BSB Review Copy

SBTP

Page 1 of 87

Text

Comments
Date

Distributed
Returned
Entered
Assessed

Initial

REVIEWER REGISTRATION
NUMBER: _____________

Text: Matthew
This document is a draft version of
translated work being done by the
Bible Society of Botswana (BSB). It has
been distributed for review purposes
only and has not been finalized or
approved by a United Bible Societies
consultant. This review copy remains
the property of BSB and should be
returned to the Shekgalagari Bible
Translation Project (SBTP) office once
review notes have been added.
It can be returned by post to:
Shekgalagari Bible Translation Project
PO Box 286, Kang, Botswana
It can also be delivered to the SBTP
office, which is located next to the PEP
store in Kang.
If neither of these options is possible
for you, please contact the SBTP office
at +267 75244237 or email
[email protected] to
make other arrangements.

RRN: ______

BSB Review Copy

SBTP

Text

Page 2 of 87

Comments

MAT - - Shekgalagari Adapt

EFANGELE JHWAAGKA E LE
KWALWE KE

MATHAIO
Gka ga lokwalo lo
Efangele jhwaagka e le kwalwe ke Mathaio e
bola gka mahogko owa a molemo, owa a re,
Jesu Keresete ke mbologki yo o mo
sholohelwe, ena yo Morimo iye wa rihagajha
ritjholohejho jhe iye wa ri riha le batyho bawo
mo kgolaganong ye e Kgologolo. Mbe
mahogko owa, owa molemo ha se a Bajuta
heri, lotso le Jesu iye e belegwa mo golo, mbe
ke a batyho bothe.
Efangele yaga Mathaio e rulaganjhwe shente.
E simolola gka bozalo jhwaga Jesu, e be e
thalosa gka kolobetso le tyhaelo yagwe. E bola
gka tyhomo yagwe ya go rerela batyho, e rutya,
e be horisa batho mo Galalea. Efangele ye e
bola gatshi gka loetyo lwaga Jesu go jhwa mo
Galalea go ya Jerusalema, le malatji a bohelo a
ga Jesu, le gka papolo le tsogo yagwe.
Efangele yaga Luke e bola gka Jesu e le
Morutyi yo motyona, yo o na le tyhatya go
ranona molao wa Modimo, le go rutya gka
bogoshi jhwa legorimo. Efangele jhwaagka e le
kwalwe ke Mathaio, e kgaoganjhwe gka
rikarolo ri le thano: (1) tyhero ya I tyhabeng, ye
e ityabaganjhe le rityiho, boitsholo, le mekgwa
ya barutywa mba ba leshome le boberi mo
tyhomong yabo (Kgaolo 5-7); (2) rityaelo
mbarutyweng mba ba leshome le boberi
(Kgaolo 10); (3) bitshwantsho za puso ya
legorimo (Kgaolo 13); (4) tyhutyo gka
bothogkwa jhwa boruytwa (Kgaolo 18); (5)
tyhutyo gka bokhutho jhwa metha ye, le go da
ga bogoshi jhwa legorimo (Kgaolo 22-25).

RRN: ______

BSB Review Copy

SBTP

Text

Page 3 of 87

Comments
Ze bi hithelwa mo lokwalong lo

Loshitja lo bozalo jhwa ga Jesu Keresete (1:12:2)

Tyhero yaga Johane wa Mokolobetsi (3:1-12)
Kolobetso le tyhaelo yaga Jesu (3:13-4:11)
Jesu o jhwa mo Galalea e ya Jerusalema
(19:1-20:34)
Beke ya bohelo yaga Jesu mo Jerusalema
(21:1-27:66)
Iponajho le thatogo ya Morena (28:1-20)

1
Loshitja lwaga Jesu Keresete
(Luke 3:23-38)
1 She

ke lokwalo lwa loshitja lwaga Jesu

Keresete, ngwa Dafite, ngwa Aberahame.
2 Aberahame a belega Isake, Isake a belega
Jakobe, Jakobe a belega Juta le bomonawe,
3 Juta le Tamare ba belega Perese le Sera,
Perese a belega Heserone, Heserone a belega
Rame, 4 Rame a belega Aminatabe, Aminatabe
a belega Nashone, Nashone a belega
Salemone, 5 Salemone le Rahabe ba belega
Boase, Boase le Ruta ba belega Obete, Obete
a belega Jese, 6 Jese a belega kgoshi Dafite.
Dafite le mosari yo nkile e le moga Uria, ba
belega Solomone. 7 Solomone a belega
Rehoboame, Rehoboame a belega Abija, Abija
a belega Asa, 8 Asa a belega Jehoshafate,
Jehoshafate a belega Jorame, Jorame a
belega Usia, 9 Usia a belega Jothame, Jothame
a belega Ahase, Ahase a belega Hesekia,
10 Hesekia a belega Manase, Manase a belega
Amone, Amone a belega Josia, 11 Josia a
belega Jekonia le bomonawe, gka nako ha be
iswa botjhwarong Babilone.
12 Mojhwa ga ha be iswa bootjhwarong
Babilone, Jekonia a belega Salathiele,
Salathiele a belega Serubabele, 13 Serubabele
a belega Abiute, Abiute a belega Eliakime,
Eliakime a belega Asore, 14 Asore a belega
Satoke, Satoke a belega Akime, Akime a
belega Eliute, 15 Eliute a belega Eleasare,
RRN: ______

BSB Review Copy

SBTP

Text

Page 4 of 87

Comments

Eleasare a belega Mathane, Mathane a belega

Jakobe, 16 Jakobe a belega Josefe, moga
Maria, yo o belere Jesu, yo o bijhwa Mesia.
17 Aberahame iye e na le rikokomana ri le 14 go
da go Dafite, Dafite le ena iye e na le
rikokomana ri le 14 go da nako ha be iswa
bootjhwarong Babilone, le ri le 14 go da go
hitha nako ya bozalo jhwaga Mesia.
Bozalo jhwaga Jesu Keresete
(Luke 2:1-7)
18 Bozalo

jhwaga Jesu Keresete iye bo njhe

jhwa. Nnale Maria iye a le mbeelejhwe ke
Josefe, mbe pele be ngwalana, a bonwa e
ityhwee gka tyhatya ya Moya wo o Boitshepo.
19 Mbe mogagwe Josefe iye e le motyho yo o
siameyo a sha bate go mo tjenya maro a
batyho, a riha leano la go mo ralela mo
shephiring. 20 Ha e ntse e akanya jhwa,
moengele wa Morena a bonana goye gka
tyoro, a mo raya a re: Josefe ngwana waga
Dafite o shegka wa tjhaba go ngwala Maria go
riha mosari wago, gka gore o ityhwee gka
tyhatya ya Moya wo o Boitshepo. 21 O da go
belega motyhwana wa mhantjana, mbe o da go
mbijha Jesu, gka gore o da go bologka batyho
bagwe mo ribeng jhabo.
22 Gothe mma iye go rihega go rurihajha she
Morena iye a she bola gka Moporofiti ha e re:
23 Bona, lekgarebe le da go ityhwala, le belega
mhantjana,
mbe o da go bijhwa Imanuele
Gka thanono ke gore: Morimo o na letjhwe.
24 Ha Josefe e zoga, a riha she moengele wa
Morena iye e she mo laela go she riha, a
ngwala Maria go riha mosari wagwe. 25 Mbe a
shegka a kopana nae go hithelela e belega
ngwane wa mhantjana. Josefe a mbijha Jesu.

2
Loetyo lwa Bathalehi mba iye be jhwa
bojhwaleatji
1 Jesu

iye e beleshelwa mozeng wa

Bethelehema mo kgaolong ya Jutea, gka nako
RRN: ______

BSB Review Copy

SBTP

Text

Page 5 of 87

Comments

yeyong Herote iye e le kgoshi. Mojhwa ga go

belegwa gagwe banona ba bathalehi ba jhwa
bojhwaleatji be da mozeng mogolo wa
Jerusalema ba bojha ba re: 2 Kgoshi ya Bajuta
ye na ya belegwa e gkae? Na ha bona nyeleri
yagwe, he le bojhwaleatji, mbe he dile go mo
obamela.
3 Ya re kgoshi Herote e uzwa shesheyong a
herethega, le batyho bothe ba Jerusalema. 4 A
bijha baperesiti mba batyona le bazemolao wa
Morimo, a ba bojha gko Mesia o mbeleshelwe
gkayo.
5 Ba mo araba ba re: Mozeng wa Bethelehema
mo kgaolong ya Jutea, gka gore go kwalwe ke
moporifiti ga ruwa:
6 Weni Bethelehema, lehatshe la Juta
ha o moncu baabusing ba Juta,
gka gore mo gowo go da go jhwa mbusi
yo o da go busa batyho ba Iseraele.
7 Ke ha Herote e bilejha bathalehi mo
shephiring, e ba thothomisa tyhatya gka
lobagka lo nyeleri iye e bonana gkalo. 8 Mbe a
ba roma Bethelehema a re: Shekela le
thothomise shente gka motyhwana yo, ha le si
na go mbona le de go ntjwela gore le nna ke ye
go mo obamela.
9-10 Ya re e le ba uzwa she kgoshi iye e she ba
laela ba doga, mbe ha ba le mo tseleng ba
bona nyeleri ye iye be e bona bojhwaleatji, ya
re be bona nyeleri ba ityumela tyhatya. Ya ba
etyelela pele go hithelela e ema ho motyhwana
o hooho.
11 Ba tjena mo itung, ba bona motyhwana le
nnale Maria, ba kutja ba mo obamela. Banona
mba, ba kurumula madodo abo ba ha
motyhwana rimpho jhe ri turu jha gouta le
maswalo owa a bijhwa ferenkensense le
shentjhamonatye she she bijhwa mura.
12 Mbe gka gore Morimo iye wa ba thagisa gka
tyoro, gore ba shegka ba boyela go Herote, ba
tshola tsela e sele ha be boyela mozeng wabo.
Josefe le Maria ba tjhabela Egepeto
13 Ya

re e le ba boya, moengele wa Morena a

iponajha go Josefe gka tyoro a re: Zoga o

RRN: ______

BSB Review Copy

SBTP

Text

Page 6 of 87

Comments

tshole motyhwana le nnale, mbe le tjhabele

Egepeto. Mbe o rule gkayo go hithelela ke go
jhwela, gka gore Herote o da go senka
motyhwana gore a mbolee.
14 Josefe a zoga a tshola motyhwana le nnale
gka bosigo, a doga a ya lehatsheng la
Egepeto. 15 Mbe a rula gkayo go hithelela losho
lwaga Herote. She iye e le go rurihajha she
Morena iye e she bola gka moporofiti ha e re:
Iye gka bijha ngwanagke go jhwa mo
Egepeto.
Herote o bolaya masheya
16 Ha

kgoshi Herote e lemoga ha bathalehi iye

ba mo kalejha, a dala bogale. A ntsha tyaolo
gore go bolawe bahantjana bothe mo
Bethelehema le mo tyikologong yothe yawo.
Go simolola gka mba ba ringwaga ri le ri peri le
mba ba ncwana mo gobo, mabapi le she iye e
she uzwa baanoneng mba ba bothale gka nako
ye nyeleri iye e iponajha.
17 Ga rurihajha she nkile sha bolwa ke
moporofiti Jeremia e re:
18 Lezwe iye la uzwana moozeng wa Rama,
shelelo le khutshahalo ye tyona,
e le za ga Ragele e lelela bongwane,
mbe a gana go gomotswa
gka gore iye be shwile.
Josefe le ba loba lwagwe ba boyela
Nasaretha
19 Ha

kgoshi Herote e le a shwa, moengele wa

Morena a iponajha go Josefe gka tyoro mo
Egepeto a re: 20 Zoga o tshole motyhwana le
nnale, le ye lehatsheng la Iseraele gka gore
mba iye be bata go mbolaa iye ba a shwa.
21 Josefe a zoga a tshola motyhwana le nnale
ba boyela lehatsheng la Iseraele.
22 Mbe ya re e uzwa ha Arekelao e busa mo
Jutea boemong jhwaga ise Herote, a tjhaba go
ya gkayo. Gka gore Morimo iye o mo
thagisejhe gka tyoro, a senena kgaolong ya
Galalea. 23 A doga a ya go rula moozeng wo o
bijhwa Nasaretha. Mbe go rurihajha she
baporofiti iye ba she bola ha be re: Mesia o da

RRN: ______

BSB Review Copy

SBTP

Text

Page 7 of 87

Comments

go bijhwa Monasaretha.

3
Tyhero yaga Johane wa Mokolobetsi
(Mar 1:1-8; Luke 3:1-18; Joh 1:19-28)
1 Gka

nako yeyong, Johane wa Mokolobetsi e

da mo nageng ya Jutea a simolola go rera a re:
2 Ikwathae, gka gore bogoshi jhwa legorimo iye
jhwa utyamela. 3 Johane too yo moporofiti
Isaia iye e bola gkaye, ha e re:
Lezwe la yo o gowayo mo nageng la re:
Baakanya mbila wa Morena,
siamisa ritsela jhagwe.
4 Johane yo go bolwa gkaye, sheaparo shagwe
iye she le she rihwe gka boboya jhwa
kammela, e itjhamile gka moitamo wa ledalo
maatyhegkeng. Bigyo zagwe iye e le tsie le
lemepe la rinoshe jha naga.
5 Batyho ba mozemogolo wa Jerusalema le ba
kgaolo yothe ya Jutea le mba ba mo
tyikologong ya nogka ya Joretane iye be ne be
da goye. 6 Be ipolela ribe jhabo, e ba kolobetsa
mo nogkeng ya Joretane.
7 Mbe ha e bona bontsi jhwa Bafarasai le
Basadukai be da go kolobetswa, a ba raya a
re: Lozalo lwa rinoga tenye, iye la thagiswa ke
anye go tjhaba bogale jho bo dago? 8 Uma
maungo owa a tjhwanee boikwathao. 9 Mbe le
shegka la ityhaya le re: He na le tatetjhwe
Aberahame, Ke le jhwelago, Morimo o
nonohile go tshola majhwe owa o rihela
Aberahame batyhwana. 10 Shelepe she mhong
go kgaola rityitya jha bithare. Gyaanong
sethare shengwe le shegwe she she sha ume
loungo lo lo molemo, she da go edwa, she
lathelwa moolelong. 11 Nna ke le kolobetsa gka
maze go supa ha le ikwathaa. Mbe mojhwa
gagka go da go da yo o nonohile go na leno, yo
kgole ya biragko zagwe ha ke tjhwanee ke go e
bohonona. O da go le kolobetsa gka Moya wo
o Boitshepo le gka molelo. 12 O ipaakanyerijhe
go athola le go raola batyho mba ba siamego
mo go mba ha ba siame, jhwaagka molemi yo
loselo lwagwe o lo tjhwere gka sheata, mbe a
RRN: ______

BSB Review Copy

SBTP

Text

Page 8 of 87

Comments

heherele mo shebowaneng shagwe, a be a

phutyhele korong mo shehaleng. Mbe a tshube
mmogko gka molelo wo o sha rimego.
Kolobetso yaga Jesu
(Mar 1:9-11; Luke 3:21-22)
13 Mhong

Jesu a jhwa kgaolong ya Galalea e

da mo Joretane go Johane go mo kolobetsa.
14 Mbe Johane a bata go gana, a mo raya a re:
Too weni yo o tjhwanee go nkolobetsa,
gyaanong ke shing o da mo gono?
15 Jesu a mo hetyola a re: Nee go rihege
jhwalo hombe. Gka go riha jhwalo he da go be
he rihagajha zothe ze Morimo o bi batago.
Johane a rumela.
16 Ha Jesu e le a kolobetswa, a jhwa mmazeng.
Mhong magorimo a aramologa, a bona Moya
wa Morimo o pitonoshela mo goye jhwaagka
lephoi o da mo goye. 17 Mbe ga jhwa lezwe
legorimong le re: Yo ke ngwanagke, yo ke mo
ratyago, yo ke ityumela tyhatya gkaye.

4
Jesu a raelwa ke riabolo
(Mar 1:12-13; Luke 4:1-13)
1 Mhong

Moya wa goshela Jesu nageng, go

raelwa ke riaobolo. 2 Ha a la ityima bigyo
malatji a le mashome a le mane, le masigo a le
mashome a le mane, a bolewa ke tala. 3 Mbe
moraeri e da a mo raya a re: Gka gore o
Ngwana wa Morimo, raya majhwe owa gore a
hetyoge borotyho.
4 Jesu a mo hetyola a re: Go kwalwe mo
lehogkong la Morimo ga ruwa:
Motyho ha a tjhele gka borotyho bo najhongwe
heri,
mbe gka lehogko lengwe le lengwe le Morimo o
le bolago.
5 Riabolo a riha gore Jesu a ye Jerusalema,
moze wo o boitshepo, a be e riha gore a rule
mo shesobeng sha tempele. 6 A mo raya a re:
Gka gore o Ngwana wa Morimo, ikosejhe
datshe, gko go kwalwe mo lehogkong la

RRN: ______

BSB Review Copy

SBTP

Text

Page 9 of 87

Comments

Morimo ga ruwa:
O da go laela baengele bagwe gkawo,
ba da go go beelela gka biata zabo
gore e she re gkalengwe lonoo lwago lwa
kgotjwa ke lijhwe.
7 Jesu a mo hetyola a re: Gatshi go kwalwe mo
lehogkong la Morimo ga ruwa: O shegka wa
legka Morena Morimo wago.
8 Riabolo a riha gatshi gore Jesu a ye tyhabeng
ye i gorimo, a mo ka keejha magoshi othe a
lehatshe le kgalalelo yawo. 9 Mbe a raya Jesu a
re: Ke da go go ha bilo ze zothe, ha o gka
kutja wa nnobamela.
10 Jesu a mo raya a re: Jhwela gko Saatane!
Go kwalwe mo lehogkong la Morimo ga ruwa:
Obamela Morena Morimo wago,
mbe o rihele ena e nayengwe heri.
11 Riabolo a lesha Jesu, mbe baengele ba
Morimo be da, ba mo tyhwisa.
Jesu o simolola tyiho yagwe Galalea
(Mar 1:14-15; Luke 4:14-15)
12 Jesu

e le a uzwa ha Johane iye a tjhwarwa, a

sena a ya Galalea. 13 A jhwa moozeng wa
Nasaretha, a ya go rula mozeng wa
Kaperenaume wo o ha lotshitshing lwa lewate,
moolelwaneng wa rikgaolo jha Sebulone le
Nafetali. 14 She iye e le go rurihajha she iye she
bolwa ke moporofiti Isaia ha e re:
15 Nena batyho ba kgaolo ya Sebulone le ya
Nafetali,
mo tseleng ye e ya lewateng,
mosegya ga nogka ya Joretane,
Galalea kgaolo ya Baritjhaba.
16 Batyho mba ba njhe mo lehihing iye ba
bona leseri le le tyona,
le mba ba njhe mooritying wa losho,
leseri iye la ba thabela.
17 Go jhwa gka nako yeyong Jesu a simolola go
rera a re: Ikwathae, gka gore bogoshi jhwa
legorimo iye jhwa utyamela.
Jesu o thopha barutywa ba ntha
(Mar 1:16-20; Luke 5:1-11)

RRN: ______

BSB Review Copy

SBTP

Text

Page 10 of 87

Comments

18 Ha

Jesu e ntse e shekela ha lotshitshing lwa

lewate la Galalea, a bona bana ba motyho ba
le baberi, Simone yo o bijhwa Petere le
Anterea. Iye e le batjhwari ba rithapi, be lathela
matowa abo mo lewateng be tjhwara rithapi.
19 Jesu a ba raya a re: Ntshala gka mojhwa, ke
da go le riha batjhwari ba batyho. 20 Mbe gka
bojhogko ba siya matowa abo ba mo sala gka
mojhwa.
21 Ha e la a jhwa mhong, a bona mba bangwe
ba le baberi, Jakobe le Johane, bana baga
Sebete. Iye be na le sejhwe wabo Sebete
mooghorong be baakanya matowa abo. Jesu a
ba bijha 22 Mbe gka bojhogko ba siya moghoro
le sejhwe wabo, ba mo sala gka mojhwa.
Jesu o rutya e be e horisa batyho
(Luke 6:17-19)
23 Jesu

a shekela le kgaolo yothe ya Galalea, e

rutya mo ritung jhabo jha tyhutyo, e rera
mahogko owa a molemo a bogoshi jhwa
Morimo, e be e horisa malwetse le makowa
mbatyhong. 24 Mbe rikgang gkaye jha uzwana
mo lehatsheng lothe la Siria, mbe ba nere goye
bothe mba ba khwa malwetse gka go
harologana, le mba ba na le birabi, le mba iye
be na le memoya ye e mashwe, le mba ba
khwa motyotywana, le mba ba shwile mhama,
a ba horisa bothe. 25 Matjhwititjhwiti a batyho
mba iye be jhwa Galalea ba mo sala gka
mojhwa, le ba Ritoropo jhe ri Leshome, go jhwa
mo Jerusalema le Jutea le mba ba jhwa
mosegya ga Joretane.

5
Tyhero ya i tyhabeng
1 Ya

re Jesu e bona matjhwititjhwiti a batyho, a

thathoshela mo tyhabeng. Ha a la rula hatshe,
barutywa bagwe be da goye. 2 Mbe a simolola
go ba rutya, a re:
Mashego
(Luke 6:20-23)
3 Go

shego mba ba gumaneshile mmoyeng,

RRN: ______

BSB Review Copy

SBTP

Text

Page 11 of 87

Comments

gka gore bogoshi jhwa legorimo ke jhwabo.

4 Go shego mba ba lelago,
gka gore ba da go gomotswa.
5 Go shego mba ba pelonte
gka gore ba da go ruwa boshwa jhwa lehatshe.
6 Go shego mba ba bolewa ke tala le leatji
gka ntha ya tshiamo;
gka gore Morimo o da go ba tjhorisa.
7 Go shego mba ba kutswejhoborogko,
gka gore Morimo o da go ba uzwejha borogko.
8 Go shego mba ba ripelo ri itshetjilego,
gka gore ba da go bona Morimo.
9 Go shego mba ba letanago,
gka gore ba da go bijhwa bana ba Morimo.
10 Go shego mba ba bogisejhwa tshiamo
gka gore bogoshi jhwa legorimo ke jhwabo.
11 Go shego nena ha batyho be le roga be le
bogisa, be bola ze bi mashwe gkanye, gka ntha
yagka. 12 Le ityumele le be le ipele, gka gore
tyuelo yeno e tyona legorimong, gka gore iye
ba bogisa baporofiti mba iye ba le pele geno.
Letswai le leseri
(Mar 9:50; Luke 14:34-35)
a ba raya a re: Le letswai la lehatshe,
mbe ha letswai le si na motswalo le gka
tswariswa gka shing gatshi. Ha le na mosola ha
isi heri la go lathelwa gkaite, le go gatywa ke
batyho.
14 Le leseri la lehatshe. Moze wo o i gorimo ga
tyhaba ha ngke o hirega. 15 Ha gona nngwe yo
e gkare e le a tshuba lobone a lo kurumejhe
gka shego. Mbe bogolo o lo baya mo
shethomong gore lo phatshimele bothe mba ba
mo itung. 16 Heri jhwalo, a leseri leno le
boneshe ha pele ga batyho mba bangwe, gore
ba bone rityiho jheno jhe ri siamego, mbe ba
galalejhe Rwenye yo o i legorimong.
13 Jesu

Jesu o rutya gka Molao

a jhwelela a re: Le shegka la akanya
gore ke dee go shena molao waga Moshe le
wa baporofiti. Ha ke dee go bi shena, mbe go
bi rihagajha. 18 Ammaaruri ke le raya ke re, go
hithelela legorimo le lehatshe bi hetya, ha gona
17 Jesu

RRN: ______

BSB Review Copy

SBTP

Text

Page 12 of 87

Comments

thagkana ya molao, le ha e le lotjhwao lwa

molao ze bi da go ntshiwa moolaong go
hithelela shengwe le shwengwe she she
moolaong she rihega. 19 Nngwe le nngwe yo o
tola le ha e le molao wo moncwana wa rityaolo
jhe, e be e rutya mba bangwe go riha jhwalo, o
da go riha yo moncwana boogoshing jhwa
legorimo. Mbe nngwe le nngwe yo o obamela
rityaolo jhe, e be e ri rutya mba bangwe go riha
jhwalo, o da go riha motyona boogoshing jhwa
legorimo. 20 Ke le jhwela ke re ha tshiamo yeno
e sha gaise ya bazemolao wa Morimo le ya
Bafarasai, ha le na go tjena boogoshing jhwa
legorimo.
Tyhutyo gka bogale
(Luke 12:57-59)
a ba raya a re: Iye la uzwa she iye sha
jhwelwa batyho bogologolo go ruwa: O shegka
wa bolaa, nngwe le nngwe yo o bolaayo o da
go iswa tshekisong. 22 Mbe nna ke le raya ke
re, nngwe le nngwe yo o galehela nngwe gkaye
gka bong, o tjhwanenwa ke kothao ya lekgota.
Gatshi yo o raya mokaulengwe wagwe e re:
Shelo tewo! o tjhwanenwa ke go lathelwa
moletyeng wa molelo. 23 Ha o isa mpho yago
aletareng, ha o le hooho o bo o gagkoloshelwa
gore mokaulengwe wago o na le kgothang
lewo, 24 lesha mpho ha pele ga aletara, o ye go
letana le mokaulengwe wago, togo o bo o ya
go isa mpho yago.
25 Letana gka bojhogko le moganejhi wago le
sha mo tseleng, e she re gkalengwe a go
goshele moathoring, mbe moathori a go
tjhwarise leporisi, mbe le go tjenye mo
kgoleshelong. 26 Ammaaruri ke le raya ke re, ha
o na go ntshiwa mo kgoleshelong, o isi o ruele
shekolotyo shago shothe.
21 Jesu

