Mother Teresa Hall of Residence

Inter Hall Stage Play 2021-2022

Scene 1:

Narrator: Is baar ki holi har saal ki holi ki tarah nahi hogi. Kyuki hazaron saal
purani parampara aaj tootegi.
Aaj yaha pehli baar vrindavan aur varanasi ki vidhvaein holi khelengi.
Vrindavan mai lagbhag 2000 vidhva mahilayein rehti hai, aur zindagi ke is ajeebo
gareeb mod par inke liye waqt ruk sa gaya tha. Holi khel rahi mahilao ke zindagi
mai, salon baad aisa mauka aaya hai.
Yeh be rang ho chuki zindagi mai, rang bharne ki koshish hai.
Chehron pe muskan hai, hasi, titoli masti mazak aur yahi khasiyat hoti hai, jab
samaj parivartan ka rang chdhta hai.
Aaj rang bana hai jeet aur azadi ka prateek.
Is aitihasic vijay ke liye jo log jimmedar hai jaise bohot se social workers,
organizations aur khaskar advocate Noor Saxsena
Noor saxena, jinhone dharm, samaj aur rivaj ke khilaf jake ye ladai ladi.
Aur wo isi tarah logon ke hak ke liye ladati rahegi.
Is ladai ki jeet aaj hui hai, par is ladai ki shuruat 24 saal pehle se ho chuki hai,
banaras ke ek ghat pe. Noor saxena ki ladai, choti ki ladai. Yeh wahi sheher hai
jaha Noor saxena ne bahut khuch paya aur khoya bhi tha.

Scene 2
Choti is sitting at the Ghat. Slippers removed; kept a
few feet behind her. Chintu arrives from behind with a
kabutar in his hand. He removes his slippers next to
Choti’s, goes and sits beside her.

Chintu: Choti…, choti... Choti dekh main tumhare liye kabutar le aaya hu

Choti: Juhe ke paise se laya kabutar?

Chintu: Nahi Choti, Ganga ji se pakad ke laya hu

Choti: Saala jhoota! Saare paise phir se tu juhe main haar gaya. Ab sab bacche
school jaenge, bas main school nahi jaungi. Badi kasmein khata than a tu… Tod di
kasmein apni? Teri chakkar mein meri chingam bhi andar chali gayi. (Pause) Rakh
apna kabutar apne paas!

Choti leaves and sits away from Chintu. (Right wing).

Police enter (Left wing), run towards Chintu.

Policeman: Yeh dekh uss Chintu ko!

Police start walking towards Chintu. They grab him by
his t-shirt and start questioning him.

Policeman: Hain! Juha khelte ho! Maar khane ke baad bhi nahi sudharte yeh log!
Chintu runs away from the police (to the Right). The
police follow him. Choti sees this and runs towards
Chintu. She accidentally steps into cow dung.

Choti: (running) Chintu! Chintu! (steps into cow dung, clicks tongue)
Choti walks to the river to wash her feet. She grabs a
half-cut plastic water bottle and scoops water from
the river. Besides her, Noor Widow can be seen
counting the beads of her maala and silently chanting

Choti: Yeh Chintu bhi na! Humne kaha tha ki juhe mein paise mat lagao! Police ne
pakad liya ab. Pakka isko jail mein daal denge.
Choti gets up and sprinkles some water around her.
Some of it falls on Noor Widow and she looks at Choti
with a disgusted look on her face

Noor: Ae, ae! Hain! Uff

Anarkali enters (Right wing)

Anarkali: Ae Choti! Kya? Kaha? Aa ja

(Choti walks towards Anarkali.)
Noor: Behuda hain sab. Patan nahi kaha se chale aaye hain.
Noor Widow gets up and leaves.

Noor: Ram, ram…Na mai-baap ka pata, na jaat biradri ka.

Noor Widow passes the tea seller’s stall (Left stage).
Two men are sitting next to the stall, waiting for
their tea.

Tea seller: Haan, chachi. Ghat ka bacha aur pehelwaan ka kachha, kas ke rakha na
jaye, toh izzat utaar dete hain.

Man: Arey chai toh de do.

Tea seller: Arey det hain chai, chai, chai… Safai na kari?
Policeman (Raja) is at the Ghat. His wife can be seen
praying next to the river.

Raja: Areyy… Ho gayi puja? Aa jao, aa jao. Aao baitho. (clicks tongue) Arey
baitho bhai… aao baitho. Baitho.
Wife sits next to him

Raja: Chai piyogi? Naha ke aayi ho na, thand lag rahi hogi.

Wife: Nahi, hum ghar jaakar bana lenge…

Raja: Areyy tum kyu karogi? Tum bas yaha roj nahane aana. Lolarak baba khush
honge tabhi toh ghar mein ladka paida hoga. Hain na? Sahi keh rahe hain na? Bolo.
Sahi keh rahe hain na?

