Tuitu

KUMPUAN

(Kr tin Chhuak)

(An Ofcial Organ of Electric Vng Branch Y.M.A)

Khawtlang Nun Siam |hat

Editor Tuitu : 9862374155 VDP Ofce : 2317065 www.eyma.info
: etis b eW

Estd.

1994

Postal Regn No. NE - 1085

YMA chu \anpui ngaite \anpuitu a ni

Vol. 18 No. 15 TUITU : ELECTRIC

VNG : AIZAWL : 15 TOMIR THLA 2011 (PATHIANNI)

V>ng chh<ng
Pi Lalhmingsangi w/o Marlon, Sec-IV (B-3) chu damlohna avangin in lamah enkawl mek a ni a, \hat lam a pan thei meuh lo. Nl. Lalruatdiki c/o V.L. Nunzira Sec-V (B-1) chu ni 12.5.11 (Ningani) khan pumna avangin Grace Nursing Home-ah dah luh a ni. Np. Vanlalrelkima s/o J. Malsawma, Sec-II (B-4) chu Asia Football Festival (U-14), Iran-a neih turah India aiawh tura thlan a ni. India ram state hrang hrang a\anga naupang football thiam fuankhawm ten India aiawh tur hian trial-in thla 1 chuang camp-ah awm hovin an inel a, chung kara kan veng naupang thlan tel a ni hi a chhuanawm tak zet a ni. 14th Mizoram Ofcial Taekwondo Championship 2011 khelh zawh takah Electric Veng a\angin heng mi te hian Medal an la: Lalthlamuanpuia (Sub-Junior)Bronze Lalramropuii (Junior) - Silver Lalruatsangi (Junior) - Bronze T. Laldinthara (Junior) - Bronze Isaac Lalrindika (Senior) - Bronze Pu Chawngtinthanga, Parliamentary Secretary,sssssssssss Sec-IV (B-2) chuan ni 12.5.11 (Ningani) khan Saiha-ah MTA Function hmanpuiin SSA hnuaia RBC Center a naupangte \anpuina thilpek hlanna hun a hmanpui a. Ni 13.5.2011 (Zirtawpni1) khan Lunglei SSA hnuaia RBC lawmna hun a hmanpui bawk. Pu Joseph Thansanga, Sec-V (B-1) chu Aizawl Diocese Catholic |halai Pawl-ah Secretary atan thlan thar a ni. Hall chhuat phah hna chak taka kalpui mek a ni a, hnathawktute dip thei zawngin i awm lo hram ang u.

Electric Veng Branch YMA-in Indoor Stadium dang sa turin ruahmanna a siam
|halaite hmakhua ngaia Mizoram sorkar-in Power & Electricity Department ram tla fual zingzum lai, Volleyball/ Basketball khelh nana Electric Veng Branch YMA hnena a pek ram/ hmunah chuan Indoor Stadium changtlung tak sa turin ruahmanna peih fel a ni ta. He stadium atan hian Er. Lalremruata (Lalmama) Sec-III(B-6) chuan a thlawnin Construction of Indoor Stadium at Electric Veng tih Detail Project Report (DPR), Cheng Vaibelchhe li leh maktaduai 9 man a siam a. Hei hi Chief Engineer, PWD (Buildings)-in counter signature a pek a ngai a, hei pawh hi neih fel a ni ta a. Kan DPR hi CE ofce lam pawhin an endik a, \ha an ti khawp mai. Hemi hnu hian Mizoram State Sports Council Secretary Pu Lianzuala, Sec-I(B-8) zarah Planning Department-ah theh luh a ni a, he ofce-a thawk Pu Lalfakzuala Colney, Sec-II(B-7) leh Pi Lalhmingmawii, Sec-V(B-1) ten Mizoram sorkar pawmpui turin ruahmanna an lo siampui nghal bawk a. He stadium sakna senso hi North Eastern Council a\anga hmuh tum a ni a, chuti ang tur chuan ruahmanna peih fel a ni ta. Pawisa hi hmuh mai a harsa dawn a, hei tak hi sual chhuak turin nasa taka beih a la ngai dawn a. Veng chhung mite kan \an tlan a ngai leh dawn a ni. He ruahmannaah hian bialtu MLA Pu Lal Thanzara chuan a bul a\angin hma a la a, a chungah beiseina sang tak kan nei a ni. NEC-ah hian sorkar hian project eng emaw zat a theh lut dawn a. Chung zingah chuan kan project hi thlan a nih ngei theih nan kil hrang hrangah, mahni theihna kawng kawngah \an i la zel ang u.

