Since 2006

ZAM Information Department

Volume 6, Issue 36 February 12, 2012

Estd. 2006

informing people, transforming lives

Na mite a kempa hong hi in la, amaute panpih to tawntung ta in. Late 28: 9
Theihhuai ZSM Thu Pawlkhat
Mikim sim hamtang ding thu Zomi Genvai Kipawlkhopna icih Zomi Social-welfare of Malaysia (ZSM) pen 2009 October kha-in Malaysia aa om Zomi Biakna Pawlpite lunggulhna tawh kiphuan khia hi. Zomi te-in sihna manna-ah haksakna tampi tak ih phutkhak ciangin a tuakkha pawlpite aading haksa lua ahih manin Pawlpi khempeuh kipawl khawmin, vai pua khawm ding hihang cih lunggulhna tawh kipan khia ahihi. Tua ahih manin, Biakna Pawlpite pen ZSM ii Foundation ahihlam itheih ding kisam kasa hi. Foundation icih ciangin Pawlpite aa hi, minam makaite tawh kisai khalo hi cihtheihna ding zong om tuanlo kawikawi hi. Ahang pen, dongtuahna ih neihkhak taktak ciang pailoh a phamawh zum vaite: UNHCR, Zato, Police zum leh vai tuamtuamte-ah ih minam member hihna Community zumlo tawh piangtheilo ahih manin ZAM zum pans anin bulphuhna aki neitoto tuni dong ahihi. A phucilte leh a vei masate lunggulhna tawh hih bangin na kisem khawm toto ahihi. (Cihnopna-ah ZAM aa hi tuanlo, Pawlpi te aa zong hi tuanlo, Khua Kipawlna te aa zong hi tuanlo-in a neituam ki omlo ih vekpi Zomi mimal khatciat aa ahihna ih theihtel ding deihsakna hizaw hi). A kipat cil lamin hih bang ih pianzia thu khempeuh pen pastor te leh upa makaite-in telsiam mahmah uh aa, tu lamlam ciangin Sia masa pawl khat gam thumna ah lengleng ta uh aa, sia thakte-in panmun hong lak tak ciangin ih piankhiatna thu kitel nawnlo tawh kibang in, ki gen kikkik hong kulta hi. Gennopthu-in, Kizopna sum (Laibu ala kipawlnate leh Biakna pawlpite-in pello-in apiak ding uh kum khatin RM200) tawh kisai ih genkhak ciangin pawlpi khatkhattein ko thei kha kei ung, hong cithei zel ahih manin hih kipawlna a piankhiatna thu sakhi tuinek panin ih teltheihna dingin hong bul genkik ka hihi. Zomi khatin dongh tuak taktak leh Biakna pawlpi-ah pawllutna a neilo ki om veve bek thamlo-in a beh, a phung, a u, a nau, khuapih tuipih, lawm leh guallo tawh piang thei tuanlo, a tai thei kua mah ki om tuanlo a hih manin Khua Kipawlnate ki hanthawnin kizopna nei hamtangun ci-in ki genpih toto hi. Tuamah bangin tuni ciangin Khua Kipawlna lamte hong hanciam mahmah ta uh aa, ki lungdam pih mahmah hi. Ih sepkhopna mazang hi. Tuamah bangin, tulaitak aa eiteng ii vaihawm thak hihetlo, picing dinmun ih tun khit buang ma ih pankhop tohtoh ding hi aa, Malaysia aa Zomi dinmun tel taktak ihih leh ZSM Kipawlkhopna kihel loh theihloh ki citheita hi. Athu, avai omziate zong ih theihkim ding kilawm hi. Misi omciang bek aa nasep om ahih loh lam zong ih theihkhop tekding kisam mahmah hi. Mipi theihding kisam kikupna thu khensatnate: ZSM/2012/02- Thukhun D. Pawllutna nuai a III & IV March kha a nunung penin ZSM member lutding cih tawh kisai kikupna kinei aa, a kha (a hun) ciangtan omlo-in pawl hong lut hunhunin kisang ding hi, mailam ciangin Thukhun puahphat hun ciangin etphat dingin vekpi thukimna tawh ki khentat hi. ZSM/2012/06- Sum hong donsak palaite-in a sum ngah ni (voucher piakni) aa kipan kha kaht sungin ZSM zum ah hong ap hamtang ding hi. (SMS or Email beek tawh hong kipuaklo peuhmah member lutlo-in ki ciamteh ding hi.) ZSM/2012/07- February 20, 2012 Zomi Nam Ni ciangin ZSM min tawh thu zaksakna leh mimal member hong lut theihna dingin voucher laibu tawh counter khat Chin Woo Stadium ah hon dingin ki khentat hi. Vaipuak anei ding pen ZSM OB te ki-ap hi. Zaksak kholhna February 20 Zomi Nam Ni ciangin Chin Woo Stadium ah, Khua Kipawlna tawh lah kizomlo, Pawlpi tawh lah kizomlo, zum tawh lah kizomlo, mun gamlapi aa om ZSM mimal member lutnuamte aa dingin counter khat kihong ding hi. Mimal member fee kum 1 ai RM10 bek hi. Pawlkhatte-in, hih pen, kei sihsawm keng ci-in pia nuamlo thei uhhi. Tuabang lungsim neihding hi hetlo hi! Ei ih sih kei zenzen hangin kum 1 in ih mipih sitset sung bekbek ah luang 20 ta bang hanmual hong liapsan omden hi. Tuateng khempeuh akiu khatpan na panpihna hipah ding hi. Minam nasepna thupi khat zong hipah hi. Sum khia napi nang na zatkhak kei leh nang a hampha na hizaw aa, mailam hunding thei khollo tek ihih manin kipawl lecin na suplawh pah tuankei ding hi. A zangkhate a hamsia hi aa, ih zatkhak loh theihna ding thunget ding hizaw hi. Nang zatkik ding ahih manin khia kei inla, na zat khakloh manin lungdam mahmah zaw in. ZSM Palaite

