April 2016

AGAPE

www.mizoramsynod.org

April 2016

AGAPE

www.mizoramsynod.org

April 2016

AGAPE

Editorial

THLAMUANNA
Khawvela kan cham chhung hian thlamuanna duh lo
kan awm wm lo ve. Chhungkua, kohhran, kan hnam leh
kan ram hi thlamuang tak leh hlim takin awm ila kan duh em
em a. Chutih laiin khawvel hmun hrang hrangah buaina a
tam em em a. Ram leh ram, hnam leh hnam intihbuaina,
indona te, innghirnghona karah kan cheng a. Lirnghing, thlipui,
tui lian. etc.-in khawvel hi a chim buai reng a. Keini chuan
Pathian humhimna kan dawng nasa em em a, chhiatna rapthlak
kan la tawk ve lo te hi Lalpa khawngaihna a ni.
Kan Lal Isua thlamuanna tak tak la nei lote tan phei
chuan hlauh tur hi a va tam em! Kan Lal Isuan engtin nge a
tih kha Thlamuanna ka hnutchhiah a che u, keima
thlamuanna ka hnutchhiah a che u, khawvelin a pek ang che
u in ka pek loh che u hi, min ti.
Khawvelin a pek thlamuanna chu eng nge ni? Sawi tur
tam tak a awm thei ang. Tisa thila kan mamawh sum leh
pai, in leh lo, ei leh in, ni tin chakkhaia harsatna nei lote,
taksa hriselna kawngahte pawh, hrisel takte kan nih phei
chuan, kan lawm tawkin kan hlim hle ang a, kan thlamuang
viau mai thei a ni. Chutianga thlamuanna chu chawplehchilha
ral mai thei, bo mai thei, tawp thut thei a ni tih kan hre
chiang hlein a rinawm. Kan Lal Isuan thlamuanna min
hnutchhiah erawh hi chu chatuan atana ral thei lo, bo thei lo,
tawp chin pawh nei lo, chatuan daih a ni. Chu chu amah
ringtute, amaha innghat tlatte, amah nena nun inzawmte hnena
a pek chu a ni.
Chu thlamuanna tak tak neitu chu kan ni em le?
.....
www.mizoramsynod.org

April 2016

AGAPE

Kristian Chhungkua

I THINLUNG VENG |HA RAWH

Lalrampuii
Chawnpui
Thinlung chu rilru ngaihtuahna chhungril bera awm taksa
chettirtu a ni a. Genesis 1:6-ah chuan Pathianin, "Hawh u,
kan anpuiin mihring i siam ang u, a ti a, ama anpuiin mihring
a siam a. "Tin, Lalpa Pathianin leia vaivutin mihring a siam
a, a hnarah chuan nunna thaw chu a thaw lut a; tichuan,
mihring chu mi nung a lo ni ta a," tih Bible-ah kan hmu a.
Mihring chu mi nung a lo nih chiah a\ang chuan ngaihtuah
theihna thinlung a lo nei ta a ni. Chu ngaihtuah theihna chu
Pathian nena kan inzawmna leh inanna thil a lo ni ta a.
Kan thinlung hi Pathian
hnen a\anga kan neih, amah
kan anna a nih avangin thil a
ti theiin a chak em em a, mit
khap kar lekin khawvel a fang
chhuak thei a. Kan duhthusam
a taka chantir thei turin
chakna leh thiltihtheihna min
pe thei a ni. Davida chuan, I
hnnah lawm thu ka hrilh ang
che; hlauhawm tak leh mak
taka siam ka ni si a: I thiltihte
hi mak tak a ni a; Chu chu
ka nunna hian a hre chiang
hle a ni.
1. Pathianin thinlung min
pek chhan : Chutiang taka

thiltithei thinlung Pathianin

min pek chhan chu amah nen
inpawla hlim taka kan len
dun theih nan a ni. Bawhchhiatna awm hma kha chuan
Pathian leh mihring kha Eden
huanah thinlung hmun khat
puin an leng dun \hin a ni.
Thil siam dang zawng zawng
enkawla an chunga thuneia
kan awm theihna turin
ngaihtuah theihna min pe
bawk a, thil siam dangte hian
hetiang thinlung hi an nei lo.
2. Pathianin kan thinlung
a duh : Thil dang zawng
zawng aiin he ngaihtuah
www.mizoramsynod.org

April 2016

AGAPE

thiltihtheihna min pek hi amah

ang kan lo nih theih nana min
pek a nih avangin a ngai hluin
a ngai pawimawh a, thinlung
min pek hi kan tan a hlut
lehzual nan kan duh anga
hman min phalsak bawk a ni.
Kan thinlung hi engtiang
taka hmang theia siam nge
kan nih tih hi Pathian chuan
a hre chiang a. Hetiang bawk
hian Setana pawh hian a hria
a, a theihna zawng zawng nen
a rawn chuh ve a. Keimahnia
an inchuh nasat ber chu
thinlung hi a ni.
Lalpan, "He mite hian
mi rawn hnaih a, an ka leh
an hmuiin mi chawimawi \hin
tak a; nimahsela, an thinlung
chu ka hlatah an sawn a, an
mi \ihna chu mihring thupk
an inzirtir mai chu a ni, "He
miteho hian an kain mi
chawimawi a, an thinlung
erawh chuan mi hlat si a,
Eng pawh ni sela, an
zirtirnaah mihring thupek an
zirtir avangin an mi biak \hin
hi a thlawn mai a ni, a ti.
Thufingte 23:7-ah chuan, "A
suangtuah ang chiah zelin a

ni a awm ni," tiin a sawi

bawk a.
3. Pathianin min tilui lo :
Pathian chuan tu mah a nawr
lui ngai lo va, dawhthei takin
kan duhthlanna zalen taka
hmang turin min nghak reng
\hin. Chuvangin, kan fimkhura, Pathian phal loh thilte
chu suangtuah hauh lo tura
kan intihthianghlim reng a
ngai a ni.
Lal Davida chuan a
thinlung zawng zawngin
Pathian a zawng a, Pathian
thupkte a kal bosan loh nan
leh Pathian chunga thil a
tihsual loh nan a thinlungah a
thute a khawl khawm \hin a
ni. Chutiang chuan keini
pawh hian kan thinlungah
Pathian thute kan khawl
khawm ang a, chutianga kan
tih chuan Setanan kan thinlung a hneh thei lo vang.
4. Engati nge ngaihtuahna
fel lo kan neih \hin? : Kan
duh tlat vang a ni a, a chhan
chu nuam kan tih vang a ni.
Mihringte hian nuam hi kan
zawng khawp a, nuam tih tur
www.mizoramsynod.org

April 2016

AGAPE

zawng hian kan hmanhlel em

em a. Tunlaiin \halai tam tak
pawh hian nuam hi an zawng
a, an la tih chhin reng reng
loh ruih theih thilte hi miten
a nuam an tih vangin an han
ti ve ngawt zel a, an tum loh
deuhvin boralnaah an tlu lut
\hin.
Setana khan Evi kha
Pathian thu awih lo turin a ti
lui hauh lo. A rilru chawk let
kualin a ngaihtuahtir a,
hlawkna a tel turte a hrilh mai
a ni. Evi chuan Pathianin a
phal lo a ni tih hre reng mah
se chung chu a thinlung a\anga
paih bo tum lovin a suangtuah
kual vel a, rilru thar, duhna
thar nen thei rah chu a han
en leh ta a. A hma a\ang tawha
thei rah duhawm ni sa kha, a
itawm thar ta em em mai a.
Evi rilru kha a danglam
avangin thei rah kha a hma
aiin a danglam a, a itawm ta
a ni. Setana ruahmannain a
thawk fuh ta a, bawhchhiatna
a thleng ta! Evi ang hian kan
thinlung veng \ha lova Pathian
duh loh zawng kan suangtuah

luih tlat chuan kan hmabak

chu chhiatna leh boralna a ni
mai dawn a ni.
Sual chuan remhre tak
leh verther tak, awihawm tak
bawk siin mihringte chu min
bum a tum reng a, kan rilrua
kan ngaihtuahna chungah
mawh kan phur lovin kan
suangtuahna ringawt hi a sual
lo tih min awihtir a tum tlat
a. Pathian chuan kan
thinlunga thil \ha lo kan
suangtuahna hi a huat ber a
ni.
5. Thinlung ven \hat kan
mawhphurhna : Kan
thinlung hian kan taksa chet
chhuahna tur hi a thunun vek
a; chuvangin, kan thinlung
ngaihtuahna a \hat chuan kan
taksa a che chhuak \ha ang a,
kan ngaihtuahna a \hat loh
erawh chuan kan taksain thil
\ha a ti thei lo vang. Kan
fimkhur hle loh chuan eng lai
pawhin sual chu kawngkhar
bulah a bawk reng a ni.
Mihringin thil kan tih
reng reng hi kan tih hmain
kan ngaihtuah lawk vek \hin.
www.mizoramsynod.org

