KTP Durtlang Branch 1955-2011

KTP INLENG
12th.Jun, 2011

KTP Thiltumte: Isua Krista rinna leh Amah anna kawnga thalaite hruai. Kohhran kutke ni tura thalaite buatsaih. Kohhran hnathawh tihpuitlin. Krista Chanchintha puandarh.

E-mail : [email protected]

VOL 24 ISSUE NO. 24

BIAK IN ZAI HRUAITU TURTE June 15-19, 2011 chhunga Kohhran inkhawm zai hruai turin heng mite hi ruat an ni. 1. Pu K.Lalbiakthanga - Khuang 2. Pu Eddie Lalzidinga - Khuang 3. Pu Lalnunchama - Khuang 4. Tv Zairemmawia - Keyboard 5. Tv K.Lalfakmawia - Keyboard

KUM ZABI 8-NA HUN LAI LEH TUN LAI NUN

(He sermon hi tun hnaia Kohhran camping kan neih lai khan thingtlang hmun pakhata ka zinnaah camp an lo siam ve a. Pre-Camping neih laia Synod Revival Speaker Tv.Zaia Dintharlehna Team thusawi chu kan kohhran tan a tangkai takin tiin ka lo record ve a.K.T.P chanchinbu hmang hian ka rawn puangchhuak ve a ni) - Tete-i Pa

KTP PRAISE & WORSHIP

Durtlang Branch KTP chuan naktuk thawhtan zan inkhawm hi Praise & Worship hun atan a hmang dawn a. He hunah hian KTP member mai bakah kohhran nu leh pa leh naupangte pawh a tam thei ang ber inkhawm turin kan insawm a ni. Praise & Worship kaihruai tur hian T/Upa C.Lalthantluanga chu sawm a ni a. A ni hian tul leh tha a tih angin min kaihruai dawn a, Praise Group leh Musician-ten an pui dawn bawk a ni. Hetiang hun hi kum 2005 khan hlawhtling takin Pu Lalthana kaihhruaina tho hian kan lo hmang tawh a, kha mi huna telte chuan vawiin ni thlengin nuam kan tihzia leh kan hlawkpui ziate kan la hre theuh awm e. A bik takin Campinga Pathian chhandamna changa chhuakte phei kha chu tel ngei turin kan insawmin kan inngen a ni.

KTP - DIGITAL CAMERA PE

Kan member Dr. P.C Lalthlamuana, Medicine Specialist, Presbyterian Hospital, Durtlanga thawk mek chuan, KTP Durtlang Branch-te rawngbawlna atana hman turin Digital Camera tha zet mai, Samsung ES20 Model - 10.2 Mega Pixel chu a thlawnin min pe a. A chungah KTP hruaitute an lawm tak zet zet a ni. Dr. PC-a hian KTP Library-a dah turin a lehkhabu ziah Amidst the Frigid Land (Kristian Love Story) ngaihnawm zet mai chu bu 4 zet a lo present tawh a. Tunah hian kan chanchinbu KTP INLENG hi Internet lamah Website min siam sakin, a upload thlengin min buaipui sak vek zel nghe nghe a ni. Lawmthu kan sawi tak meuh meuh a ni.
Kristian Thalai Pawl : Durtlang Branch