Kan Vengah Football boruak thar

Kum 5 liam ta kha chuan Electric Veng \halaite zinga football tihhmasawnnan veng chhung tournament One Day Football tih chu nung taka khelh \hin a ni a. Chu boruak chu hun eng emaw chen a reh hnuin kumin hian Electric Veng Football Club chuan One Day Football awm tawh zawng zawnga ropui ber buatsaih a tum a. One Day Football tih hi a tournament hming a ni a, a \ul dan a zirin ni 2-3 pawh khelh theih a ni. Ni 17.5 (Thawhlehni) leh ni 21.5 (Inrinni) ah One Day Football hi Lammual-ah, phul lem chungah khelh a ni dawn a. Pu Dosavunga Hmar hriatrengnan a chhungten he tournament hi an sponsor a, \halaite hmakhua ngaia an inpekna hi a ropui tak zet a ni. Team chhuak tur hming pe lut pawh 30 an tling \ep a, tournament hlawhtling tak a nih ngei hmel. Veng chhung thler hrang hrang a\ angin team chhuak tur an awm a, Local Council team pawh Presbyterian Kohhran Pastor hovin an tel dawn niin thu kan dawng. Chhungkaw eng emaw zatin \halaite zinga football chawilarnan hian insengsoin an hmangaih kal ta te hriatrengna Club an siam a, an fakawm hle.

Editor Jt.Editors Asso. Editors News Editor

: : : :

Lalchuangliana Lalkulhpuia, Lalhmangaihzuala, Vanlalhmangaihi (Treasurer) P. Dengthanga, Francis Lalnunmawia, Jonathan Ramropuia John Zoliantluanga, K. Liansanga, C. Lalfamkima

Correspondents Lallianpuii Renthlei, Lalthansangi Selsa, Lalmalsawmi, Lalrindiki Fanai, Zothanmawii, C. Lalchhanhimi, P.C. Lalhruaitluangi, C. Lalnunfela, Lalmalsawma, David Lalremruata, Jessy Lalngura, Lalnunmawia, Lalthangkima, Zothansanga, Lalmuanawma O.B. IN CHARGE : K. Lalthanmawia (Secretary)

Tunlai hian Branch YMA Kumpuan Sub-Committee hmalaknain Bazar leh a chheh velah Duty \hin a ni a. Tlawmngaia duty \hinte avangin zu leh ruihlo zuarte, hmeichhe awm \ha duhlo te leh ualau taka ruihlo ti \hinte pawh an tawmimin a reh phah hle a ni. Kumpuan hmalakna hi Mizorama chanchinbu darhzau ber Vanglaini nitin chhuak editorial ah leh chanchinbu dangah pawh a fak mawi zawnga ziah lan a ni a, a lawmawm hle a ni. Kan hriat angin Bazar leh a chhehvel hi mi chi hrang hrang chhuah khawmna hmun a nih avangin zu leh ruihlo zuartute tan pawh a market a \ha a, a mamawhtute tan lah pan a awlsam bawk avangin hmeichhia leh awmnem zawkte tan chuan kal tlang hi a huphurhawm \hin reng a ni. Tunah chuan tlawmngaia duty \hinte avangin kal vel pawh a nuamin a thlamuanthlak hrih hle. Chutihrual erawh chuan kan hmalakna hian veng chhung a thlawh khum palh ang tih a hlauhawm a, Bazar leh a chhehvela kan hmalakna kan hming\ hatpui viau lai hian veng chhungah zu leh ruihlo zalen taka lo zuar ru te, hmun ualau leh biru deuh laia zalen taka ruihhlo lo tiru \hinte an awm thei a ni tih hriain veng chhungah pawh \hahnemngai taka hma kan lakzui reng a ngai. Chuti ni lova Bazar lama kan hmalakna te kan hming\hatpui viau laia veng chhung lama kan lo \awihru palh viau a nih chuan thlanlung hnawihvar, a chhung lam \awp tak te pawh a an theih dawn avangin tun ang hian veng chhungah leh Bazar lamah pawh \hahnemngai takin hma ila tlang zel ang u.

