Tuitu

(K r t in Chhuak ) tin Chhuak)

(An Official Organ of Electric Vng Branch Y.M.A)

KUMPUAN

Khawtlang Nun Siam |hat

Editor Tuitu : 9862374155 VDP Office : 2317065 Website: w w w . e y m a . i n f o

Estd.

1994

Postal Regn No. NE - 1085

YMA chu \anpui ngaite \anpuitu a ni

Vol. 18 No. 41 TUITU : ELECTRIC VNG : AIZAWL : 13 SAHMULPHAH THLA 2011 (PATHIANNI)

V>ng chh<ng
Mizoram Chess Association President atan Pu Rochhunga Ralte, Sec-II (B-4) leh Vice-President atan Pu Lalfakzuala Colney, Sec-II (B-7) te chu thlan thar an ni, an term hi kum 2011-2013 a ni. Tv. Lalremruata Sailo s/o Pu Lalrinliana Sailo, Sec-I (B-9) chu Mizoram University-ah L.D.C. atan lak thar a ni. Mizoram Motor Sport Association (MMSA) buatsaih Tuirial Airfield-a neih mek drag race (open class) ah Tv. Lalruatsanga s/o Lalfakzuala Colney chu pakhatna a ni a, open class leh below class 160 cc ah a tlan bawk a, he thu buatsaih lai hian a result kan hre hman lo. Pi Zaichhingpuii, Sec-IV (B-3) chu ni 9.11.11 (Nilaini) khan Civil Hospital ah a ban (Arm) zai a ni. Pi Lalrozami d/o Kapliana, SecII (B-7) chu ni.6.11.11 (Chawlhni) khan Civil Hospital-ah nau pai zai chhuah a ni a, naute hi enkawl zui angaih avangin Civil Hospital ah enkawl mek a ni. Pu P.C. Lalthanmawia, Sec-III (B-5) chu nimin Inrinni khan Grace Nursing Home-ah a khup zai a ni. Pi Lalkhumi w/o C. Vanlalnghaka, Sec-III (B-6) chu ni 11.11.11 (Zirtawpni) khan Civil Hospital-ah a rilphir paih sak a ni. Pu Lalenrema s/o N. Lungmuana, Sec-IV (B-2) chu taksa chak lohna avangin Grace Nursing Home-ah enkawl mek a ni. Tv. Lalsiamthara s/o H.T. Nghinglova, Sec-IV (B-2), New Life Hospital-a enkawl mek chu ni 11.11.11 (Zirtawpni) zan khan a thluak a TB lut zai a ni. Pu Zoliansanga s/o Lalthangliana, Sec-V (B-1) chu damlohna avangin Grace Nursing Home-ah enkawl mek a ni. Pu Lalzuitluanga Ralte, Sec-III (B-5) chu zun kawnga hnai awm vangin New Life Hospital-ah enkawl a ni.

