Isua Krista Kohhran |halai Pawl

Luangmual Branch
Essay writing competition, 2019.

TOPIC :
KOHHRAN NIHNA LEH A
MAWHPHURHNA
 KOHHRAN NIHNA LEH
MAWHPHURHNA

Kohhran hi Pathian din a ni a. Mathaia 16:18-ah chuan chiang

takin, “He lungpui chungah hian ka Kohhranho ka rem chho ang a,
Mitthi khawkulh kawngkharte chuan chu chu an ngam lovang,” tiin alo
in ziak bawk a ni. Kohhran chu Krista, Pathian nung ringtute pawla
indin, Pathian thu nung pawmtu leh nunpuitu te, Lalpa Sakrament –
Baptisma leh Lalpa zanriah dik taka hmang tute hi an ni.

Ephesi 2:21-22 kan chhiar chuan Paula’n, “Amahah chuan lung

rem hrang \heuh te, rem taka chuktuahin, Lalpaah chuan biak in
thianghlimah a chang zel \hin a, nangni pawh Amahah chuan Thlarauva,
Pathian awmna tura rem khawm in ni,” a ti a, II Korinth 5:20-ah,
“Chutichuan, Krista aia palai kan ni a, Pathianin keimahni min hmangin
a ngen chiam che u tih theih a ni. “Pathian nen lo inrem rawh u,” tiin
Krista aiah kan ngen che u a ni,” tih kan hmu bawk a. Tin, Marka 16:15-
ah chuan, “Khawvel zawng zawngah kal ula, thil siam zawng zawmg
hnenah chuan chanchin \ha hi hril rawh u,” tih kan hmu bawk a. Pathianin
mi zawng zawng chhandama kan awm a, thutak hre turin min duh a.
Amaherawhchu, Pathian chu tisain kan zingah chanchin \ha leh thutak
puang turin a chen tawh loh vangin ama aia palai hna thawka khawvel
zawng zawnga thilsiam zawng zawng hnenah chanchin \ha chu puang
darh a, Thlarau bote hruai kir a, chhandamna kawng kawhhmuh turin
Lalpan Kohhran hi a din a ni. Kohhran chu a dintu leh a nghah chhan a
ropuiin a nghet a ni, chiang takin I Timothea 3:15-ah, “Pathian chhungte
chu Pathian nung Kohhranho, thutak ban leh innghahna chu an ni,” tih
ziak kan hmu bawk a ni.

Tin, Zoramah chuan Kohhran chu Pathian ringtu insuihkhawm,

remna leh muanna thlentu a ni a. Ram leh hnam tan a hmahruaitu ropui
tak a ni. Ringtu hnungtawlh te chhawmdawl a, Pathian lam hnaih thar a,
a rawngbawl hna thawk leh thei tura sual bawih ata khai chhuaktu a ni a.
Tisa leh thlarau chaw \ha min pe a, min buatsaihsaktu a ni. Tupawh
Kohhran vuan lo tu chu eng ang pawhin thlarau chaw \ha dawng inti
1
\hin mahse, rei tak a daih lova, mahni mai chuan tlukna ata dinchhuah
leh a harsa \hin. Chutiang bawkin Kohhran vuanlo tu chuan a tlukna ata
khaichhuaktu nei lovin a tlukna hmunah chuan a bawk sawp reng a, a
thi mai \hin. Kohhran vuan tlattu erawh chu thlarau chaw \ha malsawmna
a dawn laiin hlimpuitu leh thlarau lama chawmtu kohhran mipuite vawn
tlat tur a nei a, a tluk chang pawhin a mamawh pe a khaichhuaktu tur
\anpuitu \ha Lalpa mihriat ten an khai ding leh \hin. Chuvangin Pathian
ringtu inti te tan chuan chak loh ber lai pawn Kohhran vawn tlat chu kan
tih makmawh a ni.

