Editor : 9862148235

Website: www.electricveng.com
KUMPUAN
Ram leh Hnam
Humhalh
Vol . 21 No. 14 TUITU : ELECTRIC VNG : AIZAWL : NI 4 |OMIR THLA 2014 (PATHIANNI)

1994 Estd.
(Kr tin Chhuak)
(An Official Organ of Electric Vng Branch Y.M.A)

Vengchhung
YM chu \anpui ngaite \anpuitu a ni
YMA MOTTO
1. Hun wl hman \hat
2. Zofate hmasawnna ngaihtuah
3. Kristian nun dan \ha ngaihsan
(
(Chhunzawmna phek 2-naah)
- 2014 Matric Result:
Hubert Ramdinsanga s/o Clement
Lalruatmawia, B-2
- D(SS, Sc, M, Eng) Mizoram pumah 16na
Lalmuanawmi d/o H.Chhawntluanga, B-3
- D(Eng, Sc,IIT)
Lalchhanhimi d/o C.Zoliana, B-5
- IIIrd
Vanlalthanpuii d/o C.Vanlalchawia, B-6
- IIIrd
2014 Pawl XII exam result pawh
chhuak thuai tura beisei a ni a, kan tu leh
fate result kan inhriattir zel dawn nia.
MZU hnuaia Bachelor degree
hrang hrang (BA, BSc, etc.) ten exam an
hmachhawn mek a, zirna thibuai thei tur
thawm siam lo turin kan inngen in kan
inhriattir a ni e.
- Pu Denghmingthanga Zadeng,
Sec-IV(B-3) chuan Bachel or of
Chirstian Studies(BCS) chu Senate of
Serampore hnuai ATC a\angin \ha
takin a zo, kumina pass awmchhun ni a
hriat a ni.
- Ni 29.4.2014 khan Mizoram
State Child Protection Society buatsaih
Child Abuse Prevention Awareness hman
a ni a, hemi denchhen a Poster
insiamsiakah Tv. Lalremtluanga s/o
Lalhmunthara, Sec-I(B-8) chuan
lawmman Pakhatna a dawnga, tin, Logo
design-ah Tv. Laltlankima s/o
H.S.Lalhruailiana, Sec-II(B-4) chuan
lawmman Pakhatna a dawng bawk.
- Tv. K.Lalhmingsanga s/o
Lal\hasangi, Sec-III(B-V) chuan Sikkim
Manipal atangin Bachelor of Business
Mangament chu 2nd-ah a pass.
- Tv. Zodingliana s/o
R.Lalmalsawma, Sec-IV(B-3,A) chuan St.
Joseph College, Bangalore a\angin B.Sc
\ha takin a pass.
BOOTH CAMP |AN A NI
Ni 1, May 2014 (Ningani) chawhma dar 10 a\ang khan EYMA Hall
a\angin Booth Camp, Sesawng CTI Training Centre-ah luh \an a ni a, hemi ni
hian YMA member thlan bik mi 30 thawk chhuakin vengchhung \halai
Ruihtheihthilin a tihbuai mekte camp a lut tura hruaikhawm an ni a.
Booth Camp-ah hian Branch,Section leh Vengchhung Kohhran Thalaiten
Camp a lut turte sawihona neiin mi 42 list siamin Branch YMA hmingin Camp a
lut tura sawmna pek anni a, heng zing atang hian mi 28 lutin (Zirtawpni thlenga
lut), Rawngbawltu mi 10 an lut bawk. Camp lut tura sawmna pek tawh lutlo te
chu kumin chhunga rui chunga buaina/bengchheng/thilruk leh Khawtlang hruaitute
mit kham zawnga an awm chuan an chungah action na tak lak an inhuam thu
ziaka intiamtir an ni.
