planter

Walon (Rifondou)

Etimolodjeye

Bodje « plante », avou l’ cawete di codjowaedje « -er » des viebes.

Prononçaedje

• • diferins prononçaedjes : /plãte/ /plɔ̃te/ /plãtɛ/
  • prononçaedje zero-cnoxheu : /plãte/
• Ricepeures : plan·ter

Viebe

planter (1^ire troke) (codjowaedje)

1. (viebe å coplemint) mete dins tere (ene djete, ene grosse grinne) po k’ ele crexhe.
   • Il a stî harcoter l’ hourlea po planter des fleurs. — Båze di dnêyes di l’ Årdene nonnrece.
   • T’ as des kilometes et des kilometes di hazires al laterite : ti n’ î såreus planter ene crompire. — Båze di dnêyes di l’ Årdene nonnrece.
   • Come li djaeyî k' a-st ahouté mi efance,La, dvant m' måjhone et k' mes peres ont planté ;
     Dj' a fwait m' crexhince påjhûle e li dseulance
     Del noere Ådene k' on-z a dedja tant tchanté. — Louis Lagauche, "L' inmant", (1947), Li tchanson d’ l’aveûle, p. 154 (fråze rifondowe).
   • Ns irans planter nos canadas avou Mareye Doudouye Et s’ i vnèt bén, i seront beas. — viye tchanson, (sourdant a recråxhî).
2. (viebe å coplemint) mete toplin d’ åbes so (on tchamp, ene sitindêye)
   • C’ est di ç’ trevén la k’ on-z a planté Tchanmont, et pår tos les prés avårla.
3. (viebe å coplemint) mete dins tere po k’ ça tegne bén droet.
   • On a planté les mays po l’ porcession. — Motî d’ Cînè.
4. (viebe å coplemint) mete avou foice (on pondant u taeyant cayet) dins ene deure plaece, po k’ ça î tegne.
   • Après Bouyon, on n’ pleut nén planter l’ såpe après les åbes, peu d’ les brognî. — Båze di dnêyes di l’ Årdene nonnrece.
   • Dji lyi a planté m’ vé ene sawice. — OCol.
5. (v. å coplemint nén direk eployî avou li dvancete « ås ») mete (ene simince, ene djete) dins tere, po-z aveur ene coûteure, on plantisse.
   • C’ est dins les anêyes 1600 k’ on-z a cmincî a planter ås canadas avår ci. — Båze di dnêyes di l’ Årdene nonnrece.
   • Pou ndaler planter ås sapéns, on purdeut puvite ene hawe. — Båze di dnêyes di l’ Årdene nonnrece.
   • Il ont stî planté å frumint. — Motî del Hesbaye.
6. (viebe å prono) : Loukîz a : « si planter ».
   • Les canadas, ça s’ plante al Sint-Djôzef.
   • Les bresses do tchår, c’ est des fiers ki s’ plantèt dins l’ xhamea. — Båze di dnêyes di l’ Årdene nonnrece.
7. (v. sins coplemint) (deujhinme sinse po rire) fé l’ amour.
   • Ele dit å Gusse k’ elle a bråmint semé et planté avou si ome, mins k’ i gn a djamåy rén ki boute. — Alain Baume, Cayés Walons.

Ratourneures

1. i lyi arive çou k’ il a planté, arive çou ki plante : Il est puni, c’ est pask’ li ci ki s’ a nén bén moenné.
2. li ci ki plante des biyokes, i n’ såreut aveur des ceréjhes : Les efants sont come on ls a-st aclevé.
3. I n’ fåt nén aler vey lever les feves e moes d’ avri, mins i n’ les fåt nén planter e moes d’ may : I fåt cmincî å bon moumint, ni trop timpe, ni trop tård.

Parintaedje

• plante, planté
• plantaedje, planteu, plantoe, plantroûle, plantisse, plantiveus, plantåve, plantrece
• plantrene, plantule
• asplanté, displanter, riplanter

Sinonimeye

• (mete ene plante dins tere po k’ ele crexhe) : ahiver, coûtiver, riplanter, ripiker
• (mete ene pondante sacwè e-n ene deure plaece) : stitchî

Contråve

• displanter

Pwaire minimom

• planeter

Ortografeyes

Divant 1900 :

• planté : E203 ^(lére)
• splanté (s' planter) : E178

Après 1900, foû rfondou (Feller, Feller ricandjî, nén Feller) :

• plantè : C1, C99
• planter : C99, C100, E1, E213, FO4, O4 (a « grafe », « toubak », evnd), S0, S117

E rfondou walon :

• planter : FR13, R10 ^(lére)

Ôtès ortografeyes (avou des sourdants nén rkinoxhous) :

• planter :

Li mot n’ est nén dins : C13, R4, R13

Ratournaedjes

mete ene plante dins tere po k’ ele crexhe

• Arabe : gharasa =‎ غرس
• Arabe marokin : ghers =‎ غرس
• Almand : (crompires, evnd.) legen ^(de), (åbes) pflanzen ^(de), (tchamp) anpflanzen ^(de), (picante sacwè) stecken
• Inglès : to plant ^(en)
• Espagnol : plantar ^(es)
• Francès : planter ^(fr); planter å frumint : semer du blé; planter ås sapéns : faire une plantation de sapins; arive çou ki plante : qui sème le vent récolte la tempête.
• Itålyin : piantare ^(it)
• Neyerlandès : planten ^(nl)
• Sicilyin : chiantari ^(scn)

mete ene pondante sacwè e-n ene deure plaece

• Almand : stecken
• Francès : planter ^(fr); planter å frumint : semer du blé; planter ås sapéns : faire une plantation de sapins; arive çou ki plante : qui sème le vent récolte la tempête.
• Neyerlandès : steken ^(nl)

Francès

Viebe

planter

1. (viebe å coplemint) planter planter (mot scrît eyet prononcî e francès come e walon)
2. (viebe å prono) Loukîz a : se planter.

Ratourneures

1. planter là quelqu’un : leyî (ene sakî) hatche et matche, l’ evoyî å diåle.