Synod Information & Publicity Department, Synod Office (Third Floor), Mission Veng, Aizawl

Synfocity =
mail us at : [email protected]; [email protected] - Phone - 2314648
502
28
th
August, 2014
1 Ramthar Ni
August 31, 2014 (Pathianni) hi Ramthar Ni a ni a, Mizorama Presbyterian Kohhran rawn dintu Rev. David Evan
Jones (Zosaphluia) Mizorama rawngbawl tura a lo thlen ni a nih vangin Mizoram Presbyterian Kohhran tan Ni
pawimawh bik a ni. Kum 1972 Mizoram Synod Inkhawmpui chuan, Synod Ramthar Board-in, August ni 31, Pu
Zosaphluia Mizorama a lo thlen ni hi Synod Ramthar Ni atan hman ni se, tia a rawtna chu pawmin kum 1973 atang
khan August 31 chu Ramthar Ni atan hman tan a lo ni ta a ni.
Mizorama Chanchin tha rawn thlentu hmasa ber (Pioneer Missionary) Rev. William Williams chuan Khasi rama a
thawh laiin Syhlet lama Mizo lung in tangte hnen atanga Mizote chanchin a lo hriatin Mizorama kal duhna a nei ta
a. Kum 1891 March 20 khan Aizawlah a lo kal a, Mistiri leh kut hnathawka inhlawhfate hnenah Pathian thu hrilin
tract te a sem a. Mizoram chanchin hi Welsh ramah a zu sawi a, Welsh Presbyterian Mission chuan kum
1892-ah Mizoram chu Missionary tirh luhna atan a thlang ta a. Rev. William Williams hi tirh an tum a, mahse
vanduaithlak takin a thi ta mai si a. Mi thar an dap leh a; Theological College-a an zirtir chhungin hun a lo vei hman
a. Hetih lai hian Arthington-a mi tirh Rev. F.W. Savidge (Sap Upa) leh Rev. J.H. Lorraine (Pu Buanga) te kha an lo
chhuak a, kum 1894, January 11-ah Mizoram an lo thleng a; Welsh Presbyterian Mission tirhin Rev. D.E. Jones
(Zosaphluia) hi kum 1897, August 31-ah a lo thleng ve leh ta a ni.
Mizoram Presbyterian Kohhran chuan kumin (2014) Ramthar Ni pual hian tum hnih inkhawm atan programme a
siam a, chawhnu inkhawmah thupui atan Thawk zl la, i thawhah lawm rawh (Sam 126:5-6; Jn 4:34-38; 1 Kor 3:5-
8; 15:58)) tih an hmang ang a, zan inkhawm thupui atan Zn a lo thleng dawn, thawk ru (Jn 9:4; 17:4; Tim 4:6-8)
tih an hmang ang.
w Ramthar Ni (August 31) hian Synod Mission Board thawktute Kohhran hrang hrangah hun hmangin an insem
darh dawn a, Missionary trainees ten an tawiawm bawk ang. Zin turte chu :
Kalna tur Kohhran Kal chhuak turte
s Zamuang Bial - Rev. Lalchhuanmawia, SMB Secretary
s Thingsul Tlangnuam - Rev. P.C. Pachhunga, Executive Secretary
s Luangmual West - Upa Lalrinmuana, SMB Coordinator
s Khanpui - Upa Denghmingthanga, BEC Member & Pu H. Vanlalchhuanga, Supervisor of
Schools, SMB
s Zawngin - Upa H. Ngurkhuma, Pensioner & Pu Lalbiakenga Fanai, SMB Asst. Coordinator
s N. Vanlaiphai Venglai - Upa Lalhmingthanga, Mission Promoter
s Darlawn - Rev. Lalbiakvulmawia, BEC Member & Pu Lallawmnakima Hmar, SMB Staff
s Sihfa - Rev. C. Chawngliana, BEC Member & Pu C. Kapthanga, SMB Staff
s Tuikhuahtlang - Pu C. Lalzawmliana, SMB Promoter
s Samlukhai - Upa Vanlalchhunga, BEC Member
s Venghlun, Chhiahtlang - Pu R. Lalchhanhima, SMB Staff
1 PBS Farewell & Dedication Service vawi 31-na
August 26, 2014 chawhnu dar 1:00 khan Presbyterian Bible School (PBS) chuan Pi Zaii Hall, Synod Conference
Centre-ah Farewell & Dedication Service vawi 31-na an hmang.
