LAWRKHAWM

Sermon
Vol No. XIII | Issue No. 634 | Pathianni Kar tin chhuak | Date : 18
th
May, 2014
Kum 2014 Branch Thupui : I Puan In zauh rawh Isaia 54 : 2
Bawm inleng
Bawm Inleng alo kal tan
leh ta a, memberten rei
tak kawl lovin kan dawt a
mite hnena kal tir zung
zung turin kan inngen a ni.
Thlalak
Sunday School leh KTP
thlalak man ba zawng
zawng ten vawiin ah a
man pe theuh turin Group
hruaituten min ngen a ni.
Lawmthu sawi
Luka Group ten sumtuak
nana eletric bill leh tui
bill lo pek tirtute zawng
zawng chungah Group
hruaituten lawmthu an
sawi a ni.
Tleirawl leh
Rawlthar zan
12.5.2014 (Thawhtan)
zan khan tleirawl leh
rawlthar zan hman a ni a,
programme hlimawm tak
hman niin, KTP member
te, tleirawl leh rawlthar
ten zawng chhang tlak kan
ti hle.
Leadership Training
14.5.2014 (Nilaini)
nilengin khan Kohhran
Pavalai Pawl ten
Leadership Training
Kohran Hall-ah nei a,
zawng chhang tlak an ti
hle.
Half Yearly Meet
Kumin Half Yearly Meet
hian thu leh hla a
intihsiakna neih leh a ni
dawn a, member te kan
inhriattir a, kan
intihsiakna tur chu thu a
Hebrai mite hnena
lehkha thawn hla ah
Wylwn a ni ang.
Thupuan ziaktu hian Asia ram Kohhran te zinga pakhat Laodikei Kohhran,
hmangaih tak leh lainat chunga a sawi a ni awm e. Roreltute 21:25 Chunglai chuan
Israel te zingah Lal reng reng an awm lo va, mitinin mahni tha tih zawng zawngin
an ti mai a ni/nung mai a ni tih hi a chuang a, rorelna mumal awm lohna chuan
dikna te, intluktlanna te, khawtlangah / Kohhranah te a tibo thin. Pathian rorelna
palzut duh thlarau mite hi khawvelah hian palzut an ni lo fo leh nghal a ni.
Tin, Laodikei khuaa kohhranho tirhkoh hnenah chuan heti hian ziak rawh:
Amena, thu hretu rinawm leh dik taka, Pathian thil siam bula khan heng thu hi a sawi
a ni; I thiltihziate ka hria, i vawh hek loh va, i lum hek loh hi; i vawh emaw i lum emaw
ka duh a ni. Chutichuan, lum si lova, vawt si lova, i lum chang chang avangin ka ka
ata ka chhak chhuak dawn a che. Ka hausa a, sum ka ngah a, engmah ka tlachham lo
ve, i tih avang leh nang mi rethei, khawngaihthlak, pachhia, mitdel, saruak chu i ni tih
i inhriat loh avangin; i lo hausak theih nan rangkachak meia tihthianghlim te, puan i
sin theih nan leh i saruak zahmawh chu a lan loh nan puan var te, i hmuh theih nan i
mita hnawihah mit na hlo te ka hnena mi lei turin ka rawn a che. Ka hmangaih apiangte
chu ka zilhhauvin ka thunun thin; chutichuan thahnem ngai la, sim rawh. Ngai teh,
kawngkhar bula dingin ka kik hi; tupawhin ka aw hriaa kawng a hawn chuan a hnenah
ka lut ang a, a hnenah zanriah ka ei ang a, ani pawhin ka hnenah a ei bawk ang. A
hnehtu apiang ka lalthutphahah ka hnenah ka thuttir ang, kei pawhin ka hneh a, ka
Pa hnenah a lalthutphaha ka thu ang khan. Thlarauvin kohhranho pawlte hnena thu a
sawi hi beng nei chuan hre rawh se, a ti e, tiin, a ti a. (Thupuan 3:14 - 22)
Upa Darthanga
I VAWH EMAW I LUM EMAW KA DUH A NI
Mosia dana intun nun theih a ni
lova, Sinai thuthlung leh Kalvari
thuthlung a her kawp chi bawk si loh,
chawhpawlh nun chu a remchanglo tihna
a ni. VAWH CHUAN VAWH, lum
chuan lum a ni mai, rorel turin Lal Isua
a lo kal dawn si.
