*Hadith 1*

An-Usmaa-nabni Affaana RadiAllahuAnhu Qaal: Qaala Rasoolullahi SallallahuAlaihiWaSallam: Yashfau

Yaum-al-qiyamati salaasa: Al-Ambiyaau, Sumal-Ulamau, Sum-mashuhadaau.

[Rawa-hubne Majjah]

"Hazrat Usmaan Bin Affan RadiAllahuAnhuma bayan karte hai ki Huzoor Nabi Al Kareem
SallallahuAlaihiWaSallam ne farmaya: Roze Qayamat teen giroh shafa'at karein ge: Ambiyaa, Ulemaa aur
shuhada"

[Ibne Majjah ne riwayat kiya hai]

Mazameen:

1) Qayamat wale din kayi tabqaat ko shafa'at ka ikhtiyaar diya jayega.

2)Ambiyaa, Ulema aur shuhada shafa'at kareinge.

....................................................................................................................

*Hadith 2*

An-Abid-dardaai Radi AllahuAnhu Qaal: Qaala Rasoolullahi SallallahuAlaihiWaAalihiWaSallam: Man

Hafiza Alaa Ummati Arbaeena Hadeesan Fi Amri Deeniha Ba-a'-saa-hullahu Faqeehan Wa Kuntu lahu
Yaumal qiyamati Shaafi-aaw Wa Saheeda. [Al Mishkaat ul Masaabeh]

"Hazrat Abu Darda RadiAllahuAnhu se marwi hai wo farmate hai ki Rasool Allah SallallahuAlaihiWaSallam
ne irshaad farmaya: *Meri ummat me se jisne bhi chalis [40] hadith yaad kiya jo deen ke ehkamaat ke
mutaliq ho Allah Ta'ala use qayamat ke din faqih banakar utaayega aur mein us din uske liya shafa'at bhi
karunga aur uske liye gawah bhi rahunga"*

[Mishkat ul Masabih me riwayat hai]

*Mazameen:*

1) 40 ahadees yaad karne wale ko qayamat me ehle ilm me shumaar kiya jayega.

2) 40 ahadees yaad karne wale ko Huzoor Nabi SallallahuAllahiWaSallam ki shafa'at mayasar aayegi.

.......................................................................................
*Hadith 3:*

An-nibni Mas-oo'-din RadiAllahuAnhuma Qaal: Same'tun Nabiyaa SallallahuAlaihiWaSallam yaqoolu:

Nad-darallahumra-an Sam-ai-aa Minna Shai-an Faballaghahu Kama Samaiaa. Farubba Muballagin AuAaa
Min Saamey.

[Rawa-hut-tirmizi]

"Hazrat Abdullah Bin Masood RadiAllahuAnhuma se riwayat hai : Mein ne Huzoor Nabi Kamreem
SallallahuAlaihiWaAalihiWaSallam ko farmate hue suna: *Allah Ta'ala us shakhs ko khush wa khuram
rakhe jisne humse koi baat suni aur use dusro tak aisehi pohchaya jaise suni thi. Boht se log jinhe ilm
pohchaya jaye sunne wale se ziyada samajhdaar hote hai."*

[Al-Tirmizi]

*Mazameen:*

1) Huzoor SallallahuAlaihiWaSallam ke irshadaat ko logo tak pohchane wale ke liye Huzoor

SallallahuAlaihiWaAalihiWaSallam ne dua farmayi hai.

2) Ilme hadees ko farogh dena Aaqa Salato WasSalaam Ki Raza Ka Bayas Hai.

....................................................................................................

*Hadith 4*

An Muàaviyaata Radiallahu Anhu Qaal: Sami-í-Tun-Nabiyya Sallalahualaihiwasallama Yaqul:

Mayi-yuridillahu bihee Khairainyy Yufaqqih hoo Fiddeen. Wa Innamaa Ana Qasimunw Wallahu Yuútee.
[Rawa hu Bukhariyu]

Hazrat Muàaviyaa Radiallahu anhu se rivayat hy ki Maine Huzoor Nabi-e-Akram Sallalahualaihiwasallam

ko Farmate hue suna:

*Allah Taàla jiske saath bhalaayi ka irada farmata hy, Usey Deen ki Samjh-Boojh ataa Farmaa deta hy, Aur
mai hi Taqseem Karne Waala hu Jab ke Allah Taàla Mujhe Ataa karta hy.*

Mazameen:

1.Deen ki Samjh-Boojh Inaàmaat-e-Ilaahi me se hy.

2.Saari kaayenaat me Neèmatein Dar-e-Mustafa SallalahualaihiWasallam se Taqseem hoti hy.

.......................................................................................................................

