Anwar Sadat

Hi Muhammad Anwar el-Sadat (kaluwas hit apelyido ha Iningles:/səˈdæt/, puyde gihapon UK: /sæˈdæt/, US: /səˈdɑːt/; Inarabo: محمد أنور السادات‎, ginromanisar: Muḥammad ʾAnwar as-Sādāt, Ehiptohanon nga Inarabo: [mæˈħæmmæd ˈʔɑnwɑɾ essæˈdæːt]; 25 Disyembre 1918 – 6 Oktubre 1981) amo an ikatulo nga Mangulo han Ehipto, nga nag-alágad tíkang han 15 Oktubre 1970 kutob han pag-asasinar ha iya hin mga fundamentalista nga Islamiko nga mga army nga opisyal dida han 6 Oktubre 1981. Hi Sadat usá nga senior nga api han Gawasnon nga mga Opisyal nga nagpatalsik tikang ha poder kan Hadi Farouk dida han Ehiptohanon nga Rebolusyon han 1952, ngan usa nga hirani nga tinapuran ni Mangulo Gamal Abdel Nasser. Ha ilarom ni Nasser, nag-alagad hi Sadat nga Sugbong Mangulo hin makaduha ngan iya ginsundan ha pagka-Mangulo han 1970.