ikum puitling zirlai bu-ah khan Kum zabi 8-na Zawlneite tih kan zir a. Khami bu tlangpui leh tunlai nun Revival Speaker thu sawi ka rawn tarlang dawn a . He thu hi chhiar liam mai lo ka dinhmun nen-a inen chungin chhiar thei ila, article leh sermon dang ang ani satliah lova, han sawi chhawnga han tuihnih dawnin kan tawngkam ni lo taka sawi a awm avangin thunawi zualpui tih loh chu ka rawn tarlang tawp a ni. Kum zabi 8-na Zawlneite tih hian zawlnei chanchin kan zir lova. Zawlnei chuan Pathian hnen atangin thu a dawng a.Chu chu ama tan ni lovin, midang hnena sawi turin Lalpan a pek a ni. Kum zabi 8-na hunlai hian Lalpa, Israel-te chungah a lungni lova,a lungawi lohna va puang turin Pathianin zawlneite thu a pe a ni. Heng hunlai pawh hian mipuite, roreltute, puithiamte awmdan dik lo Lalpan va puang turin a tir a ni. Tunlai kan ram dinhmun kan thlir chuan kum zabi 8-na a Israel dinhmun ang chiah kha kan ni tawh ani. Khang laia Lalpa, an chunga a lungawi loh ang kha tunah kan ram hian kan tawk mek a, kan la tawk zel mai thei ani. He kan ram dam lehna tur chuan kum zabi 8-na hunlai a an hun tawng atang a inenfiah turin Lalpan min zirtir a ni. Kum zabi 8-na lai khan an ram a ralmuang em em a, keimahni ang hian hel leh buaina lian tham sawi tur a awm meuh lova, a hlauhawm loh avangin ramin hma a sawn a, sum lengvak a tam a, a neiin an neih belh thur thur a, ram hausakna a insem rual lo deuh mai a ni. Sakhua lamah pawh an vanglai tak a ni a. Thil pek leh thil hlan inkhawmpui ropui lai tak a ni. Keini pawh sakhua lamah kan vanglai tak a nih a rinawm. Sakhua-na a an vanglai tak kha mihring nun sual lai tak a ni bawk si. Vawiin thleng hian kohhran hruaitu tamtak hian an man thiam lo a ni. Thil awmdan an man loh chu Thlarau lam sakhua leh khawvel thil thleng rual zel hi an man lo. Sakhua nun a vanglai tak hi chuan ram a thianghlim lai tak niawm tak a ni a, a bawlhhlawh lai tak a ni . A awmzia chu ram hmasawnnain sual a hring a, ramin hma a sawn a, pawisa lenglut a tam a. Chu chuan kohhran thawhlawm a tipung a. Biakin sak a pung thur thur a, chu sum chuan mihring nun a tibawlhhlawh tulh tulh bawk si, a inrual a ni. Kohhran changkanna leh hmasawnna khan Pathian kan biakna a tidal telh telh a, a tidanglam zel a. Tingtang leh rimawi dangte nen Amah kan bia kan tih laiin, a hnen a thleng zo tawh lova, kum zabi 8 hun lai pawh khan an be changkang telh telh a, an biak berin a ning tulh tulh a,a rite chuan Amah a thleng zo tawh lova, In hla bengchheng kha la bo rawh u a ti a, in tingtang bengchheng te hi la bo rawh u a ti a ni.

KTP Inleng 2011

KTP INLENG KARTIN CHHUAK VOL 24 ISSUE NO 24

E i o i lB a d dtra or
Editor in Chief C.L.Biakhlua 9856878819
Editors C. Zoremsanga Samuel Ramengmawia 9612297009 9862378735

Joint Editors C. Zarzoliana 9436197307 C.Lalthanzuala 9862363844 C.Lalfakzuala 9436365052 Vanlalpeka Kawlni 9862357170 Correspondent C. Lalthanpari 9615492737 Vanlalchhuani 9862368776 H.Hmingthansangi 9856344441 Circulation Managers 9862360748 9862340399 R.Lalengkima 9612862398 Benjamin Rosangzuala 9862494499 Lalremruata 9862614326

Joseph Vanlalremruata Lalbiakmawia

Khawvel leh a chhunga cheng mihringten hma kan sawn zel a. Kohhran leh thalai rawngbawlna pawhin chak takin hma a sawn ve zel bawk a. Tun hma kum 10 kal ta a kan rawngbawlna leh chetvelna leh vawiina kan rawngbawlna kawng hrang hrangte khaikhin phei chuan a inthlau ta hle a ni. Sum thawhchhuah a let tam takin a lo pung tawh a. Kan hawiher, kan chezia leh khawsak phungte a danglam tawh a.Rawngbawlna tualzawla kan prog ramme ruahman leh chetchhuah dan pawh a a in changkan hleih tawh hle. Chumi atana kan hmanraw hman leh kan bungrua te pawh a man a to in a sang ta hle mai. Hetih lai hian nguntaka kan ngaihtuah tur pawimawh awm chu hetiang a kan chetvelna leh chetvelna atana kan hmanraw hmante a lo changkang mek lai hian a rawng kan bawl Lalpa hriatna leh Amah anna kawngah hian hma kan sawn ve em ? tih lai hi ngaihtuah chian a pawimawh ta hle a ni. Kan rual u te hunlai kha chuan KTP memberte awmkhawmna hmunah an titi tui ber leh an buaipui ber thin chu Pathian thu a ni thin. Vawiinah erawh thalaite hian chu chu kan titi tui ber a ni ta lo em? Khawvel thil leh changkang ringawt buaipuiin kan hmanhlel a, kan hmanrua leh bungraw changkangte pawh a hlimhlawp leh huau huau zawng ngawtin kan kalpui ang tih a hlauhawm ta. Chuvangin hmasawnna hian khawvel thil leh a chhehvel ah chauh min tichangkang tur a ni lo anga, Pathian rinna, hriatna leh zahna kawngahte, a rawng kan bawlna peng hrang hrangah hian min tihmasawn ve tur a ni ang.

