To,

Estd: 2003

---------------------------------------------

Estd-2003 Tedim Khangno Kipawlna

Khol 9 Hawm 79 Itna tawh khat leh khat na kikhual un. (Gal. 5:13) 16 November, 2012
Zomite MAILAM KALSUANZIA DING 1. Pasian Bulphuhna (God Centredness) Zomi khempeuh in i omna tektek-ah Pasian nusia lo-in Pasian mah i beel tentan ding hi. I muangngam ding hi. Tua bang ka cih ciangin Zomite pen Khristian Lungdamna Thu (Gospel) hong tunzawh 2010 in kum (100) cingta hi-a, Zomi a tamzaw pi Khristian i hihi. Khristian-te in i biak Pasian mah i minam kalsuanna-ah bulsak ni. Tua bangmah-in Khristian ahi lo, biakna dangdang abia Zomi khempeuh in zong ei biak i Pasian tekmah bulphuh venvan-in nungta dih ni. Pasian in ei Zomite hong paai lo ding hi. 2. Minam Khualna (Nationalism) Zomi khempeuh in koilai koilai-ah omta lehang, i minam khualin i nungta ding hi. A beisa hun-ah hong khenthei, mimal vai, pau-le-haam awsuah, teenna mual-le-guam, i omna Pawlpi (denomination) te aa kipan thu tuamtuamte bulphuh-in i minam ahuampi-in i ngaihsun kha kei hi. Tu-in i thungaihsutna le i kampau i muukpau, i laigelhnate khempeuh-ah hih thu in ka minam a phungvuh ding hiam?, ahih keileh a vulsak zaw ding hiam? cih ngaihsun kawmin piltak le ciimtak-in i minam khual ni. Tua i minam khualna in minamdangte muhdahna, suksiat nopna leh paampaih nopna hikei tahen! Zomi kici lo peuh i gal i sak khak leh, i gal ding hong tam lua mahmah dinga, i pualah kik ding hi. I minam i khual mah bangin Pasian bawlsa minam dangte zong khualsiam ni! 3. Pilna Bulphuhna (Education Promotion) Tuhun pen pil hun a hihi. I pianna Zogam le Kawlgam buppi-ah zong pilna mah kibulphuh ta hi. Pilna i bul ngaihsut keileh, midangte nung-ah i nunung lua kha ding hi. Mi in leitungbup kalsuanzia hunlap-in thuhoih thupha a kikup tanghtangh laitakin Zomite pen internet sung khawng-ah mimal kikoko, kitawngtawng aa i omlai leh, i tualniam semsem ding hi. Tua banga mimal khat a buaipihte laigelhte tawh buailo-in i hun manphate pia-in zong sim sese lo-in phiat (delete) mai le hang Zomite hun i lapzaw ding hi. Tua bang mimal buaipihpih-te pen a mimal ngiat a, tualniamte hi a, sim sese loin awlmawh loh ding hizaw hi. I Zo taangthu sunga Suangtat satngam Penglam Galkap i cihte dinmuna a om lailai uh ahih manin thu i ngetsak ding kisam hi. Pasian thupha sangin tuipi galkhat-ah gampil gamsiam sate gam a tungsa Zomi khempeuh aw, no khang aa kipan khangsawnsawn dongin University minthangthang-ah pil tui hong dawn unla, Zosuan tate ni khat ni ciangin Leitungbup makai a suak ding dongin hong hanciam ta un. Ko i gam i lei aa omte in itna le lam-etna tawh thu kong ngetsak ding uh hi. Ko zong pianna Zogam le Kawlgam pan mahin ka hih theih tawpin pilna mah ka na hanciam venvan ding uh hi. 4. Taangpi Vai Ngaihsutna (Social Concern) A beisa hunin biakna le minam vai, biakna le gamsung thuvai (national politics), leh biakna le sumzon paaizonna cihte a tuam tuakin khenin i kilehngatsak hi. Leitung Pawlpi taangthute ah zong tua bangin a na om hun, om mah hi. Ahi zongin Kum zalom 20 beikuan le kum zalom 21 i lut khit ciangin Khristian Pawlpi le taangpi vai galbang sabangin a kilehngat-in mu nawnlo-in i Pasian upna in hih thute khempeuh a uk ding a huai ding, a lamlak ding hizaw hi. Zomite tuni ciang dong i tualniamna pen a beisa-in Pasian upna le leitung nuntakna i khenluat khak man a hihi. A picing upna-ah kalsuan-in tua i upna in i nisim nuntakna le i taangpi vaite uksak zaw dih ni! 5. Huaikimna (Inclusivism) Kum zalom 21 sungin biakna hi-in leitung thu-ah hitaleh, a tang omte a vaalvaal ding leh a zekaikai ding, a tualniamniam dingte hita hi. Biakna-ah zong ei up bang a um lote puasiahna (exclusivism) kizang thei nawn lo hi. Tua bang mahin sumbawl paaibawlna-ah zong Zomi