ZAM THUPUAK
ACTS Leh Health Coordinators Kikupna
February 10, 2012 ni-in, ACTS te makaihna tawh, ACTS uliante leh Kipawlna tuamtam pan Health Coordinator te kikupna thupi khat kinei thei hi. ZAM hong sapna uh tawh kizui-in Sia Kam Sang va kihel thei hi. Tutung kikupna pen ACTS pan bek hilo-in, kumpi zato lam pan IPR leh UNHCR-IAD uliante zong kihel uh ahih manin, galtai cina lunate aa ding sepnasate leh maban ah koici bangin tangzai zaw nasep vaipuakte ki neithei ding cih thu manpha tampi kikupna omthei hi. IPR pan a lianpenpa leh UNHCR-IAD pan vaipuak nei a lianpen tegel ki helthei hi. IPR pan vaikhakna leh theihsakna tampi sungpan, TB natna neite-in zatang limtak nekding, ki pelhsak hetloh ding hong lim vaikhak pha deuh hi. Sapna ngah Kipawlnate Health Coordinator te-in zong, ei galtaite lampan damlo cina khoina, cina kepna vaite-ah uliante hong vaihawmsakna tung tawn mah panin ih haksatna, vai puakkhop zia a lemzaw ding cihte thu sungin kikupna pen a kisam taktak leh a ciapteh huai thu vive kicing hi.

