Teen
![](http://upload.wikimedia.org/wikipedia/commons/thumb/7/7b/%D0%9F%D0%B0%D0%BB%D1%8C%D1%86%D1%8B_%D0%BD%D0%B0_%D0%BD%D0%BE%D0%B3%D0%B0%D1%85.jpg/220px-%D0%9F%D0%B0%D0%BB%D1%8C%D1%86%D1%8B_%D0%BD%D0%B0_%D0%BD%D0%BE%D0%B3%D0%B0%D1%85.jpg)
E teen is één van de vuyf anhangsels van de voet, te vergelykn met de vyngers van 'n hand. De mens hè vuyf teens an iedere voet. De binnstn teen wordt de grootn teen genoemd en de buytnstn de kleene teen. De teens bestoan uyt drie teenkootjes, met uytzoenderynge van de grootn teen die der moa twee hèt. E teen bevat e noagel van hoornstoffe.
Teens speeln e belangryke rolle by 't loopn. Peirdn loopn ip hunder middelstn teen die helegans de toake overgepakt hèt van de voet. Katn en hoendn loopn ip al hunder teens. By andere beestn zyn teens, juste lyk vyngers, e middel vor etwadde vaste te pakn, lyk by d' oapn. Z' houdn hunder vaste an takn met hunder teens. De voetn van oapn trekn ip d' handn van e mens en de grootn teen werkt lyk e menschelykn duym. Eekhoorns gebruykn hunder teens mè scherpe noagels by 't klemn in boomn.