toif;awmf twGif; uefYowf

YOU ARE THE RISING STAR OF THE FUTURE

TEDIM

YOUTH

FELLOWSHIP

Motto: Zomi khangnote kideidanna omlo in ki-it, kikhual, kithutuahna tawh i khua i tui khantohna ding, i minamte noptuam nading i gam i lei etlawm nading. sumbawl khempeuh hong kipawl thei uh henla, Union khat hong nei thei-in i naingnganzi tama (politicians) te in zong Zomibup aa dingin hawmkhop theihna (forum) khat hong nei thei le uh bangzah aa deihhuai, bangzah aa i Zomi nam khangto ding! Leitungbup Zomite mailam hun ding khualna-in kum 100 cin Pawipi pan GZA kipankhia-a, ahi zongin a kipan tuung ahih manin i lam-et zahin ma telhzo nailo hi. Telhzo tase keileh, GZA bel mangkik, beikik nawn lo ding hi. A nunung penin American President khat ahi ngei Abraham Lincoln thugen tawh ka thu ka khup nuam hi. Amah pen a kiheeksuk, a kiheektohna a kipan a gamtatna khempeuh le a makaihnate ah uailua leh ziakai lua kisa ahih manin kigensiasia-a, ahi zongin amah in bel Kei, ka lampai ka ol mahmah hangin, ka nungkik ngei kei hi (I am a slow walker, but I never walk back) cihsan mai hi. Pasian in Zomi mimal sim le i minam bup tungah thupha guah bangin hong zusak henla, na omna munmun uah a thupha tawh hong tuamden tahen! Rev. Dr. S. Pau Khan En GZA Makaipi A (5) Veina TBC Youth Conference Gawngmual A (5) veina Tedim Baptist Convention,Youth Conference leh Kum (10) cinna Tin Jubilee pen NTBA gamsung Gawngmual khua-ah 5-9 November, 2012 sung kibawl hi. India pan Rev. Dr. Ngul Khan Pau te nupa leh a tapa hong pai thei a, Conference hunsung khempeuh Thu genpi hong sem hi. Khangnote ading in nuntak pihding thu manpha tampi hong genkhia ahih man-in tha kingah mahmah a, kilungdam mahmah ciat hi. Thu sinna hongpia Siate anuai abang hi. Rev. Dr.JM Ngul Khan Pau (Mihing Manphatna), Rev. Go Van Mung (Gam le lei aphut ding leh alam ding- Khristian Khangnote maban), Pa Kap Khen Pau (Sum zonzia leh Sum zeekzia), Sia Do Khan Khup (Sport Ministry) cih teng leh Kapno in hong tonpih ahi British Embassy asem Zomi Khangno khat ahi Sia Mung in tuhun Politics tawh kisai theih huai thute hong gen ahih man in kihampha mahmah hi. Nitak sim part one ah biakpiak kikhopna leh part two ah entertainment tuamtuam kinei hi. Nuihzaakna tuamtuam genna, talent show, ngeina laam leh music concert zong nopci takin kinei thei hi. A diakdiak in Yangon pan Zomi lasa siam Dalpi leh ama hong tonpih Barsogay (violinist), Sangte (Lead guitarist) leh Kam Sen hong omthei uh ahih man in nopci mahmah tuam hi. Thusin hunsung a kipatcil lam in guah hong zuk hangin thusinna nawngkai sak zo tuanlo a, khangno khempeuhin hanciam tak leh lunglut takin thu kingai ahih man-in lungkimhuai mahmah hi. Thu sin apai vekpi mi 420 kim bang kipha hi. Innteek Gawngmual Tuiphum Pawlpi pan in nek le dawn ding hong vaihawm bek thamlo a zu aham thuak mah in anhuan, anpiak te hong sepsak uh ahih man in kilungdam mahmah hi. Hih TBC-YD Thusin nading aa gamsung gampua pan ma hong pang khempeuh Topan thupha hong pia kim ciat tahen. Rev. Thang Suan Ngin (TBC) CNF/A van puakte kiman Nov. 9, 2012 ni-in Tiau pan Tedim lam zuan ding mawtaw (8) sungah vankham a kiciapteh a hi kunza sungah kikhah 92 cihte leh gamsung sumpiang Saphulipte CNF/A in pua in a vanpuakteng leh a mawtaw teng kiman cih thu kiza hi. Hih a vanpuakna van man Kawlsum tein 2600/- man dingin kiciamteh aa, a mawtaw man kihel nailo hi. Tua meiban zomin a beisa October kha sungin zatui namkhat mah a puak mawtaw Meitei gun (Mansuang gunlei) ah kiman in a mawtaw hawl(heek) pa'n kei ci ahih manin a gei a tu Pu Rokhuma a suakta lingleng ahi hi. Zawngtah kilim leita Khuahun paizia tawh kizui-in Zomite Zawngtah ih cihcih ih nuntakna nak dingin Pasian hong piakna hangin Tamu-Khampat-Kawlpi panin Zawngtah hong kilim lei mahmah ta aa Zogam pen nuntak gim nam mahmah hi.

Lungdam kohna Tutung laihawm a bei khempeuh Zomi Association Japan in hong sik ahih manin lungdam na lianpi ih nei hi. Tua bang zom in Tedim Youth Library a ding Josep Tungpu in Laibu tau khat hong pia ahih manin nakpi lungdam ih ko hi.

Tedim pan kihawm khia hi.