ZO PHUALVA

Vo l u m e 0 7 , I s s u e 0 1

Thupuak

January 14, 2017

Thahatna hi lo, vangliatna zong hi loin keima Kha hang ahi hi. Zech 4:6

2017: Haksatna Kantan Kum

um thak thupha! Pasian in note-a' ding lampi

hong hon'sakin hong paikhiatpih ding hi.
Salsuahna khuapi kulh panin paikhia-in na suakta
ding uh hi. Kumpi ahi Topa mahmah in note hong makaih
ding hi. (Micah 2:13)

17 tawh Kisai Limlahnate: Lai Siangtho sungah 17 cih pen

Galte tungah gualzawhna aihkeh Gualzawhna kicing
ngah cihna in kizang hi. Pasian in mawhna khempeuh
asawpsiangna ahi tuiciin beisak in, Hebiate kha 7na ahi
Tishrei KHA, a ni 17 ni in Ararat mual ah tembaw khawklsak hi.(Pian 8:4). Kilem ni (Day of Atonement) ih cih Pasian in mawhna teng a maisak ni zong a Kha7 kha, ni 10 ni
in na bawl a, suahtaak ni leh gualzawh ni ahi hi.
Tu hun in haksatna te ih kantan ding hun ahi hi. A
genkholhna ah Tua ni ciangin na liangko panun ama
vangikpi kinkhia ding a, ama hakkol pen na ngawng panun
bei ding hi," a ci hi(Isa 10:24). Topa in a gen in ah, Ka mite
in haksatna kantan in gualzawhna kongpi ah lut uh hi. Galte
in tuihual bangin hat mah taleh, Keimah Topa in, gualzawhna ka ngah sak ding hi. Amaute leitang tungah daihna om in,
khanlawhna lian hong tung ding hi.
Tu kum pen Pasian sawlna ih man nakleh Ama thupha te
ong buak ding hi. Pasian kumpi gam tawh kisai nate ah ih
khutte ih zalkhiat leh, ih daupai ding hi. "Note in Topa na
Pasian uh thu mangin, tuni-a kong gen ama thupiakna
khempeuh limtakin na zuih uh leh Topa na Pasian un leitung
minam dangte khempeuh sangin a lianzaw-in note hong
bawl ding hi. Topa na Pasian uh thu na man' uh leh hih thuphate khempeuh note tungah hong tung ding hi.( Deut
28:1,2)
Amaute in Pasian thupiakte a zuihna uh leh leitung maitang
ah mi nuamsa in daupai ding hi. Thu mang le uh, gamdang
mite kiang a tung natna te tawh kipelh ding uh a, lungsim
thahat in pil ding uh hi. Topa vangliatna, minthanna leh
hoihnate in amaute hauhna tungtawn in kilang zawsem ding
hi. COL p. 288
Tua banah Hebia niciaptehna ah tu a ih zat Romans niciaptehna ahi 2017 pen 5777 tawh kituak a, a gualzo namsau
(crowned sword) cih lim la ahi hi. Namsau in a luite satmai
a, a thak piangsak hi.
Ekklesia Kipankhia Hen: Pasian thu tangkona ah Lametna
Aw tangko dingin uukna leh lawpna takpi tawh ong diang
khia uh hi. Mi tampite in mipi kikhopna te ah Pulpit panin
Eklesia tangko ding a, Pasian mite hong humop in, sapkhi-

