Jan Smeken

Dat artikel es geschreevn in 't Kustwestvlams.

Manuscript over de Broederschap van Onze-Lieve-Vrouwe van Smartn, ca. 1500, met de noamn en de woapns van d' êeste vier provôostn

Jan Smeken, echte noame Jan de Baertmaker, (Brussel, ca. 1450 - Brussel, 15 april 1517) was e Broabantschn dichter. Je was vanof 1485 stadsrederyker van Brussel en factor van de Brusselsche rederykerskoamer De Lelie die in 1507 met De Violette fusioneerde toet 't Mariacranske. Je schrêef in 't Middelnederlands.

In 1485 volgde Smeken Colijn Caillieu ip ols stadsrederyker van Brussel. J' organiseerde intredes en andere festiviteitn en je schrêef werkn ter bevorderienge van de culturele uutstroalienge van de stad. In 1496 had 'n de leidienge over den intocht van Johanna van Kastilië en j' organiseerde in 1500 de fêestn ter êre van de geboorte van Karel, den oudste zeune van Filips de Schôonn en Johanna.

Achter zyn dôod wierd 'n ols stadsdichter ipgevolgd deur Jan van den Dale.

Werkn

Een schoon gedicht opten name Jesus
Spel vanden heilighen sacramente vander Nyeuwervaert (vo 1500?)
Hue Mars en Venus tsaemen bueleerden (ca. 1500?)
Een spel op hertoge Karle (1505)
E klucht by d' intrede van Jacques de Croy, bisschop van Koameryk (1507, verloorn gegoan)
Den spieghel der behoudenessen (ca. 1508)
Spelen van de Zeven Weeën (1508-1514, verloorn gegoan)
Dwonder van claren ijse en snee (1511)
Gedicht op de feesten ter eere van het Gulden Vlies (1516)