Jesu o rutya gka boagka

a jhwelela a re: Iye la uzwa go ruwa, O
shegka wa riha boagka. 28 Mbe nna ke le raya
ke re, nngwe le nngwe yo o laba mosari gka go
mo eletsa, o see iye a riha boagka nae
mpelong yagwe. 29 Ha leiro lago la i gka
27 Jesu

RRN: ______

BSB Review Copy

SBTP

Text

Page 13 of 87

Comments

lebogong le letyona le go leohisa, o le ntshe o

le lathe, gka gore go botoka go latheshelwa ke
karolo engwe ya mbele go na le gore mbele
wago wothe o lathelwe moletyeng wa molelo.
30 Ha lebogo lago le letyona le go leohisa, o le
kgaole, o le lathe, gka gore go botoka go
latheshelwa ke karolo engwe ya mbele go na le
gore mbele wago wothe o lathelwe moletyeng
wa molelo.
Jesu o rutya gka go ralana
(Mat 19:9; Mar 10:11-12; Luke 16:18)
31 Gatshi

ga ruwa, Yo o rala mosari wagwe a

mo neye shetankana sha thalo. 32 Mbe nna ke
le raya ke re, nngwe le nngwe yo o rala mosari
wagwe, mbe isi gka lobagka lwa gore iye riha
boagka, o mo riha sheagka. Le nngwe le
nngwe yo o ngwala mosari yo iye a ralwa o riha
boagka.
Jesu o rutya gka maikano
a ba raya a re: Gatshi, iye la uzwa she
iye she jhwelwa batyho ba bogologolo go ruwa,
O shegka wa latha maikano ago, mbe o
nyagkalejhe maikano owa iye wa a riha le
Morena. 34 Mbe nna ke le raya ke re, o shegka
wa ikana gothelele, le ha e le gka legorimo, gka
gore ke shetyulo sha Morimo sha bogoshi. 35 O
shegka wa ikana gka lehatshe gka gore ke
bobewo jhwa rinoyo jha Morimo, le ha e le
Jerusalema, gka gore ke mozemogolo wa
Kgoshikgolo. 36 Le gona o shegka wa ikana gka
thogo yago, gka gore ha ngkagke wa riha le ha
ele moriri wago o le mowongwe motshou kana
shihi. 37 Mbe a Ee, e rihe Ee le Nnyaa, e rihe
Nnyaa, gka gore she she hetya she, she jhwa
mo go yo o bosula.
33 Jesu

Jesu o rutya gka go ipusolosejha

(Luke 6:29-30)
a jhwelela a re: Gatshi iye la uzwa go
ruwa, Leiro le jhwele leiro, leino le jhwele
leino. 39 Mbe nna ke le raya ke re, she ngange
le motho yo o bosula. Ha motyho e go phanya
mo loreng lwa gka lebogong le letyona, gatshi
38 Jesu

RRN: ______

BSB Review Copy

SBTP

Text

Page 14 of 87

Comments
40 Ha

mo leshe a go phanye go la molema.

nngwe e go sekisa e be e go koba baki, mo
leshe a tshole le hempe. 41 Le ha nngwe e go
patyelejha go shekela shekgala sha
kilomethara, shekela nae shekgala sha
rikilomethara ri le riperi. 42 Ha nngwe le nngwe
yo o go kopayo, le shegka la gana ha nngwe e
arima mo gonye.
Jesu o rutya gka go ratya baba
(Luke 6:27-28; 6:32-36)
a hejha gka gore: Iye la uzwa go ruwa,
Ratya nngwe gkawo, mbe o thowe mbaba
wago. 44 Mbe nna ke le raya ke re, ratya baba
beno, le rapelele mba ba le bogisago, 45 gore le
rihe bana baga Rwenye yo o i legorimong. O
boneshejha leatji lagwe mba ba bosula le mba
ba siamego, o nesejha basiame le basiamolori
pula. 46 Ha le ratya mba ba le ratyago, poelo
yeno ke shing ha pele ga Morimo? Bakgetyhisi
le bona ba riha jhwalo. 47 Ha le rumejha
bakaulengwe beno heri, le riha shing she she
gaisa sha mba bangwe? Baritjhaba le bona ba
riha jhwalo. 48 Le tjhwanee go siama jhwaagka
Rwenye yo o i legorimong e siame.
43 Jesu

6
Jesu o rutya gka go abela bothogki
1 Jesu

a raya barutywa bagwe a re:

Inelethogko gore le she rihe tshiamo yeno ha
pele ga batyho go e bona. Ha le riha jhwalo ha
le na tyuelo go Rwenye yo o i legorimong.
2 Ha o naya bathogki, o shegka wa lejha
lonagka, jhwaagka baitimokanyi ba de ba rihe
mo ritung jha tyhutyo le meebileng, ba riha
jhwalo gore batyho ba ba dode. Ammaaruri ke
le raya ke re, ba see iye ba amoshela tyuelo
yabo. 3 Mbe weni ha o abela bathogki, a lebogo
lago la molema le shegka la ze she le letyona
le she rihago, 4 gore kabelo yago e rihe mo
shephiring. Mbe Iro yo o bona mo shephiring o
da go go ruela.
Jesu o rutya barutywa bagwe go rapela

RRN: ______

BSB Review Copy

SBTP

Text

Page 15 of 87

Comments
(Luke 11:2-4)

a ba raya a re: Ha le rapela le shegka la

tjhwana le baitimokanyi! Gka gore bona ba
ratya go rapela be eme mo ritung jha tyhutyo,
le maakopanenong a ritsela gore batyho ba ba
bone. Ammaaruri ke le raya ke re, ba see iye
ba amoshela tyuelo yabo. 6 Mbe weni ha o
rapela, tjena mo itung yago o hitje shetswalo,
mbe o rapele Iro yo ha a bonwe. Mbe iro yo o
bona she o she riha mo shephiring, o da go go
ruela.
7 Ha le rapela le shegka la boelela mahogko
jhwaagka baheitane, gka gore ba gopola gore
merimo yabo e da go uzwa ha be rapela
tyhapelo ye e tyelele. 8 Le shegka la tjhwana
nabo, gka gore Rwenye o ze, ze le bi
thogkago, pele le mo kopa. 9 Le tjhwanee go
rapela jhwa:
Tatetjhwe yo o i legorimong,
lebijho lago a le itshepiswe.
10 Bogoshi jhwago a bo de.
Go ratya gago a go rihwe
mo lehatsheng
jhwaagka legorimong.
11 He neye hombe
bigyo zetjho za leatji.
12 O he itjhwarele
melatyo yetjho,
jhwaagka he itjhwarela
mba ba melatyo mo gotjhwe.
13 O she he goshele mo tyhaelong,
mbe o he golole mo go yo o bosula.
14 Gka gore ha le itjhwarela mba bangwe ha
be le leohela, Rwenye yo o i legorimong o da
go le itjhwarela. 15 Mbe ha le sha itjhwarele
mba bangwe, Rwenye ha na go le itjhwarela.
5 Jesu

Jesu o rutya gka go ityima bigyo

a jhwelela a re: Gatshi ha le ityima
bigyo, le shegka la hutsahala jhwaagka
baitimokanyi ba de ba rihe, gka gore ba
ikutsahajha gore nngwe le nngwe a bone gore
ba ityima bigyo. Ammaaruri ke le raya ke re, ba
see iye ba amoshela tyuelo yabo. 17 Mme weni
ha o ityima bigyo, itojhe thogo, o ithape boso,
16 Jesu

RRN: ______

BSB Review Copy

SBTP

Text

Page 16 of 87

Comments

18 gore

batyho ba shegka ba bona ha o ityima

bigyo, ha e se heri Iro yo ha a bonwe. Mbe Iro
yo bona she o she riha mo shephiring, o da go
go ruela.
Rikhumo legorimong
(Luke 16:13)
19 She

iphutyhele rikhumo mo lehatsheng, gko

motyoutywana le bigyi bi shena gkayo, le gko
mashoru a tyhuma gkayo be iba. 20 Iphutyhele
rikhumo legorimong, gko motyoutywana le bigyi
ha bi shene gkayo, le gko mashoru ha a
tyhume gkayo be iba. 21 Gka gore gko pelo
yago i igkayo, khumo yago e da go rula gkayo.
Leseri le mbele
(Luke 11:34-36)
22 Maro

ke lobone lwa mbele. Ha maro ago e

bona shente, mbele wago wothe o na le leseri.
23 Mbe ha maro ago a sha bone shente, mbele
wago wothe o na le lehihi. Ha leseri le le mo
gowo e le lehihi, go da go be go le lehihi le
letyona.
Morimo le rikhumo
(Luke 16:13; 12:22-31)
a ba raya a re, Ha go nngwe yo a gka
rihela barena ba le baberi, gka gore o da go
thowa yo nngwe, mbe a ate yo nngwe, kana o
da go ngaparela yo nngwe, mbe a nyatse yo
nngwe. Ha ngkagke la rihela Morimo le
rikhumo.
25 Ke le raya ke re, she thobaelele botjhelo
jhweno gore la da go gya kana go nwa shing,
le ha e le mebele yeno gore la da go jhwala
shing. Botjhelo ha bo bothogkwa go na le
bigyo, le mebele ha o bothogkwa go na le
biaparo? 26 Laba rinnyane jha loapi, ha ri kabe,
ha ri bute, ha ri phutyhele bihaleng, mbe
Rwenye yo i legorimong o ri gyesayo. Mbe
nena ha le bothogka go na najho? 27 Ke anye
mo gonye yo gka go thobaela yo a gka otjejha
botjhelo jhwagwe gka oura?
28 Ke shing le thobaela gka biaparo? Laba
bityhunye za naga gkaho bi gola gkaho, ha bi
24 Jesu

RRN: ______

BSB Review Copy

SBTP

Text

Page 17 of 87

Comments
29 Ke

bereke le ha e le go ityihela biaparo.

le
raya ke re le ha e le Solomone yo iye e gumile
tyhatya, iye a sha kgabe jhwaagka shengwe
sha bityhunye ze. 30 Mbe ha Morimo o kgabisa
bojhwang jho bo tjhela mo nageng hombe, mbe
gka mosho bo lathelwa moolelong, nena o da
go le apesha bogolo jhwang nena ba tyumelo
ye ncwana?
31 Le shegka la thobaela gka gore: He da go
gya shing? kana He da go nwa shing? Kana
He da go jhwala shing? 32 Bilo ze ke ze batyho
mba ha ba ze Morimo ba bi batago. Mbe
Rwenye yo oiolegorimong o ze ha le bi thogka.
33 Bogolo bata pele bogoshi jhwa Morimo, mbe
o da go le naya bilo ze. 34 Le shegka la
thobaelela gka mosho, gka mosho go da go
ithobalelela gkabo gona. Leatji lengwe le
lengwe le na le matshwenyego owa a le
legkanyego.

7
Go athola mba bangwe
(Luke 6:37-38; 6:41-42)
a jhwelela a re: Le she athole, mbe
Morimo ha ngke o le athola. 2 Gka gore Morimo
o da go le athola gka tsela ye le athola mba
bangwe gkayo, le shelegkanyo she le legkana
gkasho, o go da le legkanyejha gkasho. 3 O
labelang shelabe she she mo leirong la nngwe
gkawo, mbe o sha bone phatja ye e mo leirong
lago? 4 Kana wa da go raya nngwe gkawo o re:
Wagotjhwe, nee ke ntshe shelabe she she mo
leirong lago, Mbe weni, o sha bone phatja ye e
mo leirong lago? 5 Moitimokanyi tewo, ntsha
phatja mo leirong lago pele, mbe o da go bona
shente shelabe mo leirong la nngwe gkawo.
6 Le shegka la naya ritjwa she she itshepilego,
le gona le shegka la lathela digkolobe riperela
jheno. Ha le riha jhwalo, ri da go ri gatya gka
rithagko, ri be ri le gagola.
1 Jesu

Kopa, bata, kokonya

(Luke 11:9-13; 6:31)
7 Jesu

a jhwelela a re: Kopa, mbe le da go

RRN: ______

BSB Review Copy

SBTP

Text

Page 18 of 87

Comments

hiwa, bata, mbe le da go bona, kokonya, mbe

le da go bulelwa. 8 Nngwe le nngwe yo o
kopayo o hiwayo, le nngwe le nngwe yo o
batayo o bonayo, nngwe le nngwe yo o
kokonyayo o bulelwayo. 9 Ke anye mo gonye
yo e gkare e le sejhwe wa batyhwana yo a gka
ha ngwana lijhwe ha e mo kopa borotyho?
10 Kana e mo ha noga ha e mo kopa thapi?
11 Ha nena mba le bosula, le ze go ha bana
beno rimpho jhe ri siamego, Rwenye yo o i
legorimong o da go naya bogolo jhwang, mba
ba mo kopago rimpho jhe ri siamego.
12 Rihela mba bangwe heri jhwaagka le eletsa
be le rihela, she ke bokao jhwa molao waga
Moshe le rityhutyo jha baporofiti.
Kgoro ya bogoshi jhwa Morimo e tjhwana le
kgoro ye e botyoba
(Luke 13:24)
13 Tjena

gka kgoro ye e botyoba, gka gore

kgoro ye e arameyo, ke tsela ye e isa
tjhenegong, ba le bantsi ba tjena gkayo. 14 Mbe
kgoro ye e isa botjhelong e botyoba, tsela ye e
ya gkayo e tyhatya, mbe e bonwa ke batyho ba
le ba ncu.
Shethare le maungo asho
(Luke 6:43-44)
15 Jesu

a jhwelela le tyhutyo yagwe a re:

Inelethogko baporofiting mba ha se ba nnetye,
mba ba da gonye, be labega jhwaagka riku
gkaite, mbe mo tyeng be tjhwana le riphiri. 16 Le
da go ba ze gka rityiho jhabo. Batyho ba de ba
hule loungo lwa mofine bithatjhaneng ze bi
mizwa, kana rifeige mesitwaneng? 17 Heri
jhwalo shethare shengwe le shengwe she she
siamego she uma maungo owa a monatye,
mbe she ha she siame she uma maungo owa a
bosula. 18 Shethare she she siamego ha ngke
she uma loungo lo lo bosula, le gona shethare
she she bosula ha ngke she uma loungo lo lo
monatye. 19 Shethare shengwe le shengwe she
ha she ume loungo lo lo monatye she edwago,
she lathelwa moolelong. 20 Gka ntha ya she, le
da go ze baporofiti mba ha se ba nnetye, gka

RRN: ______

BSB Review Copy

SBTP

Text

Page 19 of 87

Comments

rityiho jhabo.
Jesu o jhwela batyho bangwe gore ha ise a
de a ba ze
(Luke 13:25-27)
a jhwelela a re: Ha se nngwe le nngwe
yo o ntyhaya e re, Morena, Morena, yo o da
go tjena boogoshing jhwa legorimo, mbe ha isi
heri yo o riha go ratya ga ga Tate yo o i
legorimong. 22 Ha leatji la katholo le da bontsi
jhwa batyho bo da go ntyhaya bo re: Morena,
Morena iye ha rera lehogko la Morimo gka
lebijho lago, iye ha leleka memoya ye e
mashwe ye mentsi, ha riha rikgakgamajho gka
lebijho lago. 23 Mbe ke da go ba jhwela ke re,
Ha ise ke de ke le ze, jhwa ha gono batyho
tenye mba ba bosula.
21 Jesu

Bajhogi mba baberi

(Luke 6:47-49)
a wejha tyhutyo yagwe a re: Gyaanong
nngwe le nngwe yo o uzwa mahogko agka e a
rihagajha o tjhwana le monona yo o bothale, yo
o jhoga itu yagwe mo lehikeng. 25 Mbe pula ya
na, le morwalela we da, le ripheho jha hogka
jha betsa itu yeyong. Mbe ya shegka ya wa,
gka gore iye e jhosilwe mo lehikeng.
26 Mbe nngwe le nngwe yo o uzwa mahogko
agka, mbe a sha a rihagajhe, o tjhwana le
monona wa shetjotjo yo o jhoga itu moorabeng.
27 Mbe pula ya na, le morwalela we da, le
ripheho jha hogka jha betsa itu yeyong, mbe ya
wa mma go tyona.
24 Jesu

Tyhatya yaga Jesu

(Mar 1:22)
28 Ha

Jesu e hejha go bola, batyho ba

kgakgamalela tyhutyo yagwe, 29 gka gore iye e
rutya jhwaagka motyho yo o na le tyhatya, mbe
ising jhwaagka bazemolao wa Morimo.

8
Jesu o horisa molepero

RRN: ______

BSB Review Copy

SBTP

Text

Page 20 of 87

Comments
(Mar 1:40-45; Luke 5:12-16)

1 Ha

Jesu e pitonoga tyhaba, matjhwititjhwiti a

batyho a mo sala gka mojhwa. 2 Mbe molepero
e da goye a kutja a mo raya a re: Morena, ha
o ratya, o na le tyhatya ya go mphorisa, gore
ke ntahale.
3 Jesu a thapholola sheata shagwe a mo
kgoma, a mo raya a re: Ke ratyago, ntahala!
Mbe heri gka bojhogko lepero la jhwa mo goye.
4 Jesu a mo raya a re: Reejha, o shegka wa
jhwela nngwe, mbe doga wa go ikela
moperesiti, o ntshe sherabelo she molao waga
Moshe wa re o she ntshejhe bontahajho
jhwago, gore e rihe shesupo go mba bangwe.
Jesu o horisa mothanka wa molaori wa
mphatyho
(Luke 7:1-10)
5 Ha

Jesu e tjena mozeng wa Kaperenaume,

molaori wa mphatyho wa lekgolo e da goye, a
mo kopa a re: 6 Morena, mothanka wagka o
rapame hatshe gaya, iye a shwa mhama o mo
gatyelelwe ke bolwetse.
7 Jesu a mo hetyola a re: Ke da go ya go mo
horisa.
8 Molaori a mo araba a re: Morena, ha ke
tjhwanenwe ke gore o ye gagka, bola lehogko
heri mothanka wagka o da go hola. 9 Le nna ke
monona yo ke mo bewe gka datshe ga tyaolo
ya bagolwane bagka, gatshi ke na le barabani
mba ba mo tyaolong yagka. Ke reye yo ke re:
Doga, a doge, le yo nngwe ke re: Nto, a de.
Ke reye mothanka wagka ke re: Riha she,
mbe a she rihe.
10 Ha Jesu e uzwa she, a kgakgamala a raya
mba iye be mo see gka mojhwa a re:
Ammaaruri ke le raya ke re, ha ke isi ke de ke
bone nngwe yo o na le tyumelo ye e tjhwana le
ya monona yo, le ha e le mo Iseraele. 11 Ke le
jhwela ke re, batyho ba le bantsi ba da go jhwa
bojhwaleatji le borwaleatji, ba da go rula ha
tafoleng be gya le Aberahame, le Isake, le
Jakobe boogoshing jhwa legorimo. 12 Mbe bana
ba bogoshi jhwa legorimo ba da rokonelejhwa
gkaite mo lehihing, mbe go da go riha le

RRN: ______

BSB Review Copy

SBTP

Text

Page 21 of 87

Comments
13 Mbe

shelelo le khuranyo ya meno.

Jesu a
raya molaori wa mphatyho wa lekgolo a re:
Doga, go da go rihega heri jhwaagka o
rumela. Mbe mothanka wa molaori a hola heri
gka nako yeyong.
Jesu o horisa batyho ba le bantsi
(Mar 1:29-34; Luke 4:38-40)
14 Ha

Jesu e tjena mo itung yaga Petere, a

bona mogoshari waga Simone wa mosari e lee
hatshe e tjhwerwe ke letjhoroma le letyona.
15 Jesu a mo tjhwara mo lebogong, mbe
letjhoroma la hola. Mbe mosari a zoga a mo
rihela.
16 Gka malatjiboya ba nere batyho ba le bantsi
goye mba iye be na le memoya ye e mashwe.
Jesu a ntsha memoya gka tyhatya ya lehogko
lagwe, mbe a horisa le bothe mba ba khwago.
17 She iye e le go rurihajha she nkile sha bolwa
ke moporofiti Isaia e re: Iye a dosha malwetse
etjho, a he golola maarogkong etjho.
Batyho mba iye be re ba da go sala Jesu
gka mojhwa
(Luke 9:57-62)
18 Ha

Jesu e bona matjhwititjhwiti a batyho e

mo rikaganyerijhe, a laola barutywa bagwe
gore ba kgabaganyejhe mosegya ga nogka.
19 Mbe nngwe wa bazemolao wa Morimo e da
goye, a mo raya a re: Morutyi, ke da go go
sala gka mojhwa gongwe le gongwe gko o ya
gkayo.
20 Jesu a mo araba a re: Bophogkojhwe ba na
le mesima le rinnyane jha loapi ri na le
bithatha, mbe Ngwana wa Motyho ha na ho o
lajha thogo hooho.
21 Yo nngwe wa barutywa baga Jesu a mo raya
a re: Morena, neye ye ke sha ya go hira tate
pele.
22 Jesu a mo hetyola a re: Ntshala gka
mojhwa, mbe lesha batyho mba ha ba na sepe
gka Morimo ba hire bashwi babo.
Jesu o kharisa biheho
(Mar 4:35-41; Luke 8:22)

RRN: ______

BSB Review Copy

SBTP

Text

Page 22 of 87

Comments

23 Jesu

a tjena mooghorong, barutywa bagwe

ba doga nae. 24 Mbe gka tshoganyejho ga zoga
matsubutsubu owa matyona booribeng, mbe
moghoro wa bata go nwejhwa ke makhubu.
Mbe Jesu iye e lee. 25 Mbe barutywa bagwe ba
ya goye ba mo zosa ba re: Morena, he
bologke, he nwelago!
26 Mbe a ba araba a re: Ke shing le tjhoga,
nena ba tyumelo ye ncwana? Ke ha e zoga e
kharisa biheho le makhubu, mbe ga ema, ga
khala.
27 Batyho ba kgakgamala ba re: Kante motyho
yo o njhe jhwang, o laola ripheho le maze, mbe
bi mo obamele?
Jesu o horisa banona mba baberi mba ba
na le memoya ye e mashwe
(Mar 5:1-20; Luke 8:26-39)
28 Ha

Jesu e hitha mosegya ga kgaolo ya

Bagatare, a kopana le banona mba baberi be
na le memoya ye e mashwe, be jhwa ripupung.
Iye ba le bogale tyhatya, ebile go si na nngwe
yo o hetya gka tsela yeyong. 29 Mbe ba gowa
ba re: O bata shing mo gotjhwe Ngwana wa
Morimo? O dile go he rogkohajha pele ga nako
ya katholo?
30 Datshana nabo iye go le shegopa sha
rigkolobe she hula. 31 Memoya ye e mashwe ya
kopa Jesu tyhatya ya re: Ha o he ntshejha
gkaite, he tjenye mo shegopeng sha rigkolobe.
32 Mbe Jesu a raya memoya ye e mashwe a re:
Doga le ye gojho. Mbe ya jhwa, ya tjena mo
rigkolobeng. Shegopa shothe sha rigkolobe
sha tyaboshela mookgokgolosheng wa boriba,
mbe sha wela, sha betywa ke maze.
33 Balisi ba tyaboga, ba ya mozeng ba jhwela
batyho gothe mma na ga rihega, le she na sha
rihagalela banona mba iye be na le memoya ye
e mashwe. 34 Mhong batyho bothe ba moze ba
ya go kopana le Jesu. Ha be mbona ba mo
kopa tyhatya, gore a jhwe mo kgaolong yabo.

