Since 2006

ZAM Information Department

Volume 6, Issue 27 December 11, 2011

Estd. 2006

informing people, transforming lives

Khialhna khat in a hoih tampi susia thei hi. Thuhilhna 9: 18b

Malaysia Galtai Sangte Maban
UNHCR pan Education lam uliante-in, Harvest Training Centre ah, 2011 aa ding November 29-30 ni nih sung galtai sang Sang Siapi asem khempeuh samin training ni nihbup pia uh hi. Kum khat khatvei Head Teachers Training piaden uh hi. UNHCR ii theihpihna ciangah, tulaitak in Galtai Sang bekbek za valta, ci uh hi. Tuamah bangin Sang Siapi training kah pen za bang pha pah hi. Kahloh phamawh ahi hi. ZEC sang kim pan Sang Siapite kim takin ki kahthei hi. Compensation ih ngah huai hiam Refugee ci-in, galtai dinmun tawh UNHCR in a ciapteh khat pen, a thudan in UNHCR in a panpih theihtawp aa panpih ding, a khoi ding, a don ding cihtheih hi. Ahi zongin, Malaysia galtai gambelte dinmun pen tua dan hithei lo leh hi nailo phot aa, UNHCR-Malaysia in galtaite a panpih ding leh a huhding pen a phawklo hisamlo zel hi. Hih bangin galtai dinmun tawh a om naupang tampi ii pilna sintheihna ding zong pen UNHCR ii maban ki cithei hi. Ahi zongin, UNHCR dinmun pan sang khawng hong ding, sang kahsak ding cihpen haksa leh om nailo hi. Tua ahih manin, galtai naupang tampite aa ding, hun pia, tha pia, siamna teng a hawmkhia sang siate aa ding panpihna pen, 2010 June kha pawl pan vaihawm kipan uh hi. Tua kha sim aa a piak uh pen khasum ci-in min vawh hetlo uh hi. Compensation ci uh hi. Ei kam a khiatna naithei penin liausum/ dinkikna/lohkikna cihtheih hi. Ei lam pan eima mipih naupangte ih hilh, ih pattah himah ta leh, hih naupangte pen UNHCR ii concern, a vaan ding naupangte ahih manin, ei lam pan a bei thatang, sum leh pai te hong dinkik, hong liaukik uh ki cithei hi. Tua hi aa, thatang zong bei nailo, sum leh pai zong bangmahpi zangkhia nailo, naupangte zong pilna laigil taktak hilh nailo, kha bangzah, kum bangzah zong makaih zo nailopiin compensation a lam et huai mah hiam, cih khat ki dotphat huai thu hi gige hi. A thupai zia ih tel khitteh, compensation masuan aa nasepna ding na hilo hi, cih kitel semsem hi. Compensation maban UNHCR in, sang sia khempeuh sungpan compensation piak leh piakloh a om ding diksa samlo uh hi. Ahi zongin, sang sia tam semsem ding leh sang limlim a tam semsem ding pen a lunghimawh uh sawtta hi. Tulaitak Sang Sia bekbek 300 val omkhin in, compensation a piak uh 100 val deuh om laitak hi. Maikum ciangin UNHCR in sang siate compensation ding mah leitungbup UN phualpi pan budget a ngahzah uh zui-in sang sia khempeuh vaihawm sak zawhding hanciam uh hi. Ahi zongin, sang sia thak ahih kei leh kum khat a cing nailo Sangte-in tua compensation ngahtheilo ding, ci uh hi. Tuabek hilo-in, Sang khatah sang naupang (25) nuai a om Sangte zong compensation vaihawmsak zolo ding, ci hi. Hih (25) cihpen, tutadih hoih asak khat uh hi-in, a khentatsa uh hinailo hi. Sang naupang omzah leh Sia omzah etkak in compensation piaksawm ding cihte zong tangko uh hi. Compensation piaksawmzia hibek aa, a piak dingin a sumtang tuazah omkhin cihbang omlo, ci uh hi. Athu khentatsa uh sungpan, kum khat val acing nailo Sang te compensation vaihawm sak zolo ding cihbel thu kician hi. Sang khempeuh in PTA kician neiding November 29, 2011 ni UNHCR te vaikhakna-ah, PTA (Parents Teachers Association) limtak in ki form (seh) ding, ci uh hi. Tua PTA pen, Sang Sia pan (2) leh Nu leh Pa sungpan (5), a vekpi-in (7) tawh PTA neih hamtang ding, cih ahi hi. Hih hong vaihawm sakna thak uh ih etteh, galtai naupangte a makaih Sang khatpen community tawh sepkhopna a tangzai semsem ding lam hong sial saksak uh na hi gige hi. Tuabang ahih loh ciang, Sang pawlkhat pen vaihawmna lam ah buaina tuamtuam omin, uham lamte buaina pen naupangte supna hiden hi. Naupangte hun a susia kisuak thei hi. Ih gensa UNHCR ii theihpih sang khat peuhpeuh pen, tuma kum 3/4 pan UNHCR te mahmahin UNHCR Bulphuh Sang ci hetlo takpi uh aa, Community Based Learning Centre ci uh hi. Kipawlna bulphuh Sangte cihna hizaw hi. ZEC Thupuak