Camp enkawltu tur te -
Camp Director : Lalrampara
Secretary : Lalchhuana Renthlei
Counselling : Pu Vanlaldika leh a \hiante
Booth Camp luh ni hian Camper-te leh Rawngbawltute kalna tur atan
heng ahnuai a mite hian an motor an rawn thawhchhuahpui a -
1. Pu Vanlalauva 2. Pu Lalthachianga 3. Tv. Vanremsanga
4. Pu C. Lalrokhuma 5. Pu RN Lalthianghlima 6. Pu Jesse Lalngura
7. Pu John Zoliantluanga 8. Pu Lalrampara 9. Pu Lalthangfala
10. Pu Lalthangkima 11. Pu Lalnuntluanga 12. Pu Laldinpuia
13. Pu Lalzuitluanga Ralte 14. Tv. David Zochhuanmawia
Camp atan heng mite hian thilpek an pe bawk:
1. E-K|P a\angin Rs 10,000/-
2. Section - IV, E-YMA a\angin Rs 500/-
3. Camp Fee - Rs 3,200/-
4. Pi Tlangi Sec - I (B-9) - Energy Drink (1 Case)
5. Tv. Lalrinmuana, 7th Day |halai Leader - Electric bungrua thahnem tak leh
inverter set
6. Pi Rotluangi, Sec - III (B-5) - Damdawi thahnem tak
7. Pi Lalpekhlimi, Section - II (B-4) - Hmunphiah leh Sahbawn
8. Pu Lalrampara leh Tv. Lalchhuana Renthlei - Ui pum 1 (Rs 3000/- man)
Booth Camp hi Vengchhung |halai Ruihtheihin a tihbuai mek ten
nun kawng dik an zawh a, an nundan \halote an sim theihnan neihsa nei lovin
Pathian rinchhanin siam a ni a, thilpek petu zawng zawng chungah Organising
Committee chuan lawmthu a sawi mawlh mawlh a, thla khat chhung lai neih
tur a nih avangin Veng nu leh pa, |halaite leh mi inphal tak takte thilpek leh
\awng\aina a hre reng turin Booth Camp Organising Committee chuan a
ngen tak meuh meuh a, tunah hian cheng sing thum chuan hman zawh a ni tawh
a, pawisa kawl a tam tawhlo hle a ni.
Booth Camp a lutte hi an chhungte leh thian \hate tlawh phal an ni lova,
Pawl ang leh tlawh tuma kal tumte chuan Branch YMA hruaitute hriattir hmasak
phawt tur a ni. Tin, Camp tlawhtuten Camper-te thlalak Facebook, hatsapp
etc. a post phal a ni lo bawk. Camp luh hun hi khar a ni tawh a, engemaw vanga
luh tum an awm a nih pawhin Branch YMA hruaitute leh Camp Puipate rawn
hmasa lo chuan luh tum luih loh tur a ni. Camp a thilthawn tumte chuan Nl. Zualtei
Dawr, Sakawrpului emaw Tv. P. Lalthasanga Dawr, B-6 ah te dah \hin tur a ni.
Editor : Malsawmtluangi
Jt.Editors : R. Zaimawia, Francis Lalnunmawia,
Jonathan Ramropuia.
News Editors : Lalrammawia Sailo, Lalpanmawia Sailo
Treasurer : Zohmangaihi Tuallawt
Correspondents:
Lalthangkima, PC Lalhruaitluangi, Vanlalhruaia, Jesse Lalngura,
Laldinmawia, Eddie Lalmuanpuia, R.K.Lalhmachhuana, Zothanmawii,
K.Lalrinsangi, Ophel Lalthlamuani, PC Lalsangzeli, Eric Lalremruata,
Lalramchhana, Lalhruaizeli.
O.B. IN CHARGE : K.Lalthanmawia (Vice President)

BRANCH HUANG
Ni 27.4.2014 (Pathianni) Chawhma Inkhawm ban khan
Branch leh Hall Office Bearer-te an \hukhawm a, Hall sak mek
chungchanga hmalak dan an sawiho.
Ni 27.4.2014 (Pathianni) tlai khan Branch Office Bearer-
te an \hukhawm
Ni 27.4.2014 (Pathianni) tlai khan Branch,YMA Kumpuan
Office Bearer-te leh Booth Camp a Rawngbawltu tura ruatte
an \hukhawm.