Kohhranhote hian mawhphurhna kan nei \heuh a, Kohhran hlim

leh hlim lohah te, Kohhran chak leh chak lohah te, Kohhranin thlarau
lamah hma a sawn em tih thlengin mimal tin ten mawhphurhna sang tak
kan nei \heuh a ni. Rawngbawlnaah hian langsar zual deuh bik awm
mahse pawimawh bik leh \ha bik erawh a awm reng reng lo. Mimal tin
te kan rawngbawlna kawng a inang lo \heuh a, \henkhat thusawi mi an
awm a, a \hen rorel thiam, a \hen zai mi an awm a, a \hen hnatlan ni khua
a \angkai tak tak an awm a, \henkhat mi hmuh loh a \awng\ai lama lo
beitute an awm ve bawk. Mi tin mai hian kan phak tawk \heuh ah hian
rawngbawlna kan nei a, kan hmaa inchhawp reng reng kan theih ang
tawk a kan tih \heuh chuan rawngbawltu \ha kan lo ni mai dawn alo ni.

|henkhat chuan rawngbawlna hi inchei nan taka hmang an awm

\hin a. Rawngbawlna hi inchei nana hmang \hin mahse an nunah ei tur
hmuh tlak a awmlo fo \hin. Chutih rualin miten eng vak maha an ngaih
loh an en liam ve mai \hin khan a tih tur leh chanvo bei tham ve tak rilru
leh tih takzet a alo hlen chhuah ve zel a, rinawm taka Pathian tan chauhva
a rawngbawlna te chu a hlen chuan chu ngei chu rawngbawlna dik leh
thianghlim chu alo ni.

Kohhranah chuan hmasawn zual lai leh chak zual lai a awm ang
bawkin chak loh lai leh rorelna fel tawk loh palh changte pawh a awm
\hin, chutah chuan roreltu leh hruaitute dem a hmusit mai lova,
inpuitawnin rorelna fel zawk kan neih theih nana kan ngaihdan thawh
khawmte chu Kohhran khai dingtu leh hmasawntirtu zawk a ni tih kan
hriat \heuh a pawimawh. Kohhrana kan mawhphurhna te chu bei tham
viauin kan hre \hin a ni maithei a, Kohhranah pawimawhna nei ve lo
riauin kan inhria pawh a ni maithei, mahse rawngbawlnaah hian ropui
2
bik an awm lova, thusawitu leh \antu pawh chanvo khat ve ve a ni a,
thusawitu chuan hun a hman rei zawk vang leh Pathian thu ropui tak a
sawi vangin a hna chu a ropui bik tihna a ni hek lo. KOHHRAN in tih tur
a pek fel taka titu chuan a mawhphurhna \ha takin a hlen alo ni mai
zawk a ni.

Tin, kan sawi hmaih hauh loh tur leh pawimawh ber chu Chanchin
\ha puan darh a ni. Lal Isuan keini misual anchhedawng tawh ten chatuan
nunna kan neih theih nana a thisena min tlanna chu a ropuiin a hlu
takzet a, hei baka chanchin \ha leh lawmawm hi a awm leh tawk ngai
lovang. Chhandamna kan chan hi thil thlawn pek liau liau a ni a,
chuvangin Pathian chhandamna la chang lo leh Pathian thu pawh hre lo,
sual ngaihdamna la chang lote hnena chanchin \ha puan darh hi
KOHHRAN mawhphurhna a ni.

(Ziaktu : B. Lalruattluangi).

3
 KOHHRAN NIHNA LEH
A PAWIMAWHNA TE

Isaia 4:1. Tin, chu mi niah chuan hmeichhe pasarihin mipa pakhat
an chelh ang a, “Keimahni chaw kan ei ang a, keimahni silhfente kan
inbel ang e: i hming chauh min puttir rawh; ka hming chhia hi min
chhilhsak rawh,” tiin, an sawi ang.

Mika 4:5. Chi tin mahni pathian hming \heuhin an awm ang a,
keini pawh LALPA kan Pathian hmingin kumkhuain kan awm ang.

Tirhkohte 4:12. Mi dang tuma hnenah chhandamna a awm lo;

van hnuaia mihring sak zingah, min chhandam tur hming dang reng a
awm lo.

Lu leh taksa inzawm chuan hming pakhat a nei a, hming dang a

nei thei lo bawk. Lu krista a nih chuan a taksa chu kohhran a ni a, Isua
Krista Kohhran a ni tur a ni. Kolossa bung 1:24-ah a taksa chu kohhranho
hi an ni a ti a.

Kohhran tih hming pu ve tam tak an awm, mahse chung kohhran

pawl te chu Krista Kohhran pawl an ni lo.

Lu krista zawmtu kohhran chuan a hming a pu ngei tur a ni a,

Krista nihna leh chanvo chu a nihna a ni tur a ni. A hmingpu Kohhran
chu a thuneihna vanram chahbi a pe hial a. Lei a phuar chu vanah pawh
phuar, leia phelh chu vanah pawh phelh a ni. A hming pu chhuaktute hi
a kohhran a nih miau avangin krista aia palai hna thawk kohhran a ni a,
khawvel pawl kohhran nena kan inan lohna pawh hming zawng zawnga
hming chungnung ber pek kan ni a. Kohhran nihna leh pawimawhna
sawi rualin a hming pawimawhna sawi tel angai a, a chhan chu Lu leh
taksa leh hming a inkawp tlat avangin.