February 12, 2012 Sum tawh mapangte behlapna Anlangh RM200, Buanli 100, Chanthagyi RM100, Cikha RM100, Cingpikot Keizang RM100, Dalkhai RM100, Dimlo RM100 Gamlai RM100, Haicin RM100, Haupi RM100, Heilei RM200, Kansauzang RM100, Kaptel RM100, Lamzang RM100, Maal Suangzang RM100, Mualbem RM200, Mualnuam RM100, Mualpi RM200, Muizawl RM100 Ngalbual RM100, Ngalzang RM100, Ngennung RM100, Nguasing RM100, Laibung RM100, Lailui RM100, Laaitui RM200, Langzang RM100, Luangel RM100, Pangsak RM100, Phaiza RM200, Phunom RM100, Pimpih RM100, Pyidawtha RM225, Saizang RM200, Selbung RM100, Sezang RM200, Singgial RM100, Suanghoih RM200, Tauleng RM100, Teklui RM100, Thalmual RM100, Thangnuai RM100, Thangsan RM100, Thuklai Pumva RM100, Tonzang RM200, Tuimui RM100, Tuithang RM200, Tungtuang RM100, Tungzang RM200, Valvum RM100, Vangteh RM200, Voklaak RM200, Zampi RM100, Zomi Singunau Kipawlna RM100, Zung RM100, Zozang RM100, AZCF RM100, Bethel Church Sg. Long RM200, CMF RM200, EBC RM200, IZCC RM200, Laipian RM200, Life Mission Church RM100, Manna ZCC RM200, MBF RM200, MSCCF RM200, TCBC RM100, ZCCM RM100, ZCF Canaan RM200, ZCF Dengkil RM100, ZCF Kajang RM100, Zomi Christian Assembly RM100, ZCF Kota Damansara RM200, Zomi UPC RM100, Aungnandaw RM100, Chintaungtan RM200, Taungzalat RM100, Dimsau RM50, Pa A Thang RM100, Sia Mangpu (Tungzang) RM50, Pa Pau Cin Thang innkuan (Thangkai Suangpi Khua) RM100 Tg. Kham (Information, ZND Committee 2012)

Zomi In Zomi Nam Ni Kihel Ding Hi

February 20 Zomi Nam Ni hong tun ding ni 8 sang a tawmzaw bek omlai hi. Hong tungziau ding hi. Mipihte tawh kum khat khatveipi Minam Ni bawlkhawm buang ding kihel zawh huai hi. Kihel zawhtheihna ding pen, eimah tek tung ki nga pen lel hi. Thupi hi, cih ih tel photding kisam masa aa, tuazawh ciang kei ka kihel lohin pianglo ding hi, cih khentatna kisamin, tuazawh ciang ih nasep ding, ih vai dang tuamtuamte ih nusiat zawh theihna ding eimah tekin ki vaihawm theisam ding hi. Zomi hing a kicih leh Zomi Nam Ni pawi kihel ding hi. Paulap a zonglo Zomi te February 20 ni Zomi Nam Ni hi, ci-in Zolai takpi zong ih malgawm theihma-in la bangin ih saktheih kim ahihi. Hunlui lai-in gamdang pawlkhatte-ah Zomi Nam Ni pen mipi lem nini-in ki vaihawm cih ih za ngei hi. Malaysia tawlkhat a om Zomi te pen, ei leh ei ki pahtawi huai hi; Tuni ciang, February 20 ni vive mah kumsim ih zangkhawm zo hi. A vaihawmte bek tawh piang ngeilo-in mipi-in, makaite hong makaihzia, hipah hen, icihzawhna lungtang a neikhin gige ihihi. Asawtlo aa ih tunna ding gam tekah hih khaici keng gige ding hihang. Zomi Nam Ni maw Zomi pawlkhatte ni Zomi Nam Ni bawlkhawm ding cihciang Malaysia aa om Zomi khempeuh hipah hi. A inntek vive ihi aa, a lengla zaw ki omlo hi. Tuahi-in, lungsim suakta tak aa Minam Ni va kihel ding bek thamlo, inntek lungsim ih neihtek pah ding kisam hi. Tuabang zong hilo lai-in, Zomi bupin Minam Ni bawlkhawm cih ih hanciam laitak, ahang khatpeuh paulap in pawlkhat ki lungtuahna tawh Zomi Nam Ni min tap aa pawi bawlkhawm, hun bawlkhawm cihte hong omlo ding hi. Banghang hiam cih leh, Zomi Nam Ni hi-in Zomi pawlkhatte ni hilo hi. Amun ding Abeisa kum aa ih zat Chin Woo Stadium mah ahihi.