9
Jesu o horisa monona yo o shwile mhama

RRN: ______

BSB Review Copy

SBTP

Text

Page 23 of 87

Comments
(Mar 2:1-12; Luke 5:17-29)

1 Jesu

a tjena mooghorong, a kgabaganya

boriba, a boyela gobo. 2 Batyho ba nere goye
monona yo o shwile mhama, be mo tjhwere
gka moalo. Ha Jesu e bona tyumelo yabo, a
raya yo o shwile mhama a re: Kgotyhala,
ngwanagka, ribe jhago na wa itjhwarelwa.
3 Mbe bangwe ba bazemolao wa Morimo ba
ityhaya ba re: Monona yo o bola rithapa
kgathanong le Morimo.
4 Ha Jesu e lemoga rikakanyo jhabo a ba raya
a re: Ke shing le akanya bosula mo ripelong
jheno? 5 Go mothohu go re: Ribe jhago na wa
ri itjhwarelwa, kana go re: Zoga o shekele?
6 Mbe le da go ze gore Ngwana wa Motyho o
na le tyhatya mo lehatsheng go itjhwarela ribe.
Ke ha Jesu e raya yo o shwile mhama e re:
Zoga o tshole moalo wago o ye gago.
7 Mbe a zoga a ya gagwe. 8 Ha batyho be bona
she, ba tjhoga, mbe ba galalejha Morimo go
naya batyho tyhatya ye e gka.
Jesu o bijha Mathaio go mo sala gka
mojhwa
(Mar 2:13-17; Luke 5:27-32)
9 Ha

Jesu e le a jhwa mhong, a bona monona

yo o bijhwa Mathaio e njhe ho go kgetyhelwa
hooho, a mo raya a re: Ntshala gka mojhwa.
Mbe a ema a mo sala gka mojhwa.
10 Ya re Jesu e gya mo itung yaga Mathaio,
bakgetyhisi mba bantsi le baleohi ba da go gya
nae le barutywa bagwe. 11 Ya re Bafarasai be
bona she, ba bojha barutywa baga Jesu ba re:
Ke shing morutyi weno e gya le bakgetyhisi le
baleohi?
12 Ya re Jesu e uzwa she a re: Mba ba
ityegkaneego ha ba thogke nyagka, mbe ha isi
mba ba khwago heri. 13 Mbe shekela la go
ityhutya bokao jhwa lokwalo lo lo re: Ke bata
gore batyho ba rihe le kutswejhoborogko ising
go isa birabelo. Ha ke deye go bijha basiame,
ha e se baleohi heri, gore ba de
boikwathaong.
Pojho gka go ityima bigyo

RRN: ______

BSB Review Copy

SBTP

Text

Page 24 of 87

Comments
(Mar 2:18-22; Luke 5:33-39)

14 Barutywa

baga Johane wa Mokolobetsi be

da go Jesu ba mbojha ba re: Ke shing tjhona
le Bafarasai he ityima bigyo kgapetsa
kgapetsa, mbe barutywa bago bona ba sha
ityime bigyo gothelele?
15 Jesu a ba araba a re: Balaleriwa ba gka
hutsahala mongwari e na nabo? Nnyaa ha
ngkagke ba riha jhwalo. Mbe nako e da go da,
ye mongwari o da go ntshiwa mo gobo, togo ba
da go ityima bigyo.
16 Ha gona nngwe yo a gka bityela sheaparo
she iye sha onana gka sebatya she she tsha,
gka gore sebatya she she tsha she da go
goshega, mbe letjhoba le otjejhege. 17 Le gona
ha go na nngwe yo a gka tjhela bogyalwa jho
botsha maakukeng owa iye a onana. Ha e riha
jhwalo, makuka a da go tyhumega, mbe
bogyalwa jhwa mofine bo gutyame, le makuka
a shenege. Mbe bogyalwa jho botsha bo
tjhelwa maakukeng owa matsha, mbe gothe go
bolotjege.
Jesu o horisa mosari e be e zosa ngwa
Jairo mo loshong
(Mar 5:21-43; Luke 8:40-56)
18 Ha

Jesu e ntse e bola, molaori e da goye, a

kutja ha pele gagwe a mo raya a re:
Ngwanagke a la a shwa, a gko o de go mbaya
biata, mbe o da go tjhela.
19 Jesu a emelela a doga nae, mbe barutywa
bagwe ba doga nae.
20 Gona mhong, mosari yo iye e na le bolwetse
jhwa shejhwalo she ha she eme gka ringwaga
ri le leshome le boberi, e da gka mojhwa
gagwe a kgoma momeno wa sheaparo
shagwe, 21 gko iye e ityhaya e re: Ha ngka
kgoma sheaparo shagwe, ke da go hola.
22 Jesu a hetyoga, a mbona a mo raya a re:
Ngwanagka, kgotyhala, tyumelo yago na ya go
horisa. Mbe mosari a hola heri mhong.
23 Ha Jesu e tjena mo itung ya molaori a bona
balejhi ba rinagka, le bontsi jhwa batyho be
zosijhe morumo. 24 Mbe Jesu a ba raya a re:
Sutya, mosezana yo ha a shwile, o leeyo.
RRN: ______

BSB Review Copy

SBTP

Text

Page 25 of 87

Comments
25 Ha

Mbe ba mo tshega gka tshodo.

batyho e
le ba jhwela gkaite, a tjena a tjhwara mosezana
gka sheata, mbe a zoga. 26 Rikgang jhe jha
anama le kgaolo yothe.
Jesu o horisa bihogu
27 Ha

Jesu e jhwa mhong, banona ba le baberi

ba bihogu ba mo sala gka mojhwa, ba gowa ba
re: He uzwejhe borogko, Ngwa Dafite!
28 Ha e le a tjena mo itung, banona ba bihogu
be da goye. Jesu a ba raya a re: Le rumela
gore ke nonohile go riha she? Mbe ba mo
araba ba re: Ee Morena.
29 Ke ha Jesu e ba tjhwara mmarong e re: A
go le rihagalele, jhwaagka le rumela. 30 Mbe
mhong ba hoguhologa. Jesu a ba laela tyhatya
a re: Le shegka la jhwela nngwe.
31 Mbe banona mba ba doga, mbe ba gasa
rikgang gka Jesu mo kgaolong yeyong yothe.
Jesu o horisa shemumu
32 Ya

re banona mba iye e le bihogu be doga,

batyho ba nere monona yo ha a bole, go Jesu,
gko iye e na le moya wo mashwe. 33 Ya re
moya wo o mashwe e le wa ntsejhwa gkaite,
monona a simolola go bola. Batyho ba
kgakgamala ba re: Ha he isi he de he bone
she she tjhwana le she mo Iseraele.
34 *Mbe Bafarasai ba re: O leleka memoya ye e
mashwe gka kgoshana ya memoya ye e
mashwe.
Jesu o thomoshela abatyho pelo
35 Jesu

a shekela meze le mezana, e rutya mo

ritung jhabo jha tyhutyo, e rera mahogko owa a
molemo gka bogoshi, e horisa malwetse le
makoa mangwe le mangwe. 36 Ya re e bona
bontsi jhwa batyho, a ba thomoshela pelo, gko
iye be tshwenyeshile ebile be thomola pelo
jhwaagka riku jhe ha ri na molisi. 37 Jesu a raya
barutywa bagwe a re: Tyhobo e tyona, mbe
barihi ba bancu. 38 Rapela monyi wa tyhobo
gore a rome barihi mo tyhobong yagwe.
*9:34
a

RRN: ______

BSB Review Copy

SBTP

Text

Page 26 of 87

Comments

10
Jesu o thopha barutywa
(Mar 3:13-19; Luke 6:13-16)
1 Jesu

a bijha barutywa bagwe mba ba

leshome le boberi, a ba naya tyaolo ya go
leleka memoya ye e mashwe le go horisa
malwetse le makowa mangwe le mangwe.
2 Owa ke mabijho a baaposetole mba ba
leshome le boberi, wa ntha ke Simone yo o
bijhwa Petere, le Anterea monawe, Jakobe
morwa Sebete, le Johane monawe, 3 Filipo le
Baretholomea, Thomase le Mathaio wa
mokgetyhisi, Jakobe morwa Alefaio, le
Thataeo, 4 Simone wa Mokanana, le Jutase
Isekariote yo iye e tjhwarisa Jesu.
Tyhomo ya mba ba leshome le boberi
(Mar 6:7-13; Luke 9:1-6)
5 Jesu

a roma barutywa mba ba leshome le

boberi, a ba laela a re: Le shegka la ya
mahelong a Baritjhaba kana moozeng mongwe
wa Basamaria. 6 Mbe bogolo, le ye rikung jhe
iye jha rimela jha batyho ba Iseraele. 7 Mbe ha
le ntse le shekela le rere le re: Bogoshi jhwa
legorimo iye jhwa utyamela. 8 Horisa balwetse,
le zose bashwi, le ntahajhe balepero, le leleke
memoya ye e mashwe. Iye la amoshela go si
na tyuelo, naya go si na tyuelo. 9 Le shegka la
tshola gouta le ha e le selefera, le ha e le
kgotho mo rikgetsaneng jheno. 10 Le shegka la
tshola kgetsana mo loetyong lweno, kana
rihempe ri le riperi, kana biragko le ha e le
tyhobane, gka gore morihi o tjhwanenwa go
hiwa bigyo.
11 Moze kana mozana mongwe le mongwe wo
le tjena mo gowo, le bate nngwe yo a gka le
amoshela, mbe le rule naye go hithelela le jhwa
gkayo. 12 Ha le tjena le rumejhe batyho mo
gowo. 13 Mbe ha benyi ba itu yeyong be le
amoshela, a kagiso yeno e rule hooho, mbe ha
ba sha le amoshele, a kagiso yeno e boyele
mo gonye. 14 Mbe ha nngwe a sha le
amoshele, kana a sha le reejhe, le ithothore
RRN: ______

BSB Review Copy

SBTP

Text

Page 27 of 87

Comments

lorole mo rinoyong jheno ha le jhwa mo itung,

kana moozeng wowong go supa ha ba le
molatyo. 15 Ammaaruri ke le raya ke re, e da
gore mo leatjing le Morimo o athola batyho, go
da go riha botoka mbatyhong ba meze ya
Sotoma le Gomora, bogolo go batyho ba moze
wowong.
Ripogisego ri da go da
(Mar 13:9-13; Luke 21:12-17)
a jhwelela a re: Bona, ke le roma
jhwaagka riku ha gari ga riphiri, mbe le rihe
bothale jhwaagka rinoga, le rihe bokgwabo
jhwaagka maphoi. 17 Inelethogko mbatyhong,
gka gore ba da go le isa kgota tshekelong, mbe
ba da go le notya mo ritung jhabo jha tyhutyo.
18 Le da go iswa ha pele ga balaori le rikgoshi
gka ntha yagka, go riha basupi ha pele gabo le
Baritjhaba. 19 Mbe ha be le isa tshekong, le
shegka la tshwenyega gore la da go bola
jhwang kana la da go reng, gka gore gka nako
yeyong le da go newa she le da go she bola.
20 Mahogko owa le da go a bola, a da go be e
se eno, a da go jhwa Mmoyeng waga Rwenye
e bola gkanye.
21 Motyho o da go neela ngwa nnale mo
loshong, le ise wa motyho ngwane, le
batyhwana ba da go zosoloshela bazari, be
riha gore ba bolewe. 22 Le da go thoiwa ke
batyho bothe gka ntha yagka. Mbe yo o
itshotjela bokhutho o da go bologkwa. 23 Mbe
ha be le bogisa moozeng mongwe, tjhabela go
wo mongwe. Ke le jhwela boammaaruri, ha le
na go hejha go shekela le meze ya Iseraele
pele Ngwana wa Motyho e da.
24 Morutywa ha a motyona go hetya morutyi
wagwe, le ha e le mothanka ha a hetye monyi
wagwe. 25 Go legkanyego gore morutywa a rihe
jhwaagka morutyi wagwe, le mothanka
jhwaagka monyi wagwe. Ha monyi wa itu e
bijhwa Beelesebube, ba loba lwagwe ba da go
bijhwa mabijho owa a mashwe le go hetya.
16 Jesu

Ke anye yo o tjhwanee go weihwa

(Luke 12:2-9)

RRN: ______

BSB Review Copy

SBTP

Text

Page 28 of 87

Comments

a ba raya a re: Le shegka la tjhaba

batyho, gka gore ha go na shengwe she she
bitjwe she Morimo hangke o she shenona,
kana she she hireshilego she batyho ha ngke
be she ze. 27 She iye gka she le jhwela mo
lehihing, le she bole mo lesering, le she iye la
she hwahwanyejhwa mo shephiring, le she
bole ha gorimo ga itu. 28 Le shegka la weiha
mba ba bolaya mbele, mbe ba shegke ba
bolaye moya. Mbe bogolo le weihe ena yo o
shena moya le mbele mooletyeng wa molelo.
29 Rityhaga ri le riperi ha ri regkwe gka
bonthaengwe jhwa peni? Mbe ha gona engwe
yajho ye e wela hatshe gkaite ga go ratya gaga
Rwenye. 30 Le meriri ya rithogo jheno iye ya
balwa yothe. 31 Le shegka la weiha gka gore le
gaisa rityhaga ri le rintsi.
26 Jesu

Go ipolela Jesu ha pele ga batyho

(Luke 12:8-9)
a ba raya a re: Nngwe le nngwe yo o
bola ha pele ga batyho gore ke molatyeri
wagka, le nna ke da go riha jhwalo gkaye ha
pele gaga Tate yo o i legorimong. 33 Mbe
nngwe le nngwe yo niityatyola ha pele ga
batyho, le nna ke da go mo ityatyola ha pele
gaga Tate yo o i legorimong.
32 Jesu

Jesu o nere kgaogano mbatyhong

(Luke 12:51-53; 14:26-27)
a re: Le akanya gore ke dile go riha
kagiso mo lehatsheng? Nnyaa, ha ke deye go
nere kagiso, mbe tjhaka heri. 35 Ke dile go
lothaganya monona le ise, mosezana le nnale,
ngwetsi le naazale, 36 baba ba motyho e da go
riha ba loba lwagwe.
37 Yo o ratya ise kana nnale go na leno, ha a
ntjhwanene, le yo o ratya bongwane go na
leno, ha a ntjhwanene. 38 Le ha e le anye yo ha
a ghabe mokgoro wagwe e ntshala gka
mojhwa ha a tjhwanenwe ke go riha morutywa
wagka. 39 Nngwe le nngwe yo o legka go
bologka botjhelo jhwagwe bo da go mo
latheshela, mbe yo o latheshelwa ke botjhelo
jhwagwe gka ntha yagka, o da go bo bona.
34 Jesu

RRN: ______

BSB Review Copy

SBTP

Text

Page 29 of 87

Comments
Rityuelo
(Mar 9:41)

a hejha gka gore: Yo o le amoshelayo

o nnamoshelayo, le yo o nnamoshelayo, o
amoshela yo o ntyhomileyo. 41 Nngwe le nngwe
yo o amoshela moporofiti gka gore ke
moporofiti, o da go amoshela tyuelo ya
moporofiti. Nngwe le nngwe yo o amoshela
mosiami gka gore ke mosiami, o da go
amoshela tyuelo ya mosiami. 42 Le ha e le anye
yo o naya nngwe wa mba ba ncwana mba
maze owa a tsiriri gka kopi gka gore ke
morutywa wagka, ammaaruri ke le raya ke re,
ha a na go latheshelwa ke tyuelo yagwe ha
gongwe.
40 Jesu

11
Barongwa baga Johane wa Mokolobetsi
(Luke 7:18-35)
1 Ha

Jesu e le a hejha go laya barutywa bagwe

mba ba leshome le boberi, a jhwa ha lehelong
leleyong a ya go rutya le go rera mezeng ya
Galalea.
2 Johane ha a le mo kgoleshelong, a uzwa gka
rityiho jhaga Keresete, a roma bangwe ba
barutywa bagwe goye. 3 Ba ya ba mbojha ba
re: Ke weni yo o dago, kana he labelele o
sele?
4 Mbe Jesu a ba hetyola a re: Shekela la go
jhwela Johane ze na la bi uzwa le go bi bona,
le re, 5 bihogu bi bonago, mba ba rojhago ba
shekelago, balepero ba horiswago, bathogka
kutso ba uzwago, bashwi ba zoswago,
bagumaneshi ba rerelwa mahogko owa a
molemo. 6 Mbe go shego yo ha a na shekgopi
leno.
7 Ha e le ba doga, Jesu a simolola go bola le
batyho gka ga Johane a re: Ha le ya go
Johane mo nageng, iye le eletsa go bona
shing? Iye le sholohee go bona loragka lo lo
tshikhinywa ke pheho? Nnyaa! 8 Iye le jhwela
gkaite go bona shing? Kana iye le sholohee go
bona monona e apere biaparo ze binte?
RRN: ______

BSB Review Copy

SBTP

Text

Page 30 of 87

Comments

Nnyaa! Batyho mba ba apara biaparo ze bituru,

ba rula ripeng jha rikgoshi. 9 Iye le jhwela gkaite
go bona shing? Moporofiti? Ee! Ke le raya ke
re ebile o motyona go hetya moporofiti. 10 Yo
too ena yo go kwalwe gkaye ga ruwa:
Bona, ke da go roma morongwa wagka ha
pele gago,
yo o da go baakanya tsela yago ha pele gago.
11 Ammaamuri ke le raya ke re, mo go mba ba
zalwe ke basari ha go nngwe yo motyona go
hetya Johane wa Mokolobetsi, mbe ena yo
moncwana boogoshing jhwa legorimo o
motyona go mo hetya. 12 Go jhwa mo nakong
ye Johane wa Mokolobetsi iye e rera go
hithelela hombe, bogoshi jhwa legorimo bo
ntse bo thaselwa gka tyhatya, mbe mba ba
thaselago ba bo gapa gka tyhatya. 13 Go jhwa
mo nakong yaga Johane baporofiti bothe le
molao waga Moshe iye bi bola gka bogoshi.
14 Mbe ha le bata go rumela mahogko abo,
Johane too ke Elija yo iye go bolwa gka go da
gagwe. 15 Yo o na le ritjebe go uzwa, a a uzwe!
16 Ke da go tshwantshanya batyho ba hombe
le shing? Ba tjhwana le batyhwana mba ba
njhe mpatong, be bijhana be re:
17 Iye ha le epelela ripina jha lengwalo, mbe la
shegka la bina,
ha epela jha losho, mbe la shegka la lela.
18 Johane iye e da a sha gye borotyho, a sha
nwe mofine, mbe la re: O na le moya wo o
mashwe. 19 Ngwana wa Motyho iye e da e gya,
e nwa, mbe la re: Bona motyho yo, o
mogyogobe, letyagwa, tsala ya bakgetyhisi le
baleohi. Bothale jhwa Morimo bo sutjwa ha bo
le boammaaruri ke bothe mba ba bo
amoshelago.
Meze ye ha e ikwathae
(Luke 10:13-15)
20 Jesu

a simolola go kgala batyho ba meze ye

bontsi jhwa rikgakgamajho jhagwe iye jha rihwa
mo goyo, gko iye ba sha ikwathae a re: 21 A
tathego yeno wee, nena batyho ba Korasine! A
tathego yeno wee, nena batyho ba Bethesaita!
Ha rikgakgamajho jhe iye jha rihwa mezeng

RRN: ______

BSB Review Copy

SBTP

Text

Page 31 of 87

Comments

yeno, nkgane iye jha rihwa mezeng ya Ture le

Sitone, ngkane e sale ba ikwathae, be apere
letsela la kgetsi, be itjhela molora wa leisho, go
supa gore iye ba ikwathaa. 22 Ke le raya ke re,
go da go riha botoka gka ga batyho ba Ture le
Sitone mo leatjing la katholo bogolo mo gonye.
23 Nena batyho ba Kaperenaume, le akanya
gore le da go newa maemo owa i gorimo
legorimong? Le da go pitononenwa bobipong.
Ha rikgakgamajho jhe iye jha rihwa mozeng
weno, nkgane iye jha rihwa mozeng wa
Sotoma, nkgane o santse o le ho le hombe.
24 Mbe ke le raya ke re, go da go riha botoka
gka ga batyho ba Sotoma mo leatjing la katholo
bogolo mo goye.
Jesu o lalejha batyho go da goye
(Luke 10:21-22)
nako yeyong Jesu a bola a re: Ke go
lebogago, Tata, Morena wa legorimo le
lehatshe, gore iye wa hirela mba ba bothale le
mba ba thaloganyago bilo ze, mbe wa bi
shenonena mba ha ba rutyeshile. 26 Ee, Tata,
gka gore iye e le go ratya gago gore go rule
jhwalo.
27 Bilo zothe iye gka bi newa ke Tate. Ha go na
nngwe yo o ze Ngwane, ha ese Tate, le gona
ha go na nngwe yo o ze Tate ha ese Ngwane
le nngwe le nngwe yo Ngwane o ratya go mo
mo shenonena.
28 Nto gono lothe mba le lapilego, mba le
imelwago, mbe ke da go le lapolosha.
29 Ipeleshe gyokwe yagka, mbe le ityhutye mo
gono, gka gore ke bonolo le boikobo mpelong,
mbe le da go bonena memoya yeno tyapologo.
30 Gka gore gyokwe yagka e tshohe, le
morwalo wagka o tshohe.
25 Gka

12
Pojho gka Sabata
(Mar 2:23-28; Luke 6:1-5)
1 Leatji

lengwe gka Sabata Jesu a ralala

masimo. Barutywa bagwe iye ba le ba bolewe
ke tala, ba simolola go buta biagko ba bi gya.
RRN: ______

BSB Review Copy

SBTP

Text

Page 32 of 87

Comments

2 Ha

Bafarasai be bona jhwalo, ba mo raya ba

re: Bona, barutywa bago ba riha she ha she
gka ha molaong go rihwa gka Sabata.
3 Mbe ena a ba hetyola a re: Ha le isi le bale
she Dafite iye a she riha ha e na le tala, ena le
mba iye e na nabo? 4 A tjena mo itung ya
Morimo, a tshola borotyho jho iye e le jhwa
tshupelo, jho iye bo se moolaong go gyewa ke
nngwe le nngwe ha isi baperesiti heri, a bo gya
a ba a ha le mba iye e na nabo. 5 Kana ha le isi
le bale moolaong waga Moshe gore gka
Sabata shengwe le shengwe baperesiti mo
tempeleng ba tola molao wa Sabata, mbe ba
sha bonwe molatyo? 6 Ke le raya ke re, yo o
motyona go na le tempele o hoyo ho. 7 Ha
ngkane iye la ze gore mahogko owa a rayang:
Ke eletsa kutswejhoborogko, ising sherabelo.
Ngkane le sha sekise mba ba si na molatyo.
8 Gka gore Ngwana wa Motyho ke Morena wa
Sabata.
Phoriso ya monona yo o sheata she
gaupanyego
(Mar 3:1-6; Luke 6:6-11)
9 Ha

Jesu e jhwa mhong, a tjena mo itung ya

tyhutyo. 10 Ga bo go le monona hooho yo
sheata shagwe iye she gaupanye. Batyho
bangwe ba bata lebagka la go baya Jesu
molatyo, ba mbojha ba re: Go gka ha molaong
go horisa gka Sabata?
11 Mbe a ba hetyola a re: Ke anye mo gonye yo
e gkare iku yagwe na ya wela mo sheribeng
gka Sabata, yo ha a na go e tjhwara, e be e e
ntsha? 12 Motyho o bothogkwa go na le iku, ha
go njhe jhwalo go gka ha molaong go riha
tshiamo gka Sabata. 13 Jesu a raya monona a
re: Thapholola sheata shago. A she
thapholola, sha be she siama jhwaagka she
shengwe. 14 Mbe Bafarasai ba doga, ba rera
gkaho ba gka bolaa Jesu.
Mothanka wa Morimo yo iye a mo ithopela
15 Ha

Jesu e lemoga gore Bafarasai ba mo

rerago, a jhwa mhong, mbe bontsi jhwa batyho
jhwa mo sala gka mojhwa. A horisa balwetse

RRN: ______

BSB Review Copy

SBTP

Text

Page 33 of 87

Comments
16 mbe

bothe,
a ba laya gore ba shegka ba
jhwela nngwe gkaye. 17 She iye e le go
rurihajha she nkile sha bolwa ke moporofiti
Isaia e re:
18 Bona, mothanka wagka yo iye gka mo
ithophela,
yo ke mo ratyago yo moya wagka o mo
kgatheshelago.
Ke da go tjenya moya wagka mo goye,
O da go jhwela Baritjhaba gka katholo yagka.
19 Ha ngke e omana, le ha e le go gowa,
kana lezwe lagwe ha le na go uzwana
mebileng.
20 Ha na go buta loragka lo lo kweneshilego,
ha a na go rima lobone lo lo tyutyago,
go hithelela e riha tshiamo phenyo.
21 Ritjhaba ri da go baya tjholohelo mo
lebijhong lagwe.
Jesu le Beelesebube
(Mar 3:20-30; Luke 11:14-23; 12:10)
22 Batyho

ba nere monona yo o na le moya wo

o mashwe go Jesu, yo iye a sha bone le go
bola, mbe Jesu a mo horisa, gore a kgone go
bola le go bona. 23 Ke ha batyho be
kgakgamala be re: Yo ke ena ngwa Dafite?
24 Mbe ha Bafarasai be uzwa she, ba re: O
leleka memoya ye e mashwe gka
Beelesebube, kgoshana ya memoya ye e
mashwe.
25 Jesu gko iye e ze she ba she akanyago, a ba
raya a re: Bogoshi bongwe le bongwe jho bo
ikgaoganyago bo shenegago, le loba lo lo
ikgaoganyago lo tyhumegago. 26 Ha Saatane e
ntshejha Saatane gkaite, o ikgaoganyayo,
bogoshi jhwagwe bo da go ema jhwang?
27 Gyaanong ha nna ke leleka memoya ye e
mashwe gka Beelesebube, balatyeri beno ba e
leleka gka anye? Bona, ba da go riha baathori
beno. 28 Mbe ha ke leleka memoya ye e
mashwe gka tyhatya ya Morimo, go raya gore
bogoshi jhwa Morimo iye jhwe da mo gonye.
29 Ha gona nngwe yo a gka tyhuma itu ya
monona yo o kgotyheeyo, e be e tshola bilo
zagwe, ha isi heri a gka mbohelela, togo e be e

RRN: ______

BSB Review Copy

SBTP

Text

Page 34 of 87

Comments

tshola bilo zagwe.

