西鄉隆盛

日語表記
日語原文	西郷隆盛
假名	さいごうたかもり
羅馬字	Saigō Takamori
舊漢字體	西鄕隆盛

西鄉隆盛（假名：さいごうたかもり，1828年1月23號－1877年9月24號），是19世纪日本幕末辰光邪氣有名个下級武士搭政治人物。出身薩摩藩下层，原名西鄉隆永，1850年代末腳參與著尊王攘夷活動，先後畀流亡並流放到奄美大島。後首來在大久保利通个扶持下轉去鹿兒島並控制薩摩藩實權。在朝後推翻幕府个戰爭裏向表現活躍，成爲著明治維新个中樞人物。弗過，無幾年，便因得忖直接侵略韩國个主張，搭大久保利通產生著矛盾。渠儂自家歸去薩摩，公開叛亂，導致西南戰爭爆發，結果畀东京集權政府剿滅，日本个武士也在昰場戰爭之後正式走入歷史。西鄉隆盛搭木戶孝允、大久保利通一淘，並稱「維新三傑」。

影視作品

西鄉隆盛个名頭邪氣響，交關日本个歷史作品裏向全對渠有描寫，1990年大河劇宛如飛翔(翔ぶが如く)就是擔渠作爲主角个。好莱塢个大片《阿末个武士》，也以渠儂爲原形。