Wife: Haan

Raja: Hain?

Wife: Haan

Raja: Sahi keh rahe hain?

(Raja slaps his wife)

Raja: Pagal samjhi ho hamein? Hain? Hum tumko pagal dikhai dete hain? Humko
pata nahi hain? Tum jaati toh ho roj lekin waha paani chooti tak nahi. Agar ek saal
ke andar beta nahi janmi na, toh issi Lolarak Kund mein dooba dooba kar mar
doonga tujhe.
Raja grabs his wife by her neck and pushes her away

Raja: Ghar chal ab!

Raja leaves with his wife (left wing). Anarkali and
Choti enter (right wing).

Anarkali: Logone Bhura ko nikaal diya, toh tum sabse ladkar aa gayi?

Choti: Hmmn.

Anarkali: par Bhura hain kaha?

Choti: Bhaag gaya

Anarkali: Bhaag gaya! Aur Chintu? Uska kuch pata chala?

Choti: Nahi.

Anarkali: (clicks tongue) Ab tum kaha rahogi?

Choti: Pata nahi

Anarkali: Pata nahi! Sochte hain… Hamare saath rahogi?

Choti: Haan

Anarkali: Par na baba, tum bohot tang karti ho waise. Pichhli baar bhi tumne
sabke naak mein dam karke rakh diya tha.

Choti: Hum kaha kisi ko tang karte hain? Sab hame hi tang karte hain.

Anarkali: Shaitaan ki nani! Hume nahi pata tum kya karti ho, kya nahi karti?

Choti: Oh suniye na, who film dekhne chale?

Anarkali: Koi jarurat nahi film dekhne ki.

Choti: Chaliye na! Aap kabhi jaati hi nahi hain!

Anarkali: Maine kaha na, hum film dekhne nahi jaenge

Choti: Nahi jaenge! Chaliye na…

Anarkali and Choti sit on the stairs

Anarkali: (sighs) Aiyyo… Hum kahe na, koi film nahi…

Choti: Chaliye na, dekhiye…

Anarkali: Arey humne kaha na nahi jaenge. Tum baar baar ek baat ke peeche pad
jaati ho.

Choti: Aap jaati nahi hain kabhi bhi.

Anarkali: Hume dar lagta hain.

Choti: Kyu?

Anarkali: Jab hum bache the tumhari tarah, tab hamare maa-baap hame iss hall
mein chodd gaye. Film chal rahi thi Mughal-e-Azam, aur hamne apna naam rakh
liya Anarkali. Samajh aayi baat?

Choti: Toh phir aapko chodd kyu gaye woh?

Anarkali: Choti, ek baat samajhiyo. Yeh joh pyaar hain na, yeh hak se milta hain,
bheek mein nahi.

Choti: Woh aapko chodd ke kyu chale gaye?

(Raja enters from the right)

Raja: Hamare liye!

Anarkali: Areyy… Choti, tum jao.

Choti: Tum bhi chalo hamare saath

Anarkali: Arey, maine kaha tum jao.

Raja grabs Anarkali’s hand. She tries hard to get rid
of him.

Anarkali: Choddo! Arey, choddo na! Choti jao tum

Raja: Kal raat aayi nahi?

Anarkali: (clicks tongue)

Raja: (looks at Choti) Arey isse hi bhej deti

Anarkali: Hum tumahri koi biwi nahi jo roj tumhare saamne taang khole…

Raja: (takes out his gun) Par mu bohot khul raha hain aaj kal. Jaada na khule, nahi
toh kahi ched khul jaenge. Samjhi? (pushes her away) Aaj raat ko aa jaana, nahi
toh tumhari yeh Chutki hain na, usko aajehi jawan kar denge…
(Raja laughs)

—---------------End scene—----------------

Scene 3
Noor Widow and Widow 1 at the Ghat. Widow 1 has a
diary in her hand.

Widow 1: Arey 15 din mein 50 kilo chawal! Ek kilo bhi nahi bacha hain. Aur yeh
aadha kilo daal bachi hain 10 kilo mein se. Kitna khati hain sab! Kha kha ke sab
bhaise hoti jaa rahi hain! Itna khata hain koi!

Noor: Accha… Padhna likhna kya bohot mushkil hota hain?

Widow 1: Mere liye toh nahi hain

Noor: Aap mujhe padhna likhna sikhaoge?

Widow 1: Kya? Prem patra? Mere paas samay nahi hain. Jao kisi aur se seekho.
Widow 1 gets up and leaves (left wing). Choti enters
(right wing). Noor Widow maala jap rahi hain aur side
se choti aake unke bagal mein baith jaati hain

Choti: Hello

Noor Widow: (looks at Choti)

Choti: Good morning! (Noor Widow looks away) You tea drink?

