NI TIN

DT 15/4/2018

SUNDAY CHAWHNU SERMON

Bible Readings:

Mathaia 6: 6:33 A ram leh a felna chu zawng hmasa zawk rawh u, tichuan chung zawng
zawng chu a pek belhchhah dawn che u nia. Chutichuan, atuk atan lungkham suh u, atuk
chuan ama tan a lungkham chawp dawn si a. Ni khat atan ni khat hrehawm chu a tawk a ni.
Mt. 16:24-26; Tin, Isuan a zirtirte hnenah, “Tupawhin mi zui a duh chuan mahni hreawm
pawisa lovin, a kraws puin mi zui rawh se. Tupawh a nun humhim duh apiangin a chan ang
a; tupawh keimah avanga a nun chan apiangin a humhim ang. Miin khawvel hi a pumin nei
sela, a nun chan si sela, a tan engnge sawt ang? A nih loh leh, miin a nun aiah engnge a pek
ang?
1 Korinth 15:31; Unaute u, Krista Isua kan Lalpaa ka chhuanna che u chu chhalin, “Ni tin
ka thi thin,” ka ti a ni.
1. Ni tin kraws put :

Mt. 10:38; Tupawh a kraws pua mi zuilo chu, ka mi ni tlak a ni lo.

Lk. 14:27; Tupawh mahni kraws pua mizui lo apiang chu ka zirtir a ni thei lo vang.

Lk. 9:23; Tin, amah vekin, mi zawngzawng hnenah, “Tupawhin mi zui a duh chuan mahni
hreawm pawisa lovin, ni tin a kraws puin mi zui rawh se.

1. Kraws in a Entir: THIHNA.

Isua kha Golgotha a krawspu-a a kal khan, tumahin kraws kha ritphur
chhinchhiahna (symbolic of burden) ah an ngai lo. Lal Isua hun hma leh hunlai khan kraws
chuan thil pakhat chiah akawk chu chu ‘thihna’ a ni. A tlawm thei ang ber leh na ber,
mihring tuar theihtawp a na thihna, thih dan rapthlak ber ah an ngai a ni. Mi in a thil tih
sual avangin Rorelna in thiamloh a chantir te thih thleng a an hremna tur Kraws an put tir
a, an kheng bet thin. Misual tawp khawk te thihna ani.

2. Kraws Pu Awmzia:

Kraws pu awmzia hrilhfiah dan leh mimal ngaihdan hi a in anglo nual thina. Mi
tamtak chuan Thil hreawm, keimahni tih dikloh leh thuawih lohavanga harsatna,
lungngaihna leh manganna kan chunga thleng te, taksa chaklohhrim hrim te, mahni
inkhawngaihna (self pity) kan tih ang te, kan nuna kanritphurh te hi kraws pu ang ten kan
hrilhfiah a. Mahse heihi Lal Isuan Krawspu a tih nen chuan ain millo a ni.

Kan sawi tawh angin Isua hunlai khan kraws chuan Thihna rapthlak ber a entir a. A
chhan chu Rom ho khan misual vawrtawp(convicted criminals) ho kha an mahni

1
khenbehna tur an mahni kraws teuh an puttir thin a ni. An tan chuan ‘kraws put’ awmzia
chu an thihna tur hmanrua put a,chutah kalkawngah mi nuihsawh leh endawng an kaltlang
a tul thin a ni.

Chuvang chuan“I kraws puin mi zui rawh” Isuan a tih khan a tum tak chu thihna leh
mi te endawng pawh huam a Amah zui a ni (Lk 9:23). Chutichuan kraws pu awmzia
chu‘mahni in that, mahni inphat, mahni in thiat’ (dying to self) tihna a ni.

(a) Kraws pute chuan an mahni thina tur kraws pu a thihna lam an pan thina, an thi
thin ang hian kan sual nunhlui chu thihsan tur kan ni. chu chu kan kraws putna tur chu ani

(b) Inpumpekna tawp a kohna a ni.