April 2016

AGAPE

In kan sak dawn pawhin kan

mitthlain kan sa zo hmasa a,
kan mitthlaa kan sak ang
zelin a tak kan din \hin a ni.
Hetiang hian thil dang kan
tih tur pawh kan ngaihtuah
hmasa \hin. Chuvangin, 'Thil
dang ber aiin i thinlung veng
\ha rawh, nunna lo chhuahna
a ni si a.
|henkhat chuan kan
thinlungah Pathian thu aiin thil
dang kan khawl khawm nasa
lutuk a, chu chuan Pathian
thupek min kal bosantir \hin
a. Chu vang chuan kan
thlarau chhandamna pawh
kan bawh bo \hin.
Kan thinlung hi Pathian
leh Setana indona hmun a ni
a. He indona hmun hi kan
tel ve ngei ngeina a ni a, kan
inthiarfihlimsan thei lo.
Pathian chu hnehtu a nih
theih nan kan beih ngei a
ngai a ni. Engtin nge kan
beih
tak
ang
le?
Chhandamna lukhum leh
Thlarau ngunhnam (Pathian
Thu chu) la ula, tiin Pathian

thuin min hrilh. Hebrai

4:12-ah Pathian thu hi a nung
a, thil a ti thei a, khandaih
hriam tawn eng ang ai
pawhin a hriam a, nunna leh
thlarau, ruhtuah leh thling
phel hrang khawp hialin a
chhun thei a, thinlunga
ngaihtuah leh tumte hi a hre
nghal thei a ni tih kan hmu
a. Hei ngei mai hi kan
indonaa ralthuam rin tlak ber
chu a ni.
A tawp berah chuan
Pathian ram a lo zauva kan
rama sualnate kan hneh
theihna turin nu leh pa,
kohhran, khawtlang leh ram
hruaitute hian kan tu leh fate
kan kaihhruainaah leh
kohhran leh ram tana kan
thawhnaah hian kan rilru
ngaihtuahna
thinlung
pawimawhzia hriaa, kan
thinlungin thil \ha lo hnawla
Pathian duh zawng chauh a
ngaihtuah thei nan kan
thinlung veng \hain kan
ngaihtuah turah duhthlanna
thianghlim thlang turin \an i
la zel ang u. Chutianga kan
tih chuan Pathian ram a lo
zau ang a, kan ram leh hnam
tan damna a lo ni ang.
www.mizoramsynod.org

April 2016

AGAPE

Sermon

IN KAWNGTE CHU CHHUT NGUN RAWH U

Rev. K. Lalrinmawia
Synod Office
Tin, zawlnei Hagaia kutah LALPA thu a lo thleng a; "He in hi a
ram reng laia nangni, in chung thuah neitea in chn hi a hun em
ni?" tiin.... "In kawngte chu chht ngun rawh u. Tam tak in chng
a, tlm t in seng si; in ei a, in tlai si lo; in in a, in kham si lo; in sin
a, in lum chuang si lo; inhlawhfa chuan ip pawpa thlk atan mai a
hlawh a ni....Tlngah kal chho ula, thing han la ula, in chu sa
rawh u; chu chu ka lawm ang a, chawimawiin ka awm ang,"
LALPAN a ti (Hag 1:4-8).

Hagaia hming awmzia

chu 'kt' tihna a ni a, amah
hi puithiam a ni. A
rawngbawl chhung thla li
emaw chauh zawlnei hna a
keng tel a. Chng thla 4
chhung leka a thusawi chu
mi tuin emaw ziakin a lo dah
a. Chu chu Bible-a 'Zawlnei
Hagaia Lehkhabu' kan tih
tk hi a ni.
1. Hagaia leh a hun lai thil
awm dn : Kum 586 BC
khan Babulon lal Nebukadnezzara sipaiten Jerusalem an
la a, Temple pawh an tichhia
a. Juda mi tam tak salah
hruaiin Palestina chu
Babulon ram png khatah a

siam a. Nebukadnezzara
sipaiten an tihchhiat temple
lungphum la ding krahte
chuan Juda mite chu thilhlan
tur kengin an kal fo va. Kum
539 BC-ah Persia lal Kura'n
Babulon chu a rawn hneh a,
Palestina
chu
Persia
thuhnuaiah a awm ve leh ta
thung a. Persia lal Kura chuan
an ram lka mite chu
thlamuang taka awmtrin
anmahni sakhua \heuh an biak
a phalsak vek a. Juda-te pawh
chu an khawpui Jerusalem-ah
kum 536 BC khan an kir leh
ta a. Kura thlaktu Persia lal
Cambyses-a'n kum 525-ah
Aigupta a rn a. Hetia Aigupta
www.mizoramsynod.org

April 2016

AGAPE

rntu sipai, Palestina rama

rawn ltte hian Juda mipuite
lakah harsatna leh tuarna
namenlo an thlen a. Chung
tuarna thlen chhante chu
Hagaia hian mipuiten LALPA
Temple sak \hat an ngaihthah
vangah a ngai a. Persia lal
Cambyses-a chu kum 522-ah
Daria I-in a rawn thlk a.
Daria I hian Davida thlah a
mi Jerubabela chu Judai ram
awptu atan a ruat a. Hagaia
hian Jerubabela chu Davida
thlaha mi ngei a nih avangin
Pathian hun ruat thlentirtu
turah a ngai nghet hle a.
Tunlaia mi \henkhatin 'Zoram
thar' chu kan pipute 'pialral'
tluk thawthnga suangtuahna
nen an hmuak ang mai hian
Hagaia hian 'Davida lalram
thar' a beisei a ni.
Sakhaw la na \hin tak
Juda-ten Jerusalem an luah leh
a\anga kum 16-naah pawh
Temple an la din thar leh lo
a. Anmahni in erawh chu an
sa \ha leh hle tawh a, ceiling
nei in (in chung thuah nei) an
sa fur tawh a. Chuti taka
mahni lam inhaivr hman sia,

an Pathian In (Temple) sak

\hat lam an ngaihsak tlat loh
avang chuan Hagaia chu
Pathianin a au chhuahtir ta a
ni. A han sawi chhuah
hmasak \um lah chuan mite
chuan, 'a hun a la thleng lo a
nih hi, a hunah chuan kan sa
m m ang,' tiin an chhang
a; an ngaihsak zui chuang si
lo. Chutah tak chuan Hagaia
chuan khawkhng leh an
thawh rimnain rah tha a
chhuah hlei thei lo te, Aigupta
rntu Cambyses-a sipaiten
Palestina a harsatna leh
manganna an thlen zozaite
chu Juda-ten Temple sak an
ngaihthah vangah ngaiin, "In
kawngte chu chht ngun
rawh u," a ti ta phiar phiar
mai a ni. Hagaia mitah chuan
Juda-te chu an thawk rim
thlwn a ni ber e.
2. In kawngte chht ngun
rawh u : Chutianga Juda-ten
an Pathian biakna hmun
Temple sak \hat ngaihsak lk
lova mahni in leh lo \ha pui
pui an din si avang chuan
puithiam Hagaia chuan an
awm dn chu ngaihtuah
www.mizoramsynod.org

April 2016

AGAPE

chianga, inen lt tur leh

insiam \haa, Temple sak hna
\an thuai thuai turin mipuite
chu a fuih a, a tur ut ut a ni
ber. Mahse, anni lah chuan
a hunah meuh chuan kan sa
ngei ngei ang, tiin an chhang
a. Chu chhnna chu Hagaia
chuan anmahni hmasialna leh
Pathian ngaihthahna thup
mawina \awngkam mai mai a
ni tih a hre reng a. Lalpa in a
ram reng chunga mahni in saa
an hmanhlelh si avangin an
lakah Pathian a lungni lo va;
\mna, khawkhng leh
vanduaina hrang hrang chu a
rawn thlentir a ni tih mipuite
hnenah a hrilh ta a. Pathian
lungawina tura an nun kawng
zawh mk inen lt turin a fuih
a ni.
3. Kan tana a thuchah :
Babulon sal tang chhuah
a\anga \hang khat lian wrha
Juda mipuite tana Pathian
thuchah hi Mizo mipuite tan
hian eng anga pawimawh nge
a nih ve ang le?
1) Kan politics kawng
chht ngun a ngai : Tun
hma chuan Mizote hian tlng