Pathian betu thinlungah thawhlawm thawh duhna a pung a, a thawhtu lamah sual a pung bawk a, a hma aiin a thawh tam a, a hma aiin a nun a sual sawt a ni. Inkhawmpuite, sakhua-na te an la urhsun tulh tulh a, sual a pung tulh tulh a. Sakhua-na dah ropui siin Pathian thuawihna kan tlachham tulh tulh bawk si. Bawlhhlawh taka nung siin sakhuanaah thianghlim ber angin an lang a. Kan inhriatchhuah theih nan Pathianin kum khat zirlai min pe a ni. Ram rorelna han ngaihtuah ila, a fel lo kan ti a. Minister leh MLA kan mawhpuh a. Kum zabi 8na pawh khan ram roreltu leh Puithiama pawh kha Pathian ruat tho an ni. Lalpa ruat vek khan mawhphurhna chanvo hrang siin, Lal rawngbawl hna an thawk a. An thawh bera lam tel siin an indah sang phawt a. Lalpa a lawm lo a ni. Ram rorelna a fel tawh loh chuan sakhua rorelna a fel thei lo a ni. Ram roreltu te pawhin ram an vei a, ram a thang a, mirethei a thleng pha ve mai a ni. A thleng pha lo chauh pawh ni lovin, mirethei neih sa pawh chhuhsak a ni zel tawh a ni ber mai! Kohhran chhungah pawh hian miretheiin chanvo an hmu zo mang lova, hmuh har tak a ni. Ram rorelna kha kohhran chhungah pawh seng a ni zel a ni. Kum zabi 8-na thlir leh ila. Pathianin ram hruaitu a dem a, sakhua hruaitu a dem a, mipui a dem a, bang awm miah lovin a hmer vek a ni. Kohhran chhungah pawh hian han sawi vaktu an awm thin lova, Speaker thusawi tamtakah pawh hian bang an awm thin a. A thu reltu lam hi an hmer bang thin a, an nihna sawi tha ngam lovin an in fak siak a, an mahni an inthuai ngam si lova. An mi rawih speaker ten han ti vak dawn se, rawngbawlna kawng ti tawitu a ni tih an hre bawk si thin a. An tel vek tho a nia, an bang bik lo. MIpui lam han en leh ila. Nawmchenna a hluar zel a, mihausa phei chuan nipui leh thlasik in te kan nei nual tawh a. Hausakna a insem rual lova, mirethei ten chan tur kan hmu zo lova, Kristian theuh theuh, piangthar theuh theuh, ringtu theuh theuh kan dinhmun a in ang lo khawp mai. Milian nu hovin nuam an tawl a, sumdawng an rinawm lo tulh tulh a, rethei an bet telh telh a. Nupui /pasalah pawh inkar a zau telh telh a, kohhran nuho tamtak pawh hian Pathian tihmi rethei tak ai chuan, tlem a khawsa thei deuh, inkhawm zeuh zeuh, a in a inkhawmna ah pawh tel tho an duh zawk a ni. Taima ngaisang siin taima taka kuthnathawk aiin, thawh lo hlawh la thei te makpa/mo atan an duh zawk si. Hetiang khawvel hi kan hmang mek ani. Tin, tunlai hian kan nunna te hi Pathian min pek a ni tih hrelo reng reng in nunna lak mai kan awlsam tawh a, mahni nunna pawh ngainep a ho te a intihlum ta mai mai an tam em em tawh a ni. Kum zabi 8-na a Zawlneite chu Isaia, Hosea, Amosa, Mika leh Jona te kha an ni a, Hosea kan hmuhah chuan Innei si lova inkawp an tam em em a. Tumah nula, tlangval, naupang pawh sawi lovin, mi nuin mi pa, nulain mi pa, mi nuin tlangval, tumah thliar lovin ramri awm lovin a kawp duh duh an inkawp mai a ni. Chu chuan Pathian thin a tiur hle a ni. Tunah hian kan ram hi eng ang nge kan nih ve ang le??. Tin, Lalpan puithiamte a dema, hruaitu mitdel a ti a, duham tak an ni. Tawk tih lem an nei lo a ti a ni. Mipui pawh an bang chuang lo. He ramah hian Thutak hriatna a awmlo ati a, Pathian chu an hria,an inthawi a,thilpekte an hlan a, mahse, Lalpan min hre lo a ti. Pathianin an mahni siamthat nan thil tamtak a thlentir a, chuti chung chuan thinlung takin Pathian lam an la hawi thei chuang lo a ni, (Hosea 4:6 ah chuan I Pathian dan i theihnghilh vei a, kei pawh hian i fate ka theihnghilh ve ang tih kan hmu a. Lalpa dan kan theihnghilh chuan kan tu leh fa te a theihnghilh ve a hlauawm a ni. - karleh ah chhunzawm tur..........