Dedication Service programme hi Synod Moderator Rev. K. Lalhmuchhuakan kaihruaiin hunserh a hmang a, Rev.
Vanlalzuatan Presbyterian Bible School-a thawktute, Board member leh zirlaite inhmelhriattirna hun a hmang a,
PBS Principal Rev. R. Lalengmawian report a pe bawk. Rev. Lalrinmawia, Board Member-in zirlaite hnenah Certificate
a hlan a, Rev. K. Lalhmuchhuakan thuchah sawiin Pathian hnenah zirlaite hlanna hun a hmang a, zirlaite hnenah
lawmman a hlan bawk. Session 30-na (January April, 2014) atangin zirlai ti thate hnenah Pu C. Awithanga Award
- Christian Theology leh Church Administration Subject-a mark hmu sang berte hnenah pek tan an ni a, Pu C.
Awithanga fanu Pi Lalbawii, Republic Vengin he Award-te hi a hlan a ni. Zir chhuakte tana tawngtaisakna hun Upa
Lalthianghlima, Board Member-in a hmang a, Rev. Dr. K. Lallawmzuala, Board Member leh zirlai atangin thusawi
tawi ngaihthlak a ni bawk. Nl. Jenny V.L. Dinpuii, Chanmari West a zai bawk. Rev. R. Lalsawtan lawmthu sawina
hun a hman zawhah chairman-in malsawmna sawiin a tin a ni.
Presbyterian Bible School hi kum 2004 May thla atangin tan a ni a, a din tan tirh atangin zirlai 1365 zinga 1137-in
an zirchhuak tawh a. Session 31-naah hian zirlai 61 an awm a, chung zinga 53 chuan zir tluan chhuakin an pass a;
First Division-ah 31, Second Division-ah 14, Third Division-ah 2, Simple Pass 6 leh Exam lo 8 an awm bawk.
Tun tuma ti tha zual top 3 te chu:-
1. Laltanpuii D/o Lalremsiama (L), Zotlang Kohhran, Champhai
2. Lalbiakzuala S/o Vanlalchhunga, Kawnpui Chhim Veng Kohhran
3. C. Lalbuangi D/o Thangkuala (L), Mission Vengthlang Kohhran
Presbyterian Bible School atanga zir tam berte hi rawngbawlna tangkai takah an inhmang zui hlawm a, Sunday School
zirtirtu, missionary, social worker-te hna thawk an awm nual a. B.Th, B.D leh B.Miss. zawm thahnem tak an awm bawk.
Tin, Synod Revival Speaker leh team member tam zawkin Bible School atang hian an zir chhuak tawh bawk.
1 FG&CC Counselling Training khar
Mizoram Synod, Family Guidance & Counselling Centre (FG&CC)-in Kohhran hruaitute puala August 13,
2014 atanga Synod Conference Centre-a Church Leaders Intensive Residential Pastoral Care & Counselling
Training vawi 21-na a buatsaih chu August 26, 2014 (Thawhlehni) zan khan Final Evaluation & Graduation
Service neiin khar a ni.
Training kharna hun hi Synod Moderator Rev. K. Lalhmuchhuaka chuan a hmanpui a, training chhuakte hnenah
Certificate semin thuchah a sawi. He Counselling Training-ah hian Pastor Bial 7 atangin Kohhran aiawh 31 an tel a ni.