*Hadith 5*

An-Abi Zarrin RadiAllahuAnhu Qaal: Qaala Li Rasoolullahi SallallahuAlaihiWaAalihiWaSallam : La-an

Taghduwa Fata-al-lama Babam Minal-Ilmi Umilabihi Awlam Yuu'mal Khairam Min-an-tusalliya Alfa Rak-
aa'.

[Rawa Hubni Majjah]

Hazrat Abu Zar Ghaf'fari RadiAllahuAnhu bayan karte hai - "Huzoor ‫ ﷺ‬ne mujhe
farmaya: Subha ke waqt tumhara ilm ka koi baab seekhna chahe uspar amal huwa ya na huwa tumhare
aik hazaar raq'at nafil namaaz adaa karne se behtar hai. "

(Ibne Majjah ne riwayat kiya)

Mazameen :

1) Ilm ka aik baab seekhna 1000 rakat nafil padhne se behtar hai.

2) Ilm hamesha aise amal par fazilat rakhta hai jo baghair ilm ke ho.

.........................................................................................................................

*Hadith 6*

An-Abdillah Hibni Mas-oo'-din RadiAllahuAnhuma An-nan-nabiyaa SallallahuAlaihiWaAlaihiWaSallam

Qaal: Sibabul Muslimi Fusuqun, Wa Qitaaluhu Kufr. [Muttafaqun Alaihi - Bukhari aur Muslim dono ne
riwayat kiya hai]

Hazrat Abdullah Bin Masood RadiAllahuma riwayat karte hai ki Huzoor Nabi Kareem
SallallahoAlaihiWaSallam ne farmaya : Musalman ko gali dena fisq hai aur uske saath qatal karna kufr hai.

(Bukhari aur Muslim dono ne riwayat kiya hai)

*Mazameen :*

1) Musalman ko gali dena fisq hai.

2) Musalman (Insaan) ke qatal ko jaiz samajh kar qatal karna kufar hai.

.................................................................................................................................

*Hadith 7*

An Abdillah-hibni Umara RadiAllahuAnhuma Anna Rasoolallahi SallallahuAlaihiWaSallam Qaal: Man

Hamala Alainas Silaha Falaisa Minna.

[Al-Bukhari]

"Hazrat Abdullah Bin Umar RadiAllahuAnhuma riwayat karte hai ki Huzoor Nabi Al Kareem
SallallahuAlaihiWaSallam ne farmaya:*Jis shakhs ne hum (yani musalmano) par hathiyaar uthaya wo
humein se nhi."*
*Mazameen:*

1) Huzoor Nabi Kareem SallallahuAlaihiWaSallam ne musalmano par aslaha uthane wale ko ummat se
khaarij farmaya hai.

2) Musalmano ko harasa aur khauf zadah karne walo se Huzoor SallallahoAlaihiWaSallam ne la-ta'aluqi
ka ailaam farmaya.

..................................................................................................................................

*Hadith 8*

An Abdillah hibni Amrin RadiAllahu Anhuma Qaal : Inna Rajoolan Sa-a'-lan Nabiyaa
SallallahuAlaihiWaSallam: Ayyul Musliminaa Khayr ? Qaal : Man Salimal Muslimoona Min Lisaanihi
Wayadihi. [Muttafaqun Alaihi]

"Hazrat Abdullah Bin Amr RadiAllahuAnhuma se marwi hai ki aik aadmi ne Huzoor Nabi Kareem
SallallahuAlaihiWaSallam se arz kiya: *Konsa musalmaan afzal hai? Aap SallallahoAlaihiWaSallam ne
farmaya: Jiske zubaan aur haath se dusre musalmaan mehfooz ho".*

*Mazameen:*

1) Behtareen Musalmaan Wo Hai Jo Dusre Ko Taqleef Na De.

2) Musalmaan Aman Wa Salamti Aur Khair Khwahi Ka Paikar Hota Hai.

.......................................................................................................................

.......................................................................................................................

*Hadith 10*

An-nibni Umara RadiAllahuAnhuma Qaal: Qaala Rasoolullahi SallallahuAlaihiWaAalihiWaSallam: Buniyal

Islamu Alaa Khamsin: Shahadati Al La-ilaha-Illalahi Wa Anna Muhammaddar Rasoolullahi Wa Iqaamis
Salaati Wa Itaa Iz-zakati Wal Hajji Wa Saumi Ramadaan. [Rawa-hul-Bukhari]

Hazrat Abdullah Bin Umar RadiAllahuAnhuma se riwayat hai ki Huzoor Nabi Al Kareem
SallallahoAlaihiWaSallam ne farmaya :*Islam Ki Bunyaad paanch cheezo me hai : Ye Gawahi Dena Ki Allah
Ta'ala ke siwa koi mabood nahi aur ye ki Muhammad SallallahoAlaihiWaSallam Allah Ta'ala Ke Rasool Hai,
aur namaz qayam karna, zakaat ada karna, haj karna aur ramzaan ke roze rakhn."*

Mazameen:
Arkaane Islaam Paanch (5) hai. Shahadat Tauheed Wa Risalat, Namaaz Qaayam Karna , Roza, Hajj aur
Zakat.