10

tin khaw tinah lal kan nei a;

lalte chuan upate thurwn
dawng chungin ro an rl \hin.
Kum 1952-a district council
kan neih atangin democracy
kalhmang zuiin khua leh ram
roreltute kan thlang ta a ni.
Heng kan hruaitute kan thlan
dawna vote kan zawn dan leh
vote kan pk tur duhthlanna
min siamtirtu kan thinlunga
thutlkna min siamtirtu ber
chu 'sum leh pai' niin a lang.
Kan politics kawng zawh
mekah hian dikna aiin mahni
\anghma hainain hmun a
chang lian zwk niin a hriat!
Mizo Kristian, harhna chang
chmchi leh pianthar thupuia
neih \hinte u, 'In politics
kawngte chu chht ngun
rawh u.' I thinlunga Pathian
biakna temple sak ngaihthahin
mahni lalna in chung thuah
nei in din \hin hi sim rawh u.
2) Kan eibar zawnna leh
thlarau mna kawng chht
ngun a ngai : Mizo value
system hi eng hian nge
kaihruai ber aw? Sawrkar leh
private company-a hnathawkte hian kan hna hi
www.mizoramsynod.org

April 2016

AGAPE

hlawh hmuh nan chauh kan

thawk a ang hle. Kan hna hi
kan tuipui takzet nge 'hna nei'
nih duh vang maia thawk kan
ni zawk? Sumdawng \henkhat
pawh hian hlep tam m
ngawr ngawrin chhia leh \ha
hriatna dan (ethical standard)
bosal \hakin kan bei mai thei.
Contractor-te pawh hian kan
kawng kan chht ngun a ngai
hle bawk. Kut hnathawkte
hian sawrkar a\anga \anpuina
mitmei ru rn chungin kan
thawk lo maw? Kan thawh
ph twk chiah zl thawh rah
seng tak tak ila kan lungawi
ang em? NREGS-a kan
pawisa dawn zt phu zovin
hna kan thawk em? Kan
thawh mk laite hian Lal Isua
lo kal ta thut se kan zak
ngawih ngawih lo vang maw?
Kan eibar zawn dan leh kan
biak in chhung nun hi a kal
kk phawkin a lang tlat a ni.
Biak in leh kohhran thiltihna
kawnga thlarau m wm f-a
lang, ni tin hna leh eizawnna
lama thlarau mi leh hauh si
lote u, "In kawngte chu chht
ngun rawh u. Tam tak in
chng a, tlm t in seng si; in

11

ei a, in tlai si lo; in in a, in
kham si lo; in sin a, in lum
chuang si lo; inhlawhfa chuan
ip pawpa thlk atan mai a
hlawh a ni."
3) Kan thlarau nun kawng
chht ngun a ngai e : Mizo
Kristiante kan vanneihna
kawng ropui tak pakhat chu
'Harhna' kan chang \hin hi a
ni. Amaherawhchu, harhna
chang nia inchhl zawng
zawngte chan harhna chu a
inang vek hauh lo. Hmasanga
khawthlang ramtea 'thlarau
mi'-a an chhl tam tak angin
harhna chang nia inngai si
hian hruai bona thlarau kan
chang ve hlawm ang tih a
hlauhawm hle. Mahni duh
dn leh thlkhlelh zawng
apiang thlarau aw nia ngai
tlatte hi kohhran chanchin
pawha zirtirna dik lovin a
hneh \hinte kha an ni zel! I
thlarau mna kawng kha chht
ngun hle ang che.
Kelkang harhna zar zo
zawng zawng khan Thlarau
Thianghlim pwlna kan chan
kha duhtwk mai lo ila.
Thlarau Thianghlim pawlna
www.mizoramsynod.org

April 2016

AGAPE

12

miin an chan hian Thlarau

Thianghlim hruaina zui tur a
awm tihna a ni \hin a. A
pawlna chauh duhtawk, a
hruaina zui tum si lo kan awm
ang tih a hlauhawm hlel lo.
Thlarau Thianghlim hruaina
tak tak chu thlalrah pawh,
hmun khawhar leh thlmna
karah pawh rinawm taka hma
lam pana kal zel hi a ni. Kan
hlimin kan phr emaw, phr
lo emaw, Thlarau Thianghlim
hruaina zuia hma lam pan zel
tur a ni e.

hlau, kohhrana hming ziak

pawh thai bo duh hialte hian
khawiah nge an awm tih
inchht ngun a ngai. Pathian
Thlarau
Thianghlim,
Thlamuantu pawlna leh
hruaina chang tan hlauh tur
eng mah a awm tawh loh lai
hian hlauhna thlarau, hruai
bona thlarau kan lo zui zawk
palh ang tih a hlauhawm hlel
lo va. Thlarau mite u, in
kawngte chu chht ngun
rawh u.

Hmasang ata tunlai

thlenga Mizo Kristiante zinga
insawi\haihna awm fo chu
'sakawlh' hlauhna a ni.
Mizorama kohhran lian deuh
deuh \henkhat chu sakawlha
puh an ni \hin. Thlarau
Thianghlim chu 'Thlamuantu'
a ni tih Tirh. 16:7-ah kan hmu
a. Mahse, mi \henkhat thlarau
mi nia inngai, an chan
thlarauvin sakawlh hlauhna
laka a thlamuan zawh hauh
loh an awm \hin. Isua Kristaa
awm tan 'thiam loh chantirna
rng a awm tawh lo' tia Rom
8:1 kan hmuh laia sakawlh

4) Social media kan hman

dan kawng chht nawn a
ngai e : Tunlaia social media
zra hriatna leh thu thar kan
inhlan chhwn chak dn hi a
turu hle mai. Mahse, thlit fm
loh thu kan theh darh tel
chiam \hin hian kan
khawtlang nun a tibuai tel
bawk si. Mizo mipui, a bikin
\halai rualte u, social media
WhatsApp leh Facebook ilo
in hman dan hi chht nawn
hrm teh u. Thu belh chian
dawl lo te, veng leh veng
inkar thu te, kohhran leh
kohhran inkar thu te mahni
www.mizoramsynod.org

April 2016

AGAPE

awmhmun ngaih dan ang

anga theh darh hian hlawkna
a pai lo asin. Handset neih
\hat avanga sawrkar leh
thuneitute thu vuakthlk dan
thlirna tlang khat chauh
a\anga lo comment ve chiam
hian hlwkna eng nge a neih?

13

Mahni thlirna zawn a\anga

kim lo taka kan thu dawn social media hmanga theh darh
thu-ah in kawngte chht ngun
hle rawh u.
Lalpan a thu malsawm
rawh se.

PRESBYTERIAN HMEICHHE HOSTEL

HRIATTIRNA
Pawl 11 zir tur, kum 2016-2017 chhunga Presbyterian Hmeichhe Hostel-a awm duh tan ni 11.5.2016
thlengin dil theih a ni e.
Interview hun : Ni 12.5.2016, 11:00 am
A hmun
: Synod Committee Room I
Seat awm zat : 18
Dilna form chu Kohhran Hmeichhe Department,
Synod Office-ah leh Warden, Presbyterian Hmeichhe
Hostel, Kulikawnahte lak theih a ni.

(REV. P.C. PACHHUNGA)

Executive Secretary
i/c Presbyterian Hmeichhe Hostel
www.mizoramsynod.org

April 2016

AGAPE

14

PATHIAN CHENNA
Laihnuni
Venghlui, Aizawl
Lalpan, Van ka \hutphah a ni a, Lei ka kephah
nghahchhan a ni. In eng angin nge mi saksak ang? Ka
chawlhna hmun pawh eng nge ni? Keima kutin heng
thil engkim hi ka siam lo vem ni? a ti a, tiin a sawi ang
khan (Tirh 7:46-50).
Thuthlung hlui hunah, Israel-te thlalera an awm lai khan,
Lalpa chu a mite hnenah intihniamin, Mosia hnenah, An
zinga ka chen theih nan bawkte mi siamsak rawh u, a ti a
(Ex. 25:8), a siam ta reng a. Davida chu, Pathian mit hmuhin
duhsak tlakin a awm a, Jakoba Pathian tan awmna siamsak a
dil a. Chuta Pathianin a chhanna chu, a chunga kan tar lan
tak khi a ni a. Mahse, Lalpa chuan, I thlahte, i fate zinga mi
chu ka tungding ang a, ani chuan in mi saksak ang, a ti a.
Davida khan Jerusalem-ah Temple sakna tur hmun a lo
buatsaih a, chutah chuan a fapa Solomona chuan Pathian tan
temple a sa ta a (2 Chro. 3:1). Chu temple chu a ropui hle a,
kum sawm li paruk chhung an sa a ni.
Temple chhungah chuan,
thuthlung ziakna lungphek
pahnih, Mosian Horeb tlanga
a dah chauh lo chu eng mah a
awm lo (1 Lal. 8:9).
Solomonan, Pathian hnena a
hlan hnu chuan, van a\angin
mei a lo chhuk a, halral
thilhlan leh inthawinate chu
a rawn kang ral ta vek mai a
ni. A va ropui em! Jerusalem, Pathian chenna khawpui

chu Israel-te tan theihnghilh

thiang a ni lo. An sal tanna
hmun a\ang pawhin, Aw,
Jerusalem, ka theihnghilh che
chuan ka kut ding lam hian a
thil thiam hi theihnghilh ve
rawh se, ka hriat reng loh che
chuan ka lei hi ka dangah bet
tlat rawh se; ka hlimna ber
aia Jerusalem ka duh zawk
loh chuan, an ti \hin a ni.
www.mizoramsynod.org