Kumpuan Committee, VDP leh veng chhung welfare-te \angkawp chu ni 7.5.11 (Inrinni) khan bazar sa zawrhna-ah an duty a, No. 4 leh zu eng emaw zat an man. An duty lai hian Pu Lalthanzara, Bialtu MLA chuan tlawhin an thingpui innan `1,500/- a pe. Ni 13.7.11 (Zirtawpni) zing karah Kumpuan Committee, Branch Executive leh VDP te an duty leh a, zu supply \hintu hnen a\angin zu fun 10 man sak bawk. Electric Vengthlang Kohhran CYS te sawmnain Kumpuan Committee chuan ni 8.5.11 (Chawlhni) chawhnu khan hun an hmang a, Nl. K. Lalrinpuii leh Amy Lalrinpuii ten thu an sawi. E.YMA Kumpuan Committee Treasurer atan Nl. Lalrinhlupuii ruat thar a ni. Pi Hauzingi w/o Hausiama (L) chuan a pasal tuamna puan 7 chu Branch YMA hnenah a pe a, a chungah hruaituten lawmthu an sawi mawlh mawlh e.

Section I
Ni 5.5.11 zana section executive committee \ hukhawm chuan an section bungraw hawh man heti ang hian a bituk: 1) Gas stove - ` 50/- (Zan khatah ` 50/- in a pung ang) 2)Steel thleng - ` 1/- 3) Sa sah dawhkan - ` 70/- 4) Dekchi - ` 50/- 6) PA Set - zan khatah ` 300/Chhiatniah thil bikah chuan bungraw hawhman a awm lovang. Ni 8.5.11 (Chawlhni) khan an section huam chhung in tinah chhiatni bika infuih tharna Circular an sem.

Section II

Literature Sub-Committee hriattirna

Section intihsiakna turte: A) Essay - thupui Electric Veng mipuite leh tlawmngaihna. Thumal 1000 - 1500. B) Hla hril (Poetry) - A thu ken tur chu YMA kumpuan Khawtlang Nun Siam |hat lam hawi. Tlar 14 aia tawi lo, tlar 20 aia sei lo. Lawmman 1 - 3 thleng pek a ni ang. Consolation Prize a awm bawk ang. A ziaktuten copy hnih theh luh tur a ni a. Ziaktu-in lehkha hranah hming leh Section ziah lan tur a ni. Thu leh hla ziahte chu June ni 5, 2011 aia tlai lovah Tv. Lalzamliana, Chairman, Lit.Sub-Commt., Pi Lalduhawmi, E.YMA Librarian leh a hnuaia hming ziak hnenah theh luh tur a ni. Lalhmachhuana Secretary, Lit.Sub-Commt.

Ni 12.5.11 (Ningani) zana executive committee chuan section inelna tura item hrang hrang a tel tur te an ruat a. Heng an ruatte hian mahni mawhphurna \heuh hlen turin kan in ngen a ni. Sound Box 2 hman tawh loh chu EYMA Hall ah dah a ni a, a enkawl zui pawh Branch kut ah dah/pek an rem ti. Section Bungrua reng reng Electric Veng YMA member an nih loh chuan \hatni bikah hawh phal a ni lo.

Section III

Section intihsiakna a mi tur Essay inziahsiak leh Poetry inphuahsiak chu hman \angkai an tum hle a, O.B. te pawh ziak ngei turin an inbuatsaih.

Section IV

Ni 10.5.11 (Thawhleh) zan khan executive committee an \hukhawm a, YMA Day denchhena section inelna tura an section aiawh turte an ruat.