...............................................................................................................................

*Hadith 12*

An Abi Hurairata RadiAllahuAnhu Qaal: Qaala Rasoolullahi SallallahuAlahiWaSallam : Man Sauma

Ramadaana I'maanaw Waehti-saban Ghufira lahu Ma Taqaddama Min Zanbih. Wa man qama
Ramadaana I'maanaw Waehti-saban Ghufira lahu Ma Taqaddama Min Zanbih. Wa man qama
Lailatalqadri I'maanaw Waeti-saban Ghufira lahu Ma Taqaddama Min Zanbih. [Muttafaq ilaihi]

"Hazrat Abu Huraira RadiAllahuAnhu semarwi hai li Huzoor Nabi Kareem SallallahuAlaihiWaSallam ne
farmaya: *Jis shakhs ne halate Imaan me aur sawab ki niyat se ramzaan ke roze rakhe to us ke saabiqa
gunah muaaf kardiye jate hai aur jo ramzaan me Imaan ki halat aur sawab ki niyat se qayaam karta hai to
uske (bhi) sabiqa gunah muaaf kardiye jate hai aur jo Lailatul Qadar me Imaan Ki Halat Aur Sawab Ki
niyat se qayaam kare uske guzishta gunah baksh diye jaate hai"*

*Mazameen*

1) Ramzaan ke roze gunaho ka kaffara ban jate hai.

2) Maahe ramzan ki raato me qayaam (taraweeh) sabiqaa gunaho ka kaffarah ban jaati hai.

3) Lailatul Qadar ki aik raat ka qayaam zindagi ke gunaho ki muaafi ka sabab ban jaati hai.

................................................................................................................

*Hadith 13*

An Abi Hurairata RadiAllahuAnhu Qaal: Kaanan Nabiyu SallallahuAlaihiWaAalihiWaSallam Yataqefu Fi

Kulli Ramadana Ashrata Aiyaam , Fallamma Kaana Aamul Lazi Qubiza Fihitakafa Ishreena Yaum.

[Al Bukhari]

“Hazrat Abu Huraira RadiAllahuAnhu se marwi hai ki *Huzoor Nabi Kareem

SallallahoAlaihiWaAlihiWaSallam har saal ramzaan ul mubarak me 10 din aitikaaf farmate the aur jis saal
Aap SallallahoAlaihiWaAlihiWaSallam ka wisaal hua us saal Aap SallallahoAlaihiWaSallam ne 20 din
aitikaaf kiya”*
*Mazameen*

1) Har saal aitikaaf baithna Huzoor Nabi Kareem SallallahuAlaihiWaSallam Ka Mamool Mubarak Tha.

2) Aap SallallahoAlaihiWaSallam 10 Din Se Bhi Zayad Bhi Aitikaaf Farmate The.

.............................................................................................................

*Hadith 14*

An Abi Hurairata RadiAllahuAnhu Qaal: Qaala Rasoolul-lahi SallallahoAlaihiWaSallam : Innama Ju-i-lal

Imaamu Liyutamma Bihi, Faiza Kabbara Fakabbiru Wa Izza Qara-a’ Afa-ansitu.

[Ibne Majjah]

“Hazrat Abu Huraira RadiAllahuAnhu riwayat karte hai ki Huzoor Nabi Kareem SallallahuAlaihiWaSallam
ne farmaya: Imaam is liye banaya jata hai ki uski iqtida ki jaye, jab wo AllahuAkbar kahe to tum log bhi
Allahu Akbar kaho, aur jab qiraat kare to chup raho.”

*Mazameen:*

1) Imaam ki iqtida har haal me lazim hai.

2) Jab Imaam qirat kar raha ho to muqtadi khamosh rahe.

..............................................................................................................................................

*Hadith 15*

Anil Bara’ RadiAllahuAnhu Anna Rasoolallahi SallallahoAlaihiWaSallam Kana Izaf Tatahas Salata Rafa
Yadaihi Ila Qareemim Min Uznaihi Summa Layoodu.

“Hazrat Bara Bin Azib RadiAllahuAnhu Riwayat karte hai ki Huzoor Nabi Kareem SallallahoAlaihiWaSallam
Jab Namaaz Shuru Karte To Apne Dono Haath Kaano Tak Uthate, Aur Phir Aisa Na Karte”

*Mazameen :*

1) Huzoor Nabi Kareem SallalhoAlaihiWaSallam Takbeer Taihreema Me Haath Kaano Tak Buland Farmate
The