Suraj Ka Palat Aana ….

♥ Mojza-e-Rasool Allah : Suraj Palat Aana ♥

Hazrat Bibi Asma Binte Umais (Raziyallahu Ta’ala Anha) Ka Bayan Hai Ki “Khaibar” Ke
Kareeb “Manjile Sahba” Me Huzur (Sallallahu Ta’ala Alayhi Wasallam) Namaze Asar Padh
Kar, Hazrate Ali (Raziyallahu Ta’ala Anhu) Ki God Me Apna Sar-E-Aqdas Rakh So Gaye, Aur
Aap Par Wahi(Quraan Sharif Ki Ayat) Nazil Hone Lagi. Hazrat Ali (Raziyallahu Ta’ala Anhu)
Sar-E-Aqdas Ko Apni Aagosh Me Liye Bethe Rahe. Yahan Tak Ki Suraj Gurub(Dhal) Ho Gaya
Aur Aapki Namaze Asar Qaza Ho Gayi. Jab Wahi Khatm Huyi Aur Aapne Apna Sar-E-Aqdas
Uthaya Aur Aapko Yah Maloom Hua Ki,
Hazrate Ali (Raziyallahu Ta’ala Anhu) Ki Namaz Qaza Ho Gayi Toh Aapne Dua Farmaee Ki,
“Ya Allah ! Yakinan Ali Teri Aur Tere Rasool Ki Eeta’at Me The, Lihaza Tu Suraj Ko Wapas
Lauta De, Taki Ali Namaz-e-Asar Ada Kar Le.”
Hazrate Bibi Asma Binte Umais Kehti Hai Ki, “Maine Apni Aankho Se Dekha Ki Duba Hua
Suraj Palat Aaya, Aur Pahado Ki Chotiyo Par Aur Zamin Ke Uper Har Taraf Dhoop Fail Gayi.
Refrence : >Zurkani Part-5 Page-113, >Shifa Shareef Part-1 Page-185,
>Madarijunnubuvvah Part-2 Page-257, >Sirate Mustafa Part-20 Page-545

Dua Kabul Kyon Nahi Hoti? …..

♥ 10 Chizon Se Murda Hone Se Dua Kabool Nahi Hoti ♥

Hiqayat :- Hazrat Shafiq Balkhi (Radhi Allahu Ta’ala Anhu) Farmate Hain Ki Ek Roz Hazrat
Ibrahim Bin Adham Basre Ke Bazaar Se Guzre Rahe The! Toh Logon Ne Aapki Khidmat Me
Haazir Hoker Arz Ki, Huzoor! Quraan Me Khuda Ta’aala Ne Farmaya Hain Ki Tum Mujhse
Dua Maango Main Kabul Karuga! Hum Ek Muddat Tak Dua Maangte Rahe Hain Magar
Kubul Nahi Hoti! Iski Kya Wajah Hain?

Hazrat Ibrahim Bin Adham Rehmatullah Ta’aala Alaihi Ne Jawab Diya Ki,
Aye Logon! Tumahre Dil 10 Chizon Se Murda Hogaye Hain! Fir Tumahri Dua Kaise Kubul
Hogi?
∗ (1) Tumne Khuda Ko Pehchana Magar Uski Maarfat Ka Haq Ada Na Kiya!
∗ (2) Tumne Quraan Padha Magar Usper Amal Nahi Kiya!
∗ (3) Tumne Mohabbat-A-Rasool Ka Daawa Kiya Magar Unki Sunnat Per Amal Na Kiya!

1|Page
∗ (4) Tumne Adawat-A-Shaitaan Ka Daawa Kiya Magar Uski Mukhalifat(Against) Na Ki!
∗ (5) Tumne Jannat Ko Chaha Magar Usme Dakhile Ke liye Amal Na Kiye!
∗ (6) Tumne Jahannam Se Panaah Maangi Magar Khud Hi Apne Nafs Ko Usme Daal Diya!
∗ (7) Tumne Mout Ko Haq Jana Magar Uske Liye Taiyyari Na Ki!
∗ (8) Tumne Bhaiyon Ke Aib-Jui Ki Magar Apne Aib Na Dekhe!
∗ (9) Tumne Allah Ki Nematain Khayi Magar Uska Shukr Ada Na Kiya!
∗ (10) Tumne Murdon Ko Dafan Kiya Magar Ibrat Haasil Na Ki!
(Durratun-Nasiheen, Pg-513)

Sabak :- Apne Jaahir Wa Baatin Ko Paak Aur Saaf Sutra Karke Aur Zubaan Ko Allah Ki Yaad
Se Mo-Attar Karke Jo Bhi(Nek) Dua Maangi Jaye Wo Kubul Hoti Hain! Agar Hamari Koi Dua
Kubul Na Ho Toh Yeh Hamara Kasoor Hain!

Shaane Lu’aab-e-Mustafa ……
★ Shaane Lu’aab-e-Mustafa ★
Hazrat Muhammad Bin Hattib Radiallahu Ta’ala Anho Farmate Hain,
‘Mein Bachha Tha Aur Jalti Haandiya Mujh Par Gir Gayi Jis Se Mera Badan Jal Gaya To
Mere Waalid Mujhe Huzoor-E-Akram Salallahu Ta’ala Alaihi Wasallam Ki Khidmat Me Le
Gaye, Toh Huzoor-E-Paak Salallahu Ta’ala Alaihi Wasallam Ne Mere Badan Par
Apna Lu’aab-E-Dahan (Thoonk Mubarak) Laga Diya Aur Upar Apna Hath Pher Diya Aur
Kaha
“Aye Rab ! Iss Ki Takleef Ko Dur Kar De ! Bas Fir Kya Tha Huzoor Ke Dua Ke Baad Mai Bilkul
Sahi Ho Gaya Aur Mujhe Uss Se Koi Takleef Na Huyi.
Nasai Shareef, Jild-1, Page No-214,
Zarkaani Al-Lamwaahib, Jild-5, Page No.292

Nek Bande Burayi Ka Badla Burayi Se Nahi Dete ……

Hazrat Hasan Basri (Radhi Allahu Ta’ala Anhu) Se Kisi Shaks Ne Aaker Kaha Ki Fala Shaks
Ne Aapki Geebat Ki Hain! Hazrat Hasan Basri Ne Usi Waqt Taza Choo-aare Mangwaye Aur
Ek Tabaak (Thaal) Me Rakhker Uneh Bataur Tohfa Bheja, Ki Mai Aapka Shukr-Guzaar Hoon
Ki Aapne Meri Geebat Karke Apne Nekiyon Ko Mere Nama-A-Aamaal Me Muntakil
(Dakhil) Kerdiya Hain! Aapke Iss Ehsaan Ka Badla Mai Nahi Chuka Sakta! Yeh Hakeer-sa
Tohfa Kubul Farmayiye!
Wo Shaks Hazrat Hasan Basri (Radhi Allahu Ta’ala Anhu) Ke Iss Sulook Ko Dekhker Bada
Sharminda Hua Aur Aapki Khidmat Me Haazir Hoker Muafi Chahi!
(Sacchi Hiwayat, Hissa-3, Pg-458)

2|Page
SABAK :- Kisiki Geebat Karne Se Sarasar Apna Hi Nuksaan Hota Hain! Jiski Geebat Ki Jaye
Wo Faide MayRehta Hain! Uski Nekiyan Usko Miljati Hain! Lihaza Geebat Se Bachna
Chahiye!
Yeh Bhi Malum Hua Ki Nek Bande Burayi Ka Badla Burayi Se Nahi Dete Balki Burayi Ke
Badle Bhi Neki Hi Karte Hain!

Buraayi Ka Badla Bhi Ehtram Se ……

Hiqayat:- Ek Din Hazrat Imaam Zain-ul-Aabidin (Radi-Allahu-Ta’aala-Anhu) Ghar Se Kahin
Tashrif Le Ja Rahe The Ki Raaste Me Kisi Gustaakh Ne Aapko Bura Bhala Kehna Shuru Ker
Diya! Hazrat Imaam Ne Usse Farmaya Ki Bhai Jo Kuch Tumne Mujhse Kaha Agar Mai
Wakayi Aisa Hoon Toh Khuda Mujhe Muaf Farmaye!
Yeh Sunker Wo Shaks Bada Sharminda Hua Aur Badker Aapki Peshaani Chumker Kehne
Laga, Huzoor! Jo Kuch Maine Kaha Aap Hargiz Aise Nahi Hain! Mai Hi Jhoota Hoon! Aap
Meri Magfirat Ki Dua Farmayen! Aapne Farmaya Accha Jao Khuda Tumhe Muaf Farmaye!
(Rauzur-Riyaheen Pg-56)

Sabak :- Allah Walo Ki Yeh Sirat Hain Ki Burayi Ka Badla Kuch Aise Tarike Se Dete Hain Ki
Khatakaar Sharminda Hoker Apni Khata Se Kinara Ker Leta Hain Aur Neki Ikhtiyar Ker Leta
Hain!

Ehteraam-E-Hadees ……
Hazrat-E-Imaam Maalik (Radi Allahu Anhu) Ek Martaba Huzoor(Salallahu Ta’ala Alaihi
Wasallam) Ki Hadees Bayaan Farma Rahe The Ki Logo Ne Dekha Ki Aapka Chehra Kisi
Takleef Ke Baa’is (Wajah) Zard Ho Raha Hai, Aur Bade Be-Chain Ho Rahe Hain, Bawajud
Iske Aap Ne Hadees Ka Dars Tark Na Farmaya. Aur Ba-Dastur Bayan Farmate Rahe
Aur Jab Bayan Khatm Farma Chuke Toh Logo Ne Wajah Daryaaft Ki, Toh Aap Ne Qamees
Utaar Di Jis Me Ek Bichchhu Nikla. Jisne 6 Daf’a (Baaz Kitabo Me 70 Daf’a Bhi Aaya Hai)
Hazrat-È-Imaam Ko Dasa Tha.
Hazrat-E-Imaam Ne Farmaya Ki: “Hadees Bayan Karte Huye Ye Bichchhu Mujhe Das Raha
Tha. Magar Maine Ehteraam-E-Hadees Ke Pesh-E-Nazar Hadees Ka Dars Na Chhoda. Mera
Kya Hai, Kuchh Ho Magar Hadees Ka Adab-O-Ehteraam Bahar Haal Muqaddam Hai.”
(Sachchi Hikaayaat Safa. 368)

Maa Khatoone Jannat Wisaal-A-Fatima Radiallahu Anha …

★ Maa Khatoone Jannat Visaal-A-Fatima (Radiallahu Anha) ★

Khatoon-A-Jannat Hazrat Fatima (Radi-Allahu-Ta’ala-Anha) Jab Bimaar Hui Toh Hazrat Ali
Radi-Allahu-Ta’ala-Anhu Ne Farmaya Aye Fatima! Meri Yeh Wasiyat Hain Ki Jab (Sallallahu
Alaihay Wasallam) Ke Paas Pahucho Toh Mera Salaam Arz Karna Aur Kehna,

3|Page
Ya Rasoolallah! Main Aapka Mushtaq Hoon!
Hazrat Fatima (Radi-Allahu-Ta’ala-Anha) Ne Farmaya Ki Meri Bhi Ek Wasiyat Hain Ki Jab
Mera Inteqal Ho Jaye Toh Mujh Per Cheekh-Chillaker Maatam Mat Karna Aur Mere Noor-
A-Chasm Hasan Aur Husain Ko Maarna Nahi!

Aye Sher-A-Khuda! Wo Dekhiye Huzoor (Sallallahu Alaihay Wasallam) Bahoat Se Farishton

Ke Sath Tashrif Le Aaye Hain! Ab Mai Ja Rahi Hoon! Aur Mere Intekaal Ke Baad Fala Jagah
Maine Ek Kaagaz Ka Tukda Badi Hifazat Se Rakha Hain! Us Kaagaz Ko Nikaal Ker Mere
Kafan Me Rakh Dena Aur Use Parhna Nahi!

Hazrat Ali Ne Farmaya, Fatima! Rasoolallah Ka Waasta Deker Kehta Hoon Ki Mujhe Bata
Do Ki Uss Kaagaz Me Kya Likha Hain?
Hazrat Fatima (Radi-Allahu-Ta’ aala-Anha) Ne Farmaya Ki: Jab Mera Nikaah Aapse Hone
Laga Tha Toh Huzoor (Sallallahu Alaihay Wasallam) Ne Mujhse Farmaya-
Aye Fatima! Mai Ali Se 400 Miskaal Chandi Ke Maher Per Tumahra Nikah Karne Laga
Hoon!
Maine Arz Kiya, Ya Rasoolallah! Ali Mujhe Manzoor Hai Lekin Itna Maher Mujhe Manzoor
Nahi!
Itne Me Zibrayil Amin Ne Haazir Hoker Huzoor Se Arz Kiya, Ya Rasoolallah! Khuda Farmata
Hain Ki Main Jannat Aur Uski Nematain Fatima Ka Maher Mukarrar Karta Hoon!
Huzoor Ne Mujhe Iski Khaber Di Toh Main Fir Bhi Razi Na Hui!
Huzoor (Sallallahu Alaihay Wasallam) Ne Farmaya, Toh Fir Khud Hi Batao Ki Mehar Kya
Ho?
Maine Arz Kiya Ya Rasoolallah! Aap Har Waqt Apni Ummat Ke Gham Me Rehte Hain! Mai
Chahti Hoon Ki Aapki Gunahgar Ummat Ki Bakshish Mera Maher Ho!

Chunanche, Zibrayil Wapas Gaye Aur Fir Yeh Kaagaz Ka Tukda Leker Aaye Jisme Likha Hai -
“Mai Ne Ummat-A-Muhammad Ki Shafa-at Fatima Ka Maher Mukarrar Kiya”

(Jaami-Ul-Moaji Zaat Misri Pg-62)

SABAK:-
Huzoor (Sallallahu Alaihay Wasallam) Ke Sadqe Me Hum Gunahgaron Per ALLAH Ka Bada
Fazl Wa Karam Hain Ki Huzoor Ki Sahab-Zaadi Ko Bhi Hum Gunahgaron Ka Khayaal Raha
Aur Wo Hamari Bakshish Ka Intezaam Farma Gayi!
Fir Yeh Kehna Ki Un ALLAH Walon Se Kuch Haasil Nahi Hota, Kis-Qadr Jahaalat Ki Baat
Hain! Yeh Bhi Malum Hua Cheek-Chillaker Maatam Nahi Karna Chahiye! Iss Chiz Se Khud
Khatoon-A-Jannat Ne Bhi Mana Farmaya Hain!

4|Page
Keemti Sharbat ……
Hazrat Imaam Hasan (Radhi Allahu Anhu) Ke Yaha Ek Mehmaan Aaya. Usne Khana Khane
Ke Baad Sharbat Talab Kiya. Hazrat Imaam Hasan (Radhi Allahu Anhu) Ne Daryaft Farmaya
Ki, Aapko Koun Sa Sharbat Darkar Hai?
Mehmaan Ne Jawaab Diya Woh Sharbat Jo, Na Milne Ke Waqt Jaan Se Jyada Kimti Aur Mil
Jaane Ke Waqt Nihayat Kam Keemti Hota Hai.
Imaam Saahab Ne Noukaro Se Farmaya Ki Mehmaan Paani Maangta Hai.
Haazrin Ko Aapki Jahanat Par Nihayat Hairani Hui.
(Mugniyul Waajneen, Safa-218)

Sabak : Paani Allah Taala Ki Ek Badi Giraqadra Aur Keemti Naimat Hai.
Shaikh Saadi (Alihiraham) Farmate Hai Ki Murgi Ko Dekhiye Ki Ek Ghunt Paani Pikar
Fouran Apna Muh Aasmaan Ki Taraf Uthakar Goya Allah Ka Shukr Ada Kar Leti Hai Magar
Afsos Ki Gaafil Insaan Bisiyo Man Paani Pikar Bhi Allah Ka Shukra Ada Nahi Karta.