April 2016

AGAPE

Chutiang taka Pathian

chenna, Temple ropuia
rawngbawltute chu dan
hnuaia rawngbawltute an ni.
An pathian biakna chu ran
thisen a ni a, a betute chu
bawihnu fate an ni. Chu
temple chu Lal Isuan a tlawh
a, Juda-te hnenah chuan, He
in hi tichhia ulang, ni thum
chhungin ka tungding leh
ang, a ti a. Juda-te chuan an
awih lo hle. Nimahsela, a
taksa in thu a sawi a lo ni
zawk si a, a zirtirte pawhin a
thawhleh hnuah an hre fiah
chauh (Jn. 2:19).
Thuthlung thara Lalpa
temple erawh chu kuta sak a
ni lo va. Kristan a thihna leh
thawhlehna hmanga a din a
ni. Thuthlung hlui temple aiin
a ropui daih zawk a, a man
pawh a tam zawk a, a
lungphum chu Isua Krista a
ni. Pathian thu chuan, keini
zawng Pathian nung biak in
kan ni si a, Pathianin,
Anmahniah ka awm ang a,
anmahniah ka leng bawk ang;
tin, an Pathian ka ni ang a,
anni pawh ka mite an ni ang,
...ka lawm ang che u a, in
tan pa ka ni ang a, nangni

15

pawh ka tan fanu fapa in ni

ang, Lalpa engkim titheia
chuan a ti. Pathian Thlarau
zara Pathian bia kan ni a, kan
sual thawina chu Krista thisen
a ni ta zawk a ni.
Thuthlung hlui huna
Jerusalem temple chu,
thuthlung thar huna Pathian
kohhranho hlim thla a ni a,
an rawngbawlna pawh,
hlimthla rawngbawlna a ni
bawk a. Mi sualte tana Krista
inhlanna leh a puithiam hna
entir lawkna ropui tak a ni.
A tak chu Krista ta tih ziak
ang khan, a tak chu Kristan a
thawk zo ta. Tin, nangni
pawh, in bawhchhiatnate
avang leh in tisa serh tan
lohna avangin thi in lo ni a,
nangni ngei chu amah nen a
tinung che u a nih kha. Kan
bawhchhiatna zawng zawngte
min ngaidam a, batna lehkha
thupeka ziak, kan chunga
awm, min dodal \hina chu a
thai bo tawh si a, chu ngei
chu krawsa kheng betin a la
kiang ta a, tiin. Lalna leh
thuneihnate chu hlip thlain,
chu krawsah chuan chungte
chu hnehin, a langin hriattir
www.mizoramsynod.org

April 2016

AGAPE

nan a hmang ta a. Chu kraws

chu, hriattirna tar chhuah,
Pathian rilru puan chhuahna
a ni. Krista hnathawh zawh
tawh chu puan chhuah a ni
ta. Tichuan
1) Tihnun kan ni tawh.
2) Kan sual zawng zawng
min ngaidam tawh.
3) Kan sual man bat pek tlak
a ni vek tawh.
4) Krista zarah hnehtute kan
ni ta.
Heng thutak puan
chhuahte hi rinnain, mahni tan
ngei kan seng lut a. Krista
chu keimahniah, kan thinlung
chhungah a lo lut ta a, thil
siam thar kan lo ni ta mai a
ni. Lalpan keimahniah
thuneihna a chan tak avangin,
Pathian nunna Thlarau
changtute kan ni. Keini
zawng, Pathian nung temple
kan ni a. Puthiam thianghlimho kan ni bawk a (1 Pet
2:1-5); chuvangin, sualna
zawng zawng te, itsikna leh
sawichhiatna te bansan turin
Lalpan min duh a ni.

16

Lalpan a zawlneite
hmanga a lo puan \hin chu,
Krista zarah a takin
keimahniah a lo thleng ta mai
a, a va ropui em! Chutiang
mite chuan, kan ringtupuite
nen, lungrual taka Lalpa
rawng kan bawl ho theih nan,
he hmuh theih kohhran hi
Lalpan a din a ni. Kan thlarau
chu hmuh theih loh kohhranah
a tel a, kan taksa erawh chu
hmuh theih kohhranah Lalpan
a teltir thung. Amahah chuan
lungrem hrang \heuhte rem
taka chuktuahin, Lalpaah
chuan biak in thianghlim a
chang zel thin (Eph. 2:21).
Lungrem khi chu a \ha
lo va, a khi karah rul te, sazu
te leh thil dang tam tak a lut
thei a, Lalpa tan rimchhia a
lo ni \hin. Pathian ngei chu
mihring chhungah a lo awm
ta. Lal puithiam, hnam thianghlim kan ni si a. Chung lam
Jerusalem erawh chu bawih
a ni lo va, chu ngei chu keini
nu chu a ni.
Chhiartu zawng zawngte
Lalpan malsawm che u rawh se.
www.mizoramsynod.org

April 2016

AGAPE

17

KRAWS HLUTNA
Rev. Dr. C. Chawnghmingliana
Editor, Synod Office
"Kraws thu chu boral mek tan chuan atna a ni si a,
keini chhandam mekte tan erawh chuan Pathian
thiltihtheihna a ni zawk e" (1 Korinth 1:18).
Ni khat chu arpa hian arpui chaw tur zawngin buh in
chhehvela buhpawl a thai a thai a. Mak tak maiin lungmawi/
lunghlu a thai chhuak ta hlauh mai a. Arpa chuan chu
lungmawi chu ngun takin a en a. "Eheu! A ngainatu tan
chuan thil hlu tak zawng i nih dawn hi le. Mahse, kei erawh
chuan khawvel lungmawi zawng zawng ai pawhin buh fang
khat lek pawh ka duh zawk si a," a ti ta mai a. Hei hian kan
nihna azirin kan ngaihhlut zawng a dang thei tih a lantir hle.
Kraws pawh hi chutiang
chiah chu a ni. A hlutna hretu
tan chuan khawvel thil zawng
zawng aiin a hlu zawk a, 'a
neih zawng zawng a hralh a,
lo chu a lei ta a' tih ang mai
khan. Tin, a hlutna hre fuh
lo tan erawh chuan engmahlo,
thu atthlak mai a lo ni, 'Kraws
thu chu boral mek tan chuan
atna, keini chhandam mekte
tan chuan Pathian thiltihtheihna' tih ang khan. A
hlutna hre fuhtu Paula chuan,
'Keia tan zawng nun hi Krista
a ni, thih pawh hlawkna' a lo
ti daih mai. A hlutna a hriat

fuh tawh avangin khawvel

ropuinate chuan a khawih
buai tawh lo va, "Nimahsela,
ka tana hlawkna tur apiangte
chu, chung chu Krista
avangin channaah ka ruat ta
a ni. A ni takmeuh mai, ka
Lalpa Krista Isua hriatna
ropui bikzia avangin thil
engkim pawh channaah ka
ruat a ni; amah avangin thil
zawng zawng ka chan ta vek
a, chung chu hnawmhneah
lek ka ngai a," a ti thei tlat
(Phil. 3:7,8). Kraws hlutna
hmu fuh tawh vek vek chuan
nun chan an ngam sarh mai.
www.mizoramsynod.org