Section V

Tunkar khan an section huamchhunga tui bill pek sakin sum an tuak leh.

President V. President Secretary

: C.Vanlalchhuana 9436158138 : Vanlalauva 9436155098 : K. Lalthanmawia 9862587424

YMA Branch Ofce Bearers

Asst. Secretary Treasurer Fin. Secretary

: Vanremsanga : R. Lalrammawia : C. Lalrokhuma

9774008274 9774096646 9436140082

Vol. 18 No. 15 TUITU : ELECTRIC VNG : AIZAWL : 15 TOMIR THLA 2011 (PATHIANNI)

Eng hna nge kan thawh ang?

Ms-i Pa |halaite zinga career guidance neih apianga sorkar hna lian kan sawi vul chuk \hin hi a ngaimawhawm ta hlein ka hria. U.T. hma a\anga tun thlenga kan hna inkawhhmuh ber a la ngai reng hian eizawnna kawng danga hmasawn kan tum lohzia a pholang a tih ngam ang em? Mahni ke-a din tum, hlawhtling mek tlangval pakhat chuan kan ramah hian \halaite tan kawng zawh tur a tam thu a sawi a. He tlangval hian sorkar hna beisei lovin mahniin a inhai kaw laklawh tawh a, kawng thar dap tur pawh a hmuh belh zel a lo ni. A tan hna a vang lova, a rilrua eizawnna kawng thar zawh tur rawn lang zawng zawng chu a takin a kalpui seng lo zawk a ni. Sorkar hna lian thawk a, ofcer ni turin kan inzirtir nasa a, \halaite pawhin chu chu an tum, mahse hnain a daih leh silo. Chu Ofcer hna hmu thei tur chuan an inbuatsaih reng a, hna zawng reng rengin an \hatlai hun hlu tak an hmang \hin. A hlawhtling erawh tlemte an ni. Ofcer nih tumin an lo inbuatsaih laklawh tawh si a, chumi atan chuan chhungte pawisa eng emaw zat an khawhral tawh bawk a. Hna dang neuh neuh, kan ramin a pek ve theih chhun an thawk hrehin an iai tum hrang bawk si, hna hniam deuh thawk dawn se an chhungte lakah an inthlahrung bawk nen, an tang laklawh ta a. A tawpah chuan nula leh tlangval awm mai mai kan tih \hin hi an lo pun phah ta a ni. Kan veng chhungah ringawt pawh hian sumdawng / dawrkai hlawhtling te, bel chhung hlawhtling te, mau leh changel hmanga hlawhtling te, media lama hlawhtling leh kawng hrang hranga hlawhtling tak tak an awm. Mahni kea ding, inhai kaw tawhte hian eizawnna kawng thar zawh tur an hriat belh zel zawk niin an sawi. Mi a inhaikuak laklawh tawh chuan chu kawnga thil \ha inphum ru zawng zawng chu a hai chhuak mai a ni. Sumdawng chuan sumdawnna tur kawng thar a hmu chhuak zel a, lo nei mi pawhin a lo-a chin tur thil \ha zawk a hre thar reng bawk. Chuti ang zelin hna hrang hrang thawkten thil thar \ha tak an hriat belh zel a ni. Sorkar hna thawh tumte erawh chuan sorkara hnaruak awm chhun an nghak fan fan a, an inchuh luih luih \hin. Sorkar hna kan sawisel a ni lo. Kan state-a sorkar hna hi mi tlemte tana siam a ni a, a nawlpuiin kan bawh tlat hi kan ram \han mawh bawk a ni. Sorkar hna thawk tura kan fate kan duh a nih chuan state pawn thlenga kan tirh hreh loh a ngai. Hausak tum tlat hi hmasawnna daltu a ni, intodelh hi a pawimawh ber. Eng hna pawh nise, theih tawp chhuaha kan thawh a, kan mamawh phuhrukna leh chhungkaw chawmna tlak a nih phawt chuan hna chhia a awm lo tih hi kan veng chuan i inzirtir zawk ang u. Chutichuan, nula leh tlangval awm mai mai an tlem ang a, mahni buai buaiin kan buai ang a, kan rama thil \hate hi kan ei dawn reng zuk nia.