Khawvel ngaihtuahna leh duhdan
chuan vawt si lo lum si lo chu boruak
tha leh nuam a ni mai a. Favang hi
Mizote tan chuan hun nuam leh tha bera
kan ngaih a ni. A chhan chu boruak a lum
lutuk lo va, a vawt lutuk hek lo. A lum
thu ah pawh a nawm lai tak a ni. VAWT
BAWK LO LUM BAWK LO!! Pathian
thua kan hmuh ve thung chu, i vawh
emaw i lum emaw tih hi zu ni tlat a, lum
si lo vawt si lo va, i lum chang chang
chuan ka ka ata ka chhakchhuak ang che.
Aw le, Laodikei Kohhran hi demna bik
a nei lo va, Kohhran nun pumpui chu,
Kristian Nun a tling zovin a hre lo va,
siamthat nan ringtu nun leh khawvel mi
nun inchawhpawlh nuaih hi a duh lova,
khawvel mi nuna in nun law law emaw
ringtu nuna in nun law law emaw ka duh
a ni a ti a. A thu hrilh hi an pawm loh
chuan / pawisak loh chuan Kohhranah
chhiar tlak an ni lovang. Tling leh thaa
kan inhriatna hi thlarauva pachhiatna,
mitdelna, saruakna bul a ni. Thuhretu
rinawm ni tur chuan thu hriat a rinawm,
hriat ang taka nun a ngai a ni. Rinna
kawnga hma kan sawn theih nan, mahni
sualna te, fel lohna te, tlinlohnate inhriat
a ngai. Hei hi thlarau thianghlim
tanpuinaa neih theih chauh a ni.
Kan chhungte, kan thiante chu
anmahni hmu lo pawhin an aw kan hre
thei. Chhandamtu aw / thusawi kan hre
fuh thei lo hi a pawi a ni.
Lal Isua aw hrechiang te chuan
an nun leh thiltihah miten Isua hmel an
hmu thei. Mahni ngaihtuahna leh duhdan
hi Pathian aw a pawm an awm chawk.
Heng mite hian mumal an nei thei lo.
Lal Isua chu a pa duhzawng tiin
thih thlengin a rinawm a, Keiin khawvel
ka ngam ta a ti. Keini pawh Lal Isua tan
hian kan vawh emaw kan lumemaw a ngai
a ni.

PUAL

N
A
U
P
A

N G
Beginner : Isuan baptisma a chang
Primary : Prsikili leh Akuila
Junior : Estheri
Intermediate : Hosea
Sacrament : Chhandamna
Senior : Rinawmna
Puitling : Chibai bukna leh thupui langsarte
VAWI I N SUNDAY SCHOOL ZI RLAI
THENAWM KHAWVENGTE
Page 2
Lalrinkima
Lalnghilhlova
R. Zomuansanga
H. Lalengmawii
Agents Agents
EDITORIALBOARD
Editor : Lalnunzira - 8732078931
Joint Editor : Lalhmangaiha - 9856954021
Lalbiakzuala Sailo - 9774378954
News Editor : R.Lalhmunsanga - 9774395131
Contributing Editors : Lalramhluni - 9856149280
B. Lalthanzami - 9862360331
H. Lalhmachhuani - 9774367236
Lalmuanpuii - 8575158771
R. Zohmingliana - 8974589814
H.Lalremruata - 9615715528
Circulation Manager : Lallawmsanga - 9862800141
Vanlalzawni
Lalrinchhani
Debbie Lalmuanawmi
C. Lalthlamuani
Thenawm khaw veng te hi chhiatni leh thatni a
kan laina hnai ber te an ni a, kan thenawm te hmangaih
turin Pathianin min ti a, kan pi leh pute ngei pawn
thenawm te do an duh ngailo. Mahse, khawvel
changkanna leh sum leh pai te vang a ni kan ti thei ang.