April 2016

AGAPE

John Knox-a fanu Jane-i

hnenah chuan, "I pasal hian
Krista a rinna a phatsan
chuan kan chhuah ang a, a
phatsan duh loh erawh chuan
a lu kan tan dawn a ni," an ti
a. Jane-i chuan zamna chhe
te pawh a nei lo, a pasalin
Isua a phatsan chu phal
lovin, "Pute u, ka pasala lu
chu ka lo chang mai ang e,"
a ti hmiah mai. A hlutna hre
fuh vek vekin heti taka an
ngaihhlutna chhan chu
kawng thum chauhvin i lo
thlir ho teh ang.
1. Kraws chuan lei leh van
a inremtir : Kan bawhchhiatna avangin Pathian nen
mi hrang kan lo ni tawh a.
Kan Pathian thu chuan
Pathian nena mi hrang kan lo
nih thu hetiang hian min
hrilh: "Nangni pawh hmana
in thil tihsualnaah khan ama
lakah \henin in lo awm a, in
rilruah chuan a hmelma in lo
nih kha" (Kol. 1:21).
"Hmelma kan nih lai maha a
fapa thihna avanga Pathian
nena inrem tawh kan nih si
chuan, inrema kan awm tawh
hnu hian a nunna avangin
chhandamin kan awm ngei
ang" (Rom 5:10). Kan

18

bawhchhiatna
avangin
Pathian anchhia chu kan
chungah a tla a, Pathian hrem
ba kan lo ni ta. 'Sual man
chu thihna a ni' tih chu kan
hmabak a ni ta reng mai.
Pathian nena han inrem
lehna kawng reng a awm
tawh lo. Dan zawm \hat
avanga thiam chan tumin han
bei sasawi teh mah ila, tu
mahin thiam an chang zo
tawh bawk si lo. Mahse,
Pathian chuan a mi
hmangaihna chu fak tlaka
lantirin, a fapa Lal Isua Krista
thihna leh thawhlehna avang
chauhvin Pathian nen inremin
kan lo awm leh thei ta.
"Famkimna tinreng chu
amaha awm reng leh a kraws
thisen chuan remna lo siamin,
amahah chuan engkim amah
nen a inremtir hi Pa lungnih
zawng tak a ni si a; amah
ngeiah chuan leia thil awmte
pawh, vana thil awmte pawh
amah nena inremtir hi" (Kol
19&20).
Kraws thisen avangin
Pathian nen kan lo inrem leh
thei ta a, van khua leh tui nihna
www.mizoramsynod.org

April 2016

AGAPE

kan lo nei leh thei ta. A va

han lawmawm em! Lalpa chu
fakin awm rawh se.
2. Kraws chuan Pathian fa
min
nihtir
:
Kan
bawhchhiatna avanga Pathian
laka hmelma kan nih rual
khan fa nihna kan hloh nghal
a, Pathian nena pafa anga
awm thei tawh lovin Pathian
hmelma kan ni ta si a. Pathian
fa nihna kan hloh va, Diabola
fa kan nih thu Lal Isua pawhin
min hrilh. "Nangni zawng in
pa Diabola hnena chhuak in
ni a, in pa duh zawng tih in
duh a ni" (Jn 8:44).
Pathian chu hmangaihna
a nih avangin, a fa kan nih
leh theih dan tur chu amah
bawkin ngaihtuah lehin
kawng min hawnsak leh ta.
A Fapa Lal Isua Krista thihna
leh thawhlehna avang bawkin
Pathian fa kan lo ni leh thei
ta a ni. Johana chuan, "Ngai
teh u, Pain min hmangaihna
chu a va nasa em! Pathian
faahte min vuah tak hi,
chutiang chu kan ni reng e,"
tiin min hrilh. Paula pawhin,
"Hlauva awm leh turin bawih
nihna thlarau in hmu a ni si

19

lo va, fa nihna thlarau in hmu

a ni zawk e," tiin min hrilh.
3. Kraws chuan khawvel
nen min \hen hrang ta :
Tirhkoh Paula chuan kraws
hi a ngaihlu a, thil dang ber
aiin a chhuang em em a, a
chhan chu, 'Kraws avang
chuan khawvel hi ka tan khen
behin a awm a, kei pawh
khawvel tan khen behin ka
awm a ni' a ti. Khawvel tana
khen beh chu eng tihna nge
ni ta ang le? The Living Bible
chuan 'Kraws avang chuan
khawvel mawinaina min
hipna ka lo ngaihhlut em em
\hin kha tihhlum a ni daih
tawh a, khawvel min
ngaihhlut vena pawh kha
tihhlum daih tawh a ni' tiin a
dah a. Tin, Today's English
Version Bible chuan, 'Kraws
avang chuan khawvel hi ka
tan chuan thi a ni a, kei pawh
khawvel tan chuan thi bawk
ka ni' a ti ve thung. Heng
Bible lehlin hian a awmzia
chu a tichiang viau awm e.
Min tichhetu ber chu
khawvel thil hi a ni a,
piangthar kan tlo theih lohna
chhan ber pawh khawvel thil
www.mizoramsynod.org

April 2016

AGAPE

ngaihhlut lutukna hi a ni. Kan

han piangthar ve a, kan
nungchangte a inthlaka, kan
han nung \ha ve viau va;
mahse, rei lo teah kan
khawvel \hiante kan hnar/nep
zawh loh avang te leh
khawvel kan thlakhlelh tlat
\hin avangin kan tluchhe leh
\hin niin a lang. Kan Pathian
thu chuan, "Khawvel \hian
nihna hi Pathian hmelma
nihna a ni a, tu pawh
khawvel \hian nih duh apiang
chuan Pathian hmelmaah a
insiam \hin a ni," tiin min hrilh
(Jak. 4:4). Khawvel nena
in\hian hi nuam viau dawnin
kan hre \hin a ni mai thei e;
mahse, kan nun tibuaitu mai
a lo ni leh \hin. Chu nun
hrehawm tak mai chu tlan
bosana, in\hen vang vang kan
duh takzet a nih chuan, kan

20

Lalpa Isua kraws chuan min

in\hentir vang vang thei a ni.
Nangma duh danin kal lo la,
Lalpa duh dan zelin kal ang
che. Tichuan, Kristaa nun
hlimna thuruk chu i chang
ngei ang.
Aw le, khawvel mite tan
chuan kan Lalpa Isua Krista
kraws hian hlutna nei lo mah
se, nang leh keia tan erawh
zawng Pathian nena min
inremtir lehtu, Pathian fa min
nihtir lehtu leh khawvel sual
nena min \hen hrangtu a nih
avang hian a hlu ngawih
ngawih a ni. Chuti taka a hlut
avang chuan thil dang zawng
aiin kan ngaihluin kan
chhuang tur a ni.
Lalpa'n a thu kan zaa tan
mal min sawmsak rawh se.
Amen.

Phek 19-na chhunzawmna...

chu entir ngei turin a phut tlat mai a. Zahthlak takin a
inpuan a ngai ta a; a der maia ti \hin a nih thu leh rimawi
tum thiam a nih loh thu chu a sawi a ngai ta a ni.
A dera nun leh dawt chu a tlo ngai lo. A tirah hre
chhuak lo mah se, a hnuah a lang chhuak tho tho \hin.
.....
www.mizoramsynod.org

April 2016

AGAPE

21

PHENGLAWNG TUMTU
Vawi khat chu Japan rama rimawi tumtu pawl pakhatah
hian mi challang leh hausa tak pakhat, rimawi lama hriat
leh thiam nei mumal miah si lo hian tel ve a tum tlat a. An
lalber hmaa rimawi an tum dawn avangin tel ve a duh a
ni. Conductor chuan mi langsar tak a nih avang leh tel ve
a duh em avang chuan, hreh tak chungin music a tum \ha
thiam lo chung chuan tlar hnihnaa awm ve turin a phalsak
ta a, a chanvo atan phenglawng a kentir ve ta a.
Lalber hmaah chuan concert an \an ta a, chu pa chuan
a phenglawng chu a keng kang a, a hmuiah chuan a'n
chuktuah a, ham angin a hmui te chu a tisawi kual ve a, a
kutzung\angte chuan a hmet kual ve a. Rimawi an tum
chhung chuan chutiang chuan a lo ti ve a; mahse, eng mah
a tiri chhuak ve lo va. Chutiang chuan kum hnih lai an
pawlah chuan rimawi eng mah tiri chhuak ve lova a dera
ti reng chung chuan a tel ve \hin a ni.
Kum hnih hnuah chuan conductor thar an nei ta a, an
conductor thar chuan mi tin chu an thiam dante hriat chian
a duh avangin an chanvo \heuhte chu a mal malin a hmaa
entir turin a ti a. A \hiante chuan an chanvo \heuh chu an
conductor hmaah chuan thiam takin an entir hlawm a.
Phenglawng tumtupa hun chu a thleng ve ta a, a
inngaihtuah buai hle mai a, mahni chauhva tih tur a nih
avangin a hmaa ri chhuak lova a tih angin a tih theih si loh
va. Damlohna vanga ti thei lo anga lan a tum ta a. Mahse,
amah en tura doctor an koh chuan, Eng mah \hat lohna a
nei lo, a ti bawk si a. Chhuanlam tur dang a hre bawk si
lo va, conductor lah chuan a hmaah chuan inlana a thiamna
Phek 18-naah chhunzawm a ni
www.mizoramsynod.org

