Editor

in Chief
Editor
Jt. Editor
News Ed.
Cir. Mag.
OB i/c

Vengthlang Branch YMA Chanchinbu

Phek
2

Gas endik
Nimin zing khan Champhai
District Consumer leh District
Legal Metrology tangkawpte
chuan Gas Cylinder rawn
thleng thar te a buk a tlin leh
tlin loh an enfiah a. Nimin zinga
rawn thlengte chu a buk a tlin
that thu Champhai District
Consumer hotute chuan an
sawi. Tin, Champhai District
Consumer ho hian Champhai
khawchhunga Damdawi zuarte
hnenah Damdawi an zawrhte
MRP a hralh vek turin an ngen
nawn leh bawk.
Khapna thupek
Champhai District Magistrate Pu
H. Lalengmawia chuan nimin
khan Champhai District
chhungah tu mahin thusawi nan
emaw, hla zaitir emaw adt. atan
au rinna (loud speaker) hman a
khap. He thupek hi mipui hriselna
leh khawtlang muanna nghawng
thei a nih avanga siam a ni a. A
hnuai a mite hi a huam lo ang.
1) Magistrate, Police,
Armed Forces, Border Personnel
2) Sakhaw thl tihah, hmun
ruat bik chhungah a nih chuan
3) Champhai District Magistrate atanga hman phalna nei te.
He thupek hian chhuah a ni
hatanga thla hnih chhung a awh
ang a. Bawhchhia an awm
chuan an chungthu IPC Sec.
188 hnuaiah ngaihtuah a ni ang.
Buh chi kui tan
Tunhnaia ruahsur ah Champhai
zawla loneitu thenkhatten buh
chi an kui tan ta. Ruahtui a tam
tawk loh avangin Champhai
zawla loneitu tam zawk chuan
kum danga duh chi an kui thin
ang hunah an kui thei lo a,
tunhnaia ruihtui a tlak hnuah an
kut tan veleh a, ruahtui hi tla
mahse a tam tham loh avangin
buh chi kui tawh leh kui tan
mekten buh chi a than a thu ang
tih an hlauhthawn thu an sawi.

Kum : XXIV

: Lalnunsanga Fanai (9862120903)

: Chanchinmawia (9615820416)
: C. Zonunpuia (9862022375)
: Andrew Zohmangaiha (9615327196)
: Lalramzauva Chawngthu (8575462587)
: Lalhmachhuana Fanai

Vawi : 25 Tahrik Ni : 28 Nikir thla (June) 2015

Phek
3

Phek
4

Lusun

Ni 28 Nikir Thla 2015: Ni 26.6.2015 (Zirtawpni)

@ Tv. Lalthianghlima (23) s/o

chawhnu dar 2 khan Champhai District Football Association buatsaihin Champhai-a a vawikhatna ni turin
Football Charity Match khelh a ni a.
He hun hi Pu H Lalengmawia IAS, Champhai DC
chuan khuallian niin a hmanpui a, Inkhelh tan hma
hian inkhawm tawi neih niin he hun hi Pu C.
Hualrikhuma CDFA Preaident chuan a kaihruai a,
Khuallian Pu H. Lalengmawia IAS, Champhai DC
chuan thusawiin khawvelah hian mi chi hrang hrang
kan awm a. Mahse kan thlen chin a in ang lo thin a,
engti mi pawh ni ila, keimahni a mahni in rintawkna,
tum ruhna leh thawhrimna hian hringnuna kan thlen
theih chin a hril a ni a ti a. Heng thil pathum hi kan neih
phawt chuan hlawhtlinna kan chang dawn a ni a ti a.
Mizo Professional Footballer ten Champhaia hun
an rawn hmanpui thei chu lawmawm a tih thu sawiin
Charity Match an khelh chuan mel lung pawimawh
tak a phun ngei a beisei thu a sawi bawk.
He hunah hian Pu C. Hualrikhuma CDFA President leh Pu PC Vanlalhruaia, MFA Hony Vice Pre ten
thusawina hun an nei bawk. He hun hi MFA hruaitu
enge maw zatin an rawn telpui bawk a ni. Mizo Professional Footballer te hi Pu H. Lalengmawia IAS,
Champhai DC chuan thilpek hlanin Champhai United
FC pawhin thangchhuah diar an hlan bawk a ni.
He inkhelah hian Chhanrinpianga, Kahrawt
tlangval Goal hmangin Champhai XI in hnehna an
chang ta ani.
Kan member atangin Champhai XI tan hian Isaac
Lalrinngheta (N-Sec), K. Lalrinawma (N-Sec),
Lalhriatpuia (V-Sec) ten an khelin Professional Footballer
tan Lalthuammawia Ralte (K-Sec) in a khel bawk.
He hunah hian Psycio Therapy Doctor Andrew
Lalmuanpuia (T-Sec) leh PC Remruatpuia (K-Sec) ten
Champhai XI leh Mizo Professional Footballer te
inhliamte hi an enkawl bawk. Tin, mipui lo kal te chawk
phur turin VL Ramdina (Damaska Section) ruat a ni
bawk.
Champhai ti mawitute zinga Vengthlang Br. YMA
member chhuanawm tak tak kan awm thin hi a
lawmawm hle.