30 Yo ha a na leno o kgathanong leno, le yo ha
phutyhe leno o halajhayo. 31 Ke le jhwela ke re,
batyho ba gka itjhwarelwa ribe le shengwe le
shengwe she she mashwe she ba she bolago,
mbe nngwe le nngwe yo o bola shengwe she
she mashwe gka Moya wo o Boitshepo ha na
go itjhwarelwa. 32 Nngwe le nngwe yo o bola
kgathanong le Ngwana wa Motyho o da go
itjhwarelwa, mbe yo o bola kgathanong le Moya
wo o Boitshepo, ha na go itjhwarelwa go jhwa
hombe le gka bo sha helego.
Shethare she zewa gka maungo asho
(Luke 6:43-45)
a jhwelela a re: Go riha le loungo lo lo
siamego o tjhwanee wa bo o na le shethare
she she siamego. Ha o na le shethare she she
sha siamego, o da go riha le loungo lo ha lo
siame. Shethare she zewa gka loungo lwasho.
34 Lozalo lwa rinoga tenye, le gka bola jhwang
bilo ze bi siamego le le bosula? Gka gore
shengwe le shengwe she she dee mpelong she
jhwa gka molomo. 35 Motyho yo o molemo o
ntsha she she molemo mo khumong yagwe,
mbe yo o bosula o ntsha she she bosula mo
khumong yagwe.
36 Mbe ke le raya ke re, gka leatji la katholo
batyho ba da go arabela lehogko lengwe le
lengwe la boityhamako le iye ba le bola. 37 O da
go atholwa gka mahogko ago, go supa ha o
sina molatyo kana gore wa molatyo.
33 Jesu

Loshitja lo lo bosula lo bata shesupo

(Mar 8:11-12; Luke 11:29-32)
38 Bazemolao

wa Morimo le Bafarasai bangwe

ba hetyola ba re: Morutyi, he bata shesupo mo
gowo.
39 Mbe ena a ba hetyola a re: Batyho ba
hombe mba ba bosula, ba biagka, ba bata
shesupo, mbe ha gona shesupo she ba go she
bona, ha e se shesupo sha moporofiti Jona.
40 Jhwaagka Jona nkile a rula mo lesung la
leruwaruwa malatji a le mararo le masigo a le
mararo, Ngwana wa Motyho le ena o da go rula

RRN: ______

BSB Review Copy

SBTP

Text

Page 35 of 87

Comments

mo lehatsheng malatji a le mararo le masigo a

le mararo. 41 Banona ba Ninefe ba da go ema
kgathanong le batyho ba hombe gka nako ye
Morimo o atholago, ba da go ba bona molatyo,
gka gore iye ba ikwathaa ha be uzwa Jona e
rera. Mbe ke le jhwelago, yo o motyona go
hetya Jona o hoyo ho. 42 Kgoshishari ya
lehatshe le le i borwa o da go ema kgathanong
le batyho ba hombe, gka nako ye Morimo o
athola batyho, o da go ba bona molatyo, gko
iye e jhwa bohelong jhwa lehatshe go reejha
mahogko a bothale aga Solomone, mbe yo o
motyona go hetya Solomone o hoyo ho.
Go boya ga moya wo o mashwe
(Luke 11:24-26)
a jhwelela a re: Ha moya wo o mashwe
o jhwa mootyhong, o ralala bikaka o bata go
homola, mbe o shegke o go bone. 44 Mbe o re:
Ke da go boyela mootyhong yo iye ke jhwa mo
goye. Ha o da, o hithele motyho yowong e
tjhwana le itu ye e pheelwe e baakanyijhwe.
45 Mhong o doge o ye go tshola memoya ye
mengwe e le supa, ye e bosula go o hetya,
mbe e tjene e rule mo goye. Mbe sheemo sha
motyho yo she gole go hetya la ntha. She too
she she da go rihagalela batyho ba hombe
mba ba bosula.
43 Jesu

Nnale waga Jesu le bomonawe

(Mar 3:31-35; Luke 8:19-21)
46 Ha

Jesu e ntse e bola le batyho, nnale le

bomonawe ba be be eme gkaite, be bata go
bola nae. 47 Nngwe a mo raya a re: Nogo le
bomonawo ba eme gkaite, ba bata go bola
lewo.
48 Jesu a mo hetyola a re: Mme ke anye? Le
bongwantshwe ke boanye? 49 A supa
barutywa bagwe a re, Mme le bongwantshwe
too mba. 50 Nngwe le nngwe yo o riha go ratya
ga ga Tate yo o i legorimong ke ngwantshwe le
mme.

13

RRN: ______

BSB Review Copy

SBTP

Text

Page 36 of 87

Comments
Shetshwantsho sha molemi
(Mar 4:1-9; Luke 8:4-8)

1 Gka

leatji leleyong Jesu a jhwa mo itung a ya

boribeng, a rula hatshe a rutya. 2 Ge da
matjhwititjhwiti a batyho goye ba mo
rikaganyejha, a tjena mooghorong a rula
hatshe, mbe bontsi jhwa batyho jhwa bo bo
eme ha lotshitshing. 3 Mbe a bola nabo bilo ze
bintsi gka bitshwantsho a re: Molemi nkile a
jhwa a ya go kaba peo yagwe. 4 Ha ntse e kaba
peo, ye engwe ya wela mo tseleng, mbe
rinnyane jha e togka jha e gya. 5 Peo ye engwe
ya wela mo lokgwarapaneng ho ha gona mabu
owa mantsi hooho, mbe ya jhwa gka bojhogko
gko iye isi mmabung owa a botyeng. 6 Ha e le
ga riha mogotye, ya sa, ya omelela gko iye e si
na rityitya. 7 Ye engwe ya wela bithatjhaneng
ze bi mizwa, mbe za jhwa nayo, za e gupejha,
ya shwa. 8 Ye engwe ya wela mmabung owa a
siamego, ya uma jhe ringwe ri le lekgolo, jhe
ringwe jha riha 60, jhe ringwe ri le 30.
9 Jesu a hetjha a re: Yo o na le ritjebe, a a
uzwe.
Jesu o thalosa shetshwantsho gka ga
molemi
(Mar 4:10-12; Luke 8:9-10)
baga Jesu ba mbojha ba re: Ke
shing o rihisa bitshwantsho ha o bola le
batyho? 11 Jesu a ba hetyola a re: Nena iye la
newa go ze mashaazewego a bogoshi jhwa
legorimo, mbe mba bangwe ha isi ba a newe.
12 Gka gore yo o na le shengwe, o da newa go
le gontsi, mbe o da riha le ledodo, mbe yo ha a
na shengwe le she o ityhaya e re wa na nasho,
she da go tsholwa mo goye. 13 Too she ke bola
nabo gka bitshwantsho gore le ha be labile ba
shegka ba bona, le ha be reerijhe ba shegka
ba raloganya. 14 Ponenopele yaga Isaia ya ba
rihagalela ye e re:
Le da go uzwa, mbe ha le na go raloganya,
le da go laba, mbe ha le na go bona.
15 Gka gore iye ba tyhatyahajha ripelo jhabo,
ritjebe jhabo iye jha kabana,
10 Barutywa

RRN: ______

BSB Review Copy

SBTP

Text

Page 37 of 87

Comments

maro abo a boruleego,

gore ba shegka bona,
le go uzwa gka ritjebe,
le rithaloganyo jhabo gore ri she raloganye,
mbe ba hetyoshele gono, gore ke ba horise.
16 Go shego nena mba maro eno a bonago, le
ritjebe jhe ri uzwago. 17 Ammaaruri ke le raya
ke re, baporofiti mba bantsi le basiame iye be
eletsa go bona she le she bonago, mbe ba
shegka ba she bona, le go uzwa ze le bi
uzwago, mbe ba shegka ba bi uzwa.
Jesu o thalosa shetshwantsho sha molemi
(Mar 4:13-20; Luke 8:11-15)
a jhwelela a re: Reejha gore
shetshwantsho sha molemi she rayang. 19 Ha
motyho e uzwa lehogko gka bogoshi, mbe a
sha le raloganye, o tjhwana le peo ye e wee
mo tseleng. Riabolo e de a ntshe she she
kajhwe mo ripelong jhabo. 20 Peo ye e wee mo
lokgwarapaneng ke mba iye ba uzwa lehogko
mbe ba le amoshela gka boityumelo, heri e le
ba le uzwa. 21 Mbe le sha nwelele mo gobo,
gko ha ba na rityitya. Mbe ha matshwenyego le
tyhaelo bi da gka ntha ya lehogko, ba
hetyogago. 22 Ye e wee bithatjhaneng ze bi
mizwa, ke mba ba uzwa lehogko la Morimo,
mbe matshwenyego a botjhelo le rikhumo bi
gupejhe lehogko, mbe ba shegke ba ume
loungo lo lo burijhego. 23 Peo ye e wee
mmabung owa a siamego, ke mba ba uzwa
lehogko la Morimo be le raloganya. Ba uma
loungo ga lekgolo, bangwe ga mashome owa
maratyaro, bangwe ga mashome a mararo.
18 Jesu

Shetshwantsho sha mhero

24 Jesu

a ba jhwela shetshwantsho she

shengwe a re: Bogoshi jhwa legorimo bo
tjhwana le motyho yo nkile a kaba peo ye e
siameyo maasimong agwe. 25 Mbe ya re batyho
be lee, mbaba wagwe e da, mbe a kaba mhero
ha gari ga korong, a be e doga. 26 Ha korong e
simolola go jhwa e ntsha bihagko, mhero le
ona wa jhwa. 27 Bathanka be da monying wabo
ba re: Morena, ha o iye o kabile peo ye e

RRN: ______

BSB Review Copy

SBTP

Text

Page 38 of 87

Comments

siameyo maasimong ago? Gyaanong mhero o

jhwa gkaye? 28 A ba hetyola a re: Ke mbaba
wagka yo iye a riha jhwalo. Bathanka ba
mbojha ba re: O bata he ya go ragola mhero?
29 Mbe a re: Nnyaa, gka gore ha le ragola
mhero le da go ntsha le korong. 30 Bi leshe bi
gole zothe go hithelela nako ya tyhobo. Mbe
gka nako ya tyhobo ke da go raya mba ba
butago ke re, ba phutyhe mhero pele, ba o
bohe gka ringatya go o hesa, korong yona ba e
phutyhele bihaleng.
Shetshwantsho sha peo ya mosetara
(Mar 4:30-32; Luke 13:18-19)
31 Jesu

a ba jhwela shetshwantsho she

shengwe a re: Bogoshi jhwa legorimo bo
tjhwana le thagka ya mosetara, ye motyho o e
tshola a e kabe maasimong agwe. 32 Ke peo ye
e ncwana go na le ripeo jhe ringwe, mbe ha e
gola, e hetya bigyalo ze bingwe e be e riha
shethare, gore rinnyane jha loapi ri rihe
bithatha mo rigkaleng jhasho.
Shetshwantsho sha shebiriso le thaloso ya
bitshwantsho
(Mar 4:33-34; Luke 13:20-21)
33 Jesu

a boya a ba jhwela shetshwantsho she

shengwe a re: Bogoshi jhwa legorimo bo
tjhwana le sheberiso she mosari o she tshola e
she tjenya bielong bi le biraro za bopi go
hithelela bo burologa.
34 Jesu iye e rihisa bitshwantsho go jhwela
batyho bilo ze, a shegka a bola shengwe nabo
a sha rihise shetshwantsho. 35 She iye e le go
rurihajha she nkile sha bolwa ke moporofiti ha
e re:
Ke da go rihisa bitshwantsho ha ke bola nabo,
ke da go ba jhwela bilo ze bi hireshilego go
jhwa mo tshimologong ya lehatshe.
Jesu o thalosa shetshwantsho sha mhero
ha gari ga korong
36 Jesu

a siya batyho, a tjena mo itung.

Barutywa bagwe be da goye ba mo raya ba re:
He thalosejhe shetshwantsho sha mhero wa

RRN: ______

BSB Review Copy

SBTP

Text

Page 39 of 87

Comments

masimo.
37 Jesu a ba araba a re: Molemi wa peo ye e
siameyo ke Ngwana wa Motyho. 38 Masimo ke
lehatshe, peo ye e siameyo ke bana ba
bogoshi jhwa Morimo. Mhero ke bana ba yo o
bosula. 39 Mbaba yo iye e ba kaba ke riabolo,
tyhobo ke bokhutho jhwa lehatshe, mba ba
butago ke baengele. 40 Jhwaagka mhero o
ragolwa, o be o heswa gka molelo, go da go
riha jhwalo gka bokhutho jhwa lehatshe.
41 Ngwana wa Motyho o da go roma baengele
bagwe, mbe ba da go ntshejha gkaite mba riha
gore batyho ba leohe, le bothe mba ba riha
bosula boogoshing jhwagwe. 42 Mbe ba da go
lathelwa moolelong wo motyona, go da go riha
shelelo le khuranyo ya meno. 43 Mhong
basiame ba da go phatshima jhwaagka leatji
boogoshing jhwaga Sejhwe. Yo o na le ritjebe a
a uzwe.
Shetshwantsho sha khumo ye e hireshileyo.
a jhwelela a re: Bogoshi jhwa legorimo
bo tjhwana le khumo ye e hireshile maasimong.
Ha motyho e e bona, o e hirayo, mbe gko a le
mboityumelong a doge a ye go regkisa
shengwe le shengwe she o na nasho. Mbe a
ye go regka masimo owong.
44 Jesu

Shetswantsho sha perela ye e thwathwa

kgolo
a boya a re: Gatshi bogoshi jhwa
legorimo bo tjhwana le moregki yo o bata
riperela jhe rinte. 46 Mbe ha e le a bona ye e
thwathwa kgolo, a doge a ye go regkisa
shengwe le shengwe she o na nasho. Mbe a
ye go regka perela yeyong.
45 Jesu

Shetshwantsho sha lotowa

a jhwelela a re: Gatshi bogoshi jhwa
legorimo bo tjhwana le lotowa lo iye lwa
lathelwa mo lewateng, lo tjhwara rithapi gka
mehuta yothe. 48 Mbe ha e le lwa dala batjhwari
ba rithapi ba lo goshele ha lotshitshing lwa
lewate. Mbe ba rule hatshe ba thophele rithapi
jhe ri siamego mo shegong, mbe ba lathe jhe
ha ri siame. 49 She too she she da go rihega
47 Jesu

RRN: ______

BSB Review Copy

SBTP

Text

Page 40 of 87

Comments

bookhuthong jhwa lehatshe. Baengele ba da

go raola mba ba bosula mo go mba ba
siamego. 50 Ba da go ba lathela moolelong wo
motyona, go da go riha shelelo le khuranyo ya
meno.
Rikhumo jhe ritsha le jhe rikgologolo
a ba bojha a re: Na la raloganya bilo ze
zothe? mbe ba mo araba ba re: Ee.
52 A ba raya a re: Nngwe le nngwe morutyi wa
molao wa Morimo yo iye a rutywa gka bogoshi
jhwa legorimo, o tjhwana le monyi wa itu yo o
ntsha bilo ze bi tsha le ze bi kgologolo mo
maabelong agwe.
51 Jesu

Jesu o ganwa mo Nasaretha

(Mar 6:1-6; Luke 4:16-30)
53 Ha

Jesu e le a hejha go bola bitshwantsho

ze, a jhwa mhong. 54 Ha e boyela lehatsheng la
i gobo, a rutya batyho mo itung ya tyhutyo,
batyho ba kgakgamala ba bojhana ba re: O
tshola gkae bothale le rinonoho jhe? 55 Ha se
ngwana wa mbeti wa rikgong? Ha se ngwana
waga Maria, le bomonawe ha se Jakobe,
Josefe, Simone le Jutase? 56 Bokgalarie bothe
ha se bona mba ba rula letjhwe? 57 Mbe ba
kgopega, mbe Jesu a ba raya a re: Moporofiti
ha nkge e thogka todo ha gongwe, ha isi mo
lehatsheng la i gobo, le mo lobeng lwagwe
heri. 58 Mbe ha a rihe rikgakgamajho ri le rintsi
gkayo gko ha ba na tyumelo.

14
Losho lwaga Johane wa Mokolobetsi
(Mar 6:14-29; Luke 9:7-9)
1 Gka

nako yeyong kgoshana Herote a uzwa

rikgang gka Jesu, 2 mbe a raya bathanka
bagwe a re: Yo ke Johane wa Mokolobetsi, iye
a zoga mo loshong, too she o na le tyhatya go
riha rikgakgamajho.
3 Herote iye e bola jhwalo gka gore iye iye a
tjhwara Johane, a mo golega a be a mo tjenya
mo kgoleshelong, gka ntha ya go mo gagkalela
go tshola Herodiase mosari waga monawe
RRN: ______

BSB Review Copy

SBTP

Text

Page 41 of 87

Comments
4 Gka

Filipo.
gore Johane iye iye a mo raya a
re: Ha go siame gore o ngwale Herodiase.
5 Herote iye e bata go mbolaya, mbe iye e
tjhaba batyho, gka gore iye be tshola Johane
jhwaagka moporofiti.
6 Gka nako ya leatji la mazalo aga Herote,
ngwa Herodiase wa mosezana iye e bina ha
pele ga batyho, mbe a kgatha Herote, 7 mbe a
sholohejha gka go ikano a re, wa da mo ha
shengwe le shengwe she o da go she kopa.
8 Gko nnale iye iye a mo laela, a re: Nnaya
thogo yaga Johane wa Mokolobetsi ho mo
shegong.
9 Kgoshi ya hutsahala, mbe gka ntha ya
maikano owa iye a a riha ha pele ga balaleriwa,
a ntsha tyaolo ya gore kopo yagwe e
rihagajhwe. 10 A roma batyho gore ba go
kgaola thogo yaga Johane mo kgoleshelong.
11 Thogo yagwe ya neriwa e le mo shegong,
mbe ya hiwa mosezana, mbe a e isa go nnale.
12 Barutywa baga Johane ba tshola shetyotyo
shagwe, ba she hira. Mbe ba doga, ba go
jhwela Jesu.
Jesu o gyesa batyho ba le 5,000
(Mar 6:30-44; Luke 9:10-17; Joh 6:1-14)
13 Ha

Jesu e le a uzwa she iye sha rihagalela

Johane, a ngwangwaela gka moghoro, a doga
e nayengwe, a ya lehelong le ha go na nngwe
gkayo. Mbe ya re matjhwititjhwiti a batyho be
uzwa she, ba jhwa meezeng yabo, ba mo
latyela be shekela gka rinoyo. 14 Ha Jesu e
jhwa mooghorong, e bona matjhwitijhwiti a
batyho, a ba thomoshela pelo, mbe a horisa
malwetse abo.
15 Gka malatjiboya barutywa bagwe be da goye
ba re: Golo ho go mo nageng, ebile go see na
ga hihala. Phatalajha batyho gore ba ye
meezaneng go ityhetjela bigyo.
16 Jesu a ba hetyola a re: Ha go thogkege gore
ba doge. Nena ba he shengwe ba gye.
17 Ba mo araba ba re: He na le marotyho a le
mathano le rithapi ri le riperi heri.
18 A ba raya a re: Bi nere gkanno. 19 Jesu a be
e laela batyho go rula boojhwanyeng, a tshola

RRN: ______

BSB Review Copy

SBTP

Text

Page 42 of 87

Comments

marotyho a le mathano le rithapi ri le riperi a

laba legorimong, a leboga Morimo gkazo, a bi
kgaoganya, a bi naya barutywa go bi ha
batyho. 20 Batyho bothe ba a gya ba tjhora,
mbe barutywa ba togka masalela ba a tjena mo
ritataneng ri le leshome le boberi. 21 Palo ya
batyho mba iye ba gya iye e gka riha banona
ba le 5,000, go sha balelwe basari le
batyhwana.
Jesu o shekela ha gorimo ga maze
(Mar 6:45-52; Joh 6:1-21)
22 Gka

bojhogko Jesu a laela barutywa bagwe

go tjena mooghorong, be mo etyelela pele ba
kgabaganyejha mosegya, mbe ena a santse e
phatalajha batyho. 23 Ha e le a phatalajha
batyho, a ya tyhabeng e nayengwe go rapela,
gka malatjiboya iye a le gkayo e nayengwe.
24 Mbe moghoro wa bo o see o le ha gari
lewate, o phailwa ke makhubu, gko iye o
hogkwa ke pheho.
25 Gka makuku Jesu e da barutyweng, e
shekela ha gorimo ga maze. 26 Ha barutywa be
mbona e shekela ha gorimo ga lewate, ba
tjhoga ba re: Ke shepoko! ba gowa ka ntha ya
poiho.
27 Mbe Jesu a bola nabo gka bojhogko a re:
Kgotyhala, ke nna, she weihe.
28 Petere a mo hetyola a re: Morena, ha e le
weni, ntyaola ke de gowo ha gorimo ga maze.
29 Jesu a mo raya a re: Nto! Petere a pitonoga
moghoro, mbe a shekela ha gorimo ga maze,
go ya go Jesu. 30 Mbe ha e bona pheho, a
tjhoga, a simolola go nwela, mbe a gowa a re:
Morena, mpologka!
31 Jesu a ntsha lebogo gka bojhogko, a mo
tjhwara, a mo raya a re: Ke shing o belaela,
weni wa tyumelo ye e ncwana?
32 Ha e le ba palama moghoro, pheho ya
gkogkobela. 33 Barutywa mba iye ba le
mooghorong ba be be obamela Jesu be re:
Ammaaruri, o Ngwana wa Morimo!
Jesu o horisa balwetse mo Genesarete
(Mar 6:53-56)

RRN: ______

BSB Review Copy

SBTP

Text

Page 43 of 87

Comments

34 Ha

Jesu le barutywa bagwe e le ba

kgabaganya, ba hitha mo lehatsheng la
Genesarete. 35 Ha batyho ba i gkayo be lemoga
Jesu, ba gasa molaetsa mo tyikologong yeyong
yothe, mbe batyho ba nere bothe mba ba
khwago goye. 36 Ba mo kopa gore bogolo a
letelele balwetse ba kgome momeno wa
sheaparo shagwe, mbe bothe mba iye be mo
kgoma ba hola.

15
Tyhutyo ya batyho ba bogologolo
(Mar 7:1-13)
1 Bafarasai

le bazemolao wa Morimo be da go
Jesu, be jhwa Jerusalema ba mbojha re: 2 Ke
shing ha barutywa bago be tola ngwao ya
botatetjhwe? Ha ba ithape biata pele ga be
gya.
3 Mbe a ba hetyola a re: Ke shing le tola molao
wa Morimo gka ntha ya ngwao yeno? 4 Gko
Morimo iye wa re: Doda iro le nogo gatshi wa
re, Yo o bola bosula gka ise kana nnale a a
shwe. 5 Mbe nena la re ha motyho e raya ise
kana nnale e re: Tyhuso iye ngkane iye gka go
tyhwisa gkayo, iye ya newa Morimo, 6 ha go
thogkege gore a dode ise. Gka ntha ya she, le
ithogkomolosha tyaolo ya Morimo, gka ntha ya
ngwao yeno. 7 Baitimokanyi tenye! Isaia iye e
bola shente ha e porofita gkanye ha e re:
8 Batyho mba, ba ndoda gka melomo,
mbe ripelo jhabo ri le datshe leno
9 ba nnobamela lehela,
gko rityhutyo jhabo, e le rityaolo jhe ri rutywa ke
batyho.
Ke shing she she itshegkolola motyho
(Mar 7:13-14)
10 Jesu

a bilejha batyho goye, a ba raya a re:

Uzwa le be le raloganye! 11 She she tjena
moolomong ha se shona she she itshegkolola
motyho, mbe she she jhwa gka molomo too
she she itshegkolola motyho.
12 Mhong barutywa be da goye ba re: O ze gko

RRN: ______

BSB Review Copy

SBTP

Text

Page 44 of 87

Comments

Bafarasai na ba kgotjwa ha be uzwa she ne o

she bola?
13 A ba hetyola a re: Shethatjhana shengwe le
shengwe she Tate yo o i legorimong ha she
kabile, she da go kumolwa gka rityitya. 14 Le
shegka la itshwenya gkabo! Ke bakaeri mba
hoguheego. Ha shehogu she goga shehogu,
bothe ba da go wela mo lekuteng.
15 Petere a raya Jesu a re: He thalosejhe
shetshwantsho she.
16 A ba hetyola a re: Le shantse le se bothale?
17 Ha le raloganye gore shengwe le shengwe
she she tjena moolomong wago she hetyela
lesung she be she jhwela gkaite? 18 Mbe bilo ze
bi jhwa gka molomo bi jhwa mpelong, too ze bi
itshegkolola motyho. 19 Gka gore she she jhwa
mpelong ke rikakanyo jhe ri bosula, ripolao,
boagka, boshuru le mano, le go patyelejha mba
bangwe. 20 Bilo ze too ze bi itshegkolola
motyho, mbe go gya o sha ithapile biata ha go
itshegkolole motyho.
Tyumelo ya mosari wa Mokanana
(Mar 7:24-30)
21 Jesu

a jhwa mhong a ya ntheng ya rikgaolo

jha Ture le Sitone. 22 Mosari wa Mokanana yo
iye e rula mo kgaolong yeyong e da goye, e
gowa e re: Morena, Ngwa Dafite! Nkutswejha
borogko! Ngwanagke wa mosezana o
tshwenywa tyhatya ke moya wo o mashwe.
23 Mbe Jesu a shegka a mo araba. Barutywa
bagwe be da goye ba mo kopa ba re: Mo
leleke, gka gore o he see gka mojhwa, gatshi o
he zosejha morumo!
24 Jesu a araba a re: Morimo o ntyhomile heri
mbatyhong ba Iseraele mba ba tjhwana le riku
jhe ri latheshilego.
25 Mosari e da goye, mbe a kutja ha pele
gagwe a re: Morena, ntyhwisa!
26 Jesu a mo hetyola a re: Ha go siame go
tshola bigyo za batyhwana o bi lathela ritjwa.
27 Mbe mosari a re: Ee, Morena, le ha e le
ritjwa ri gya mathothora owa a wa mo tafoleng
ya monyi wajho.
28 Jesu a mo hetyola a re: O na le tyumelo ye

RRN: ______

BSB Review Copy

SBTP

Text

Page 45 of 87

Comments

tyona, a go go rihagalele jhwaagka o eletsa.