Zola Kiguangkhalote Abeisa kum 2011 sungah, mipihte

muhtheih dingin Zola kician, Zola hoih mahmah hong kikhakte pen, THUPUAK sungah aki suaksak nuamlo/khalo hilo-in, laimai a munding taktak lemthei nailo hizaw hi. Ngimna hoih late hong khaklai un; hong kikhakte zong kikem lai hi. iNFO Siansuahna Bawlding Thuthang Kumpi lampan thuging thak khat om, kici hi. Malaysia gamsung, operasi akici operation pen February 16 khitteh nak bawlsawm mahmah uh cih thu hi. Ih theihsa tek mah bangin, gam thukhun zia nuai ahilo dinmun tawh a om gamdang mite hong siansuah ding uh cih hizel ding hi. Koimunte-ah, cikni-in kipan ding cihte a kithei khollo thu ahih manin, ih theihsa pilvang gamtatna leh kidopkikepnate nisim naisim mahin kisam semsem hi. Deihloh penpenin kimat khakna ih neih leh zong bangci phukding, thu bangci kohding cihte phawkthak huai hi. UNHCR Hotline UNHCR pan register ngahsa khatin, matna, lampi khawng thu sitna khatpeuh na tuah leh UNHCR Hotline 012 630 5060 zasak pah in. Hong mante tung zong galtai-gambel khat na hihna, pataulo takin gentheih ding leh hih Hotline nambat mahmah tawh kiho sak theihding pen telkul hi. Na tawi phone sungah na khum nai kei leh, ciamteh pah in. UN File nambat (UN Nambat) zong mal tam hetlo sam aih teh, etloh sa-in ih gentheih ding kisam hamtang hi. LUNGDAMKOHNA Pa Thang Khek (Chanthagyi Khua) in Kipawlna-ah laidal bung khat (dal 500) hong pia leuleu hi. Khua Kipawlna Makaite Nopna, dahna, zum vaite-ah ki thuzakna a manlang dingin, Khua Kipawlnate pan makai kilaih, ahih kei leh kizop theihna pen a mi kilaihta, ahih kei leh phone nambat kilaih cihdan ih om leh hong zasak pah un. Tongdot Zolai-Manglai, Manglai-Zolai Electronic Tongdot khat RM350 tawh ki ngahthei lai hi. A laibu pen kingahkik nailo hi. Contacts: 016 285 1234, 016 293 9027 Lai Siangtho Bu Kingah Atuamnalo tawh - RM20, Atuamna tawh - RM100. Kawllai tawh a buneute kingah - RM20. Bank Card A bawlnuamte-in, 0123674665 hopih masa un. Theihsakna Zomi sung vei velvalna tawh THUPUAK pan mipi muhtheih ding lai suaksak nuamte-in hong zasak un.

ZUIHDING
Pawi bawlna innpi sung peuhmah ah kuncil ih siatkhak leh, nidang ciang phalna kingah nawnlo ding cih, hong vaikhak phapha uh hi. Pawi paima-in a theisa-in kithawi pah ni! Hih vai ana zakhalo kiukiau a omkhak ding cihna tawh tua vai a encik ding thunei rela te leh Zomi palaite kiseh khin hi.

PAWI BAWLNA INNPI SUNG MUN KHAT PEUHPEUH AH KUNCIL SIAT KIPHALLO HI!
THEIHDING Ih pawi lawhcin zawhna ding kipawlna ahih kei leh mimal in RM50 leh a tungsiah tawh mapang khempeuh Pawi programme/booklet tung ki suaksak ding hi.