cour

Walon (Rifondou)

• 
  di djin
• 
  di poye, dins s' saetch
• 
  di bedot, côpé roydicirmint

Etimolodjeye 1

Tayon-bodje latén « cor » (minme sinse) (cour ki fwait bodjî l' sonk et "estoumak").

Prononçaedje

• AFE :
  • diferins prononçaedjes : /kuːʀ/ /køːʀ/ /kyːʀ/ /kjøːʀ/
  • prononçaedje zero-cnoxheu : /kuːʀ/
• Ricepeures : nén rcepåve

Sustantif

singulî	pluriyal
cour	cours

cour omrin

1. (antomeye) boket do coir, metou el coistrece, ki fwait bodjî l' sonk veyou come li moteur do voyaedjaedje do sonk.
   • Il a ene maladeye di cour.
   • Elle a l' cour ki toke drole.
   • Ratinde, todi ratinde!
     (…)Li tictak do cour
     Li tamtam des eures — Philippe Antoine (fråze rifondowe).
2. (imådjreçmint) cist organe la, veyou come li cinte des sintimints.
   • D' awè ça sol cour, i faleut k' dj' el deye — Motî d’ Cerfontinne (fråze rifondowe).
   • Des feyes fene alicantes,
     El cour tot al disblouke
     Po on losse do viyaedje — Julos Beaucarne (fråze rifondowe).
3. coraedje po fé ene sacwè.
   • Årîz l' cour di fé ça? — Motî d’ Cerfontinne (fråze rifondowe).
   • I n' a nén l' cour di travayî — Motî d’ Cerfontinne (fråze rifondowe).
4. estoumak.
   • Dj' a l' cour ki leve.
   • Dj' a l' cour ki tire; il est tins k' on marede!
5. fén mitan.
   • Les coisses do tchena, on les fwait avou l’ cour del côre k’ a stî schinlêye — Lucyin Mahin.
   • On n' prind ki l' cour del salåde.
6. (mot d’ cwårdjeu) ene des cwate coleurs des cwårdjeus, sovin l' pus foite cwand on djowe.

Ratourneures

1. awè l’ cour ki s’ enonde, awè l’ cour ki monte ; awè l’ cour ki leve, awè l’ cour ki hourixh : aveur håsse di rvômi.
3. awè må l’ cour: esse peneus tot veyant ene sakî k' a ene sacwè k' on n' a nén.
   • Elle a må l’ cour del vey ndaler — Motî d’ Cerfontinne (fråze rifondowe).
4. awè l’ cour gros: esse peneus.
5. awè l’ cour ki tire; awè l' cour neyî: awè fwin.
6. awè l’ cour sol mwin.
   • Tote voste åme di walon djîstrêye divins leus frågnes.
     Et si vos estoz rudes vos avoz l' cour sol mwin. — Louis Lagauche, "L' inmant", (1947), A l’Årdène, p. 146 (fråze rifondowe).

Parintaedje

• corin, ecorinner, recorinner

Mots d’ aplacaedje

creve-cour, acrotche-cour

• broule-cour

1. • Li djoû d'vant, dj'ala prinde
     Lu batê po 'nn' aller
     Mins dj' ouri des mâs d'vinte
     Tot l' timps d'vant d' dèbarker.
     Dju crindéve lu djènisse
     Èt s'aveû-dj' on broûle-cour !
     — Camille Gaspard.

Sinonimeye

tchouk-tchouk

Rilomêye do mot

Li mot dins on tite di live, di gazete, di soce, di marke

• Spites di m' cour: ramexhnêye d' arimés da Emile Lempereur
• Cour å lådje: ramexhnêye d' arimés da Jacqueline Boitte
• Discôpé dins on cour: on ptit roman da Emile Lempereur

Ortografeyes

Divant 1900 :

• coûr : E177
• cour : C9a ^(lére)

Après 1900, foû rfondou (Feller, Feller ricandjî, nén Feller) :

• coûr : E1, E165
• cûr : S109, S117
• = kur (coûr) : S38
• coeûr : C1
• kieûr : O2, O4, O81
• keûr : C8, O4, O90, S0, S117
• kieùr : O2

E rfondou walon :

• cour : R9 ^(lére), R10 ^(lére), R11 ^(lére), R13

Ratournaedjes

boket do coir ki fwait bodjî l' sonk

• Inglès : heart ^(en)
• Espagnol : corazón ^(es)
• Francès : cœur ^(fr)
• Itålyin : cuore ^(it)
• Neyerlandès : hart ^(nl)
• Sicilyin : cori ^(scn)

Waitîz eto

• Lijhoz l’ årtike cour (antomeye) so Wikipedia

Etimolodjeye 2

Do viebe "cori"

Prononçaedje

• AFE :
  • diferins prononçaedjes : /kuːʀ/ /koːʀ/
  • prononçaedje zero-cnoxheu : /kuːʀ/
• Ricepeures : nén rcepåve

Codjowa

cour

1. indicatif prezintrece, prumire djin do singulî, do viebe « cori »
   • Vos n' m' avoz nén co stî cweri mes comissions ?! :: Dj' î cour, ô, moman.

Etimolodjeye 3

Calcaedje do francès « cour » po sacwants sinse do minme mot ki «coû».

Prononçaedje

• AFE :
  • prononçaedje zero-cnoxheu : /kuːʀ/ (minme prononçaedje pattavå)
• Ricepeures : nén rcepåve

Sustantif

singulî	pluriyal
cour	cours

cour femrin

1. djin metou åtoû d' on rwè.
2. (djustice) tribunå.

Ratourneures

1. fé l' cour

Parintaedje

courtizan

Mots d’ aplacaedje

• cour d' assijhe, cour d' apel, cour di cassåcion
• cour des scabéns

Ortografeyes

Divant 1900 :

• coûr : E177

Après 1900, foû rfondou (Feller, Feller ricandjî, nén Feller) :

• coûr : E1, S0

E rfondou walon :

• cour : R10 ^(lére)

Ratournaedjes

djin ki tournèt åtoû d' on rwè

• Espagnol : corte ^(es)
• Francès : cour ^(fr)
• Neyerlandès : hof ^(nl)

Omofoneye possibe

Loukîz a : « coure »

Waitîz eto

• Lijhoz l’ årtike cour (discramiaedje) so Wikipedia

Francès

Sustantif

singulî	pluriyal
cour	cours

cour femrin

1. (retourêye plaece) coû.
2. (do rwè, di djustice) cour (mot scrît e francès come e walon, mins k' a des sinses diferins)