Kristian nundan tha ngaihsan

Lalnunzira (L) chu ni

25.6.2015 (Ningani) chhun
dar 12 khan Pneumonia natna
avangin Aizawl Civil Hospitalah a boral a, a ruang hi Aizawl
atanga rawn phurh chhoh niin
Pi VL Hmuchhuaki In
tlaivarpui niin ni 26.6.2015
(Zirtawpni) khan Vengthlang
thlanmualah vuiliam a ni.
@ Pi Sanghluni (Pi Varphuki)
Kum 87 m/o Lalnuntluanga,
N-Sec chu ni 26.6.2015 zan
dar 9:20 khan Awmlai avangin
a boral a, a ruang hi tlaivarpui
a nih hnuin ni 27.6.2015
(Inrinni) khan an chhungkaw
thlanmualah vuiliam a ni.
Lusun chhungte kan
tuarpui takzet e.
Lawmthu
Mizoram Larsap Lt. General
(Rtd) Nirbhay Sharma in
Champhai ni 25.6.2015
(Ningani) a rawn tlawhah kan
veng Cultural Sub-Committee
ten lam mawi tak an lo entir
bakah khualchhawn (USHER)
hna kan thawk a. Member
tlawmngaia rawn thawkchhuak leh lam zawng zawng
chungah lawmthu kan sawi a.
Tv. C. Zothansanga, K-Sec leh
R. Vanlalremruati, N-Sec te
lam phei chuan mipuite mit a ti
tlaiin sawi zui a hlawh nasa hle.
Rawn dah teh u
YMA Cultural Sub-Committee thawmhnaw mahni tan anga
kawl lui tlat te khan a rang lamin
Cultural Sub-Committee
hruaitu Pu J. Lalmuanpuia
hnenah rawn theh lut turin an
ngen nawn leh che u a ni.
Mahni thawmhnaw nilo Pawl
thawmhnaw mahni ta anga neih
tlat tum hi a changkang lo.

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 2-NA
BRANCH HRUAITUTE
President
: C. Laltanpuia
9615021656
Vice President : F. Vanlalliana
9615558817
Secretary
: Lalhmachhuana Fanai 9615030822
Asst.Secretary : C. Lalthanpuia
9862657366
Treasurer
: H. Laltharrenga
9856782358
Fin. Secretary : H. Lalthanmawia
9862936734

YMA Palai SEMTUTE

Vanapa Section : CB Lalbiakdika, Vanlalchhuanga Sailo, Lalrinsanga,

Zonunmawia, Lalpekhlua, Lalrindika, R. Lalhmangaihzuala, VL
Thlamuanpuia, Lalfakmawia, Lalawmpuia, Josua Lalrammawia Ralte, KN
Thlamuana, Zohmingmawia
Neuva Section : K. Zoramchhani, Vanlalruatzela, Lalbuatsaiha,
Lalhminghlua, Sumeon Lalherliana, Lalmuanpuia, C. Lalnunpuia
Khuangchera Section : Thomas Malsawma, Lalhmingsanga, Lalruatsanga,
Vanlalpeka, Lalhrilmawia, C. Malsawmtluanga