INNEIH CHUNGCHANGA CYMA KAIHHRUAINA

Khawvel changkang zel leh mihring khawsak inang lo telh telh avangin kan Inneih sawngbawl dan pawh a inkhuangruallo ta hle mai a, mi khawsa thei deuhte tih dan a langsar tual tual niin a lang. Central YMA chuan Mizoten Inneih kan sawngbawl dan chungchangah kaihhruaina fel tak a nei a, chung zinga \henkhat chu han tarlang ila:Sawmna (a) Inneih sawmna (Card) kan sem \hin hi a \ha a, mahse kan uar lutuk palh ang tih a hlauhawm thei a, kan inbuatsaihnain a tlin tawk chin erawh chu hriatthiam a \ha. (b) Tunhnai te a\ang khan Mo leh Mopa \hianten Special Invitation vuahin veng chhung nula leh tlangval zawng zawng sawm an ching a, Special vuah siin an tlangzarh viau lawi a, a fel lo hle a ni. A \ul anga kawng tinrenga min buaipui thei turte hnenah chauh Special Invitation hi pek ni \hin se a dik ang. Incheina (a) Inneih ni-a incheina hi a hautak lo thei ang ber zawn zel ni se. (b) Inneih ni-a Mo-in Veil khum kan ching ve ta hi sap ho tihdan khingbai taka kan lo lakchhawn ve a ni awm e. Sap ho zingah chuan nula thianghlimin pasal an neihin veil var an khim a, chu pawh chu awmze nei takin a hawn hunte an siam thin. Keini hian veil hi inneih nia mo lu chei nan, inkhim mawi nan kan hmang a ni ber a, intihhmuh zui tlak a ni lo. Tumahin i ching zui tawh lovang u. Mo lawm (a) Zana mo lawm hi YMA chuan \ha kan ti lo. (b) Hmun khata mo lawm hi kan ching \an ta a, hei hian hun ren thu-ah te, sum leh pai thu-ah te min chhawk zangkhai. Kan mi sawmte tan pawh a hna khat a, chin zui zel tum ila. Inneih nia chindan mawi lo Mo lawm nan tia mo neitu thil leitir \alh hi chin loh tur. Inneih tuk lama mi tlemtein mo lawmna siam hran leh hi a mawi lo hle. Inneih ni-ah mo neitute titlaran zawnga chet chin loh tur. Mo lawm runpui \in hnua rik bung bung hi chin loh a \ha. Inneih ni tlai lama ruai siam hi chin loh tawp tur a ni e. |ul lova inkhawhralna (a) Wedding Cake hi sum senna chuangtlai mai a nih avangin chin loh a \ha. (b) Inneih zungbun atan man to tak tak hman kan ching a, hei hi thil \ul lo a ni e. Inneih zungbunah chuan man tlawm deuh hman i tum ang u. (c) Inneih nia mo neitu In lam cheimawi hi kan ching hle a, chin loh chi a ni. Thlalak (a) Inneih nia thlalak hi uar chin tawk neih a \ha hle ang. (b) Biak In chhunga inneih thla kan lak dawn chuan inneihtirtu biakrawn a \ha hle ang. (c) Inneih inkhawm ban hnua thlalak nana hun rei tak khawhral hi bansan a \ha. (d) Thlalak lam lo buaipui tur bik siam hi a finthlak hle a ni.

Editor Jt.Editors Asso. Editors News Editor

: : : :

Lalchuangliana Lalkulhpuia, Lalhmangaihzuala, Vanlalhmangaihi (Treasurer) P. Dengthanga, Francis Lalnunmawia, Jonathan Ramropuia John Zoliantluanga, K. Liansanga, C. Lalfamkima

Correspondents Lallianpuii Renthlei, Lalthansangi Selsa, Lalmalsawmi, Lalrindiki Fanai, Zothanmawii, C. Lalchhanhimi, P.C. Lalhruaitluangi, C. Lalnunfela, Lalmalsawma, David Lalremruata, Jessy Lalngura, Lalnunmawia, Lalthangkima, Zothansanga, Lalmuanawma O.B. IN CHARGE : K. Lalthanmawia (Secretary)

YMA Hall chu Badminton khelh nana chei \hat a nih hnu lawkah GYM \ha tak dah thar leh a ni a, YMA Hall changtlung berah a chhal ngam tawh hial awm e. A lun tual tual ang a, a bal/\awp tual tual ang tih erawh a hlauhawm. Kan Hall hi a changkang thei ang bera sak a ni a, inthiarna pawh Hall a awm atan chuan a \ha hle a ni. Amaherawhchu zunna tura meizial bung leh bawlhhlawh dang inhnawh tun mai te, hmun hrang hranga panhnah them leh bawlhlawh dang awm nuai \hin hmuh chuan kan Hall hi a hmangtute hian kan zo lo zawk a ang lek lek mai. Hall hmang \hinten a vawnfai kawngah mawh an phur thui hle a ni.

Section I
v
Hun remchang hmasa berah Executive Committee \hutkhawm an tum.