Thlanmual Thar Committee

April 2011 chhunga Thlanmual thar lei na sum luh dan. BIAL LUH ZAT 1/A (1) `3550.00 1/A (2) `6650.00 1/B (1) `13000.00 1/B (2) `6720.00 1/C (1) `3000.00 1/C (2) `3050.00 2/A `3600.00 2/B `6450.00 2/C `9000.00 3/A `9370.00 3/B `8000.00 3/C `6270.00 3/D `5550.00 4/A `4900.00 4/B `7600.00 4/C `7150.00 4/D `4580.00 5/A (1) `7850.00 5/A (2) `7650.00 5/B (1) `6600.00 5/B (2) `9480.00 6/A `3580.00 6/B `6500.00 6/C `8500.00 `9350.00 6/D 7/A `5870.00 7/B `5950.00 7/C `4990.00 7/D `4000.00 8/A `4450.00 8/B `7700.00 8/C `4650.00 8/D `2870.00 9/A `1150.00 9/B `3170.00 9/C `4900.00 9/D `2070.00 TOTAL : `219720.00 Tichuan tun ah hian 350000.00 ( Nuaithum Sing nga) kan la ba a ni. Kamliani Fin. Secretary

Thlan lai titi

Kan vengah Ui chhuah khap a nih laiin, Bial-2 a chhungkaw langsar takte Ui chuan mi eng emaw zat a seh tawh a. An \henawm hnai leh an in bula kal tlang \hinten a hlauhawm thu an sawi nasa ta hle. Vengchung (B-1) ah tlai lama hmarcha mut ching an awm a. A bul kawnga kal \hinte leh \ henawm hnai ten hrehawm an ti \hin hle. Thlan laih changa ni sa lutuk leh ruah a sur changa chawlh hahdamna tur awm mumal lo lutuk hian hah a ti zual a, hetiang huna hahchawlhna tur bukte (Hut) tlawmngaih chhuaha min siam sak tu turte hi awm thei se chuan thlan laia thawkchhuak \ hinte hi kan va han lawm dawn em !!

Vol. 18 No. 15 TUITU : ELECTRIC

VNG : AIZAWL : 15 TOMIR THLA 2011 (PATHIANNI)

Pem lehkha chungchanga

HRIATTIRNA

Electric Veng chhunga cheng, pem lehkha neilote chuan June thla ral hmain pem lehkha an nei ngei ngei tur a ni. Veng chhunga in luah tur neite chuan, an in luah tir an tumte chu Section hruaitute kal tlangin Branch YMA-ah phalna an la hmasa tur a ni. Pem lehkha neilote chu Electric Veng chhunga awm kan phal lo a ni. Secretary E.YMA