BRANCH MOTTO : Sual ngam chein awm suh la, thatnain sual chu ngam zawk rawh. Rom 12:21
ENTAWN RENG RENGIN KEINI HI!
-Chvarte

Professional footballer ho, TV-a kan lo hmuh thin

kha kan khawtual khelmualah ngei an rawn khel ve a,
hmeichhe tleirawl thenkhatin
lawm lutuk tap chunga kan
footballer te thla an han
lakpui meuh kha chu a ropui
teh e! Michael Jackson-a concert, kan naupanlaia kan en
thina mipui zinga thidang an
zawn chhuah lawp lawp kha
tunah hian a chhan ka hre ta
chiah mai!
He inkhel hian
thalaiteah chona min siamsak
se a duhawm ngawt mai.
Hmun danga khel thei
footballer kan nih theih lohna
tur bik hi a awm lova, zirna
leh thil dangah pawh, Nobel
Prize dawng thei turin
theihna kan nei a ni.
Hlawhtlinna hi talent-ah ni
lovin thawhrimna leh
taimaknaah a innghat zawk
tih erawh hi chu kan hriat
nawn fo a tul awm e. Kan
thiam zawng tak ti ila,
hmasawn tura thawhrimna,
taimakna leh tumruhna a tel
loh hi chuan khawi kawngah
mah hian a hlawhtlin theih
der lo. Zirna bikah ngat phei
chuan hei hi a chiang lehzual,
lehkha thiam hi thiam
theihnaah a innghat lova,
hlawhtling tur ngat phei
chuan thawhrimna leh
taimakna bak kalkawng a
awm lo. A thiam thei deuh
chuan an zir rei a ngai lo deuh
a, a thiam thei lo deuhvin an
zir rei deuh a ngai tihna a ni
mai. Chu chu a nawlpui zinga
mi nihna a ni a, hlawhtling tur
chuan a nawlpui bak hreta
taimakna neih a tul leh a ni.
Hei hi hlawhtlinna lamtluang
a ni, short cut a awm a nih
chuan kut tling lo a ni mai.

Kum 2000 bawr vel kha a ni ta awm e. Sap hovin nasa taka an chai
hnuah hla chham mi (rap) chuan Mizoram min rawn run ve det det a. A chham
rang nazawng kha kan han ngaisang phawt a. Tlemin kan lut thuk deuh a, a
rhyme te kan sawi ri ve ta zel a, Mizo tawng hi thluka innghat (tonal language)
a nih miau avangin kan hla chham hi a la dik tak tak thei lo.
Hla chham hi rimawi a ni a, a rawn chhuahnaa tawngkam tuihnai lo tak
hi kan inrochun chhawng ve zel hi chu a manganthlak deuh a ni. Thawkkhat lai
khan America khu hla chham thu bawlhhlawh lutuk leh tharum thawhna thisen
chhuahna rawngkaite khu nasa fein an lo buaipui tawh a. Chu chu kan hla chham
mite hian intih pana emaw ka ti ni deuh tur a ni, kan hmang chhunzawm ve zel
a. Tun thlengin kan sawi zui hat tur chu kan la nei ta zel a nih hi. A tha lo lama
