Millonfosse
![]() | |
---|---|
![]() | |
![]() Millonfosse en oumligg'nde gemêentn | |
Geografie | |
Regio | Hauts-de-France |
Departement | Noorderdepartement |
Arroundissement | Valencyn |
Kanton | Sint-Amands an de Skarpe |
Coördinoatn | 50°26′NB 3°23′OL |
Ippervlak | 3,48 km² |
Inweuners | |
Inweuners | 719 (2019) 206 inw./km² |
Andere | |
Burgemêester | Gérald Thuru |
Postcode | 59178 |
Webadres | Site van de gemêente Millonfosse |
Millonfosse es e gemêente in Vrankryk in't Noorderdepartement. 't Ligt hil o de ôostzuudkantn van Frans-Vloandern, mêer bepoald in't nôordwestn van't arroundissement Valencyn, ip't schee'n mè 't arroundissement Dowoai. Millonfosse grenst an de gemêentn Rosult, Sint-Amands an de Skarpe, Hasnon, Tilloy by Marsenne en Bousignies.
Liggienge
[bewerkn | brontekst bewerken]Millonfosse ligt o de zuudkantn van d'oude boane van Ôorschie richtienge Sint-Amands an de Skarpe (d'uudige D953 en D955). Tweirs deur de gemêente lôopt d'A23-ottostroade tusschn Villeneuve d'Ascq en Valencyn.
Millonfosse es êen van de gemêentn die liggn in't Regionoal Nateurpark in't bekkn van de Skarpe en de Schelde (Parc naturel régional Scarpe-Escaut), zynde 't gebied round Sint-Amands an de Skarpe die beschermd es deur zyn uutgebreyde biodiversityt. De gekanaliseerde Skarpe strôomt o de zuudkantn van de gemêente van 't westn noar 't ôostn'n. De zuudelyke schreeve van 't groundgebied van Millonfosse wierd gevormd deur de lôop van d'oude Skarpe, vôorn da ze rechtegetrokk'n wos, en es nu nog de gemêentelyke schreeve mè Hasnon. In tydde van't Ancien Régime vormdigde de Skarpe ier de schreeve tusschn 't groafschap Vloandern (Romoans-Vloandern) en 't groafschap Enegouwn (mêer bepoald de streke van d'Ôosterbant).
Ondanksn de Skarpe en de schreeve tussch'n de twêe wos't leevn in Millonfosse tout an de Fransche Revoluusje vrêe verstringeld mè dat van Hasnon, mor ôok mè d'andere beurgemêente Bousignies. Olle drië de plekk'n woarn in dien tyd êerlykeed'n van d'abdeye van Hasnon. Êen van de curieuziteyt'n van de plekke es datter gin kerke in Millonfosse stoat, ollene mor e kapelle.
Sport
[bewerkn | brontekst bewerken]De finoale van de koerseklassieker Parys-Roubei èit ol e poar kêers olangsn de gemêente gepasseerd. Ip't groundgebied van Millonfosse ligter ôok e kasseystroke: 't begun van de Secteur pavé de Millonfosse à Bousignies (e gemiddeld moeilyke strooke van 3 ster'n die 1,4 kilomèiters lank es), die de latste kêer'n ip't parcours van Parys-Roubei lag in de joarn 2011 en 2012. In de Tour de France van 2022 ryd'n de coureurs ôok oover die kasseystrooke in de finoale van de vuufde etappe van Rysel noar Oarenberg, mo ton in d'oumgekêerde richtienge.
![]() |
Ofbeeldiengn die ier by passn ku je vien in de categorie Millonfosse van Wikimedia Commons. |