2020年白罗斯示威

2020年7月31号拉明斯克个示威活动

2020年白罗斯示威，又叫拖鞋革命（白罗斯言话：тапочная революция），是指2020年拉白罗斯一系列对抗威权主义卢卡申科政府个示威活动。 2020年5月，离总统选举三个月，埃面个市民跑脱街头，希望阻止卢卡申科拉选举里向第六趟连任。然而，渠最后仍拉畀指作票个情况浪成功连任哉。

背景

亚历山大·格里戈里耶维奇·卢卡申科畀叫做“欧洲最后独裁者”，直至2020年，已统治脱白罗斯长达26年，是后苏联国家里向最长任期个国家元首之一。拉渠个威权统治浪，搭渠对立个声音受到打压。拉渠前趟赢出个五场选举里向，只有第一场畀国际社会承认是公平公正个选举。

2020年，2019新型冠状病毒肺炎事体肆虐，卢卡申科个处理疫情方法受到哉更多个批评，但渠仍否认疫情个严重性。拉总统竞选里向，反对派候选人斯瓦特兰娜·齐哈诺夫斯卡亚指民众需要想方法保护选票，后头渠逃离白罗斯，示威活动亦畀指变成脱“呒不领袖”。

选举前头

2020年5月24号，有大概1000名示威者跑脱首都明斯克街头，参与示威活动，反对总统卢卡申科第六度连任，白罗斯YouTuber谢尔盖·季哈诺夫斯基把卢卡申科称呼作诗歌“强大个蟑螂”里向个“蟑螂”，指要用“拖鞋”踩在卢卡申科政府浪。几天后，渠畀指是外国间谍而畀当地执法部门拘捕。

2020年6月18号，拉巴巴里卡搭季哈诺夫斯基畀捕后，仍有大批市民垃拉明斯克街头组成人链，表示对巴巴里卡成为总统候选人个支持。巴巴里卡指政府捏造脱有关指控，认为箇是政治操作。总统卢卡申科则称示威侪是“受外国指使”个。后头，季哈诺夫斯基个妻子斯瓦特兰娜·齐哈诺夫斯卡亚申请登记成为总统选举候选人。

评论指出示威活动可能会的持续好几个月，演变成全面爆发个革命，好像乌克兰革命一样。德国马歇尔基金会指出，对比前头个白罗斯示威，箇趟个示威存在更大搭更广个打压。

到哉7月，欧洲安全搭合作组织宣布渠拉弗畀邀请参与监督选举，故弗能监督选举。箇是欧安组织辖下个民主机制搭人权办公室拉2001年来首趟呒不监督白罗斯个选举，虽然渠拉拉1995年就呒不承认过白罗斯个任何一趟选举是公平公正个。

8月6号，大概5000名示威者挥动白丝带，希望得到公平公正个选举。

选举当天

拉总统选举个当天（8月9号）个中午，白罗斯个网络出现异常封锁，政府指是因为分散式阻断服务攻击（DDoS攻击），有IT专家指出政府搭其附属组织会使用深度封包检测和流量整形技术。

到哉傍晚，亲政府电视台播放总统大选结果，显示卢卡申科得到逾八成个选票，随即引发全国各地多个城市，包括布列斯特、明斯克、维捷布斯克、格罗德诺、莫济里、平斯克、戈梅利、博布鲁伊斯克个民众上街抗议。起头示威和平进行，但拉明斯克，平民发官职人员发生脱冲突，城市个各个地区侪有人聚集。执法部门使用警棍、橡胶子弹、水炮、催泪弹、闪光弹等武器驱赶市民。是白罗斯共和国成立以来最大个示威活动。 保安部门拉夜门拘捕了大概3000人，最少50人因受伤畀送往医院，更有一名示威者死亡。

选举后头

8月10号早浪向，有民众到前一晚示威者死亡个位置献花，但当局呒不承认意外个发生。同个辰光，斯瓦特兰娜·齐哈诺夫斯卡亚拉YouTube上载视频，指自己已潜逃到立陶宛哉。到了傍晚明斯克个示威者效仿香港反送中运动个“Be Water”策略，转移了聚集个地点搭仔战术。当局出动脱手榴弹等武器追击示威者，使一名示威者拉爆炸里向死脱，内务部称伊是弗明装置拉渠个手中引爆。执法部门又出动哉水炮、橡胶子弹等武器，特别用途机动单位畀指抢占一些救护车或相似个车辆，使示威者允许其通过路障。

8月12号明斯克个其中一条人链，女性穿上白色衣服

8月11号，示威拉多个城市持续，橡胶子弹搭闪光弹成为哉常见个武器。拉戈梅利，畀捕人士个朋友搭家人畀禁止探访，也有指拉拘留室里向有警察滥用职权。

8月12号，拉明斯克，民众跑脱街头、堵路，女性大多穿上白衣，民众又发起哉全国个罢工抗议。同日，内务部承认“射杀”示威者。

国际回应

对卢卡申科个连任个国际反应。      白罗斯      祝贺卢卡申科      弗有得到认可或表示关注或批评      呒不反应

下头是对2020年白罗斯总统选举搭2020年白罗斯抗议活动个官方反应清单。

弗接受选举结果

• 欧盟外交与安全政策高级代表何塞·博雷利·丰特列斯指白罗斯大选“弗自由又弗公正”。欧洲理事会主席夏尔·米歇尔拉8月19号举行个电视会议正式宣布，由于白罗斯个选举弗自由也弗公平，也弗符合国际标准，因此欧盟弗承认白罗斯当局个选举结果。同时将制裁涉及选举舞弊搭镇压示威人士个白罗斯人员。欧盟委员会也宣布将拨款把白罗斯个5300万欧元（4800万英镑）从政府转脱到民间社会去。

表达关注

• 联合国发言人史蒂芬·杜哈里克表示，联合国正关注选举后头个事态发展，呼吁白罗斯当局表现出顶大个克制，并确保充分尊重言论自由、和平集会搭结社自由个权利。联合国人权事务高级专员米歇尔·巴切莱特谴责俄罗斯当局个暴力反应。渠讲，拘留期间搭拘留之后个虐待报告“让人弗安”，提醒白罗斯政府“绝对禁止对畀拘留者施加酷刑搭其他个虐待”，表明对旁观者搭未成年人个拘留趋势明显就是违反脱国际人权标准个大规模逮捕。
• 教宗方济各拉8月16号个讲话里向呼吁进行对话，拒绝暴力并尊重正义搭仔权利。

• 欧洲安全与活动组织拉8月17号再趟重申对8月9号白罗斯举行个总统选举个关注。欧安组织个民主机构搭人权办公室（ODIHR）弗法观察到箇种情况，对和平示威者过度使用武力，安全部队遭到老多拘留，酷刑搭虐待，并要求对欧安组织当值主席埃迪·拉马搭即将上任个欧安组织当值主席安·林德进行白罗斯访问，以便会见政府搭反对派代表。
• 欧洲左翼党主席海因茨·比尔鲍姆表示“专制制度一直是反对民主选举个一场闹剧”。