min hruai thei hi mihringte hian kan lawm ve hrim hrim emaw ni tih mai awl
tak a ni.
Heta tang hian kan hnam ziarang hi i thlir neuh neuh teh ang. Kan entawn
ber sapho hian kum zabi tam tak chhung hnam ziarang an lo nei tawh a, than
ngaihna hre lo khawpin an hnam an hung tawh a. Keini hi khawthlang nunphung
khan hriat tirh det det atangin a hmaa kan hnam ziarang kan thlahin chung
hnampui nunphung chu a lerah kan han thuai ta pek a. An hawihhawmna te, an
rinawmna te leh an nunphung zahawm lai zawng zawng chu hnualsuatin a chhe
laia an thanna chu kan la ta zar zar a, tunah phei chuan kan hnam nunphung tha
tha, aia upa zahna te, tlawmngaina te thlengin kan thlahthlam phah a ni. Entawn
reng reng hian keini hi kan zuihral mai ang tih pawh a hlauhawm thin.
Tichuan, hla chham mi-a midang kan entawn a, an hla thu bawlhhlawh
pui pui te, helna rilru tuh thei zawnga thu lak kawih te hi nuam kan ti ta phian
chu a ni awm a. Zirna in leh Sunday School-a nungchang tha tura naupangte
kan fuih mek laiin, Min lo sawisel ve tawh lo mai teh u tih bawr vel te,
remchang tak maia a ni lo zawnga Bible tan chhan te hmangin naupang kan fuih
khawlo ve mek bawk a. A khawi zawk hian nge hnehna chang ang maw?! Rimawi
hi tawp thei lo a ni a, a chi hran chi hrai a chhuak zel a, hmuh chhuah tur a la
tam tehlul nen mi tih tawh sa a kara a chhe lai ringawt mai kan lo entawn hi chu
a zialo deuh a ni. Entawn reng renga nung nih hnam hlauhawm theih dan chu a
heti mai reng asin!
Inentawn kan hrat lutuk vang emaw ni kan rama eirukna leh hlemhletna
hian ziaawm lam a pan theih miah loh. Hmana mite khan an lo eiru tawh thin a,
a kawng ngai vekah chuan tun thlengin eirukna hi a la bo thei chuang lova. Miin
damdawi kheh a hlawk e, an ti a, kan intihhmuh suau suau a. Hetiang hmang
hian sum thianghlim lo hi a tihthianghlim theih kan ti a, mi contract hmuha
sum thawh dan kan ngaihtuah leh huai huai bawk a. Ah, a hahthlak kual vel vek
mai zawng a nih hi! Kelkangah harhna a thleng mek a, hei aia nasa zawk hian
Mizoram hi han tuam tak tak sela, mahni hnam zia nghet cherh chawrh kan
neih theihna rau te hi rawn thlen sela a duhawm ngawt ang. Ram leh hnam
humhalh te hi kumpuanah kan han nei ve vu thin tak naa, kan hnam zia kan chhar
thar a nih loh chuan a famkimna hi hmuh a har awm mang e ka ti thin!
Hunawl hman that