Waqt-e-Mukarrar (Mout) Tum Taal Nahi Sakoge! …..

Hazrat Abu Saeed Khudri (Radi-Allahu-Ta’aala-Anhu) Se Marwi Hain, Hazrat Osama Bin
Zaid (Radi-Allahu-Ta’aala-Anhu) Ne Ek Mahina Ke Karz Per 100 Dinaar Me Kaneez Kharidi,
Jab Huzoor (Sallallahu Alaihay Wasallam) Ne Suna Toh Farmaya! Tumeh Taajjub Nahi Hua,
Osama Ne Ek Mahine Ke Karz Per Kaneez Kharidi Hain! Uski Ummidein Bahoat Lambi Hain,
Rabbe Juljalaal Ki Kasam! Main Aankhen Kholta Hoon Toh Mujhe Itni Ummid Nahi Hoti Ki
Palkhen Ek Dusre Se Milegi Ya Allah Ta’ala Isase Pehle Meri Rooh Kabz Ker lega, Main Toh
Nigaah Uthane Ke Baad Nigah Ke Wapsi Ki Ummid Nahi Rakhta, Lukma Mooh Me Daalker
Usse Chabane Tak Zindagi Ki Ummid Nahi Rakhta! Fir Irshad Farmaya,
“Aye Logon! Agar Tum Akalmand Ho Toh Apne Aapko Murdon Me Shamil Samjho, Rabbe
Juljalaal Ki Kasam Jiske Kabza-A-Qudrat Me Meri Jaan Hain Tumper Ek Waqt-A-Mukarrar
(Maut) Aayega Jisko Tum Taal Nahi Sakoge!”
(Mukashfatul Kulub, Pg-167)

Hum Mojza Ko Barkat Ka Sabab Samazte Hai ….

“Hazrate Abdullah (Radiallahu Anhu) Ne Farmaya Ki, Hum Mojzo Ko Barkat Ka Sabab
Samazte The. Aur Tum Unko Darane Ka Sabab Samazte Ho.”
Hum 1 Safar Me Rasool-e-Kareem (Sallallahu Alaihay Wasallam) Ke Sath The, Paani Kam
Ho Gaya Toh Huzoor Ne Farmaya Ki Thoda Sa Bacha Hua Paani Khoj Kar Lao. Toh Log 1
Bartan Me Thodasa Paani Laye. Huzoor Ne Apne Mubarak Haath Bartan Me Dal Diya Aur
Uske Bad Farmaya: “Barkatwale Paani Ke Paas Jao Aur Barkat Khuda-e-Ta’ala Ki Tarafse
Hai.”

5|Page
Bus Maine Katai Taur Par Dekha Ki Huzoor Ki Mukaddas Ungliyo Ki Ghaiyo Se Paani Ubal
Raha Tha.
(Bukhari Sharif Jild 1 Safa 505, Mishkat Safa 538)

Zaalim Ka Anzaam ….
Hazrat Imaam Muslim (Radhi Allahu Ta’ala Anhu) Ke Dono Sahabzaado Ko Jab Haaris Ne
Shahid Kar Liya Toh Socha Ki Unke Sar Ibne Jyaad Ke Paas Le Chalu Aur Inaam Pau.
Chunanche Wah Un Mukaddas Saro Ko Lekar Ibne Jyaad Ke Paas Aaya. Ibne Jyaad Ne Inn
Nanhe Aur Nurani Saro Ko Dekhkar Pucha Ki Yeh Kiske Sar Hai?
Haaris Ne Bataya Ki Muslim Ke Baccho Ke. Ibne Jyaad Bajaye Khush Hone Ke Kehne Laga
Aye Malun! Mene Toh Yazeed Ko Yeh Likha Hai Ki Bacche Mere Paas Qaid Hai. Agar Usne
Zinda Mangwaye Toh Me Kaha Se Launga? Tu Inhe Mere Paas Zinda Kyu Nahi Laaya?
Haaris Ne Kaha Agar Zinda Laata Toh Sehar Wale Mere Se Cheen Lete Aur Me Inaam Se
Mehrum Reh Jaata.
Ibne Jyaad Ne Kaha Tune Mujhe Khabar Ki Hoti. Me Khufiya Taur Par Manga Leta.
Haaris Chup Ho Gaya. Ibne Jyaad Ne Makatil Naami Ek Shakhs Jo Muhibbe (Ahle Bait Tha)
Ko Hukm Diya Ki Iss Kabees Ko Nahar-E-Furaat Par Le Jaake Qatl Kardo. Jaha In Dono
Baccho Ke Sar Daale Gaye Hai Wahi Inke Dhad Bhi Daal Do.
Makatil Yeh Hukm Sunkar Bahot Khush Hua. Haaris Ka Haath Pakadkar Apne Raazdaro Se
Kehne Laga Ki Agar Ibne Jyaad Mujhe Tamam Mulk De Deta Tab Bhi Mujhe Itni Khushi
Nahi Hoti Jitni Iss Hukm Se Hui.
Phir Makatil Ne Haaris Ke Haath Baandhe, Seer Nanga Kiya Sare Bazaar Lekar Chala.
Baccho Ke Sar Logo Ko Dikhate Jaata Tha Log Unhe Dekhkar Rote Aur Haaris Pe Lanat
Karte. Haalaki Makatil Ne Pehle Un Dono Mukaddas Saro Ko Nahar Me Daal Diya. Kudrat-
E-Ilahi Se Dono Ke Tan Paani Ke Upar Aakar Saro Se Mil Gaye Aur Phir Paani Me Dub Gaye.
Phir Makatil Ne Zaalim Haaris Ko Bhi Wahi Qatl Kar Diya Aur Uski Laash Ko Furaat Me Feka
Toh Furaat Ne Use Qabool Nahi Kiya Aur Bahar Feke Diya. Phir Use Zamin Me Dabaya Toh
Zamin Ne Bhi Qabool Nahi Kiya Aur Bahar Fek Diya.
Aankhirkaar Lakdiya Jama Kar Ke Use Jala Diya Gaya.
(Tazkira, Safa-50)

Qurbaani Kya Hai? …..

Hazrat Ibraahim (Alaihi Salaam) Ne Ek Raat Khwab Me Dekha Ki Koi Shakhs Gaib Se Aawaz
Deta Hai. Kehta Hai Ki,
“Aye Ibrahim…! Tumhe Khuda Ka Hukm Hai Ki Apne Bete Ko Raah-E-Khuda Me Zibaah
Kardo”
Chunki, Nabiyon Ka Khwaab Saccha Aur “WAHI” Ki Qism Se Hota Hai Isliye Aap Apne
Mehboob Bete Hazrat Ismail (Alaihi Salaam) Ko Allah Ta’ala Ki Raah Me Qurbaan Karne Ko
Taiyyar Ho gaye.

6|Page
Chunki, Hazrat Ismaail(Alaihi Salaam) Abhi Kam-Umr The, Isliye Aapne Unse Sirf Itna Kaha
Ki Beta Rassi Aur Ek Churi Le Kar Mere Sath Chalo. Chunanche, Apne Bete Ko Leker Aap Ek
Jungal Me Pahunche…

Hazrat Ismaail (Alaihi Salaam) Ne Pucha, Abbajaan! Aap Yeh Churi Aur Rassi Le kar Kyun
Chalte Hain?
Farmaaya “Aage Chal kar Ek Qurbani Zabaah Karenge”
Phir Aage Chal kar Hazrat Ibrahim (Alaihi Salaam) Ne Saaf-Saaf Bayaan Farmaa Diya Aur
Kaha “Beta! Main Allah Ta’ala Ki Raah Me Tumhe Hi Zabaah Karne Aaya Hun, Maine
Khwaab Me Dekha Hai Ki Tumhe Zabaah Kar Raha Hoon…
Beta! Yeh Allah Ta’ala Ki Marzi Hai, Bata Tumhari Marzi Kya Hai?”

Hazrat Ismaail (Alaihi Salaam) Ne Jawaab Diya

“Abbajaan! Jab Allah Ta’ala Ki Marzi Yahi Hai Toh Phir Meri Marzi Ka Kya Sawaal? Aapko
Jis Baat Ka Hukm Hua Hai, Aap Woh Kijiye! Insha-Allah Main Sabr Karke Dikhaounga…”!

Bete Ka Yeh Zurrat Aamez Jawaab Sun Kar Hazrat Ibrahim (Alaihi Salaam) Bade Khush Hue
Aur Apne Bete Ko Allah Ta’ala Ki Raah Me Zibaah Karne Par Taiyyar Ho gaye!
Jab Aapne Apne Bete Ko Maathe Ke Bal Litaaya Aur Gardhan Par Churi Rakhi Aur Use
Chalaya Toh Churi Ne Gardhan-A-Ismaail Ko Bilkul Na Kaata!
Aapne Aur Zorse Churi Chalayi Toh Awaaz Aayi, “Bas Aye Ibraahim! Tum Hukm-E-Iaahi Ki
Taamil Kar Chuke Aur Iss Sakht Imtihaan Me Khare Utre…”!
Aapne Mud Kar Dekha Toh Ek Doomba Paas Hi Khada Tha Aur Aapse Keh Raha Tha Ki
Hazrat Ismaail (Alaihi Salaam) Ki Jagah Mujhe Zabaah Kijiye! Aur Inhen Hataa Dijiye,
Chunanche Hazrat Ibraahim (Alaihi Salaam) Ne Uss Doombe Ko Zibaah Farma Diya..!
Hazrat Ismaail (Alaihi Salaam) Uth Baithe Aur Iss Imtihaan Me Kaamyaab Ho gaye!
(Al-Quran : Para-23, Kutub-A-Tafasir)

Sabak :- Allah Waale Allah Ta’ala Ki Raah Me Sab Kuch Qurbaan Karne Par Taiyyar Ho jaate
Hain, Hatta Ki Aulaad Bhi! Fir Aaj Jo Log Allah Ta’ala Ki Raah Me Ek Bakra Bhi Dene Par
Hazaar Heel Wa Hujjat Karte Hain, Unka Khuda Se Kya Taalluk?

Mera Rab Bada Karim Hain …

» Main Gunahgar Sahi! «
Hadees-A-Pak Me Aata Hai Ki Ek Bar Nabi-A-Karim (Sallallahu-Ta’aala-Alaihi-Wasallam) Ne
Vaaz(Irshad) Farmaya, Bada Asardar Vaaz Tha Ki Sahaba-A-Kiraam (Radi-Allahu-Ta’aala-
Anhum) Ke Dilon Per Bada Asar Hua! Ek Sahabi Unchi Awaaz Se Rone Lag Gaye! Nabi-A-
Karim (Sallallahu-Ta’aala-Alaihi-Wasallam) Ne Vaaz Ke Baad Farmaya Ki, Allah Ko Inka
Rona Itna Pasand Aaya Ki Unki Wajahse Mehfil Ke Jitne Log The Sabki Magfirat Kerdi Gayi!
“Subhanallah”

7|Page
Sabak :- Agar Mehfil Me Ek Ka Rona Rab Ko Pasand Aajata Hain Toh Allah-Ta’aala Baaki
Sabki Duayen Bhi Kabul Kerleta Hain! Aap Bhi Ba-Qaiyadgi Se, Pabandi Se Mehfilon Me
Jaya Karen! Aur Yeh Bhi Dil Me Niyat Leker Baitha Karen Ki, Mai Gunahgar Sahi, Khatahkar
Sahi, Meri Zubaan Zhooti Sahi Magar Mera Rab Bada Karim Hain Aur Mere Aaka Ki
Duayen Hain, Aur Iss Mehfilon Me Kitne Allah Ke Bande Hoge Jinke Amal Allah Ke Yahan
Maqbool Hoge, Lihaja Mai Bhi Inke Sath Dua Maanguga Toh Parwardigar In Nekon Ke Sath
Milker Meri Duaon Ko Bhi Kabul Farma Lega!
(Sukoon-A-Khana Pg-259-60)

Ba-Shartain Auraton Me Rang-A-Haya Ho …..

» Auraton Me Rang-A-Haya «
Hiqayat :- Uthbi Ne Zikr Kiya Ki Ek Shayir Ka Auraton Per Guzar Hua Aur Usko Unki Kuch
Ajeeb Si Shaan Malum Hui, Toh Usne Kehna Shuru Kerdiya Ki- “Auratain Hamare Liye
Shaitaan Paida Ki Gayi Hain! Ham Shayateen Ke Shar Se Allah Ki Panaah Maangte Hain!”
Unn Auraton Me Se Ek Ne Usko Jawab Diya Ki- “Auratain Tumahre Liye Guldasta Paida Ki
Gayi Hain Aur Tum Sab Hi Phoolon Ke Soongne Ki Khwaish Rakhte Ho!”
(Kitabul-Ajkiya, Al-Imaam Ibne Jauji Pg-435)

Sabak :- Auratain Mard Keliye Wakayi Guldasta Hain! Ba-Shartain Ki Unmay Rang-A-Haya
Ho! Boo-A-Wafa Ho! Aur Agar Unmay Yeh Rang Wa Boo Nahi Aur Wo Guldaan Me Nazar
Na Aaye To Fir Wakayi Ba-Qaul Uthbi Shaitaan Hain Aur Aisi Maadar-Pidar, Aazaad Aur
Uryani Wa Be-Hijaab Auraton Se Ham Allah Ki Panaah Maangte Hain!

Sharm Se Mehroom Jis Aurat Ki Hojaye Nigaah.

Uske Shar Se Maangiyega Apne Allah Se Panaah!

Wali Ki Nek Biwi …..

» Wali Ki Nek Biwi «

Hazrat Haatim Asam (Rehmatullah Ta’aala Alah) Ek Martaba Kahin Baaher Safar Me Jane
Lage Toh Apni Biwi Se Farmaya Ki Main 4 Mahine Tak Baaher Rahuga Tumahre Waaste
Kis-Qadr Kharch Muhaiyya Ker Jaoun? Unohne Jawab Diya Ki Jis-Qadr Aapko Meri Zindagi
Manzoor Hain! Hazrat Ne Farmaya Tumahri Zindagi Mere Hath Me To Nahi! Biwi Saahiba
Ne Jawaab Diya, Toh Meri Rozi Bhi Aapke Hath Me Nahi Hain! Hazrat Haatim Jab Chale
Gaye Toh Ek Budiya Ne Hazrat Ki Biwi Se Pucha Ki Haatim Aapke Waaste Kitni Rozi Chhod
Gaye Hain! Unohne Jawab Diya Ki Hazrat Haatim To Khud Hi Rozi Khane Wale The! Jo
Khane Wala Tha, Wo Chala Gaya Aur Jo Dene Wala Hain Wo Yahin Hain!
(Tazkiratul Auliya Pg-301)

8|Page
Sabak :- Huzoor (Sallallahu-Ta’aala-Alaihi-Wasallam) Ki Ummat Me Aisi Paak-Baaz
Auratain Bhi Guzri Hain Jo Badi Nek Aur Haq-Ta’aala Per Kaamil Ehtemaad Aur Bharosa
Rakhne Wali Thi! Fir Jo Mard Hoker Bhi Allah-Ta’aala Per Ehtemaad, Bharosa Na Rakhe
Toh Kis-Qadr Gaafil Hain!