3. Krista, Kan Entawn Tur: Isua hnungzuia kraws pu tur chuanAmah Isua atanga inzir
kan ngai a. Amah kan entawn a ngai a ni.
(a) A in peknavawrtawp
(b) Tuarna kaltlanga thuawihna sang ber
(c) Kraws-a Athihna chuan chhandamana min pe a. A awmzia chu Chhandamna chu
Tuarna-aTihfamkim a ni. Chhandam kan nih tawh chuan Isua anga tuarna kan kaltlang
angai a ni.

4. Zuitu Nunkawng:
Kraws pu tu chuan engnge a ken tel le?
(a) Kawng awlsam a ni lo:-
(i)Kalsan, chan neih a ngai (Lk. 9:23; Tin, amah vekin, mi zawngzawng
hnenah, “Tupawhin mi zui a duh chuan mahni hreawm pawisa lovin, ni tin a kraws puin mi
zui rawh se.)
(ii) Mahni inphat a ngai
(iii) Hmun reh, hmun khawhara ni. Kraws ah khan Isuan, “Ka pa, Ka Pathian
engahnge mi kalsan” a ti.
(iv)Engkim huam a ngai.
(b) Nunna Veka pe a, hmalam chauh pana kalna a ni.: kraws a A thihna chuan Nuna
a hringa,min hmangaih avanga thi a nih avangin a Hmangaihna kan chhan let ve nan
amahkan zui a ngai a ni. Amah zui tur chuan kraws put a ngai.

5. A nih leh:

(a) Eng hunah nge Kraws chu kan put anga, a, amah kan zui ang? – Nitin in ,
englaipawhin. Lk. 9:23 “mahni hreawm pawisa lovin nitin a kraws puin mi zui rawh se” a ti
a ni. Kan nuam tih zawng leh duh zawngte kalsan a tul thin ang. Entirnan, thianza hova thil
tih nuam ka ti a ni thei. Amaherawh chu Kohhran emaw in Pathian hminga inpawl hona a
neih lai ang te chuan chung kan hun chu kan sacrifice vek angai ang.

(b) Khawi hmunah nge kan zui ang? –

2
 Khawihmunah pawh. Kan hnathawhna hmunah. kan inchhungah, kan thiante nen a
kan inkawman ah, kan inkhawmna ah..... Hmun ral ti, hmunkhawhar, zahthlak kantihna
hmunah te. Kristian Vanram Kawngzawh-a Thlemsama ang mai a thlem kan sama,
Lungngaihna Chirhdup kan kal kai theihloh chuan awmzia a awm dawn lo a ni.

(c) Khawi Hmun Thlenga Zui Tur Nge? –

A tawp rat thlengin. Thih thlengin. A tawpa kan chan turnen chuan kan kraws put
chu tehkhin rual a ni lo a ni. Thupuan 2:10-ah kan hmuhkha “Thih thlengin rinawmin lo
awm rawh, tichuan nunna lallukhum ka pe ang che.”Hun hreawm leh khirh kan kal lai
pawhin kan lawmman dawn tur enrana kal hramhram a ngai a ni.

He laiah hian ani Nitin tih thu hi a pawimah ni. Miin a damchhung emaw, kumkhua
in Krista a zui avanga a chantur a ngaihtuah a, sual lama akir leh fo na chhan chu. Kan hma
lam hun hla tak niinkan ngaia, mahse a lo ni lo. Mihring dam chen hi a rei si lo a. Jakoba
4:14 ah chuan "Naktukah chuan engnge lo awm dawn in hre si lo. In nunna chu engnge
ni? Chhum rei lo te lo lang a, ral leh ta mai thin ang hi in ni si a." a ti. Chuvangin
Thihthlengin a tih hian vawin bak ani lo, naktuk ah engnge lo thleng tur kan hre silo a.