Noor Widow: Kya?

Choti: You tea drink?
Noor signals that she can’t understand what Choti is
trying to say.

Choti: Itni moti kitab liye ghumti hain aur Angrezi nahi aati? Chaliye rukhiye,
hum sikhate hain. Abhi rukhiye, hum chai leke aate hain

Choti: Do chai dena

Tea seller: Paisa laayi ho?

Choti: Lao

Tea seller: Rakh de… Dur rakh. Paisa dena, do chai!(imitating choti) Kya
karogi do chai ka? Hain?

Choti: Chai toh do tum

Tea seller: Arey karogi kya do chai ka? Ek toh piyogi, doosra kisko pilaogi? Wahi,
vidhwa ko? Saala ek toh yeh achut, dusar ka vidhwa! Sahi kahe hain… Rand,
saand, seedhi, sanyasi, inse bacho toh sevak pyasi. Saala sab jo hai, pata nahi kaha
se chale aaye hain ghaat ko narak banane… Le jao! Bhak!

Choti: Cheeni daali hain ki nahi daali?

Tea seller: Jahar daale hain. Piyogi?

Choti: Cheeni kam hui na, tumhare mu par hi laut denge yeh

Tea seller: Aur tumko Ganga ji mein phaink de toh? Tk saala sab.

Choti: Kanjus saala!

Tea seller: Ae bhak!

Choti walks back to where Noor Widow is sitting and
offers her a cup of tea.

Choti: Lijiye pakdiye

Noor widow: Na, na. Hum chai nahi peete.

Choti: Arey pakadiye

Noor widow: Nahi. Hum nahi pee sakte.

Choti: Arey pakadiye. Garam ho raha hain.

Noor widow takes the cup in her hand.

Noor widow: kya naam hain tumhara?

Choti: Choti.

Noor widow: Asali naam kya hain?

Choti: Choti.

Noor widow: (soft laugh) Yeh toh koi naam nahi hua.

Choti: Humare yaha toh aise hi naam hote hain. Jo mota uska naam moti. Who
jiski ek taang who langda. Main choti, toh mera naam Choti.

Noor widow: Koi toh aur naam hoga?

Choti: Ab yeh jo Ghat pe kutte ghoomte hain, inke thodi naam hote hain?
(Choti blows a fly away from Noor widow’s tea)
Noor widow tears up and leaves.

Choti: Arey kaha jaa rahi hain aap?

Noor widow turns back, picks up her kalash and leaves

Choti: Arey! Faaltu mein paise bhi kharch kara diye, chai bhi nahi pi.

—---------------End scene—----------------

Scene 4
Morning at the river bank. Choti is resting against a
wall and sleeping. Noor sits next to her and wakes her
up.

Noor: Yeh le. Prashad laayi. Misri. Kha lena

Choti: Aapko pata hain, jab main Ghat par aayi thi na, tab saare bacche mujhe
bohot pareshaan karte the.
Noor: Hmmn?

Choti: Hmmn. Par Chintu hamesha mujhe bachata tha. Aur woh kehta tha, ki
chinta kyu karti hain Choti? Chintu hain na. Phir woh mujhse keh kar gaya, ki
main aarti khatam hone se pehle aa jaunga. Par woh aaya hi nahi.

Noor: Kahan gaya?

Choti: Woh uski police se ladaai thi. Pata nahi

Noor: Hmmn (clicks tongue). Koi baat nahi. Jo cheez apni hoti hain na, woh
hamesha laut ke aati hain. Hmmn? Chinta na kar. Chal kha le. Yeh le.
Noor feeds Choti Misri

Choti: Aap hamesha se hi kyu safed saadi pehenti hain? Rangeen kyu nahi
pehenti?

Noor : Hamare yaha bohot purani parampara hain, ki jab aurat ke pati ki mrityu ho
jaati hain, toh woh sirf safed hi pehen sakti hain.

Choti: Kyu?

Noor : (smilingly) Taaki woh hamesha berang rahe.

Choti: Accha.

Noor: Hmmn

Choti: Aa… Aapka favourite rang kounsa hain?

Noor: Yeh favourite kya hota hain?

Choti: Arey favourite…

Noor: Favourite kya hota hain?

Choti: Oh ho! Aapko toh thodi si bhi angrezi nahi aati. Woh, aapko sabse accha
rang kounsa lagta hain?

Noor: Uhh… Gulabi.

Choti: Gulabi?
Noor: Woh hota hain na. Woh jo raaniya pehenti thi Jaipur ki? Gehere rang ka
Gulabi.

Choti: Accha… Ab hum jaate hain. Aap kal shaam ko aaiyega. Theek hain na?

Noor: Kaha?

