Beirnem

Beirnem
Liggienge binn 't arroundissement Brugge in de provinsje West-Vloandern
Geografie
Gewest	Vloandern
Provincie	West-Vloandern
Arroundissement	Brugge
Liggienge	{{{nb}}} NB {{{ol}}} OL
Coördinoatn	51°8′NB 3°20′OL
Ippervlak	71,68 km²
Inweuners (Bron: NIS)
Inweuners – Vintn – Vrouwn – Bevolkiengsdichtheid	15.687 (01/01/2018) 51,07% 48,93% 218,85 inw./km²
Leeftydsipbouw 0–17 joar 18–64 joar 65 joar en ouder	(01/01/2013) 19,79% 62,33% 17,88%
Buutnlanders	2,37% (01/01/2018)
Weirklôoseidsgroad	2,92% (01/10/2018)
Polletiek
Burgemêester	Jos Sypré (CD&V)
Coaliesje	CD&V,sp.a-Groen
Zetels CD&V N-VA sp.a-Groen	25 (2019-24) 12 9 4
Dêelgemêentn me postcode
Postcode	Dêelgemêente
8730 8730 8730	Beirnem Oelem Sint-Joris
And're info
Zonenummer	050
Poliesjezone	{{{polz}}}
Webadres	www.beernem.be

Dit artikel zou beter herschreevn zyn in 't Beirnems.

---

Beirnem (officieel Nederlands: Beernem) is e gemêente in West-Vloandern. D'r weunn in Grôot-Beirnem mêer of 14.500 inweuners. In Beirnem zelve zyn dat er mêer of 7.000. Beirnem wordt in drieën gesplitst deur de voart (Brugge-Gent), de tringroute en d'otostroade.

• 
  Bulskampveld
• 
  Kasteel Bulskampveld
• 
  Stoasje van Beirnem

Dêelgemêentn

#	Noame	Uppervlakte	Bevolkienge (2010)
I	Beirnem	27,91	7.353
II   (IV)	Oelem - Oelem - Ôostveld	37,31	5.935
III	Sint-Joris	6,45	1.922

Bronne: Website Beirnem http://www.beernem.be

De gemeênte Beirnem grenst an:

Beirnem, dêelgemêentn en buurgemêentn. De gele gebiedn zyn bebouwde kernn.

a. Ruuslee b. Wiengne c. Hertsberge (Oostkamp) d. Oostkamp e. Assebroeke (Brugge) f. Sinte-Kruus (Brugge) g. Sysêle (Damme) h. Maldegem i. Knesseloare j. Aalter

Geschiedenisse

Beirnem wordt al vernoemd in d'akte van 847: 'in territorio Menap quod nunc Mempiscum appellant ... Coloscampum, Wenghinas, Berneham ...' (Recueil des actes de Charles II le Chauve, roi de France, red. Ferdinand Lot, 1943, nr. 92). De noame Berneham komt van 't Germoans "birnu" en "hamma", wat da wilt zegn respectievelik een plekke vul slik in de vorm van nen beir en hamma is een landtoenge die uutspriengt in een moeras. Duuzenden joarn weunde der ier gin mins omdat er ier zjuuste mo busn, heide en moeras woarn. Loater weunden de eerste inweuners meest ten noordn van de voart. In 't zuudn lag et Bulskampveld dat in dien tyd nog van Toeroet tot in Bellem liept.

Ip het ende van de joarn 1700 wierd die woestenië ontgonn. De ruste en de nateur trokkn d' attentie van de ryke minsn. Under kasteeln lign nu nog weggestookn in de busn.

Tussn 1915 en 1944 voendn in de streke de zogenoamde môordn van Beirnem platse die verzekerst verband ieldn met mekoar, en ier in de streke voe de nodige ontroatie zorgden. In 1976 wierdn de drie gemeentn Beirnem, Oelem en Sint-Joris t'hoope gefusioneerd tot Groot-Beirnem.

Beziensweirdigheedn

Kyk noa Bouwkundig erfgoed in Beirnem

Gebôorn in Beirnem

• Sven Vanthourenhout (1981), cyclocrosser

Varia

Van eentwien die nie hêel zjuuste is in z'n oofd, zeggn ze: 't Is êen van Beirnem. Of: j' is riepe voe Beirnem. Dat komt omdat er in Beirnem, lik in Pittem, e Psychiatrische klienieke is van de Broeders van Liefde. 't Zottekot lik dan ze zeggn.

Ofbeeldiengn die ier by passn ku je vien in de categorie Beernem van Wikimedia Commons.