Patriarka Cirilo han Moscow

Cirilo
Cirilo
	Patriarka han Moscow ngan tanan nga mga Rus'
Singbahan	Singbahan Ortodoxo Ruso
Sede	Moscow
Ginbutang ha sede	1 Pebrero 2009
Natapos han pahanon hin pag-alagad	Yanâ nga nalingkod
Nag-una	Alejo II
Mga Orden
Gin-ordinar	7 Abril 1969
Ginkonsagrar	14 Marso 1976 ; ni Nikodim (Rotov)
Personal nga mga detalye
Ngaran ha pagkatawo	Vladimir Mikhailovich Gundyayev
Natawo	20 Nobyembre 1946 (edad 78) ; Leningrad, Unyon Sovietika

Hi Kirill o Cirilo (Rinuso: Кирилл, sekular nga ngaran Vladimir Mikhailovich Gundyayev, Rinuso: Владимир Михайлович Гундяев; natawo 1946) amo in usa ka Ortodoxo Ruso nga obispo nga tikang han1 han Pebrero 2009 amo an Patriarka han Moscow ngan tanan nga Rus' ngan Primado han Singbahan Ortodoxo Ruso.

Ugsa magin-Patriarka, hi Cirilo amo an Arsobispo (ha urhe Metropolitano) han Smolensk ngan Kaliningrad nga nagtikáng han 26 Disyembre 1984; ngan amo gihapon an Mangulo han Departamento hin mga Relasyon ha Gawas han Singbahan han Singbahan Ortodoxo Ruso ngan usa nga permanente nga api han Baraan nga Sinodo tikang han Nobyembre 1989.

Ha mga butáng ha kultura ngan sosyudad, an Singbahan ha ilarom ni Cirilo nakigkolaborar hin pagkaharani han Ruso nga estado ha ilarom ni Mangulo Vladimir Putin.^[1] Gin-ugopan ni Patriarka Cirilo an pagpahaluag hin Ruso nga gahom ngadto ha Crimea ngan ha sinirangan nga Ukranya.^[2]^[3]

Mga pinanbasaran

↑ Bennetts, Marc. "Vladimir Putin, Patriarch Kirill alliance puts atheists at risk in Russia". The Washington Times. Ginkuhà 30 Nobyembre 2016. Hi Mr. Putin, nga kasanhi nga opisyal han KGB officer, na-singba ngan nagpapahayag hit iya kalugaringon nga madig-on nga naugop hin mga “Cristohanon nga mga value.” Ha lain naman nga bahin, an Singbahan Ortodoxa agsob nga nagpapasamwak hin mga yakan ha publiko nga na-ugop han mga polisiya han Kremlin. Ha mga diri pa la maiha nga panahon, usa nga magyayakan han singbahan nagtawag han kampanya militar han Rusya ha Sirya nga bahin hin “baraan nga pag-awayan” patok hin internasyonal nga terorismo.
↑ Baczynska, Gabriela; Heneghan, Tom (6 Oktubre 2016). "How the Russian Orthodox Church answers Putin's prayers in Ukraine". Reuters. Reuters. Ginkuhà 30 Nobyembre 2016. An harani nga mga pagkakanit han ROC ngada han estado naipakita hin sayó didâ han krisis ha Ukranya nga diin hi Kirill ngan an Ruso nga Ministeryo Panlangyaw nagpagawas hin mga haros magpareho nga mga panyakan, nga nagsagdon patok hin pakig-away ngan nagyakan han kanan darudako nga Rusya "bugto" nga Ukranya. Han pagpadara han Rusya han mga kasundalohan hini ngadto ha Crimea, usa han mga rasón nga gin-gamit amo an pagtarhug kuno han mga parokya didto nga nahadugtong han Patriarkado han Moscow ni Cirilo. An bug-os nga titlo ni Cirilo amo an "Patriarka han Moscow ngan tanan nga Rus," usa nga paaliday ngadto hin estado han kabutngaan nga panahon ha Kiev nga diin ginkuhaan an mga gintikangan han moderno nga Rusya.
↑ Mark Woods, "How the Russian Orthodox Church is backing Vladimir Putin's new world order" Christian Today Marso 3, 2016

Mga sumpay ha gawas

An Wikimedia Commons mayda media nga nahahanungod han: Patriarka Cirilo

Metropolitano Kirill han Smolensk ngan Kaliningrad

Mga titulo ha Singbahan Ortodoxo
Gin-unahan ni Alejo II	Patriarka han Moscow ngan tanan nga Rusya 2009–yanâ	Yanâ nga nálíngkod

Usa ka turók ini nga barasahon. Dako it imo maibubulig ha Wikipedia pinaagi han pagparabong hini.

[1] Bennetts, Marc. "Vladimir Putin, Patriarch Kirill alliance puts atheists at risk in Russia". The Washington Times. Ginkuhà 30 Nobyembre 2016. Hi Mr. Putin, nga kasanhi nga opisyal han KGB officer, na-singba ngan nagpapahayag hit iya kalugaringon nga madig-on nga naugop hin mga “Cristohanon nga mga value.” Ha lain naman nga bahin, an Singbahan Ortodoxa agsob nga nagpapasamwak hin mga yakan ha publiko nga na-ugop han mga polisiya han Kremlin. Ha mga diri pa la maiha nga panahon, usa nga magyayakan han singbahan nagtawag han kampanya militar han Rusya ha Sirya nga bahin hin “baraan nga pag-awayan” patok hin internasyonal nga terorismo.

[2] Baczynska, Gabriela; Heneghan, Tom (6 Oktubre 2016). "How the Russian Orthodox Church answers Putin's prayers in Ukraine". Reuters. Reuters. Ginkuhà 30 Nobyembre 2016. An harani nga mga pagkakanit han ROC ngada han estado naipakita hin sayó didâ han krisis ha Ukranya nga diin hi Kirill ngan an Ruso nga Ministeryo Panlangyaw nagpagawas hin mga haros magpareho nga mga panyakan, nga nagsagdon patok hin pakig-away ngan nagyakan han kanan darudako nga Rusya "bugto" nga Ukranya. Han pagpadara han Rusya han mga kasundalohan hini ngadto ha Crimea, usa han mga rasón nga gin-gamit amo an pagtarhug kuno han mga parokya didto nga nahadugtong han Patriarkado han Moscow ni Cirilo. An bug-os nga titlo ni Cirilo amo an "Patriarka han Moscow ngan tanan nga Rus," usa nga paaliday ngadto hin estado han kabutngaan nga panahon ha Kiev nga diin ginkuhaan an mga gintikangan han moderno nga Rusya.

[3] Mark Woods, "How the Russian Orthodox Church is backing Vladimir Putin's new world order" Christian Today Marso 3, 2016

[1]

[2]

[3]