Choti: Woh Ghat pe jo mani hain na, uske neeche aa jaiyega.

Noor: Par hum shaam ko nahi aa sakte.

Choti: Nahi. nahi

Noor: Hume shaam ko Ashram se bahar nikalne ki anumati nahi hain

Choti: Hum kuch nahi jaante. Aap aa jayiye. Hum Anarkali ko bhi lekar aaenge.
Aa jayiega. Jaroor aa jayiega.
Choti Exit.

Next Day. Choti is breaking up flower petals for

diyas. Noor arrives. Sits next to Choti.

Noor: Lo… Good… Good

Choti: Good morning. Bolna tak nahi aata

Noor: Good morning bolna tak nahi aata (laughs softly)

Choti: Kal hamari naak kata di aur aap yaha par has rahi hain aaj?

Noor: Sorry

Choti: Hum sabko bole hamari dost aaegi. Aur Anarkali bhi aayi thi. Aur aap
hamari bezzati kara diye. Hum aapko bulane ki koshish kare, hame aapka naam hi
nahi pata tha!

Noor: Mera naam hain Noor.

Choti: Noor? Yeh kaisa naam hua?

Noor: Jab main paida hui thin na, tab mere dada ji kehte the ki mere chehere pe na
Kohinoor jaisa noor hain. Isliye mera naam Noor rakha.
Choti: Kohinoor kya?

Noor: Kohinoor ek heere ka naam hain

Choti: Heera? Heera toh uss mote police wale ka naam hain. Aapko pata hain ek
baari kya hua? Who sabko dauda raha tha police wala Heera. Aur itne mein,
daudte, daudte Chintu ki pant utar gayi. Aur phir na Chitnu aise hi Ghat par
nanga-punga bhaagta raha.

Noor: Tumhein pata hain? Yeh diye hain na, yeh do baar jalye jaate hain. Pehli
baar jab mannat maangi jaati hain, aur doosri baar jab mannat poori ho jaati hain.

Choti: Acchaa…

Noor: Haan

Choti: Toh jo log mujhse diye leke gaye, who wapas diye lene aaenge!

Noor: Haan, aaenge.

Choti: Aapne kabhi diya jalaya hain?

Noor: Haan, ek baar jalaya hain.

Choti: Kab?

Noor: Jab meri shaadi hui. Meri shaadi hui thi ek budhe ke saath, phir shaadi ke
thode samay baad who mar gaya

Choti: Budhe the woh? (Choti laughs)

Noor: Ismein hasne ki kya baat hain? Main keh rahi hu pati budhe the, aur tu hass
rahi hain… La main bhi tereko madat kar du…

Choti: Lo
End… (How to end this scene?)
Next day, Choti finds Anarkali sitting at the Ghat,
sleeping.

Choti: Aap yaha ky kar rahi hain?

Anarkali: Tum yaha kaha se aayi?

Choti: Hum toh aapko dhoonte dhoonte aa gaye. Do din se gayab hain. Hain kaha
aap?

Anarkali: Arey kya hua?

Choti: Woh aapko na… woh aapko kal Noor se milana hain.

Anarkali: (clicks tongue) Hum nahi jaa sakte kal. Woh… Kal hame naachne jaana
hain.

Choti: (clicks tongue) Hum kabse aap dono ko milaane ki koshish kar rahe hain.
Kabhi who nahi hoti, kabhi aap nahi hoti. Hum akele hi pareshaan hote rehte hain.
Hume kisi se nahi milna, na kisiko milaana hain.

Anarkali: Choti!

Choti: Ek toh Chintu bhi pata nahi kaha chale gaya hain. Aap dono bhi nahi mil
rahe ho

Anarkali: Arey suno toh Choti!

Noor widow is waiting for Choti at the Ghat.

Noor: Kaha hain Anarkali?

Choti: Unka kahi naach hain aaj

Noor: Arey main toh unse milne ke liye aayi thi

Choti: Arey choddiye na unhe! Hum aapke liye ek cheez laaye hain.

Noor: Kya?

Choti: Dekhiye… (Choti takes out a bottle of nail polish from her pocket)

Noor: Na! Na, na, na, na!

Choti: Nahi, nahi.

Noor: Hume anumati nahi hain.

Choti: Anumati matlab?

Noor: Matlab hum koi rang nahi laga sakte

Choti: Nahi, nahi. Hum aapko lagaenge… Aap rang mein bohot sundar lagengi

Noor: Na Choti. Kya kar rahi hain? Choti mat kar. Arey koi dekh… Mat kar na!

Choti: (clicks tongue) Arey rukiye na…

Noor: Arey bas kar, bas kar, bas kar…

Choti: Dekhiye na kitna sundar lag raha hain

Noor: Achha bas.

Constable arrives. Choti drops the nail polish bottle.

