Piso han Pilipinas

An Piso han Pilipinas amo an opisyal nga pananalapi han Pilipinas. Ini in ginbabahin ngadto ha 100 sentimos. Han anay kolonya pa han Estados Unidos, an nasod in nagamit hin Ingles ha iya pananalapi, nga an pulong nga "peso" in aada ha mga papel ngan sinsilyo tubotob 1967. Tikang han paggamit han Pilipino nga pinulongan para han mga papel ngan sinsilyo, an termino nga "piso" in gingagamit na tubtob yana.

Iton piso agsob sinusurat ha simbolo nga "₱". An iba nga mga pamaagi hin pagsurat han tigaman para han Piso han Pilipinas in "PHP", "PhP", "Php", "P$", o danay "P" la. An tigaman nga "₱" in gindugngan ngadto ha Unicode standard ha bersyon nga 3.2 ngan naka-assign ha U+20B1 (₱). Ini nga tigaman in puydi makuha pinaagi han iba nga mga word processor han pag-type hin "20b1" ngan pagdurugnan pagpidlit hin Alt ngan X nga mga pidlitan. Ini nga tigaman in gingagamit la hin Pilipinas kay an mga tigaman nga gingagamit para han piso han iba nga mga nasud sugad hin Mehiko ngan iba pa nga mga anay kolonya han Espanya ha Latin Amerika in "$".

An mga sinsilyo ngan salapi nga papel han Pilipinas in ginhihimo ngan giniimprenta ha Security Plant Complex han Bangko Sentral ng Pilipinas ha Syudad Quezon.