4
 Khawvel pawl kohhran hming chuan, hun hnuhnungah chuan
kan hming chhia min chhilhsak ve thei lo, hming chhe chhilh nan Isua
hming put an lo dil dawn. Lu leh taksa inzawm lo hming dang pu kohhran
reng reng Isua krista kohhran a nih theih loh. A hming mai mai an ti a, a
hming neitu, pu tu, Lu leh taksa hming nena inzawm, hming zawng
zawnga hming chungnung ber leh engkim tithei a ni. Min chhandam
thei hming dang reng an awm lo, chu hming chu kohhran hming a ni tur
a ni. Kohhran chu taksa aiawhtu a nih tlat avangin Lu leh taksa, Krista
taksa zawmtu kohhran chuan, Isua krista chauh hi min chhandam thei
tu Pathian a ni tih hi a pawm tlat tur a ni a, a pawm nuam lam zawngin a
kal ve a thiang lo. Thlarau duhdan ang zelin a kal tur a ni.

Pu Zoramthanga chu CM a ni a, a nihna a\angin thil a tithei hle a

ni. A hming mai mai tih chi a ni lo. Pu Zorama Lu leh taksa a inzawma
a hming an phuah kha a taksa pumin a pu chhuak a, thil a tithei em em
a ni.

Kohhran hming pawh Lu krista, a taksa kohhran, a hming Isua

Krista Kohhran a ni. Kohhran nihna hre chiang lotu ten a hming mai
mai ti mah sela a bul leh tawp a ni a, hun hnuhnunga beramte huang
khata kan lawi luhna tur a ni a. Mitthi khawkulh kawngkhar pawhin a
ngam loh tur Lu leh taksa aiawh kohhran, Isua Krista Kohhran a ni.
Chanchin mha puang darh a, tlu te kaitho a, boral te zawnga chhandamna
hna thawk tur a ni.

(Ziaktu : Pc. Lalramtharnghaki).

5
 KOHHRAN NIHNA LEH A
MAWHPHURHNA TE

Kan sualte tlantur a Isua Krista he khawvela a lokal khan Petera

hnenah Kohhran a din tur thu leh Kohhran dinhmun tur a sawi a (Matthaia
16 : 17–19). Chu Kohhran chu thuneihna sang tak a pe a, vanram chahbi
kawnltu niin, mite thinlung sual kalh hawn sak tur a Chanchin\ha hril
hna pek a ni a, Pathian aiawh a sual do a, a rawngbawlna hmasa te
chhunzawm a, he leia a Krista aiawh a thlarau Thianghlim awpna hnuaia
rawngbawlna hna tinreng te thawk tura a din, a taksa peng te kan ni a.
Taksaah hian peng hrang hrang kan nei \heuh a, an hnathawh pawh a
inang lo. Kohhran pawh hi Lal Isua rawngbawlna hmasa te chhunzawm
a, ram tina Chanchin\ha puang darh turin Lal Isua’n he khawvelah
Kohhran min din sak a, Isua’n chu Kohhran min din chhan chu kan
hriatchian a pawimawh em em a ni.

Kan Pathian thu chuan Amah lu, Krista a nihna hnuaiah taksa
peng tinte hian kan tih theih tawkah hnathawh tur kan nei \heuh a, Rinna
leh Pathian Fapa hriatna kawngah chuan thu khat vua a, Isua Krista
famkimna lenzia tluka kan lo awm theih nan leh, zirtirna thil tinreng a
lehlam lehlama vawrh leh len len kan nih lohna turin rawngbawlna hna
hrang hrang thawk tur a mawhphurhna pek kan ni. Kan mawhphurhna
tihlawhtling tur chuan taihmakna kan neih a ngai a. Rawngbawlna
kawngah hian ropui bik leh hniam bik a awm lova, Pathian min pek
tawk ang zel taihmakna hna kan thawh hian Krista taksa Kohhranhoah
Pathian ropuina a lo lang mai \hin a ni. Rawngbawlna kawngah
hmasawnna rahbi rap zel tur a kan thawhrim erawh a ngai takzet a ni.