Mbe ngwane a hola gka nako yeyong.
Jesu o horisa batyhobo ba le bantsi
29 Jesu

a jhwa mhong, a ya hautshana le

lewate la Galalea. Mbe a pagama tyhaba, a
rula hooho. 30 Matjhwititjhwiti a batyho e da
goye be nerile batyho mba ba rojhago, bihogu,
ba na le bogole, bimumu, le balwetse mba
bangwe, ba ba baya ha pele gagwe. E be e ba
horisa. 31 Batyho ba kgakgamala ha be bona
bimumu bi bola, le ba na le bogole na za hola,
le mba rojhago be shekela, le bihogu bi bona.
Mbe ba galalejha Morimo wa Iseraele.
Jesu o gyesa batyho ba le 4,000
(Mar 8:1-10)
a bijha barutywa a re: Ke uzwejha
batyho mba borogko gka gore, sale be na leno
malatji a le mararo go si na shengwe she ba
gka she gya. Ha ke bate go ba phatalajha be
na le tala, gka gore ba gka nna ba iribala mo
tseleng.
33 Barutywa ba mo hetyola ba re: He da go
bona gkae bigyo ze bi legkanyego mo nageng
ye, go gyesa bontsi jho bogka jhwa batyho?
34 Jesu a ba bojha a re: Le na le marotyho a le
ma gkahe? Mbe ba re: A le supa, le
rithatsana ri se rintsi
35 Jesu a laela batyho gore ba rule hatshe. 36 A
tshola marotyho a le supa, le rithapi, a leboga
Morimo gkazo, a bi kgaoganya, a bi naya
barutywa. Mbe barutywa ba bi naya batyho.
37 Batyho bothe ba a gya, ba tjhora. Barutywa
ba togka masalela, a dala ritatana ri le supa.
38 Palo ya banona mba iye ba gya iye e gka
riha 4,000 go sha balelwe basari le batyhwana.
39 Ha Jesu e le a phatalajha batyho, a tjena
mooghorong a ya melelwaneng ya Magetane.
32 Jesu

16
Batyho ba bata shesupo
(Mar 8:11-13; Luke 12:54-56)
1 Bafarasai

le Basadukai be da go Jesu ba mo
RRN: ______

BSB Review Copy

SBTP

Text

Page 46 of 87

Comments

legka, ba mo kopa gore a ba keejhe shesupo

she she jhwa legorimong. 2 A ba hetyola a re:
Ha go riha malatjiboya le re: Sheemo sha
bosa she da go zoga she siame, gka gore
maru a matari. 3 Mbe gka mosho le re: Go da
go na pula, gka gore maru a matari le boshihi.
Le ze go ranona ponano ya legorimo, mbe le
sha ze go ranona bilo ze bi rihega mo
shebagkeng she. 4 Batyho ba hombe mba le
bosula ba biagka, le bata shesupo, mbe ha
gona shesupo she le da go she bona, ha e se
shesupo sha moporofoti Jona.
Shebiriso sha Bafarasai le Basadukai
(Mar 8:14-21)
5 Ha

barutywa e le ba kgabaganyejha
mosegya, ba be iye ba lebala go tshola
borotyho. 6 Jesu a ba raya a re: Ithogkomele,
le be le inelethogko mo shebirisong sha
Bafarasai le Basadukai.
7 Ba burisana gka bo bona ba re: O bola jhwa,
gka gore ha he dile gka borotyho.
8 Jesu gko iye e lemoga she ba she burisanago
a ba raya a re: Nena ba tyumelo ye e ncwana,
ke shing le burisana gka bo nena gore ha le na
borotyho? 9 Le shantse le sha raloganye? Ha le
gagkoloshelwe marotyho a le mathano, a
batyho ba le 5,000! Le gore iye la a
kgobokanya ritatana ri le ri gkae jha masalela?
10 Kana marotyho a le supa, a batyho ba le
4,000, le gore iye la a kgobokanya ritata ri le ri
gkae jha masalela? 11 Ke shing le sha
raloganye gore ha ke bole lenye gka borotyho?
Mbe le ithogkomele, mo shebirisong sha
Bafarasai le Basadukai.
12 Ke ha barutywa be raloganya gore iye a sha
reye gore ba ithogkomele mo shebirisong she
she rihisiwa boorotyhong, mbe mo tyhutyong
ya Bafarasai le Basadukai.
Petere o bola ha Jesu e le Mesia
(Mar 8:27-30; Luke 9:18-21)
13 Ha

Jesu e goroga mo kgaolong ya Kaesarea

Filipi, a bojha barutywa bagwe a re: Batyho ba
re Ngwana wa Motyho ke anye?

RRN: ______

BSB Review Copy

SBTP

Text

Page 47 of 87

Comments

mo hetyola ba re: Bangwe ba re Johane

wa Mokolobetsi, bangwe ba re o Elija, bangwe
ba re o Jeremia, kana nngwe wa baporofiti.
15 A ba bojha a re: Mbe nena la re ka anye?
16 Simone Petere a mo hetyola a re: O Mesia,
Ngwana wa Morimo wo o tjhelago.
17 Jesu a mo raya a re: O shego Simone, ngwa
Jona, gka gore she, ha se o she shenonenwe
ke motyho, mbe ke Tata yo o i legorimong.
18 Le nna ke go jhwelago Petere, o lehika, mbe
mootyheong wo, wa lehika ke da go jhoga
phutyhego yagka hooho, le ha e le losho ha le
na go kgona go e henya. 19 Ke da go go naya
bilotolo za bogoshi jhwa legorimo, gore
shengwe le shengwe she o she bohago mo
lehatsheng, she da go bohwa legorimong, le
shengwe le shengwe she o da go bohononwa
mo lehatsheng, she da go bohononwa
legorimong.
20 Jesu a laya barutywa bagwe gore ba she
jhwele nngwe, ha e le Mesia.
14 Ba

Jesu o bola gka losho lwagwe

(Mar 8:31-9:1; Luke 9:22-27)
21 Go

simolola gka nako yeyong, Jesu a

simolola go thalosejha barutywa bagwe gore o
tjhwanee go ya Jerusalema, le go bogiswa
tyhatya ke bagolwane ba morahe le ba
baperesiti mba batyona, le bazemolao wa
Morimo. O da go bolewa, mbe a zoge mo
loshong gka leatji la boraro.
22 Petere a tsholela mo tyhogko, a simolola go
mo omanya e re: A go rihe datshe lewo
Morena! Morimo a she letelele she go rihega.
23 Jesu a hetyoga a raya Petere a re: Jhwa ha
gono, Saatane! O shekgopi mo gono, gka gore
rikakanyo jhago ha ri jhwe Moorimong, mbe ke
jha shetyho.
24 Jesu a raya barutywa bagwe a re: Ha nngwe
e bata go ntshala gka mojhwa, a a iityatyole, a
ghabe mokgoro wagwe malatji othe, mbe a
ntshale gka mojhwa. 25 Ha motyho e bata go
bologka botjhelo jhwagwe bo da go mo
latheshela, mbe le ha e le anye yo o
latheshelwa ke botjhelo jhwagwe gka ntha

RRN: ______

BSB Review Copy

SBTP

Text

Page 48 of 87

Comments
26 Go

yagka, o da go bo bona.
tyhwisa shing ha
motyho e na le shengwe le shengwe mo
lehatsheng lothe, mbe a sha bapale botjhelo
jho ha bo hele? 27 Ngwana wa motyho o da go
da mo kgalalelong yaga ise le baengele bagwe,
mbe o da go ruwela nngwe le nngwe go ya gka
rityiho jhagwe. 28 Ammaaruri ke le raya ke re,
go na le bangwe mba ba eme ho, mba ha ngke
be shwa pele ga be bona Ngwana wa Motyho e
da gka bogoshi jhwagwe.

17
Kgalalelo yaga Jesu mo tyhabeng
(Mar 9:2-13; Luke 9:28-36)
1 Malatji

a le maratyaro ha a la a hetya, Jesu a

tshola Petere, Jakobe le Johane monawe, a ba
thathoshejha tyhabeng ye i gorimo be
nabongwe. 2 Mbe tjhwano yaga Jesu ya
hetyoga, boso jhwagwe jha phatshima jhaagka
leatji, biaparo zagwe za riha bitshou jhwaagka
leseri. 3 Gona heri mhong ga bonana ha gobo
Moshe le Elija, be bola le Jesu. 4 Mbe Petere a
raya Jesu a re: Morena, go molemo mo
gotjhwe go rula ho, ha o bata ke da go jhoga
metaagana e le meraro, wo mongwe o rihe
wago, mongwe waga Moshe, wo mongwe
waga Elija.
5 Ha Petere e ntse e bola, leru le le
phatshimago la ba ogkama, mbe lezwe le le
jhwa mo lerung la re: Yo ke ngwanagke, yo ke
mo ratyago, yo o nkgathayo. Mo reejhe.
6 Ha barutywa be uzwa lezwe le, ba kutja, ba
oba rithogo, ba tjhoga tyhatya. 7 Mbe Jesu e da
a ba kgoma a re: Zoga, she tjhoge! 8 Ha be
tsholejha maro, ba shegka ba bona nngwe
hooho ha e se Jesu heri.
9 Ha be pitonoga tyhaba, Jesu a ba laya a re:
Le shegka la jhwela nngwe ponatshegelo ye
na la e bona, go hithelela Ngwana wa Motyho e
zoga mo loshong.
10 Barutywa bagwe ba mbojha ba re: Ke shing
bazemolao wa Morimo be re, Elija o tjhwanee
go da pele?
11 A ba hetyola a re: Gkagonese Elija o da go
RRN: ______

BSB Review Copy

SBTP

Text

Page 49 of 87

Comments
12 Ke

da pele, e da go baakanya bilo zothe.

le
jhwela ke re Elija o see iye e da, mbe batyho
iye ba sha mo lemoge, ba mo rihela gkaho ba
ratya gkaho. Mbe ba da go bogisa Ngwana wa
Motyho gka tsela ye e njhe jhwalo.
13 Ke ha barutywa be raloganya gore o bola
nabo gka Johane wa Mokolobetsi.
Jesu o horisa mhantjana yo o khwa
motyotywana
(Mar 9:14-29; Luke 9:37-43)
14 Ha

Jesu le barutywa bagwe e le ba boyela

batyhong, monona nngwe e da go Jesu a kutja
ha pele gagwe a re: 15 Morena, uzwejha
ngwanagke borogko, gka gore o khwa
bolwetse jhwa motyotywana, o bogisega
tyhatya. Nako jhe ringwe o wela moolelong
kana mmazeng. 16 Iye ke mo isijhe barutyweng
bago, mbe iye ba tyhemelwa ke go mo horisa.
17 Jesu a ba hetyola a re: A batyho tenye, mba
ha le na tyumelo, mba le rithogo ri tyhatya. Ke
da go rula lenye lobagka lo lo gkahe, ke le
itshotjee? Nere motyhwana gkanno. 18 Jesu a
gagkalela moya wo o mashwe, mbe wa jhwa
mo goye, mhantjana a hola gona heri mhong.
19 Barutywa be da go Jesu mo shephiring ba
mbojha ba re: Ke shing tjhona na ha palelwa
ke go ntsha moya wo o mashwe?
20 Mbe a ba hetyola a re: Ke gka ntha ya gore
le na le tyumelo ye ncwana. Ammaruri ke le
raya ke re, ha le na le tyumelo ye e legkana le
tjhelwa ya mosetara, le gka raya tyhaba ye la
re: Jhwa ho, o ye mhaya! Mbe e da go doga.
Ha go na shengwe she she da go le palela.
21 b

Jesu o bola gatshi gka losho lwagwe

(Mar 9:30-32; Luke 9:43-45)
22 Ha

barutywa e le ba phutyeshela mo
Galalea, Jesu a ba raya a re: Ngwana wa
Motyho o da go neelwa mbiateng za batyho.
23 Ba da go mbolaa, mbe o da go zoga mo
b17:21

Rikwalo ringwe jha bogologolo ri na le tyemana ya bo 21. Tyemana yeyong e

balega jhwa: Mbe mohuta wo ha o jhwe, ha ise heri gka tyhapelo le go ityima bigyo.
RRN: ______

BSB Review Copy

SBTP

Text

Page 50 of 87

Comments

loshong gka leatji la boraro. Mbe barutywa ba

hutsahala tyhatya.
Tyuelo ya lekgetyho la tempele
24 Jesu

le barutywa bagwe ha e le ba goroga

mo Kaperenaume, mba ba amoshela lekgetyho
la tempele be da go Petere ba mbojha ba re:
Morutyi weno a de a ntshe lekgetyho la
tempele?
25 Mbe a mo hetyola a re: Ee, o le ntshayo.
Ha Petere e tjena mo itung, Jesu a riha ena wa
ntha go bola nae e re: O akanya shing
Simone? Ke anye yo o ruwela rityiho le
makgetyho a rikgoshi jha lehatshe le? Ke baruri
ba lehatshe labo kana batyho ba sele?
26 Mbe Petere a mo hetyola a re: Batyho ba
sele. Jesu a mo araba a re: Ha go njhe jhwalo
go raya gore baruri ba lehatshe labo ha ba
ruwele. 27 Mbe ha he bate go kgopisa batyho
mba. Ya boribeng wa go tolopela shekgote,
mbe o tshole thapi ya ntha ye o da go e
tjhwara. O e aramoloshe, o da go hithela leri la
selefera. O le ba neye e rihe lekgetyho lagka le
lago.

18
Ke anye yo motyona
(Mar 9:3-37; Luke 9:46-48)
1 Gka

lobagka loloyong barutywa be da go Jesu

ba mbojha ba re: Ke anye yo motyona
boogoshing jhwa legorimo?
2 Mhong a bijha motyhwana, a mo emisa ha
gari gabo, 3 a re: Ammaaruri ke le jhwelago ha
le sha hetyoge la tjhwana le batyhwana, ha
ngke le tjena boogoshing jhwa legorimo. 4 Le
ha e le anye yo o da go ingota jhwaagka
motyhwana yo, too ena yo motyona
boogoshing jhwa legorimo. 5 Le ha e le anye yo
o amoshela motyhwana nngwe yo o njhe
jhwalo gka lebijho lagka, o nnamoshelayo.
Rityhaelo jha go leoha
(Mar 9:42-48; Luke 17:1-2)
6 Jesu

a tjhwelela a re: Mbe ha nngwe e

RRN: ______

BSB Review Copy

SBTP

Text

Page 51 of 87

Comments

kgopisa wa mba ba ncwana mba, mba ba

rumela mo gono, go botoka ha motyho yowong
a gka bohelelwa lijhwe le letyona mo tyhamong
yagwe, a be e nwejhwa mo lewateng le le
botyeng. 7 A thathego yeno batyho ba lehatshe
gka ntha ya rityhaelo jha boleo. Rityhaelo ri
tjhwanee go da, mbe go lathega ena yo o da
gkajho.
8 Ha sheata kana lonoyo lwago bi go leohisa bi
kgaole o bi lathe. Go botoka go tjena
bootjhelong jho bo sha helego o le shegole,
kana go rojha go na go le riha le biata bi le
biberi kana le rinoyo ri le riperi o bo o lathelwa
moolelong wo o sha rimego. 9 Mbe le ha leiro
lago le go leohisa, le ntshe o le lathe. Go
botoka go tjena bootjhelong jho bo sha helego
o le mogapa go na le go riha le maro a le
maberi o bo o lathelwa moletyeng wa molelo.
Shetshwatsho sha iku ye e rimeeyo
(Luke 15:3-7)
a tjhwelela a re: Le inelethogko gore le
she nyatse nngwe wa mba ba ncwana mba, ke
le jhwela ke re, baengele babo ba njhe nako
jhothe ha pele ga ga Tate legorimong. 11 c
12 Akanya, ha motyho e na le riku ri le lekgolo,
mbe nngwe yajho e be e rimela o da go riha
shing? O da go siya ri le 99 mo nageng e ya go
putela ye iye ya rimela go hithelela e e bona.
13 Mbe ha e le a e bona, ke le jhwelago, o da
go ityumelela iku ye meyengwe go na le jhe ri
99 jhe ha ri rimee. 14 Heri jhwalo Rwenye yo i
legorimo ha a ratye gore nngwe wa ba
bancwana mba, ba nyelele.
10 Jesu

Ha mokaulengwe wago e go leohela

(Luke 17:3)
a jhwelela a re: Ha mokaulengwe wago
e go leohela, ya o mo jhwele le le baberi heri.
Ha e go reejha le da go bijhana bakaulengwe
gatshi. 16 Mbe ha sha go reejhe, tshola motyho
a le meyengwe kana ba le baberi lewo, gore
15 Jesu

c18:11

Rikwalo ringwe jhe rikgologolo ri na le tyemana ya bo 11. Tyemana yeyong e

balega jhwa: Gka gore Ngwana wa Motyho o dile go bologka mba ba latheshilego.
RRN: ______

BSB Review Copy

SBTP

Text

Page 52 of 87

Comments

she le she bolago she rurihajhwe ke basupi ba

le baberi kana ba le bararo. 17 Mbe ha e gana
go ba reejha, jhwela phutyhego, ha e gana go
reejha phutyhego, o mo tshole jhwaagka
moritjhaba kana mokgetyhisi.
Ze bi letelelwa go rihwa le ze bi sha
letelelwego
a re: Ammaaruri ke le raya ke re:
shengwe le shengwe she le she bohago mo
lehatsheng, she da go bohwa legorimong, le
shengwe le shengwe she she da go
bohononwa mo lehatsheng she da go
bohononwa legorimong. 19 Gatshi ke le jhwela
ke re: ha boberi jhweno mo lehatsheng le
rumalana gka shengwe she le she kopago, le
da go she rihelwa ke Rwenye yo o i
legorimong. 20 Gka gore ho mba baberi kana
mba bararo ba phutyheshela hooho mo
lebijhong lagka, ke na nabo.
18 Jesu

Mothanka yo ha a na pelothomoshi
21 Mhong

Petere e da go Jesu a mbojha a re:

Morena, ha mokaulengwe e jhwelela e
ntyeohela, ke mo itjhwarele ga gkahe? Ga
supa?
22 Jesu a mo raya a re: Nnyaa ising ga supa,
mbe e rihe 70 ga supa. 23 Bogoshi jhwa
legorimo bo tjhwana le kgoshi ye e bata go
kanoka melatyo ya bathanka bagwe. 24 Ha e
simolola go kanoka, ga neriwa goye nngwe yo
iye e mo kolotya biketye bi le leshome za mari
owa a bijhwa ritalente. 25 Mbe gko iye e palelwa
ke go ruwela, monyi wagwe a laola gore a
regkiswe le mogagwe le bongwane le zothe ze
o na nazo, gore a ruwele shekolotyo.
26 Mothanka a kutja ha rinoyong jhagwe a re: O
rihe pelotyelele leno, ke da go go ruwela
shengwe le shengwe. 27 Monyi wa mothanka
yo, a thomoga pelo, a mo itjhwarela, mbe a
phimola shekolotyo a ba a mo golola.
28 Mbe ha mothanka yowong e le a jhwa, a
kopana le mothanka gkaye yo iye e mo kolotya
riranta ri le leshome. A mo tjhwara, a mo
kgama, a re: Ntyuwela! 29 Mothanka gkaye a
kutja ha pele gagwe a mo kopa a re: O rihe
RRN: ______

BSB Review Copy

SBTP

Text

Page 53 of 87

Comments
30 Mbe

pelotyelele leno, ke da go go ruwela.

a
gana, a mo tjenya mo kgoleshelong, go
hithelela e mo ruwela shekolotyo. 31 Ha
bathanka gkaye be bona she iye sha rihega, ba
hutsahala tyhatya, mbe ba ya go jhwela monyi
wabo shengwe le shengwe, she iye sha rihega.
32 Ke ha monyi wagwe e mbijha e mo raya e re:
O mothanka yo o bosula! Iye gka phimola
shekolotyo shago, gka gore iye o nkopa. 33 Le
weni iye o sha tjhwanenwe ke go uzwejha
mothanka gkawo borogko, jhwaagka le nna iye
gka go uzwejha borogko? 34 Monyi wagwe a
dala bogale, mbe a romela mothanka
kgoleshelong go othaiwa go hithelela e ruwela
mari owa iye e a kolotya.
35 Jesu a hejha gka gore: She too she Tate yo
o i legorimong o da go she rihela nngwe le
nngwe weno, ha o sha itjhwarela mokaulengwe
wagwe gka pelo yago.

19
Jesu o rutya gka thalo
(Mar 10:1-12)
1 Ha

Jesu e le a hetja go bola bilo ze, a jhwa

mo kgaolong ya Galalea, a ya kgaolong ya
Jutea mosegya ga nogka ya Joretane. 2 Mbe
matjhwititjhwiti a batyho ba mo sala gka
mojhwa, mbe a ba horisa hooho.
3 Bafarasai be da goye ba mo lalela ba re: Go
gka ha molaong gore monona a rale mogagwe
gka lebagka lengwe?
4 A ba araba a re: Ha le isi le bale lokwalo lo lo
re, mo tshimologong mbopi iye a riha monona
le mosari? 5 Mbe Morimo wa re: Gka ntha ya
she, monona o da go siya ise le nnale, e
tjhwaragana le mosari wagwe, mbe ba da go
riha shelo she le moshongwe. 6 Mbe ha ba sha
thole e le batyho ba le baberi ke motyho a le
meyengwe. Gka jhwalo, she Morimo iye wa
she kopanya, motyho a she she kgaoganye.
7 Ba mo raya ba re: Ke shing gyaanong, ha
Moshe iye a laola gore monona a neye mosari
shetankana sha thalo, a be e mbotsa?
8 Jesu a ba hetyola a re: Moshe iye a le
RRN: ______

BSB Review Copy

SBTP

Text

Page 54 of 87

Comments

letelela go rala basari beno gka gore ripelo

jheno iye ri le tyhatya. Mbe iye go sha njhe
jhwalong go jhwa tshimologong. 9 Ke le jhwela
ke re, nngwe le nngwe yo o rala mosari wagwe,
isi gka lebagka la gore iye a riha boagka, e be
e ngwala mosari yo mongwe, o riha boagka.
10 Barutywa ba mo raya ba re: Ha e le gore go
njhe jhwalo ha gari ga monona le mosari, go
botoka go sha ngwala.
11 Jesu a ba hetyola a re: Ha se nngwe le
nngwe yo o amoshela lehogko le, ha isi heri
mba Morimo iye wa le ba naya. 12 Go na le
mabagka owa a harologanyego a gore monona
a shegka a ngwala, bangwe gka gore ba ba
belegwe be njhe jhwalo, bangwe gka gore iye
be rihwa jhwalo ke batyho, mbe bangwe ha ba
ngwale gka ntha ya bogoshi jhwa legorimo.
Nngwe le nngwe yo o amoshela tyhutyo ye a
rihe jhwalo.
Jesu o segohajha batyhwana
(Mar 10:13-16; Luke 18:15-17)
13 Batyho

bangwe ba nere batyhwana go Jesu

go ba baya biata, le go ba rapelela, mbe
barutywa ba ba gagkalela. 14 Jesu a ba raya a
re: Lesha batyhwana be de gono, le shegka la
ba tyatyejha, gka gore bogoshi jhwa legorimo
ke jhwa mba ba tjhwana le batyhwana mba.
15 A ba baya biata, a be e doga.
Lekolwane le le gumilego
(Mar 10:17-31; Luke 18:18-30)
16 Monona

nngwe e da go Jesu a mo raya a re:

Morutyi, ke rihe shing she she siamego gore
ke rihe le botjhelo jho ha bo hele?
17 Jesu a mo araba a re: O mpolejhang gka ga
she she siamego? Morimo too wona heri wo o
siamego. Ha o bata botjhelo jho ha bohele
obamela rityaolo jhe.
18 A mbojha a re: Rityaolo jhe rihe? Jesu a re:
O shegka wa bolaa motyho, o shegka wa riha
boagka, o shegka wa iba, o shegka wa ntsha
bosupi jhwa mano, 19 doda iro le nogo, mbe o
ratye nngwe gkawo jhwaagka o ityhatya.
20 Mbe lekolwane la mo raya la re: Bilo ze

RRN: ______

BSB Review Copy

SBTP

Text

Page 55 of 87

Comments

zothe iye gka bi obamela, ke thogka shing

gatshi?
21 Jesu a mo araba a re: Ha o bata go riha
motyho yo o siameyo, doga wa go regkisa ze o
na nazo, mbe o abele bagumaneshi, mbe o da
go riha le khumo legorimong, o be o da, o
ntshale gka mojhwa.
22 Ha lekolwane le uzwa she, a doga e
hutsahee, gko iye e gumile tyhatya.
23 Jesu a raya barutywa bagwe a re:
Ammaaruri ke le raya ke re, go da go riha
tyhatya gore mogumi a tjene gka bogoshi jhwa
legorimo. 24 Gatshi ke le jhwela ke re, go
mothohu gore kammela e tjene mo letjhobeng
la nale, go na le mogumi go tjena boogoshing
jhwa Morimo.
25 Ha barutywa be uzwa she, ba kgakgamala
tyhatya ba re: Ke anye gyaanong yo o da go
bologkwa?
26 Jesu a ba roma maro a re: She ha she
kgonege mbatyhong, Moorimong she
kgonegago.
27 Petere a mo araba a re: Bona, iye ha siya
shengwe le shengwe ha go sala gka mojhwa.
Poelo yetjho ke shing?
28 Jesu a ba raya a re: Ammaaruri ke le raya
ke re, gka nako ye go sahajhwa lehatshe, ha
Ngwana wa Motyho e rula mo shetyulong sha
bogoshi sha kgalalelo, le nena mba le ntshala
gka mojhwa, le da go rula mbityulong za bogosi
bi le leshome le boberi. Le da go athola
merahe e le leshome le boberi ya Iseraele.
29 Mbe nngwe le nngwe yo iye a siya loba
lagwe kana bongwa nnale, kana ise kana
nnale, kana bongwane kana masimo agwe,
gka ntha yagka o da go amoshela ga lekgolo, e
be o ruwa botjhelo jho ha bo hele. 30 Mbe
bontsi jhwa batyho jho iye bo le jhwa ntha bo
da go riha jhwa bohelo, mbe jhwa bohelo bo da
go riha jhwa ntha.