RSC Pan Contact Kingahlo

Anuai aa file nambatte pen, interview lutding RSC pan contact ngahzolo uh hi. Hih file nambat a tawite-in RSC zum ah zaksak kul aa, uliante-in interview ni ding hong sehsak kik ding uh hi. Vaihawm ziading a tellote-in ZAM ah kidong thei hi. ZAM Zum: 03 2142 6659, Hotline: 016 293 9027 791-09C06944 791-09C07064 354-09C08089 791-09C06614 791-09C07088 791-09C07715 791-09C06213 791-09C04864 791-09C01277 791-09C06163 791-09C07197 791-09C01732 791-09C06987 791-09C06824 791-09C07829 791-09C06914 791-09C06574 354-10C05841 354-10C05521 791-09C06829 791-09C07127 791-09C04799 791-09C06572 791-09C01295 354-09C04017 791-09C07062 791-09C06315 354-09C01781 791-09C07170 791-09C04781 791-09C14816 791-09C06559 791-09C08104 791-09C01346 791-09C06602 791-09C14827 791-09C08082 791-09C01737 791-09C08142 791-09C07569 354-09C00718 354-09C04020 791-09C02262 791-09C03538 791-03C01467 791-09C07631 791-09C00939 791-09C06488 791-09C01214 354-09C01802 791-09C06657 791-09C06816 354-09C03919 791-09C06849 791-09C07685 354-05C00420 791-09C07717 791-09C08069 354-03C10900 354-09C01144 791-09C06438 354-09C04718 791-09C07212 791-09C07782 791-09C10577 791-09C07359 791-09C08053 791-09C07881 354-08C05848 791-09C08045 791-09C14620 791-09C05483 791-09C04102 791-09C07777 791-09C06220 791-09C07757 791-09C07621 791-09C06850 791-09C01596 791-09C06230 791-09C06868 791-09C07690 791-09C08078 791-09C01279 354-07C05406 791-09C14602 791-09C06270 791-09C07744 354-09C00222 791-08C03953 791-09C07576 791-09C06190 791-08C01175 791-09C07759 791-09C11315 791-10C08661 791-09C07716 791-09C07818 354-03C06602 791-09C06961