Rawngbawlna kawng hrang hrangah hian Kohhran hian

mawhphurhna sang tak kan nei a, chung kan rawngbawlna tur kawng
hrang hrangah chuan \henkhatin thusawi te , Pathian fak a lam te, Pathian
fak a zai te leh Thlarau thilpek hrang hrang te, Pathianin kan zawh tawk
ang zela khawngaih rawngbawlna hna min pek chu mimal tinin kan
hlen hian kan mawhphurhna kan hlen dawn a ni.

6
 Kohhran hian kan nihna leh mawhphurhna kan hriat chian a ngai
a, khawvel sualna lak ata Lal Isua’n min kohhranna te, a rawngbawlna
chhunzawm tur a kan kovah a nghah ziate kan hriat a ngai a. Kohhran
kan nih chuan, mahni duh dan leh ngaih dan ni lovin Lal Isua duh dan
zawka kan nun a ngai tawh zawk a ni. Khawngaih rawngbawl hna thawh
a, khawvel thim ti eng tur a din kan nih angin mahni tana nung lovin a
kotu tan kan nun a ngai a tawh zawk a, min kotu lam en lo a, mahni duh
dan leh ngaih dan anga kan nun chuan kan mawhphurhna kan hlen thei
ngai dawn lo a ni. Chuvang chuan kan nun hi kan chian a ngai a, kan
nihna Kohhran kan chian a ngai em em bawk a ni.

Kohhran nihna kan hriat a, min ko hrangtu rawngbawl tur tih hriat
a, beng maia hriatna hi a nihna hriat chianna a ni lo a, khawvel sual lak
a min kohhran a , kohhran nihna min petu tana kan taksa ngei hi ama tan
kan hlan a ngai a. Kan rilru leh Thlarau zawng zawng, kan chakna leh
kan theihna, kan neih rohlu te ama tan kan hlan a ngai a. Lalpa tana kan
inhlan \heuhna hian Kohhran nihna a lo pho chhuak \hin a ni.

Kohhranhote chuan mawhphurhna chi hrang harng kan nei \heuh

a, chu kan mawhphurhna kan tih hmasak ber tur chu Chanchin\ha puan
darhna kawngah a ni. Lal Isuan a rawngbawlna chhunzawm tur a min
din ang ngeiin he khawvelah hian kohhranhote hian mawhphurhna
Pathianin chhunzawm a, a ram tizau turin kan kovah a nghat a, Isua hre
ngai lo ten an lo hriat a, a rawng an lo bawl a, a ram a lo zau zelna turin
Kohhranhote hian mawhphurhna kan nei a. Hei mai nilovin Kohhranhote
chuan members te a chak lo zawkte dawm thiam a, Pathian hnen thleng
pha lote Pat hian hnenah hr uai thleng ngei turin Kohhran hian
mawhphurhna lian kan nei a ni.

(Ziaktu : T.upa Lalzarmawia).

7
 KOHHRAN NIHNA LEH A
MAWHPHURHNA TE
Bible chuan khawvela mi zawng zawng ten in\hianna leh inpawhna
leh himna danglam bik tak an neihna chu a tarlang a, chu chu kristian
Kohhran hi a ni. Tunlai mi tam tak, kohhrana mi rinawm tak tak te pawh
hi, Krista kohhran I ni em?, Krista serhhran rawngbawltu I ni takzet
em?, Krista Kohhran zinga chhiar tel I ni tak meuh em?, tiin inzawt ta
thut ila, chhanna kan inpek theih pawhin chhungril nun fah lungawi
chat khawp chhanna chu kan hmu chawpchilh nghal lo mai thei a ni ti
r’u. Hei hi a chhan chu Kohhran nihna hi kan chian tlan loh vangte
pawh kan ti thei awm e.
“Kohhran” tihna Hebrai thumal chu Mizo \awng Bible thuthlung
hluiah chuan, “pun khawmna”, “inkhawmho”, “mi tam tak” ti tein lehlin
a ni a, chu chu “pung khawm”, “ko khawm” tihna emaw a\anga lo chawr
chhuak niin mi thiamte chuan an sawi. Chu mi tlukpui Grik thumal chu
“ek-kle-sia” niin, grik thumal pahnih “ko” tihna leh “chhuak” tihna
a\anga lo awm niin zir bing mite chuan an tarlang bawk. Bible-a
Thuthlung thar lamah chuan Matthaia 16:18 a mi hi ‘kohhran’ tih
\awngkam kan hmuh hmasak berna niin, vawi 120 vel bawr tarlan a ni.