PATHIANNI (12/Jun) Penticos Ni Chawhma inkhawm Thupui : An zain hmunkhatah an awm khawm Sawitu : Rev Lalnghakliana Pautu Chawhnu : Thupui : Thlarau Thianghlim nunna petu Sawitu : Upa K.Sanghmingthanga Zan : Thupui : Thlarau Thianghlima khat nun Sawitu : Upa Zasiama Ralte PATHIANNI (12/Jun) Masihi Sanghati Hruaitu : Pu Lalmanliana Tantu : Pu Samuela Thuchah : Nl Hrangzingi THAWHTAN ZAN (13/Jun) Praise & Worship hun atana hman tur a ni ang. (12/Jun) PANGPAR KHAWITU TURTE Nl Lalliankimi & Nl Zairemtluangi Mel 5

THAWHLEH ZAN (14/Jun) Bial chhung intlawhtawn A hmun : Durtlang Kohhran Biak in Hruaitu : Pi Lianzovi, Durtlang Tantu : Pi Thanmawii, Durtlang N Thusawitu : Pi Chuangkimi, Selesih Female Voice : Selesih NILAI ZAN (15/Jun) : : :

Tantu Thupui Hawngtu

INRINNI ZAN (18/Jun) Tawngtai inkhawm Tantu : Thusawitu : Zing Tawngtai inkhawm hruaitu 13/6 - Upa Zokunga 14/6 - Pu Lalrinsanga 15/6 - Pu Rualchhinga 16/6 - Pi Liankungi 17/6 - Pu Zadinga 18/6 - Pi Danmawii 19/6 - Upa R.Laltluanga > > Kristian Thalai Pawl : Durtlang Branch

KTP INKHAWM INCHHIARNA

5/Jun/2011 (Mon)
Andria Jakoba Johana Matthaia Petera Philipa Midang Total 20 25 15 28 16 28 3 135

KTP INLENG KARTIN CHHUAK VOL 24 ISSUE NO 24

EVANGELICAL HUANG
A hruaina che lamah kal rawh...
KOHHRAN BETHEL PUI

Thufingte : I kawng zawng zawngah amah hrereng la, I kawngte chu a kawhhmuh zel ang che.

PRESBYTERY KTP MEETZO

Aizawl Hmar Presbytery KTP Meet vawi 2 na chu kar kalta zirtawp zan atanga Pathianni zan thleng khan Zemabawk Kohhran Biak inah tluangtaka neih zawh a ni ta. He Presbytery meet hi KTP member ten an hlut hle a . Pathian biak inkhawm pawh a nuamin zaiho boruak pawh a nuam hle a ni. Durtlang bial atanga Item neite pawhin tha takin chanvo an tihlawhtling hlawm a. A bikin Pathianni zan Fellowship-a Durtlang Branch-ten show an neih chu mipuiin an hlutin an hlimpui hle a ni.
CAMP RE-UNION NEI DAWN