ZAM THUPUAK
ZSM Khasim Kizopna Piakhiante
Ampang Antioch Fellowship Bethel Christian Church (Sg. Long) Christ Mission Fellowship Evangelical Baptist Church Immanuel Christian Fellowship (Sg. Long) International Zomi Christian Church Life Mission Church Myanmar Believers Fellowship Myanmar Mission Church Malaysia Siyin Chin Christian Fellowship Sunway Immanuel Church Zomi Adventist Church Zomi Christian Fellowship-Kajang Heilei Khua Kipawlna Kaptel Khua Kipawlna Laibung Khua Kipawlna Mualbem Khua Kipawlna Mualpi Khua Kipawlna Sezang Khua Kipawlna Thangnuai Khua Kipawlna Tuitum Khua Kipawlna Tungzang Khua Kipawlna RM40.00 RM240.00 RM120.00 RM240.00 RM20.00 RM240.00 RM240.00 RM240.00 RM240.00 RM240.00 RM240.00 RM100.00 RM240.00 RM240.00 RM240.00 RM200.00 RM60.00 RM240.00 RM240.00 RM240.00 RM100.00 RM240.00 Jan-Feb 2011 Jan-Dec 2011 Jan-Jun 2011 Jan-Dec 2011 Mar 2011 Jan-Oct 2011 Jan-Dec 2011 Jan-Dec 2011 Jan-Dec 2011 Jan-Dec 2011 Jan-Dec 2011 Jan-May 2011 Jan-Dec 2011 Jan-Dec 2011 Jan-Dec 2011 Jan-Oct 2011 Jan-Mar 2011 Jan-Dec 2011 Jan-Dec 2011 Jan-Dec 2011 Jan-May 2011 Jan-Dec 2011

December 11, 2011

LUNGDAMKOHNA
THUPUAK khatvei hawm laidal dal tul nih bang a leina leh laitui (printer) manh pen sum tampi beiden hi. ZCF-Kajang pawlpi-in THUPUAK hawmkhiatna aa ding RM100 Kipawlna-ah hong pia khia uh hi. Kipawlna leh laisim mimal in Lungdamna Lianpi ih pulak hi.

Innkuan Lutpihthei Nailote Aa Ding

Malay lai leh manglai nam nih tawh athu gencianna (hih a innkuanpihte a UNHCR ah lutpih dingin ngak laitak cih a tomkim in) a kihel innkuan lahna laidal, RM30 tawh vaihawmsakna kizom toto hi. UNHCR card leh ih lutpih ding teng ii min, maan (photo) khatta, suah ni/kha/kum, ZAM card nambat leh UNHCR card ngahkhin pen tawh kinaina cihte kisam hi. Innkuan a lutthei nailo phazah zui-in, mimal a kimtak aa tawitheih ding a dal kisam zah hong ngen hamtang un.

Tongdot
Zolai-Manglai, Manglai-Zolai Electronic Tongdot khat RM350 tawh ki ngahthei lai hi. A laibu pen RM50 tawh kingah hi. Contacts: 0146449612, 0126202125, 0162939027

UNHCR In ZAM Card Mal 50 Hong La

Malaysia ah galtai dinmun tawh mimal omzah kum khat khit kum khat kitam semsem cihtheih hi. Gamthumna atung zong ki om toto sam na pi-in, Malaysia ah tusung teng a omzah ki kiam zawdeuh cihding hun om phalo hi. Tuasung pan in zong, galtai dinmun ihih hang galtai khat bang aa ciaptehna a ngah nailo Zomi tul tampi ki omlai aa, tua UN ngah nailo icih Zomi tul tampite tanau meltheih pen leitung mun tuamtuam ah ki om gige hi. Tua ahih manin, hih Malaysia pen, tutadih Zomi te ii phawkkhakna a ngah leh, phawkloh a pha mawh na mun/gam khat hi hamtang hi. Kuamah lungsim suakta lo UN card ngahkhin aa, ngah naikei zongin, suakta takin nek leh tak zong, ahih kei leh nasep khatpeuh sem cih pen ki om vetlo ci leng kikhiallo ding hi. Tunai teng phadeuh zong, khuahun hong sia kik pian semsem aa, nung kaal sung in zong mat leh kep a tuak Zomi numei khawng ki om hi. Namdang sungah zong ki-om hi. Malaysia kumpi tawh sepkhopna kisam UNHCR-Malaysia in, Malaysia kumpite tawh ki telsiamna, sepkhopna hanciam toto uh cih bel kician mahmah hi. Malaysia kumpi-in zong, galtaite hong zongzong, hong delhdelh hisamlo hi. Galtai ihihna khat hong tel khitteh thong hong khum nuam, hong man nuam semsem hisamlo hi. Tua ahih leh, UNHCR card ngah nailote aa dingin, koici bangin ki pulak mawk ding cih pen, kum sim mahin ih buaipih leh ih lungkham tawntung thu khat hi. Tua pen, UNHCR uliante-in hong theihpihlo hetlo uh hi. A hunhunin Malaysia kumpi tawh kikum, semkhawm uh hi. ZAM card tawite aa ding lametna December 7, 2011 ni-in, UNHCR pan hong vaikhakna uh om bangin, ZAM Thuzekpi-in ZAM card original vive mal (50) va puakto thei hi. Bangding aitam, cihpen ki theinuam pah hi. UNHCR pan hong genna vuah, Malaysia gamsung zum tuamtuam, palik zum cihte aa piakding, ci uh hi. Hih palik zumte a piak uh ciang, bangteng kikup beh ding aa, kumpi palik thuneite tung bangteng hong ngetsak ding uh hiam cihpen, UNHCR in a kicing in hong gen nailo uh hi. Ahi zongin, zing leh thai-ah hong piang pah kei zong, galtai dinmun tawh a om, ciaptehna (UN card) a ngah nailo ZAM card tawi khat pen, palik zum lampan ih dinmun hong tel aa, matna-henna hong bawlloh ding lametna leh lunggulhna ahi hi.