Mimal leh kohhran :

Thuthlung hlui hunah chuan Pathian awmna chu Temple niin,
Pathian leh mimal inkarah puithiam rawngbawlna awmin, chumi kaltlang
chauh chuan Pathian an pawh thei chauh a ni ber a. Chu thil chu
Thuthlung thar hunah chuan \hiah ni tawhin, Temple(kuta sak)ah chauh
Pathian awm lovin ringtu-ah chuan Thlarau Thianghlimin hmun a khuar
a. Tirhkoh Paula pawhin ringtu zawng zawngte hi Thlarau thianghlim
chenna in kan nihzia te, midang kaltlang lova mahni ngeia Pathian pawh
a, Pathian nena inkungkaihna \ha nei thei kan nih min hrilh nghe nghe.
Heti a ni chung hian, “Pathian in in nih leh Pathian Thlarau nangmahniah
a awm reng tih in hre lo vem ni?”(I Kor.3:16) han tih lai te, I Kor. 6:19 a,
“Thlarau thianghlim in” han tih lai te avang hian ringtu mimal tin te hi
mahni a “Kohhran ni ta” anga inngaihnate apiang mek niin a lang. Tun
hunah hian mahni a kohhrana inchhal thei emaw, Pathian biak in kan
nih tawhna avanga inpawlho leh inkhawm mamawh lo ta kan ni lova,
8
Thlarau Thianghlim chenna in te khan kalkhawmin ‘awmkhawm’ zingah
te chuan Pathian kan fak zawk dawn a ni (Heb. 2: 12; Sam 35:18).
Kohhran chu pawl pakhata seilenna inang te inzawm khawmna
emaw, tui zawng inangte inhawrkhawmna hmun a ni ngawt lova, intichak
leh intihlim tawn tura awmkhawmho ngawt lah an ni lo. Intihlim leh
intichak tawn tur ringawt a awmkhawm emaw intihna avang hian
\henkhatin rorelna te, inkhuahkhirhna leh inthununna te kan zo lo mai
\hin. Kohhran chu Pathian thua innghat tlat pawl lian tak, Bible zirtirna
dik leh dik lo enfiah a, zirtirna dik lo hnawl a dotu a ni. Bible-a kristian
awmkhawm kan hmuh anga din tirh phat a\anga rorelna fel mamawh
niin, chhandamna chang tura mite thlemtu pawl mai nilo chhandam
tawhte nun zui zel dan tur kawhhmuhtu a ni. Bible chuan, Kohhran chu
Krista’n Ama tan, Amahah nghatin a din a ni a, mitthi khaw kulh
kawngkhar pawhin a ngam loh tura a din niin min hrilh a (Mat 16:18;
Kol 1:16-18). A thisena a lei a thil siam thar a ni (Tirh 20:28; II Kor
5:17), Thlarauva, Pathian awmna tur Biak In Thianghlim (Ephesi 2:21-
22) leh Pathian chhungte, thutak ban leh innghahna a ni (I Tim 3:15;
Heb 3:6) tiin min hrilh bawk.

Hmuh theih leh Hmuh theih loh kohhran :

Bible mi thiamte chuan Kohhran hi chi hnih hlawm lian takin an
sawifiah a, chungte chu Hmuh theih kohhran leh Hmuh theih loh kohhran
tihte an ni. Kan zinga \henkhat chuan rorel, inkhuahkhirh te leh
inthununna te kan zo lova, Hmuh theih loh kohhran lam sawi uarin,
Hmuh theih kohhran an thlahthlam mai \hin. Lal Isuan Kohhran a din
khan hmuh theih loh lama amah ringtute zawng zawng chu hmuh theihin
an inpawlkhawm a, hmuh theihin rawng an bawl a, hmuh theihin
Kohhran hruaitute an thlang a, inrelbawlna hna zawng zawng pawh
hmuh theihin an kalpui vek a ni. Hmuh theiha mahni awmna \hin
kohhranah pawh intulut hlei thei lo kan nih chuan hmuh theih loh
kohhran, chhandamte hlirna kohhran, a telhtu pawh khawiilai upate leh
member te ni tawh loin Pathian chauh a nihnaah chuan tel ve theiah kan
inngai tak meuh angem le?

