Burburtia
1. Napanak idiay bantay, adda nasabat ko a lakay, sinagid ko natay.
* makahiya / bain-bain
2. Adda dua a nuang ko, inggalot ko a dua, pagna da pay lang a pagna.
* sapatos
3. Maysa’t simrekak tallo’t rimmuarak.
* kamiseta
4. Tumaytayab awan ulo na, tumaytayab awan payak na.
* ullaw
5. Bulong ti kappa-kappa, nagtalikod nagpada.
* lapayag
6. Pinisil ko ta puseg mo, pirmi ti mulagat mo.
* lente
7. Nagbubukel daytoy a prutas, aramidenda nga arak no maburas.
* ubas
8. Atiddog daytoy a nateng, no pabiagem ket pakalatkatem.
* utong
9. Kadwana daytoy ti utek mo, ti kangatuan a parte ti bagi iti tao.
* ulo
10. Adda ulo na awan tian na, adda tengnged na awan siket na.
* bote
11. Langit ngato, langit baba danum agtingnga.
* niyog
12, Nangalaak ti kadkadwak, saan na kayat ti maisina kanyak.
* anniniwan / aniniwan
13. Bassit pay ni Nena, agdadaiten ti ammona.
* lawlawa /lawalawa
14. Bayat nga id-iddepen pumapaut ti biag na metten.
* kandela
15. Ababa no sitatakder, nataytayag no nakatugawen.
* aso
16. Adda ditan, adda ditan, di mo met la ketdin makitan.
* angin
17. Naglemmeng ni Pedro, nakaruar met ti ulo.
* lansa
18. No siak ti ukisam, agtedted ti luluam.
* sibuyas
19. Sibibiag nga inaldaw-aldaw, matmatay met a tinawen-tawen.
* kalendario
20. Kitkitaek, kitkitaen nak met, no agkatawa ak katawaan nak met.
* sarming
21. Manang mo, manang ko, manang ti amin a tao.
* atis
22. Magmagna ni inam, sangsangitam.
* burias
23. Maysa a prinsesa, napunno iti mata.
* pinya
24. Maysa a prutas, pito ti abot na.
* rupa (ulo)
25. No mingmingan ka, mingmingmingan nak met. No ingatok ti kanawan nga
imak, ingatom met ti kannigid mo.
* sarming
26. Saan a tao, saan nga ayup, ngem ramay na’t dua.
* relo
27. Senyora a nakasamsam-it adda uneg ti siit.
* pinya
28. Agpagayam a dua, kanayon da nga aglilinnumba.
* saka
29. Ania ti pinarsua ti Dios a nakabalinsuek a maturog.
* panniki
30. Nangisit idi ginatang mo, nalabbaga iti inusar mo.
* uging
31. No patayem, biag nat umakaba.
* kandela
32. Danum a nagbalin a bato, bato a nagbalin a danum mo.
* asin
33. Sangagpa a kawayan, nakargaan ti kinabaknang.
* alkansya
34. Maysa raay nga uging, agbitbiten.
* lomboy
35. Adda ditoyen ni kaka, adda susuon na a balay na.
* pag-ong
36. Maysa a pinggan, silawan na ti lubong a pagyanan.
* bulan
37. Nagna ni Negro, natay amin a tao.
* rabii
38. Limmabas ni Tarzan, nagudwa ti dalan.
* zipper
