Since 18th Nov 2007 An official weekly newspaper for the Hyderabad Mizo Association Vol.11 Issue-16 Dt.

10thJuly,11 (p-1)
MIN VEI VE LA

KAN UI EM EM

Vawiin ni ah hian eng hi nge kan vei ve le? Thil pahnih, min vei ve la titu an awm ve tlat a, kan vei ve thei dawn ang em? Chung thilte chu Kohhran leh Khawtlang - te hi an ni. Engpawh nise, he pawl pahnih vei ve tur hian milian leh mite kan awm lova, kan qualification min en lova, kan pumrua ah min en lova, upat-naupan min en lova, hausak-retheih min en hek lo. A tul erawh chu mi inpe te rilru leh taksa, Pathian ram a lo zau theih nan tih leh Kristianna la hre ve lo te hnen a kan nungchang a thusawi, leh kan khawtlang nun kan Zonun zemawi pho lang a, thih pawh ngam a thiante tana inpekna nun te hi anni. Tin, kan state (Mizoram) hi mi state-in an tih theih thiltha ti ve thei kan nih inhriatnate, kanthiamna leh finna, kan zir sannate mahni tan chauh a hmang mai lova kan ram leh hnam tan hman a tul zia hriat a, tih tak tak a hun ta. Kan Kohhran leh Khawtlang hian beiseina sang tak nen min thlir reng mai. Engtin nge min lo tih ve thin lo en ila: Vairam ah kawppui leh han belh tur dang pawh neilovin pawl min siam a, ka lawm khawp mai. Mahse min tih dan ah hian Mizo, Kristian inti ve tho si (nangmah) hian min zahpui nge min ngaina lo, I hlimlai leh lawmlaia min hre tha duh lovin, mangan veleh min rawn hre leh si a. Nang lo hi min enkawltu tur dang an awm si lo a. Hlimhlawp/nawmsipbawl san leh sawinawmnah ah hi chuan min phal bik suh ang che Zoramchhunga awm ka nih ve loh hi. Ram dang, hnam dang ten min thlirin min en reng si a, i thawmhnaw inbel leh I nungchang khawsazia avang khan ka hmel a bal thin in, a lo zahpuiawm thei asin. I nihna ang ang khan min rawn pan la, kei chuan ka hnar ngai lo ang che. Tun, i thatlai hun a min rawn belh chuan i dam chhungin mualpho leh hlawhchham in ka awm tir lovang che, MIN VEI VE LA (He article tha tak mai min chhawpchhuah saktu hi Pu.Lalhruaitluanga a ni a, a chungah kan lawm hle a ni. Member awmsa te leh awmthar tur ten chhiar liam mai lova, a taka zawm kan tum theuh dawn nia. )

C.LALROSANGA(1996-2011) Ni 4 July 2011 tlai dar 6 vel khan

C.Lalrosanga (kum-15) chuan a hringnun zawh laite zawh zovin ropuina ramah kumkhua a Lalpa nena cheng dun tawh turin minlo kalsan ta a ni. ...Sangtea hi Kum 1996 February Ni 14 khan alo piang a, apa hi Upa C.Lalengliana niin Saitual N Kohhran Upa a ni mek a ni. Sangtea hian unau pianpui 4 a nei a, amah hi an unau zinga naupang ber a ni. Nikum 2010 khan a cousin Pu Lalduhawma (Secretary, HMCF) inah Cl-IX zirin Hyderabad ah a rawn awm a. HMCF Naupang Sunday School ah pawh thahnem ngai takin a kal thin a ni. Amah hi naupang fel tak leh thuawih thei tak niin Hyderabad naupang te pawhin an ngaina hle a ni. Tin, a u chiah C.Lalrinfeli hi St Anns College-ah a zir mek bawk. Hyderabad-a a awm hnu hian an khua Saitual-ah chhovin Cl-X a zir chhunzawm a. A thih hma ni thum vela tang khan Saitual Damdawiinah Khawsikpui leh Malaria avangin an admit a, a dinhmun hian that lam apan thei meuh lova. Ni 4 july zing atang khan nikhaw hrelova a awm hnuah tlai lam dar 6 velah ropuina ramah alo kaisang ta a. Mihringte ngaiha hunlo takah, ngai tak chunga thenna thu kan sawi alo ngai ta a ni. Amah ngaia lungngai zawng zawngte hnenah PATHIAN thlamuanna kan dilsak a ni.
Ompuia Ralte; fel tak ani... ai a u te thu a awih bawk si..uihawm tak ani..a mak duh khawp mai. Martin Chhangte Sangtea hi HMCF secy Pu Lalduhawma te in a awm thin ania. Amah hi naupang fel, puitlingtak mai ani. Michael Ruatfela Ralte sainik hovin kan va tuar ve aw..a kekawr ipte a phone a daduhi hla a play lai a va ngaihawm reuh ve....rawn chhuk leh a tum reuh nen a aw.