Ni 1.5.2014 (Ningani) khan Branch YMA leh Vengchhung
Kohhran hrang hrang |halaite buatsaih Booth Camp chu CTI,
Sesawngah \an a ni.
Ni 28.4.2014 (Thawh\anni) zan khan Booth Camp
Organising Committee chu E-YMA Committee Room-ah
an \hukhawm.
Ni 2.5.2014 (Zirtawpni) zana Branch YMA Executive
Committee Meeting neih tum chu Vengchhungah chhiat
tawk an awm avangin \hulh a ni a, neih leh hun tur chu
inhriattir a ni ang.
SECTION HUANG
YMA ZAIPAL MUSIC VIDEO SIAM MEK A NI
Electric Veng Branch YMA Zaipawl Music Video siam
mekah ni 29.4.2014 (Thawhlehni) zan khan E-YMA Hall-ah
Shooting Vawi-3na neih a ni a, he hunah hian ruahman lawk
angin Zan Dar 7 atangin YMA Chhang member 160 chuangin
Sarlamkai hmuhnawm tak an entir chu Shoot hmasak a ni a,
zan Dar 9 vel atangin kan Sawmna ngai pawimawhin E-MHIP
ten Par Lam hmuhnawm tak an rawn entir chu Shoot leh a ni
a, Hemi zan hian Lam entirte bakah tawiawmtu nu leh pa leh
|halai engemawzat an rawn tel a, hruaituten lawmthu an sawi
a, mit leh beng pawh a tlai ngei mai.
Branch-in ruahmanna a siam dan chuan ni 13.5.2014
(Thawhlehni) zan hian Upa Satthuama kawt, Sec - III (B-6)
ah Shooting hi nei leh tura hmalak mek a ni a, hemi hunah hian
Music rema tleirawlte lam bakah Section tin aiawh Cheraw
bu-1 \heuh leh Culture & Music Sub Committee atangin bu-1
lam tura beisei an ni bawk.
He YMA Zaipawl Music Video-ah hian Vengchhung
naupang, |halai, nu leh pa a tam thei ang ber lang thei tura
buatsaih a nih angin la langlo zawng zawngte Shooting neih leh
turah hian Mizo hnam incheia inthuam a, tel \heuh turin Branch
YMA chuan a sawm tak meuh meuh a ni.
Section-IV
Booth Camp \anpuinan Rs.500 an thawh a, tin, Booth
Camp-ah hian dawr an siam bawk a ni.
Section-V
Pathianni tlai lamah kawng sira \hua mi kawng kal tibuai
leh bike thawm ring tak nena tlan kual mai mai ching an awm
leh \hin a, chutiang chu a thlen tawh loh an a \ul dan ang zela
hmalak a ni ang.
(Vengchhung chhunzawmna)
HMA THLIR
Mizorama chhungkaw tin hi khawi emaw lai zawn
\heuhah sualna in min rek, a \hen chuan inlungrual takin
kan do tlang \ang \ang a, a \hente erawh chu mahniin kan
\ang \ang \ang a, chutiah lai chuan ngaihtuahna pek tawk
loh avanga sualna lawm lut, a hnua nun harsa leh chhungkaw
kehchhia kan tam em em a ni.
Upa zawkte an liam a, |halai zawkten ro an rel
zelna khawvelah hian nu leh pa te hian engtinnge kan fate
kan enkawl? Tun a\anga kum 10, kum 20 a Mizoram awm
dan tur thlir lawkin nge kan enkawl, kan \henawmte lakluh
zat leh khawsak dan tehfung a hmang chungin?
Chaw ei leh zun ram thiar dan a\anga pen hum dan
thlenga zirtir ngai kan tu leh fate hi nun dan zirtir an ngai a ni
ti kan theihngilh ta em ni Tunlai \halai chuan nun dan an
hrelo kan tih tak fo mai.
Mi tam takin nih ve theih loh - Pi, Pu, Nu leh Pa ni
thei a khuannu ruat kan nihna inhre rengin kan tu kan fate hi
kawng dik kawhhmuh ngam tura puan ven sawi chhin a
hun tak meuh a, beidawng loin i \ang tlang ang u.