Kohhran mawhphurhna te :
Kum zabi 21 naa cheng mek mihringte lakah hian kohhran hian
bat lian tak mai a nei a. Miin engvangin nge kohhran belh a duh kan tih
9
chuan, a nuna a tlakchham kha engtikawng emaw berin phuhruk theih a
inrinna vang a ni kan ti thei ang. Khawvel thilin a a uai rih leh veh chuat
nun buai tak karah kohhran chuan bible behchhana nun kawng sial
theihna a pe zel thei tura ngaihna hi ala lian hle a. Chung a nih mek lai
erawh chuan, kan kohhrante hi miin han bel ta se la, Pathian thu nung
tak tak ngaihthlak reng tur a awm lo, zaipawl leh zaihona nung tak a
awm reng lo, \halai lam tan rimawi chi tinreng nen a Pathian fak theih
beiseina nena kohhran beltu tan beidawn rum rum hialna tur a ni mahna!
Heng te te ngaihtuah ringawt pawh hian Kohhran chuan a ke pen leh
rawngbawlna kal siamah chona leh mawhphurhna lian tak a nei a ni.
1) Din chhan leh tum a chiang kohhran : Krista’n a hnathawh
chhunzawm tura a din kohhran hian chhuan awm mek leh awm zel tur
ten an hun tawn mil zela kaihhruaina an hmuh theihna turin lungphum
nghet tak, din chhan leh tum mumal tak a nei a. Miin hmun dang
khawimaha a hmuh zawh ngai loh tur chena pe turin Kohhran chu a
awm tur a ni a, boruak hrisel leh muanawm hnuaiah rahbi a chheh angai
a ni. ‘Engtin nge kohhran hi a \hanlen zel ang?’ tih lam aiin, ‘Engin nge
kohhran \hanlenna tur hi dal \hin?’ tih chu kan inzawhna tur a ni ang.
2) Khalh kaltu mumal tak nei kohhran : Din chhan leh tum
mumal tak neiin Kohhran ding mah se, chumi hmu thei tur chuan engin
nge khalh kal tih hian kawng ro a su hle mai. “Kan kal dan pangngai a
kal nise kan ti” tih thutlukna hmanga tradition-in a khalh kal nge?,
Hruaitute mizia a zira inkhalh kala Pathian duhdan leh mipui mamawh
lam aimaha hruaitute lo dai tawh ram leh an rilru sukthlekin a khalh kal
nge?, “Engzat nge kan sen \ul ang,” tia sumin a khalh kal nge?, Programme
duan fuh leh fuh lohin a khalh kal kohhran?, Nge ni a In luah tur hmuh
leh hmuh lohin emaw, “Inkhawm ngai lote hi engtin nge kan hip ang,”
tih chauh ngaihtuahnain a khalh kal tur ni ang le?. Heng te hi khalh
kaltu pawimawh tak, a engamah hlamchhiah rual ni lo mah se, a bing a
lak chi an ni lovang.
3) Chhehvel luhchhuak Kohhran : Kohhran chuan a dinnna
chhehvelah a awm chhan leh a thiltum (target) a chiang em em tur a ni.
Ram bung \hen ang zawnga target a siam te, mipui (kum, zirna, eizawnna,
hnathawh) ang zawng te, Culture background te thlir chung leh, Thlarau
lam nun chena thlira target a siam thiam a \ul hle. Tute nge a khul chhuah
theih ber ang tih ngaihtuahin hma a la tur a ni a. Pathianin a lakkhawmte
10
a dawngsawngin a enkawl tur a ni a. Pathianin mal a sawm hmanruate a
lo sawisel tur a ni hek lo. Famkim, felfai leh sawiselbo mitthla chungin
khawvela din chhuah a nihna a hmu fiah tur a ni.
4) Mipui hip khawm Kohhran : Kohhran neitu Krista anga
ring lote hmangaih a pawmin, pawm an nihna inrintir theihna pe turin
Kohhran chu a awm tur a ni a. Kohhrana hnathawktu, Pastor te, hruaitute
leh rawngbawltute pawh nelawm leh rintlakin an khawsa tur a ni. Nun
thar danglam hmuh tura awm hi Kohhran advertisement ropui ber a ni,
an lo ti \hin a. Chutiang hmuh tur awmna Kohhran chuan pun lam an
pan ngeiin a rinawm bawk. Kalphung her rem hret hret hian kan
rinna(theology) a tidal lova, environment a tidanglam a ni chauh tih
hriain mihringpuite hmangaihna lantir kawngah Kohhran chuan
ngaihtuahna a sengin sul a su tur a ni.
5) Siam puitlingtu kohhran : Ringtu leh ring lotu thliar lovin
member sengluh kawngah rilru a seng \hin tur a ni a. Kohhran member
te inlungrualna tak neia boruak nuam siam a, Krista hnungzui tura zirtirna
chi tuh a, Pathian be hova chak deuh deuh tur leh, chanchin \ha
rawngbawlna hmanga arh chho deuh deuh turin hma a la tur a ni.
Chhimtu te member a senglut in, member te rilru nghet neihtir a
sawhnghetin, rawngbawltu leh roreltu ni chho zel tur te, he leia Kohhran
tana Pathian thiltum tihlawhtlingtu ni zel tura chhertu a ni tur a ni.