Harsatna kan tawh lem loh lai, kannun a kal tluan lai chuan Isua zui chu thil har a ni
pawhin a lang lo.Amaherawhchu, Amaha kan inpek tak tak leh tak tak loh chu dinhmun
khrih-ah alang chhuak thin a ni lawm ni. Nimahsela, chung hunah pawh chuan Thlamuang
takaawm turin amah zuitu te chu min ti. Isua khan hun harsa leh khirh Amah zuituten an
paltlang a ngai tih a hre lawk a thlamuan thu min hnutchhiah a nih kha. “Keiinkhawvel ka
ngam ta” Isuan a ti (Joh 16:33).

2. Ni tin Lalpa Fak :

Sam 145: 2 : Ni tin, ka fak ang chia; I hming hi kumkhaw tlaitluanin ka fak ang.
Mizo Kristian zingah hian nitin Lalpa fak hi kan tlem awm hi ka tia. Tunlai social
media a Politics leh thildang sawi hona hi han thlir ila, nileng zankhua maiin mi an in chirh
theh a, an in sawi sel a, an in khing a. Lalpa hnena lawmthu sawina hi hmuhtur a vang
pharh mai. Kan damchhung khawsak lungkham luatna in min ei nasat vang te pawh a nih
hmel. Mi tam zawk hi chuan nikhat a kan hun chanve, a, hmun 3 a then ahmun khat lai
pawh a niang hi Sumleh pai ngaihtuah nan hunkan hmang a. Chungkara Lalpa fakna hun
hman chu ava har thin em. Mahse nitin Lalpa fak tur hian kan in buatsaih a ngai hle in ka
hria.
Engtin nge, Khawi hmunah nge, engin nge kan fak ang le?
Sam 150 na in thlir leh lawk teh ang
Pathian chu khawihmunah nge kan fak ang?
150: 1 LALPA chu fak rawh u.
Pathian chu a hmun thianghlimah chuan fak ula:
150:2 A thiltihtheihna boruak zau takah khian amah chu fak rawh u.
3
Engvangin nge kan fak ang?
150:2 A thiltih ropui takte avângin amah chu fak ula:
150:3 A ropui nasat êm avângin amah chu fak rawh u.
Engin nge kan fak ang?
Tawtawrâwt riin amah chu fak ula:
150:4 Perhkhuang leh tingtangin amah chu fak rawh u.
Khuangte leh lamin amah chu fak ula:
Tingtang chi hrang hrang leh phenglawngin amah chu fak rawh u.
150:5 Darbenthek ri thum miin amah chu fak ula:
Darbenthek ri fiak miin amah chu fak rawh u.
Tu ten maw fak ang? Ruat bik an awm em?
150:6 Engkim, thaw thei tawh phawt chuan LALPA chu fak rawh se.
LALPA chu fak rawh u.

NITIN LALPA - HT SANGLIANA

Zing ni chhuak eng mawi leh boruak thiang karah

Chibai bukin Lalpa I hmaah ka lo kal e
Ni thar duhawm leh mawi min pek vangin
Kunin i hnenah, lawmthu ka rawn sawi e

Chhun a lo thenin I hmel min hmuhtir la

Englai pawhin ka ke pen min tih ngil sak la
Nun Kawng raltitnaah awm ka nihin
Min vengin Lalpa min hualhim zel ang che

Khua a lo tlai a, ni a lo tlak dawnin

Ka tihdikloh awm apiang min hriatchhuah tir la
Thupha ka chawi, thinlung inchhirin
Malsawm tlaka nun mawi neih ka duh e

Zan a lo thlenin hahchawlhna min pe la

Thinglung lawm a khatin laikhumah min zal tir la
Zan mutchhinin mang lamah min hrilh rawh
Ram hlun tur Van Jerulam chanchin mawi