Agar Kisika Shoher Jannat Naseeb Ho Aur ……

» Muahada « : Ummul Momineen Hazrat Umme Salma (Radi-Allahu-Ta’aala-Anha) Farmati
Hain, Maine Ek Bar Apne Shoher Abu-Salma Se Kaha, Mujhe Malum Hain Agar Kisika
Shoher Jannat Naseeb Ho Aur Aurat Uske Baad Dusra Nikaah Na Kare To Allah-Ta’aala
Aurat Ko Bhi Shoher Ke Sath Jannat Me Jagah Deta Hain! Yahi Surat Mard Ke Liye Hain Toh
Aao Ham-Tum Muahada Kerlen! Na Tum Hamare Baad Nikah Karo Na Ham Tumahre Baad!
Hazrat Abu-Salma Ne Jawab Diya, Kya Tum Meri Ita-At Karogi? Umme Salma Ne Kaha,
Siway Aapki Ita-At Ke Mujhe Kis Baat Me Khushi Ho Sakti Hain? Abu-Salma Ne Kaha Jab
Main Marjaoun To Mere Baad Tum Nikaah Kerlena! Fir Abu-Salma Ne Dua Maangi, Ya
Allah! Mere Baad Umme Salma Ko Mujhse Behter Jaa-Nasheen Ata Farmana! Hazrat
Umme Salma Farmati Hain, Jab Abu-Salma Ka Inteqaal Hogaya Toh Main Apne Dil Hi Me
Kehti Thi! Abu-Salma Se Behter Kaun Hoga? Uske Kuch Dino Baad Mera Nikaah Huzoor
(Sallallahu-Ta’aala-Alaihi-Wasallam) Se Hogaya! Jo Saari Qainaat Se Behter Hain!
(Tabkaat, Jild-8, Pg-61)

Sabak:- Hazrat Ummul-Momineen Umme Salma (Radi-Allahu-Ta’aala-Anha) Badi Khush-

Naseeb Hain Ki Pehle Shoher Ki Dua Ke Mutabiq Uneh Na Sirf Unih Se Behter Balki Saari
Qainaat Se Behter Shoher Milgaya!
(Sallallahu-Ta’aala-Alaihi-Wasallam Wa Radi-Allahu-Ta’aala-Anha)

Khuda Ki Ayat Munkir-Nakeer Ke Sawaal Ke Baare Me …..

∗ Munkir-Nakeer Ke Sawaal
Huzoor (Sallallahu Alaihi Wasallam) Ki Fhoofi Hazrat Safiya (Radi-Allahu-Ta’aala-Anha) Ka
Inteqaal Hua To Huzoor (Sallallahu Alaihi Wasallam) Unki Qabr Per Khade Hue Aur
Farmane Lage!
“Aye Fhoofi! Keh Dijiye Ki Mera Nabi Mohammad Mera Bhatija Hain”
Logon Ne Kaha,
Ya Rasoolallah! Yeh Kya Baat Hain? Farmaya, Iss Waqt Munkir-Nakeer Safiya Se Sawaal
Ker Rahe Hain Ki Tera Deen Kya Hain? Aur Wo Bilkul Hairaan Wa Pareshaan Hain! Maine
Unse Keh Diya Hain Ki Aap Inse Jawab Me Yeh Keh De Ki Mera Nabi Mohammad Mera
Bhatija Hain!
Haazireen Ne Arz Kiya, Ya Rasoolallah! Apni Fhoofi Ko Toh Aapne Talkin Kerdi! Hame Kaun
Talkin Karega? Usper Khuda-Ta’aala Ne Yeh Aayat Naazil Farmayi-
“Yu-Sabbitulla-Hui-Lazina-Aamanu-Bil-Qaulis-Saabiti-Fil-Hayatid-Duniya-Wa-Fil-Aakhirah”

Imaam Raazi Alaihir-Rehmaan Ne Farmaya Ki Qaul-A-Saabit Se Muraad Bande Ka Yeh

Kehna Hain Ki,
Khuda Mera Rab Hain! Mohammad Mera Nabi! Aur Deen Mera Islam Hain! Kyonki Yeh
Aayat Munkir-Nakeer Ke Sawaal Ke Baare Me Naazil Hui Hain!
(Nujjahtul-Majalis, Jild-1, Pg-54)

9|Page
SABAK :-
Qabr Me Har Maiyyat Ke Paas Munkir-Nakeer Aate Hain Aur Pehla(1) Sawaal Yeh Karte
Hain Ki Tera Rab Kaun Hain?
Dusra(2) Yeh Ki Tera Deen Kya Hain? Aur Tisra(3) Huzoor (Sallallahu Alaihi Wasallam) Ke
Mutaallik Ki Unke Haq Me Tu Kya Kehta Hain?
Pehle 2 Sawaal Ka Sahi Jawab Dene Ke Ba-Wajudh Najaat Ka Daromadar Tisre Sawaal Ke
Sahi Jawab Dene Per Hain! Isliye Huzoor (Sallallahu Alaihi Wasallam) Ne Apni Fhoofi Ko
Jaamay Jawab Dene Ki Talkin Farmayi Ki Yun Keh Dijiye Mera Nabi Mohammad Mera
Bhatija Hain! Goya Huzoor (Sallallahu Alaihi Wasallam) Ko Jisne Apna Nabi Maan Liya
Usne ALLAH Ko Rab Maan Liya Aur Islam Ko Apna Deen Bhi Maan Liya! Aur Jisne Huzoor
(Sallallahu Alaihi Wasallam) Ko Nabi Na Maana! Wo Laakh ALLAH Ko Rab Maane Aur Islam
Ko Apna Deen Kehta Fhire Wo Naazi Hargiz Nahi Balki Paaji Hain!
Yeh Bhi Malum Hua Ki Huzoor (Sallallahu Alaihi Wasallam) Ne Fhoofi Ko Jo Yeh Talkin
Farmayi Ki Wo Jawab Me Mujhe Apna Bhatija Batayen! Toh Goya Huzoor Ne Iss Nasbi
Taalluk Ko Bhi Mujib-A-Najaat Karaar Diya! Fir Jis Muqaddas Maa Ka Yeh Nabi Mohammad
(Sallallahu Alaihi Wasallam) Beta Ho Uski Najaat Me Kaun Shak Ker Sakta Hain? Aur
Yeh Bhi Malum Hua Ki Huzoor Ki Nazar Me Na Sirf Yeh Aalam Hi Hain Balki Aalam-A-
Barzak Bhi Hain! Jabhi Toh Aapne Farmaya, Ki “Qabr Me Meri Fhoofi Se Deen Ke Mutaallik
Sawaal Ho raha Hain, Aur
Yeh Bhi Malum Hua Ki Murde Sunte Bhi Hain Warna Huzoor (Sallallahu Alaihi Wasallam)
Ka Apni Fhoofi Se Yeh Khitaab Farmana Bekaar Tha, (Maaz-ALLAH) Kyonki Na Fhoofi Sunti
Aur Na Huzoor Talkin Farmuda Jawab Dete Aur
Yeh Bhi Malum Hua Ki Huzoor Ke Sadqe Me ALLAH-TA’AALA Ham Gunahgaron Ko Bhi
“QAUL-A-SAABIT” Per Saabit Kadam Rakhker Munkir-Nakeer Ke Sawalaat Ke Jawabaat
Hamper Aasaan Farma Dega!

Rasool Allah Ka Haq Bayan ….

Hazrat Abdullah Ibn-e-Umar (Radianllaho Taala Anho) Farmate Hai Ki, Main Jo Kuchh
Rasool Allah (Salallaho Alayhe Wasallam) Se Sunta To Yaad Rehne Ki Garaj Se Use Likh Liya
Karta Tha, Quresh Ne Mujhe Mana Kiya Ki Har Baat Jo Tum Huzoor (Salallaho Alayhe
Wasallam) Se Sunte Ho Likh Lete Ho, Huzoor (Salallaho Alayhe Wasallam) Ke Mooh
Mubarak Se Bashariyat Ki Wajah Se Kabhi Gusse Ki Haalat Me Kuchh Nikal Jaata Hai, Yeh
Sunkar Me Likhne Se Ruk Gaya, Aur Ye Baat Huzoor (Salallaho Alayhe Wasallam) Se Keh
Di,
Huzoor (Salallaho Alayhe Wasallam) Ne Apne Mooh Mubarak Ki Taraf Ungli Se Ishara
Karke Farmaya: Beshak Likho Ki Is Mooh Se Har Haal Me Jo Bhi Nikalata Hai Haq Hi
Nikalata Hai.
( Abu Dawood, Jild-1, Safaa- 257 )

Sabab : Aaj Ka Ghafil Ummati Jo Apni Jubaan Se Gandi Gandi Baatein Nikalata Hai Aur Phir
Apne Aapko Huzoor Salallaho Alayhe Wasallam Ke Misla Hone Ka Daawa Karta Hai To
Kitna Bada Zaahil Wa Ganwaar Hai

10 | P a g e
Paani par Patthar ka Tairna …..
♥ Mojza-e-Rasool Allah : Paani par Patthar Ka Tairna ♥
Ek Martaba Huzoor (Salallaho Alayhe Wasallam) Ek Taalab Ke Kinare Tashrif Farmaa The Ki
Wahan Abu Zahal Ka Beta Iqrama (Razianllaho Anho, Aap Baad Me Musalman Ho Gaye
The) Aaya Aur Kehne Laga- Agar Aap Sache Ho To Wo Jo Taalab Ke Dusre Kinare Par
Pathhar Padaa Hai Use Hukm Dijiye Ki Wah Paani Par Tairta Hua Aapke Paas Pahuch Jaaye
Aur Dube Nahi!
Huzoor (Salallaho Alayhe Wasallam) Ne Uss Pathhar Ki Taraf Ishara Farmakar Kaha Mere
Paas Aao, Toh Pathhar Usi Waqt Apni Jagah Se Ukhadkar Paani Me Aa Gaya Aur Paani Par
Tairata Hua Huzoor (Salallaho Alayhe Wasallam) Ki Khidmat Me Haazir Ho Gaya Aur Ba
Aawaz Buland Kalima Shareef Padhne Laga, Huzoor (Salallaho Alayhe Wasallam) Ne
Ikrama Se Farmaya- Bas Ya Kuchh Aur Hai, Ikrama Ne Kaha Ab Use Kahiye Ki Wah Wapis
Apne Muqam Par Chala Jaaye To Huzoor (Salallaho Alayhe Wasallam) Ne Phir Us Pathhar
Ko Irshad Farmaya To Wah Wapis Tairta Hua Apni Jagah Chala Gaya,
(Tafshir-E-Raazi, Zild/8, Safaa/466)

Sabak :
Hamare Huzoor (Salallaho Alayhe Wasallam) Ke Beshumar Moazzizat Me Se Aapka Ye Bhi
Moazziza Hai Ki Pathhar Ko Paani Par Taira Diya.

Momin Ki Firasat Se Daro ….

Hazrat Junaid Baghdadi (Rahmatullah Alayh) Ke Zamaane Me Ek Majoosi Rehta Tha, Ek Roj
Usne Apne Gale Me Ek Jannar (Ek Kism Ka Dora Jo Majoosi Bandhte The) Pahena Aur Uske
Upar Musalmano Ka Libaas Pahenkar Hazrat Junaid Baghdadi (Rahmatullah Alayh) Ke Pass
Aaya Aur Kehne Laga Ki Mai Ek Hadees Ka Matlab Puchhne Aaya Hoon, Wah Hadees Ye
Hai Ki:
Tarjuma: “Momin Ki Firasat Se Daro, Is Liye Ki Wo Allah Ke Noor Se Dekhta Hai”. Is Hadees
Ka Matlab Kya Hai?
Hazrat Junaid Baghdadi (Rahmatullah Alayh) Muskuraye Aur Farmaya Ki, “Hadees Ka
Matlab Ye Hai Ki Tu Apna Jannar Tod, Kufra Choro Aur Kalma Padhkar Musalman Hoja,
Majoosi Ne Jab Ye Suna To Fauran Imaan Le Aaya Aur Musalman Ho Gaya”.
(Tazkiratul Auliya, Safaa- 433)

Sabak : Allah Ke Maqbool Bande Jo Sahi Maaino Me Saahibe Imaan Hote Hai Unki Nazar
Se Koi Baat Poshida Baat Chhupi Nahi Rehti, Woallah Ke Noor Se Sabkuchh Dekhte Hai
Phir Jo Khud Sarwar E Aalam Huzoor Salallaho Alayhe Wasallam Ke Jinke Sadqe Me In
Allah Walo Ko Aisi Nazar Ataa Hoti Hai Ki Qayenaat Ki Koi Shai Poshida Nahi Reh Sakti,
Aurjo Apne Ghar Me Kya Ho Raha Hai Uska Haal Nahi Rakhte Aur Huzoor Ki Misl Hone Ki
Baat Kahe Wo Kitne Bade Ganwaar Hai

11 | P a g e
Hazrat Isa Alaihi Salam Ka Zamana Paane Ki Khaber ….
•••» KARAMAAT-A-GAUS-A-AAZAM «•••
””””””””””””””””””””””””””””””
» Hazrat Isa Alaihi Salam Ka Zamana Paane Ki Khaber Dena:-

Aapke Sahab-Zaade Hazrat Abdul Wahab Rehmatullah Ta’aala Alaihi Ke 5 Bete The! Un
Mayse Ek Hazrat Sayyad Jamalullah Aapke Hum-Shakl Aur Hum-Shabih Aur Nihayat Khub-
Sirat The! Aapne Unse Farmaya Ki Teri Umr Lambi Hogi, Tu Zamana Hazrat Isa Alaihi Salam
Ka Payega! Mera Salam Unki Khidmat May Pahuchana! To Wo Abhi Zinda Aur Maujudh
Hain Aur 7 Abdaal Mayse Ek Abdaal Hain Aur Shaher Bistaan May Tehre Hue Hain!

(Masalikul Saalikeen, Pg-345)

*********************************
TASHRIH:-
”””””””””’
Is Karamat Se Malum Hua Ki Hazrat Sayyad Jamalullah Rehmatullah Ta’aala Alaihi,
Sayyadina Gaus-A-Aazam Rehmatullah Ta’aala Alaihi Ke Zamane Se Zinda Hain Aur Zinda
Rahege, Yahan Tak Ki Wo Hazrat Isa Alaihi Salam Ka Zamana Pa Lege! Jabki Hazrat Isa
Alaihi Salam Chauthe Aasmaan Se Duniya May Dobara Tashrif Layege, Jaise Ki Hadees
Sharif May Aaya Hain! Hazrat Sayyad Jamalullah Rehmatullah Ta’aala Alaihi Ki Us Waqt
Maut Nahi Hogi Jabtak Ki Sayyadina Gaus-A-Aazam Rehmatullah Ta’aala Alaihi Ka Salam
Hazrat Isa Alaihi Salam Ko Na Pahucha De! Kyonki Hazrat Gaus-A-Aazam Rehmatullah
Ta’aala Alaihi Ka Farmaan Saccha Hain Aur Pura Hoker Rahega! Hazrat Jamalullah
Rehmatullah Alaihi Un 7 Abdaalon Mayse Ek Hain Jo Shaher Bistaan May Hain! Isse Malum
Hua Ki Aapko Koi Nahi Pehchaanta Hoga Siwaye Auliya-A-Kaamileen Ke!
Dusra Jaise Ki Hazrat Khizr Alaihi Salam Ko Hamesha Ki Zindagi Mili, Aab-A-Hayaat Pine Ki
Wajahse Yani Qayamat Tak Aap Zinda Rahege, Fir Qudrati Maut Aayegi Uski Jaise Hazrat
Jamalullah Rehmatullah Alaihi Ka Maamla Hain Ki Sayyadina Gaus-A-Aazam Rehmatullah
Ta’aala Alaihi Ke Zamane Se Hazrat Isa Alaihi Salam Ke Zamane Tak Aapka Zinda Rehna
Saaf Hain, Iske Baad Bhi Kabtak Rahege Iska Zikr Nahi! Yeh Aapki Azim Karamaton Mayse
Hain!
Malum Hua Ki Hazrat Sayyadina Gaus-A-Aazam Rehmatullah Ta’aala Alaihi Ka Farmaan
Aab-A-Hayaat Ka Darja Rakhta Hain!