20
Shetshwantsho sha barihi ba masimo a
mofine

RRN: ______

BSB Review Copy

SBTP

Text

Page 56 of 87

Comments

a re: Bogoshi jhwa legorimo bo tjhwana

le monyi wa masimo, yo o jhwa phakela e ya
go hira batyho go bereka maasimong agwe a
mofine. 2 A rumalana go ba ruwela mari a
kamoshela a leatji le le melengwe, a be e ba
romela masimo agwe a mofine. 3 A boya, a ya
lehelong la tyhegkiso gka oura ya
boherabongwe, mbe a hithela bangwe be eme
ba sha rihe shengwe. 4 Le bona a ba raya a re:
Le nena doga la go bereka maasimong a
mofine, ke da go le ruwela tyuelo ye e
siameyo. 5 Mbe ba doga. A riha jhwalo gatshi
gka oura ya leshome le boberi le gka oura ya
boraro. 6 Ya re gka oura ya bothano a ya
lehelong la tyhegkiso, a bona batyho bangwe
be eme hooho. A ba bojha a re: Le emee shing
shekgau shothe le sha rihe shengwe? 7 Ba mo
hetyola ba re: Ha gona nngwe yo o he hirileyo.
A ba raya a re: Doga le nena la go bereka
maasimong a mofine.
8 Gka malatjiboya, monyi wa masimo a mofine
a raya moogkameri wagwe a re: Bijha barihi o
ba ruwele. O simolole gka mba iye be hirwa
mojhwa o hejhe gka mba iye be hirwa lantha.
9 Batyho mba iye be simolola tyiho gka oura ya
bothano ba ruwela mari a kamoshelo a
shelegkanyo sha leatji le le melengwe. 10 Ha
mba iye be simolola tyiho pele, be ruwelwa, ba
sholohela go amoshela go le gontsi. Mbe
nngwe le nngwe wabo a amoshela mari a
kamoshelo a shelegkanyo sha leatji le le
melengwe. 11 Ha e le ba amoshela mari abo, ba
ngongorega mmonying wa masimo. 12 Ba mo
raya ba re: Batyho mba iye be hirwa mojhwa,
iye ba bereka shelegkanyo sha oura heri, mbe
tjhona iye ha bereka leatji lothe mo leatjing.
Mbe o ba ruwela go legkana letjho.
13 Mbe a hetyola nngwe wabo a re: Tsala, ha
ke isi ke le tsietse. Ha le isi le rumalane leno
gka mari a kamoshelo a leatji le le melengwe?
14 Tshola tyuelo yeno le ye gaya. Ke bata go
naya monona yo, yo iye ke mo hira labohela
jhwaagka ne ke le naya. 15 Ha ke na tjhwaneno
ya go riha jhwaagka ke ratya, gka mari agka?
Kana le guhega gka gore ke pelonte?
16 Jesu a hejha gka gore: Ba bohelo ba da go
1 Jesu

RRN: ______

BSB Review Copy

SBTP

Text

Page 57 of 87

Comments

riha ba ntha, mbe ba ntha ba da go riha ba

bohelo.
Jesu o bola la boraro gka losho lwagwe
(Mar 10:32-34; Luke 18:31-34)
17 Ha

Jesu e ya Jerusalema, a bilejha barutywa

bagwe mba ba leshome le boberi tyhogko, a
bola nabo mo shephiring a re: 18 Reejha, he ya
Jerusalema, gko Ngwana wa Motyho o da go
neelwa baaperesiting mba batyona le
bazemolao wa Morimo. Ba da go mo atholela
losho, 19 mbe ba da go mo naya Baritjhaba go
mo soda, le go mo notya, le go mbapola. O da
go zoga mo loshong gka leatji la boraro.
Nnale wa bana baga Sebete o kopa
shengwe mo go Jesu
(Mar 10:35-45)
20 Nnale

wa bana baga Sebete e da go Jesu, le

bongwane ba le baberi ba bahantjana, a kutja
ha pele gagwe a mo kopa gore a mo rihele
shengwe.
21 Mbe Jesu a mo raya a re: O bata ke go
rihela shing? A hetyola Jesu a re:
Ntjholohejha gore bongwanagke mba baberi
mba, ba da go rula mo lebogong lago le
letyona, nngwe go la molema boogoshing
jhwago.
22 Jesu a ba hetyola a re: Ha le ze she le she
kopago. Le nonohile go boga jhwaagka ke ya
go boga? Ba mo hetyola ba re: He kgonago.
23 A ba raya a re: Le da go boga jhwaagka ke
ya go boga, mbe ha ke na tyhatya go thopha
yo o da go rula mo lebogong lagka le letyona
kana la molema. Marulo owong ke a mba Tate
iye a ba a baakanyejha.
24 Ha barutywa mba ba leshome be uzwa she,
ba gagkalela bakaulengwe mba baberi mba.
25 Jesu a bijha barutywa bagwe bothe a ba raya
a re: Le ze ha rikgoshi jha baritjhaba ri ba
gatyelelago, le mba ba ba busago ba ba
laolago. 26 She ha she tjhwanee go rihega mo
gonye. Ha nngwe weno e bata go riha yo
motyona, o tjhwanee go riha mothanka weno.
27 Le ha e le nngwe yo o bata go riha wa ntha,

RRN: ______

BSB Review Copy

SBTP

Text

Page 58 of 87

Comments

o tjhwanee go riha mothanka weno,

28 jhwaagka Ngwana wa Motyho, yo ha dile go
rihelwa, mbe go rihela batyho, le go neela
botjhelo jhwagwe go golola batyho ba le
bantsi.
Jesu o horisa banona mba baberi ba bihogu
(Mar 10:46-52; Luke 18:35-43)
29 Ha

Jesu le barutywa bagwe be jhwa

mozemogolo wa Jeriko, bontsi jho bo botyona
jhwa batyho ba mo sala gka mojhwa. 30 Banona
mba baberi ba bihogu iye be njhe go bapa le
tsela, mbe ha be uzwa gore Jesu o hetyayo, ba
simolola go gowa be re: Morena, Ngwa Dafite!
He uzwejhe borogko!
31 Batyho ba ba gagkalela, ba ba jhwela gore
ba khale. Ba gowa le go hetya ba re: Morena,
Ngwa Dafite! He uzwejhe borogko!
32 Mbe Jesu a ema, a ba bijha, a ba bojha a re:
Le bata ke le rihelang?
33 Ba re: Morena, he bata go bona.
34 Jesu a ba uzwejha borogko, a kgoma maro
abo, gka bojhogko ba simolola go bona, mbe
ba mo sala gka mojhwa.

21
Jesu o tjena mo Jerusalema
(Mar 11:1-11; Luke 19:28-40; Joh 12:12-19)
1 Ha

Jesu le barutywa bagwe be utyamela

mozemogolo wa Jerusalema, ba hitha mozeng
wa Bethefage, ha Tyhotyeng ya Riolefa, Jesu a
roma barutywa ba le baberi, 2 a ba raya a re:
Ya mozaneng wo le labaganye nao, gona heri
mhong le da go hithela tonki e goleshilwe, e na
le tonkana yayo. Ri golole le ri nere gono.
3 Mbe ha nngwe e le bojha shengwe le mo reye
le re: Morena o ri batayo, mbe o da go ri
golola.
4 She iye she rihega go rurihajha she nkile sha
bolwa ke moporofiti e re:
5 Jhwela batyho ba mozemogolo wa Sione, le
re:
Bona, kgoshi yeno e da gonye,

RRN: ______

BSB Review Copy

SBTP

Text

Page 59 of 87

Comments

e le pelonolo, mbe e pagame tonki,

le tonkana, ngwana wa tonki.
6 Barutywa ba doga, ba riha heri jhwaagka Jesu
iye a ba laela. 7 Ba nere tonki le tonkana, ba
baya biaparo zabo mo gojho, mbe Jesu a ri
pagama. 8 Bontsi jhwa batyho ba ala biaparo
zabo mo tseleng, bangwe ba kgaola rigkala jha
bithare ba ri ala mo tseleng. 9 Mbe batyho mba
ba i pele gagwe le mba ba mo see gka mojhwa
ba gowa ba re: Hosana go Ngwa Dafite! Go
bakwe yo o dayo gka lebijho la Morena!
Hosana gorimo!
10 Ha Jesu e tjena mo Jerusalema, moze wothe
wa guruega wa re: Yo ke anye?
11 Mbe bontsi jhwa batyho ba re: Ke moporofiti
Jesu, go jhwa moozeng wa Nasaretha mo
kgaolong ya Galalea.
Jesu o leleka batyho mba ba regkisa mo
tempeleng
(Mar 11:15-19; Luke 19:45-48; Joh 2:13-22)
12 Jesu

a tjena mo tempeleng, a leleka bothe

mba iye be regka le mba iye be regkisa mo
tempeleng. A pityikolola ritafole jha mba ba
ananyisa mari, le bityulo za mba ba ba regkisa
maphoi. 13 A ba raya a re: Go go kwalwe mo
lehogkong la Morimo, ga ruwa: Itu yagka e da
go bijhwa itu ya tyhapelo. Mbe nena iye la e
ntsha logaga lwa binokwane!
14 Bihogu le mba ba rojhago be da goye mo
tempeleng, a ba horisa. 15 Mbe ha baperesiti
mba batyona le bazemolao wa Morimo be bona
rikgakgamajho jhe o ri rihayo, le batyhwana be
gowa mo tempeleng be re: Hosana, Ngwa
Dafite! Ba galeha. 16 Ba mo raya ba re: O
uzwa she ba she bolago? Jesu a ba hetyola a
re: Ee, ha le ise le bale ho go go kwalwe go
ruwa:
Go jhwa meelomong ya batyhwana mba ba
ncu le ya mba ba angwago,
iye wa ipaakanyejha pako.
17 Jesu a siya batyho mo tempeleng, a ya
mozemogolo wa Bethania, gko iye a lala
gkayo.

RRN: ______

BSB Review Copy

SBTP

Text

Page 60 of 87

Comments
Jesu o gujha shethare sha mofeige
(Mar 11:12-14; 11:20-26)

18 Gka

maphakela, ha e boyela mozeng, Jesu

iye a le mo bolawe ke tala. 19 A bona shethare
sha mofeige go bapa le tsela, a ya gosho, mbe
a shegka a bona shengwe ha isi mathare heri.
Mbe a she raya a re: Ha o na go thola o uma
loungo gatshi! Gka bojhogko shethare sha
mofeige sha omelela.
20 Ha barutywa be bona tyihagalo yeyong, ba
kgakgamala ba re: Ke shing shethare sha
mofeige she omelela gona heri mhong?
21 Jesu a ba araba a re: Ammaaruri ke le raya
ke re, ha le na le tyumelo, le sha belaele
shengwe, le kgona go riha she ne gka she riha
gka shethare she sha mofeige. Mbe gatshi le
kgona go raya tyhaba ye le re: Iteye o ithathele
mo lewateng, e da go riha jhwalo. 22 Ha le
rumela le da go amoshela shengwe le
shengwe she le she kopago, ha le rapela.
Baetyeleripele ba Bajuta ba bojha Jesu gka
tyhatya yagwe
(Mar 11:27-33; Luke 20:1-8)
23 Ha

Jesu e tjena mo tempeleng, baperesiti

mba batyona le bagolwane ba morahe be da
goye ha e ntse e rutya, ba mbojha ba re: Bilo
ze o bi riha gka tyaolo ye ehe. Kana ke anye yo
o go neile tyaolo ye?
24 Jesu a ba hetyola a re: Le nna ke da go le
bojha pojho, ha le gka nnaraba, ke da go le
jhwela gore ke riha bilo ze gka tyaolo yaga
anye. 25 Johane iye a le mo rongwe ke Morimo
go kolobetsa batyho kana iye a le mo rongwe
ke batyho? Mbe ba burisana gka bo bona ba
re: Ha he gka re: Morimo, o da go he raya e
re: Ke shing iye le sha rumele she iye e she
bola? 26 Mbe ha he re: Ke batyho, he tjhaba
she batyho ba gka she riha, gka gore ba
rumela tota ha Johane iye e le moporofiti.
27 Mbe ba hetyola Jesu ba re: Ha he ze. Le
ena a ba raya a re: Le nna ha ke na go le
jhwela tyaolo ye ke riha bilo ze gkayo.

RRN: ______

BSB Review Copy

SBTP

Text

Page 61 of 87

Comments

Shetshwantso sha bahantjana mba baberi

a jhwelela a re: Le akanya shing gka
shetshwantsho she? Monona nngwe nkile e na
le batyhwana ba bahantjana ba le baberi. A ya
go yo motyona a re: Ngwanagka, shekela o ye
go bereka masimong a mafine hombe. 29 Mbe
ngwane a mo hetyola a re: Ha ke bate go
doga, mbe mojhwa a hetyola mogopolo a
doga. 30 Ise a ya go ngwane wa boberi a mo
jhwela heri jhwaagka wa ntha. Ena a mo
hetyola a re: Ke da go doga rra, mbe a shegka
a doga. 31 Jesu a ba bojha a re: Ke anye mo
go mba baberi mba, yo iye a riha she ise iye e
she bata? Ba araba ba re: Wa ntha. Jesu a
ba raya a re: Ammaaruri ke le jhwela ke re,
bakgetyhisi le biagka ba tjena boogoshing jhwa
Morimo pele geno. 32 Ke bola she gka gore,
Johane iye e da gonye e le keejha tsela ye e
siameyo, mbe la shegka la rumela she iye e
she rutya, mbe bakgetyhisi le biagka ba mo
rumela. Le ha ntswa iye le bona she, ha le isi le
de le ikwathae la ba la rumela mo goye.
28 Jesu

Shetshwantsho sha balemi

(Mar 12:1-12; Luke 20:9-19)
a bola gatshi a re: Reejha
shetshwantsho she shengwe. Nkile ga be go le
motyho nngwe e na le masimo, e lemile
masimo a mafine. A a jhoshelela gka logora, a
epa ho go rihwa mofine hooho mo goyo, a
jhoga le shehatya sha mba ba letya masimo.
Mbe a hirisa masimo a mafine baaleming mba
bangwe, a etyela lehatshe le lengwe. 34 Ha
nako ya tyhobo e da, a roma bathanka bagwe
baleming gore ba go tshola bontha bongwe
jhwa tyhobo. 35 Balemi ba tjhwara bathanka
bagwe, nngwe ba mbetsa, yo nngwe ba
mbolaya, yo nngwe ba mo kgobotejha gka
majhwe. 36 A boya a roma bathanka mba
bangwe gatshi, mba ba hetya ba ntha, mbe
balemi ba ba riha jhwaagka ba ntha. 37 La
bohelo a roma ngwane wa mhantja gobo a re:
Ba da go doda ngwanagke. 38 Mbe ha balemi
be bona ngwane, ba raana ba re: Yo ke
33 Jesu

RRN: ______

BSB Review Copy

SBTP

Text

Page 62 of 87

Comments

mogyaboshwa, da he mbolee, gore masimo a

de a rihe etjho. 39 Ba mo tjhwara, ba mo
rokonelejha gkaite ga masimo a mafine, ba
mbolaa.
40 Jesu a ba bojha a re: Ha monyi wa masimo
a mafine e da, o da go rihang gka balemi
mba?
41 Ba mo raya ba re: O da go bolaya batyho
mba ba bosula mbong, e be e hirisejha balemi
ba sele masimo, mba ba da go mo ha bontha
bongwe jhwa tyhobo, gka nako ya tyhobo.
42 Jesu a ba raya a re: Ha le isi le bale
Rikwalo, ha ri re:
Lijhwe le bajhogi iye ba le gana,
iye la riha botoka bogolo go owa mangwe.
She iye she rihwa ke Morena,
she kgathago mmarong etjho.
43 Jesu a ba raya a re: Ke le jhwela ke re:
bogoshi jhwa Morimo bo da go tsholwa mo
gonye, bo newa batyho mba ba da go uma
maungo owa a siamego. 44 Yo o wela mo
lijhweng leleyong o da go phatoganywa, mbe
ha le wela mo go nngwe le da go mo papeta.
45 Ha baperesiti mba batyona le Bafarasai be
uzwa bitshwantsho zaga Jesu, ba lemoga ha e
bola gkabo. 46 Ba legka go mo tjhwara, mbe ba
tjhaba bontsi jhwa batyho, gko iye be mo kaya
e le moporofiti.

22
Shetshwantsho sha moriho wa lengwalo
1 Jesu

a bola nabo gatshi gka bitshwantsho a

re: 2 Bogoshi jhwa legorimo bo tjhwana le
kgoshi ye nkile ya rihela ngwane wa lekolwane
moriho wa lengwalo. 3 A roma bathanka go ya
go jhwela balaleriwa gore be de morihong wa
lengwalo, mbe ba gana go da. 4 A roma
bathanka mba bangwe gatshi a re: Jhwela
mba ke ba lalerijhego gore na gka baakanya
bigyo za malatjiboa, na gka raba ripowa le
rinamane jhagka jhe ri noninego. Shengwe le
shengwe na sha baakanywa. Da morihong wa
lengwalo! 5 Mbe ba mo ithogkomolosha ba be
ba itoshela, nngwe a ya morakeng wagwe,

RRN: ______

BSB Review Copy

SBTP

Text

Page 63 of 87

Comments
6 Mba

nngwe a ya mo ritseleng jhagwe.

iye be
see ba tjhwara bathanka ba ba betsa, ba ba
bolaa. 7 Kgoshi ya riha bogale, ya bolojha
etywa, ba bolaya babolai mbong, ya be e
tshuba moze wabo. 8 Kgoshi a bijha bathanka
bagwe a ba raya a re: Moriho wa lengwalo na
wa baakanywa, mbe batyho mba ne ke ba
lalerijhe ne ba sha tjhwanee gore ke be ke ba
lalerijhe. 9 Ya mbileng, mbe bothe mba le da go
ba hithela le ba lalejhe moriho wa lengwalo.
10 Bathanka ba ya mo ritseleng, ba phutyha
bothe mba iye be ba bona, mba ba bosula le
mba ba siamego, itu ya moriho ya dala gka
balaleriwa.
11 Jesu a jhwelela a re: Ha kgoshi e tjena e da
go bona balaleriwa, ya bona monona a sha
apare biaparo za lengwalo. 12 A mo raya a re:
Tsala, na wa tjena jhwang ho, o sha apere
biaparo za lengwalo? Mbe a thogka puo.
13 Mhong kgoshi ya raya bathanka ya re:
Mbohe mabogo le rinoyo le mo lathele gkaite
mo lehihing, gko go da go riha shelelo le
khuranyo ya meno gkayo.
14 Jesu a hejha a re: Morimo o lalejha ba le
bantsi, mbe o thopha palo ye ncwana.
Pojho gka lekgetyho
(Mar 12:13-17; Luke 20:20-26)
15 Bafarasai

ba loga leano la go tjhwara Jesu

gka she o she bolayo. 16 Ba roma barutywa
babo be na le ba ga Herote ba re: Morutyi, he
ze gore o bola o bo o rutya she she siamego, o
tshola batyho gka go legkana, ebile o rutya
tsela ya Morimo gka boammaaruri. 17 He
jhwele, gore o akanya jhwang? Go gka ha
molaong wetjho gore he neye Kaesare
kgoshikgolo ya Roma lekgetyho kana nnyaa?
18 Jesu a lemoga bolotsana jhwabo a re: Ke
shing le ntyhaela, baitimokanyi tenye?
19 Nkeejha leri la lekgetyho. Ba le nere goye.
20 A ba bojha a re: Le na le shetshwantsho le
mokwalo waga anye?
21 Ba mo raya ba re: Waga Kaesare. Jesu a
ba raya a re: Ha go njhe jhwalo, naya Kaesare
she e leng shaga Kaesare, mbe le neye

RRN: ______

BSB Review Copy

SBTP

Text

Page 64 of 87

Comments

Morimo she e leng sha Morimo.

22 Ha be uzwa she Jesu o she bolayo, ba
kgakgamala. Mbe ba mo siya, ba doga.
Basadukai ba bojha Jesu gka go zoga ga
baswi
(Mar 12:18-27; Luke 20:27-40)
23 Gka

lona leatji leleyong Basadukai mba ba

re, ha go na tsogo ya bashwi, be da go Jesu.
24 Ba mbojha ba re: Morutyi, Moshe iye a bola
a re, ha monona e shwa, a sina batyhwana,
monawe o tjhwanee go tshola moshwagari she
ya itu e riha batyhwana nae, go rihela
mogolowe loshitja. 25 Gyaanong, iye go na le
bana ba motyho mo gotjhwe ba banona be
supa. Wa ntha a ngwala mosari, mbe a shwa a
sina batyhwana, wa boberi a ngwala
moshwagari yowong. 26 She sha jhwelela gka
wa boraro go ya go wa bosupa. 27 La bohelo
mosari le ena a shwa. 28 Gyaanong, mo
tsogong ya bashwi o da go riha mosari waga
anye mo gobo? Gka gore iye be mo ngwee
bothe gka bosupa jhwabo.
29 Jesu a ba hetyola a re: Le rimelago gka gore
ha le ze Rikwalo, le ha e le nonoho ya Morimo.
30 Gka gore gka tsogo ya bashwi batyho ha
ngke be ngwala, kana be ngwalwa, gka gore
ba da go be be tjhwana le baengele
legorimong. 31 Mbe gore bashwi ba zoga, ha le
isi le bale she Morimo iye wa she le jhwela? E
re: 32 Too nna Morimo waga Aberahame,
Morimo waga Isake, Morimo waga Jakobe. Ha
se Morimo wa bashwi, ke Morimo wa batjheri.
33 Ha bontsi jhwa batyho be uzwa she, ba
kgakgamajhwa ke tyhutyo yagwe.
Tyaolo ye tyona
(Mar 12:28-34; Luke 10:25-28)
34 Ha

Bafarasai be uzwa ha Jesu iye a kharisa

Basadukai, ba phutyhega bothe. 35 Nngwe
wabo, mozemolao wa Morimo, a mo lalela gka
go mbojha pojho. 36 A mo raya a re: Morutyi,
tyaolo ye e tyona ke ye ehe?
37 Jesu a mo araba a re: O ratye Morena
Morimo wago gka pelo yago yothe, le gka

RRN: ______

BSB Review Copy

SBTP

Text

Page 65 of 87

Comments

moya wago wothe, le gka thaloganyo yago

yothe. 38 Too ke yona tyaolo ya ntha le ye e
tyona. 39 Ya boberi ye e tjhwana nayo ke ye: O
ratye nngwe gkawo jhwaagka o ityhatya.
40 Molao wothe waga Moshe le molao wothe
wa baporofiti bi molaong wo.
Jesu o bojha batyho gore Mesia ke ngwa
anye
(Mar 12:35-37; Luke 20:41-44)
41 Ha

Bafarasai be njhe be phutyheshile, Jesu a

ba bojha a re: 42 Le akanya shing gka Mesia?
Ke ngwa anye? Ba mo hetyola ba re: Ke
ngwa Dafite.
43 Jesu a ba raya a re: Ke shing gyaanong ha
Dafite, iye e bola gka moya wa Morimo, e
mbijha Morena? Ha Dafite e re:
44 Morena Morimo iye a raya Mesia Morena
wagka a re:
Rula mo lehelong le le dodegago gka lebogong
lagka le letyona,
Go hithela ke go henyejha baba bago, ke ba
riha bobewo jhwa rinoyo jhago.
45 Dafite iye e bijha Mesia Morena. Gyaanong
a gka rula ngwane jhwang?
46 Mbe ga bo go se nngwe yo o araba Jesu, go
jhwa mo leatjing leleyong ga bo go se nngwe
yo o bata go mbojha shengwe.

23
Jesu o thagisa barutywa bagwe gka ga
bazemolao wa Morimo le Bafarasai
(Mar 12:38-39; Luke 11:43-46; 20:45-46)
1 Mhong

Jesu a bola le bontsi jhwa batyho le

barutywa bagwe a re: 2 Bazemolao wa Morimo
le Bafarasai iye ba letelelwa go ranona molao
waga Moshe. 3 Le tjhwanee go obamela le go
sala gka mojhwa shengwe le shengwe she ba
she le jhwelago, mbe le shegka la riha she ba
she rihago, gka gore ha ba rihe she ba she
bolago. 4 Ba rwesha batyho merwalo gka melao
ye e tyhatya gore ba e obamele, mbe bona ba
sha e obamele. 5 Ba riha shengwe le shengwe

RRN: ______

BSB Review Copy

SBTP

Text

Page 66 of 87

Comments

gore batyho ba bone. Lebokoso la ledalo le le

na le rityemana le ba le rwala mo riphateng le
maabogong ba le riha letyona. Le meza ya
ripurapure jhabo ba e riha metyelele. 6 Ba ratya
bityulo za badodeshi meerihong le mo ritung
jha tyhutyo, 7 ba ratya gore batyho ba ba
rumejhe gka todo mahelong a tyhegkiso, be ba
bijha barutyi. 8 Mbe nena le shegka la bijhwa
barutyi gka gore morutyi weno o meyengwe
heri, mbe nena lothe le bakaulengwe. 9 Le
shegka la bijha nngwe mo lehatsheng le re,
tata, gka gore le na le Rwenye a le meyengwe
heri legorimong. 10 Gatshi, le shegka la bijhwa
baetyeleripele, gka gore moetyeleripele weno
yo o meyengwe ke Mesia. 11 Yo o motyona mo
gonye a a rihe mothanka weno. 12 Nngwe le
nngwe yo o ikgorisayo Morimo o da go mo isa
datshe, mbe yo o ikokobetsayo Morimo o da go
mo gorisa.
Jesu o kgala boitimokanyi jhwa Bafarasai le
bazemolao wa Morimo
(Mar 12:40; Luke 11:39-42, 44, 52; 20:47)
a jhwelela a re: Go lathega nena,
bazemolao wa Morimo le Bafarasai!
Baitimokanyi tenye! Gko iye la hitjejha batyho
go tjena boogoshi jhwa legorimo, nme le ha go
njhe jhwalo le nena a go njhe jhwalo le nena ha
le isi le tjene, mbe ha le letelele mba ba bata
go tjena mo gojho. 14 d
15 Go lathega nena, bazemolao wa Morimo le
Bafarasai! Baitimokanyi tenye! Gko le shekela
mo lehatsheng le mo lewateng go sogkolola
motyho a le meyengwe heri gore a amoshele
tyumelo yeno. Mbe ha a la rumela le riha gore
a tjhwanenwe ke rihele go menagane gaberi go
na lenye.
16 Go lathega nena, bagogi mba le hoguheego!
Le rutya le re: Ha motyho e ikana gka tempele,
13 Jesu

d23:14

Rikwalo ringwe jhe rikgologolo ri na le tyemana ya bo 14. Tyemana yeyong e

balega jhwa: Go lathega nena, bazemolao wa Morimo le Bafarasai! Baitimokanyi tenye!
Gka gore le koba bathologari bilo zabo, le ityiha mba ba siame ha pele ga Morimo gka
go rapela rityhapelo jhe rityelele. Morimo o da go le othaa tyhatya go hetya batyho
bothe gka ntha ya shelo she.
RRN: ______

BSB Review Copy

SBTP

Text

Page 67 of 87

Comments

ha go reye shengwe, mbe ha e ikana gka gouta

ya tempele, o golegwa ke maikano agwe.
17 Bitjotjo tenye ze bi hoguheego! Ke shing she
she bothogkwa, ke gouta kana tempele ye e
itshepisa gouta? 18 Mbe gatshi la re: Ha
motyho e ikana gka aletara, ha go reye
shengwe, mbe ha e ikana gka mpho ye e ha
aletareng, o golegwa ke maikano agwe.
19 Bitjotjo tenye ze bi hoguheego! Ke shing she
she bothogkwa, ke mpho kana aletara ye e
itshepisa mpho? 20 Nngwe le nngwe yo o ikana
gka aletara, o ikana gkayo le shengwe le
shengwe she she mo goyo. 21 Le yo o ikana
gka tempele, o ikana gkayo le gka Morimo, wo
o rula mo goyo. 22 Le yo o ikana gka legorimo,
o ikana gka shetyulo sha bogoshi sha Morimo
le yo o njhe mo gosho.
23 Go lathega nena, bazemolao wa Morimo le
Bafarasai! Baitimokanyi tenye! Le ntshejha
Morimo sha boshome gka longana le gka
bithatjhana ze bi natyihisa bigyo. Mbe le
ithogkomolosha go riha rityhutyo jhe ri
bothogkwa jha molao ze e leng tshiamo,
kutswejhoborogko, le boammaaruri. Le
tjhwanee go sala rityaolo jhe gka mojhwa, le be
le ri riha, mbe le sha ithogkomoloshe melao ye
mengwe ye e mencwana. 24 Bagogi tenye mba
le hoguheego! Le ntsha itji mo shenotsiriri
sheno, mbe le tjhwana le batyho mba ba
tyhenejha kammela ba sha ze.
25 Go lathega nena, bazemolao wa Morimo le
Bafarasai! Baitimokanyi tenye! Gka gore le
tjhwana le motyho yo o ratsa kopi le shego
gkaite, mbe mo tyeng bi le tyhina. Le deye
bopelotshetha le bosula. 26 Mofarasai tewo wa
shehogu, ratsa she she mo tyeng ga kopi le
shego pele, mbe bi da go riha binte le gkaite.
27 Go lathega nena, bazemolao wa Morimo le
Bafarasai! Baitimokanyi tenye! Gka gore le
tjhwana le ripupu jhe ri takwe gka botshou, jhe
ri labega ri le rinte gkaite, mbe mo tyeng ri deye
marapo a bashwi le bityotyo ze bi borilego mo
tyeng. 28 Le nena le njhe jhwalo, gkaite le
labega le siame, mbe mo tyeng le deye
boitimokanyi le shebe.