Thenawm te el lo in kan er a, an hmaichhan ah fakin an
hnunglam ah kan rel zui leh a,chuti chung chuan alangah
Kristian tha ber kan ni leh lawi si. Min hrechiangtu te tan
hian kan hlu lem lo in an nuih kan ti za mai mai a ni.Rau
em em angin lang mah ila, thenawm te kan rel a an
chhiatna lai zawn phet kan tum chuan ringtu tha kan ni
ngailo ang.
Thenawm tha ni turin mitin kan pawimawh a,alang
apau a infak emaw, inbiak that a in rel ruk te sim in kan
thenawm theuhte tan thenawm tha ni ila, veng nuam leh
awmna tlak mi veng awh kan nih bakah Pathian thu kan
zawmna tha taka ni ngei ang. Mahni thenawmte kan huat
a, kan itsik a, kan enhniam a, kan hmuhsit ngawt hian
keimahni kan mualpho mai bakah kan in hrem mai mai a
ni. Kan mamawh kan pek hnua kan rel leh si chuan mi
nuih kan ti za in an pawi sawi lo mah ila, a lo ngaithlatu
ten thil min tihsak an hreh thin a ni.
Kristian kan nihna ang takin alangah mai ni lovin
kan chhungril thlengin Kristian kan nih na kan tih lan fo
hi a pawimawh hle a ni. Thenawm te, kan hmangaih a in
ngeih taka kan awmho hian keimahni tan pawh a nuam
a. Kan laina hnai ber kan thenawm te hi kan hmangaih a
kan duhsak bawk chuan chhungkaw tha tak niin kan
ram hi a nuam ngei ang. Thenawmte do leh nekchep hi
kan tan hlawkna reng reng a awm lo a, kan laina hnai
ber te hi hmangaih ila kan tan malsawmna a ni a, kan do
tlat chuan kan lu chungah meiling kan chhek khawl mai
a ni.
LAL FANU
Khaw pakhatah hian lal fanu hmeltha tak mai hi a
awma, a hmelthat emavangin khaw hran hran atangin nupui
atana dilin mi an lokal thin a; mahse, a pa chuan rem a ti
ngai lo a.
Ni khat chu ramnei zau deuh leh mi hausa tak mai
fapa hian nupuiah a rawn dil a, a pa chuan rem a ti ta a.
Tichuan, an khaw lamah haw pui tumin a chhuahpui a.
Lal hnenah chuan khawnbawl pakhat hi
hmanhmawh tih hriat tak mai hian a lo tlan lut a, Ka pu, i
fanu te kha sakawlhin a ei, a pasal tur ruang pawh kan hmu
a, i fanu erawh kan hmu zo lo a ni, khur hlawk hlawk
chung chuan a han sawi a.
Lal chuan, Ka pasalthate va ko nghal rawh u. A
rang lamin ka fanu chu kan zawng chhuak tur a ni, thinrim
tak chuan a han ti tuarh tuarh a.
Pasalthate chu an lo kal khawm a, an za chuan
ramhnuai laman pan nghal a. A then chu thianho in an kal a,
a then chu a malin an kal bawk a. Zanah te chuan sakawlh
laka an thih loh nan thawman neih pawh in fimkhur takin an
awm a.
Ni nga lai an thang hnu chuan pasaltha pakhat hi a
lo haw a. An lal hnenah chuan an khaw tlangval pakhat,
Kima tia an koh, daikil a awm, an retheih em avanga mi
pawhin an hriat mang lo chu ko turin a ti ringawt mai a. Lal
chuan rema lo ti a.