- Presbyterian Kohhran Pastor K.C.Vanlalduha leh
Rev. Thanhnuna, Sec-III(B-3) te chu May ni 1 a\anga \an
Presbyterian Church of India General Assembly chhimin
Shillong-ah an zin.
- MPL Final khelh zawh takah Tv. Lalbiakhlua
(Mizoram Police FC), Sec-IV (B-3) chuan goal 8 thunin
goal thun hnem ber a ni.
- Pu Sanglura Sailo, Sec-III(B-6) te chhung chuan
mamawh a hman atan VDP hnenah Rs. 10000/- an hlan a,
VDP chu a lawm hle a ni.
- Ni 1.5.2014(Ningani) khan Hmingthansanga s/o
Lal\anpuia, Sec-II(B-7) chu khaw\halo leh luak avanga
Civil Hospital-a ni engemaw zat enkawl a nih hnuin dam
takin a lo chhuak.
- Ni 28.4.2014(Thawh\anni) khan Nl. Lalliantluangi
Khiangte d/o Vanlalhumi, Sec-III(B-6) chu taksa
chaklohna avangin Aizawl Hospital-ah dah luh a ni.
- Pi J.lalmuanpuii w/o K.Lalremsanga, Sec-II(B-4)
chu Care Hospital-ah zai a ni a, a chhuah thuai beisei a ni.
- Ni 29.4.2014(Thawhlehni) zan dar 8:30 ah Pi
Lalengi(88) m/o P.C.Lalsangmawia, Sec--III(B-6) chu a
boral a, Ramthar vengah a ruang hi lak a ni.
- Ni 2.5.2014(Zirtawpni) tlai dar 6:10 ah Pi
C.Thangkungi(85) m/o C.Lalchhuanmawia chu a boral a,
a ruang hi tlaivar pui niin a tukah vui a ni a, Dawrpui veng
thlanmualah phum a ni.
Asst. Secretary : Lalchuangliana 9862374155
Treasurer : J Dengdailova 9774396407
Fin. Secretary : Lal\hachianga 9436143393
President : Vanlalauva 9436155098
V. President : K. Lalthanmawia 9862587424
Secretary : C. Lalnunfela 9774002188
(
Branch YMA
Office Bearers
Vol . 21 No. 14 TUITU : ELECTRIC VNG : AIZAWL : NI 4 |OMIR THLA 2014 (PATHIANNI)

EYMA HALL CHOKIDAR 2014

ZOSANGLIANA
Zosangliana(Zosanga) hi Pu Zoliana leh Pi
Lalnunnemi te fapa a ni. Section-III huam chhung Pu
R.C.Khuma building, Bial 5-ah chengin Presbyterian
Kohhran Electric Vengah a lawi a ni. Zosanga hian zirna
lamah Pawl 8 a zo a, huan enkawl a thiam hle a ni.
YMA Hall chhawngah hian kawngpui an a dawrte
leh ATM bakah, pindan hrang hrang VDP Office, Li-
brary, Tuitu Office, Gym, Anganwadi/ Local Council
Office, Main Hall leh Hall no. 2 te a awm a, a zau in a lian
\ha ve hle a ni.
Hall hi veng chhung mite chauh a hmangtu kan ni lo
a, veng hrang hrang a\angin infiamna chi hrang hranga
insawizawi turin mi chi hrang hrangin an rawn pan \hin a, a
rak hle a, a neitu kan nih ang takin veng mite ngei hian hmun
dang a\anga lo kalte aia neitu chan chang taka kan dimdawi
leh enkawl a \ul hle a ni. Hunbi neia hawn \hin Anganwadi,
Library leh Gym te bakah VDP duty hian a up \ha hle a, a
lawmawm hle.
Hall-ah hian meizuk phal loh a ni a, kan zawm leh
zawmloh a\angte, inneih ruai kan buatsaiha kan sulhnu
a\angte in Hall kan hlut leh hlutloh chiang taka hmutu chu
Zosanga hi a ni.
Chuvangin, a thawktuin phur taka Hall enkawl
hna a thawh theih nan Hall kan hman apiangin kan sulhnute
felfai taka kan kalsan zel a pawimawh hle a ni.
