Roumi
![](http://upload.wikimedia.org/wikipedia/commons/thumb/a/a0/Mevlana_Statue%2C_Buca.jpg/220px-Mevlana_Statue%2C_Buca.jpg)
Roumi (di s' vraiy no Jalâl ed-dîn Mouhammad Balkhî, e piersan جلال الدين محمد بلخي) a skepyî li 30 di setimbe 1207 ey a morou li 17 di decimbe 1273.
C' esteut on filozofe piersan, di rlidjon muzulmane, on Soufi.
I vikéve a Conya, ene veye k' est asteure el Tourkeye.
C' est l' mî cnoxhou ezès Payis do Coûtchant, ca i préjhive eto l' amour (des cmeres) et l' boevaedje di vén.
Vicåreye
[candjî | candjî l’ côde wiki]Cwand i rescontra on vî pôve, tchiminåd, lomé Chamse di Tabrîze, si veye di prof di droet candja pår. C' esteut a Konia e 1244. C' est Chamse di Tabrîze ki fourit li mwaisse a tuzer da Roumi.
Cwand Chamse fourit assaziné troes ans pus tård, Roumi va s' abaiti ki l' amour po ene djin et l' amour do Bon Diu, c' est Piron-parey. Ci n' est k' ene seule miersacwè.
Ses idêyes
[candjî | candjî l’ côde wiki]Il esteut foirt lådje d' idêyes, dijhant ki totes les djins, cwè k' soeye leu rlidjon (et nén seulmint les djwifs et des crustins), sont des moslimîs, ca i rcwerèt li Bon Diu sins l' saveur.
Roumi pratikéve voltî li catournante danse des catournants derwiches. Nén seulmint tins des ashyinnes di schoûtance di muzike, mins eto a tot moumint del djournêye, minme avå les voyes.[1]
- ↑ Fabrice Midal, L'essentiel de la sagesse soufie, Presses du Châtelet, 2006, ISBN 978-2-84592-204-4.