Lal chuan thuchhuah danglam tak mai a nei ta a,
Ka fanu hi nungdama lo hawnpui thei chuan ka fanu an nei
ang a, ka lal ram zahve hi ka pe bawk ang, a ti a.
Kima chu a tamzawkin tunge a nih hrelo mahse sa
kap thin te chuan a huaisen zia an hre kar mai a. An zinga a
kal theih avang chuan an lawmhle nghe nghe a. Riah buk
dang chu an sual nghal ta char char a.
Pasaltha thenkhat chuan an hma an sial em em a,
thenkhat erawh chuan Kima chu an duhsak ememthung a.
Savawmemaw sakei emaw an hmu thei ta reng reng lo mai
a, Lal fanu chu an hmulo ang tih an hlau leh zual a.
Mahse, Kima chuan midangte chu hmundangah a
kalsan a, Kima chhiatna tur zawng rute pawhin an zui ru ve
zel a. Mahse, Kima chhiatna tur duh a zui ru tu te chu zanah
an mutthilh hlanin thing zar tliak in a delh hlumta vek a.
Kima chuan tuifinriat kamah chuan tuipui boruak
inlumlet bulh bulh chu a thlir a, chutih lai tak mai chuan lal
fanu chu tui chhung atang chuan a lo chhuak a, a hnung
chiah ah ramsa hmelchhe zet mai hian a rawn zui bawk a,
chu ramsa hmelchhhe tak mai chuan lal fanu chu ei a tum
avangin lal fanu chu mangangin a au vak vak a.
Kima chu rang taka thovin lal fanu chua a va pawm
a, a chemsei tliang tha zet mai hmang chuan ramsa kawlh
leh hmelchhe zet mai chu a sat ta chawrh chawr mai a, a
that ta a. Tichuan lal fanu chu a hruai haw ta a.
Lal chu a lawm em em mai a, thu alo tiam tawh
angin a fanu chu Kima nen chuan a inneih tir ta a, chu mai
bakah a lal ramzahve chu a pe tel ta bawk a ni.
Mite hmuhsit thin Kima chuan nupui hmeltha tak
mai neiin ramzau tak a lo nei ta a. Huaisenna hi mihringte
dinchhuahna leh hma lamti eng tu pawimawh tak a ni.

Page 3
Isua Krista rinna leh Amah anna kawnga thalaite hruai Kohhran Kutke ni tura thalaite buatsaih
Kohhran hnathawh tihpuitlin Krista Chanchintha puandarh
K.T.P THIL TUMTE
- Nikhama
I mmanuela rama pem lut tur te chuan,
lawngchawlhna hmuna hun khawh ral mai mai leh awm
khaw tlai a ngailo, lawng pakhat ngawtin chu ram chu
a thlen dawn avangin.
1. An lawng hming chu - Gospel lawng a ni.
Chanchintha chu ka zahpui si lova, tupawh a ring
apiangte tan chhandamna tura Pathian
thiltihtheihna a ni si a.
2. An lo chhuahna hmuna lawng chawlhna chu -
Chhiatna khawpui a ni. Lalpa Ni chu rukru angin
a lo thleng ngei ang; chumi ni ah chuan van te chu
nasa taka riin a boral anga; thilbul te chu emral in
a awm tawh anga, lei leh a chhunga hnathawh
awmte chu a kangral ang.
3. An ram pan chu - Immanuela ram a ni. Tunah
zawng ram tha leh zual chak an lo ni, chu chu van
a mi a ni.
4. An chhuah hun tur chu - Vawiin hi a ni. Vawiin
hian a aw in hriat chuan... in thinlung ti khauh suh
u.
5. Lawng chuan man - Man lovin a ni. Tuihal
apiangte chu lokal ula, a thlawnin la rawh u.
6. An Captain hming chu - Isua Krista a ni. A tan
engkim a awm a, a zara engkim awm bawka tan
chuan, fa tamtak ropuinaa a hruai luh zawngin, an
chhandamna siamtu kha tuarna te avanga tih
famkim chu a awm reng si a.
