Splawnaedje del hantche ås tchéns
![](http://upload.wikimedia.org/wikipedia/commons/thumb/3/31/Tch%C3%A9n_splawnaedje_hanche.jpg/220px-Tch%C3%A9n_splawnaedje_hanche.jpg)
Li splawnaedje del hantche, el splawnaedje del hantche, c' est ene maladeye di nexhance des tchéns, et k' est foirt corante.
C' est les tchéns d' bierdjî ki sont les pus acsûts, aprume les bierdjîs almands.
Li djonteure del hantche si va splawner. Dj' ô bén k' el glumiante coûtche di rôlaedje del tiesse di l' oxhea del coxhe dins l' pote del hantche si va dmougnî.
Alez s' vey sol Wiccionaire po des linwincieusès racsegnes so les mots "siplawnaedje" et "tete".
Senes del maladeye
[candjî | candjî l’ côde wiki]Ele ni cmince a s' vey, clinicmint, ki diviè l' ådje di deus troes ans.
Li tchén va cmincî pa xhaler d' on costé. Adon, les tchås del coxhe vont fonde. Si c' est des deus costés, li tchén pout dmorer al tere, sins s' saveur lever. Aprume si l' hantche, di cåze del maladeye, s' a dispotlé.
Mins, tot s' leyant djus, et n' pus bråmint roter, li djonteure va si rfé, ene miete, avou do novea oxhea ki crexhe di ttåtoû. C' est çou k' on lome ene seudartrôze.
Médiaedje
[candjî | candjî l’ côde wiki]Po les pratikes k' ont des cwårs assez, les årtisses ki pratikèt dins les tchéns polèt emantchî ene hantche artificiele, come ås djins.
Espaitchance del maladeye
[candjî | candjî l’ côde wiki]Al radio, on pout ddja vey cisse maladeye la ås tchinots d' 6 moes. Adon, dins les aclevaedjes, on les espaitche di potchî les lexhes. C' est come ça k' on s' pout fé cwite del maladeyes dins les tchéns d' sôre.
Dins aclevaedjes di l' årmêye u del police, on les rsaetche evoye.