KE BE KE SA GO LEBELETŠE – MOKABA M.J et.al

1 Ke be ke sa go lebeletše Serogole
2 Mabotse le mathakga ke be ke sa emetše.
3 Ke sa lebeletše gore o tle o ntamolele
4 Morwalo wa lapa o nkimetše
5 Ke be ke re o tla nntšha ka gare ga bošuana
6 Tema wa lema ya bao ba go hlatlamago
7 Wena le bona ka dithuto la katana.
8 Bjalo o goroga kay a bao ba ithobaletšegoithobaletšego
9 Koloi senamelwakebagologolo
10 Bao kobo ya bona e lego mmu fela
11 Bao ba ikelago lefaseng la phomolo
12 Bao ba ka gopolwago ka mediro fela
13 Ke be ke go hlokofetše bohlale
14 O ntshwabišitše ke gakilwe ke mahlale
[Letl. 39]

POTŠIŠO YA 2.2:

KE BE KE SA GO LEBELETŠE – MOKABA M.J. et.al

POTŠIŠO YA SETSOPOLWA
Bala ditemanatheto tša sereto sa ka godimo ka tsinkelo gore o tle o kgone araba
dipotšišo tša go latela.
2.2.1. Efa mohuta wa poeletšo ye e dirišitšwego mothalothetong wa 2. (1)
2.2.2. Ngwala tlhalošothwii ya mothalotheto wa 3. (1)
2.2.3 Laetša setlabelatheto mothalothetong wa 9 o be fe tirišo ya sona. (2)
ya yona. (1)
2.2.4 Hlaloša tshwantšhokgopolo mothalothetong wa 10 go ya le ka tirišo. (1)
2.2.5 Na sereto se ke sa mohuta mang? Fahlela. (2)
2.2.6 Re alele maikutlo a gago mabapi le diteng tša sereto se. (2)
[10]
POTŠIŠO 3.1 - POTŠIŠO YE TELELLE
3.1. Bala sereto se ka tsinkelo gomme o se sekeseke Tirišo ya dika.
Diteng= 6
Sebopego + Polelo=4

Tokelo ya ngwalollo e ileditšwe Phetla

Sepedi Leleme la Gae/P2 6 LimpopoDoESekhukhune South/Mopitlo 2023
Molekwana wa Theto: Kreiti ya 11

O KAE YENA? – MOKABA M.J. et.al.

1 Ke mengwaga ke dula le wena Marumo
2 Ke sa phaka thoko ya bjana
3 Ke sa kgona go raloka ka Melaka
4 Ke hloka kgopolo ya go go botšiša.
5 Mahlalagading ke tšwele mamohla
6 Ga ke sa mimilela marameng
7 Meno a tletše šaka la lehano.
8 Ke tseba tšeo di ntoketšego mma.

9 Ake o mpotše Marumo

10 Ke kgopela therešo ya mmakgonthe
11 Yeo e hlokago selabi.
12 O kae yena tate mompelegi?
13 Tate yoo a go wešitšego letswele
14 Ka gobane ke le thagatšwalo.
15 Tate yoo a ntlišitšego go leno lefase;
16 Lefase la batswadi le bana.

17 La ka lešaka le tletše tšohle

18 Ke ja ke lahla gohle
19 Ga ke diile ke a ikgona
20 Seo ke se llelago ke tate montswadi
21 Ntle le yena bophelo ke meetlwa
22 Ake o mpotše Marumo gore o feletše kae
23 Ke ikana go mo nyaka
24 Go mo enolla bodibeng a iphihlilego
25 Ke tle ke kgone go hlabja ke phefo.
[Letl.41]

