东亚
东亚(日文:東アジア ‧ 東亜,韩文:東아시아,西文:Asia Oriental)是一个比较笼统个地理概念,立在弗同个语境当中有弗一样个含义。东亚个概念来自欧洲人对东方个定位,拿博斯普鲁斯海峡、乌拉尔山脉东面个广大欧亚大陆地区侪通称亚洲,拿西太平洋沿岸、欧亚大陆东端个地区就叫做东亚。
划分
[编辑]对东亚个划分是一个主观性质个问题,一般好通过当下存在个政治实体、历史浪个文化辐射、以及地理气候个界定进行划分。个当中,日本、朝鲜半岛、台湾以及中国个大部分地区一般侪包括到东亚概念之内,越南、蒙古、西藏等,有辰光也因为历史或者当下个局面,划分到东亚。
政治意义上个东亚
[编辑]政治意义上个东亚,一般是通过对迭个地区地缘政治参与国家以及互动程度进行划分个结果。交关国际组织,比方讲:联合国、世界贸易组织以及世界足球协会之类,侪采取迭个方针。按照乃朝个国家边界划分,认定个东亚包括下头几个地区:
文化层面个划分
[编辑]文化浪,东亚个代表文化是儒家为基础个专制文人本位文化,迭个文化是两千多年之前从黄河流域发源个,立在历史浪通过大一统帝国传播到周边地区。到14世纪之后,东亚文化进入稳定阶段,以明帝国为中心,建立朝贡体系。受到东亚文化影响个地区包括日本、朝鲜、韩国、台湾、香港、澳门、越南。一般,文化层面个东亚包括下头几个地区:
文化地理高头个东亚
[编辑]![](http://upload.wikimedia.org/wikipedia/commons/thumb/2/26/East_Asia_topographic_map.png/220px-East_Asia_topographic_map.png)
地理层面高头东亚地区个划分是相当笼统个,存在狭义东亚搭广义东亚个区分。按照狭义东亚,东亚个范围只包括黄河、长江流域搭日本台湾朝鲜半岛。这些区域一般气候适合播种水稻或者小麦,是传统农耕区域,并且受到太平洋气候影响。广义东亚拿东亚范围扩展到包括东北亚、蒙古戈壁搭青藏高原包括在内个交关迥异地区。个当中,[[蒙古有辰光划分到内亚当中,新疆一般也好算作中亚个一部分。西藏属于南亚个北面边缘。俄罗斯远东地区有星辰光也归进东亚。
地理
[编辑]东亚地区地形邪气多变,立在东亚大陆个当中区域,存在面积老大个平原搭丘陵,弗过立在西面个边界地带,则有世界浪顶顶高个高原阻挡。总体浪讲,东亚立在亚洲东部,太平洋西岸。地势西高东低,西部多高原山地,东部多平原丘陵。12,000,000 平方公里,占全部大陆面积个大约 9% 。人口 15 亿以上,亚洲全部个 40 %,相当于世界全部个 1/4 ,东亚是世界人口密度最高个地区之一。平均人口密度是 1 平方公里 130 个人,相当于全世界平均个 3 倍。
气候
[编辑]东部沿海荡化季风气候突出,是世界浪顶顶典型个亚热带、温带季风气候区,即东亚季风区,气候湿润温和;西部内陆地区温带大陆性气候典型,属干旱、半干旱气候区;青藏高原地区为高寒气候区。
历史
[编辑]东亚封建社会个历史有2000年,中国汉文化对该个地区个影响深远,日本、朝鲜、越南侪受渠影响。近代之前,中国勒该个地区一直是老大。
文化
[编辑]东亚地区个居民组成以黄种人为主,集中勒沿海平原。主要民族有汉族,大和族,朝鲜族,蒙古族等,立在所谓个汉族当中,还有吴越人、南粤人、闽南人、湖湘人、江右人、江淮人等诸多有显著特色个族群存在。
经济
[编辑]东亚地区个经济立在历史浪占据世界总量个大比例。到近代,有所回落,弗过第二趟世界大战之后,又猛烈蹿升。乃朝,东亚成为欧洲、北美之后世界浪第三个经济繁荣个地区。弗过,个当中也存在朝鲜个种邪气落后个国家。
中国近年经济崛起,东部沿海地区条件优越,人口密集,农业、制造业搭重工业较发达,近年积极发展航运业搭物流业,也是稻、茶叶、蚕丝个重要产区。西部内陆地区条件推板,经济落后、人口稀少;弗过因为草原广阔,畜牧业、畜产品加工搭采矿业发达。
日本经济发达,经济以服务业、航运业、金融业、高科技、科研搭教育为主,弗但是发达国家,而且算得上是世界浪数一数二个经济强国。
韩国、香港搭台湾经济发达,经济、生活水平达到发达国家水平。韩国搭台湾个经济以高科技、科研、重工业搭旅游业为主;香港个经济以服务业、航运业、物流业、金融业搭旅游业为主,近年开始发展高科技、科研搭教育。
蒙古经济落后,经济以畜牧业为主。
要是拏东南亚国家也算进去个说法,经济差异也大来交关。
新加坡经济发达,经济、生活水平达发达国家水平,经济以服务业、航运业、物流业、金融业、科研、旅游业为主,近年积极发展高科技搭教育。
马来西亚搭泰国经济发展有一定基础,经济以旅游业、制造业、农业搭渔业为主,近年积极发展航运业搭物流业。
越南、菲律宾搭印度尼西亚经济比较落后,经济只有旅游业、制造业、农业搭渔业。
缅甸、柬埔寨、老挝搭东帝汶经济落后,缅甸、柬埔寨搭老挝个经济只有旅游业搭农业;东帝汶个经济只有渔业搭石油出口。
文莱经济並弗发达,经济以石油出口搭天然气出口为主,财富搭中东产油国一样,只集中勒少数富裕阶层。
|