Training kharna inkhawm hi Rev. Lalramliana Pachuau, Executive Secretary, i/c FG&CC in a kaihruai a, Rev. R.
Lalhmingthanga, Director, FG&CC-in FG&CC rawngbawlna report a pe a. Training chhuakte chuan training an
hlawkpui dan a lema an ziak chu entirin an hrilhfiah a, Upa H. Khawlmawian training te aiawha thu sawiin, Luangmual
Pastor Bial Zaipawl an zai bawk.
w
w
w
.
m
i
z
o
r
a
m
s
y
n
o
d
.
o
r
g
Contd,..
Synod Information & Publicity Department, Synod Office (Third Floor), Mission Veng, Aizawl
Mail us at : [email protected],
[email protected]
Synod I nf ormat i on & Publ i ci t y
Phone - 2314648
Synfo
Synod Social Front Helpline: 9089777129;
Tuai & Patil Helpline : 8729800130;
Students Helpline : 9856883377
He hun hmanpuitu Synod Moderator chuan training chhuakte fuihna thu sawiin, Rawngbawlna ki pui ber pakhat chu
midangte tanpui hi a ni a, mahni hrehawm pawisa lova, Kohhran mite ngaihsaka, an harsatnaa tanpuitu ni thei tura
inbuatsaih zel hi thil pawimawh tak a ni, a ti a, training chhuakte pawh harsatna tawkte tanpuina kawngah nasa
zawka inbuatsaih zel turin a fuih bawk.
FG&CC Director report-in a tarlan danin, FG&CC hian Pastor-te pualin Pastoral Care & Counselling Training hi vawi 23
buatsaih tawhin, Pastor 391 training a neihpui tawh a. Church Leader-te puala kum 2002 atanga training a neihpui
tawhah, tun tuma mite nen hian Kohhran hruaitu 401 Training pek an ni tawh bawk a ni. Tin, Synod hian Counselling
Centre pali - Mission Veng, Chanmari, Vaivakawn leh Champhai Vengthlangah te a nei a. Heng Counselling Centre pali-
ah hian kumin August 26 thleng khan pantu (Client) mi 10,270 nei tawhin kumin bikah pantu mi 1,606 an nei tawh bawk.
1 Beihrual
Presbyterian Kohhran chuan September 1, 2014 atang hian Beihrual thla an hmang tan ang. September 1 - 7
chhung hian Ramthar Hapta hman a ni ang a, September 22 27 hian Kristian Chhungkaw Hapta hman a ni bawk
ang, September 28-ah Nu leh Pa Ni leh Kristian Chhungkaw Ni hman a ni ang. Beihrual hi kum 1918 June thla
atanga hman tan a ni a, kum 1925 atangin September thlaah neih thin a ni ta a, kum 1947 atangin Nilai Zan Thupui
Bu leh Beihrual Thupui hi bu khata siam tan a ni.
1 Music
September 1 - 9, 2014 chhung hian Tahan-ah Choir Conductors Training neih a ni dawn a, hemi neihpui tur hian Pu
Lalromawia, Senior Music Instructor leh Pu Benjamin Sailo, Music Instructor te an kal.
1 Synod Mission Board
w September 3 - 12, 2014 chhung hian Home Mission South Tlabung Bial School tlawh turin Pu H. Vanlalchhuanga,
Supervisor of Schools a kal ang. A zin chhung hian Tuichawng, Tlabung, Diblibagh, Tuikawi, Malsury, Putlungasih
leh Zawlpui School te a tlawh ang.
w Arunachal West Field Working Comittee vawi 98 na August 27, 2014 a Itanagar-a neih chuan Baptisma chang
thar neih dan hetiangin a tarlang : August 2014 thla bikah Puitling - 33; Naupang - 31; Total = 64. Kumin (2014)
chhunga Baptisma chang tawh zawng zawng chu Puitling - 154; Naupang - 145; Total = 229 an ni.