Ek Habsheen Kaneez ….
∗ Habsheen Kaneez ∗ HIQAYAT
Ek Din Haroon Rashid Ne Apne Khidmatgaron Per Ashrafiyan Nichawar Ki, Tamaam
Kaneez Gulamon Ne To Looti Magar Ek Habsheen Kaneez Ne Unki Taraf Dyaan Bhi Na
Kiya! Haroon Rashid Ne Usse Uska Sabab Pucha, Toh Usne Jawab Diya, Aye Baadshah!
Main Dirham Wa Dinaar Ki Parwaah Nahi Karti! Main Toh Dirham Wa Dinaar Wale Ko
Chahti Hoon! Jiske Aap Hogaye Sab Kuch Usi Ka Hain!
Haroon Rashid Iss Jawab Se Itna Khush Hua Ki Use Apne Nikaah Me Le Liya!
(Nujjahtul-Majalis, Jild-1, Pg-116)

12 | P a g e
SABAK:- ALLAH Ke Nek Aur Ba-Wafa Bande Wo Hain Jo Duniyawi Daulat Wa Maal Ki Taraf
Dyaan Na Kare! Daulat Wa Maal Ke Khaliq Wa Maalik ALLAH Ko Chahe! Aise Bande Ko
Khuda Apni Panaah Me Le Leta Hain Aur Khuda Ka Ho jane Ke Bayis Saari Khudayi Uski Ho
jati Hain!
Yeh Kirdaar Tha Ek Habsheen Aurat Ka Aur Aajkal Ki Modern Aurat Ka Kirdaar?

Use Kya Garaz Shoher Ki Chah Se,

Use Agar Pyaar Hain To Uski Tankhwa Se!

Hazrat Aadam (Alaihi Salaam) Ki 5 Wasihatain ……

•» 5 NASIHATAIN «•
Hazrat Aadam Alaihi Salam Ne Apne Bete Shish (Alaihi Salam) Ko 5 Baaton Ki Wasihat Ki
Aur Farmaya, Apni Aulaad Ko Bhi Yahi Wasiyat Karna,
1. Aarzi Duniya Per Mutmayin Na Hona, Main Jawedaani Jannat Me Mutmayin Tha, Allah
Taala Ne Mujhe Wahan Se Nikaal Diya!
2. Auraton Ki Khwayishat Per Kaam Na Karna! Maine Apni Biwi Ki Khwaish Per Shajer-A-
Mamnua Kha Liya Aur Sharmindagi Uthayi!
3. Har Ek Kaam Karne Se Pehle Uska Anjaam Soch Leta To Jannat Se Na Nikaala Jata!
4. Jis Kaam Se Tumahra Dil Mutmayin Na Ho Uss Kaam Ko Na Karo Kyonki Jab Maine
Shajer-A-Mamnua Khaya To Mera Dil Mutmayin Na Tha Magar Mai Uske Khane Se Baaz
Na Raha!
5. Kaam Karne Se Pehle Mashwara Kerliya Karo Kyonki Agar Mai Farishton Se Mashwara
Kerleta To Mujhe Yeh Taklif Na Uthani Padti!
(Mukashfatul Kulub, Pg-166)

Ek Khubsurat Aurat Aur Hazrat Junaid ……..

∗ Ek Khubsurat Aurat Aur Hazrat Junaid ∗

Hiqayat:- Ek Aurat Hazrat Junaid Baghdaadi (Alaihir Rehmaan) Ke Paas Aaker Kehne Lagi,
Mera Shohar Dusra Nikah Karna Chahta Hain! Farmaya, Agar Is Waqt Uske Nikah Me 4
Auratain Nahi Hain Toh Use Dusra Nikah Jayez Hain! Aurat Ne Kaha, Aye Junaid! Agar Gair
Mard Ko Auraton Ki Taraf Dekhna Jayez Hota Toh Main Apna Chehra Kholker Aapko
Dikhati Taaki Aap Mujhe Dekhker Kehte Ki Jiske Nikah Me Mere Jaisi Khubsurat Aurat Ho
Use Mere Siwa Dusri Aurat Ki Taraf Ragbat Karna Layak Hain Ki Nahi?
Hazrat Junaid Baghdaadi (Alaihir Rehmaan) Aurat Ki Yeh Guftagu Sunker Be-Hosh Hogaye!
Jab Hosh Me Aaye Toh Kisine Uska Sabab Pucha! To Farmaya, Mere Zahen May Is Waqt
Yeh Khayaal Aaya Ki Haq-Ta’aala Farmata Hain, Agar Duniya Me Kisi Ko Mujhe Dekhna
Jayez Hota Toh Main Apna Hijaab Uthaker Usper Jaahir Hojata Ki Wo Mujhe Dekhta, Fir
Uss Waqt Maloom Hota Ki Jiska Mujh Jaisa Rab Ho Uske Dil Me Mere Gair Ki Mohabbat
Hona Chahiye Ki Nahi?
(Nujjahtul-Majalis, Jild-1, Pg-45)

13 | P a g e
Sabak:- Saccha Musalman Wo Hain Jo Apne Dil May Khuda Hi Ki Mohabbat Rakhe Aur
Uske Gair Yani Boothon Wagaira Duniya Ki Mohabbat Dil May Na Aane De! Usi Ke Rasool
Ki Ita-at Kare, Usi Ke Nizaam Ko Apnaye Aur Usi Ke Ahkaam Per Chale!
Maulana Roomi Alaihir Rehmaan Ne Likha Hain Ki Ek Aawaara Aadmi Ek Aurat Ke Piche-
Piche Chalne Laga! Aurat Ne Jo Dekha Ki Koi Aawaara Uska Picha Ker Raha Hain To
Moodker Usse Puchne Lagi! Kya Baat Hain? Jo Tum Mera Picha Kar Rahe Ho? Wo Bola,
Mujhe Tumse Mohabbat Hain! Isliye Tumahre Piche-Piche Aaraha Hoon! Aurat Boli, Agar
Mohabbat Karni Hain To Meri Choti Bahen Jo Mujhse Zyada Khubsurat Hain Aur Wo
Dekho Mere Piche Aarahi Hain, Usse Mohabbat Karo! Aawaara Aadmi Ne Piche Moodker
Jo Dekha To Aurat Ne Zor Se Use Laat Maari Aur Kaha, Zhoote Aashiq, Dawaa Meri
Mohabbat Ka Aur Dekhta Hain Dusri Taraf? Jao Tumeh Aazma Liya! Tum Aawaara Aadmi
Ho! Sacche Aashiq Nahi!
Isi Tarah Jo Shaks Padhta To “La-Ilaha-Illallah-Mohammadur-Rasoolullah” Aur Dekhta Ho
Kisi Aur Leader Wa Nizaam Ki Taraf…. To Jaan Lijiye! Wo Nakaara Aadmi Hain Aur Zhoota
Musalman!

Dawaa Islam May Sacche Ho Agar,

Gair Ki Jaanib Uthe Fir Kyon Nazar!

Ek Pari Jamaal Aurat …

•» Ek Pari Jamaal Aurat «•
*****************************
HIQAYAT:-
Hajjaaj Ne Ek Pari Jamaal Aurat Se Nikah Kiya Magar Aurat Ko Usse Nafrat Thi! Usne Ek
Roz Khalifa-A-Waqt Ke Paas Paigham Bheja Ki Aap Hajjaaj Ko Hukm Farmayen Ki Wo
Mujhe Talaak De De Aur Aap Mujhse Nikah Karlen! Khalifa Ne Aisa Hi Kiya! Hajjaaj Ne
Khane Ke Waqt Shahi Dasterkhan Per Baitker Gosht Ka Ek Lukma Mooh May Daalker
Nikala, Aur Khalifa Ke Aage Rakh Diya! Khalifa Ne Is Amr Ka Inkishaaf (Wajah, Matlab)
Chaha! To Kaha Ki Aap Meri Zhooti Ki Hui Chiz Ko Kaise Kha Sakte Hain? Khalifa Samajh
Gaya Aur Apne Irade Se Baaz Aagaya!
(Nujjahtul-Majalis, Baab Zikrunnisa, Jild-2, Pg-10)

SABAK
Jamaal Ki Pari Se Wafa Bhari Aurat Behter Hain! Isliye Ki Use Apne Husn Per Naaz Aur
Khawindh Ki Tankhwah (Salary) Se Pyar Hota Hain Aur Use Apne Shoher Per Naaz Aur Uski
Mohabbat Bhari Nigah Se Pyar Hota Hain!
Huzoor SALLALLAHU-TA’AALA-ALAIhI-WASALLAM Ka Irshad Hain Ki Rishta Karte Waqt Koi
Husn Wa Jamaal Ko Dekhta Hain Aur Koi Daulat Wa Maal Dekhta Hain! Tum Sabse Pehle
Deen Ko Dekho!

14 | P a g e
 Deen Hoga To Zaujain (Miyan-Biwi) May Ek Dusre Ke Huquq Malhuz (Lihaaz Karna)
Rahege! Yeh Bhi Malun Hua Ki Pari Jamaal Magribi Tehzeeb Ne Musalamn Se Kaha Hain Ki
Tum Islami Tehzeeb Ko Chhod Do Aur Mujhe Apna Lo! Magar Saccha Musalman Use Yeh
Jawab Deta Hain Ki Tum Sekdon Aaiyashon Ki Zhooti Ho Mujhe Tumse Kya Garaz?

Maa Ki Be-Karaari …….

MAA KI BE-KARAARI
*************************
WAQIYA :- Ek Sipahi Tha Fauj Ka Jiska Naam Subkatgin Tha! Ghar May Bahoat Tangi Thi,
Uske Paas Ek Ghoda Tha Jisper Sawaar Hoker Yeh Kabhi-Kabhi Shikaar Khelne Chala Jata!
Shikaar Miljata To Ghar May Kuch Khana-Pina Hojata Tha! Na Milata To Ghar May Faaka
Hota!
Ek Bar Yeh Shikaar Ki Niyat Se Ja Raha Tha Ki Isne Ek Hirni Ko Dekha Jiske Sath Chotasa
Baccha Tha! Usne Apna Ghoda Jo Uske Piche Daudaya To Hirni To Bhaag Gayi Magar
Chhota Baccha Na Bhaag Saka To Isne Us Bacche Ko Pakad Liya! Jab Maa Ne Dekha Ki
Mere Bacche Ko Is Aadmi Ne Pakad Liya, To Bhaagti Hui Hirni Fir Wapas Aagayi Aur Usne
Iske Karib Aaker Apni Is Be-Karaari Ka Izhaar Karna Shuru Kerdiya! Aasmaan Ki Taraf Mooh
Uthati Thi Aur Dard Bhari Awaaz Nikaalti Thi! Yeh Rahem Dil Insaan Tha Samajh Gaya Ki
Yeh Maa Be-Karaar Hain, Ki Mera Beta Is Shikaari Ke Hath May Chala Gaya!
Lihaza Isne Uske Be-Karaari Ko Dekhte Hue Uske Bacche Ko Chhod Diya! Wo Maa Apne
Bacche Ko Lekar Chali Gayi! Yeh Wapas Aaya, Raat Ko Soya To Khwab May Usko Nabi-A-
Karim SALLALLAhU-TA’AALA-ALAIHI-WASALLAM Ka Dedaar Nasib Hua! Huzoor
SALLALLAHU-TA’AALA-ALAIHI-WASALLAM Ne Irshad Farmaya Ki Tune Ek Maa Ki Be-
Karaari Ko Dekhker Usper Rahem Khaya! Yeh Tera Amal ALLAH Ko Itna Pasand Aaya Ki
ALLAH-TA’AALA Tujhe Duniya Ka Taaj Ata Farmayega Aur Tune Uska Beta Wapas Kiya
Uske Badle ALLAH-TA’AALA Tujhe Beta Ata Farmayega, Lehaza Uske Yahan Beta Hua Jiska
Naam Sultan Mehmood Gaznawi Rakha Gaya Jo Pure Hindustan Ka Fateh Bana Aur ALLAH
Rabbul Izzat Ne Is Garib Ko Ek Baadshah Ka Baap Banne Ki Taufiq Ata Farmayi!
(SuKoon-A-Khana, Pg-220)
********************************
SABAK :- Agar Jaanwar Jaisi Maa Ki Be-Karaari Ka Khayaal Rakha Jaye To Insaan Ko Duniya
Ki Shahi Milti Hain! Yeh Naujawaan Bacche Aur Bacchiyan Yeh Baat Kaan Kholker Sunlen
Ki Agar Apni Maa Ki Be-Karaari Ke Dauraan Uske Sath Mohabbat Ka Muamla Karege To
ALLAH-TA’AALA Uneh Duniya Aur Deen Ki Baadshahi Ata Farmayega!
ALLAH-TA’AALA Hamari Kothayiyon Se Darguzar Farmayen Aur Hame Nekon Kaari Aur
Parhezgari Ki Zindagi Ata Farmayen!
“AAMEEN YA RABBUL AALAMEEN”

15 | P a g e
Deendar Khatoon …..

» Deendar Khatoon «

Hiqayat :- Abu-Zafar Saayiz Kehte Hain, Ek Aurat Bahoat Deendar Thi Aur Uske Shab Wa
Roz (Din-Raat) Yaad-A-Khuda May Sarf Hote The! Wo Apne Shoher Se Kaha Karti, Uttho
Kabtak Neendh Ke Maze Lete Rahoge! Khwab-A-Gaflat Se Be-Daar Hojao! Yeh Madh-Hoshi
Kabtak Rahegi! Yeh Bhi Kehti Aapko Khuda Ki Qasam Hain Rizk Halaal Tarike Se Kamayiye!
Apni Maa Ki Khidmat Kijiye, Rishtedaron Ki Khabardaari Kijiye! Warna ALLAH Aapse
Naraaz Hojayega!
-: (Auraton Ki Hiqayatain, Pg-136)

Sabak :- Nek Aur Paras Aurat Ke Din Raat Yaad-A-Khuda Me Sarf Hote Hain Aur Wo Dusron
Ko Bhi Hatta Ki Apne Shoher Ko Bhi Yaad-A-Khuda Ka Der’s Deti Hain! Aur Rizk-A-Halaal Ka
Sabak Deti Hain! Maa-Baap Ki Khidmat Per Bhi Ubhaarti Hain Aur Rishtedaron Se Bhi
Accha Suluk Karne Ki Hidayat Deti Hain!

Ek Wali Ki Waalida Ki Wafaat …..