Section II

v Ni 6.11.11 (Chawlhni) khan Section O.B te an \hukhawm a, kumin chhunga section member te inpekna avanga an hlawhtlinna ah lawmthu an sawi a. Tin, executive meeting tura Agenda turte an thlir lawk. v Ni.10.11.11 (Ningani) zan Pu Robert Guite in ah GYM hman dan tur executive meeting an nei a, \anpui ngaite \anpui dan tur an Kar hmasa lamah GYM hman dan hi kan chhuah rel a, ni 26.11.11 (Inrinni) nilengin Section bungrua enfel a tawh a, mahse zawhna a la awm reng avang leh, mi hnatlang neih an tum. \henkhatin duh duh huna Chowkidar hawn tir an tum \hin Section III avangin a hnuaia Hall Committee-in ruahmanna a siam v Ni 10.11.11 (Ningani) khan Executive Committee hi GYM hmang tur ten zawm vek tur a ni. an \hukhawm. An section huamchhung cheina tur atan in 1. Membership mumal taka siam a ni ang a, memtinah vehbur khawn an tum a, chhungtin te mahni phal ang bership fee hi thla tin bi anga kalpui a ni ang. tawk lo pe turin an ngen. 2. Membership fee hi thla khatah Rs. 100/- a ni Section V ang. v Ni 11.11.11 (Zirtawpni) zan khan Executive Com3. Member ni turin enrolment fee atan Rs. 50/mittee an nei a, thu pawimawh tak tak an rel. Ni 19.11.11 a ni ang. (Inrinni) khian infuihthar pahin Outing neih tur a ni a, mem4. Gym-a exercise la turte sport dress-in an ber te a tam thei ang ber kal \heuh tur a ni. A kal tur te chu inthuam tur a ni. zing dar 8:30 ah Pu V.L. Vuana (L) in kawtah innghah 5. A hawn hun: Zing - Dar 5:30 - 9:00 (Thlasik chhung) khawm tur a ni a, a kaldan tur chipchiar chu Information Dar 5:00 - 9:00 (Nipui chhung) Mike ah kan inhriattir dawn nia. Tlai - Dar 2:30 - 6:30 v Thlatin an inhlawhna Tui Bill an khawn \hin chu thla thar a\ang chuan an khawn tawh dawn lova, chhungtin te in hriatthiamna an dil. Hei hi Branch sum an audit dawn vang a ni. v Section bungrua Gas stove 2 (pahnih) leh Microphone 1 (pakhat) \ha tak an lei thar. v An section huamchhunga Ui leh Ar vulh tute an ran vulh zun leh ek-in kalkawng a tih bawlhhlawh leh rimchhiat avangin mahin ran te \heuh khuahkhirh a, thianfai zel turin chhungtin te an ngen mawlh mawlh a ni. Veng chhung chunzawmna.. Tun thla ni 14-18 chhunga National Shooting Championship Pune khawpui a neih tur-ah 10m Rifle Competition-ah kan veng atangin heng mite hi an tel dawn:1. Tv. Ramnunsanga (B-4) 2. Nl. Feline Lalrinfeli Hrahsel (B-4) 3. Nl. Lalrinawmi Sailo (B-3) Mizoram aiawh a tel turte hian ni 19.11.11 (Nilaini) khan Mizoram an chhuahsan.

Branch YMA Executive Committee \hukhawmin khawhar in riak chungchanga ruahmanna siam tura a tih angin ni 11.11.11 (Zirtawpni) zana Branch YMA Office Bearers \hukhawm chuan, a hnuaia mi ang hian khawhar in riak turte hriat tur an duang 1. Khawhar in riah tumte chu zan dar 9 - 9:30 inkarah khawhar inah an lut ngei tura ngaih a ni a. A zan hmasa berah Branch YMA hruaituten hunserh hmang tura an ruatin hun a hmang ang a. A zan hnihnaah Section YMA hruaituten hunserh an hman pui bawk ang. 2. Zu/ Damdawi ruih avanga bengchheng siam turte chu inthiar fihlim zawk tura beisei an ni. Ni 7.1111 (Thawh\anni) khan Branch Executive ten kuangsiam hnatlang neih a ni a, kuang 7 siam a ni. Branch YMA Office Bearers \hukhawmin ruahmanna an siam angin ni 3.12.11 (Inrinni)-ah Branch YMA leh Committee pengte sum enfel (Audit) tur a ni a. Branch YMA, Committee peng leh Section YMA te account lo ziak fel lawk tura ngen an ni. Electric Veng Presbyterian Kohhran-in special camping ni 7-11 November chhunga a buatsaihah YMA Kumpuan Committee leh VDP te chuan camper tur sawmin an buaipui a, camper mipa 24 leh hmeichhia 3 an lut a ni.