Constable: Ae! Anarkali kaha hain?

Choti: Hume nahi pata!

Constable: Yeh kya tamasha laga rakha hain? Chalo, chalo nikalo yaha se!

Choti: Bade daroga bane phirte ho! Pant toh sambhali nahi jaati, Banaras ko
sambhaaloge?

Constable: Chalo nikalo!

Noor: Chal na Choti! Chal… Kaha le ja rahi hain Choti?

Choti: Hum aapko waha leke jaa rahe hain, jaha par koi nahi aata. Aa jayiye…

Noor: Yeh kaha le aayi hume tum?

Choti: Hum jab bhi koi galti karte hain, yaha aake chup jaate hain… Aap bachpan
se hi rango se darti hain?

Noor: Nahi, nahi. Bachpan mein toh ham bohot rang khelte the. Holi mein hum
Radha bante the aur khub rangon se khelte the aur naachte the.

Choti: Accha! Toh iss baar aap humare sath Holi khelengi.

Noor: Nahi… Ab hum Holi nahi khelte. Hume mana hain Holi khelna.

Choti: Nahi, nahi. Aap koi kuch bhi kijiye. Iss baar hum aap pe rang laga kar hi
rahenge! Yeh humara aapse waada hain.

Noor: Na Choti, ab hum rang nahi khel sakte

Choti: Aap Radha ki tarah naachti thi?

Noor: Hmmn.

Choti: Hume bhi naach ke dikhayi na

Noor: Nahi ab hum nahi naachte

Choti: Nahi, nahi… dikhayi na

Noor: Arey kaha na hume mana hain

Choti: Nahi, aap dikhaengi… Hamare liye…

Noor: Bohot zidd karti ho tum

Dance wala scene.

—---------------End scene—----------------

Scene 5
Choti goes to muri wala

Muriwala: Ae ladki! Idhar aa… Haan, haan, Tumko hi bol rahe hain. Muri
khaogi? Aao..
Muriwala spits on Choti…

Muriwala: Kya nishane pe thuk pada hain yaar…

Choti goes to the Ghat and Noor is washing her hair.

Noor: Kaise laga yeh?

Choti: Chintu pata nahi kaha chala gaya? Har baar wapis aa jaata hain. Iss baar
wapas hi nahi aaya.

Noor: Par yeh kaise laga yeh? Ganda…

Choti: Main aarti khatam hone ke baad bhi uska intezaar karti hu… Woh aata hi
nahi hain!

Noor: Yeh kiya kisne yeh?

Choti: Arey woh muriwale ne thuk diya. Woh toh hamesha hi aise karta hain.

Noor: Aage kar… Cir aage kar thoda… haan. Frock sambhal, frock peeche kar..
Haan. Kaise yeh? Tune roka nahi?

Choti: Woh toh bohot upar hote hain na…

Noor: Toh tu kuch kehti nahi hain?

Choti: Nahi. Main kya keh sakti hu?

Noor: Kaise battameez log hain! Chi, chi, chi, chi, chi! Aise hi kisi bacchi pe thuk
diya! Hey bhagwaan! Samajh nahi aata, kya milta kya hain in logon ko yeh sab
karke? (Pause) Choti, tereko na jeevan mein kahi baar aise log milenge, jo tujhe
giraana chahenge, harana chahenge, dabana chahenge, tu bilkul mat darna. Bilkul
peeche mat hatna! Samajh gayi na? Yeh tereko achut kehte hain na? Tu… itna upar
uthna, aise uchaiyon ko choona, ki yeh tujhe choo bhi na sake… Hain na? Samjh
mein aaya na maine kya bola? Chal sookh gaye kaafi…
Noor braids Choti’s hair.

Choti: Woh Annapurna mandir mein na bohot acchi khichdi milti hain. Main aapke
liye lekar aaungi. (Pause) Woh dekhiye. Woh patang kitni uchi jaa rahi hain.

Noor: Ek din main bhi na issi patang ki tarah uchi udti udti door aasmaan mein
chali jaungi.

Choti: Hum aapko jaane denge tab na!

Noor: Aapke kehne se kya hota hain? Yeh toh niyam hain, sabko toh jaana hota
hain na.

Choti: Baaki jaye… Woh hamare thodi hain? Aap toh hamari hain, hum aapko
kahin nahi jaane denge.

Noor: Abhi jaane do, der ho gayi toh hame ashram mein ghusne nahi denge. Phir
kaha jaenge hum? Chal! Kaisi maine bana di choti tedhi medhi, phir doobara bana
doongi.

—---------------End scene—----------------

Scene 6
Raja and policemen are drinking. Anarkali sitting next
to Raja.

Policeman 1: Hamare rehte hue tu sahab ke ghar ke aas paas bhi bhatak nahi sakti.