3. Nitin Chanchintha hril :

(Marka 16 :15-18 Tin, an hnenah, “Khawvel zawng zawngah kal ula, thil siam zawng
zawng hnenah chuan Chanchin Tha hi hril rawh u. A ringa baptisma chang chu
chhandamin an awm ang a; a ring lo erawh chu thiamloh changin an awm ang. Tin, heng
chhinchhiahnate hian ringtute chu a zui zel ang: Ka hmingin ramhuaite an hnawt chhuak
4
ang a, tawng thartein an tawng ang a; rulte kutin an la ang a; thihna tur engpawh in mah
sela engmah an ti lo vanga; damlote chungah an kut an nghat ang a, an dam zel ang,” a ti a.
II Tim. 1:11 Chu mi Chanchin Tha thu chu hriattir turin tlangaupui tuah leh tirhkohvah
leh zirtirtuah ruat ka ni.
Chanchin tha chu eng nge ni?
Kan Bible-ah chuan hetiang hian kawng hrang hrangin a sawi a :-
a) Pathian ram chanchin tha,
b) chhandamna chanchintha,
c) khawngaihna,
d) remna
e) sual ngaihdamna
f) nunna chanchin tha tih leh a dang dangtein a sawi a ni.

Chanchintha chu engvanga hril tur nge kan nih?

Kan Bible thu tarlan atang khan a chiang mai awm e. Kan Lal Isua thupek a nih
avangin chanchintha hi kan hril mai tur a ni.

Chanchintha chu engtia hril tur nge?

Chanchintha hril dan hi chi hrang hrang a awm. Kohran leh mi malin kan hril duh
dan leh kan kalpui dan pawh a inang lo a ni. Kan remchan dan ang angin chanchintha hi
kan hril thei a ni. -
a) Mahni ngei kal chhuaha hril te,
b) thusawi,
c) chetzia,
d) zirtir,
e) tihdamna,
f) thilpek rawngbawlnate hi chanchin tha hrilna langsar zualte chu a ni.

He awmhmun rawngbawlna, nitin a chanchintha hrilna hi tlem han umzui

ila.
Heng thilpek rawngbawlna te, tawngtaipuina te, nun leh chetzia hmanga
rawngbawlna te hi awmhmun atanga chanchintha nitin kan hrilna langsar zualte chu a ni.

Kan Kohhran mite, rawngbawltute hi he leia Krista aia Palai, puithiam kan ni a. Kan
nun kan chetzia te hian Krista aia palai kan nih a tarlang em? tih han inzawt ila,
keimahniah a chiang ber ang.

Engti mi pawh ka ni thei e, nitin kut hnathawka eizawng ka ni mai thei e, office lam
hnathawk mi ka ni emaw, sumdawng emaw pawh ka ni thei e.
a) Ka hnathawhnaah ka thawhpuiten eng hmuhin nge min hmuh?
b) Ka hnathawhin belhchian a dawl em?
c) Ka office hnate hi rawngbawlna hian a pawtbuai fo em?
d) Ka hna avang hian ka thawhpuiten harsatna an tawk fo em?
5
 e) Keimahah chanchintha an hmu em?

Ka nupui/pasal fanau, ka chhungte hian chanchintha, nungchang tha an hmu ngai

em? Kan tihtur theuh kan tihna ah hian miten eng nge an hmuh ang le?

Matthaia 5:14-16 ah chuan, "Khawvel eng in ni e, tlangchhipa awm chu thuhruk

theih a ni lo. Miin khawnvar halin hrai hnuaiah an dah ngai lo, a dahnaah an dah zawk
thin. Chutiang bawkin in eng chu mi mit hmuhin eng rawh se. Chuti chuan in Pa vana mi
chu in chawimawi thei ang," tih kan hmu a.

Lal Isua chanchintha hrilin khawvel, kan ram leh hnam ti-tha a, ti-mawia tieng tur
kan ni. Tlang chhipa khaw awm chu a langsar a, hmuh a awl thin. Keimaha chanchintha
awm hi ka nunah hian a langsar ve em? He chanchintha hian hliahtu a nei ang tih a
hlauhawm hle a ni.

Khawnvar chu an khuh bo daih ngai lo. A eng hmang tangkai turin a dahnaah an dah
zawk thin. Ka nunah hian chanchintha khawnvar chu a eng chhuak ve em? Mi dang tan
tangkaiin he nun chanchintha hi a eng chhuak ve tur a ni.