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 3-NA

YMA Palai SEMTUTE

Taitesena Section : Jonathan Lalnuntluanga, Joseph Malsawmtluanga,
Lalbiaksanga, Lalrohlua, Lalremsanga, F. Lalrinawma, Lalnunnemi, Lalnunzira,
Benjamin Lalrintluanga

YMA ADVISER
Pu RC Zahlira ; Pu C. Vanlalnema ; Pu F. Lalfamkima ; Pu PC Zohlira

VANAPA SECTION
Leader
Asst Leader
Secretary
Asst Secy

:Pu C. Lalremruata
:Pu Lalramhluna Sailo
:Pu PB Hrangthana
:Tv. Christopher
Chawngthanmawia
Treasurer
:Tv. F. Laldinthara
Fin.Secretary:Pu F. Lalchhandama

YMA Thuvawn : YMA chu tanpui ngaite tanpuitu a ni

FOOTBALLER HLAWH TAM TE

5. Neymar (23-na) - $31m: Neymar nihna tak sawi dawn ila Brazil innghahna tih hian
a sawi fiah ber mai awm e. Tunlai football khawvela attacking trio hlauhawm bera an
sawi Barca attacking trio zinga pakhat niin season hman liam takah khan a thian Messi
leh Suarez te nen Barca tan goal 122 zet an khunga, chung zinga goal 42 chu Neymara thun te a ni hlawm.
Ani pawh Falcao ang thovin sum hai luhah kumin hian a tla hniama, Forbes
2014 list a 16-na atangin 23-na ah a tla hniam a ni. Kum 23 chauha upa Neymar hian
kum khatah $14m Barca ah hlawh a la a, endorsement atangin a hlawh aia sang $17m
zet a lalut thung. Red Bull, Panasonic, Unilever, Volkswagen, Konami leh Beats by Dre
te thawhpui mekin Nike nen inzawmna nghet tak an la nei reng bawk.
4. Gareth Bale (18- na) - $35m : Season hman liam takah sawisel a tawk nasa hle a,
goal 17 lai thun mahse 2013-14 season a phak loh bakah big game a beisei a phak loh
thin avangin fans te lung a dum zo meuh lo. Amaherawhchu an sawiselna te avanga
tlawm mai a duh bik lova, Real Madrid tan khelh chhunzawm zel Bale chuan a thlang.
British footballer hausa ber leh footballer man to ber Bale hian kum khatah
$25.5m a hlawh heu mai. Endorsement atangin a hai lut nual bawka, $9.5m lai BT
Sport, Lucozade leh Adidas atangin a lalut. 2014 khan Adidas tan contract $35 million
hu kum ruk chhung atan a ziak fel ve leh tawh bawk.
3. Zlatan Ibrahimovic (14-na) - $39.1m : Season hman liam takah khan hliam leh
buaina dang neuh neuh in tlakbuak mahse Ibra hian game 30 ah goal 29 a la khung thei
tho a, Ligue 1 ah PSG champion puiin Champions League nomawi erawh a la chawi lo
chhunzawm zel.
PSG hian hlawh an pe tha hem hem hle a, $33.1m zet Zlatan a hlawh atan hian
an senga, hetiang zah zah player pakhat hlawh atana thehchhuak thei hi an tam lo
khawp ang.
Endorsement lamah Dressman (Norwegian clothing chain), Volvo leh Xbox te
a thawhpuia, kum 11 zet Nike a thawhpui tawh bawk. Heng atang hian $6m a hui ve a
ni. Season tawp lamah khan Adidas F50 Adizero Boots a bun hmuh a ni a, season
lehah Nike kalsanin Adidas a thawhpui dawn a ang ta hle.
2. Lionel Messi (4-na) - $73.8m : Ballon d'Or vawi li ngawt dawng thei Messi hian
season a khar tha piap piap hle. Goal 60 leh assist 23 zet nei chunga season a khar thei
khan treble champion an nihna kawnga a thawhhlawk zia chiang takin a tarlang awm e.
Kum hmasa khan Messi hian $64.7 million a neia, kumin ah erawh $73.8m zet
a nei ta. 2014-15 season tan tirhah khan 16.3m zet hlawh theihna contract thar June
2019 thleng daih a ziaka, he contract ah hian a chet that dan a zirin bonus a la awm
cheu. Amah sponsor tu Adidas, Audemars Piguet, PepsiCo, Gillette,Turkish Airlines
leh Electronic Arts te atangin $20 million ai tam mah a lalut bawk.
1. Cristiano Ronaldo (3-na) - $79.6m : Season li chhung zet goal 60+ a khung theia,
Real Madrid tan Ronaldo-a theihna hai rual a ni lo. $52.6m lai a pet goal theih manah
(a ni mai aniang chu) hlawh an pe a, bonus pawh a awm ve lehzel. $24 million zet Nike
atangin a lalut bawka, footballer zingah heng zat zat sum lalut thei an awm lo hrim hrim.
Tag Heuer leh Emirates Airline te endorsement lamah a thawhpui tel bawka,
ama pualin underwear leh kawr CR7 line a nei bawk. Khawvela athlete lar ber tia sawi
theih a ni a, facebook ah fans 102 million zet neiin, Twitter ah 35 million zet followers a
nei bawk.