RRN: ______

BSB Review Copy

SBTP

Text

Page 68 of 87

Comments
Katholo ya Bafarasai
(Luke 11:47-51)

a jhwelela gka gore: Go lathega nena

bazemolao wa Morimo le Bafarasai!
Baitimokanyi tenye! Gka gore le jhoga ripupu
jha baporofiti le be le kgabisa bihikantswe za
basiami, 30 le re: Ha ngkane iye he tjhela gka
rinako jha bo tatetjhwe, nkgane iye he sha
rumalane nabo go bolaya baporofiti. 31 Mbe le
itshupa ha le le rikokomana jha mba iye ba
bolaa baporofiti. 32 Jhwelela le be le hejhe she
basejhwe beno iye ba she simolola. 33 Lozalo
tenye lwa rinoga, le da go halola jhwang
katholo ya moletye? 34 Ke da go le romelela
baporofiti le bathalehi le bazemolao wa
Morimo, le da go bolaa bangwe babo, bangwe
le ba bapola, mba bangwe le da go ba notya
mo ritung jha tyhutyo, le be le ba leleka
mozeng go ya go wo mongwe. 35 Le ha go njhe
jhwalo kothao yothe ya go bolewa ga basiame
bothe e da go da mo gonye, go simolola gka
polao ya mosiame Abele go ya go yaga
Sakaria ngwa Barakia, yo iye le mbolaela ha
gari ga shebesho le lehelo le le boitshepo.
36 Ammaaruri ke le raya ke re, Morimo o da go
othaa batyho ba hombe gka ntha ya ripolao jha
baporofiti.
29 Jesu

Jesu o hutsahalela batyho ba Jerusalema

(Luke 13:34-35)
37 Jesu

a hutsahalela batyho ba Jerusalema a

re: Batyho ba Jerusalema wee, nena mba le
bolaa baporofiti mba Morimo o ba roma gonye
le ba kgobotejha gka majhwe. Ke ga gkahe ke
ntse ke bata go le kurumejha gka mabogo,
jhwaagka koko e de e kurumejhe rikokwana
jhayo gka riphuka, mbe la nkgana. 38 Mbe
bona, Morimo o da go latha tempele yeno e be
e sala e le lesasa. 39 Ke le jhwela ke re, ha le
na go thola le mpona go hithelela le re: A go
bakwe yo o dayo, yo Morena o mo romilego.

24

RRN: ______

BSB Review Copy

SBTP

Text

Page 69 of 87

Comments

Jesu o bola ha tempele e da go shenwa

(Mar 13:1-2; Luke 21:5-6)
1 Ha

Jesu e le a jhwa mo tempeleng a itoshela,

barutywa be da goye go mo keejha rikago jha
tempele.
2 Mbe a ba hetyola a re: Le bona bilo ze
zothe? Ammaaruri ke le raya ke re, ha gona go
siiwa lijhwe hooho, le patyaganye le lengwe le
da go osejhwa hatshe.
Jesu o bola gkaho balatyeri bagwe ba da go
bogiswa gkaho
(Mar 13:3; Luke 21:7-19)
3 Ha

Jesu e njhe mo tyhotyeng ya Riolefa,

barutywa be da goye gka shephiri ba re: He
jhwele gore bilo ze bi da go rihega leng, le
shesupo sha go da gago, le sha bokhutho jhwa
lehatshe e da go riha shing?
4 Jesu a hetyola a re: Le inelethogko gore
nngwe a she le rimejhe. 5 Gka gore batyho ba
le bantsi da go da gka lebijho lagka be re: Too
ke nna Mesia, mbe ba da go tsietsa batyho ba
le bantsi. 6 Le da go uzwalejha ritywa, le
merumo ya ritywa, le shegka la tshwenyega.
Bilo ze bi tjhwanee go rihega, mbe bokhutho bo
santse bo da go da. 7 Tjhaba e da go
zosoloshela tjhaba, le bogoshi bo da go
zosoloshela bogoshi. Go da go riha leuba,
lehatshe le da go tyetyemela go le go tyona
maahelong gka go harologana. 8 Bilo ze zothe
bi tjhwana le birabi za ntha za pelegi.
9 Ba da go le tjhwara be le tjenya mo
ripitaganong, be be be le bolaa. Ritjhaba ri da
go le thowa gka ntha yagka. 10 Gka nako
yeyong bangwe ba da go hetyoshela tyumelo
yabo, ba da go raelana be thowana.
11 Baporofiti mba bantsi ba mano da go da, be
tsietsa batyho ba le bantsi. 12 Gka ntha ya go
otjejhega ga masula, batyho ha ba na go thola
be ratya mba bangwe. 13 Mbe yo o itshotjela
bokhutho o da go bologkwa. 14 Mahogko owa a
molemo owa, a da go rerwa mo lehatsheng
lothe go riha shesupo meeraheng yothe, togo
bokhutho bo da go da.

RRN: ______

BSB Review Copy

SBTP

Text

Page 70 of 87

Comments

Jesu o bola gka bilo ze mashwe ze bi da go

rihega
(Mar 13:14-23; Luke 21:20-24)
a ba raya a re: Le da go bona bilo ze bi
mashwe za tjheno ze iye za bolwa ke
moporofiti Daniele bi le ha pele ga lehelo le le
boitshepo. A mbari a le raloganye. 16 Mhong a
mba ba mo Jutea ba tjhabele rityhabeng. 17 A
yo o ha gorimo ga itu, a shegka a pitonoga go
ntsha bilo zagwe mo itung. 18 Le yo o i masimo
a shegka a boya go ya go tshola gkobo yagwe.
19 A thathego ya mba ityhweego le bazee gka
nako yeyong! 20 Mbe le rapele Morimo gore le
shegka la tjhaba gka marisha kana gka Sabata!
21 Gka gore gka nako yeyong go da go riha le
pitagano ye e tyona, ye ha ise e rihe go jhwa
mo tshimologong ya lehatshe go hithelela
hombe. Ebile ha go na go thola go rula jhwalo
gatshi. 22 Ha Morimo iye a sha khutsahajhe
malatji owa, ha go na nngwe yo a gka da a
tjhela. Mbe gka ntha ya mba o ba ithopheeyo,
Morimo o da go khutsahajha malatji owong.
23 Malaatjing owong ha nngwe e le raya e re:
Mesia too yo! Kana Too yo owa! Le shegka
la mo rumela. 24 Gka gore bo Mesia le
baporofiti ba mano ba da go riha ritshupo le
rikgakgamajho jhe ri tyona, gore ha kgonega
ba rimejhe le mba Morimo o ba ithopheego.
25 Reejha, iye gka le jhwela bilo ze, go sha
nako.
26 Ha nngwe e go raya e re: Bona, o i nageng!
le shegka la ya gkayo, kana ha be re: O mo
ritung jha shephiri! le shegka la rumela. 27 Gka
gore go da ga Ngwana wa Motyho go da go
tjhwana le logarima lo lo phatshima mo loaping,
go jhwa bojhwaleatji go ya borwaleatji.
28 Gko shetyotyo she i gkayo, manong a da go
phutyheshela gkayo.
15 Jesu

Go da ga Ngwana wa Motyho
(Mar 13:24-27; Luke 21:25-28)
a jhwelela a re: Gka bojhogko mojhwa
ga matshwenyego a malatji owong, leatji le da
go hihala, kgweri ha e na go ntsha leseri, le
29 Jesu

RRN: ______

BSB Review Copy

SBTP

Text

Page 71 of 87

Comments

rinyeleri ri da go wa legorimong, le rinonoho jha

legorimo ri da go reketiswa. 30 Go da go
bonana shesupo mo legorimong sha Ngwana
wa Motyho, mbe batyho bothe mo lehatsheng
ba da go lela ha be bona Ngwana wa Motyho e
da gka leru, gka nonoho le kgalalelo ye e
tyona. 31 Lonagka lo da gelebetyega mma go
tyona, mbe o da go roma baengele bagwe
rikhuthong jhe rine jha lehatshe, mbe ba da go
phutyha batyho mba o ba ithopeeyo, go jhwa
khuthong engwe ya legorimo go ya go ye
engwe.
Tyhutyo ya shethare sha mofeige
(Mar 13:28-31; Luke 21:29-33)
a rutya a re: Ityhutye tyhutyo gka
shethare sha mofeige. Ha rigkala jhasho bi riha
rityala, ri tana, le ze ha shelemo she le
hautshana. 33 Heri jhwalo, ha le bona bilo ze
zothe, le ze gore o hautshana, o ha kgorong.
34 Ammaaruri ke le raya ke re, batyho ba
hombe ha ngke be e shwa pele ga bilo ze
zothe bi rihega. 35 Legorimo le lehatshe bi da
go nyelela, mbe mahogko agka ha ngke e de e
nyelela.
32 Jesu

Ha go na nngwe yo o ze leatji le ha e le oura

a jhwelela a re: Ha go na nngwe yo o
ze leatji kana oura, le ha e le baengele
legorimong, le ha e le Ngwane, ha isi Tate heri
e nayengwe. 37 Go da ga Ngwana wa Motyho
go da go tjhwana jhwaagka nkile ga rihega gka
nako ya ga Noa. 38 Gka nako yeyong pele ga
morwalela, batyho iye be gya, be nwa, be
ngwala, be ngwalwa, go hithelela leatji le Noa
iye e tjena mo arakeng. 39 Mbe iye ba sha ze
shengwe go hithelela morwalela o da, go ba
nyelejha bothe. Go da ga Ngwana wa Motyho
too go da go rula jhwalo. 40 Gka leatji leleyong
banona ba le baberi ba da go be ba le masimo,
nngwe o da go tsholwa, mbe nngwe a sale.
41 Basari ba le baberi ba da go be be seta be
riha boopi, nngwe o da go tsholwa, nngwe a
sale.
42 Rula le lesijhe, gka gore ha le ze leatji le
36 Jesu

RRN: ______

BSB Review Copy

SBTP

Text

Page 72 of 87

Comments
43 Mbe

Morena weno o da go da gkalo.

ze she,
ha monyi wa itu iye e ze nako ye leshoru le da
go da gkayo, ngkane iye a zoga, a shegka a
lesha itu yagwe ya tyhungwa. 44 Le nena le
tjhwanee go ipaakanya, gka gore Ngwana wa
Motyho o da go da gka nako ye ha le mo
sholohee gkayo.
Mothanka yo o boikanyo kana yo o
leherehere
(Luke 12:41-48)
a ba raya a re: Ke anye gyaanong
mothanka yo o boikanyo le bothale? Ke yo
monyi wagwe iye a mo riha moetyeleripele wa
bathanka mba bangwe, gore a ba abele bigyo
gka nako yazo. 46 Go shego mothanka yowong,
ha monyi wagwe e da e mo hithela e bereka.
47 Ammaaruri ke le raya ke re, o da go mo riha
molaori wa bilo zagwe zothe. 48 Mbe akanya ha
mothanka yo o bosula e ityhaya mpelong
yagwe e re: Monyi wagka o riega, go da,
49 mbe a simolole go betsa bathanka gkaye, a
gye le go nwa, le go tyagwa. 50 Monyi wa
mothanka yowong, o da go da gka leatji le ha a
mo sholohee gkalo, le gka nako ye ha e ze.
51 Mbe o da go mo othaa tyhatya e be e mo
tjenya mo lekokong la baitimokanyi, gko go da
go riha shelelo le khuranyo ya meno.
45 Jesu

25
Shetshwantsho sha makgarebe owa a
leshome
a bola shetshwantsho a re: Gka nako
yeyong bogoshi jhwa legorimo bo da go
tjhwana le makgarebe owa a leshome, owa iye
a tshola ripone jhabo go ya go kgathantsha
mongwari. 2 Mba bathano babo iye ba le
bitjotjo, mba bangwe mba bathano iye ba le
bothale. 3 Mba ba bitjotjo ba tshola ripone, mbe
ba shegka ba tshola lookwane lo longwe. 4 Mba
ba bothale bona ba tshola lookwane gka
maleke le ripone jhabo. 5 Mongwari a riega go
da, makgarebe a simolola go ozela, mbe ba
lala.
1 Jesu

RRN: ______

BSB Review Copy

SBTP

Text

Page 73 of 87

Comments

6 Ha

gari ga bosigo nngwe a gowa a re:

Mongwari, toyo o dayo! Da le mo kgathantshe!
7 Mhong makgarebe othe a zoga a baakanya
ripone jhabo. 8 Makgarebe owa a bitjotjo a raya
mba ba bothale ba re: He tjhelele lookwane
lweno, gka gore ripone jhetjho ri rimago.
9 Makgarebe owa a bothale a ba hetyola a re:
Nnyaa, lookwane lo, ha le na go he legkana
tjhona lenye, bogolo doga le ye gko lo regkiswa
gkayo le ye go ityhetjela. 10 Ha makgarebe owa
a bitjotjo ba santse ba le mo tseleng go ya
regka lookwane, mongwari a goroga.
Makgarebe owa mathano owa iye e
ipaakanyijhe ba doga nae morihong wa
lengwalo, mbe bitswalo za hitjwa.
11 Mojhwa ga lobagka makgarebe owa
mangwe a goroga, ba re: Morena, morena, he
bulele. 12 Mbe ena a ba hetyola a re:
Ammaaruri, ke le raya ke re, ha ke le ze.
13 Jesu a hejha a re: Le ithogkomele, gka gore
ha le ze nako kana oura ye Ngwana wa Motyho
o da gkayo.
Shetshwantsho sha ritalente
(Luke 19:11-27)
a jhwelela a re: Gka nako yeyong
bogoshi jhwa Morimo bo da go tjhwana le
monona yo iye ya re e etyela lehatshe le sele,
a bijha bathanka bagwe a ba ha bilo zagwe go
bi thogkomela. 15 A naya yo nngwe ritalente ri
le rithano jha mari, yo nngwe ri le riperi, yo
nngwe e le meyengwe, nngwe le nngwe go ya
gka ha bogkoning jhwagwe. Mbe togo a be e
doga. 16 Yo iye a amoshela ritalente ri le rithano
jha mari a bapala gkajho, a bapala ritalente jhe
ringwe ri le rithano jha mari. 17 Le yo iye e na le
ritalente ri le riperi jha mari, a bapala jhe ringwe
ri le riperi. 18 Mbe yo iye a amoshela e le
meyengwe, a doga a ya go tjhelela mari a
monyi wagwe maabung.
19 Mojhwa ga lobagka lo lo tyelele monyi wa
bathanka mbong a boya, mbe a kanoka
melatyo yabo. 20 Mothanka yo iye a amoshela
ritalente ri le rithano jha mari, a nere jhe ringwe
jhe rithano a re: Monyi wagka iye o mphile
14 Jesu

RRN: ______

BSB Review Copy

SBTP

Text

Page 74 of 87

Comments

ritalente ri le rithano jha mari. Bona, iye gka

riha jhe ringwe ri le rithano. 21 Monyi wagwe a
mo raya a re: Iye wa riha shente, o mothanka
yo o siamego yo o ikanyegago. Iye wa
ikanyega mo go she she ncwana, ke da go go
riha molaori wa bilo ze bintsi. Da, o de go
ityumela leno.
22 Mothanka yo le ena iye e na le ritalenta jha
mari ri le riperi e da a re: Monyi wagka iye o
mphile ritalente ri le riperi jha mari. Bona, iye
gka riha jhe ringwe ri le riperi. 23 Monyi wagwe
a mo raya a re: Iye wa riha shente, o
mothanka yo o siamego yo o ikanyegago. Iye
wa ikanyega mo she she ncwana, ke da go go
riha molaori wa bilo ze bintsi. Da, o de go
ityumela leno.
24 Yo iye a amoshela talente ya mari e le
meyengwe e da a re: Monyi wagka, iye ke ze
ha o le motyho yo o bogale, o buta gko ha o
kabile gkayo, mbe o phutyhe gko ha o gasijhe
peo gkayo. 25 Iye ke tjhaba, mbe gka ya go
tjhelela talente yago ya mari maabung. Bona,
mari ago too owa.
26 Monyi wagwe a mo hetyola a re: Mothanka
tewo, o bosula le botshwakga, iye o ze gore ke
buta gko ke sha kabile gkayo, ke phutyhe gko
ha ke gasijhe peo gkayo. 27 Gyaanong ke shing
iye o sha tjenye mari agka mo polotjelong, gore
ha ke da, ke a amoshele le notjelejho yawo.
28 Mo tsholele talente yeyong, le e neye yo o na
le ritalente ri le leshome. 29 Gka gore nngwe le
nngwe yo o na le shengwe, she da go otjejhwa,
mbe yo o si na shengwe, le she o na nasho,
she da go tsholwa mo goye. 30 Mbe mothanka
yo o si na mosola, mo lathele mo lehihing, gko
go da go riha shelelo le khuranyo ya meno
gkayo.
Katholo ya bohelo
a jhwelela a re: Ha Ngwana wa Motyho
e da a le mo kgalalelong yagwe, le baengele
bothe be na nae, o da go rula mo shetyulong
shagwe sha bogoshi. 32 Merahe yothe e da go
phutyheshela ha pele gagwe, o da go
kgaoganya batyho gka bithopha bi le biberi,
jhwaagka molisi e kgaoganya riku mo ripuri.
31 Jesu

RRN: ______

BSB Review Copy

SBTP

Text

Page 75 of 87

Comments

33 O

da go baya mba ba siamego mo lebogong

lagwe le letyona, mba bangwe gka go la
molema. 34 Kgoshi e da go be e raya batyho
mba ba i gka lebogong le letyona e re: Nto,
mba le ba segohajhwe ke Tate, le rue boshwa
jhweno, bogoshi jho iye la bo baakanyejhwa go
jhwa mo tshimologong ya lehatshe. 35 Iye ke le
mo bolawe ke tala, la nnaya bigyo, iye ke le mo
bolawe ke leatji, la ntshiejha maze, iye ke le
moweng, la nnamoshela mo ripeng jheno, 36 iye
ke sha jhwee, la nnapesha, iye ke khwa, la
nthogkomela, iye ke le mo kgoleshelong, la
nnetyela.
37 Basiame ba da go hetyola be re: Morena,
iye he go bona leng o le mo bolawe ke tala,
mbe ha go ha bigyo, kana o le mo bolawe ke
leatji, ha go siejha maze? 38 Iye ha go bona
leng o le moweng, mbe ha go amoshela, kana
o sha jhwee, mbe ha go jhwesha biaparo?
39 Iye ha go bona leng o khwa, kana o le mo
kgoleshelong, mbe ha go etyela? 40 Kgoshi e
da go ba hetyola e re: Ammaaruri ke le raya ke
re, shengwe le shengwe she iye le she rihela
mba babotana mba, iye le she ntyihela.
41 O da go raya mba ba i gka lebogong la
molema e re: Jhwa ha gono, nena mba le ba
gujhwe, le ye molelong wo o sha rimego wo iye
wa baakanyejhwa riabolo le baengele bagwe.
42 Iye ke le mo bolawe ke tala, mbe la shegka
la nnaya bigyo, iye ke le mo bolawe ke leatji,
mbe la shegka la ntshiejha maze, 43 iye ke le
moweng, mbe la shegka la nnamoshela mo
ripeng jheno, iye ke sha jhwee, mbe la shegka
la nnapesha, iye ke khwa ke le mo
kgoleshelong, mbe la shegka la nthogkomela.
44 Ba da go hetyola be re: Morena, iye he go
bona leng o le mo bolawe ke tala, kana o
tjhwerwe ke leatji kana o le moweng kana o
sha jhwee, kana o khwa, kana o le mo
kgoleshelong, mbe ha shegka ha go tyhwisa?
45 Morena o da go ba araba e re: Ammaaruri
ke le jhwelago yo o gana go rihela mba
babotana mba, o gana go ntyihela. 46 Mbe ba
da go othaiwa gka kothao ye e sha helego.
Basiame ba da go ya botjhelong jho bo sha
helego.
RRN: ______

BSB Review Copy

SBTP

Text

Page 76 of 87

Comments

26
Baetyeleripele ba Bajuta ba loga maano a
go tjhwara Jesu
(Mar 14:1-2; Luke 22:1-2; Joh 11:45-53)
1 Ha

Jesu a la a hejha go bola, a raya barutywa

bagwe a re: 2 Le zego gore malatji owa maberi
ha e le a hetya, go da go riha le moriho wa
Tolaganyo, mbe Ngwana wa Motyho o da go
neelwa go bapolwa.
3 Baperesiti mba batyona, le bagolwane ba
batyho ba phutyheshela lobeng lwa moperesiti
yo motyona Kaiafase. 4 Ba loga maano mo
shephiring a go tjhwara Jesu be mbolaa. 5 Ba
raana ba re: He shegka ha riha gka nako ya
moriho, go gka zosa pherethego mbatyhong.
Jesu o dojhwa magura Bethania
(Mar 14:3-9; Joh 12:1-8)
6 Jesu

iye a le Bethania, mo itung yaga

Simone, monona yo iye e khwa bolwetse jhwa
lepero. 7 Ha Jesu e ntse e gya, ge da mosari
goye, e tjhwere shentjhamonatye she she turu
gka lebotole le le rihwe gka alebasetara. A she
tjhela mo thogong yagwe. 8 Ha barutywa be
bona she, ba dala bogale ba re: Ke shing e
shinisha shentjhamonatye? 9 Shentjhamonatye
she ngkane iye sha regkiswa gka mari owa
mantsi a be e abelwa bagumaneshi.
10 Jesu a lemoga she ba she bolago, a ba raya
a re: Ke shing le ngongorega gka mosari yo?
Na a ntyihela tyiho ye e nte. 11 Bagumaneshi le
na nabo nako jhothe, mbe nna ha ke na go rula
lenye gka nako jhothe. 12 Ha e ntjhela
shentjhamonatye mbeleng ne e riha she go
mpaakanyejha phiro. 13 Ammaaruri ke le raya
ke re, gongwe le gongwe gko Mahogko owa a
Molemo, owa a da go rerwa gkayo mo
lehatsheng lothe, le she mosari yo na a she
riha she da go bolwa gkayo, gore a gopolwe
gkasho.
Jutase o rumela go tjhwarisa Jesu

RRN: ______

BSB Review Copy

SBTP

Text

Page 77 of 87

Comments
(Mar 14:10-11; Luke 22:3-6)

