Boigne boyea

Li boigne boyea, c' est on boket des boyeas ki n' a pont d' rexhowe : si coron est on cou-d'-saetch.

Il est foirt rastrindou ås djins.

Boigne boyea ås biesses

Åzès biesses, li boigne boyea est bråmint pus diswalpé k' ås djins. Did la li no di «saetch å stron», saetchot å brin, saetchot å stron, ås poyes et å pourcea.

Po les oujheas, il est dobe.

Ås tchvås, c' est on gros saetch di pus d' 50 lites.

Maladeyes do boigne boyea

ås djins

L' efouwaedje do boigne boyea, c' est l' apindicite, k' on loméve davance les «colikes mizerere».

ås biesses

coccidiôze do boigne boyea å polets d' poytreye

Å poyes, c' est la k' on voet li pus corante (eyet l' pus griyeuse) des coccidiôzes (li cene a Eimeria tenella.

I s' pout toide ås vatches et fé on stopaedje des boyeas.