Revintreye
Ene revintreye (on dit eto ene revolucion), c' est on sorlevaedje d' ene rabindlêye di djins, siconte des mwaisses di leu payis.
Ene revintreye pout esse sipotcheye, et l' redjime politike k' esteut dvant, dimorer. Ele pout stårer les mwaisses di dvant, et drovi on novea redjime politike. Ele pout ni wangnî, ni piede, et esse shuvowe d' ene guere civile.
Ene revintreye est pus consecante k' on bardouxha, la k' des djins sketnut l' barake, mins sins idêye di stårer on redjime politike.
Li revintreye est diferinne do côp d' estat, paski, dins l' côp d' estat, ci n' est nén l' peupe ki s' sorleve, mins des militaires (u des grands politikîs) ki disdjokèt les moenneus do payis.
Ene revolucion si fwait sovint avou ene peclêye di moirts et coixhîs. Mins, dispu l' 20inme sieke, on-z a veyou eto des påjhûlès revolucions, sins stritchaedje di sonk.
E l' istwere del Beldjike on djåze do Trevén des Revintreyes pol termene di l' istwere ki va del Binamêye Revolucion al Revolucion bedje, dj' ô bén di 1791 a 1830.
Po des linwincieusès racsegnes sol mot "revintreye", alez s' vey e splitchant motî.
Sacwantès rlomêyès revintreyes
[candjî | candjî l’ côde wiki]- Revolucion francesse (France, 1789)
- Revintreyes 1789-1830 (Beldjike)
- Binamêye Revolucion (Principåté d' Lidje, 1791)
- Revolucion bedje (Beldjike, 1830)
- Revolucion rûsse (Rûsseye, 1918)
- Revintreye ås djalofrenes (Portugal, 1974)
- Orandje revolucion (Oukrinne, 2005)
- Revintreyes arabes di 2011 (2011)
- Revintreye tunizyinne (2010-2011)
- Revintreye edjipsyinne (2011)
- Revintreye libyinne (2011)
- Revintreye siryinne (2011)