DONGHU (Leitawi Theihding)

Dongtuahna thulian khat tawh sum a leitawi nuam Zomi te aa ding anuai aa bang zui-in sum bulpi ding Khua Kipawlna khempeuh pan khiat dingin ki khentat hi; Malaysia ah, mimal (50) nuai a om Khua Kipawlna khatin RM50 khia ding Malaysia ah, mimal (50) pan (100) kikal a om Khua Kipawlna khatin RM100 khia ding Malaysia ah, mimal (100) pan a tungsiah a om Khua Kipawlna khatin RM200 khia ding A sum leitawi theihzia ding leh thukhun omzia pen Khua Makaite tung zong kidawp theipah hi. Tua hi aa, Khua makaite leh khua mite kikal vaihawmkhopna zong ki tatsak theih hilo hi. Khua makai khat ii makaih zia alem semsemna ding leh ei khua tek ii vaihawmkhopna a lemzaw semsem dingin, ih khua makai tektek thuman siam leh thapiak siam tekkul hi. Donghu vai omziate Sia Kap Lian (012 640 1673) tawh kizom thei hi. Akhia khinsa Khua te Lailo - RM200, Cingpikot -100 ,Cikha - RM50, Heilei - RM200, Mualpi - RM200, Tungtuang - RM100, Kansauzang - RM50, Ngalbual - RM100, Tamu - RM50, Vangteh - RM150, Kaptel RM200, Pangsak - RM50, Thing Unau - RM200, Mualbem RM200, Nahnuai - RM100, Tuilangh - RM50, Teklui - RM100 Thalmual - RM100, Saizang - RM100, Zampi - RM200, Lailui - RM100, Suanghoih - RM200, Malsuangzang - RM50, Mualnuam - RM50, Singgial - RM50

Sang Ap Kisangta Ding ZEC-Maharajalela (ZAM zumnuai) leh ZEC-Talalla (ZAM zumpam) pan Laisin Kum 2012 aa ding sang naupangte sang ap kisangta ding hi. December 12-16, 2011 kikal sung 10am pan 3pm kikal hiding aa, vai a haksat leh sang naupang a kahdingte paipih tektek kisamlo hi. Kum simin sang lut ziakaina tawh mun a ngah nawnlo ki omden ahih manin, atung aa hunsung aptheih ding kisam hi. Contacts: Tg. Kham (016 340 6743), Sia Piang (012 212 4048) Nasep (1) Puchong ah innteng ding numei 2 kideih kin; Khasum: RM800; Puchong ah; Sunday off. (2) Naupang kum (1) apha khat kemding; Khasum: RM900; Sg Besi khuapi sung ah; Sunday off; Naupang kum (10) leh (14) an huansak ding; Atung aa tegel pen thu-um innkuan hi. Ph: 016 269 1351 Nasep UN tawi mi (10) kideih; Kum 30 nuai; Nitha RM38; Kaal khat khatvei off. Kizopna ding: 012 367 4665