Since 18th Nov 2007

www.hyderabadmizo.org

An official weekly newspaper fot the Hyderabad Mizo Association Vol. 14 Issue- 8 Dt. 16th Sept 2012 (p- 1)

HMA Sport Special

KAN CHHUNGKUA ## Lalzarzoa Ralte(U Zara) pawh Mizorama lamah mahni hna tulna avangin a zin a. Nimin zing lam khan Hyderabad a chhuahsan. ## 10th Sept, Thawhtanni zinglam dar riat khan Mary Lalhmangaihsangi Kum 13, D/o Pu Vena, AOC chu Oxygen Hospital, Karkhanna, Secunderabad ah tluang takin a hrawk an zai fel thei e. ## Architect 2nd year zirlai te pawn tluang takin an semester exam chu nilaini (12th Sept) khan an zo fel. ## Nilaini vek khan Naupang George Laruatfela chu Railway Hospital, Mettiguda atangin a chhuak thei ta. George- a hi khawsik natna vanga Damdawiin a in admit a ni. ## Nl Lalrinpuii, Kal thlaka Inenkawl mek pawh tun Inrinni lam hian Zoram lamah haw an tum. ## Pu Lalthakima, Saitual, Kal thlak in chekup a lo kal pawh tunkar nilai (19th Sept) lam hian an haw chho ve bawk ang. HMA SPORT OUTDOOR PROGRAMME ZAWH FEL A NI
Nimin (15th Sept) khan tluang takin HMA sport Outdoor disciplines te chu HCU Ground ah zawh fel a ni ta. Mi 140 dawn chuang kan kalkhawm thei a ni. Nimin kan sport hi dar 10:30 chiahah kan tan thei a. Hei hi chhunzawm zel a tha khawp mai. Kan sport hi Pu Lalchungnungan Pathian hnena hlan chungin kan tan leh a. Outdoor programme kan hman thawh hnihna ah hian Intihsiakna chi hrang hrang chi 6 laiah kan inel leh a ni. Heng bakah hian Nu leh Pa inelna te, Naupang lam infiamna chi hrang hrang pawh buatsaih a ni a. Hun hlimawm tak kan hmang tlang leh thei a. Pu Vannuntluanga Pachuau, HMA Vice President in Pathian hnena lawmthu sawi chungin tlai lamah kan tin leh a ni Kan intihhlimna te hi huapzo zawk tura ngaihtuah a nih angin kan intihsiakna, kum danga kan la tih ngai loh kan telh thar te pawh kan hlut hle niin a lang a. Nu leh Pa Three legged race te, naupang intihhlimna chi hrang hrang te, Intuithal- siak te hi a intihsiaka tel te chauh niloin, a lo entute pawhin kan hlimpui em em a ni. Kan tih dan thin angin zing leh tlai lamah kalzat inchhiarna neih a ni a. Heng hi kan kaldan chu a ni. Zing lam inchhiarna: Blue House: 17 Black House: 27 White House: 43 Yellow House:18 Tlai lam inchhiarna: Blue House: 31 Black House: 47 White House: 50 Yellow House: 10 Tichuan kan intihsiakna result hrang hrang te chu hetiang hi a ni: 100m race: Mipa: 1)Black house 2)Blue house 3)White house Hmeichhia: 1)Black House 2)White House 3)Black House Relay Race (Mix race): 1)Blue House 2)White House 3)Black House Intuithal- sial (Mix): 1)Black House 2)Blue House 3)White House Sack race (Hmeichhia): 1)Black House 2)Black House 3)White House In- arpa sual (Mipa): 1)Blue House 2)White House 3)Blue House Football: Mipa: 1)Black House 2)Blue House 3)White House Hmeichhia: 1)Yellow House 2)Black House 3)Blue House Tin, kum tina kan tihdan angin house tin leader te nen luangrual takin discipline tha- Blue House hnenah Special point (point 10) pek remtih a ni.

SANA CHHAR Nimin HMA Sport naah khan Hmeichhe sana char a ni a. A tibotu chuan HMA Gen Secretary, Benjamin Lalnunsanga Colney hnen atangin lam theih a ni e.

Published and Edited for and on the behalf of Hyderabad Mizo Association by JNTU Hyderabad Mizo

An official weekly newspaper for the Hyderabad Mizo Association Vol.14 Issue-8 Dt. 16 t h Sept,2012(p-2) EDITORIAL BOARD Editor:Nehemia Lalramdina
Jt Editor:Anthony Zothansanga