» Ek Wali Ki Waalida Ki Wafaat «
Hiqayat :- Ek Wali Ke Baare Me Aata Hain Ki Unki Maa Ki Wafaat Hui, Toh ALLAH-TA’AALA
Ne Ilhaam Farmaya, Aye Mere Pyare Bande! Jiski Duayen Teri Hifazat Kiya Karti Thi Wo
Hasti Hamare Paas Aa Gayi Ab Zara Sambhalker Qadam Uthana!
(Sukoon-A-Khana, Pg-220-21)

Sabak :- Khush-Nasib Hain Wo Log Jinke Maa-Baap Zinda Hain! Wo Khidmat Karke ALLAH-
TA’AALA Ke Yahan Apna Martaba Bada Len Aur Jinke Maa-Baap Fauth Ho Chuke Hain
Ramzanul Mubarak Ke Is Mahine May Unki Taraf Se Sadqaat Karen, Khairaat Karen Aur
Unke Liya Duayen Karen!
ALLAH Rabbul Izzat Aage Unke Darjaat Bulandh Farmayen Aur Hame Iss Shari-at Ke Masle
Me Sahi Samjh Ata Farmayen!
“Aameen Summa Aameen”

Maa Ki Dua Ka Asar …….

•» Maa Ki Dua Ka Asar «
**************************
HIQAYAT :- Salim Ibne Ayyub Farmate Hain! Main 10 Baras Ka Tha, Aur Mujhse Sur-A-
Fateha Tak Nahi Padhi Jati Thi! To Baaz Mashayik Ne Mujhse Farmaya Ki Tu Apni Maa Se
Ilteja Ker Ki Wo Tere Liya Quraan Aur Ilm Keliye Dua Kare! Maine Apne Ilm Keliye Dua
Karayi! Ibne Subki Farmate Hain, Maa Ki Dua Ka Asar Aisa Hua Ki Hazrat Salim Ibne Ayyub
Aise Zabardast Aalim Hue Ki Koi Aalim Unka Laga Na Khaata Tha Aur Wo Goya Aise
Sawaar The Ki Koi Inki Gardh Na Paata Aur Nishaan-A-Kadam Tak Na Pahuch Sakta Tha!
(Nujjahtul-Majalis, Babul-Walidain, Jild-1, Pg-166)

16 | P a g e
SABAK :- Maa Ka Bahoat Bada Darja Hain! Maa Ki Dua Apne Bacchon Keliye Dilse Nikalti
Hain! Isiliye Ba-Qaul-A-Shayer-

“Baat Jo Dilse Nikalti Hain Asar Rakhti Hain”

Maa Ki Dua Maqbool Hoti Hain, Sur-A-Fateha Tak Na Padh Sakne Wala Maa Ki Dua Se
Jalilul-Qadr Aur Be-Nazir Aalim Bangaya, Lekin Yeh Maa Pehle Zamane Ki Maa Thi Aur
Aajkal Ki Modern Maayen Dua Maangti Hain Ki Munna Bada Hoker Koi Bada Afsar Bane,
Thanedar Bane Aur Angrez Nazar Aaye, Angrezi Bole! Goya Mera Yeh Phool Bada Hoker
Mujhe Phool Samjhe!

Maa Ke Kadam Mubarak …….

∗ Maa Ke Kadam Mubarak ∗

Ek Roz Ek Shaks Ne Hazrat Abu-Ishaaq Se Zikr Kiya Ki Raat Ko Khwab Me Maine Aapki
Daadi Yakoot Wa Jawahiraat Se Murassa (Jadi Hui) Dekhi Hain! Abu-Ishaaq Farmane Lage,
Tune Sach Kaha Raat Maine Apni Maa Ke Kadam Choome The! Yeh Uski Barkat Hain Aur
Fir Ek Hadees Sunayi Ki

Huzoor (Sallallahu Alaihay Wasallam) Farmate Hain! Khuda-Ta’aala Ne Loh-A-Mehfuz Per

Yeh Likh Diya Hain Ki-
“Main Khuda Hoon, Mere Siwa Koi Poojne Ke Layak Nahi, Jis Shaks Ke Walidain Usper
Raazi Hoge Main Bhi Usse Raazi Hoon!”

(Nujjahtul-Majalis, Baab Birrul-Walidain, Jild-1, Pg-168)

SABAK:- Huzoor SALLALLAHU-TA’AALA-ALAIHI-WASALLAM Ka Irshad Hain Ki Aakhir

Zamane May “Akka-Ummu-Hu-Wa-Ata-A-Jaujat-Hu”
- (Mishkaat)
Aadmi Maa Ka Nafarmaan Aur Biwi Ka Taabedar Ban Jayega! Is Kism Ke Logon Se Maa Ke
Kadam Choomne Ki Tawakku Abas Hain! Haan Aise Log Biwiyon Ke Kadam Zaroor
Choomte Hain! Maa Ke Kadam Choone Ki Barkat Se Hazrat Ishaaq Ki Daadi Yahoot Aur
Jawahiraat Se Murassa Hogayi Aur Aajkal Maa Ke Kadmon Se Dur Rehne Ki Ba-Daulat
Daadi Gayeb Hogayi! Wo Ek Bujurg Insaan Ki Nek Maa Ke Kadmon Ki Barkat Thi Ki Daadi
Ke Baalon Se Yakoot Wa Jawahir Jud Gaye Aur Yeh Modern Shoher Ki Modern Biwi Ke
Kadmon Ki Nuhusat (Manhusiyat) Hain Ki Daadi Ke Baal Bhi Udgaye!

Mard Hoker Mard Ka Chehra Nahi,

Kyonki Rukh Pe Reshe Ka Sehra Nahi!

17 | P a g e
Aurat Ke Sath Ek Shaitaan Aur Haseen ….
» Amradh Ek Fithna Hain «
Hadees:- Hazrat-A-Abdullah Bin Umar (Radi-Allahu-Ta’aala-Anhu) Ghar Se Baaher Baithe
The Ki Ek Haseen Ladka (Amradh, Hijdaa) Aata Hua Nazar Aaya! Aap Daudker Ghar Me
Ghus Gaye Aur Darwaza Bandh Kerliya! Kuch Der Baad Pucha Fithna Chala Gaya Ya Nahi?
Logon Ne Kaha Chala Gaya, Tab Aap Baaher Tashrif Laye Aur Farmaya, Nabi Ka Farmaan
Hain, Unki(Amradh, Hijdaa) Taraf Dekhna, Baat Karna Aur Unke Paas Baitna Haraam Hain!

Janab-A-Kazi Imaam Rehmatullah Ta’aala Alaihi Ka Qaul Hain, Maine Baaz Mashayik Se
Suna Hain Ki Aurat Ke Sath Ek Shaitaan Aur Haseen Ladke Ke Sath 18 Shaitaan Hote Hain!
Riwayat Hain Ki Jisne Shehwat (Sex Ke Irade) Ke Sath Bosa Diya Wo 500 Saal Jahannam Me
Jalega Aur Jisne Kisi Aurat Ka Bosa Liya Usne Goya 70 Koonwari Khawateen Ke Sath Zina
Kiya Aur Jisne Kisi Koonwari Aurat Se Zina Kiya Usne Goya 70 Hazaar Shadi-Shuda Auraton
Se Zina Kiya!
(Mukashfatul Kulub, Pg-149)

TAA-AT KI HAQIQAT …..

•»TAA-AT KI HAQIQAT«•
*************************
Taa-at Ki Haqiqat ALLAH-TA’AALA Ki Maarefat, Khauf-A-Khuda, ALLAH-TA’AALA Se Ummid
Aur Har Waqt ALLAH-TA’AALA Ki Taraf Ruju Hona Hain, Wo Banda Jo Inn Khubiyon Se
Khali Hota Hain Wo Imaan Ki Haqiqat Ko Nahi Pa Sakta! Lihaza Ita-at Us Waqt Tak Sahi
Nahi Hoti Jabtak Ki Banda ALLAH-TA’AALA Ki Maarefat Aur Us Be-Misl, Be-Misaal Qaadir
Wa Khaliq Rabbe Juljalaal Ki Tamaam Sifaton Per Imaan Nahi Lata!

Ek Badhwi Ne Hazrat Mohammad Bin Ali Bin Hussain Radi-Allahu-Ta’aala-Anhu Se Arz Ki,
Ki Tumne ALLAH Ko Dekha Hain?
Us Ki Ibadat Karte Ho?
Aapne Farmaya, Haan! Dekhker Ibadat Karta Hoon!
Pucha, Wo Kaise?
Aapne Farmaya, Wo Aankhon Ke Noor Se Nahi Dil Ke Idraaq Se Dekha Jata Hain, Use
Hawaas Nahi Pa Sakte, Wo Apni Anginat Nishaniyon Se Pehchana Jata Hain, Be-Andaza
Ausaaf Se Mausoof Hain! Wo Kisi Per Zulm Nahi Karta, Wo Aasmaan Wa Zameen Ka
Maalik Hain Aur Uske Siwa Koi Maa-Budh Nahi Hain!
Badhwi Be-Saakhta Keh Utha ALLAH Jaanta Hain Ki Use Kis Gharane May Apna Rasool
Bhejna Hain!
(Mukashfatul Kulub, Pg-163)

18 | P a g e
Haazir Wa Naazir ……
» Haazir Wa Naazir «
Hazrat Imaam Tirmizi Wa Saahib-A-Mishkaat (Radi-Allahu-Anhum) Ka Aqida :-

Hazrat Salma (Radi-Allahu-Ta’aala-Anha) Jo Huzoor-A-Aqdas (Sallallahu-Ta’aala-Alaihi-

Wasallam) Ke Azaad Kiye Hue Gulam Hazrat Abu Raafe-A (Radi-Allahu-Ta’aala-Anhu) Ki
Biwi Hain, Unohne Farmaya Ki, Mai Ummul-Momineen Hazrat Umme Salma (Radi-Allahu-
Ta’aala-Anha) Ki Khidmat Me Haazir Hui Toh Dekha Wo Ro Rahi Hain! Maine Arz Kiya Aap
Roti Kyon Hain?
Unohne Farmaya Ki Maine Rasool Allah (Sallallahu-Ta’aala-Alaihi-Wasallam) Ko Khwab Me
Dekha Ki Unke Sir-A-Mubarak Aur Reesh-A-Aqdas (Daadi) Per Gardh-O-Gubaar Hai!
Maine Arz Kiya, Ya Rasoolallah! Aapka Yeh Kya Haal Hai?
Farmaya Mai Abhi Hussain Ki Shahadatgah Per Haazir Hua Tha!
(Tirmizi, Mishkaat Pg-570)

Tashrih :-
Huzoor Sayyad-A-Aalam (Sallallahu-Ta’aala-Alaihi-Wasallam) Ka Madina Munavwara Se
Qarbala Sharif Ke Maidaan-A-Jung Me Jana Aur Wahan Ke Halaat Ko Mulahiza Farmana,
Haazir Wa Naazir Ke Maana Hai!
Hazrat Imaam Tirmizi Aur Saahib-A-Mishkaat Allama Khatib Tabrezi (Alaihir-Rehmaan-
Wer-Rizwaan) Ne Apni-Apni Kitaabon Me Iss Hadees Sharif Ko Likhker Apna Yeh Aqida
Saabit Ker Diya Ki Huzoor (Sallallahu-Ta’aala-Alaihi-Wasallam) Haazir-Naazir Hai!

Aise Gunah Jinke Baad Nadamat Aur Sharmindagi Ho ……

Hazrat Abu Darda Radi-Allahu-Ta’aala-Anhu Se Marwi Hain, Unohne Huzoor Sallallahu-
Ta’aala-Alaihi-Wasallam Se Arz Kiya, Mujhe Wasiyat Farmayiye, Aapne Farmaya :
Pakeeza Hunar Ikhtiyar Kar, Nek Amal Ker, Allah-Ta’aala Se Har Din Ki Rozi Talab Kerta Reh
Aur Apne Aapko Murdon Me Shumaar Kar! Aur Har Insaan Ke Liye Zaruri Hain Ki Wo Apne
Nek Aamaal Per Na Itrayen Kyonki Yeh Aamaal Ke Liye Ek Azeem Halaqat Hain! Aisa
Aadmi Amal Karke Allah-Ta’aala Per Ehsaan Dharta Hain, Halaanki Use Yeh Ilm Nahi Hota
Ki Uska Amal Maqbool Hua Ya Nahi!
Aise Gunah Jinke Baad Nadamat Aur Sharmindagi Ho Us Ibadat Se Acche Hain Jis May
Takabbur Aur Dikhawa Shamil Ho!
(Mukashfatul Kulub, Pg-173)

Jannati Aurat Ki Pehchaan ….

★ Jannati Aurat Ki Pehchaan ★
Hadees :- Hadees Paak Me Hain Ki Nabi-A-Kareem (Sallallahu Alaihay Wasallam) Ne Irshad
Farmaya Ki, Tumeh Jannati Aurat Ke Baare Me Na Bataoun? Toh Sahaba Ne Arz Kiya, Aye
ALLAH Ke Rasool Zaroor Batayen! Toh Nabi-A-Karim (Sallallahu Alaihay Wasallam) Ne
Farmaya Ki,

19 | P a g e
Har Wo Aurat Jo Shoher Se Bahoat Mohabbat Karne Wali, Zyada Bacche Janne (Paida
Karne) Waali, Jab Uska Shoher Naraaz Ho Toh Wo Apne Shohar Ke Hath Me Hath Deker
Kahe Ki Uss Waqt Tak Iss Jagah Se Nahi Hilungi Jabtak Ki Aap Mujhse Raazi Nahi Hojayege!
Toh Jitni Bhi Nabi-A-Karim (Sallallahu Alaihay Wasallam) Ne Nishaniyan Batayin Ki Jannati
Aurat Wo Hoti Hain Ki Jo Shoher Se Be-Panaah Mohabbat Karne Wali Ho, Aulaad Wali Ho
Aur Agar Kabhi Uska Shoher Kisi Baat Per Naraaz Ho Toh Wo Apne Shoher Ke Hath Me
Apna Hath Deker Kahe Main Tumahri Hoon Aur Yahan Se Nahi Hatungi Jabtak Ki Aap
Mujhse Raazi Nahi Hojayege, Iss Tarah Manalen!
Yeh Manane Ka Amal ALLAH-TA’AALA Ko Itna Pasand Hain Ki ALLAH Ke Mehboob Ne
Jannati Aurat Ki Pehchaan Batayi Aur Aajkal Ki Kayi Biwiyan Aisi Baat Karti Hain Ki Jaan-
Bujker Khawindh(Shohar) Ko Sataati Hain, Uska Dil Dukhati Hain! Un Auraton Ko Jannat Ki
Hawa Bhi Nahi Lagegi!
(Sukoon-A-Khana, Pg-130-31)

IFTAAR KE WAQT DUA ….