President V. President Secretary

: C.Vanlalchhuana : Vanlalauva : K. Lalthanmawia

9436158138 9436155098 9862587424

YMA Branch Office Bearers

Asst. Secretary Treasurer Fin. Secretary

: Vanremsanga : R. Lalrammawia : C. Lalrokhuma

9774008274 9774096646 9436140082

Vol. 18 No. 41 TUITU : ELECTRIC VNG : AIZAWL : 13 SAHMULPHAH THLA 2011 (PATHIANNI)

ZAWHNA?
Zodina Pu |um khat ka bazar kal tur chu mi pali ngawtin khawnge i kal dawn? tiin min zawt a, vawi li lai bazar ka kal tur thu ka sawi. Ka ngaihtuah a, ka kalna tur an hre chak tak tak nge, hawihawm an chhuah mai mai ni ang? An hawihhawm vang niin ka hria. Mahse, Mizote hi zawhna \angkai lutuk lo, chhan ve ngei ngai si kan inzawt nasa lutuk em tih min ngaihtuah zui tir mai mai a. Nu pakhatin kan inah behlawi rep a rawn zuar a, a vawikhat rawn kalna a ni. Kan indawr fel hnu chuan a kal mai dawn emaw ka tih laiin khawnge in nu? a ti a, khuma a mut thu ka hrilh a. La kal ta chuang lo chuan tinge a mut, a damlo a mi? a ti leh a, ka chhang zel tho a. A tan a va \angkai ber lo em, mahse a hre chak miau sia. Hnamdang hian kal paha zawhna kan inzawh ang hi an inzawt ve vaklo chuan ka hria. A sap\awng takin an in Hi Bye mai niin a lang. Kan tana \angkailo tur leh a chhanna pawh kan ngaihven lutuk chuang loh tur zawhna inzawh kher ai chuan, i \ha maw? tih te hi uar ta zawk ila. Kan thil hriat chak tak tak ni chuang si lo, a chhangtu tur tana din khawmuan phah hialna tur thil phei chu inzawh kher loh a \ha ber. Hman deuh khan kan \hianpa u, nula senior pakhat chu U Question-i tiin a hming kan phuah fiam a. Inhmuh reng reng hian a tlem berah zawhna pathum chu min zawt hman ngei ngei \hin. Chung a zawhna zingah chuan ama tana \angkai a awm mang ngailo lehnghal. Khawnge in kal dawn? Engnge in tih dawn? Tutu nge kal dawn che u? tih vel kha compulsory question a ni ringawt. Tv. Zokhuma ten Internet Khawvel-ah kan cheng tawh an ti a, Village Council pawh Local Council a lo ni ta. Khawvel changkang zelah hian midang thil tih tur kan ngaihven \hin lutuk pawh hi changkan san a hun tawh viau. Hnampui ho chuan i nuna buaipui ngai kha buaipui phawt rawh an ti \hin. Keini chuan midang nuna buaipui ngai kan buaipui hmasa tlat hi hma kan sawn theih lohna a ang. Zawhna \angkai zawhna chang hre lo, thil \angkai tur ngaihven tak tak peih silo kan nih chuan hma kan sawn lovang a, kan khawtlang pawhin hma a sawn lovang. Veng \hatna tur, khawtlang hmasawnna tur thil zawt a, ngaihven \hintute kan hmu tleu zawk tlat \hin hi a mak. Khaw pakhatah chuan thil \ha leh dik duh vanga huaisen taka an khawtlang hruaitute sawisel \hinte chuan mi phunchiar nih an hlawh a, miten an sel let a; an khua chuan hma a sawn lo reng a ni. Keini pawh hma kan sawn a, kan khawtlang a lo changkan theih nan zawhna \angkai inzawt \hin ila, ngaihven tur dik chu i ngaihven huam huam ang u. Chuti ang mi \hahnemngai falte chu en tleu a hnekin i fuih phur zawk ang u. Thil \angkai lova inhambuai lo, thil tak tak buaipui \hin kan tam phawt chuan hma pawh kan sawn phah ngei ang.u