Zosanga hian sound system awm thei hun tur a
nghakhlel ve hle a ni.
MIZO NUN ZE MAI
Lalchhuana Renthlei

Tunlaia kan veng \hangthar \halaite nun ngun taka

bihchiana han en hian a hnuaia MIZO NUN ZEMAI
kan tih zinga point thum lek ka han ziah hi kan mamawh em?
1.TAIHMAKNA : Mi taima lo, thatchhe reng reng mi
hlawhtling an awm ngailo, thil \ha lam eng kawngah pawh
kan taima tur a ni. Chu chu Pathian thu in min zirtir dan pawh
a ni. Zirlai chu a zirna kawng ah a taima tur a ni a. Zirna
kawnga mi hlawhtling ni tur chuan taima taka lehkha zir a
ngai. Lehkha zir taima silo, Exam-na a result nei \ha thei viau
si an awm thin, heng mite exam-na a entawn ching an ni duh
khawp mai. Chutiang mi chuan zirnaah an thleng sang ngai
lova, mi rintlak leh chhawr tlak an ni ngai heklo a, mi hlawhtling
an awm ngai lo. Lehkha zirna kawngah chauh nilo, chhungkua-
ah, mimal nunah, kan theihna kawng kawnga mi taima \hinte
hi mi hlawhtling an ni fo \hin. Tuna Mizo zinga mi hlawhtling
tak tak, Central Sorkar-a hna lian tak tak chelh mekte,
Mizoram Sorkar hnuaia hna lian chelh mekte, kan ram hruaitu
lawk lian tak tak te hi zirlai an nih lai chuan eng kawngah
pawh mi taima tia sawi vek \hin an ni. Eng hna pawh,
sumdawng kan ni emaw, Sorkar leh private/Company hnuaia
hna hniam leh sang thawk emaw, nitin inhlawhfa \hin pawh ni
ila kan taima tur a ni. Mi thatchhia an hlawhtling ngailo.
2. RINAMNA : Mizote hi kan pipute kha chu hnam
rinawm ti a sawi an ni \hin. Entirnan, in atanga an len bo emaw,
in an chhuahsan dawnin an kawngkhar kharin Thingfakin an
do mai \hin a, an in an chhuahsan hlanin an inchhunga thil
engmah bo a awm ngailo. Tunlaiah chuan Tala lian rinawm
thei ang ber pawhin In kalh \hin mah ila, tala kar chhiata
inrawkna a thleng fo \hin. Hei hi rinawmna kan lo neih tak loh
avang leh mi thatchhia ten awlsam taka pawisa hmuh nana mi
thil ruka hralh chhawn leh an tum \hin vang a ni.
Zirlaite pawh hi kan zirna kawngah kan rinawm tur a ni
a, kawng dangah pawh kan rinawm tur a ni. Dawt sawi kan
ching tur a ni lova, Dawt sawi ching kan hriatchiante chu kan
hmusit zawk tur a ni. Chu mai bakah pawisa, sum leh pai
thilah pawh a tlem emaw a tam emaw kan rinawm tur a ni.
Bible-a kan hmuh angin tlemte chunga rinawmlo chu tamtak
chungah pawh a rinawm chuanglo atih hi thudik a ni a, kan
pawm tur a ni. Kan nitin nun leh, kan thusawi kawng ah pawh
kan rinawm tur a ni a, keimahni mimal nunah kan rinawm
anga, kan thusawiah kan rinawm bawk tur a ni. Dawt thu in
kan nung tur a ni lova, Dawt kan sawi ngai tur a nilo. Thudik
sawi thin hi mi huaisen an ni. Miin kan rinawmlohna vawikhat
an hmuh tawh chuan min ring leh ngai tawh \hin lo.