POTŠIŠO YA 3.2- POTŠIŠO YA SETSOPOLWA

O KAE YENA? MOKABA M.J. et.al.
Bala ditematheto tša sereto sa ka godimo ka tsinkelo gore o tle o kgone araba
dipotšišo tša go latela.
3.2.1.Laetša mohuta wa poeletšo temanathetong ya 1. (1)
3.2.2 Ngwala sebopego sa sereto se sa ka ntle o lebeletše ditemanatheto. (1)
3.2.3 Efa setlabelatheto mothalothetong wa 10 le 11 o be o laetše tirišo ya sona. (1)
3.2.4 Hlaloša setlabelatheto mothlothetong wa 12 o be o fe tirišo ya sona. (1)
3.2.5.Hlaloša tirišo ya sebokantšu mothalotehtong wa 14. (1)
3.2.6.Hlatholla tirišo ya setlabela sa theto methalothetong ya 15 le 16. (1)
3.2.7 Bontšha mohuta wa morumokwano temanathetong ya 3 o be o fe
leina la wona. (1)
3.2.8 Hlatholla tshwantšhokgopolo mothalothetong wa 21. (1)
3.2.9 Re alele molaetša wa sereto se. (1)
3.2.10 Na sereto se ke sa mohuta mang? Fahlela. (1)
[10]

Tokelo ya ngwalollo e ileditšwe Phetla

Sepedi Leleme la Gae/P2 7 LimpopoDoESekhukhune South/Mopitlo 2023
Molekwana wa Theto: Kreiti ya 11

POTŠIŠO YA 4.1: POTŠIŠO YE TELELE:

BASWA LE ROBETŠE – MOKABA M.J.et.al.
Bala sereto sa ka tlase gomme o re sekaseke Metara mothalothetong wa 10.
Diteng= 06
Sebopego+ Polelo=04

BASWA LE ROBETŠE – MOKABA M.J.et.al.

1 Thaka ye kgwadi le phaka thoko

2 Le robetše ntše le lebaleba
3 Le itirile maribiši
4 Le ebela mašego boka mebankgagane.
5 Leswiswi le rwele ditau bomajadigoba
6 Ka gare ga lona go kitima madimo majabatho

7 Ditsebe le di kitetše motu

8 Le kgalemelwa ka mehla
9 Le ikgapa le ikgoroša
10 Le a tlaišwa, le a hlorišwa
11 Le a gobatšwa, le a katwa
12 Le a hlokofatšwa,bokamoso le a bo senyetšwa
13 Eupša ke gona le gerema maswiswing.

14 Megabaru e a le tlokatlokiša
15 Ditokelo di a le ebaebiša
16 Phafogang borokong
17 Gobane phutšana ya boya bontlhana
18 E gola ka go ikilela.
[Letl. 50]

POTŠIŠO YA 4.2
POTŠIŠO YA SETSOPOLWA
BASWA LE ROBETŠE - MOKABA M.J.et.al.
Bala ditematheto tša ka godimo ka tsinkelo gore o tle o kgone araba dipotšišo tša go
latela.
4.2.1. Tsopola mantšu mothalothetong wa 1 a a laetšago gore bafsa ba robetše. (1)
4.2.2 Efa tshwantšhokgopolo ye e tšwelelago methalothetong ya 2 le 4. (2)
4.2.3 Ngwala mohuta wa poeletšo temanathetong ya 1 o be o fe tirišo. (1)
4.2.4 Bontšha dibokantšu temanathetong ya 1 o be o fe tirišo ya tšona. (2)
4.2.5. Laetša setlabela sa theto mothalothetong wa 10 o be o fe mohola
wa yona. (1)
4.2.6 Akaretša dikgopolokgolo tša sereti temanathetong ya 2. (1)
4.2.7 Efa sebopego sa sereto se o lebeletše methalotheto. (2)
4.2.8 Hlaloša mohuta wa morumokwano temanathetong ya 3 o be o fe
mohola wa wona. (2)

Tokelo ya ngwalollo e ileditšwe Phetla

Sepedi Leleme la Gae/P2 8 LimpopoDoESekhukhune South/Mopitlo 2023
Molekwana wa Theto: Kreiti ya 11

4.2.9 Hlatholla tirišo ya setlabelatheto methalothetong ya 16 ,17 le 18. (2)

4.2.10 Ahlaahla tirišo ya tshwantšhokgopolo temanathetong ya 3. (1)
4.2.11 Re alele molaetša wa sereto se. (1)
4.2.12 Na sereto se ke sa mohuta mang? Fahlela. (2)
4.2.13 Akanya maikutlo a sereti seretong se. (2)
[20]
PALOMOKA YA MOŠONGWANA: [100]

Tokelo ya ngwalollo e ileditšwe Phetla