7. Lawng mite - Thawkohte an ni. Pathian
khawngaihna chu sawtpui lova in hmuh lohna turin,
amah thawhpuiin ka ngen chiam a che u.
8. Pemte - Misual, khawngaihna azara chhandam
tlingte chu an ni. Rinna avanga thiam changa
awmin... Pathian nen inremin i awm ang u.
9. An kalna tur tuifinriat - Hun. Hun a awm tawh lo
vang.
10. An in eng (Lighthouse) - Pathian thu a ni. I thu
chu ka ke atan khawnvar a ni a.
11. An chhim leh hmar kawk (Compass) - Thudik.
Thutak in hria ang a, thutak chuan bawih a ban
ang che u.
12. An lawng puanzar - Rinna leh Hmangaihna. In
rinna chu nasa thanglianin, in zaa in inhmangaih
tawn theuhna chu a pung leh zual si a.
13. Lawng bungrua - Khawngaihna. Ka khawngaihna
i tan a tawk e.
14. Thir chakai chu - Beiseina a ni. Chu beiseina
chu nunna thir chakaiah kan nei a, rinawm leh nghet
tak a ni, an tlakchhamna chu Lalpan a phuhruk
zel a, tin, ka Pathian chuan... in tlakchhamna
tinreng pawh a phuhruk sak ang che u. An lawng
chu a lian em em a, mi zawng zawng an sawm.
Hmun a la awm ta cheu!!
(The Kings business a mi lak a ni)
KRISTIAN PEMTE
Polythene bag kan tih hi polythene atanga siama ni
a, polythene chu polymer chi khat a ni a, LDPE a ti mai a,
chu chu Low Density Polyethylene a ni a; plastic chi a ni.
Polyethylene chu petroleum thlitfimnaah a ek chhia zing
atanga siam a ni. Plastic chi zingah chuan a hlauhawmchi a
ni. Kan hman lar em em polythene bag kan tih ho hi chu
plastic chhia grade 4-na emaw grade 5-na emaw vel atanga
siama ni.
Khawvel a lo changkang a, thil awlsam zawk kan
lo duh zel a, kan nitin nun phungah thil tul a lo ni ta hial a, a
zangkhai a, a mawi a, lehkhaa siamip dang aiin a tlo zawk
a, khai mai a awlsam a, hman loh poh in ah bo mai theih a
nih avangin a awlsamemema; chung zawng zawng bakah
chuan a tlawmhle - man lo pawha neih mai theih a nih avang
hian kan hmang awl lo a nih hi. A tangkai hle lai hian kan
chhiatpui tawh a, kan chhiatpui mek a, kan la chhiatpui dawn
chauh ni pawhin alang.
Ram a ti chhia: Plastic chi reng reng hi a tawih ral ve theih
loh avangin a hnawk hma em ema. Hmun tin hmun tang a
awh a, kawtthlerah te, kawng dungah te, lui dungah te a kur
ngei nguai a, harsatna tam tak min siam a ni. Hriselna leh
thianghlimna kawng daltu lian tam tak a ni nghal a. Mi
thiamten a tawihral theih dan an chhutnaah chuan lei a tla,
thiamthil tel miah lo a amaha tawihral tur ni ta se, kum 400
dawn zet chu hun a duh ang an ti hial a ni. Chumi avang
chuan leia tui leh boruak lut tur a dal a, thlaite tana an chaw
insiamna ber a tithuanawp thin. Lei a tinghet lova, leimin a
awm phah bawk.
Ram tan a tha lo: Khawlai leh ran tlatna hmunah polythene
kan paih darh nasa ta hle a, ran in chu chu chaw zingah a lo
ei palh vaih chuan a chhiat phah thin. Polythene leh plastic
lampang chi reng reng hi pai tawih theih a ni lova, pai tawih
thei a ni lo chang ni lovin a ngai ngaia ek chhuah theih anih
loh avangin ran pum a tipuar a, a thih phah mai thin a ni.