Raja: Ae… ghar jaegi? Ghar jaegi? Hmmn… Jaegi? Ghar jaegi tu?

Anarkali: Haan jaenge ghar. Jaenge. Har gali jaenge, har moholla jaenge. Puri
duniya mein bataenge ki Raja Raghuvanshi apnea ap mein bada mard banta hain,
aur ek hijade ki leta hain. Woh bhi jabarjasti. Who bho mofat mein.

Raja: Uske pehle hum tumhein goli maar denge. Tumhari Chutki se dhanda karaye
toh? Hmmn? Bol? Dhandha karaye toh? Bol!
Raja grabs Anarkali and pushes her away.
Next day at the Ghat, Choti walks past the muriwala.

Muriwala: Ae ladki idhar aa.

Muriwala tries to spit on Choti, but she throws dirt

on him and runs away.

She goes to Noor.

Choti: Idhar aayiye, idhar aayiye…

Noor: Arey pagal ho gayi kya? Kya hua?

Choti: Aapko pata hain?

Noor: Kya pata hain?

Choti: Abhi main aa rahi thi na, toh woh muriwala (action) karke paan chaba raha
tha… Maine uspe gobar phenk diya… Pach!

Choti and Noor leave. Choti enters. Anarkali is

sitting (haath mein sar pakde hue)

Choti: Hum do din se dhoond rahe he aur aap yaha baithi hain? Areyy… yeh kya
hua aapko?
Anarkali: Woh naachne gaye the, wahi pe gir gaye

Choti: (laughs) Naachte, naachte gir gayi aap

Anarkali: Kyu? Kya hua?

Choti: Aap raat ko aati kyu nahi hain? Hume akele dar lagta hain

Anarkali: Choti, tu jaa. Main raat ko aa jaungi. Bas tu Raja aur unke gundo se
bachke rehna

Choti: Aaj raat ko aa jayiega

Choti leaves.

Choti visits Noor at the Ghat.

Choti: Bhau!

Noor : (reacts)

Choti: Aap hamare saath ek jagah chalengi?

Noor: (shakes her head)

Choti: Chaliye na… Please chaliye na

Noor: Areyy, kaha le jaa rahi hain?

Choti: Ek jagah chaliye. Please. Aa jayiye

Noor: Chappal kaha hain?

Choti: Oh ho! Waha par hain

Noor: Ja pehen kar aa

Choti: Achha theek hain. Chaliye.

Noor: Chal.

Choti takes Noor to the samosa wala

Choti: Chalo aao Noor. Daro mat. Chalo aao. Baith jayiye. Bhaiya, bhaiya.

Seller: Haan?

Choti: Ek plate mein kitne samose?

Seller: Do

Choti: 2 de dijiye. (to Noor) Aap samose ka aaloo kha leti hain na? Hum sirf papdi
papdi khate hain. Woh aaloo na, Chintu khaata hain. Aur woh laal chutney ke saath
papdi badi acchi lagti hain.

Noor: Ummn, hmmn.

Choti: Yeh kitab hamesha aapke saath rehti hain?

Noor widow: Hmmn

Choti: Hain kya ismein aisa?

Noor: Ismein Tagore ki kavitaaein hain. Mere dada ji ne mujhe di thi. Ise main
hamesha Tulsi ma ke paas rakhti hu.

Choti: Tagore hain aapke dada ji?

Noor: (laughs) Nahi. Tagore toh bohot bade kavi the. Mere dada ji kehte the ki
Tagore ki kavitaaein sunne khud Ganga unke ghar aati thi.

Choti: Hume bhi sunayiye.

Noor: Padhna nahi aata.

Choti: (laughs) Dada ji ne aapko padhna nahi sikhaya?

Noor: Nahi woh toh chahte the. Tab na desh naya naya azad hua tha. Dada ji kehte
the ki agar desh ko aage badhna hain, toh desh ki betiyon ko padhana zaroori hain.
Par mere ghar wale nahi chahte the. Woh chahte the main ghar ka kaam karu. Phir
meri shaadi kar di aur main sasuraal chali gayi.
Choti: Aapko pata hain. Chintu ne bhi hume waada kara tha school mein bhejne
ka.

Seller: Bhaiyaa, chaar saal ho gaye hume Kashi mein rehte hue. In achuton ko
samosa khilake humka dharam bhrashta nahi karna. Ae pankha band kar. Jaane
kaha kaha se aa jaate hain mohfat ki hawa khane.

Noor: Chal.

Choti: Abhi samosa toh aa jane dijiye.

Noor: Maine kaha na, chal.

Seller: Nikalo yaha se! Khabardar jo yaha aaspaas dikhe!

Noor and Choti walk away. Choti stomps her feet,

throws her money on the ground and stops.

