方濟各·佛朗哥
方濟各·佛朗哥（西文：Francisco Franco，1892年12月4號－1975年11月20號），是20世紀中期西班牙個軍事、政治人物，伊擔當過，西班牙國家元首、西班牙首相，還是西班牙長槍黨黨魁。
生平
[编辑]弗朗哥將軍出身加利西亞，屋裏是軍人世家，本身想勒大起來投身海軍。不過因爲美西戰爭西班牙海軍慘敗，弗需要介些多人參加，衹好改成參加陸軍。之後，長期勒北非做戰，並且勒拉1920年代個里夫戰爭當中揚名，成為西國傭兵團支持個軍事人物。1930年代，阿方索十三世流亡，西班牙第二共和國建立。伊遭左翼排擠，調到摩洛哥擔當當地西班牙駐軍統帥。。伊立在1936年開始個西班牙內戰當中，領導右翼擊敗親蘇個西班牙共和國，從1939年開始，擔當西班牙全國元首並治理西班牙到1975年。勒第二趟世界大戰中弗朗哥搭德國義大利保持微妙關係，成功避免搭樞軸國產生衝突，但是因為箇個原因，二戰結束之後，伊畀各個國家孤立，不過因為西班牙戰略位置邪氣重要，冷戰個辰光美國拿伊當成盟友，之後十幾年內西班牙經濟穩定增長，從老早個農業國變成功工業國。晚年，安排波旁家族回西班牙復辟。西班牙來勒伊死脫之後，成功走民主道路。1975年弗朗哥走脫之後胡安•卡洛斯一世變成國王，之後開始民主改革，現在西班牙是完全民主個國家之一。
打壓語言
[编辑]弗朗哥上台之後，實行強制推行卡斯蒂亚語個政策，搭西班牙境內個加泰隆尼亞語幫巴斯克語進行打壓。箇辰光假使有學生在學堂講自家語言會得畀懲罰，加泰隆尼亞本地個老師畀調到外地去上班，外地老師充斥著加泰隆尼亞搭仔巴斯克個學堂，電視節目也會播放醜化此地個節目。由於伊個箇些政策，更加激發了加泰隆尼亞搭仔巴斯克個獨立運動。