» IFTAAR KE WAQT DUA «
*****************************
NASIHAT :- Ramzanul Mubarak May Kabuliyat-A-Dua Ke Bade Mauke Hain! Ek Baat Zara
Gaur Kijiye, Ek Nukta Samajhna Maqsood Hain, Agar Maanlo ALLAH-TA’AALA Ka Koi Bada
Kaamil Wali, Koi Bada Aarif, Koi Bada Muttaki, Pakbaaz Insaan Aapko Batayen Ki Mujhe
Kashf May, Ya Khwab May Yeh Bataya Gaya Hain Ki Is Waqt Jo Dua Maangoge Wo Kabul
Hogi, Yeh Dua Ke Kabul Hone Ka Waqt Hain To Yeh Baat Sunker Aap Kaise Dua Maangoge?
Khub Ro-Roker, Badi Tawajjoh Ke Sath, Badi Aah Wa Jaari Ke Sath Apne Liye Bhi
Maangoge, Ghar-Bhaar Keliye Bhi Maangege, Rishtedaron Keliye Bhi Maangege, Aam
Musalmano Keliye Bhi, Sabke Liye Acchi-Acchi Duayen Maangege Aur Aap Kehege Main
Bada Khush-Nasib Hoon Ki Mujhe Pata Chalgaya Ki Is Waqt Ki Duayen Kabul Hoti Hain To
Jitni Duayen Maang Sakta Hoon Maanglu!
Agar Wali Ke Kehne Per Aapki Yeh Kaifiyat Hain To Waliyon Ke Sardar, Farishton Ke
Sardar, Ambiya Aur Rasoolon Ke Sardar Hazrat Mohammad Mustafa SALLALLAHU-
TA’AALA-ALAIHI-WASALLAM Ne Irshad Farmaya Ki Rozadar Aadmi Iftaar Ke Waqt Jo Dua
Karta Hain ALLAH-TA’AALA Uski Duaon Ko Kabul Farmata Hain!
To Ab Hame Iftaar Ke Waqt Kitne Ehtimaam Se Dua Maangni Chahiye! Hamari Zubaane
Zhooti Hi Sahi Magar Mehboob Ne Sacchi Zubaan-A-Mubarak Se Farma Diya! ALLAH
Rabbul-Izzat Unki Sacchi Zubaan-A-Mubarak Ki Laaj Rakhte Hue Hum Gunahgaron Ki
Zhooti Zabaano Se Nikli Hui Duaoun Ko Kabul Farma Lega!
Agar Kisi Aadmi Ka Beta Waida Kerlen To Baap Uski Laaj Rakhta Hain To Kya Khayaal Hain
Ki Agar Huzoor SALLALLAHU-TA’AALA-ALAIHI-WASALLAM Ne Farma Diya To ALLAH
Rabbul-Izzat Apne Mehboob Ki Laaj Nahi Rakhega?
(Sukoon-A-Khana Pg-236-37)

20 | P a g e
Ilm-E-Gaib-E-Nabi-E-Paak : Ek Chor ki Pehchan ….
★ Ilm-E-Gaib-E-Nabi-E-Paak (Sallallahu Ta’ala Alayhi Wasallam) Hikayat ★

Ek Martaba Huzoor (Sallallahu-Ta’ala-Alaihi-Wasallam) Ne Hazrat Abu Hurairah (Radi-

Allahu-Ta’ala-Anhu) Ko Sadqa-E-Fitr Ki Hifazat Ke Liye Mukarrar Farmaya! Hazrat Abu-
Hurairah (Radi-Allahu-Ta’ala-Anhu) Raat Bhar Uss Maal Ki Hifazat Farmate Rahe!
Ek Raat Ek Chor Aaya Aur Maal Churane Laga! Hazrat Abu-Hurairah Ne Use Dekh Liya!
Usse Pakad Liya! Farmaya, Mai Tujhe Huzoor (Sallallahu- Ta’ala-Alaihi-Wasallam) Ki
Khidmat Me Pesh Karunga!
Uss Chor Ne Minnat-Samajat Karna Shuru Kardi! Kaha, Khudara! Mujhe Chhod Do Mai
Sahib-E-Aayaal (Biwi-Bachche Wala) Hoon Aur Mohtaaj Hoon!
Hazrat Abu-Hurairah Ko Reham Aagaya Aur Use Chhod Diya! Subah Hazrat Abu-Hurairah
Jab Bargah-E-Risalat Me Haazir Huye Toh Huzoor Ne Mushkura Kar Farmaya, Abu-
Hurairah! Wo Raat Wale Tumhare Qaidi (Chor) Ne Kya Kiya?
Hazrat Abu-Hurairah Ne Arz Kiya, Ya Rasool Allah! Usne Apni Ayaaldari Aur Mohtaaji
Bayaan Ki Toh Mujhe Reham Aagaya Aur Maine Chhod Diya!
Huzoor Ne Farmaya, Usne Tumse Jhoot Bola! Khabardar Rehna! Aaj Raat Wo Fir Aayega!

Hazrat Abu-Hurairah Kehte Hain Ki Mai Dusri Raat Bhi Uske Intejaar Me Raha! Kya Dekhta
Hoon Ki Wo Waakayi Fir Aa Pahuncha Aur Maal Churane Laga! Maine Fir Use Pakad Liya!
Usne Fir Minnat-Khushamad Ki Aur Mujhe Fir Rahem Aagaya Aur Maine Fir Chhod Diya,
Subah Jab Huzoor Ki Bargah Me Haazir Hua To Huzoor Ne Fir Farmaya,
Abu Hurairah! Wo Raat Wale Qaidi Ne Kya Kiya? Maine Fir Arz Kiya, Ki Ya Rasool Allah!
Wo Apni Haajat Bayaan Karne Laga Toh Mujhe Rahem Aagaya Aur Maine Fir Use Chhod
Diya!

Huzoor Ne Farmaya, Usne Tumse Jhoot Kaha, Khabardar! Aaj Wo Fir Aayega!
Hazrat Abu-Hurairah Kehte Hain Ki Tisri Raat Wo Fir Aaya! Maine Use Pakadkar Kaha Ki
Kambakhat Aaj Na Chhodunga Aur Huzoor Ke Paas Zarur Le Kar Jaaunga! Wo Bola, Hazrat
Abu-Hurairah! Main Tumhe Kuchh Aise Kalimaat Sikhana Chahta Hoon Jinko Padhne Se
Tum Nafa Me Rahoge! Suno!
Jab Sone Lago Toh Aayatul-Kursi Padhkar Soya Karo! Isse Allah Tumhari Hifazat Farmayega
Aur Shaitaan Tumhare Nazdiq Nahi Aa Sakega! Hazrat Abu-Hurairah Kehte Hain Wo Mujhe
Yeh Kalimaat Sikhakar Mujhse Rihayi Pa Gaya! Maine Jab Subah Huzoor Ki Bargah Me Yeh
Saara Kissa Bayaan Kiya Toh Huzoor Ne Farmaya, Usne Yeh Baat Sachchi Kahi Hai! Halaaki
Khud Wo Bada Jhoota Hai! Kya Tum Jaante Ho, Aye Abu-Huraira, Ki Wo 3 Raat Aane Wala
Kaun Tha? Maine Arz Kiya, Nahi Ya Rasool Allah! Main Nahi Jaanta! Toh Huzoor Ne
Farmaya, Wo Shaitaan Tha!
(Mishkaat Sharif Page-177)

21 | P a g e
Sabaq:- Hamare Huzoor (Sallallahu-Ta’ala-Alaihi-Wasallam) Guzre Hue Aur Hone Wale Sab
Waqiyaat Ko Jaante Hain! Hazrat Abu-Hurairah (Radhi Allahu Ta’ala Anhu) Ke Paas Raat Ko
Chor Aaya To Huzoor Ne Khud Hi Farmaya Ki Abu-Huraira Ki Raat Ke Qaidi Ne Kya Kiya? Fir
Yeh Bhi Farmaya Ki Aaj Fir Aayega! Chunanche, Wahi Kuchh Hua Jo Huzoor Ne Farmaya!
Malum Hua Ki Huzoor (Sallallahu-Ta’ala-Alaihi-Wasallam) Aalim-E-Ma-Ka-Na-Wa-Ma-
Yakun Hain!

Namroodh Ki Momin Ladki ….

•» Namroodh Ki Ladki «•
***************************
HIQAYAT
Namroodh Ki Ek Kamsin Ladki Ne Apne Baap Se Kaha, Abbajaan! Mujhe Ijazat Dijiye Ki
Main Ibrahim Ko Aag May Jalta Hua Dekhun! Namroodh Ne Ijazat De Di Aur Usne Aag Ke
Karib Pahuchker Hazrat Ibrahim Alaihi Salam Ko Dekha Ki Aapke Irdh-Girdh Aag Bhadak
Rahi Hain! Usne Kisi Unchi Jagah Per Chadker Dekha To Aag Ke Sholay Aasmaan Se Baatain
Ker Rahe The, Magar Hazrat Ibrahim Alaihi Salam Bilkul Sahi-Saalim Tashrif Farma Rahe
The! Hairat May Aaker Puchne Lagi, Ibrahim Itni Badi Aag Tumeh Jalati Kyon Nahi?
Farmaya, Jiski Zubaan Per “Bismillah-Hir-Rehmaan-Nir-Rahim” Jaari Ho Aur Dil May Khuda
Ki Maarifat Ka Noor Ho, Usper Aag Ka Asar Nahi Hota! Ladki Boli, Ibrahim! Main Bhi
Tumahre Paas Aana Chahti Hoon, Magar Charon Taraf To Aag Ke Sholay Bhadak Rahe
Hain! Aaoun Kaise? Farmaya, “Laa-Ilaaha-Illallah-Ibrahim-Rasoolullah” Kehker Be-Khauf
Chali Aao! Ladki Ne Is Pak Kalime Ko Padha Aur Fauran Aag May Koodh Padi! Khuda Ki
Qudrat Aag Usper Sardh Hogayi, Aur Wo Usme Sahi-Saalim Zinda Rahi!
Jab Hazrat Ibrahim Ke Paas Se Apne Ghar Wapas Aayi Aur Baap Ko Saari Sar-Gujasht
Sunayi To Namroodh Ne Kaha, Dekh Main Tere Bhale Ki Kehta Hoon! Deen-A-Ibrahim Se
Baaz Aa! Aur Boothon Ki Pooja Se Mooh Na Fher Warna Accha Na Hoga! Namroodh Ne
Agarche Ladki Ko Bahoat Daraya-Dhamkaya Magar Usne Ek Na Maani Aakhir Mal-oun
Namroodh Ne Us Khuda Ki Pyari Per Badi Sakhtiyan Ki, Jab Uski Sakhtiyan Hadh Se
Badgayi To Khuda Ke Hukm Se Hazrat Zibrayil Aaye Aur Us Khuda Ki Pyari Ko Wahan Se
Uthaker Hazrat Ibrahim Alaihi Salam Ke Paas Pahucha Diya! Hazrat Ibrahim Alaihi Salam
Ne Use Apne Ladke Ke Nikah May De Diya! Jisse Ulul-Azm Paighamber Paida Hue!
(Nujjahtul-Majalis, Kitaabuz-Zikr Jild-1, Pg-54)

********************************
SABAK
Khuda Ki Ek Shaan Yeh Bhi Hain! “Yukrijul-Haiyyi-Minal-Maiyyat” Murde Se Zinda Ko Paida
Kerdeta Hain! Namroodh Jaise Kaafir Se ALLAH Ne Aisi Momina Ladki Paida Ki Jo
Paighambaron Ki Maa Bani!
Malum Hua Ki Jiski Zubaan Per Kalima-A-Tauhidh Jaari Ho Aur Dil May Irfaan-Baari Ho Wo
Aag Se Bari Hain! Deen Se Pyar Ki Ba-Daulat Namroodh Ki Beti Per Bhi Aag Gulzaar Hogayi!

22 | P a g e
Baap Ko Chhoda Magar Deen Se Mooh Na Moda! Yeh Hain Paak-Baaz Momina Aurat Ka
Kirdaar! Aur Namroodh Ki Ladki Ki Khush-Kismati Dekhiye Ki Kaafir Ki Beti Hoker
Paighamberon Ki Maa Bangayi Aur Aaj Musalman Ki Betiyaan Hoker Hippiyon Aur
Tiddiyon Ki Maayen Bangayi!
Aye Meri Maa-Behno! Namroodh Ki Beti Ki Tarah Zubaano Per Kalma Jaari Rakkho Aur Dil
May Irfaan-A-Baari Paida Karo! Musalman Zaadiyaan Bano Aur Mujahidh Wa Gaazi Jano!

Karo Paida Musalman Aur Namazi,

Dhani Talwar Ke Maidaan Ke Gaazi!

Aashik-e-Rasool Hazrat Ali Sher-e-khuda ….

Hazrat Ali Shere Khuda Sab Se Bahadur Va Jarurat Mand, Aap Ko Asddula(Allha Ka Ser)
Kaha Jaata He Aap Ki, Jurrat Va Bahaduri Ke Sekdo Wakiyat He Lekin Aap Ki Ye Jurrat Va
Bahaduri Apni Misaal Hai,
Jab Nabi-E-Karim Sallallhu Alayehi Waslam Ne Makaa Mukrrama Se Hizrat Ka Irada
Farmaya Toh Hazrat Abu Bakar Sidiqe Radiallhu Tala Anhu Ko Sath Liya aur Hazrat Ali Ye
Sere Khuda Ko Apne Bistar Par Let Ne Ka Hukam Diya,
Hazrat Sayedna Ali Sere Khuda Sarkar Ka Hukum Paate Hi Bistar Per Bade Sukun Ke Saath
Chadar Odhakar aur Mote Se Be Niyaaz Hokar Mithi Nind So Gaye.

» Hazrat Imam Fakharudin Razi Radiallhahu Tala Anhu Farmate He Ke Jab Huzure Akdas
Sallallahu Alayehi Waslam Hazrat Ali-ye-Murtuza Sere Khuda Ko Apne Bistar Mubaarak
Par Sulakar Tasrif Le Gae Toh Allha Tala Ne Hazrat Jibril Alayehis Salam Va Hazrat Mikail
Alayehis Salam Se Farmaya Ke:
“Jao aur Ali-ye-Murtuza Ki Hifazat Karo Jo Mere Mehebub Par Jaan Fida Karne Ke Liye
Tayyar He.
Toh Hazrat Jibrail Alayehis Salam Hazrat Aliye Murtuza Ke Sar Ki Taraf Khade Ho Gaye aur
Hazrat Mikail Alayehis Salam Paav Ki Jaanib Khade Ho Gaye aur Hazrat Jibrail Alayehis
Salam Pukar Uthe Vah Vah Aye Ali Bin Abi Talib!
Aaj Is Waqat Koun Tum Jesa Khus Nasib He Allha Tala Malaika Ke Saamne Tumhari Iss
Jaanisari aur Bahaduri Par Fakhar Farma Raha he…. Khedo Subhanallha.

» Allha Tala Har Momin Iman Walo Ko Hazart Ali Sere Khuda Se Mohebbat Karne Ki Tofike
Rafik Ata Farmaye… Ameen
“Wo Moka-E- Hizrat Ho Ya Juge Ohud Ho.
Har Haal Me Sarkar Par Kurbaan Ali He.”

23 | P a g e
AASMAAN KA RONA ………..
•» AASMAAN KA RONA «• HIQAYAT
Madina Munavwara May Ek Bar Sukha Padgaya! Baarish Hoti Hi Na Thi! Log Ummul-
Momineen Hazrat Aayesha Siddiqa Radi-Allahu-Ta’aala-Anha Ki Khidmat May Faryaad
Leker Haazir Hue! Hazrat Ummul-Momineen Radi-Allahu-Ta’aala-Anha Ne Farmaya,
Huzoor SALLALLAHU-TA’AALA-ALAIHI-WASALLAM Ki Qabr-A-Anwar Per Se Chath May Ek
Suraakh Kerdo, Taaki Aasmaan Aur Qabr-A-Anwar May Koi Hijaab Na Rahe!
Chunanche, Logon Ne Aisa Hi Kiya To Is Qadr Baarish Hui Ki Khetiyaan Hari-Bhari Hogayi
Aur Jaanwar Mote Hogaye(Tandurust Hogaye)!