April 2016

AGAPE

22

Hriselna Huang

THIN VUNG (HEPATITIS)

Dr. Zoramthanga, MD (Medicine)
Thin hi taksa peng zinga pawimawh tak pakhat a ni a.
Kan thil ei zawng zawng hi thinah a lut vek a, taksa tana
hman tlak turin a lo sawngbawl \hin a ni. Taksa mamawh
hrang hrang chhek khawlin a \ul angin a sem kual \hin a ni.
Taksaa bawlhhlawh tam tak chu mit (bile)-ah a paih chhuak
a; tin, damdawi tam tak hi thawk thei turin a lo siam danglam
a, an thawh tur an thawh zawhah a paih chhuak leh \hin.
Thisen tikhaltu hi thin siam a ni a, thin chak lote hi an thisen
a pan a, an thi duh bik a ni. Thin chak lo chuan vung a thlen
thei a, taksain hrik a donaah thui tak a thawk bawk a ni.
Hepatitis hi thin vung
tihna a ni. Chhan tam tak a
nei a. Natna hrik virus, bacteria, protozoa te, damdawi
chi hrang hrang antibiotic,
na chhawkna, hnimhlum,
cancer damdawi, etc.-in thin
vung a thlen thei.
Hepatitis hi acute leh
chronic-in an \hen leh a.
Acute awmzia chu awm
thut, rei vak lova dam leh mai
hi a ni a. Chronic erawh chu
benvawn tihna a ni.
Acute hepatitis : Acute
hepatitis-ah chuan
khua a sik ser ser a,
an chau ngawih ngawih,

thin zawn a na,

luak a chhuak,
chaw ei a tui lo,
mit a liam (jaundice).
A tlangpuiin kar 2 velah
an dam leh mai \hin.
Chronic hepatitis : Acute
hepatitis dam zo ve ta lo chu
a benvawn ta \hin a ni. Thin
vung an lo neih benvawn hian
zawi zawiin a cell (timur) te
kha a tichhia a, insiam \ha leh
mah se ngai a awh tawh lo
\hin a ni. Thin vung hian ser
a siam a, a rei tawlh tawlh a,
ser a tam tawlh tawlh a, heng
serte hian thin lo pawt
sawngin cirrhosis (thin
www.mizoramsynod.org

April 2016

AGAPE

sawng) a rawn thlen ta \hin a

ni. Hetih hunah hi chuan thin
a chak lo hle tawh a, a veite
chu hetiang hian an awm
tlangpui:
An zawiin an chak lo.
An vung/An pum a puar.
Thi a put awl hnar thi,
thia luak, ek dum, etc. an nei.
Mit liam, eng pip pep/
thisen tlem.
Rilru a khawih buaiin
nikhaw hre lo (coma) te
pawhin an awm thei.
Pumpui hnuna thisen
dawt puar tein an awm \hin.
Mitliam kan tih mai Viral
Hepatitis A hi thil thianghlim
lo ei vanga thleng a ni a. Mit
(eye) a lo eng a, an zawi hle
a; mahse, a tlangpuiin kar hnih
velah an dam leh mai. Zu in
vak pawh hian Acute Hepatitis a thlen \hin. Miin zu a in
reng chuan Chronic Hepatitis
a thlen \hin a ni. Mizoramah
hian heng hepatittis kan sawi
tak zingah hian hepatitis
benvawn pathum kan buaipui
zual a; chungte chu Alcoholic
hepatitis (zu), Chronic
hepatitis B leh Chronic
hepatitis C-te a ni. Heng veite

23

hian thin cancer an vei duh

bik a ni.
Tun \umah hi chuan
Hepatitis B leh C-te hi han
chhui zau deuh ila. Hepatitis
B leh C-te hi virus an ni a,
natna an thlen dan erawh a
inang tlangpui a; chuvangin,
kan sawi kawp mai ang a,
an inan lohnate pawh a \ul
angin kan tar lang ang.
Inkai dan : Virus ve tho,
HIV (AIDS natna hrik) te
nen hian inkai dan a inang
tlangpui, i.e. inchiu, sex,
thisen inpek, nuin a nau
paiah, etc. Amaherawhchu,
kai awlsam dan a inang lo.
Hriauva invih palh tein inkai
a awl em em a, Hepatitis C
te hi chu sex lam a\angin kai
a awl lutuk lo.
Natna thlen dan : Hepatitis
B or C miin a veiin Acute
Hepatitis (mitliam) an vei
phawt a, hei hi Hepatitis A
te angin a na lutuk lo va.
Hepatitis C leh B vei tam tak
chuan an vei lai pawh hre
lovin an benvawn a, an thin
a sawn hnuah chauvin an
inhre chauh \hin. Acute
www.mizoramsynod.org

April 2016

AGAPE

Hepatitis hi chu kar hnih

velah a dam leh mai a; mahse,
dam zo ve ta lo, a hrik pai
benvawn an lo awm ta a.
Hepatitis B
Puitling chu 95% aia tam an
dam leh a, 5% aia tlem an
benvawn \hin.
Nausen chu 5% a dam leh a,
95% vel an benvawn \hin.
Naupang kum 4 velah 40%
vel an benvawn.
A awmzia chu, naupangah a
benvawn duh bik.
Hepatitis C-ah chuan 2030% vel an dam leh a, 7080% vel an benvawn \hin a
ni. Benvawn tih hi thla ruk
chhunga dam hman lote kha
an ni.
Chronic (benvawn) hepatitis B or C an lo vei tak hian
an hma lam hun chu a hrik
leh mihring taksa inbeih danah
a innghat ta a. A hrik \henkhat
chu a thawk chak hle a,
muangchanga thawk pawh a
awm bawk. A thawh dan hi
taksain a hrik a lo beih danah
a innghat bawk. A tlangpuiin
kum 2030-ah 30% velah

24

chuan an thin a lo sawng chhe

hman \hin a ni. Hei aia hma
deuh leh khawih chhe lawk lo
an awm bawk. Mihring taksaa
an thawh dan dan hi zu
hnathawh nen a inang a;
chuvangin, zu in mi chuan he
natna hi an vei hma hle a ni.
Natna hrik an kawl leh
natna lan chhuah inkarah hian
vei tih an inhre lo \hin a ni.
A tam zawk chuan thin
sawngin buaina a thlen hnuah
chauh an inhre \hin. Hetih
hunah hi chuan a tlai tawh
deuh va, enkawl an harsa
tawh \hin.
Enkawl dan
Hepatitis B : Hepatitis B hi
a dam har a, damdawia
enkawl hian a tum ber chu
thin ro leh thin cancer a thlen
lohna tura a hrik chu
hnathawk thei lova siam a ni.
Enkawl nan hian a chiu chi
leh a mum ei chi chi hrang
hrang a awm. Heng
damdawite hi thla ruk a\anga
kum 2 emaw, a aia rei emaw
pek an ngai an awm bawk.
Hepatitis C : Hepatitis C
enkawl hi chu Hepatitis B
www.mizoramsynod.org

April 2016

AGAPE

lakah chuan enkawl a nuam

hle a, mi 70-80% vel an dam
\hin. Mahse, cirrhosis a thlen
tawh chuan a dam har deuh
tawh \hin.
Hepatitis C hrik hi Genotype 1,2,3,4,5,6 a awm a.
Type 2 leh 3 enkawl nan hian
a tlangpuiin thla 6 a\anga thla
2 chhung a ngai a, an nat dan
azirin thla 6 aia tam te pawh
enkawl an ngai thei. A dang
type 1,4,5,6 te hi erawh chu
kum khat emaw enkawl an
ni \hin. Tin, genotype 2 leh
3-te pawh hi an nat dan azirin
thla 6 aia tam te pawh enkawl
an ngai thei.
Hepatitis C enkawl hian
relapse an ti a, chu chu dam
tawha ngaih lo awm nawn leh
hi a ni. Heng awm nawn
lehah hi a hma aia rei
enkawlin tam tak chu an dam
leh thei a ni. Amaherawhchu,
\henkhat chu tihdam mai theih
loh an awm ve bawk.
Kan hriat tur pawimawh
deuh chu Anti HCV kan
test hian, a hrik a en lo va, a
hrik dotu sipai (antibody) a
en a ni. Heng test hi Aizawla

25

awlsam taka test-na hi a ni.