Khawvel hmun hrang hrangah leh Mizoram-ah ngei pawh
sarang an ei avanga ran thi sawi tur an tamhle.
Lui dung a tichhia: Tawih ral thei lo a nih avang tak hian
kan lui dung leh tuihawk luan kawr thlengin a titawp a, a
tibawlhhlawh a, lui tui a ti tenawm a, natna hrang hrang a
hring chhuak thin. Harsatna namen lo tak min siam a ni.
Tuihawk luankawr a sarangte hian bawlhhlawh dang a ham
tang a, hrisel lohna bul a ni. India ram hmun hrang hrangah
lei hnuai tuihawk luan kawra sarang tangin boruak tha lo a
siamavanga tuihawk luan kawr puak an buaipui hle tawh.
Mihring tan a hlauhawm: Polythene hi amah mai hian
mihring tan a hlauhawmnghal a. Rawng nei chi hi a hlauhawm
zual a, a chhan chu heng tihmawi nana an rawng hman hi
rawng pangngai tha tak a ni lova, Cadmiumtela siamrawng
a ni a, mawi si, man tlawm si an zawn avangin rawng man
tlawman hmang thin. Chu chu mihringte tan a hrisel lo hle,
mithiamte sawi dan in polythene-ah hian hian cancer thlen
theitu (carcinogens) chi 54 lai a awmni awm e. Polythene
rawng chi hrang hrang pariat an enfiah a, chuta an thil
hmuhchhuahah chuan Lead, cadmiumleh Copper te a tel
vek a ni.Hengte hi heavy metals an tih chi ho a ni a, heavy
metal chi reng reng hi taksaa a luhin a inchhek khawl a, zawi
zawiin chhiatna a thlen thin. A bik takin taksa pianphung a
tidanglamthei a ni.
POLYTHENE BAG
Published & Typeset by The Kristian Thalai Pawl : Chhinga Veng East Branch. Printed at T.M Offset, Canteen kual, Aizawl. Copies 180
Thiltha ti atan Krista Isuaah chuan siama awmin, Ama kutchhuak kan ni si a,
chu thiltha tih chu kan awmna turin Pathianin a buatsaih lawk a ni. (Ephesi 2:10)

Page 4
I N K H A W M P R O G R A M M E
Chawhma : Sunday School
Zirlai 18-na
Chawhnu
Bible Society Campaign-a hun hman tur a ni.
(Thawhlawm a awm ang)
Thusawitu : T.Upa Vanlalsawma,
Chite Veng PCI
Zan
Thusawitu : Upa Lalengzauva
PATHIANNI KTP TAWNGTAI INKHAWM
Hruaitu : Nl. R.Laltlanthangi
Tantu : Pu C.Lalrinhlua
THAWHTAN ZAN KTP INKHAWM
Hruaitu : Tv. Lalngaihzuala
Tantu : Tv. Vanlalchhunga
Thilpek : Tv. Lalsangzuala
lakhawmtu Tv. Rosangliana
Thusawitu : Pu Lalnunzira
NAUPANG CHAWHNU INKHAWM
Hruaitu : Tv. R. Lalpansanga
Tantu : Philemon Lalmuanawma
Hun hman dan : Zirlai zir
Hun hmangtu : Tv. P.C.Lalremruata
Quiz : Nl. J .Laltlansangi
TLEIRAWL INKHAWM
Hruaitu : Nl. B.Lalthanzami
Tantu : Lalramdinsanga
Hun hman dan : Zirlai zir
Hun hmangtu : Tv. Varrotluanga Varte
Zai hruaitu : 1. Lalruatlawka
2. Lalrinsanga
3. Lalrinchhana
KOHHRAN HMEICHHE INKHAWM
Hruaitu : Pi Laltlanchhuahi
Tantu : Pi Sangkungi
Thilpek : Pi J anet Lalmuanawmi
lakhawmtu
Thusawitu : Pi Lalbiakzuali
KOHHRAN PAVALAI INKHAWM
A hun : 22.5.2014 Dar 7:00 P.M
A hmun : Kohhran Hall
Hruaitu : Pu Lalthanliana Ngente
Tantu : Pu C.Lalhmangaihzuala
Thilpek : Pu P.C.Vanlalfela
lakhawmtu
Sermon : Pu J .Zorikhuma
Kristian kan nihna ang a kan nun dan theuh hi a
in ang lo thei khawp mai. A then naupan tet atanga mi
nghet tawh tak te kan ni a, a then chhawmdawl ngaitakte
kan ni a, a then chu mi hlate kan ni bawk awm e.
