Plonkeu (oujhea)

Pol discramiaedje des årtikes avou l' mot « plonkeu », loukîz cial.

Li plonkeu, c' est on moxhon ki s' tént tot do long des corantès aiwes (dins les payis d' tiene) et ki plonke e l' aiwe.

Sincieus no d' l' indje : Cinclus cinclus

Discrijhaedje

Il a l' djave tote blanke, ey ene coûte cawe.

Il est 15 cintimetes long.

Spårdaedje

vete coleur: dimorant; bleu: î vike sins î acover; rodje: disparexhou

Vike come dimorant dins ene grande pårteye di l' Urope, ezès montinnes et hôts payis. End a eto e l' Atlasse marokin ey e l' Mîtrinne Azeye.

E l' Walonreye, end a tot do long des corantès aiwes di l' Årdene. End a pont e l' Flande.

Vicaedje

On l' rescontere co åjheymint dilé le ris et les rivires di montinne, di l' ivier. I s' î adjoke voltî so ene pire.

On l' voet eto so les boirds di mer di l' Oceyan Atlantike (Grande Burtaegne, Irlande, Norvedje, Bijhe di l' Espagne et do Portugal).

I vole bas, mousse e l' aiwe et naiveye k' on n' lyi voet pus ki l' tiesse.

• 
  e l' Serbeye
• 
  e l' Finlande
• 
  Cinclus cinclus