Camping Follow-up atana Durtlang Kohhranin a ruahman Kohhran Bethel Pui nimin inrinni khan Sihphir Neihbawiha Synod Revival Camping Centreah neih a ni a. He hun hi Kohhranten an hlutin kal an thahnem thawkhat hle a ni. HOSPITAL THUTHAR 1. June 3, 2011 zirtawpni khan Tlungvel-ah Mobile Free Clinic neih a ni a, damlo 263 an en . 2. DR LH Thanga chu karhnih vel cham turin Marpara leh a chheh vela clinic nei turin June 6, 2011 khan a kal. 3. Assesment Camp : June 2,2011 khan CBM (Christian Blind Mission) hnuaia projectCBR(Community Based Rehabilitation) programme hnuaiah mit lam chauh ni lo, piangphunga rual banlo an awm em tih zawnchhuah hnathawk turin Assesment Camp lehlangin neih a ni a, khaw 7- Sailam, Sailsuk, Samlukhai, Lungsei, Sateek, Phulpui leh Aibawk te tlawh an niin Specialist doctor 3 - Dr Lalrinliana Varte (Ortho), Dr Rualthankhuma (ENT) leh Dr R.Lalrindiki (Eye) leh thawktu dangte an kal a, June 9, 2011 khan Assesment Camp hi neih chhunzawm a ni a, khaw 7Tachhip, Sevenphul, Falkawn, Muallungthu, Kelsih, Melriat, Hualngohmunah te tlawhin an kalchhuak leh bawk a ni. 4. Blood Donation : June 9, 2011 khan NSS, Hrangbana College-te chuan Presbyterian Hospital-a damlo thisen mamawh tute hman atan thisen Unit 75 an pe a, thisen petute hi mipa 41 leh hmeichhia 34 an ni.

Pathian min hruai tumna lam nilovin, kan duhna lam, nuam kan tih zawng te, hahdam lamah te kal kan tum a. Pathian kan kar vak thin. Mi piangthar, Lal Isua nei tawhtu, thlarau mi chuan ama duhna lamah nilovin, Lalpa hruaina lam a ngaihven a, Pathian a rawn a, tichuan a hruaina lamah a kal thin. I duhna khan duhna tihhlawhtlin tir tum lovin, a duhna ngaihvenin tihhlawhtlin i tum zawk zel dawn nia. Nangin mi i hruai apiangte Pathian fate an ni

MISSIONARY RETREAT INBUATSAIHNA KAL MEK

Tunhnaia Durtlang Kohhran Camping neih zawh taka Camper-te pualin ni 18 & 19, June, 2011 khian Camp Re-union neih a ni dawn a. Inrinni nileng leh Pathianni-a Rualbanlote Ni nen kaikawpin Camp Re-union hi neih chhunzawm a ni dawn a. Camp neih zawh taka Speaker Tv Laldinthara leh a team Gospel Meichher te chuan rawngbawlna an nei leh dawn a ni. NAUTE NEI THAR Kan member Pu Albert Lalawm puia leh Ruth Lalhmangaihzamite nupa Mel-5 chuan ni 2.June, 2011 khan a hmasa ber atan fapa thar duhawm tak, 3.6kgs zeta rit an nei ta. Tin, Branch KTP hruaitute zing a mi Dr. Lallian sanga leh C.Lalengkimi-te nupa, Mualvengte pawhin ni 9.June, 2011 tlailam khan a hmasa ber atan fapa duhawm tak, 3.350 kg zeta rit chu nei thar bawk. Kan lawmpuiin duhsakna kan hlan e.

July 7-10, 2011 chhunga North East huamchhunga Missionary Retreat Durtlang Kohhranin a thlen tur chu inbuatsaihna kalpui chhoh mek zel a ni a. Hemi atana Sub Committee peng hrang hrang ten budget estimate an siam chu kohhran committee chuan a pawm tawh a. Heng Sub Committee hrang hrang senso tur hi Rs 3,00,000 chuang hret a ni. Tarlan tawh angin he retreat-ah hian Missionary 500 chuang zet leh an kawppui te tel tura beisei an ni a. Heng bakah hian Ramthar Board lama thawktute an tel dawn bawk. Tin, Synod Mission Board lam atangin Mission Field hrang hrang-a Missionary awm zat, he khawmpui-a tel turte hming list dawn tawh a ni a, Mission field hrang hrang thawktu dinhmun hetiang a ni : 1. Arunachal East - 54 2. Arunachal West - 54 3. Assam Field - 49 4. Barak Field - 51 5. Cachar Tlang - 44 6. Karbi Anglong - 107 7. Manipur - 25 8. Shillong -6 9. Tripura - 111 TOTAL - 502 Heng bakah hian Missionary Pastor engemawzat bakah Synod Mission Board lamah thawkte bakah an kawppuite tel tura beisei an ni bawk.