(Ziaktu : Pc. Vanlalhmuaka).

11
 KOHHRAN NIHNA LEH
MAWHPHURHNA TE

Kohhran kan tih hian mi tam tak chuan kan hrethiam tlangpuiin,
tin zawn kan nei \heuhin a rinawm. Kohhran hi pawl nen hian sawi pawlh
te a awm fo \hin a, pawl hi Pathianin a din leh thlarau a\anga dawn ni lo,
mihringin a din mi pahnih emaw a aia tam awmna tur a din a ni a. Chuvang
chuan kohhran leh pawlte hi kan sawi zawm fo loh a \ha hlein a rinawm.
Chu mi tur atan chuan tunah hian eng nge kohhran chu a nih a, kohhran
chuan eng nge a tih?, tih te kan zirho dawn a ni.
Kohhran chu engtin nge a lo awm tak le! Kohhran chu a lo awm
dawn chuan a ko hrangtu an awm ngei ngei a ngai tlat a ni. Ko hrangtu
awm lovin kohhran tih hming hi a lo chhuak tawp lovang. Chu mi nih
vang chuan kohhran tih kan sawi reng reng chuan a ko hrangtu leh a
koh chhan a awm ngei tur a ni. Kristian kan nihnaah hian han sawi deuh
bik ta ila, hnam dang milem pathian bia ten kohhran an inti ve em tih
erawh tunah chuan kan sawi vek lo mai ang.
Mizoram hi kan pi leh pute kha thing bul lung bul biaa inthawi
\hin, an natna damna tur atana serh leh sang mak sak tak tak te pawh lo
bei ve a, damna te changa inngai hnam kha an lo ni ve reng reng a. Tin,
dawi thilah te pawh inhnamhnawiha rinna mak leh atthlak pui pui hmanga
lo nung chho te pawh an ni ve bawk a ni. Ramhuaiin lalna a channa
hmun a ni ti ila kan tunhma kan pi leh pute dinhmun ngaihtuah kha
chuan kan sawisual tam lo viauin a rinawm a ni. He Zoram chhung hi a
thim a, sualna leh puithuna atthlak ten hmun a luah ve nasa em em a, tin
tual thah leh mi lu lak te chu chaknaah ngaiin ram neih zau duhin khua
leh khuate pawh an indo vein an inthat nasa ve em em \hin a ni.
Chutiang taka hun kan hman lai chuan he Zoram hi Pathianin a
hmu a, a hre reng a, a chenna tur atan leh amah ringtu ni tur atana a lo
ruahman lawk tawhna chu a taka thlentir turin hma min lo hruaisak ta a,
he thimna, ramhuai leh puithuna atthlak lak ata min hruai chhuak tur
hian kan Pathian chuan a hun takah hma lain, a thiltihtheihna ropui tak
chu kan chungah, zofate chungah hian a thlentir ta a ni.
Tichuan, Mizoram lehkhathiam awmlohna leh hnam mawl mai ni
12
\hin ram kha Pathianin missionary te hmangin min rawn chhun eng \an
dawn ta a. Kum 1894 a lo nih chuan zirna pangngai tak mai nei turin
British lam a\angin christian missionary min rawn tirh luh sak ta a, a
hming chu Arthington Aborigines, London missionary a ni. Amah hi
Baptist kohhran kan tih ang hi a ni a, amaherawhchu Presbyterian church
kan tih mai hi Mizoram-a kohhran ding hmasa ber a ni thung a ni. Kum
1897-ah Aizawl khawpui-ah din \an a ni a, chu mi a nih vang chuan
Mizoramah hian Presbyterian bik hi an tam em em a ni. Tin, he mi loah
hian, Roman Catholic, Salvation Army, United Pentecostal Church,
Seventh Day Adventist te pawh an awm a ni. Tin, Baptist church kan tih
hi Lungleiah Headquarter neiin an awm bawk a ni. Tichuan, sap
missionary Pathianin a lo tirh luh chinah chuan Mizoram chu kristian
ram zaah za tia koh ngam khawpin kristian kan lo ni ta a, Lehkha thiam
lamah pawh hmasawn chak tak leh hnam dangte pawh umpha ve a, ziak
leh chhiarah hmasawn tak chanchin \ha vangin kan lo ni thei ta a ni.