Kristian theuh theuh ni si hian rinna kawngah hian kan
dinhmun hi a in ang lo thei khawp mai.
School kan kal laiin a thiamthei deuh leh
thiamtheilo deuh te kan awm thin, school luh tirh atanga
thiamthei deuh tan chuan kum chanve hnu lama thiamsa
zir tlut tlut kha a tul kherlo thei. Chutih laiin a then te
chu chhawmdawl ngai an ni ang a, a thente phei chu
school lut tura sawm ngaite pawh an awm nual ang. Mi
nghetsa /thiamsa tan chuan hmasawn zel, chhawmdawl
ngai tan chuan hmabak a mi zel, la ti ngailo tan pawh
hmabak a mi zel hi kan hmasawnna kailawn Pathianin
min pek theuh a ni. Keimahni mil pui ang vek a midang
kan en vek chuan keimahni ah miten hmasawnna an hmu
thei thin lovang. Lehkha thiam thei tak kan nih chuan
keimahni ang a mi zawng zawng lehkha thiam vek tur a
kan ngaih chuan a dik ber lo thei, mi taima tan pawh mi
zawng zawng taima tur a ngaih ngawt kha a dik ber lo
thei. Tupawh hian harsat tih zawng leh awlsam kan tih
zawng hi kan nei vek a ni.
Kan ramvahnaah pasaltha/ramvachal deuhte an
awm thin, keini aia te leh pian chhe zawk pawh nise an
hnung kan zuilo theilo, an ni chu naupan tet atanga
ramvak mi an nih miau avangin. Keini erawh a then
tleirawl chhuah, a then nupui /pasal fanau neih hnu chauh
a kal thin kan ni si a. An tih ang apiang chu kan aw e zel
mai tur a ni. Mahse, an ni chuan kan zeilohna leh
chaklohnate, chhawmdawl kan ngaihna laite an hre vek
a, la kal ngailo phei chu khampang a kal dan thlengin
min zirtir thin a ni. Chu chu pasaltha leh ramvachalte
mizia diktak a ni.Kan zeilohna leh kan thiamlohnate
kha en liam mai lovin tihdan tur kawng dik min
kawhhmuh zawk thin a ni. Min kamkhat lovin thurawn
min pe se, min vau lovin min zilh zawk se tih hi tupawh
duhdan a ni awm e. Chu chu kan Kohhran kalphung a
ni.
Isua zuitu i nih tak tak chuan lam kher a ngailo,
kut ben kher a ngailo i nun/ mizia ah alang tur a ni an ti
thin a dik hle awm e. Amaherawhchu, kan Lalpa
hnathawh dan hi a inang vek kherlo a ni. A then tan chuan
lam leh kut ben te kha Pathian laka inthiamlohna an
neih puanchhuahnante, sual thupha an chawinante leh
Amah chawimawi an duh hrim hrim vangte pawh a ni
thei a ni.
Thlai tiak hlim chu eitu hrik leh pangang in
a bawm thin, paihfai pui thin ang che...Nang chu i
rah tawh si a..
- R. Lalhmunsanga, Marka Gr. Asst Leader
CHHAWMDAWL NGAI