14 Mhong

nngwe wa barutywa mba ba leshome

le boberi, yo o bijhwa Jutase Isekariote, a ya
baperesiting mba batyona. 15 A ba bojha a re:
Le da go nnaya shing ha ngka le tyhwisa go
tjhwara Jesu? Ba mo ruwela gka mari a
selefera a le 30. 16 Go jhwa mo nakong yeyong
Jutase a senka shebagka sha go tjhwarisa
Jesu.
Jesu o gya bigyo za Tolaganyo le barutywa
bagwe
(Mar 14:12-21; Luke 22:14)
17 Gka

leatji la ntha la moriho wa borotyho jho

ha bo na shebiriso, barutywa be da go Jesu ba
mbojha ba re: O bata ha go baakanyejha go
gya moriho wa Tolaganyo gkae?
18 A ba hetyola a re: Doga le ye mononeng
nngwe mozeng le mo reye le re: Morutyi a re,
nako yame e hautshana, ha go gyela
Tolaganyo gago le barutywa bagka.
19 Barutywa ba riha heri jhwaagka Jesu iye e ba
laela, ba baakanyejha Tolaganyo.
20 Ya re gka malatjiboya, Jesu le barutywa mba
ba leshome le boberi ba rula ba a gya. 21 Ha be
njhe be gya, a ba raya a re: Ammaaruri ke le
raya ke re, nngwe weno o da go ntjhwarisa.
22 Barutywa ba uzwa borogko tyhatya, ba
simolola go mbojha nngwe le nngwe mojhwa
ga yo nngwe, ba re: Ke nna, Morena?
23 Jesu a ba araba a re: Yo o tjenya sheata
shagwe leno mo shegong, too ena yo o da go
ntjhwarisa. 24 Ngwana wa Motyho o da go shwa
jhwaagka go kwarilwe gkaye mo Rikwalong.
Mbe go lathega motyho yo o tjhwarisa Ngwana
wa Motyho! Go botoka ha ngkane motyho
yowong a si mo belegwe.
25 Mbe Jutase yo o da go mo tjhwarisa, a mo
mbojha a re: Too nna, Morutyi? Jesu a mo
hetyola a re: Na wa bola.
Shelalelo sha Morena
(Mar 14:22-26; Luke 22:14-20; 1 Bakor 11:2325)
26 Ha

Jesu le barutywa bagwe be ntse be gya,

RRN: ______

BSB Review Copy

SBTP

Text

Page 78 of 87

Comments

Jesu a tshola borotyho, a leboga Morimo

gkajho, a bo kgaoganya, a be e bo naya
barutywa bagwe e re: Tshola le gye, she ke
mbele wagka.
27 A be e tshola shenwelo, a leboga Morimo
gkasho, a she ba naya a re: Nwa lothe, 28 she
ke mari agka a kgolagano ye e tsha, owa a
gutyshelwa batyho ba le bantsi gore ba
itjhwarelwe ribe. 29 Ke le jhwelago, ha ngke ke
nwa loungo lwa mofine go hithelela ke nwa
mofine o motsha lenye boogoshing jhwa ga
Tate.
30 Ha e le ba epela shehela, ba jhwa ba ya
Tyhabeng ya Riolefa.
Jesu o bola ha Petere e da go mo ityatyola
(Mar 14:27-31; Luke 22:31-35; Joh 13:36-38)
31 Ha

be goroga Tyhabeng ya Riolefa Jesu a

jhwela barutywa bagwe a re: Boosigong jhwa
hombe, lothe le da go tyaboga le ntshiya, gka
gore go go kwalwe mo lokwalong ga ruwa: Ke
da go betsa molisi, mbe riku ri da go halala.
32 Mbe ha e le gka zoga mo loshong, ke da go
le etyelela pele go ya Galalea.
33 Petere a mo hetyola a re: Ha ke na go go
siya le ha mba bangwe ba gka riha.
34 Jesu a mo raya a re: Ammaaruri ke go raya
ke re, pele ga mokoko o lela boosigong jho, o
da go ityatyola gararo gore ha o ntse.
35 Petere a mo hetyola a re: Le ha ngka shwa
lewo ha ngkagke gka go ityatyola. Le barutywa
mba bangwe bothe ba bola jhwalo.
Jesu o rapela Gethesemane
(Mar 14:32-42; Luke 22:39-46)
36 Jesu

le barutywa bagwe ba ya helong ho go

bijhwa Gethesemane, mbe a raya barutywa a
re: Rula ho, nna ke gka mhaya go ya go
rapela. 37 A tshola Petere le bana baga Sebete
ba banona ba le baberi. A simolola go
hutsahala le go guruwega mmoyeng. 38 A ba
raya a re: Moya wagka o hutsahee tyhatya,
mma ngka nna gka shwa. Rula ho le lese leno.
39 A shekelela pegyana, a wela hatshe a rapela
a re: Tata, ha o ratya dosha pogisego ye mo

RRN: ______

BSB Review Copy

SBTP

Text

Page 79 of 87

Comments

gono, le ha go njhe jhwalo a go she rihege

tyhatyo yagka, mbe a go rihege yago.
40 Jesu a ya barutyweng mba bararo, a ba
hithela be lee, mbe a raya Petere a re: Na la
palelwa ke go lesa leno sebagkanyana sha
oura heri? 41 Lesa le rapele gore le she
raeleshege. Moya o thaga, mbe mbele o
bokowa.
42 A doga gatshi laboberi a rapela a re: Tata,
ha go sha kgonege gore pogisego e ntshiwe
mo gono, a go ratya gago go rihagale. 43 Ha
Jesu e da, a ba hithela be lee gatshi, gka gore
iye ba sha kgone go rula ba sha lee.
44 Jesu a ba siya gatshi, a ya go rapela la
boraro, e ntse e bola shelo she le meshongwe.
45 A boyela barutyweng a ba raya a re: Le
shantse le lee, le homorile? Bona, nako ne ye
da, mbe Ngwana wa Motyho o da go neelwa
mbiateng za baleohi. 46 Zoga, he shekele,
monona yo o nnogkayo o hoyo ho.
Jesu o tjhwarwayo
(Mar 14:43-50; Luke 22:47-53; Joh 18:3-12)
47 Ha

Jesu e ntse e bola, nngwe wa barutywa

bagwe mba ba leshome le boberi yo o bijhwa
Jutase e da. Iye e na le batyho mba bantsi be
tjhwere melamu le bigai. Batyho mba iye be
romilwe ke baperesiti mba batyona le
bagolwane ba morahe. 48 Moraeri iye e
rumejhane nabo shekao sha gore: Yo ke da
go mo suna, too ena, le mo tjhware.
49 Jutase a thamalala a ya go Jesu a re:
Rumela, Morutyi, mbe a mo suna.
50 Jesu a mo araba a re: Tsala, riha she o she
deego. Mbe ba phamola Jesu, ba mo tjhwara.
51 Nngwe wa mba iye be na le Jesu, a ntsha
lebogo lagwe, a somola tjhaka, a rema
mothanka wa moperesiti yo motyona, a mo
kgaola tjebe. 52 Jesu a mo raya a re: Somela
tjhaka yago, bothe mba ba tjhwere tjhaka ba da
go bolewa gkayo. 53 Kana ha le ze gore ke
kgona go bijha Tate gore a ntyhwise, mbe gka
bojhogko a romele mephatyo e hetya leshome
le boberi ya baengele? 54 Mbe le ha go njhe
jhwalo Rikwalo ri e de ri da go rihagala jhwang,

RRN: ______

BSB Review Copy

SBTP

Text

Page 80 of 87

Comments

jhe ri re go tjhwanee go rihagala jhwalo?

55 Jesu a bola le bontsi jhwa batyho gka nako
yeyong a re: Le bolorile gka ritjhaka le melamu
jhwaagka o gka re la zoma shenokwane? Ke
ntse ke na lenye leatji le leatji ha ke rutya mo
tempeleng, mbe la shegka la ntjhwara. 56 Mbe
bilo zothe ze, iye za rihega gore she baporofiti
iye ba she kwala she rurihajhwe mo
Rikwalong. Ke ha barutywa bothe be mo siya,
be tyaboga.
Jesu o ha pele ga lekgota
(Mar 14:53-65; Luke 22:54, 55, 63-71; Joh
18:13-14, 19-24)
57 Batyho

mba iye be tjhwere Jesu, ba mo isa

itung yaga Kaiafase, moperesiti yo motyona,
gko bazemolao wa Morimo le bagolwane ba
morahe iye be phutyheshee gkayo. 58 Petere a
ba latyisa a le datshana, go hithelela lobeng
lwa moperesiti yo motyona. A tjena mo lobeng
a rula hatshe le balisi ba tempele, le go bona
she she metshe she rihega. 59 Baperesiti mba
batyona le lekgota lothe ba bata bosupi jhwa
mano kgathanong le Jesu go mo atholela
losho. 60 Mbe ba shegka ba bona shengwe, le
ha ntswa iye go dile basupi mba ba mano ba le
bantsi. Mbe mojhwa banona ba le baberi be da
pele, 61 ba re: Monona yo a re: Ke na le
tyhatya ya go shena tempele ya Morimo ke be
ke e jhoga maalatjing a le mararo.
62 Moperesiti yo motyona a raya Jesu a re: Ha
o inarabele ripatyelejho jhe o ri bewa ke batyho
mba? 63 Mbe Jesu a khala. Moperesiti yo
motyona a mo raya a re: Ke go ikanisa gka
Morimo wo o tjhelago gka re, he jhwele gore a
wa Mesia, Ngwana wa Morimo.
64 Jesu a mo hetyola a re: Na wa bola. Mbe ke
le jhwelago lothe gka re, go jhwa hombe le go
ya pele le da go bona Ngwana wa Motyho e
njhe gka lebogong le letyona la yo o
Nonohileyo e da gka maru a legorimo.
65 Ke ha moperesiti yo motyona e gagola
biaparo zagwe e re: Na a bola rithapa
kgathanong le Morimo! Ha he thogke basupi.
Na la mo uzwa e bola rithapa kgathanong le

RRN: ______

BSB Review Copy

SBTP

Text

Page 81 of 87

Comments
66 Le

Morimo.
akanya shing? Ba mo araba ba
re: O tjhwanee go shwa.
67 Ke ha be mo tjhwela matyhe, be mo ngatya
gka matsole. Bangwe be mo phanya, 68 be re:
He Porofite, Mesia. Ke anye yo ne e go
ngatya?
Petere o ityatyola Jesu
(Mar 14:66-72; Luke 22:56-62; Joh 18:15-18,
25-27)
69 Petere

iye e njhe gkaite ga loba. Mbe lelatya

lengwe la da goye la mo raya la re: Le weni
iye o na le Jesu wa Mogalalea.
70 Mbe Petere a ityatyola ha pele gabo bothe a
re: Ha ke ze she o she bolago. 71 Ya re e jhwa
ha kgorong, nngwe wa malatya a mbona a raya
batyho mba iye ba le mhong a re: Monona yo,
le ena iye e na le le Jesu wa Nasaretha.
72 A ityatyola gatshi a re: Ke ikanago, ha ke ze
monona yo.
73 Mojhwa ga lobagkanya batyho mba iye be
emee mhong ba ya go Petere ba re: Ruri o
nngwe wabo, gko o bola go tjhwana nabo.
74 Ke ha Petere e re: Ke ikanago ha ke ze
monona yo. Gka bojhogko mokoko wa lela.
75 Mbe Petere a gagkoloshelwa she Jesu iye e
she mo jhwela e re: Pele ga mokoko o lela
boosigong jho, o da go niityatola gararo gore
ha o ntse. Mbe a ya gkaite a go lela mma go
borogko.

27
Jesu o iswa ha pele ga ga Pilato
(Mar 15:1; Luke 23:1-2; Joh 18:28-32)
1 Gka

makuku, baperesiti mba batyona le

bagolwane ba morahe bothe, ba loga leano la
go bolaa Jesu. 2 Ba mo golega, ba mo khutha,
ba mo isa go Pilato molaori wa Roma.
Losho lwaga Jutase
(Rityiho 1:18-19)
3 Ha

Jutase yo iye e tjhwarisa Jesu, e uzwa ha

iye a sekiswa, a ikwathaa, a botsejha mari a

RRN: ______

BSB Review Copy

SBTP

Text

Page 82 of 87

Comments

selefera a le 30 baperesiting mba batyona le

bagolwaneng ba morahe. 4 A re: Na gka leoha,
gko na gka tjhwarisa motyho yo ha a na
molatyo. Mbe bona ba re: Gyaanong tjona he
reng? Ha se matyhatya etjho.
5 Jutase a tolopela mari mo tempeleng, mbe a
doga. A be e ya go ikalejha.
6 Baperesiti mba batyona ba togka mari ba re:
Ha go gka ha molaong go baya mari owa mo
letoleng, gka gore ke mari a polao ya motyho.
7 Ba rumejhana go regka masimo a motyho yo
o riha ripijha jha lejhopa, go hira baweng
gkayo. 8 Too she masimo owong a bijhwa
Masimo a mari, go da le hombe.
9 She nkile sha bolwa ke moporofiti Jeremia
sha rihagala ha e re: Ba tshola mari a selefera
a le 30, shelegkanyo she Baiseraela iye ba
rumejhana go she mo ruela, 10 mbe ba rihisa
mari owong go regka masimo a motyho yo o
riha ripijha jha lejhopa. She too she Morena iye
e she ntyaela.
Jesu o isiwa ha pele ga ga Pilato
(Mar 15:2-5; Luke 23:3-5; Joh 18:33-38)
11 Baperesiti

mba batyona le bagolwane ba

morahe ba emisa Jesu ha pele ga molaori, a
mbojha a re: O kgoshi ya Bajuta? Jesu a mo
hetyola a re: Na wa bola. 12 Ha baperesiti mba
batyona le bagolwane ba morahe be mbaya
molatyo, a shegka a ba hetyola.
13 Pilato a mbojha a re: O uzwa bilo ze ba bi
bola gkawo?
14 Mbe Jesu a elela go araba lehogko lengwe,
mbe molaori a kgakgamala tyhatya.
Jesu o atholelwa losho
(Mar 15:6-15; Luke 23:13-25; Joh 18:39-19:16)
15 Gka

moriho mongwe le mongwe wa

Tolaganyo iye e le towelo ya molaori wa Roma,
go golola legolegwa lengwe le le thotjhwa ke
batyho. 16 Gka nako yeyong iye gona le
monona nngwe wa legolegwa yo iye e zega
tyhatya gka rityiho jhe ri mashwe, e bijhwa
Barabase. 17 Ha batyho be phutyheshile, Pilato
a ba bojha a re: Le bata ke le gololela anye,

RRN: ______

BSB Review Copy

SBTP

Text

Page 83 of 87

Comments
18 Iye

Barabase kana Jesu yo o bijhwa Mesia?

e ze gore bagolwane ba Bajuta ba nerile Jesu
goye gka gore iye be guheshela.
19 Ha Pilato e njhe mo shetyulong sha tshekiso,
mogagwe a mo romelela molaetsa e re: O
shegka wa riha shengwe gka monona yo o
siameyo yo, na gka lora tyoro gkaye hombe,
mbe ya nkutswisa borogko.
20 Baperesiti mba batyona le bagolwane ba
morahe ba thothelejha batyho gore ba golole
Barabase, mbe ba bolaye Jesu. 21 Pilato a
bojha batyho a re: Le bata ke golola anye, mo
go mba baberi mba? Ba mo hetyola ba re:
Barabase.
22 Pilato a ba bojha a re: Ke rihe shing, gka
Jesu yo o bijhwa Mesia? Ba mo hetyola ba re:
Mbapole!
23 Mbe Pilato a ba bojha a re: Iye a riha shing
she she mashwe? Mbe ba gowela gorimo
bothe ba re: Mbapole!
24 Ha Pilato e lemoga gore ba mo hekeetsago,
mbe ebile go zoga pherethego, a tshola maze
a ithapa mabogo ha pele ga batyho a re: Ha
ke na molatyo mo loshong lwa monona yo. Ke
maikarabelo eno.
25 Batyho bothe ba araba ba re: A maikarabelo
a losho a rule mo gotjhwe le bana betjho!
26 Pilato a ba gololela Barabase, mbe ha e le a
laola gore Jesu a notye, a ba mo ha go
mbapola.
Barabani ba soda Jesu
(Mar 15:16-20; Joh 19:2-3)
27 Barabani

ba ga Pilato ba tjenya Jesu mo

kagong ya molaori, ba phutyhela mphatyho
othe goye. 28 Ba mo jhola diaparo, ba mo
apesha purapura ye e tari. 29 Ba loga kgare ya
mizwa, ba e mo rwesha mo thogong. Ba mo
tjhwarisa loragka mo lebogong le letyona, ba
mo soda ba re: Rumela, Kgoshi ya Bajuta.
30 Ba mo tjhwela matyhe, ba tshola loragka ba
mo ngatya mo thogong. 31 Ha e le ba mo soda,
ba mo apola purapura, ba mo apesha biaparo
zagwe. Ba mo goga, ba go mbapola.

RRN: ______

BSB Review Copy

SBTP

Text

Page 84 of 87

Comments
Jesu o bapolwayo

(Mar 15:21-32; Luke 23:26-43; Joh 19:17-27)

32 Ha

be ntse be jhwela gkaite ga moze, ba

kopana le monona nngwe wa Kurene, e bijhwa
Simone, ba mo patyelejha go ghaba mokgoro.
33 Ba goroga mo lehelong le le bijhwa
Golegotha, ke gore: Lehelo la logatya. 34 Ba
mo naya bogyalwa jhwa mofine bo thakanye le
shanrogko, mbe ha e le a bo letjela, a gana go
bo nwa.
35 Ha e le ba mbapola, ba kgaogana biaparo
zagwe, gka go tjhela bola go bona gore ke
anye yo o da go tshola biaparo zaga Jesu.
36 Ba rula hatshe, ba mo labelela. 37 Ba pega
mokwalo ha gorimo ga thogo yagwe wo o re:
YO KE JESU, KGOSHI YA BAJUTA. 38 Ba
bapola binokwane ze biberi le Jesu, nngwe mo
lebogong le letyona nngwe go la molema.
39 Batyho mba iye be hetya ba kgala Jesu, be
tsikinya rithogo jhabo, 40 be re: Iye o re wa da
go shena tempele o be o e jhoga gka malatji a
le mararo, ipologke ha o le Ngwana wa
Morimo! Pitonoga mokgoro!
41 Baperesiti mba batyona, le bazemolao wa
Morimo le bagolwane ba morahe ba mo soda
ba re: 42 Iye e ntse e bologka mba bangwe, o
tyhemelwa ke go ipologka. Ha e le Kgoshi ya
Iseraele, a a pitonoge hombe jhwa, he da go
rumela mo goye. 43 O ikanyijhe Moorimong. A
Morimo o mo golole, ha o mo ratya, gko iye e
bola gore: Ke Ngwana wa Morimo.
44 Le binokwane ze iye bi le bi bapolwe le Jesu
za mo kgala heri jhwalo.
Losho lwaga Jesu
(Mar 15:33-41; Luke 23:44-49)
45 Go

jhwa mo nakong ya shekgau go hithelela

gka nako ya boraro gka malatjiboya, lehihi la
apesha lehatshe lothe. 46 Ya re gka nako ya
boraro Jesu a gowa gka lezwe le le i gorimo a
re: Eli, Eli, lama sabakathani? Ke gore:
Morimo wagka, Morimo wagka, o nthathee
shing?
47 Batyho bangwe mba iye be eme mhong ha

RRN: ______

BSB Review Copy

SBTP

Text

Page 85 of 87

Comments

be mo uzwa ba re: O bijha Elija.

wabo a tyaboga gka bojhogko a tshola
shepontshe, a she ina boogyalweng jho bo
borila, a she thomela mo loragkeng, a legka go
bo nosa Jesu.
49 Mba bangwe ba mo raya ba re: Mo leshe,
he bone gore a Elija wa da go mbologka!
50 Jesu a gowa gatshi gka lezwe le le i gorimo,
mbe a shwa.
51 Shetjhiro sha tempele sha gagoga gka
bogare, go simolola gorimo go ya datshe.
Lehatshe la tyetyemela, le majhwe a phatoga.
52 Ripupu jha aramologa, le mebele ye mentsi
ya baitshepi mba iye be shwile ya zoswa, ba
tjhela. 53 Ba jhwa mo ripupung, ha Jesu a la a
zoga mo loshong, ba ya mozeng wo o
boitshepo Jerusalema, ba iponajha baatyhong
mba bantsi.
54 Ha molaori wa mphatyho wa lekgolo le mba
iye e na nabo, be labelee Jesu be bona go
tyetyemela ga lehatshe, le zothe ze na za
rihega, ba tjhoga tyhatya ba re: Ruri, iye e le
Ngwana wa Morimo.
55 Iye go na le basari mba bantsi mhong be
labile ba le datshana mba iye be see Jesu gka
mojhwa go jhwa Galalea, mba iye be rihisa bilo
zabo go tyhwisa Jesu. 56 Mo gobo iye e Maria
Magatelena, le Maria nnale waga Jakobe le
Josefe, le nnale wa bana baga Sebete.
48 Nngwe

Phiro yaga Jesu

(Mar 15:42-47; Luke 23:50-56; Joh 19:38-42)
57 Iye

ya re gka malatjiboya, ge da monona wa

mogumi go jhwa Arimathea, e bijhwa Josefe,
yo le ena iye e le morutywa waga Jesu. 58 A ya
go Pilato, a kopa shetyotyo shaga Jesu. Mbe
Pilato a laola gore a she hiwe. 59 Josefe a
tshola shetyotyo a she phutyha gka letsela la
leloba, 60 mbe a she baya mo pupung yagwe ye
e tsha, ye iye e e epile mo lijhweng. A
ghereghetjhejha lijhwe le letyona ha kgorong
ya pupu, a be e doga. 61 Maria Magatelena le
Maria yo nngwe iye ba le ho, be njhe go
labagana le pupu.

RRN: ______

BSB Review Copy

SBTP

Text

Page 86 of 87

Comments

Pilato o romela balisi pupung yaga Jesu

62 Gka

leatji le le latyelago, mojhwa ga go

baakanyejha leatji la Sabata, baperesiti mba
batyona le Bafarasai ba go kopana le Pilato
63 ba re: Morena, he gagkoloshelwa gore
leherehere leleyong ha le shantse le tjhela iye
le re: Mojhwa ga malatji owa mararo ke da go
zoga mo loshong gatshi. 64 Laola gore pupu
yagwe e leswe go hithelela leatji la boraro, gore
barutywa bagwe ba shegka ba go iba mbele
wagwe, be be be jhwela batyho gore iye a zoga
mo loshong. Mano owa a da go riha mashwe
go hetya a ntha.
65 Pilato a ba raya a re: Lekoko la balisi too
leleyong. Doga la go lesa gkaho le kgona
gkaho.
66 Ba doga, ba ya go lesa pupu, ba baya
shekganeri mo lijhweng, ba siya balisi be
lesijhe.

28
Tsogo yaga Jesu
(Mar 16:1-10; Luke 24:1-12; Joh 20:1-10)
1 Ha

leatji la Sabata e le la hetya, phakela, gka

Sontaga, Maria Magetalene le Maria yo nngwe,
ba ya go bona pupu. 2 Gka bojhogko lehatshe
la tyetyemela tyhatya, gko moengele wa
Morena iye e pitogona e jhwa legorimong, a
pityikolola lijhwe, mbe a rula mo golo. 3 Ponano
yagwe iye ogkare logarima, biaparo zagwe bi le
bi tshou jhwaagka kapoko. 4 Balisi ba tjhoga
tyhatya, mma ebile iye be tyetyemela, ba rula
jhwaagka batyho mba ba shwilego.
5 Moengele a raya basari a re: Le shegka la
tjhoga. Ke ze gore le bata Jesu, yo iye a le mo
bapolwe. 6 Ha a ho ho, iye a zoga, jhwaagka
iye e bola. Nto le bone ho iye e lee hooho.
7 Agkotsha la go jhwela barutywa bagwe gore,
Iye a zoga mo loshong, mbe o le etyelee pele
go ya Galalea. Le da go mbona gkayo. Le
gagkoloshelwe she na gka she le jhwela.
8 Basari ba ithaganena, ba jhwa ha pupung, be
tjhoshile, mbe be deye boityumelo, ba tyaboga

RRN: ______

BSB Review Copy

SBTP

Text

Page 87 of 87

Comments

ba go jhwela barutywa bagwe.

9 Gka tjhoganyejho Jesu a kopana nabo a re:
Rumela. Be da goye ba mo tjhwara rinoyo, ba
mo obamela. 10 Jesu a ba raya a re: She
tjhoge, doga la go jhwela bakaulengwe le re,
ba ye Galalea, mbe ba da go mpona gkayo.
Pego ya balisi ba pupu
11 Ha

basari be njhe be shekela, bangwe ba

balisi ba ya mozeng, mbe ba jhwela baperesiti
mba batyona shengwe le shengwe she na sha
rihega. 12 Baperesiti mba batyona ba kopana le
bagolwane ba morahe, ba riha leano labo. Ba
ha barabani mari owa mantsi, 13 ba ba raya ba
re: Le reye batyho le re, barutywa bagwe iye
be da ha gari ga bosigo, mbe ba iba mbele
wagwe ha he shantse he lee. 14 E da gore pego
ye e goroga molaoring, he da go mo
kgotsohajha, mbe he le ntshe maatyhatyeng.
15 Balisi ba tshola mari ba riha she go ruwa ba
she rihe. Mbe pego ye, ya tyuma ha gari ga
Bajuta go hithelela hombe.
Jesu o iponajha barutyweng mba ba
leshome le bongwe
(Mar 16:14-18; Luke 24:36-49; Joh 20:19-23;
Rityiho 1:6-8)
16 Barutywa

mba ba leshome le bongwe, ba ya

Galalea, tyhabeng ye Jesu iye a ba keejha
gore ba ye gkayo. 17 Ha be mbona, ba mo
obamela, le ha ntswa bangwe be belaela.
18 Jesu e da gobo a re: Iye gka newa tyaolo
yothe legorimong le mo lehatsheng. 19 Doga,
gyaanong le rihe merahe yothe barutywa, ba
kolobetse mo lebijhong laga Tate, le laga
Ngwane, le la Moya wo o Boitshepo. 20 Le ba
rutye go thogkomela zothe ze iye gka bi le
laela. Mbe ke na lenye gka rinako jhothe, go
hithelela bokhutho jhwa lehatshe.

RRN: ______