Heng Anti HCV test
positive-ho hi, an thisenah
Hepatitis C hrik awm leh
awm loh phaiah thawn an ni
a. Enkawl dam tawh hnuah
pawh Anti HCV hi rei tak a
positive theih avangin interferon la tawhah chuan he test
hian awmzia a nei lo. Enkawl
dam tawh \henkhatin mahni
thuin an lo test ve a, a lo positive leh a, an ngaih a \ha lo
ta \hin a ni. Chuvangin, hei
hi a hrik test-na a ni lo va, a
hrik dotu sipai test-na a ni
tih hriat tur a ni.
Enkawlna : Hepatitis C hi
Interferon-a enkawl zawng
zawng hian an dampui kher
lo. A tlangpuiin a enkawlna
man to chi peg interferon hian
70-80% a tidam a, a man
tlawm chi plain interferon
hian 50-60% a tidam a ni.
Enkawl man
1) Plain Interferon
Rs. 50,000/- vel thla ruk tan
2) Pegylated Interferon
Rs. 3,50,000/- vel thla ruk
tan. Interferon hi Hepatitis B
leh C tan a hman theih a ni.
www.mizoramsynod.org

April 2016

AGAPE

Hepatitis B enkawlna
man hi thla khat atan Rs. 600
a\anga Rs. 6,000 te a ni a,
kum 2 emaw, a aia rei emaw
pek \hin an ni.
Vanduai avangin kan
taksaah hian natna hrik chi
hrang hrangin bu a khuar thei
a. Chung chu kan chhiatpui
fo reng a. Chutih laiin natna
tam tak erawh hi chu kan

26

fimkhur tawk loh avanga kan

kai a awm thei bawk.
Chuvangin, mi thiamte
thurawn leh an sawite hi
theihtawpin zawm tum ila.
Invawn fai leh fimkhur thuah te, ei leh in chungchangah
te pawh theihtawpin \an la ila,
inuluk ila; tichuan, natna tam
tak hi chu kan pumpelh theih
dawn a ni.

PATHIAN THU ZIR DUH TAN

Presbyterian Bible School, Mission Veng, Aizawlah C.Th.
(Certifcate in Theology) zir tur lak a ni leh dawn a. Dil duh
chuan heng hi hriat tur a ni e:
1. Admission form, office-ah Rs. 10.00-a lei tur a ni a,
April 29, 2016 (Zirtawpni) tlai dar 3:00 thleng PBS
Office-ah theh luh theih a ni. Diltu chu Class VII pass,
kum 16 aia naupang lo, kohhran dan chhunga awm a
ni tur a ni.
2. May 3, 2016 (Thawhlehni) dar 10:00-a.m.-ah interview tur a ni a. Lakte chuan May 5, 2016 (Ningani)ah class \an tur a ni.
3. Zir hun chhung hi thla li, i.e. MayAugust, 2016 a ni.
Hre chiang duh tan Phone No. 2317343, 2325082,
9436198231-ahte zawh fiah theih a ni.
Sd/- Rev. Lalneihvura
Principal
Presbyterian Bible School
www.mizoramsynod.org

April 2016

AGAPE

27

MIZORAM PRESBYTERIAN KOHHRAN

HMEICHHE DINHMUN TLANGPUI 2015
1.
2.
3.
4.
5.
6.
7.

Kohhran & Branch Church awm zat Presbyterian chhungkaw hlang

Inawm pawlh chhungkaw zat
Kohhran Hmeichhe member zat
Ni tin chhung inkhawm nei zat
Buhfai \ham ziah zat
Member tam berna Bial
Member zat
-

8. Member tlem berna Bial

Member zat

890
1,01,907
4,342
1,69,961
67,087
1,04,018
Bethlehem
3,229
Bangalore
36

9. Buhfai\hama sum hmuh dan tlangpui

April 2014March 2015 Budget
Hmuh zat
Khumna
April 2015March 2016 Budget

- Rs. 11,00,00,000/- Rs.11,56,13,827/Rs. 56,13,827/- Rs. 12,07,00,000/-

10. Ni tin chhung inkhawm lam

1)
2)
3)
4)
5)

Pung Bial zat

Tlahniam Bial zat
Punna in zat
Kiamna in zat
A pum puia punna in zat

:
:
:
:
:

131
58
4,293
1,216
3,077

11. Buhfai\ham lam

1) Pung Bial zat
2) Tlahniam Bial zat
3) Punna in zat
4) Kiamna in zat
5) A pum puia punna in zat

:
:
:
:
:

138
38
2,498
594
1,904

www.mizoramsynod.org

April 2016

AGAPE

28

12. Ni tin chhung inkhawm in 50 leh a aia tama pung Bialte

1) Champhai Kanan
125
2) Ruantlang
120
3) Champhai Bethel
118
4) Kolasib Hmar Veng
105
5) Bethlehem
92
Sialsuk
92
6) Lengpui
91
7) Rawpuichhip
89
8) Chaltlang
86
9) Keifang
84
10) Durtlang
83
11) Farkawn
82
Ramthar Veng
82
12) Dawrpui Vengthar
77
Serchhip
77
13) Bairabi
72
14) Kawnpui
68
15) Mission Veng
65
Saitual
65
16) Darlung
64
Nisapui
64
17) Phullen
63
Vaivakawn
63
18) Sateek
62
19) Chanmari
59
20) Dawrpui
58
Khuangleng
58
21) Zemabawk North
56
22) Tlungvel
55
Vanzau
55
23) Kelkang
50
Sairang
50
www.mizoramsynod.org

April 2016

AGAPE

13. Buhfai\ham ziah in 50 leh a

1) Vaivakawn
2) Mamit Hmunsam
3) Zohmun
4) Kolasib Venglai
5) Bairabi
6) |huampui

29

aia tama pung Bialte

182
81
77
59
53
51

14. Buhfai\ham zaa za (100%) \ham Bialte

1)
3)
5)
7)
9)
11)
13)
15)
17)
19)
21)
23)
25)
27)
29)
31)
33)
35)
37)
39)
41)
43)
45)
47)

Aibawk
Armed Veng
Bungkawn
Bethlehem
Chanmari
Chawnpui
Champhai Vengsang
Chaltlang
Dawrpui Vengthar
Electric Veng
Hlimen
Kanhmun
Kawrtethawveng
Khuangleng
Khatla
Kolasib Hmar Veng
Lallen
Lungdai
Madanriting
Mission Veng
Muallungthu
N. Vanlaiphai DDV
Ngopa
Pukzing

2)
4)
6)
8)
10)
12)
14)
16)
18)
20)
22)
24)
26)
28)
30)
32)
34)
36)
38)
40)
42)
44)
46)
48)

Airfield Vengthar
Bawngkawn
Bangalore
Cachar Kahrawt
Chanmari West
Chhinga Veng
Champhai Vengthlang
Dawrpui
Durtlang
Hliappui
Kawlkulh N
Khawlailung Dinthar
Keitum
Khawhai North
Khawzawl Venglai
Kulikawn
Leitan
Luangmual
Maubawk
Mission Vengthlang
N.E. Khawdungsei
N. Hlimen
Phainuam
Ramhlun
www.mizoramsynod.org

April 2016

49)
51)
53)
55)
57)
59)
61)
63)
65)
67)
69)
71)

AGAPE

Ramhlun North
Ramthar Veng
Republic Veng
Serchhip
Suangpuilawn
Tuikual
|huampui
Va\huampui
Venghnuai
Zemabawk
Zamuang
Zonuam

50)
52)
54)
56)
58)
60)
62)
64)
66)
68)
70)
72)

30

Ramhlun Vengthar
Rawpuichhip
Sateek
Sesawng
Tlangnuam
Tlungvel
Vanzau
Venghlui
West Phaileng
Zemabawk North
Zohmun
Zote

15. Chhungkaw dinhmun tehnaa sang 30-te

1)
3)
5)
7)
9)
11)
13)
14)
16)
18)
20)
22)
24)
25)
27)
29)

N.E. Khawdungsei
Lungdai
Tuikual
Luangmual
Ramhlun
Tlangnuam
Republic Veng
Mission Veng
Dawrpui Vengthar
I.T.I. Veng
Venghlui
Kolasib Hmar Veng
Durtlang
Champhai Vengthlang
Vaivakawn
N.Vanlaiphai DDV

2)
4)
6)
8)
10)
12)
14)
15)
17)
19)
21)
23)
24)
26)
28)
30)

Dawrpui
Ngopa
Mission Vengthlang
Ramhlun North
Phainuam
Venghnuai
Zonuam
Maubawk
Mualpheng
Bethlehem
Khatla
Chawnpui
Kulikawn
Chhinga Veng
Bungkawn
Chanmari

www.mizoramsynod.org

April 2016

AGAPE

31

Ei siam dan

BAWNGSA SIAM DAWNA

HRIAT TUR |HENKHAT
Bawngsa hi a ti sentak lam ai chuan a sendal lam hi a \ha
duh tlangpui a. A ti roast turah phei chuan a sa hlawm \ha
deuh leh a thain a phuar loh lai, a mawngtam ti te hi a hnip
duh. Bawngsa ti hi tihhnip deuh a nih loh chuan a fei deuh
va, ei a har duh avangin hetiang hian tihhnip theih a ni.
1. Sertui nena chiah :
Bawngsa ti kg. 1-ah ser tui
thirfian lian khat pawlh la,
zankhuain chiah ang che.
Amaherawhchu, siam dawnah \ha taka sil fai leh loh chuan
a thur lutuk palh thei.
2. Chi : Chi-a chulha chiah
hian a tihnip \ha thei bawk.
Bawngsa chu sil fai sa vekin,
siam dawna chi al leh ngai
tawh lo tura al tawk turin
chiah hnip mai tur.
3. Thingfanghma hel :
Thingfanghma hel tui sawr hi
chhum laiin thirfian lian hnih
vel pawlh ila, a tihnip duh.