LAWMTHU SAWINA HMA Sports 2012(Outdoor) chu tluang taka zawh fel ani ta a,a hmasaberin a bul atanga a tawp thleng a harsatna awm lova tluang taka min hruai tu Pathian hnenah lawmthu awm sela. Member te kan tangrual in sports hlawhtling tak kan neih theih nan theihtawp kan chhuah hlawm bawk a,sports in a tum ber inlungrualna leh in unauna tha zawk he kan sports neih atang hian kan hmu thei a,member tin te chungah lawmthu kan sawi tak meuh meuh ani. Sports thawhhnihna harsatna awm lova kan neih theihna chhan HCU zirlai te chungah lawmthu kan sawi duh bawk a,an ni hian ground tha tak a thlawn a kan hman theih nan theih tawp min chhuahsak a,hei mai bakah hian naupang sports na a rawn kal te intihhlimna an buatsaihsak bawk a,member tin te, a naupang ber atanga a upa ber thlengin hlim tlang takin hun kan hman theih phah a ,an chungah lawmthu kan sawi bawk e. He kan sports na ah hian Hyderabad-a kan NU ten hmun hla pan ngailova eitur tuihnai tak hmun hla tak atanga min ngaihtuah sak avangin kan lawm em em a. Kan nu leh pa te lam min rawn tawiawmna a tha em em a,a bul atanga a tawp thleng in minlo awmpui a, an mi uap na hnuaiah thlamuang takin intihsiakna kan nei thei a,an chungah pawh kan lawm tak meuh meuh ani. Sports kan neih chhung zawngin tumah rui buai leh harsatna siam zawng a khawsa kan awn lova,member tin te field chhung leh pawn ah kan discipline a tha in naupang zawk ten aia u te thu kan awih a,upa zawk te pawh naute tan entawntlak in kan awm bawk a,he kan nungchang mawi tak hi chhawm nen zel kan tum bawk dawn nia. A tawp ber na atan chuan sports hma a harsatna neuh neuh kan tawh hnuah Pathian in kan dilna te min chhan sak a, sports na tur hmun tha tak tak te min pek hnuah khawtha tak hnuaiah sports kan nei thei leh a,chu mai ni lovin sports chhung hian inhliamna hrang hrang lakah te min veng a,Pathian chungah lawmthu kan sawi theuh bawk dawn nia. Lalramzaua Sport Secretary Hyderabad Mizo Association

LAWRKHAWM ## MIZORAM 2-na: MTI 13th Muay Thai championship Hyderabad a khelh zawh takah khan Mizoram chuan gold 4, silver 3 leh Bronze 1 lain 2na an ni a. Mi 8 an lo tel thei a ni. Pakhatna Chhatisgarh hi mi 28 an tel thung a. Hetiang hi an medal lak dan chu a ni: 1)Laltlanmawii G 2)Zohmingsangi G 3)Lalhumhimi G 4)Vanlalengmawia G 5)Ngurlianzuala Sailo S 6)Lalnunpuia Hlimpuia Punte S 7)Johny Ngurthansanga S 8)Lalremruata B Manager: C Lalnunkimi G: Gold, S: Silver, B: Bronze He tournament ah hi ni 11th- 14th Sept chhung awh a ni a. Hyderabad Mizo tlawmngai thahnem takin a hmunah an tawiawm nghe nghe a ni. ## Internet service chungchangah BSNLin thiam loh a chang. Lunglei BSNL broadband hmangtuten service an dawn leh bill an pek inhen lo lutuka an ngaih avanga Lunglei District Consumer Forum a an zualko hnuin BSNL chu thiamloh chanter an ni a. Consumer ten bill an lo pek tawh 1,80,000 vela chhut chu pek let emaw, bill siam leh huna siamrem turin BSNL chu an hriattir. HRIATTIRNA Tunkar Inrinni (22nd Sept) hian Mahavir Hospital, Masab Tank- ah HMA Day lo awm tur denchhenin Thisen pek tur a ni a. Member te tlawmngai- phur taka kalkhawm leh turin kan in hriattir a ni e. Picture of the week

News Editor:Laltlankima (Email:[email protected]) Phone no:7893428032 8790692860

Sakeibaknei vanglaite chuan an sa seh tur chu hahum zuiin, Pathian hnen ata an ei tur an zawng thin Sam 104: 21

EDITORIAL
Pathian zarah HMA sport Outdoor lam chu kan zo fel ta. Indoor lam chu HMA day ah chhunzawm a ni dawn a ni. U Achhuana sawi ang deuh khan Intihhlimna turin kan sport a ni a. Inthianthatna te hi pawisa a lei mai mai theih a ni lo a. Hlimtaka kan han nui thler duai duai te pawh kha inunauna tinghettu a ni a, Kan sport hi hun khawhralna ang mai mai a nihlohzia kan hre theuh thei awm e. Puarak pawh Special edition a nih avangin hmel dang kan han puttir a ni e.

Sairawkherh
In arpa sual turah chuan ar kan keng ve silo aaaa..Ami (JNTU) Final a kan chakloh chhan kha chu Final boruak experience kan la neih tlem lutuk vang a ni deuh ber mai..Avala(Blue House) Nimin ka goal te kha Nelson atan ka hlan eweeehhhh ..James(HCU) Nimin kha chu ka che tha zekin ka hria.. U HZ Siama Haleem- Mizo version a ni ringawt lawm le, kan sawhchiar chu. Tui hleee mai. Inah siam ve teh ang.. Sawmtei (Masab tank) Nimin kha chu a chawhrualin ka tang berin ka hria. Zaithiam natna ka vei dawnin ka hria Gospeli (Blue house)

Published and Edited for and on the behalf of Hyderabad Mizo Association by JNTU Hyderabad Mizo