Stemavab

Stemavab: el ,Fardier’ telid hiela ,Nicolas-Joseph Cugnot’ (1771). Toodomijenot balid (1771).

Stemavab binon tood dub stemamotor pamoföl.

Stemavabs äbinons toods balid föro pibumons. Datuvan Fransänik: hiel ,Nicolas-Joseph Cugnot’ ya ün yel 1769 ädajonädom publüge in ,Paris’ vabi cinädik itmofiki oka, keli ijafom pro ratid Fransänik. Vüö, hiotan luveratiko äbinom id balidan, kel äkodom toodomijenoti balid, sevabo ün 1771.

Ün 1878 stemavab hiela ,Amédée Bollée’: ,La Mancelle’ äbinon motor balid luldegsamädiko pifabriköl. Ün 1906 tood stemamofik pänemöl ,Stanley Rocket’ e fa blodas: hiela ,Francis Edgar Stanley’ e ,Freelan Oscar Stanley’ pidakitöl äbinon motor balid, kel ärivon vegamavifoti löpikum ka milmets 200 a düp, sevabo milmets 205,5 a düp. Büiküno no äkleilos, va su maket plu oplöpons stemamotors u lektinamotors, ab finodo evikodons filikamamotors. Stemavabs edülons baliko as träktors e sütirolöms pluuneplu jü degyel 1950.

• 
  Stemavab hiela ,Taylor’ (1867).
• 
  Motorasaikul balid: stemasaikul hiela ,Michaux’ e hiela ,Perreaux’ (1867-69).
• 
  Stematood ,La Mancelle’ hiela ,Amédée Bollée’ (1878)
• 
  Stemavab hiela ,Shearer’ (1898).
• 
  Stematood ,Doble Model E’ (1924)