Kristian ni a, khawvel atna leh thimna lak ata mi la hrang a, min
chhanchhuahna, kohhran kan nihna pakhat emaw a hmasa emaw kan ti
mai thei awm e. Hun lo kal zelin, kha’ng kristian kan nih tirha hlimna
nasa tak leh taksa chetna chi hrang hrang lo thleng \hin te khan dodal leh
hnawl nih a hlawh chho a, thlarau thianghlimin a mite a khawihna erawh
a ngaiin a kal reng thung si a. Taksa chetna chang \hinte chu heng
Presbyterian a thu neitute chuan duh loin a tih reh dan tur an zawng a,
solfa hla, Khuang khat hla kan tih mai hian a tih reh theih ringin,
inkhawmnaah pawh Khuang hnih hla sak phal loin Khuang khatin min
hruai a.
Nimahsela, taksa chetna changte tan awm ngaihna awm lovin
nekchep leh en kan an hlawh nasat em avangin Pathianin a mi \henkhatte
lachhuakin, kohna dang leh ropui tak hmangin, thlarau zalenna hmun,
sual tih loh chu engkim leng a, ropui dangdai taka koin Presbyterian
a\ang hian an peng leh ta a. Chu kohhran chu a hming Isua Krista Kohhran
kan tih hi a ni.
Kohhran chu kohhran a nih ang ngeia a kotu duhdan leh a thil tum
anga awm a, ke pen tur a ni a. Hmuhsitna, sawichhiatna leh diriamna chi
hrang hrangte pawh en kan ngama hma lam pana a theih chin leh thlen
chin zelah hmasawna khawvel lak a\anga danglam ngam a ni tur a ni.
Chu chu kohhran kan nihna nemnghehna a ni tlat si a.
13
 Kohhran a lo din chuan chanvo leh mawhphurhna hrang hrangte
a nei ngei ngei a. Kohhran hi mission a ni a, amaherawhchu mission
erawh kohhran ti a sawi ngawt theih erawh a ni lo a ni. Kohhran chu
mission rawngbawlna avang chauhva hmuh theih leh \hang lian thei a ni
tihna a ni. Tah chuan, mission chu kohhran hnapui ber, Pathian sum
enkawl te, midangte lainatna te, thuhretu nihna te, dikna leh remna
chanchin \ha mi tin hnena puanchhuahna leh nunpuina hi a ni. Heti
zawnga ‘mission’ hi kan hriatthiam a, a tihlawhtlingtu kan nih chuan
hmasawnna lian tak a ni ngei ang. Kohhran chuan a beramte a enkawlin
a chawinung tur a ni a. A bikin \halaite aw ngaithlain a hriatthiamsak tur
a ni. Kohhran kut leh ke ber \halaite kan nih miau vangin an thu a
ngaipawimawh fo tur a ni. A dawm thiamin a ngaihdan a lo nih vak loh
\um pawhin a dawh thiam em em tur a ni. Tin, heng;
a) Tlute kaihthawh
b) Thlarau thianghlim leh a hnathawh humhalh
c) Chanchin \ha puan darh te hi,
a keng nungin a zawm reng tur a ni. Tin, kohhran chuan Pathian
kan biaknaah hian urhsun taka biak paihthla lova, nung tak chunga
worship kalpui dan kawng kan zawn a hun tawh hle. Inkhawm pawh
tawi fel tak, \halaite tana ninawm lo zawng leh tel ve chakawm taka kan
kalpui thiam chuan kan kohhran hian hma a sawn zel a rinawm.
Khi’ng achunga kan sawi bakah te pawh khian sawi tur tam tak a
awm thei ang a, mahse sawi vek sen a ni lovang. Amaherawhchu, heng
kan sawi a\ang mai pawh hian kohhranhote hian hmasawnna tur leh
invenna tur kan neih te a lang nual awm e. Kohhran hian mipuite dinhmun
hrethiam a, mi beidawng leh chanhai ten beiseina neia kohhran an rawn
belh zel theih nan insiamrem a, tunlai hunah pawh belh tlak leh rin tlak a
nih zel theih nan inlungrual leh Pathian ram tan \hahnem ngaia kan \an
tlan zel ava \ul em!

(Ziaktu : Pc. Vanlaldinmawia).

14