Zofate hmasawnna ngaihtuah

I hria em ?
@ Mozambique-ah khuan Giraffe te himna atan electric hrui
chu feet 39 aia sanga khai vek
tur a ni.
@ At sign (@) hi tunhnaia hmuh
chhuah a ni lo, kum 1345 khan
document pakhatah hman a lo ni
daih tawh.
@ Germany mipui za zela 1% hian
HIV an kai thei lo. Tak tak ni
maw?
@ Khawvela innei rei ber record
chu kum 91 leh ni 13 a ni.
@ America hmeichhe 40% khuan
an lungngaih laiin an pasal emaw
an fate aiin an ranvulh an
hnemhnanpui zawk.
@ Blue Bothers an shoot lai khan
cocaine an mamawh nual a, budget hran an siam hial.
@ 9/11 ah khan WTC chim kar
atangin mi 18 chu nung dama
chhanchhuah an ni.
@ Khawvela ram 110-ah thlaler
insiam theihna hmun a awm a, mi
tluklehdingawn 1 vel nunphung a
tihbuai rin a ni.
@ Apple iphone 6 hian kum
1995- a pentium processor
chhuak aiin transistor 625 a nei
tam zawk.
@ Mipa hian hmeichhia aiin a
letin thlan an ngah zawk.
@ Kum 2012 khan Neveda chuan
mahnia inkhalh thei car tan license an pe chhuak a, hetiang
lirthei license pe chhuak hmasa
ber an ni.
@ Amrica rama cheng mipui
zawng zawng zatve khuan ngeih
loh (allergy) pahnih khat tal an
nei vek.
@ Lei hipna a hmuhchhuah dawn
lai khan Sir Isaac Newton kha
apple-in a luah a tlak miah lo.
Mahse apple tla hian thla leh lei
hipna chungchang ngaihtuahna
chu a pe thung.
@ Hrangchhuana-ah awm ta ila,
leia pound 150-a rit kha pound
354 a rit kan ni ang.
@ Tsunami hi Jetliner ho tlukin
a fawn chak thei a, Jetliner hi
darkar khata km 800 vela chaka
thlawk thei a ni.

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 4-NA

NEUVA SECTION

TAITESENA SECTION

Leader:Pu Rosangliana
Asst Leader:Pu Lalfamkima Varte
Secretary:Tv C Zorammuana
Asst Secretary:Tv. JH Lalruatfela
Treasurer:Tv. H. Lallawmkima
Fin.Secretary:Nl. Lalparmawii Colney

Leader:Pu T. Daniala
Asst Leader:Pu R. Zoliana
Secretary:Pu H. Lalrammuana
Asst Secy:Tv. HS Malsawmdawngzuala
Treasurer:Nl H Ramengmawii
Fin.Secretary:Nl. Ramdintluangi

KHUANGCHERA SECTION
Leader:Pu C Vanlalpeka
Asst Leader:Tv Lalawmpuia Sailo
Secretary:Tv. C. Zothansanga
Asst Secretary:Pu CD Lalnunthara
Treasurer:Pu Lalthangmawia Kawlni
Fin.Secretary:Pu K. Lalramnghaka

YMA Kumpuan : Ram Leh Hnam Humhalh Branch Kumpuan : Fai Kum

June kar 4-na a IS te ram 3 a an chetna

rapthlak chu :
Kar kan hmanral tak khan Islamic State group
te chuan an indona mual Syria leh Iraq mai
nilo ram pathumah pawi liantak mai khawihin
mi 60 chuang an tihhlum a, nimin piah khan
Tunisia khawpui pakhat Sousse a beach ah
gunman ten tourist te German, British, Belgian lehTunisian mi pawh telin mi 39
kaphlumin 30 zet a an kaphliam a, Kuwait ah
zirtawpni vek khan Muslim thlaserh Ramadan
hmanga Shi'ite mosque a tawngtai mi 27 chu
bomb hmanga tihhlum leh in mi 227 an hliam
bawk. Hei bakah hian France chhimchhak lam
Industrial gas plant ah mi lu an va tansak bawk
a, mi pahnihin hliam an tuar bawk. Heng ram
hrang hranga pawikhawihna hiIslamic state
group extremist te chetna vek a ngaih a ni.
Zawhte lar boral :
Japan ramah khian zawte lar zet mai a awma,
khawvel dangah pawh fans tamtak nei tawh a
ni, a hming chu Tama-i niin, kum 16 a upa a
ni a, Japana rel chawlhhmun pakhat Kishi
Station an tihah kum 2007 khan
stationmaster
nitura appoint a
ni a, a duty lai
chuan station
master lukhum
pawh
an
khumtir vang a ni. Tama hian a ke leh tin vel a
hmang thiam em em mai a, station a a tihtur
awm chi ni a lang an tihtir te chu hnehtakin a
tithei a, harsatna tawkte chu a theih ang angin
a lo kaihhruai thin a ni.Tunkar kan hmanliam
takah khan boralin uitu a ngah hle.
Tama-in rel chawlhhmun a enkawl
hma hian sum hlohin a thawktute hian mipui
veivahna an ngaihtuah thin a. Stationmaster
anga thuam a, rel chawlhhmuna a tei kual
thin hian khualzin a hip thar a. He rail station company tluchhe mai tur hi a khaiding
a ni