Midang pakhat tal tan malsawmna nih tum ang che

Published and Edited for and on behalf of Hyderabad Mizo Association by JNTU Mizo

An official weekly newspaper for the Hyderabad Mizo Association Vol.11 Issue-16 Dt. 10th July, 11 (p-2)
LAWRKHAWM EDITORIAL BOARD Editor : Lalhlimpuia Punte Jt.Editor: Benjamin Sangtea Colney News Editors :Reuben Lalrinfela Nehemia Lalramdina (Email : [email protected]) Phone no : 8897194818
9618949207

Thian Tha Ber

EDITORIAL
Tunlai Hyderabad boruak hrim hrim chu a nuam hle tih mai loh zawng sawi tur tam a awmlo a ni e. Mahse kan hriat angin state inchuhna boruak a la lian hle mai. Tunlai chu hmelthar duhawm tak tak hmuh tur kan neih belh zel a, zirna sang zawk bel a he hmun lo pan zawng zawngte kan lo lawm hle che u a, nakin zel ah pawh khawtlang leh kohhran tana mi tangkai tak ni ngei turin duhsakna sang ber kan hlan a che u. Vawiin kan issue-ah hian mual min liam san ta sangtea chanchin Pu.Duhawman minlo thailan sak a, a chungah kan lawm hle, chutih rualin Editorial Board te chu sangtean hunlo tak mai a min kalsan ta mai hi kan hrilhhai a, a kalsan tak a chhungte pawh kan tuar pui tak zet zet a ni. Hringnun kan chan chhung hi ` chuan reilote a tan kan intawng a, in hre reng tur a inthen a tul leh si thin.

Sairawkherh
Naktuk ka birthday chu mahni teee hian ka lawm keuh dawn ami chu awww.. .Hruaitea(Masab) Anti-facebook injection hi lak mai ka duh riau mai. .Zoey (pious) Tunlai chu lung a leng ngang ngang hle mai aaa. f ..Sangtea (UoH) u Transformers 3D-a en chu a ruih a na em mai, en chi tawh loh tawp mai.. f f .Bryan-a(jntu)

Thian dun pahnih hi an zin dun a, an kalkawngah chuan thlaler pal tlang a ngai a. Khaw lum tak hnuaia hah taka an kaldun lai chuan an inhnial thinrim ta a, pakhat zawk chuan a thianpa chu a hmaiah a beng pawp mai a. A thianpa kut tuartu zawk chuan ngawi rengin vaivutah chuan "Vawiin hian ka thian tha berin ka hmaiah min beng" tih hi a ziak a. Inbe lo a an kal dun zel hnuah chuan dil awmna hi an thleng hlawl mai a, chu dilah chuan an inbual ta a. A thianpa kut tuar zawka bawk chu chirhdumah chuan a tang ta a, a pil dawn ta mai a. Pakhat zawk chuan harsa takin a chhanchhuak a. Dil kama lungah chuan "Vawiin hian ka thian tha berin ka nunna a chhanchhuak" tih hi fiah takin a ziak leh a. A hmaia bengtu leh chirhdum atanga chhanchhuaktu chuan makti takin a thianpa chu, "Ka ben che khan vaivutah i ziak a, engati nge tunah hian lungah i ziah leh kher a?" tiin a zawt a. A thianpa chuan, "Miin min tihnat chuan vaivutah hian ziak thin ila, ngaihdamna thli a lo tleh anga chu thuziak chu a reh leh mai dawn a. Miin kan chunga thil tha an tih erawh chu lungah ziak thung ila, eng thli mahin a tireh ve thei dawn lo a ni," tiin a chhang ta a.
Source;zozam.com

@) Africa khawmualpui chhak lama khawkheng nasa tak avang leh chaw lam chi man sang zel avangin mi maktaduai 10 zet chu midangte tanpuina mamawhin an khawsa mek. @) Sudan atanga Saudi Arabia lama pem tumte phurtu, lawnglian chu Red Sea-ah a pil a, lawnga chuang mi 200 zinga 197 an thi. @) Manipur-a sipaite thuneihna sang pekna dan, Armed Forces (Special Powers) Act, AFSPA hlih phuta kum 10 chhung chawngheia nawrh huaihawttu, Iron Lady-a tia a hming an vuah, Irom Sharmila-i hmalakna thlawpna lantirin September thla hian Srinagar atanga Imphal thlengin kawngzawh huaihawt a ni dawn. @) Andhra Pradesh atanga Telangana state hran din tura phutna kal zelah, Telangana biala party hrang hrang MLA 98 chuan banna an thehlut tawh. @) Serlui B Hydel Project tuikhuah kama awm New Builum mite chuan, sorkar thuneitute'n an awmna chhuahsan turin ti mah se, chhuahsan an tum rih loh thu an puang a; an harsatnate chu sorkarin chinfel dan zawng se an duh thu an sawi bawk.
KAN CHHUNGKUA

PICTURE OF THE WEEK PICTURE OF THE WEEK

@) Nl.C.Lalrinmawii JNTU-a zirlai pawh dam takin hyderabad a lo thleng thla leh tawh e. @) Tunkar thawhtan(mon day) atang hian JNAFAU 1st year zirlai te chuan end exam an bei tan dawn. @) University Of Hyderabad-a luh tum te chuan tun kar atang hian admission an buaipui tan ang. @)Kan member thin Nl.Rebecca Zodinpuii tuna Assistant Engineer Mizoram PWD Dept. a thawk mek chuan IIT-Delhi atangin M.Tech(Civil) tha takin a zir chhuak ta. Nl.Rebecca hi JNTU Kukatpally ah B.Tech(Civil) zir chhuak a ni.

u u u Silver jubilee T-shirt sample size tur f g Pi Jerusha Vanlalremruatfeli Hmar Zote in u biak u ah a rawn keng a. Area tin atangin in u a size leh rawng duh ang kan sawi dawn nia . g u

KHAWCHIN (11 July 11 Monday)

th

Max. Temp:- 32 C o Min. Temp:- 24 C (khua a tha ang)

Published and Edited for and on behalf of Hyderabad Mizo Association by JNTU Mizo