MV Doña Paz

An MV Doña Paz usa nga nakarehistro ha Pilipinas nga barko panpasahero nga nalunod katima binmunggo han usa nga oil tanker MT Vector han Disyembre 20, 1987. Naglalayag tikang ha isla han leyte pakadto ha ulohan han Pilipinas nga manila, an barko puno hin duro, nga may-ada diri maubos hin 2,000 ka mga pasahero nga diri nakalista ha manifesto. Dugang liwat, ginsering nga an barko waray bitbit nga radio ngan an mga life-jacket in nakakandado. Pero, an opisyal nga pagbasul nakadirecta ha Vector, nga nahisabtan nga diri ngayan puydi maglayag ha dagat, ngan naglayag hin waray lisensya, bantay o kwalipikado nga opisyal. Ginbabanabanahan nga an namatay may-ada 4,386 ka tawo ngan 24 la an natalwas, ini nagpapabilin nga disgrasya pandagat nga mayda gidadamoi nga namatay ha panahon han kamurayaw ha kasaysayan.

Kaagi

An Doña Paz nahimo ha tuig 1963 han Onomichi Zosen han Onomichi, Hiroshima, Japan, nga orihinal nga ngaran in Himeyuri Maru. Samtang ini naglalayag ha kadagatan han Hapon, may-ada ini kapasidad nga han tuig 1975, ginbaligya ini nga barko ha Sulpicio Lines, usa nga Pilipino nga operador han mga panpasahero nga barko. Gin-ngaranan ini han Sulpicio Lines nga Don Sulpicio, ngan ha uruurhi, Doña Paz. Han Hunyo 5, 1979, ini nga sarakyan nagkalayo samtang nagbibiyahe tikang Manila pakadto ha Cebu. Ngatanan nga 1,164 nga sakay natalwas pero an barko gindeklara nga ruba na gud. An ruba nga barko ginpalit han mga underwriter han Sulpicio Lines, gin-ayad ngan binmalik ha serbisyo nga Doña Paz. Han panahon han kalunod, an barko naglalayag ha ruta nga Manila → Tacloban → Catbalogan → Manila ngan pabalik, nagbibiyahe duha ka beses kada semana.