4. Vinegar : Vinegar-a
chiah hian a tihnip duh hle a.
Vinegar hian rim a neih
avangin a ngaina lo tan erawh
chuan a tuina a tinep thei.
Vinegar hi a thur avangin
siam dawnah sil fai leh a ngai
a ni.
5. Sa her sawm dan : Sa
chu hrang lian lutuk lovin
chan la, grinder-ah her mai
rawh. Grinder blade a bil
tawha, a her \ha thei vak tawh
lo a nih chuan chhum hmin
hnuah herin, bawngsa her
sawm siam dan sawi ang hian
a siam leh theih vek tho.

Ei tur kan siam dawnin heng hi hria ila

1. Kan ei leh in tur hi Pathian min pek a ni.
2. Ei tur nei lo tam tak an awm a, keini erawh chuan Pathian
khawngaihna avangin ei tur kan la nei a ni.
3. Chuvangin, hlim taka chhungkuain kan ei ho theih nan
uluk taka siam tur a ni.
www.mizoramsynod.org

April 2016

AGAPE

Hruaitute chanchin
PI DENGHMINGLIANI

Pi Denghmingliani hi Pu
Laldla (L) leh Pi Lalrosiamite fa pariat zinga upa ber niin
Kawrtethawveng khuaah a lo
piang a. Pu Lalsangzuala
Sailo nen kum 1984 khan
inneiin Chaltlangah an
khawsa a. A pasal hian a
boralsan tawh a, an fate
pathum, mipa 2 leh hmeichhia
1 nen an cheng a. MBSE
Office-ah Assistant-in a awm
mek a ni.
A nulat lai a\angin
Kohhran Hmeichhe rawngbawlna lamah a inhmang \hin
a. Kawrthah Biala an awm lai
pawhin kohhran malah leh
Bialah Secretary a ni reng \hin
a ni. Chaltlang Biala an awm
hnu hian Bial Vice Chairman
a ni tawh a, tunah hian Chairman a ni.

32

Tualchhung kohhranah
Puitling Sunday School
zirtirtu leh Nilai zan thupui
hawngtu a ni a, Bial Hmeichhiaah Committee Member
a ni.
Hla duh leh ngainat eng
emaw zat a nei a, chung
zingah chuan KHB No. 150na, Khawvel hi bo mah se
Isua ka nei tih hi a duh zual.
A Bible chang duh em
em chu Sam 73:28, Keia tan
erawh zawng Pathian hnaih
hi a \ha a ni, tih leh, Philippi
4:4-7 thu, Engah mah
mangang suh u... tihte hi a
ni a. Puithiam Lal \awng\aina
thu, Johana 17-a mi inpumkhatna thu hi a pawimawh
hlein a hria a. Inhmangaih
tawnna leh inpumkhatna hi
rawngbawl honaa thil pawimawh tak niin a hria a.
Kristian chhungkaw \ha
tak din tur hian naupan tet lai
a\anga piantharna tak tak
chan hi a pawimawh hlein a
hria a. Chumi atan chuan nu
leh pa zawng zawngte hi
\hahnemngai taka bei turin
min chah a ni.
www.mizoramsynod.org

April 2016

AGAPE

33

Hriat atan

1. Heng hmunah hian kan hruaitute an feh chhuak a,

Pathian hruainain tluang takin hun an hmang:
(1) Ni 58.2.2016 chhung khan Noagang Tripura Bial
Inkhawmpui hmanpuiin Pi Sailuti, Asst. Secretary leh Pi
Lalhmingmawii Sailo, C/M-te an kal.
(2) Ni 1115.2.2015 chhung khan
(a) LIKBK Hmeichhe Pawl Inkhawmpui Lian, Thingkah
Kohhrana neihah Pi Lalfakmawii, Co-ordinator leh Pi
Tlangmawii, C/M-te an kal.
(b) Hemi chhung vek hian Tuipuibari Bialah Pi
Vanrammawii leh Pi Lalhliapi an kal.
(3) Ni 1215.2.2016 chhung khan Bial Inkhawmpui hmangin
heng hmunah hian kal a ni:
(a) Baktawng Bialah Pi Rinchawii, Chairman leh Pi
Lalrinpuii, C/M-te an kal.
(b) Sangau Bialah Pi K. Vanlallawmi, Vice Chairman
leh Pi Vanlalnghaki, C/M-te an kal.
(c) Hlimen Bialah Pi H. Lalpianthangi, Gen. Secretary
leh Pi Lalbiaki, C/M-te an kal.
(d) New Serchhip Bialah Pi Maria Lalchhanhimi, Treasurer leh Pi Lalpianthangi, C/M-te an kal.
(e) Suarhliap Bialah Pi C. Lalhmangaihi, Ex-Chairman
leh Pi C. Chawngpuii, C/M-te an kal.
(f) Khuangleng Bialah Pi Lalbiakengi leh Pi Zopari,
C/M-te an kal.
(g) Lungsen Bialah Pi C. Romawii leh Pi P.C.
Lalhmingthangi, C/M-te an kal.
(h) Pukzing Bialah Pi Lalrokimi leh Pi Vanlalpari, C/Mte an kal.
www.mizoramsynod.org

April 2016

AGAPE

34

2. Inkhawmpui Lian vawi 46-na, Mamita neih thurel

bawhzuiin, inkhawm thawhlawm hrang hrang tlin khawm
dan hetiang a ni:
(1) Synod Hospital Charity Fund atana vawi hnih inkhawm
thawhlawm lak khawm kha Rs. 6,02,671.00 lai a tling
khawm a. Ni 26.2.2016 khan Synod Hospital hotute
hnenah hlan a ni.
(2) Synod Hospital-a hman tur thisen pekna tur khum (Blood
Donors Couch) man atana \um hnih inkhawm thawhlawm
lak khawm kha Rs. 3,84,275.00 lai a tling khawm a. Hei
pawh hi Charity Fund pek rualin pek ve nghal a ni.
(3) PWF puala vawi khat inkhawm thawhlawm lak khawm
kha Rs. 2,40,144.00 lai a tling khawm bawk a. Ni
24.2.2016 khan PWF Hqrs. lamah thawn a ni.
LEHKHABU THAR
1. Kristian nu \ha : Chhungkaw \ha chu vanram tem lawkna
a ni a, a \ha lo pawh hremhmun tem lawkna a ni. Chu
chhungkaw \ha lungphum pawimawh tak chu Nu \ha a nihzia
hriain ATC-a kan mi thiam Dr. T. Vanlaltlani chuan nu \ha
nih theihna thuruk a rawn tichhuak e. A man Rs. 200/2. A ropui nan ka theihna sang ber : Oswald Chamberan ni tin Pathian pawlna atana a lehkhabu buatsaih, My
utmost for His Highest tih Rev. Zoramsanga lehlin chu lei
theih a ni ta. Khawvel lehkhabu lar tling pha hi Rs. 200/man a ni.
3. Thlarau nazawng : Harhna hian a \ha zawng leh \ha lo
zawngin hnuhma a nei chawk. Thlarau Thianghlim hnathawh
a nasat veleh hruai botu thlarau pawhin \an a la nasa ve \hin.
Harhna dik, Thlarau Thianghlim ze dik kan hriat theih nan
Upa Dr. H. Lallenmawia lehkhabu ziah hi chhiar chi tak a ni
e. A man Rs. 50/www.mizoramsynod.org

April 2016

AGAPE

35

www.mizoramsynod.org

April 2016

AGAPE

36

www.mizoramsynod.org