Choti: Jhoot kehti hain aap. Kabhi kuch nahi badlega. Achut hain hum, achut hi
rahenge. Kutte hain hum, kutte hi rahenge.

Noor: Na beta, aisa nahi kehte. (paise uthate hue) Tumko pata hain, ek baar jab
main choti thi na, toh mere dada ji pehli baar mujhe Ghat pe lekar aaye. Uss din,
din mein bhi andhera ho gaya. Ek chote se Chaand ne itte bade Suraj ko grehen
laga diya. Suraj toh roz hi jeetta hain. Chaand ka bhi toh din aata hain na?

Choti: Main toh Choti hu. Main Chaand thodi hu?

Noor: Hmmn. Haaton ki doono lakeere jod ke ban gaya chaand. Hmmn? Aaj se
yeh adha tumhara, aur yeh adha chaand, yeh mera.

Next morning at the Ghat, Choti is seen running with a

packet of gulaal.

Man 1: Dekh, dekh. Rang ki pudiya le jaa rahi hain. Ka vidhwa ke liye

Seller: Arey ka oh chammak challo. Kaha? Arey jiske peeche naachti rahti ho,
jaanti ho tumko ka ka kahti hain uu? Arey kahti hain tumlog kutte ka pilla ho,
achut ho, achut. Sune kahi se chori karke unke liye nail polish bhi laayi thi? Aur
chori ke paisa se samosa bhi khilaane le gayi thi. Wahi batayi hain humko ee sab.
(to man) Bhaag gayi sasuri!

Man 1: Nail polish churaya tha?

Seller: Aur kya guru? Ee sab ghat ka bacha hain. Pajame ke andar se jagiya gaayab
karde, pata na chale. Nail polish koun cheez hain bhai?

Noor enters.

Noor: Ae! Mujhein tumhe kuch dikhana hain.

Choti: Hume kuch nahi dekhna.

Noor: Kya ho gaya Choti?

Choti: Hume kisi se baat nahi karni.

Noor: Areyy… Kyu?

Choti: Hume kisi se dosti nahi karni.

Noor: Uh, hua kya beta? (pause) Choti?

Choti: Aapne mujhe chaand kyu bola? Agar main maan leti toh? Ab hum aapse
kabhi nahi milenge.

Choti throws the packet on gulaal on the floor and

leaves.

—---------------End scene—----------------

Scene 7
Constable 1: chal chal baith yaha pe
Constable 2: sir lakh mana karne ke bawajood yeh kutiya phir aapke ghar pahuch
gayi thi.aur sirf pahuchi hi nahi sab kuch bhauk aayi hai
Aree sir aapki biwi ko yaha tak bata aayi hai, ki aap choti ke bhi peeche pade hue
hai. Iski aukaat itti badh gayi hai ki ek repoter ko bula liya Delhi se. Agar sir isko
khatam nahi kiye na toh samjhiye hamari khahani khatam.
Raja: bole the tujhko ki jab tak jhukti rahegi, zinda rahegi. samjhiii(with
aggression)
Tu duniya ke aage muh kholegi, duniya ke aage.
Raja hai ham raja (patting his cheast)
Yaha ki adalat bhi hamari aur nyaay bhi hamara. Samjhii
(anarkali spits on Raja)
Raja: mc
Anarkali: chotii(shouts)
Choti: anarkali(shouts)
(gun shot sound)
Choti: anarkali
Raja: (pointing to choti) Pakad sali ko.

Chai wala: aeee chachi, kuchu pata chala? Wo anarkaliya ka hatya ho gaya. Aur
maloom hai kaun mara? Wo aapka choti aur uska chota sab. Paisa ke liye maar ke
kapad phod diye
Ham kahe the na yeh sab ghat ka bachha hai
Aur parson holi hai, kahi aisa na ho ki choti aapki safed sadi rang de

(Noor finds choti)

Noor: chotii, beta choti, kya karii hai yaha. Chal beta uth ja, uth ja chal. kitna
dhoondha maine tujhe, aaja aaja. Aaja kuch nahi hoga, aaj mai hu yaha pe. Aaja
baith yaha pe. Baith baith. Kitana dhoondha maine, kitana dhoodha
(Choti crying and trying to speak something)
Noor: thehro, thehro, pani piyo pehle, muh kholo
Choti: anarkali ko raja ne itte upper se phenka hai
Hoor: aahhaannn
Choti: anarkali ko maar diya, hame bhi maar dega
Hoor: shushh, shuush
Tumhe kuch nahi pata. Chup raho bilkul chup. Naah naah naah
Kisiko kuch nahi kehna, kisi ko kuch nahi kehna
Bas bas sab theek ho jaega

(Noor taking choti to asram)

