Reus

Een reus of reuze is een styf grôot en sterk weezn met een menschelik uterlik, die vele vôornkomt in de mythologie, in sagen en sprooksjes en ook in den bybel. ’t Woord reus wordt ook gebruukt vor uutzounderlik grôte menschn. In volksvertelsels zyn reuzn over ’t algemêen uutgestorvn moa ze bluuvn tout de verbeeldinge spreekn.

D'r zyn vele steedn die reuzn en, die de stad verteegnwoordign en die in stoetn en processies loopn. Dat is e styve oude traditie en da kan een echte of fictieve figeure zyn. In Vloandern allêne zyn d’r mêer of 1700 reuzn.

In november 2005 et den UNESCO verschillige reuzn erkend lik Weirelderfgoed.

Gekende reuzn

Lange Wapper: e reuze uut Antwerpn.
Goliath: e reuze uut 'n Bybel die verlôor van e klêen mannege.
De reuze uut 't sprooksje van Klêen Duumtje

Reuzn in nuze streke

In West-Vloandern en Frans-Vloandern zyn der reuzn, grôte puppn eigentlik, die e stad/dorp of volksfiguurn uutbeeldn in stoetn. E beknopt overzicht ('t joar van nunder êeste gebruuk stoat tusschen aksjes).

West-Vloandern

Ardooie: Griet, Pier, Tiste en Mantje
Blanknberge: Korno (1950), Colette (1974) en Seven, Gusten Kwik (2004)
Kortryk: Manten en Kalle
Madône: Celten den Trimard
Nieuwpoort: Jan Turpin, Goliath en Griete, Rosalinde, Puuptje, Crabbe en d' hekse Jacqueline
Hoarienge: Karel de Blauwe
Ôostkamp: Ridder Jan Wittoen (1998), Jounkvrouwe Ligarde Baefs (2003)
Poperienge: Cyrus (17sn êeuw), Piere de Keikop (1958), Maai en Tjeppen (1963), Judok
Roeseloare: Rolarius
Wendune: Louw, Wanne, Scuteman, Pol de Kruwer
Wervik: Mance, Pee, Jan Buuc, Marie Spillaert, Sos den Blauwer
Yper: Goliath, Robrecht de Fries, Godfried de Tempelier, Nikolaas de Kanonnier, Cieper, Minneke Poes, Piepertje, Pietje Pek

Frans-Vloandern

Boeschepe: Djoos de Bolder
Caëstre: Pet'Je Boelder
Hoazebroeke: Tisje Tasje, Roland,...
Kassel: Reuze Papa, Reuze Maman
Oudezele:
Stêenvôorde: Jan den Houtkapper,...
Wervik-Zuud: Jehan Van d'Helle (16e eeuwsche toebakboer)

Ofbeeldiengn die ier by passn ku je vien in de categorie Reuzn van Wikimedia Commons.