3. AIA UPA ZAH : Lu-a kelsam \o tawhte hmaah din
nachang hria la, upate chu zah rawh (Leveticus 19:32) tia
Bilbe-a kan hmuh ang bawk hian Mizote hi kan pi leh pute
atanga Mizo nun zemawi kan tih - tlawmngaihna, rinawmna,
(Chhunzawmna phek lehlamah)
INDOOR STADIUM LEH GOLDEN JUBILEE HALL
YMA Hall hnung lama Indoor Stadium sak tum chu
nasa taka hmalak a ni a, hetih lai hian Hall hmalama YMA
Golden Jubilee Hall sak pawh a \ang duang hle.
Indoor Stadium hmun laih hna chu zawh fel \ep a ni
tawha, AMC a\ang pawhin in Building sak phalna hmuh thuai
beisei a ni.
Golden Jubilee Hall sak mek chu a slab chhunzawh
a ni tawh a, Pu T.Thanzauva, Sec-III(B-6) te chuan cement
chawhna kawl chu a thlawnin YMA an hmantir a, a
lawmawm hle.
VDP lam pawhin duty pahin Indoor hmun laitute leh
Jubilee hall satute an vil pah reng bawk a, a lawmawm hle a ni.
TU TUTE NGE?
Pu b l i s h ed an d Ed i t ed b y Mal sawmt l uangi o n b eh al f o f EYMA, Ai zawl
Pri nt ed at t he Gi lzom Offset, El ect ri c Veng, : Copy 1130.

Vol . 21 No. 14 TUITU : ELECTRIC VNG : AIZAWL : NI 4 |OMIR THLA 2014 (PATHIANNI)
OPEN SCHOOLING (NIOS) ELECTRIC VENG
CLASS X & XII MORNING & EVENING SHIFT
ADMISSION HAWN MEK A NI E
A hmun : Wimberg School, Electric Veng
A hun : Monday to Friday (7am- 8:10am)
ExamCentre-te : Govt. Republic Higher Secondary School
Govt. K.M.Higher Secondary School
Govt. Bungkawn High School
Don Bosco Higher Secondary School
Tuikual P/S I
sd/-
Head Tutor
(MALSAWMDAWNGLIANA RENTHLEI)
Ph: 9436199353, 8974745399
Advert isement Fakna
(Phek 3-na chhunzawmna)
huaisenna, \anpui ngaite \anpui, leh taihmakna te zingah hian
aia upa zah hi a tel a. Kan pi leh pute khan aia upa
zawkte zah hi an lo thiam em em \hin a ni. Chaw eikhawmna
reng rengah pawh aia upa an bar khalh ngai lo ve tiin an lo
inzirtir \hin a. Chumi awmzia chu kum lama upa ten an ei
hmasak phawt loh chuan tuman an lo ei hmasa ngailo tihna a
ni. Naupang zawk ten Upa zawkte an zahin an tirh an hnial
ngailo. Upa zawk ten chutiang/khatiang chu a ngai
e/a ngai love an tih chu hnial lovin an zawm mai turah an
ngai hmiah \hin. Aia upa zawkte chu thil hre zawk an nih
avangin an thu an hnial ngai lo.
Ram chhuahna/Ram kalna-ah upa zawkte an zah thiamin,
an thu an ngaichang reng \hin a, naupang zawk ten aia upa
zawkte aia thawk hnem zawk nih an tum ran \hin. Vawi khat
pawh ramhnuai kalna-ah pa pakhatin he lung hi lungtat atan
a \ha mang e, ka va it e a tih chu tlangval pakhatin a rukin a
lo hawnsak a, in a an haw leh hnu ah a pe thlap a ni. Feh
kawnga upa zawkte rit put leh phurh te naupang zawk ten an
chhawk \hin, chumi awmzia chu upa zawkten thil rit an phurh/
put kha naupang zawk ten an phurh/put sak \hin.
Tuna \hangtharte zinga engemawzat, a tam zawk hian
aia upate zah nachang hi kan hre lovin kan thiamlo
hle mai a. Putar-te hma a din chu sawi loh kawng kalna ringawt
ah pawh aia upate kawng ken nachang hrelo kan tam khawp
mai. Chutiang ai chuan naupang zawkte upa zawk ten an ken
ngai te kan ni ta zawk hlawm niin a lang. |henkhat phei chuan
upa zawkte an hmusit zawk nia langin \awngkam te an neih
khum a, Hei hi Mizo zia a ni lova, a lo ching thinte chuan sim
hmak chi a ni. Thil zahthlak tak a ni zawk.