Forbes in India mihausa a thlan chhuah 10 te

1. 2. 3. 4. 5. 6. 7. 8. 9. 10. Lakshmi Mittal ($31.1 B) Sumdawnna - Steel Mukesh Ambani ($27 B) Sumdawnna- petrochemicals, oil & gas Azim Premji ($16.8) Sumdawnna- Software Shashi & Ravi Ruia ($15.8 B) Sumdawnna- Diversified Savitri Jindal & family ($13.2 B) Sumdawnna- Steel Gautam Adani ($10 B) Sumdawnna- Commodities, Infrastructure Kumar Birla ($9.2 B) Sumdawnna - Commodities Anil Ambani ($8.8 B) Sumdawnna- Diversified Sunil Mittal & family ($8.3 B) Sumdawnna - Telecom Adi Godrej & family ($7.3 B) Sumdawnna - Diversified

Mi dang tan Malsawmna Mizote hunpui ber Krismas kan lo thleng leh dawn ta mai a. He hunah hian mi tam tak chuan mi harsa zawkte an \anpui \hin a. Mi dang tan malsawmna an ni \hin. Chuti ang ni thei tur chuan mahni tawkah \an lak \heuh i tum ang u. Mi dang kep ngai ni lovin, mi dang kep theitu nih hi a ropui a. Pathian hnen a\anga malsawmna kan dawn hi i kawmpui tlat lovang u. Krismas leh Kumthar lawmna thawhlawm thawh chungchangah te hian mi chhungte thawh dana inteh mai lovin, mi dang kep i tum zawk ang u. Chu chu Pathian duh dan zawk a ni ngeiin a rinawm.

Thlan lai titi

J Nakuma Zonet-in Zo-Miss an thlan turah kan veng nula zinga mi vawrh tlin a nih ngei theihnan Zo-Miss Committee Pu LTK-a hovin din a ni dawn an ti. J Bial-2 kawngpui pheiah hian naupang chenna tawk vel swimming pool (kawngpui khuara tui tling) a awm an ti. Chesual an awm hma a siam a nih theih nan MHIP lam talin hma la se??!!

TUITU MAN
Bial tina Correspondent leh a man khawntuten Tuitu man November thla thleng khawn fel turin kan inhriattir e. Ngaih pawimawh \heuh tur a ni. Chhungtinte a man \ha taka lo pe leh turin kan ngen bawk e.

Vol. 18 No. 41 TUITU : ELECTRIC VNG : AIZAWL : 13 SAHMULPHAH THLA 2011 (PATHIANNI)

Hriattirna
Special Summary Revision of Electoral Roll, 2012 anga dilna theh lut zawng zawngte chu a hnuaia hun leh hmun ruatah hian inlan (hearing) tur a ni a. Heta kal loten an dilna ngaihhtuah a nih loh pawhin an sawi buai thei lovang. E.Roll-a inthun thar dilte chuan an kum lan chianna document rintlak ken ngei tur a ni. A hun : Ni 16.11.2011 (Nilaini) Dar 10:30 am A hmun : Electric Veng YMA Hall Hemi hunah hian a buaipuitu BLO, DO, Local Council aiawh, party hrang hrang Unit tin aiawh pahnih \heuh, YMA, MHIP leh MUP Office Bearer-te tel \heuh tur a ni bawk e. Sd/- S.T. Manga Chairman Local Council

LAWMTHU SAWINA
Kan fanu Lalrinawmi Sailo (Senpuii)-in 21st G.V. Mavlankar National Shooting Championship a Gold Medal a lak avanga veng chhung mipui leh NGO hrang hrang- Y.M.A, M.H.I.P, Local Council, Church Street United, Electric Veng Shooting Club, M.R.A leh ADRA tena min lawmpuina leh thilpek chi hrang hrang min pek te avangin kan lawm takzet a ni. A hmuahna a mimal Motor thawhtute leh sum leh pai, tha leh tui sengtu zawng zawng te chungah kan lawm em em a ni. A kal leh zelna turah veng mipuite min lo \awng\aipui turin kan ngen tak meuh a che u. Zorammawia Church Street, Electric Veng