Mathaia 5:13-ah chuan lei chi kan nih thu leh lei chi da tawh tangkai loh thu kan
hmu a. Khawvelin a mamawh chanchintha thlentu lei chi kan ni a. A chhia siamtha a
tithatu tur, mite Lal Isua hnena hruaithlengtu tur kan nih lai hian a tidartu, tihlatu kan ni
ang tih a hlauhawm a ni.

Pu Gandhi an 'A Message to Christian' tih a ziah an khan thu pawimawh tak mai
ziah tel a nei a. chumi chu Kristian chuan Krista a ang tur ani ati. Thusawi, Zirtir (Preach)
ringawt lo in Practise nghal turin a ngai ani.

Chi chu a burah chauh lo pawh a al a, chi a ni reng angin lawmna thar, hlimna thar,
siamtharna ka chang a ni mai thei. Mahse, khawvela awm kan nih miau avangin engpawh
hmachhawn thei ka ni. Ka lawm reng thei lovang, ka hlim reng thei lovang; zuai rawih
rawih chang pawh a awm ang. Mahse ka rinna erawh engtiklai pawhin a nghet tur a ni.
Biak In chhunga ringtu tha chu Biak In pawnah pawh ringtu tha a ni reng tur a ni.

St Francis Assisi chuan ' Chanchintha chu engtiklai pawhin hril rawh, a tul chuan
Thu (Words) pawh hmangmai rawh' a ti.

Danglam ngam nun - Chanchintha hril tur hian chawhpawlh nun a rem lo.

Kan nitin nunah hian ' Miten min chhiar, minthlir reng e' kan tih karah hian kan
danglam ngam tur a ni. chu chu kan chanchin tha hrilna tha ber chu a ni. Kan lum leh kan
lum ang a, kan vawh leh kan vawt law law tur a ni. Hmelmapa chet dan kan en a tul lo.
Hruaitu ropui Mosia leh Josua khan an hmelma lam an en lo. Lalpan tihtur a tih chu an ti

6
mai a ni. Pathian duhzawng nia kan hriat avanga mi dang tibuai khawp leh mi dang leng lo
khawpa nunpui erawh a hlauhawm thin. Peih lo chung chung pawha kan tih hram hram
hian chanchintha kan hril tel a ni. Duh chuan eng kawngah pawh hian chhuanlam a awm
thei vek.

Tute emaw mitmei kan veng avang leh Krista neitu kan nih avanghian mite rem vek
leh mite duhdah zawnga awm vek hi a dik chuang hauhlo maia. Krista ringtu te chu kan
danglam bik tur a ni. chu kan danglam bikna chu midangte laka kan hran bikna, Krista
kan neih bikna alanna tur chu ani.

Danglamna tel lova Ringtu nih hi thil hlauhawm tak a ni a, chung mite vang vek
chuan Kristian hming hi tihchhiatin a awm thin. Kan ngaithla a, kan sawi a, kan nun erawh
tih danglamin a awm si lo. Danglam tura koh kan nihah chiang hle mah ila, danglam turin
kalsan ngaite kan kalsan phal lo va, khawvel hmangaihna hian min la hneh thin em vang a
ni. Krista neitu nise, krista tana sipai rinawm nih duh si hi Krista neilo tute nen kan
danglam leh ta chuang silo. Thu tha tak tak sawiin, anmahni chhanchhuahnan cheng
tamtak pawh seng mah ila, a rawngbawltuleh krista neitu in ti zawkte hi entawn tlak, nun
ze dik leh krista vanga nun danglam kanneih chuan siloh chuan a sawt mawh thin a ni.

Krista tana danglam ngam hi puihna dawng lo an awm ngai lo. Lalpa tana kan
danglam ngamnaah hian Lalpa mi hman chu kan ni chauh thin. Chutiang tel lo chuan
rawng hi a bawl theih a, thu pawh a sawi ve teuh theih tho nain, mite tan damna chu a
thlen thin si lo. Midangte nun thlakthlenga, an damna tak thlentu nun zawk chu danglam
ngamnaah hian a awm thung.