(Mishkaat Sharif, Pg-527)

»» SABAK:-
Hamare Huzoor SALLALLAHU-TA’AALA-ALAIHI-WASALLAM Ka Faiz Pak Visaal Sharif Ke
Baad Bhi Ba-Dastur Jari Hain! Huzoor Ki Qabr-A-Anwar Ki Ziyarat Se Har Aankh Aasuoan
Ke Phool Barsane Lagti Hain! Yeh Bhi Malum Hua Ki ALLAH Se Kuch Pane Ke liye Huzoor Ka
Waseela Zaruri Hain!

EK SAKHI AURAT ………

•» EK SAKHI AURAT «•
**********************
Ek Saleh Shaks (Nek Aadmi) Per Tangdasti Ke Din Aagaye Aur Unke Paas Ek Bakri Ke Siwa
Aur Kuch Na Raha! Unki Biwi Badi Nek, Paakbaaz Aur Sakhi Thi! Bakri Eid Ka Din Aaya To
Uske Shoher Ne Bakri Zubah Karne Ka Irada Kiya! Biwi Ne Kaha, Hamko Qurbani Na Karne
Ki Ruksat Hain, Yani Hamper Qurbani Wajib Nahi! Shoher Baaz Raha, Uske Baad Kuch Roz
Ke Baad Unke Ghar Ek Mehmaan Aaya! Biwi Ne Shoher Se Kaha Ki Mehmaan Keliye Bakri
Zubah Kar Daalo! Shoher Is Khayaal Se Ki Bacchon Ko Na-Gawaar Na Guzre, Ghar Se
Baaher Lejaker Bakri Zibah Ki! Aurat Ne Jab Ghar May Baithe-Baithe Jo Uper Nazar Uthayi
To Kya Dekhti Hain Ki Bakri Deewar Per Fhir Rahi Hain! Yahan Tak Ki Wo Niche Utarker
Uske Paas Aagayi, Aurat Ko Gumaan Hua Ki Shayed Bhaag Aayi! Baaher Zhaank Ker Dekha
To Bakri Majbuha (Zibah Ke Halat May) Shoher Ke Saamne Padi Payi Usko Nihayat Khushi
Hui, Aur Usi Khushi Se Kehne Lagi “SUBHANALLAH” ALLAH Ne Hame Uski Bakri Ke A-waz
Aur Acchi Bakri De Di! Us Bakri Ki Khasiyat Yeh Thi Ki Ek Than Se Shahed Aur Dusre Se
Dudh Deti Thi!
(Khairul-Mawanis, Babul-Karam Jild-1, Pg-391)
********************************
SABAK:-
Mehmaan Nawazi Badi Acchi Chiz Aur Huzoor SALLALLAHU-TA’AALA-ALAIHI-WASALLAM
Ki Sunnat Hain! Us Sakhi Aurat Ne Usper Amal Kiya Aur Tangdasti Ke Aalam May Bhi Apni
Bakri Mehmaan Keliye Zubah Karwa Daali! Khuda-Ta’aala Ne Duniya May Bhi Use Yeh Azr
Diya Ki Uske A-waz Ek Aisi Bakri De Di Jismay Jannat Ke Manindh Shahed Aur Dudh Ki
Nehre Jari Thi Aur Aajkal To Mehmaan Aaye To Auratain Yeh Dekhti Hain Ki Hamare Liye
Kya Leker Aaya Hain, Fruit Ki Tokri Bhi Uske Sath Hain Ya Nahi? Agar Nahi To Irshad Hota
Hain! Janab Roti Bhi Taiyyar Hain Aur Gaadi Bhi Taiyyar Hain!
********************************

24 | P a g e
Hum Marne Se Kyon Darte Hain? ….
Hum Marne Se Kyon Darte Hain?
Hiqayat :- Sulemaan Ibne Abdul Malik Ek Martaba Hazrat Abu-Haazim (Alaihir-Rehmaan)
Se Pucha Ki Hum Marne Se Kyon Darte Hain?
Aapne Jawab Diya Ki, Wo Isliye Ki Tumne Duniya Aabaad Ker li Aur Aakhirat Barbaad Ker
Daali! Aabaadi Se Nikalker Viraane Ko Jane Ko Kiska Dil Chahta Hain?
Sulemaan Ne Fir Pucha Ki Qayamat Ke Din Khuda Ke Saamne Pesh Hone Ki Kya Surat Hogi?
Aapne Jawab Diya Ki Nek Aadmi Toh Yun Pesh Hoga Jaise Koi Goomshuda Aadmi Ghar
Laute! Ghar Walon Se Khushi-Khushi Mile! Bure Aadmi Ki Misaal Yun Hogi Jaise Koi
Bhaaga Hua Gulam Pakda Jaye Aur Use Uske Aaka Ke Huzoor Haazir Kiya Jaye! Wo Larajta,
Darta, Aur Kaampta Hua Pesh Ho!
(Rauzul Fayik, Pg-13)

SABAK :- Hame Apni Aakhirat Ki Taiyari Kuch Iss Tarah Karna Chahiye Ki Marne Se Dar Na
Lage! Duniya Se Haste Hue Jaye! Qayamat May Bhaage Gulam ki Tarah Pesh Na Hoker Aise
Pesh Ho Jaise Goomshuda Apne Ghar Pahucha Ho!

La-Ilaha-Illallah-Mohammadur-Rasoolullah
Ek Martaba Huzoor (SALLALLAHU-TA’A ALA-ALAIHI-WASA LLAM) Ne Siddiq-A-Akbar (Radi-
Allahu-Ta’ aala-Anhu) Ko Apni Anghuthi Mubarak Di Aur Farmaya Ki Is Per “La-Ilaha-Illall
ah” Likhwa Lao…

Siddiq-A-Akbar Gaye Aur Anghuthi Per “La-Ilaha-Illall ah” Likhwa Laye, Jab Anghuthi
Huzoor Ki Khidmat May Pesh Ki Toh Usper Likha Tha “La-Ilaha-Illall ah-Mohammadur-R
asoolullah” Aur Uske Sath Hi Siddiq-A-Akbar Ka Apna Naam Bhi Likha Tha!

Huzoor (SALLALLAHU-TA’A ALA-ALAIHI-WASA LLAM) Ne Daryaft Farmaya, Abu-Bakr!

Humne Toh “La-Ilaha-Illall ah” Likhwane Ko Kaha Tha Magar Tumne Hamara Naam Bhi Aur
Apna Naam Bhi Likhwa Laye.
Arz Kiya, Huzoor! (SALLALLAHU-TA’ AALA-ALAIHI-WAS ALLAM) Mera Dil Na Maana Tha Ki
Khuda Ke Naam Ke Sath Aapka Naam Na Ho! Yeh Aapka Naam Toh Maine Hi Likhwaya!

Magar Mera Naam? Yeh Toh Yahan Tak Aate-Aate Hi Likha Gaya Hain. Warna Maine
Hargiz Nahi Likhwaya, Itne May Jibrayil Amin Haazir Hue Aur Arz Kiya, Ya Rasoolallah!
Khuda Ne Farmaya Hain Ki Siddiq Iss Kaam Per Raazi Na Hue Ki Aapka Naam Hamare
Naam Se Juda Karen, Siddiq Ne Aapka Naam Hamare Naam Ke Sath Likhwaya! Humne
Siddiq Ka Naam Aapke Naam Ke
Sath Likh Diya…
(Tafsir-A-Kabir Jild-1, Pg-91)

25 | P a g e
Allah Walo Ko Hasad Wa Nafrat Ki Nigah …..
Allah Taala Ne Jab Hazrat Aadam (Alayhi Salam) Ka Putla Mubarak Taiyar Farmaya Toh
Farishte Hazrat Aadam (Alayhi Salam) Ke Iss Putla Mubarak Ki Ziyarat Karte The Magar
Shaitan Hasad Ki Aag Me Jan Vun Gya.
Ek Martba Uss Mardud Ne Bugz W Kine Me Aakar Hazrat Aadam (Alayhi Salam) Ke Putle
Mubarak Par Thuk Dia. Ye Thuk Hazrat Aadam (Alayhi Salam) Ki Naf Mubarak Ke Makam
Par Padi.
Khuda-E-Taala Ne Hazrat Zibrail Alayhi Salam Ko Hukm Dia Ki Iss Jagah Se Utni Mitti Nikal
Kar Us Mitti Ka Kutta Bana Do !
Chunanche Uss Shaitani Thuk se Mili Mitti Ka Kutta Bana Dia Gya !

Ye Kutta Aadmi se Manus Isliye He Ki Mitti Hazrat Aadam Alayhi Salam Ki He aur
Palid(Ganda) Isliye He Ki Thuk Shaitan Ki He ! Rat Ko Jagta Isliye He Ki Hath Ise Hazrat
Zibrail Ke Lage He !
(Ruhul Bayan Jild 1, Safa 68)

Pata Chala Shaitan Ke Thukne se Hazrat Aadam (Alayhi Salam) Ka Kuch Nhi Bigda Balki
Makam-E-Naf Shikam(Pet)Ke Liye Wajhe Jinat Ban Gaya.
Isi Tarha Allah Walo Ki Bargah Me Gustakhi Karne Se Unn Allah Walo Ka Kuch Nahi Bigadta
Balki
Unki Shan aur bhi Chamakti He. Ye bhi Maloom Hua Ki Allah Walo Ko Hasad Wa Nafrat Ki
Nigah se Dekhna ‘Shaitani Kaam Hai’

Maa Ki Nafrmani Ki Saza ……

★ Maa Ki Nafrmani Ki Saza ★

Ek Shaks Ki Jaankani (Rooh Kabz Hote Waqt) Ke Waqt Kalima-A-Shahadat Padhne Se

Zubaan Bandh Ho Gayi! Huzoor Sallallahu-Ta’aala-Alaihi-Wasallam Uske Paas Tashrif
Legaye Aur Logon Se Daryaft Kiya Ki Kya Yeh Shaks Namaz Parhta Tha? Roze Rakhta Tha?
Kaha Gaya, Haan! Aye Rasool-A-Khuda Sallallahu-Ta’aala-Alaihi-Wasallam Yeh Namaz Bhi
Parhta Tha Aur Roze Bhi Rakhta Tha!
Aapne Farmaya, Kya Usne Apni Maa Ki Nafarmani Bhi Ki Thi?
Arz Ki Haan! Ya Rasoolallah! Wakayi Yeh Ek Maa Ki Nafarmani Karta Tha!
Aapne Uski Maa Ko Bulakar Farmaya! Tu Apne Bacche Ki Khatah Muaf Kerde, Aakhir Hain
Toh Tumahra Hi Lakhte-Jigar!
Maa Ne Inkaar Ker Diya, Kyonki Usne Ek Mauke Per Maa Ki Aankh Fhoad Di Thi, Aur Sakht
Dil Dukhaya Tha!
Aapne Farmaya, Accha Jab Yeh Muaf Nahi Kar Sakti Toh Maa Ke Gustaakh Ka Hashr
Dekho! Bahoatsi Lakdiyan Jama Karo Aur Uneh Aag Laga Do, Aur Use Dahekti Hui Aag Me
Daal Do!
Maa Ne Jab Yeh Baat Suni Toh Be-Tabana Lehje Me Kaha, Ya Rasoolallah! Yeh Mere Pet
Me 9 Mahine Raha Hain 2 Saal Usne Mera Dudh Piya Hain! Use Mai Aag Me Jalte Kaise
Dekh Sakugi? Lijiye Maine Uski Khatayen Muaf Ki!
Udher Maa Ne Muaf Kiya Idher Uske Bacche Ki Zubaan Se Nikla!

26 | P a g e
“Ash-Hadu-An-Laa-Ilaaha-Illallah-Wa-Ash-Hadu-Anna-Mohammadan-Abdahu-Wa-
Rasoolahu!”
(Nujjahtul Majalis, Kitaabuz-Zikr Jild-1, Pg-52)

Sabak :- Malum Hua Ki Maa Ka Bahoat Bada Darja Hain! Maa Ke Be-Adab Wa Gustaakh Ka
Anjaam Accha Nahi Hota! Haan, Agar Maa Muaf Kerde Toh Uski Najaat Mumkin Hain!
Yeh Bhi Malum Hua Ki Aadmi Namaz, Roze Ka Pabandh Hojane Ke Ba-Wajudh Maa Ki Be-
Adbi Karne Se Bhi Jala Dene Ke Kaabil Ho Jata Hain! Toh Jo Shaks Quraan Ka Der’s Bhi De,
Namaz Bhi Padhe, Roza Bhi Rakhe, Daadi Bhi Rakhe, Tablig Bhi Kare Lekin Huzoor
Sallallahu-Ta’aala-Alaihi-Wasallam Ka Be-Adab Ho, Wo Kyon Na Jahannam Ki Aag Me
Jalne Ke Kaabil Hoga!
Namaz Roza Huququllah Hain Aur Maa Ka Adab Huququl-Ibaad Me Se Hain!

Yani Huququllah Ada Na Karne Per Khuda Jise Pakdega Huzoor Apne Shafa-At Se Use
Chuda Lege Aur Jisne Huzoor Ki Haq-Talfi Yani Be-Adbi Ki Hogi Use Agar Huzoor Ne Pakad
Liya, Toh Use Khuda Bhi Nahi Chhodega!

Baargaah-e-Risaalat Ke Aadab ….
∗ Baargaah-e-Risaalat Ke Aadab

Ek Sahabi Hai Jinka Naam Hain Hazrat Kais Bin Shahaas (Radiallahu Ta’ala Anho), Jinko
Ooncha Sun Ne Ki Beemari Thi, Jab Bargaah-e-Risalat Me Haazir Hote Toh Baat Karne Me
Aawaz Oonchi Ho Jaati Toh Bhala RAB Tabarak Ta’ala Ko Ye Kab Manzoor Tha Ke Koi Mere
Habeeb Ke Darbar Me Huzoor Ke Saamne Oonchi Aawaz Me Baat Karey ..

Isrhaad Farmaya:
♥ Al-Quraan : “Aye Imaan Waalo ! Nabi (Salallahu Ta’ala Alaihi Wasallam) Ki Aawaz Par
Apni Aawaze Oonchi Na Karo Aur Unn Ke Hazoor Baat Chilla Kar Na Kaho Jaise Aapas Me
Ek-Dusre Ke Sath Chillate Ho Kahi Tumhare Amal Barbad Na Ho Jaaye Aur Tumhe Khabar
Bhi Na Ho”
(Para-26, Surah Huzraat)

Subhan Allah Kaisa Adab Sikhaya Ke Us Bargaah Risalat Me Haazri Dene Walo Ko Jor Se
Bolne Ki Bhi Ijaazat Nahi , Hazrat Kais Bin Shahaas (Radiallahu Ta’ala Anho) Iss Aayat Ke
Naazil Hone Ke Baad Khauf ki Vajah Se Bargaah-E-Risalat Me Haazir Nahi Huye…

Ek Din Sarkar (Salallahu Ta’ala Alaihi Wasallam) Ne Farmaya Ki Kuch Roz Se Kais Nahi
Aate, Logon Ne Hazrat Kais Bin Shahaas (Radiallahu Ta’ala Anho) Ke Ghar Ja Kar Gair
Haazri Ka Sabab Poocha Toh Farmane Lage. Me Jahannami Ho Gaya Kyun Ki Meri Aawaz
Oonchi Hain Aur Aayat-e-Kareema Ne Irshad Farmaya hain.
Ye Baat Bargaah-e-Risaalat Me Arz Ki Gayi To Huzoor (Salallahu Ta’ala Alaihi Wasallam) Ne
Farmaya Ke
“WO JANNATI HAIN” Yaani Ab Tak Jo Ho Gaya Wo Muaf Hain”.