atna hong nei ding uh hi. Galpa ie kulhpite leh a zungpite

longkhia dingin Eklesia pen sathau kinilh ding hi. Pasian in
hong lahna ah Eklesia in Langpangpa kulhpi te longkhia
ding cih bek hilo in a thak lam beh ding hun hong ci hi. A
zungte longkhia napi hangin, a thak ih lambeh kei leh a masa sangin kisia zaw ding hi.
An Laak Hun: Leitung ah kha mangthangte kaihkhop hun
pen hong tung ta hi. Tul tampite kihonkhia ding hi. Middle
East ah khanlawhna om ding a, tua in Arab leh Arab lo
Muslimte kiang lungdamna thu tangkona masawn sak ding
hi. Hih Khanlawhna ah Egypt hong makai ding hi. Tualsuak
(Indigenous) mite in Pasian lawnna ngah ding uh hi.
Saltaang banga ukcipna a thuakna mun panun amaute in a
vanglian damsaknate ngah ding uh a, amaute tunga kibawl
ngongtatnate maisak zawh nading hehpihna nei ding uh hi.
A tawpna ah, amaute in vanglian Pasian hotkhiatna tha
tawh minamte lok mang ding uh hi.
A lian leh a lamdang lungdamna thupuak nasep in tuma a
om ngei nailo zah in manlang mahmah hi. Leitung in Pasian
thuman te a san theihna ding in ih laigelhte leh laihawmte
ahi hi. Lungdamna thupuak pen tu a ciang bek ding hilo a,
leitung mongkiu dong a ban ding ahi hi. Kha Siangtho in
Ama mi siangthote muk le kamte hong lawnsak ding a,
tawntung lungdamna thu tangko ding in hangsanna hong
pia ding hi.
Puahphate Sulnung: 2017 pen Puahphate hun kum 500 cin
kum ahi hi. Mi tampite in minamte sungah puahphatna kisam hi ci uh hi. Khangnote kilomkhawm in diangkhia ding
uh hi. Germany leh France ah Topa in nasia takin na hong
sem ding hi. Calvin leh Luther te hong awngkhia ding hi.
Social media te zong Gutenberg lakhetna innpi hong suak
ding hi. Kha Siangtho in nasia takin na hong sem ding hi.
Terrorism leh IS: US galkap zong hong kilam pha kik ding
hi. Biakna lam suahtaakna ong suakta kik ding a, makaite in
zong suakta takin tawntung lungdamna thu hong tangko
ding uh hi. Galkap sungah puahphate hong om ding hi. Leitungbup galkap zum tuamtuam ah Pasian Kha Siangtho in
na hong sem ding hi.
Tawm bek ih mu thei a, tawm bekmah ih thei hi. Thu hoihte
sinin ih letkip ding hun ta hi. Pawlkhatte hong tung pah lian
ding hi a, pawlkhatte zong sawt nawn lo ding hi. Tu kum in
Puahphatna a om kum hong suak kik ding hi. Tu kum in
Haktsatna Kantan Kum ahi hi. Kum Thak Thupha!
David Lian

KHRISTIAN NUNATAKNA
CIDAMNA THU
Zateep kideek nuamte aa dingin, Placebo sangin Cytisine a
cih zatui nam khat in kideek theih nading ol zaw in, a man
zong tawm mahmah hi cih Researcher te'n gen uh hi. Kum
khat vaal bang a sinsin khit uh ciangin Researcher ten hih
zatui Cytisine pen Placebo sang in hoih zaw in zateep zongsatna a khawlsak thei leh mizawng gam aa dingin zong a
phatuam mahmah ding zatui nam khat hi cih zong gen lai uh
hi.
England gam London a The Health Behaviour Research Center at University College London pan lead researcher Robert
West i gendaan ah "Zateep zongsangh te pen zatui/zatang
neek kul lo a kideek zo zong pawl khat om veve a, ahizongin
a ki deek zolo a asih dong ateep zong tampi mah om hi" ci hi.
Hih zatui Cytisine pen former socialist economy countries
gamte ah kum 40 sung bang ki zuak khin in, Tabex ci in kisam a, tu'n zateep zongsangh te kideek sak theih na'ng zatui
hoih khat leh a tawm man khat ong hihi. A hih hang n United
States sungah U.S. Food and Drug Administration i phalna
nei lo a hih manin U.S sungah ki zuak thei lo hi.
Hih zatui Cytisine a ne mite za ah sawm giat leh li (84%) pen
za ki deek zo suak in, Placebo ne mite pen za ah 2.4(2.4%)
bek ki deek zo hi, Researcher te muhkhiatna ahi hi.
Leitungah Zateep zongsangh sa mitampi pen kideek nuam
mahmah in, pawl khat pen kideek theih nading counselling ki
pia lo, pawl khat leuleu zatui tam man lua in lei zo lo cih bang
in a ki deek zolo tam mahmah hi cih Researcher ten mu khia
uh hi. Src: Zogamaksi.Net
Laibu Thak: KLAC biakinn ah laibu hoih nono man ol
takin kingah thei hi. Kizop nading, Church Pastor (017-3265
747).
1. The Patriarchs and Prophets (English, Ellen G White)
2. The Acts of the Apostles (English, Ellen G White)
3. The Ministry of Healing (English, Ellen G White)
4. When God Said Remember ( English, Mark Finley)
5. Tuan Pupa leh Kamsangte (Zokam, Ellen G White)
6. Pawlpi Thu Lamlak (Zokam, Ellen G White)
7. Kidona Lianpi (Zokam, Ellen G White)
8. Kawl Laisiangtho (Judson Version)
9. Kumkikna Lamen Innkuan (Zokam Ellen G White)
10. Khazih Kiang Zuatna (Zokam Ellen G White)
11. (Innkuan Lai Siangtho Sinna)
Laisim mi khat in a sih ma-in nuntakna tul khat bang anei thei
hi a, lai sim ngeilo khat in nuntak hun khat bek zang hi.
George R R Martin
Nuntak khualzinna pen laimai khat ih lemna tawh kipankhia
hi. Rachel Anders
Laibu pen battery bei cih om ngeilo ahih manin sim denden
lel in.