Mihringin a siam vur puk lianber:

Tunhnai khan mihring siam vur puk
lianber nitur chu Iceland ramah kum
4 zet $2.5 million zet senga Icelandic entrepreneurs dreamed of tourists an tih ten an kher hnuin mipui
tlawh theiha hawn a nita, he khawvela
Ice Cave mihringte siamchawp lianber
mai hi Iceland khawthlang Langjokull
(Long Glacier) ah tuipui zawl atanga
meters 1,260 a sangah siam a ni a, a
hlutna em em pakhat tur chu kum za
tamtak kalta a, thuk lutuk a vur insiam
chang rapthlak tak takte chu tlawhtu
tan a hmuhna chance tha a ni an ti a,
inneihna hmunah te pawh an la hman
duh hial an ring, tunnel of love tih
hming te pawh pu turin beiseina sang
tak an nei bawk. Iceland ram hi Glacier hian 11% zetin a khuh ram a ni.
Black hole hlauhawm tho leh dawn:
A chhehvela thilawm reng reng dawlh
vek mai thin van thengreng a
hlauhawmber a ngaih zinga an lo ngaih
Black Hole pakhat, European Space
Agency (ESA) in a hming a V404
Cygni system vuah "monster black
hole" an tih, kan lei atanga eng
kum(light years) 8,000 a hla a mi chu
Mir space station atanga Japanese Xray satellite Ginga and instruments
hmanga kum 1989 atanga hnathawk
tawhlo leh chawla, mi dangte dawlh a
eng pawh chhuah mang tawhlo a an
hmuh laiin, tunhnai ni 10 kalta atang
khan eng a a rawn pe chhuak leh ta,
heti a nih chuan tun atanga kum 26 ah
chuan a rawn tho leh ngei dawn niin
an chhut a, Van thengrenga thil eng ber
mai thin niin, a rawn nung leh a hna a
thawk a nih a, a chhehvela arsi leh
thildang a hip chho leh a nih chuan a
tluka Black Hole hlauhawm, hipna na
hi awmturah an ngailo a ni.

Bible chhut hmasa ber lilam :

English-a Bible an chhut hmasa
ber, lehkhabu vang tak chu lilam
a ni dawn.
Willian Tyndale lehlin Thuthlung
Thar bu, tuna an lilam tur hian
Pound 35,000 vel a lakluh theih
beisei a ni a. He lehkhabu hi a
hming an puanzar loh chuan kum
1960 bawr vel khan secondhand
lehkhabu dawr atangin Pound
1.25 in a lei a ni. Tyndale Bible hi
a hunlaia Roman Catholic
Church-in Kristianna a awp dan
han cho pha a ni a, Tyndale hi kum
1536 khan tihhlum a ni a, a
lehkhabu lehlin hmuh theih ang ang
chu halral vek a ni bawk. Hemi
hnu hian King Henry VIII chuan
Bible letling turin thupek a
tichhuak leh ta a ni.
Tun tuma an lilam tur
Bible hi a neitupa hian a ngaina
hle a, thla tam vak lo liamtaah
khan a hlutna a hre chhuak chauh
nia sawi a ni. Bible hi Sotheby-ah
July ni 15 hian lilam a ni ang.
Charity Match ah Rs. 60,000
hmuh a ni :
Ni 26.6.2015 (Zirtawpni) a
Champhai XI leh Mizo Professional Footballer inkhel-ah khan
Rs. 60,000 bawr vel hmuh a ni a.
Nimin khan CDFA thukhawmin
leiba te pek fel hnuah sum la bang
zawng hi CM Relief Fund leh
Hospital Charity Fund atan an hlan
nghal dawn a ni.
Kan veng thlangval
Lalthuammawia Ralte pawh
Vengthlang Sporting Club te
chuan amah chawimawina thuziak
hi Field sirah an tar a.
Thuammawia pic hi kan neih
remchang loh avangin FKa pic hi
kan rawn dah ta mai a ni.

Published, Edited and Printed by Chanchinmawia for and on behalf of Vengthlang Branch YMA