Tunlai mi, thangtharte hian Mizo nun zemawi zinga pakhat
aia upa zahhi zir thar lehin a nachang hre turin \an i la
thar leh ang u. Mahni nu leh pa, pi leh pu, upa tawhte duat
nachang hriat hi Mizo nun zemawi tam tak zinga pakhat a ni a,
chutiang tih nachang hrelo leh aia upa zawkte zahna
chang hrelo chu mimawl leh misual nihna a ni.
ELECTRIC VENG TBZ UNIT
BETHEL HRIATTIRNA
TBZ Inkhawmpui Vawi 36-na iin a rel angin kan
unit a\anga rawtna TBZ |awng\ai Bethel-Pui chu ni
10.5.2014(Inrinni) chawhma dar 11 hian Agape Camping
Centre, Durtlang-ah neih tur a ni a. He Bethel-Puiah hian
kan unit a\angin a tam thei ang ber tel turin kan insawm a, he
|awng\ai Bethel Pui a tel turte tan Unit-in motor a ngaihtuah
dawn a, hengte hi hriat tur a ni.
Innghahkhawm hun : Ni 10.5.2014(Inrinni)
chaw ei kham dar 11
A hmun : Pi Thanzuali In kawt, B-3
Ken turte : 1) Tiffin/ei in leh mahni mamawh tur te
2) Bible.
sd/-
Secretary
Hriatzauna
SIK LEH SA INTHLAK DAN
Thansavunga Khiangte
Ni tawi ber/zan rei ber chu December ni 21 emaw ni
22 emaw a ni a, inter Solstice ti a hming vuah a ni a, hemi ni
hian chhun(dar 12)-ah Tropic of Capricorn (23
0
30 S) chung
zawnah ni(sun) a awm. Lei leh ni chu nipui lai aiin Km.
4,800,000 laiin an inhnaih a, a inhnaih ber ni chu January ni 3
vel a ni.
|hal a lo ni a, chhun leh zan rei zawng a inang a,
Spring Equinox tih a ni. Chu chu March ni 21 emaw ni 22
emaw a ni. Chhun-ah Equator(0
0
Latitude) chung zawnah ni
a awm a, khawvel pumah chhun leh zan a inchen a ni.
Nipui a thaw a, ni a rei a, zan a tawi ve thung a, chu
chu Summer Solstice tih a ni leh a, June ni 21 emaw ni 22
emaw a ni thei. Hemi ni hian chhun-ah Tropic of Cancer(23
0
30 N) chung zawnah ni a awm ve thung. Lei leh ni inhlat hun
a ni a, July ni 4 vel hi a inhlat ber hun a ni. Leiin ni(Sun) hlat
hle mahse ngil taka a chhun/em avangin a lum hle thung a ni.
Favang kan thleng a, chhun leh zan rei zawng a inang
leh a, Autumn Equinox tih a ni. Chhun-ah Equator chung
zawnah ni a awm leh a, chu chu September ni 22 emaw ni 23
emaw a ni thei.
A tawi thei ang berin heng sik leh sa (season) chi li a
awmna chhan chu:
1) Lei axis ngil loh/awn avangin.
2) Lei hian awm hmun thlak reng mahse axis hawi
zawng a ngai reng vang.
3) Leiin orbit-a ni a hel kual(revolve) vangin. Orbit
hi Km. 940,000,000 vel a thui a ni a, lei hian darkar khatah
Km. 107,000-a chakin a orbit zawh hian a thlawk kual a ni.
4) Lei hi a vir(rotate) vang a ni. Lei pum(Equator)-a
teh kualin Km. 40,076 vel a ni a, darkar khatah Km. 1670 a
chakin a vir a ni.
Khawvel mum vanga sik leh sa hi inthlakdang lam a ni
lo a, a chet zia leh a kawng zawh vang a sik leh sa nei kan ni.
(Hriatzauna chhunzawmna)