Pu Hausiama K-90
Pu Hausiama hi kum 1921 November thlaah a piang a, a pa chu Vaisata a ni a, a nu chu Pasal\ ha Hranghleia fanu Rangthangvungi a ni. Ralte Kawlni Rengsi hnam an ni a, pianpui unau mipa 1 leh hmeichhia 5 a nei. Amah hi pa chak leh huaisen tak, huphurh em em nei lo mi a ni. A nupui Hauzingi nen April 25, 1947 khan Chalrang Presbyterian Kohhran Biak Inah Pastor Pasenaa a inneih tir a. Zuchhipah kum 1966 thleng an awm a, Champhaia an pem chhoh leh hnuin kum 1969 khan Aizawlah lutin tuna an chenna Electric Vengah hian an awm ta a ni. Fa 8, tu 23 leh tuchhuan 14 a nei. Zuchhip khaw thirdeng hlun a ni \hin a, sumdawngin hmun hrang hrangah a zin kual \hin bawk. Zuchhip khuaah V/C awm tirh a\angin rambuai kum thleng VCP-ah a \ang tluan zak a. A VCP chhung hian Zuchhip khuaa motor luh theihna tur kawng Km. 5 zet chu sawrkar pawisa tel lovin an lai tlang a ni. Mautam \am laiin an khaw mipui harsate hnenah a pawisa a puktir a, mi \hahnem takin an puk a, eng emaw zat phei chuan an rul leh lo va. Mi thil phal tak a ni a, khaw \henawm tam mi harsa zualte hnenah buh \in 50 a thlawnin a sem bawk. A hovin Khawzawl leh a chhehvel khuate tan Middle School an din bawk a ni. Electric Venga an awm hnuin V/C term 3-ah thlan tlin a ni a, VCP a nih laiin Pianghleia High School leh Primary School II hi din a ni. Electric Veng Hall hmun hi mimal hnenah sawrkarin pek a tum a, khawtlangin Hall hmun atana a lo ruahman a nih avangin, ama hovin nasa takin an dodal a, thuneitute pawhin tihluih chi ah an ngai ta lo a, YMA-in Hall hmun kan neih phah ta a ni. Kum 1998, March khan a pumpui a cancer tih hmuhchhuah a ni a, Greenwood Hospital-ah zai a ni a. A hnuah postrate cancer a ni tih hriat a ni leh a, Grace Nursing Home-ah an zai leh a. In lamah inenkawlin, damdawi tlan tur ten damdawi in-ah dah luh zauh zauh a ni a. Kumin March ni 14-a damdawi in-a a luh leh chuan a na a ziaawm thei meuh lo va, ni 8.5.2011 zing dar 2:40 khan chatuan ram a pan ta a ni.

HRIATTIRNA
Electric Veng Branch YMA bungruate hi Veng chhunga cheng, Thlanmual Fund pe \hinte tan Branch/ Section hruaitute hnenah dilin a hman theih a. Chhiatniah erawh chuan dil hran a ngai lo. Veng chhung mi ni lo te tan bungrua hi hawh a remchang lo tih kan inhriattir nawn leh a ni e. Secretary E.YMA

Lawmthu Sawina
Indoor Stadium sa tura ruahmanna kan siam hlawhtlin theih nana an thiamna leh theihna sengtu, a hnuaia mite hnenah hian lawmthu kan sawi mawlh mawlh a ni e. 1. Pu Lal Thanzara, bialtu MLA 2. Pu Lianzuala, Sec-I (B-8) 3. Er. Lalremruata, Sec-III (B-6) 4. Pu Lalfakzuala Colney, Sec-II (B-7) 5. Pi Lalhmingmawii, Sec-V (B-1) K. Lalthanmawia Secretary, E.YMA

Volleyball Club Hriattirna

A hnuaia hun leh hmun ruatah hian kum 20112012 chhunga Electric Veng Volley Ball Club hruaitu turte thlan tur a ni a, Volley Ball a tui mi te zawng zawng bakah afliated players leh executive member zawng zawngte chu kal \heuh tura ngen leh hriattir an ni. A hun : 19th (Ningani) zan dar 7:00pm A hmun : E-YMA Hall No.2 P.C. Lalchhunga Secretary

E.F.C. INTHLAN

Kum 2011-12 Season chhunga Electric Veng Football Club hruaitu thlanna a hnuaia hun leh hmun ruatah hian neih tur a ni a, One Day Football TournaAdvertisement Fakna ment a Team Manager leh coach te chu kal ngei tura HNA RUAK beisei an ni. Mipa / Hmeichhia, Excel leh Internet thiam, a A hun : 19th May, 2011 (Ningani) 7:30 P.M. rang lama mamawh a ni e. Hlawh chu inbiakremna ang A hmun : Pi Zampuii In (B-2) Returning Ofcer : Pu F. Emmanuel Biakthanchuanga a ni ang. ( Dil tur chuan hmanhmawh deuh nise) Recording Secretary : Pu Lalchuangliana Experience nei duhsak a ni ang. Refreshment tui tak a awm ang, Football a tui Contact: mi te chu kal ngei ngei tur a ni. 9774087161 Gen. Secretary, EFC
Published and Edited by Lalchuangliana on behalf of EYMA, Printed at the Gilzom Press, Electric Veng, : Copy 1100. Aizawl