27 | P a g e
Gustakh-E-Rasool Ka Hashr ……
★ Gustakh-E-Rasool Ko Har Shai Pehchanti Aur Nafrat Karti Hai ★
Hazrat Anas Radi-Allahu-Ta’aala-Anhu Farmate Hain Ki Ek Isayi Musalman Hua Usne Sur-A-
Bakr Aur Sur-A-Aale-Imraan Parhli Fir Wo Nabi-A-Karim Sallallahu-Ta’aala-Alaihi-Wasallam
Ki Bargah Me “Wahi” Ki Kitaabat Karne Laga, Iske Baad Wo Isayi Ho Gaya Aur Kehta Tha Ki
Mohammad Wahi Jaante Hain Jo Maine Likh Diya Hain! Fir Allah-Ta’aala Ne Isko Maut De
Di Aur Logon Ne Ise Dafn Ker Diya,
Agle Din Uski Laash Zameen Per Padi Mili, Kehne Lage Yeh Mohammad Aur Unke Sathiyon
Ne Kiya Hoga Kyonki Yeh Unke Paas Se Bhaagker Aagaya Tha, Isliye Inn Logon Ne Hamare
Aadmi Ki Qabr Khodh Daali!
Dusre Din Inn Logon Ne Iske Liye Aur Gehri Qabr Khodhi Lekin Wo Agle Din Zameen Per
Pada Mila, Kehne Lage Yeh Mohammad Aur Inke Sathiyon Ka Kaam Hain Kyonki Yeh Inke
Paas Se Bhaag Aaya Tha!
Tisre Din Inn Logon Ne Iske Liye Jitni Unke Bas Ki Baat Thi, Utni Gehri Qabr Khodhi! Subah
Hui To Fir Dekha Laash Baaher Padi Hain! Ab Wo Log Samajhe Ki Yeh Insaano Ka Kaam
Nahi Hain (Yani Yeh Sab Kuch Gaib Se Ho Raha Hain) Toh Ise Wahin Pade Rehne Diya!
(Bukhari Jild-1, Baab Almaatin-Nubuwat Pg-511)

Tashrih: Is Hadees Ka Khulasa Yeh Hain Ki Gustakh-E-Rasool Ko Har Shai Pehchanti Aur
Isse Nafrat Karti Hain, Zameen Ne Bhi Iss Be-Adab Ko Kubool Na Kiya Aur Bar-Bar Dafnane
Ke Ba-Wajudh Wo Isse Baaher Nikaalker Fhenk Deti Thi!

Allah Ke Inaam ……
★ Allah Ke Inaam ★
Hiqayat :- Ek Aarif Ne Ek Magroor Shaks Ko Ghode Per Sawaar Dekhker Taajjub Se Pucha,
Bhai! Itna Kyon Akadte Ho? Usne Kaha Ki Main Baadshah Ka Khaas Aadmi Hoon! Wo Sota
Hain To Pehra Deta Hoon, Use Bhook Lagti Hain To Khana Main Khilata Hoon, Pyaas Lagti
Hain To Pani Pilata Hoon Aur Mujhe Din May 3 Bar Pyaar Se Dekhta Hain! Aarif Ne Pucha
Ki Aur Agar Tum Se Kisi Baat Per Khatah (Naraaz, Galti) Hojaye To Kya Hota Hain? Wo
Bola, Kode Lagte Hain Aur Maara Jata Hoon!
Aarif Ne Farmaya, Agar Yeh Baat Hain To Mujhe Tumse Zyada Naaz Wa Fakr Hona
Chahiye, Kyonki Main Jis Baadshah Ka Gulam Hoon Wo Mujhe Khud Khilata-Pilata Hain,
Sojaoun To Meri Hifazat Karta Hain Aur Tanhayi May Monis (Humdam) Banjata Hain!
Mujhse Koi Gaflat Ya Khatah Hojaye To Muaf Bhi Kerdeta Hain Aur Har Roz Din May 360
Martaba Nazr-A-Rehmat Se Mujhe Dekhta Hain!
Wo Baadshah Ka Gulam Is Baat Se Muttassir Hua Aur Ghode Se Uter Pada! Kaha Ki Mujhe
Bhi Us Baadshah Ka Gulam Bana Dijiye!
(Nujjahtul Majalis, Jild-1, Pg-440)
Sabak :- Jo Inaam Wa Ikraam ALLAH Ne Apni Makhluk Per Kiye Hain Aise Inaam Wa Ikraam
Koi Bade Se Bada Baadshah Bhi Nahi Ker Sakta!

28 | P a g e
Taaoun Ke Marizon Ko Shifa Dena …..
» Karamaat-A-Gaus-A-Aazam (Rehmtullah Alaihi) « Taaoun Ke Marizon Ko Shifa Dena:
Ek Martaba Baghdaad Me Taaoun Iss Kasrat Se Hui Ki Rozana Hazaaron Log Marne Lage!
Logon Ne Aapse Iss Baat Ki Shikayat Ki, Aapne Farmaya, Hamare Madarse Ki Ghaas
Kootker Marizon Ko Khilayi Jaye, Allah-Ta’ala Uski Barkat Se Shifa Dega Aur Taaoun Ki
Bimaari Jati Rahegi! Logon Ne Aapke Hukm Ki Taamil Ki, Mariz Shifa Paane Lage! Marizon
Ki Zyada Tadaad Ki Wajahse Aapne Farmaya, Jo Hamare Madarse Ka Ek Katra Paani Pi
Lega Use Bhi Shifa Hogi! Logon Ne Aapke Madarse Ka Pani Piker Shifa-A-Kaamila Haasil Ki
Aur Taaoun Ka Marz Jata Raha Aur Aapke Zamane Me Yeh Bimaari Dobara Nahi Aayi!
(Tafrikhul Khaatir, Pg-78)

Tashrih :- Aapke Madarse Ki Ghaas Aur Paani Me Bhi Allah-Ta’ala Ne Shifa Rakhi Hain!
Aapne Ek Makaam Per Farmaya Ki Jo Shaks Mere Madarse Se Hoker Guzar Jaye Usper
Dozak Ki Aag Haraam Hain! Aapke Madarse Ki Be-Shumaar Barkatain Hain! Yeh Aisa Hi
Hain Jaise Ki Sayyad-A-Aalam (Sallallahu Alaihi Wa Sallam) Ne Farmaya, Ki Meri Qabr Aur
Mimber Ke Darmiyaan Jo Jagah Hain Wo Riyaaz-A-Jannat Hain! Yani Jannat Ki Kiyaari!
Isliye Log Wahan Nafl Padhte Hain Taaki Bakshish Ka Sabab Bane! Jo Riyaazul Jannat May
Pahuch Gaya Wo Goya Jannat May Pahuch Gaya Aur Yeh Ki Sayyad-A-Aalam (Sallallahu
Alaihay Wasallam) Jis Pani May Luaab-A-Dahan (Thoonk) Daalte The Wo Bimaaron Keliye
Shifa Ka Sabab Hota Tha!

Keemti Libaas …..

Hiqayat :- Hazrat Imaam Jafar Sadiq (Radi-Allahu-Ta’aala-Anhu) Ko Logon Ne Dekha Ki Aap
Bada Besh-Keemti Libaas Pehne Hue Hain! Ek Shaks Ne Kaha Ki,
Aye Ibne Rasool! Itna Keemti Libas Ehle-Baith Ko Zeba Nahi! Aapne Uska Hath Pakda Aur
Aastin Ke Ander Khinchker Dikhaya Ki Dekh Yeh Kya Hain? Usne Dekha Ki Niche Aap Taat
Jaisa Khurdura Libaas Pehne Hue Hain! Aapne Farmaya Ki Yeh Khalk Keliye Hain Aur Wo
Khalik Ke Waaste Hain!
(Tazkiratul Auliya Pg-17)

Sabak :- Allah Walon Ke Paas Ba-Jaahir Duniya Nazar Aaye To Kisi Kism Ki Badh-Gumani
Nahi Karna Chahiye! In Allah Walon Ka Dil Duniya Ki Mohabbat Se Bilkul Khali Hoti Hain!

KAFAN CHOR……
» KAFAN CHOR «
”””””””””””””””””
HIQAYAT
Hazrat Haatim Asam Rehmatullah Ta’aala Alai Ek Bar Balkh Shaher May Vaaz Farma Rahe
The! Aapne Vaaz Ke Darmiyan Farmaya Ki, ILAHI! Jo Is Majlis May Sabse Zyada Gunahgar
Hain Usper Apna Raham Farma Aur Us Shaks Ko Baksh De!

29 | P a g e
Ek Kafan Chor Bhi Is Majlis May Maujudh Tha! Jab Raat Hui To Kafan Chor Qabristan May
Gaya Aur Ek Qabr Ko Khodha! Usne Hatif Se Ek Awaaz Suni, Ki Aye Kafan Chor, Tu To Aaj
Din Ko Haatim Asam Ki Majlis Vaaz May Baksh Diya Gaya Hain! Fir Aaj Hi Raat Ko Dobara
Yeh Gunah Kyon Karne Laga?
Kafan Chor Ne Yeh Awaaz Suni To Rone Laga Aur Sacche Dil Se Taayib Hogaya!
(Tazkiratul Auliya, Pg-297)

*********************************
SABAK
””””””’
ALLAH Walon Ki Majlis May Haaziri Se Insaan Khuda Ki Magfirat Wa Bakshish Pa Leta Hain
Aur Gunahon Se Paak Hojata Hain!
*********************************

Geebat Ka Badla …..

» Geebat Ka Badla «
Hiqayat :- Hazrat Hasan Basri (Rahmatullah Alayh) Se Kisi Shaks Ne Aaker Kaha Ki Fala
Shaks Ne Aapki Geebat Ki Hain! Hazrat Hasan Basri Ne Usu Waqt Taza Choo-aare
Mangwaye Aur Ek Tabaak (Thaal) Me Rakhker Uneh Bataur Tohfa Bheja Ki Main Aapka
Shukr-Guzaar Hoon Ki Aapne Meri Geebat Karke Apne Nekiyon Ko Mere Nama-A-Aamaal
Me Muntakil (Trasnfer) Kerdiya Hain! Aapke Iss Ehsaan Ka Badla Main Nahi Chuka Sakta!
Yeh Hakeer-Sa Tohfa Kubul Farmayiye! Wo Shaks Hazrat Hasan Basri (Rahmatullah Alayh)
Ke Iss Sulook Ko Dekhker Bada Sharminda Hua Aur Aapki Khidmat Me Haazir Hoker Muafi
Chahi!
(Sacchi Hiwayat, Hissa-3, Pg-458)

Sabak
» Kisiki Geebat Karne Se Sarasar Apna Hi Nuqsaan Hota Hain! Jiski Geebat Ki Jaye Wo
Faide May Rehta Hain! Uski Nekiyan Usko Mil jati Hain! Lihaza Geebat Se Bachna Chahiye!

» Yeh Bhi Malum Hua Ki Nek Bande Burayi Ka Badla Burayi Se Nahi Dete Balki Burayi Ke
Badle Bhi Neki Hi Karte Hain!

Ek Ghud-Sawaar Ne Jate Hue Ek Shaks Se….

Ek Ghud-Sawaar (Horse Rider) Ne Jate Hue Ek Shaks Se Pucha, Bhai! Aabaadi Yahan Se
Kitni Dur Hain?
Us Shaks Ne Jawaab Diya Ki Aap Apni Dayin Taraf Dekhiye! Wo Dekhiye Saamne Aabaadi
Nazar Aa rahi Hain! Ghud-Sawar Ne Udher Dekha To Use Ek Lamba Chauda Qabristan
Nazar Aaya! Ghud-Sawar Ne Dil Me Socha Ki Yeh Shaks Ya To Diwana Hain Ya Koi Mard-A-
Kaamil! Fir Usne Usse Kaha Ki,

30 | P a g e
“Maine Aabaadi Ka Pata Pucha Hain Aur Tum Qabristan Ka Pata Bata
Rahe Ho, Yeh Kya Baat Hain?” Wo Bola, Isliye Ki Maine Dusre Tamaam Makamaat Ke
Logon Ko Yahan Aate Dekha Hain Aur Yahan Se Kisiko Jate Nahi Dekha!
Aabaadi Kehte Hain Us Makaam Ko Jahan Dur-Dur Se Log Aayen Aur Wahan Se Fir Viraane
Ko Na Jayen! Meri Nazar May To Sahi Mayine May Aabaadi Yahi Hain!
(Rauzul-Fayik, Pg-17)

*********************************
SABAK
””””””’
Har Ek Ko Ek Din Marna Hain Apne Shaandar Makaan, Mohalle Aur Shaher Ko Chhodker
Qabristan Jana Hain! Jise Hum Aabaadi Kehte Hain! Use Ek Din Barbaadi Ka Saamna Hoga
Asal Aabaadi To Qabristan Hi Hain, Jahan Aahista-Aahista Sab Log Jama Ho Rahe Hain!
*********************************
Har Shaheed Zinda Hain ……

Ghajwaa-E-Badar Me Kuffar Ki Laasho (Jo Jung Me Shaheed Ho Gaye) Se Huzoor-E-Akram

(Sallallahu Alaihay Wasallam) Ne Farmaya, Khuda Ne Ham Se Fatah Ka Waada Kiya Tha
Wo Poora Kiya Aur Tum Bhi Apne Anzaam Ko Pahunche. Iss Par Hazrat Farookh-E-Aazam
Ne Arz Ki, Ya Rasool Allah (Sallallahu Alaihay Wasallam) Kya Ye Murde Sun Rahe Hain ?
Toh Huzoor (Sallallahu Alaihay Wasallam) Ne Farmaya, “Yasmaoo Minkum ” Ye Tum Se
Jyada Sunte Hain.
(Bukhari, Muslim Shareef)

Gawahi Babool ke Ped Ki …..

Hazrat Ibne Umar Radiallahu Anhu Ne Farmaya Ki Hum Aaqa Alayhissalam Ke Sath Safar
Kar Rahe The Ki 1 Dihati Aaya.
Jab Wah Huzoor Ke Kareeb Pohocha To Aap Ne Usse Farmaya:
Kya Tu Iss Bat Ki Gawahi Deta Hai Ki “Allah Ke Siwa Koi Ibadat Ke Layak Nahi Aur
Mohammad Sallalaho Alayhi Wasallam Allah Ke Rasool Hai.”
Dehati Ne Kaha Aapki Bato Par Mere Siwa Aur Kaun Gawahi Dega?
Huzoor Ne Farmaya:
Ye Babul Ka Ped Gawahi Dega.
Ye Farmakar Aapne Uss Ped Ko Bulaya. Aap Waadi Ke Kinare The.
Wo Ped Zamin Ko Fadta Hua Chala Yaha Tak Ki Aap Ke Samne Khada Ho Gaya.
Huzoor Alayhissalam Ne Usse 3 Bar Gawahi Talab Farmayi Us Ped Ne 3 Bar Gawahi Di.
Uske Bad Wo Ped Aapke Hukm Se Apni Jagah Chala Gaya.
(Daarmi,Mishkat Safa 541)

31 | P a g e