Hemi puala sub-committee hrang hrangte pawh budget estimate kohhran committee-in a pawm tawh avangin, chak taka hma la turin kohhran chuan a beisei a ni. Missionary Retreat pawimawh leh hautak dawng tur Kohhranhote kan inbuatsaih a pawimawh hle mai. Chhungtinte mikhual thleng thei turin inbuatsaih ila. Khawmpui hlawk tak leh hriatreng tlak a nih ngei theih nan tawngtaina nen inbuatsaih theuh ang u.

NGENNA
July ni 7-10, 2011 chhunga Missionary Retreat kan thlen turah Reception & Ushering Sub Committee chuan felfai leh mumal zawka mikhual thleng turin ruahmanna a siam mek a. Hetah hian mikhual thleng thei theuh turin kohhranhote kan inngen a. An hming list Synod lam atangin kan dawng tawh a, kan chhungte emaw,kan thiante emaw kan ina thleng tura hualsa duh bik kan nei a nih chuan heng a hnuaia mite hnenah hian June ni 12, 2011 ral hma ngeiin inhriattir tur a ni e. 1) T/Upa C.Lalthantluanga 2) Tv Lalbiakfima 3) Pu C.Lalfakzuala

GAS CHUNGCHANG LOCAL COUNCIL LEH YMA HRIATTIRNA

Gas hi serial number indawta lak tawh tura ruahman a ni a. Consumer ten mahni lak duhna point-ah June 14, 2011 (thawhlehni) thleng heng ahnuaia mite hnenah hian in report vek tur a ni e. (a) Field Peng - Pu R. Vanlalpeka (b) Zomuana Point - Pu Lalchawimawia (c) Dawrkawn - Pu Lalramena Ralte (d) MC Hall Peng - Pu T. Ramzauva (e) Mual Veng - Pu Lalromawia Chhungkaw khat tan card khat zel hman tur a ni ang. > > Kristian Thalai Pawl : Durtlang Branch

KTP INLENG KARTIN CHHUAK VOL 249436197303 9856878819 / 9862363844 / ISSUE NO 24

KOHHRANA MIZOTAWNG HMAN DAN DIK

Chairman hriat atana thate: 1. Chairman thenkhatin, Kan inkhawmte lo tan tawh ila, an ti thin a. Inkhawm hi pakhat aia tam sawina anih lem loh avangin te tih lam tel kher lovin, Kan inkhawm lo tan tawh ila, tih mai hi a remchang zawk in a lang. 2. Chairman-in, Tunah puan tur tul awm apiangte puang turin kan Secretary kan lo sawm tawh ang, tih duah aiin, Kohhran thupuan i lo ngaithla ang u, tih mai hi a awlsam zawk a, hun a heh lo zawk bawk. Chairman-in tantu a koh danah tawi fel leh dik taka, Tantu tur lo sawm tawh ila, tih mai hi a tha khawp mai. An hming kan sawi tel duh anih pawhin a tha a. Thenkhatin, Kan tantu tanna hun min hmansak turin lo sawm ila, an tih duah thin hi a sei bakah tansak tih hi a dik chiahin a lang lo. Thuhriltu kan sawm pawh hian thu min sawisak turin kan ti ngai lo. Zaipawl sawm danah hengte hi hriat ni se- Kohhran zaipawl Pathian fak hla hlan turin i lo sawm ila, ti kan awm ve leh zauh thin. Kohhran zaipawl Pathian fak hla sa turin lo sawm ila, tih hi a inhmeh zawk. Thawhlawm/thilpek lamah hian hlan tih hi kan hmang a, zaipawl lamah chuan sa tih hman hi a inhmeh. Tin, tualchhung Kohhran atanga kan thalaite zai hi KTP zaipawl ni lovin, Kohhran zaipawl an ni. Kan thuhriltu koh nan Hla No. kan sa ang a, kan sak zawhah a hmun luah nghal sela, tih zawk nise. Chutiangin, Ban nan Hla No. kan sa ang a, chu mi zawhah a hmun luah nghal sela, tih zawk nise. chutiangin, Ban nan Hla No.kan sa ang a, kan thuhriltuin malsawmnain min tin ang a, tih aiah, Pathian fak/chawimawi nan Hla No. kan sa ang a, kan thuhriltuin malsawmnain min tin anga/Lalpa tawngtainain kan tawngtai ang, tih ni se. Thuhriltu koh nan emaw\ ban nan emaw ringawta hla sak ai chuan Pathian fak/chawimawi nan kan sa zawk tur a ni. Malsawmnaa inkhawm tin tura kan insawm hian, Malsawm tawngtainaa kan inkhawm min tin turin.... lo sawm ila ti kher lovin, Malsawmnaa kan inkhawm min tin turin ... lo sawm ila, tih mai hi a tawk. Pathian biak inkhawm hruaina bu-ah pawh Malsawmna hi Malsawm tawngtaina tih kher a ngai lo, tih a ni.