Noor: aaja aaja aaja
(Entry in the room)
Noor: Chal chal chal, ro mat ro mat
Chori: (crying)
Noor: yaha baith ja, baith ja
(Noor hugging Choti)
Noor: sorry
Dekh maine tere liye kya banaya hai, rukja
Yeh dekh le, frock banayi, isme pocket bhi lagayi, dekh pocket, achhi hai na, ha
Bas beta, bas bas bas
Aaj raat ko ham yaha se nikal jaenge, aaj
Par jaenge kaha, mai toh aaj tak ganga ke us paar tak nahi gayi.
Kaha jaenge?
Choti: tagore ke ghar chale?
Noor: culcutta, haa theek hai culcutta jaenge, culcutta jaenge
Mai tere liye pani leke aati hu
Waha jake mai silayi ka kaam karungi aur tujhe khoob padhaungi
Chal pani pi le
Choti: chintu ko bhi sath le chale
Noor: chintu ko bhi sath le chalenge
Tune do din se kuch khaya nahi na? Mai tere liye kuch khane ko leke aati hu.
Theeke, pani pi le, aur waha pe jake chup jana baad mai, mai aawaz lagaungi theek
hai
Choti: tab mai tumhe ma bula sakti hu
Noor goes to take food for choti
(police siren sound)
(Noor rushes to save choti)
Noor: chotii(shouts loud), chotii bhag
Choti: Noor (shouts back)
(Police takes choti, Noor is ambushed by other widow
women)
Other widow: kitni baar kaha hai ki ashram mai bahar ke logon ko aane ki
anumati nahi hai, lekin log hai ki sunte hi nahi hai
Other widow: dekho dekho shringar dekho
Other widow: dekho dekho shringar dekho
Shringar ka itana shauk tha toh dusri shadi kar leti
Aree ashram mai kabhi police aayi thi? Is kulta ke wajah se aayi hai
Noor: chotii
Choti: noor
Other widow: aree pata nahi kya karegi police, us chooti si bachhi ke sath mai

—---------------End scene—----------------
Scene 8:
Raja to choti: aaj toh ganga maiyan khud hi chalke aayi hai
Raja to other constable: le ja isse mardon wale jail mai daal de
Raja sitting with other contables, journalist Rekha
arrives, a kid doing massage to his shoulder
Journalist: choti kaha hai
Raja: aree madam aap, Aree ashok ji, madam ke liye meetha leke aao yaar
Constable 1: abhaiye laye sahab, abhaiye laye
Raja: jaldi layiye
Journalist: choti kaha hai
Raja: jii choti? Ham bhi dhoodh hi rahe hai, aapko pata hai kya
Journalist: bakwaas mat karo tum jante nahi ho mai kaun hu
Raja: are jante hai madam tabhi toh meethe mangaya hai,warna free mai kisi ko
zeher bhi nahi puchte.
Journalist: mai delhi phone karke tumhe suspend kara dungi
Raja: dekhiye madam, yeh thana hai, aapka channel nahi hai. Yaha baat se nahi
kagaj se kaam hota hai, jaiye kagaj leke aayiye
Journalist: mai chodungi nahi tumko
Raja: are pakad lijiyega, lekin abhi nahi, abhi tel laga hai, fisal jaegi
Journalist: you don't have any idea, what i can do and what i will do
Raja: haa samjh gaya samjh gaya, theek hai theek hai

Raja to kid: chal be chalu ho ja

Raja: waise kal holi hai, hawan rakha hai ladka paida hone ke liye, aap bhi aa
jaiyega, shayad ho hi jae
Journalist: raja jitane hawan karane hai kara le, anarkali ki investigation toh ho ke
rahegi aur choti, choti ko toh mai bacha hi lungi
Raja: are jaengi ki malish kara ke jaiyegi
(Hawan ka scene)
Tab tak raja ko khabar lagta hai ki choti bhag chuki
hai
Raja to wife: jaldi kapade nikal mere
Raja to constabel: choti si bachhi nahi sambhal sakte namardon, kahi dikh jae na
toh goliyan maar de
Raja to wife: belt de
Wife: tumhae pata hai aaj tak ham lularak kund mai kyu nahi nahaye, ham nahi
chahte the ki ek aur raja paida ho.
Raja: rukja tujhe bhi dekhta hu kutiya,
Wife: ab aaj ke baad kabhi nahi dekh paoge mujhe tum

Narrator: choti jail se kisi tarah nikal jati hai, aur nikalte hi usse pata chalta hai ki
Noor nahi rahi, ashram ki kuch auraton ne millke noor ko ashram se neeche phek
diya.
Jail se bhagte bhagte, choti ko yaad aata hai, uska noor se kiya wada, ki is baar wo
noor ko rang laga ke rahegi.

Narrator: choti, chupke, noor ke arthi ke pass jati hai aur apna wada pura kati hai
(choti throws colour)