Seventh-Day Adventist Church

No 8-3A, Jalan Sungai Besi 57100
Kuala Lumpur, Malaysia

Pr. Mungtong (ph: 017-326 5747)

Pr. Noel Cinh (ph: 018-227 3302)
Pr. Mamang (Ph: 011-2112 2293)

1. Nisim in Lai Siangtho sim in. Na lungtang sungah Topa

kammal kemcing in. Hong hehnem, lam hong lak, hong hilh in
tha hong pia hi.
2. Thungetna ie thusim sin in. Thungetna pen huihdiik a
bang hi. Kitatsat sak kei in. (1 Thess 5:17). Galpa in a
hawkthei humpi neelkai bangin hotkhiatsa te nangawh a khem
zawh nangin hanciam hi.
3. Kha Saingtho ah kinga den in. Na kiangah ding sakin, na
ngaihsutna leh na khensatna te Amah in hong sem hen.
4. Biakinn pai den in. Hih leitunga om pawlpi pen mihing
muhtheih Khazih tawh kisai kipawlna ahi hi. Eite in biakinn
ah pai a, kikhop ding kisam a, na dang tawh khek theih hilo hi.
5. Teci pang Christian hi in. Ih kampau leh ih nuntakna
tawh teci pang thei hi hang. Zeisu lim langh sak ni.
6. Itna pen na nuntakna ie khuambul hisak in. Zeisu in
Amah a zuite kiangah, Khat le khat na ki-itna uh hangin
midangte in Keima nungzui nahihna uh thei ta
hen ( John13:25) ci in na vaikhak hi. Christian ih hihna ih
lahkhiatna in khat le khat ki-it ni.
7. Thumang Christiante hi in. Na nuntakna ah tel ding a om
khempeuh lakah Khazih tel masa den in.
8. Zia-etna koici nawk ding cih sin in. Zia-etna pen mawhna
hilo hi. Ih zuih ciang bekin mawhna ahi hi. Kha Siangtho
tungtawn in Khazih in hong dopih ding hi.
9. Acidam Christian hi in. Ih nuntakna leh ih omzia in
tawntung Lungdamna Thu midangte kiang lakkhia in,
midangte lunglut sak ta hen. A hunnai ta hi(Matt 28:18-20)
10. Kiim le paam thupiangte khengin nungta ni. Kiim leh
paam kikaipuuk sak kei ni. Topa mahmah note tawh hong omkhawm ahih manin hehpihna leh itna tawh kiim le paamte
tawh nungta khawm in Zeisu liim lang sak ni.
Billy Graham ie gelh, Peace With God laibu pan laksawn hi.

ZAKSAKNA
Pawl Lutna & ZSM/CDK : Kipawl ciat ding phawk ni.
SS Lesson: 1st Qtr 2017 ading Zokam/English Lesson bu
kingah thei lai hi. A deihte in makaite tawh na kithuza un.
Nekkhawm & Tuiphumna: Tuni January 14, 2016
(Sabbath) ni khe kisilsakna & nekkhawm, tuiphumna cihte om
ding hi.
Lungdam Kohna: Tu kal Zo Phualva Thupuak ading itna
leh veina tawh pa Thang Suan Mungte innkuan in Rm 30.00
tawh ma hong pang in Kum Thak Thupha dawhna hong nei uh
hi. Nakpi in Pawlpi in kilungdam hi.

Malaysia om sung theih ding thu pawlkhat:

1). Tu aa na nasep pan tai khia ken, nasep ngah ding hamsa hi.
2). Na vak ciangin kidawm in, kisam lopi in vak ken.
3). Zu dawn ken, na omna ah zong mi mitdong dingin gam
lum kha ken.
4). Kimat kihen peel in, thong ah hong khum ding uh hi.
5). A kisam ahih kei leh khualzin se ken, TBS leh bus gate,
meileng station-te ah mi kiman man hi.
6). KL Central buda lut sukna counter gei ah zong nitak 2-9pm
sung mi kiman man hi.
7). Pasar Malam (nitak zay) te ah zong kidawm ni.
8). Kawlpau zangin khua sungah kihopih se dah ni.
9). Kunza kam sansa in khua sung vak se dah ni.

08:00pm

PAI DAN DING:

BUS > Pudu Pasar
Train LRT > Pudu Station

11:00am
12:30pm
03:00pm

Facebook: Zomi Adventist Group

Email: [email protected]
https://voice-hope.blogspot.com

KL ZOMI SERVICE
Every Friday:
Dorcas
Every Saturday:
Sabbath School
Divine Service
Adventist Youth