BIBLE QUIZ
Roreltute atangin chhang rawh le.
(Chhanna hi tunkar ningani tlai dar 6:00 hma ngeiin Editorial Board hnenah thehluh tur a ni e) 1. Gideon-a hming dang kha enge? Hint: ********* 2. Hebron khaw hming hmasa enge? Hint: *******-**** 3. Lalpa tana kut, kum tina awm thinna khua kha enge? Hint: **** 4. Gilead mi____chu kum tin ni li sun danah an lo nei ta a. Hint: ******-**** 5. Israel hnam chu Lalpan Mesopatamia ram____a thu hnuaiah kum 8 an awm? Hint: *****-********** 6. Philistia mi 600 sebawng chhunna tiang chhun hlum tu kha tunge? Hint: ******* 7. Samsona pa hming enge? Hint: ***** 8. Tute sawi nge? Nangmah kha lo thawk la, min rawn bei ta che. Patling leh patling inbeih tur alawm Hint: **** leh *******
9.

3.

4.

5.

Pathian mite inkhawmhonaah khan sipai khandaih keng mi engzat nge awm? Hint: ******

6.

10. . Rem dik rawh le. 1) OIEDMENM 2) BALSMAI 3) RAHISTOTA 4) KEAMEALBI 5) TAOHVH-IRAJ 6) TOHSHEIL Kar hmasa Bible Quiz chhangtute zingah heng mite hian an chhang dik vek a. 1) R.Lalmalsawma, Mualveng 2) R. Vanlalhlimpuii, zion Veng 3) Angtei, Mel-5 Heng chhang dikte atang hian thumvawr a ni a. Lawmman dawngtu chu :

Secretary hriat atana thate1. Secretary-in thu a puanin tlak duah loh a tha. Inkhawm/Conference thlen tuma tualchhung programme puan teuhte hi chin loh hram tur a ni. 2. Lawmthu sawi hi Secretary mawhphurhna a ni tlangpui thin a. Lawmthu sawi dawna sawi thiam a har dan thuhmaa neih duah hi a tul lem lo. Tin, lawmthu sawi e ti lovin lawmthu sawi ka duh a tiin lawmthu sawi tak tak mang si lovin a tiltiak der theih. Tin, lawmthu vawikhat sawinaa lawmthu kan sawi mawlh mawlh a ni han tih zente pawh hi a chuangtlai mai mai a. Lawmthu sawi kan ba nasa tih changte kan nei bawk a. Sawi kual sawi kual lova lawmthu sawi mawlh mawlh mai hi a tha maiin a lang. Thiamna lo sang chho zelah saptawng pawh hi kan uar ta lutuk em aw? A theih chen chenah Kohhran Secretary thupuanah pawh hian saptawng hi pumpelh a tha khawp mai. Lalpa Zanriah Sakramen kilho tur chungchang puannaah a thehtu tur hi buatsaihtu tiin kan sawi ta zel zawk a. Upaten an buatsaih a, Pastor/Minister-in a theh a ni zawk mah awm e. Secretary thupuanah hian turah ngai ila tih hi kan hmang uar ta lu deuh niin a lang. (Rawngbawltu dang pawh kan bang chuangin a lang lo). A hman hun takah hman chu a thain a dik thova, amaherawhchu, hawihhawmna ngaiin a hman lohna turah pawh kan hmang tam ta deuh niin a hriat. Thil chiang saah chuan hman loh a tha zawk.

ANGTE-I, MEL-5
(Lawmman hi Manager Nl Maseni hnenah i lam dawn nia)

3.

INLENG PIKSS

4.

5.

Tantu leh thuhriltu hriat atan thate1. A thu kan tihrik takte Lapan malsawm rawh se, tih aiah A thu kan chhiar/ sawi takte Lalpan malsawm rawh se, tih hi a mawi zawk. 2. Thusawi zawh a, A tha laite a awm chuan Lalpan malsawm rawh se, tih aiah A thu kan sawite Lalpan malsawm rawh se, tih mai hi a mawi zawkin a lang.

> > Kristian Thalai Pawl : Durtlang Branch