1 MSSU
August 30, 2014 (Inrinni) hian Zemabawk East Kohhranah Sunday School Zirtirtu Training neih a ni dawn a, hemi
neihpui tur hian T.Upa Lalthahluna Ralte, MSSU Asst. Coordinator leh Upa K. Vanlalnghaka, Ramhlun East (MSSU
Trainer) te an kal ang. Zan Pathian biak inkhawmah Upa K. Vanlalnghakan fanau enkawl (Child Evangelism)
chungchang thuchah a sawi ang.
1 Kohhran Hmeichhia
August 26 - 29, 2014 hian Presbyterian Women Fellowship (PWF) Committee, Shillong-a tel turin Pi K. Lalliantluangi
(PWF Chairperson), Pi H. Lalpianthangi leh Pi C. Lalneihthangi (PWF Standing Committee Member) te an kal.
1 Social Front
February - July, 2014 chhunga Synod Rescue Home rawngbawlna tlangpui hetiang a ni :
Damlo enkawl Mipa Hmeichhia Total
w Admit zawng zawng 109 19 128
w Tlan chhuak 30 1 31
w Dah chhuah 4 - 4
w Hruai chhuah 3 0 3
w Released 63 12 75
w Tuna awm 39 10 49
1 Hruaina Eng FM Radio & TV Programme
w AUGUST 29 (FM Zoawi Aizawl @ 7:30 p.m.) :
Solo : PC Lalremruati - An hawi kir ngailo, Choir : TBZ Choir - Ka Rawn Inhlan E, Thuchah : Upa Lalrammawia Ngente
- Tunlai khawvel leh kristian nun 1, Solo : B Tea - Nitinin, Choir : Mizoram Synod Choir - Aw Isu,min kai ang che
w AUGUST 29 (FM Lunglei @ 7:30 p.m.) :
Solo : PC Lalremruati - An hawi kir ngailo, Choir : TBZ Choir - Ka Rawn Inhlan E, Thuchah : Upa Lalrammawia Ngente
- Tunlai khawvel leh kristian nun 1, Solo : B Tea - Nitinin, Choir : Mizoram Synod Choir - Aw Isu,min kai ang che
w AUGUST 31 (TV Programme @ 3:00 p.m.) :
Zaipawl : Tlangnuam Bial Zaipawl - Thih ni hmel, Sermon : Rev. Zosangliana Colney - Ramthar Ni Thuchah,
Solo : H. Lalremruati - I ta ni se, Naupang Pual : Joy Bells - Chanmari Kohhran, Mizo hnam lam & thil dang
: PC Girls School
1 Susamachar Prasaran Programme
AUGUST 31 (Pathianni) 5:00 pm. Hindi Gospel Programme (Susamachar Prasaran) :
Group/Choir/Solo : Durtlang Masihi Sangati - Halleluiah Chorus, Group/Choir/Solo : Hunthar Kohhran - Ibadat
Karo, Sermon : Rev PC Rohlira - Isu masi pita ke pas me pongni ke lye rajta, Group/Choir/Solo : Chawnpui
Kohhran - Saron Ka Gulab, Group/Choir/Solo : Central PYF Choir - Krus Par
1 Synod Moderator Programme
Synod Moderator Rev. K. Lalhmuchhuaka chuan tunkar tawpah hetiang hian hun a hmang ang :
w August 30, 2014 (Inrinni) Zan : Farkawn Chhim Veng Kohhran
w August 31, 2014 (Pathianni) Chawhma : Thekte Kohhran
w August 31, 2014 (Pathianni) Chawhnu : Thekpui Kohhran
w August 31, 2014 (Pathianni) Zan : Farkawn Kohhran
KTP QUIZ HRIATTIRNA
Synod Information & Publicity Department-in Aizawl khawpui Presbytery huam chhunga Branch KTP
te pual KTP Quiz 2014 a buatsaih tura tel tum te tan August 31, 2014 hmain Synod Office-a in report
tur a ni e.