TAEKWONDO NEWS
12t Mizoram Junior Taekwondo Championship ni 9-10 November a neihah Aizawl Taekwondo Academy, Electric Veng chu a pumpuia 4-na niin Most Promising Team a thlan an ni a, heng mite hian Medal an la. 1. Laldinthara (Lt. Heavy)-Gold 2. Peter Malsawmtluanga (Bantam)-Gold 3. Medalsanga (Lt. Middle)-Silver 4. Lalruatsangi (Lt. Middle)-Bronze 5. Lalngurliana (Feather)-Bronze 6. Andrew Vanlal\hasangzuala (Lt. Middle)-Bronze Pu Vanlalsawma, Sec-V (B-1) leh Pu Joseph Thansanga, Sec-V (B-1) te chu Taekwondo Federation of India General Body Meeting, New Delhi-a neihah telin an thang mek.
h

LEHKHABU

DISCOUNT

HRALH

HAPTA

Ni 14-18 November, 2011 chhung hian National Book Week, Aizawl-ah hman a ni dawn a. Hemi chhung hian Vanapa Hall chhawng chungah Mizoram Publication Board \anpuina a lehkhabu chhuah tawng Zo\awng leh Sap\awng a ziak bu 300 vel lai 30% discount-in hralh chhuah a ni dawn a, a duh apiang heng lehkhabu man tlawm laia lei turin kan sawm e. Sd/Ngurbiaka President Mizoram Publication Board

C. ZAWMA GUITAR SCHOOL

Keyboard, piano, rhythm, bass, lead, jazz, blues leh classical te hi a bul \hut a\ang International level thleng thiam ngei ngei turin kan zirtir thei a. Special class leh Only Saturday class pawh a awm tel bawk e. Class period : 6:00 AM - 1:00 PM 3:00 PM - 8:00 PM A hmun : ElectricVengYMAHall sir (Sakawrpului) Ph: 8974437490, 8014533426

ADVENTIST ENGLISH SCHOOL ELECTRIC VENG : AIZAWL

2012 atan ADMISSION a hawng leh ta

( KG to Class IV ) Admission fee - Rs. 1500.00 Old comer tan - Rs. 1200.00 Monthly fee - Rs. 400.00 Unau a kal te Rs. 50/- zel concession pek a ni ang. Headmaster Ph: 9615910771 / 9862120374

COMPUTER REPAIRING

Dawr pan buai kher ngai lovin I In-ah engtik lai Hmel\hat leh nalh leh zual i duh em? I duh a nih chuan pawhin kan rawn siamsak ang che. PHONE hmasa apiang facial, pedicure, medicare, sam pawh ngil chenin, mahni in kal hmasak an ni ang. Koh man kan charge ngai lo. lam pawh a koh theih reng ka ni e. Vengchhung mite tlawm (2-2) Contact: 9856735882 zawk a tih sak an ni ang. FIRST STEP PRE- SCHOOL Prop. Lalchhanhimi (Mami) C/o F.Sikula Colony. ELECTRIC VENG, R. DARA BUILDING (2-2) Electric Veng (T.K.V) Naupang kum 2 leh a chanve a\anga kum 4 inkar Ph.: 9612621194 tan kum 2012 session atan November thla chhungin form a lak theih ta. Admission hi ni 9.12.2011 thleng hawn a ni. BLUE STAR ACADEMY 9:30 AM - 3:00 PM inkarah a tih theih e. Chhinga Veng Contact: School - 2315523; ADMISSION NOTICE 2012 Academic Session 2012 tan Nursery-Class IX Day (4-1) Director - 9436153303 ; Pitei - 9612325445 leh Hosteller Admission hawn a ni. Class tin a ti\ha 1st - 3rd MARUTI / SUZUKI position te admission kan lo FREE sak ang che u. Maruti-800, Alto, Zen, A-star Lxi, Wagon, Grand Admission duh tan englai pawhin School ah tih theih Vitara, Gypsy etc. te hi a thar hlak i duh chuan kar khat chhungin company kaltlangin kan chah thleng sak thei a che reng a ni. u. Booking Rs. 2000/Ph: 0389- 2314359, 8575185284, 9436190707 (4-2) Contact: 8974906040 Principal Bial-2
Published and Edited by Lalchuangliana o n behalf of EYMA, Printed at the Gilzom Press, Electric Veng, : Copy 1100. Aizawl

Hmel\hatna