Bakkersreie
![](http://upload.wikimedia.org/wikipedia/commons/thumb/d/dd/Bakkersrei.jpg/220px-Bakkersrei.jpg)
De Bakkersreie is e woatrlôop in 't êrte van Brugge. De reie lopt van de kantn van 't Minnewoatre-park en 't Begynof toe an de Gruutuuzebrugge, vanof woa da ze voddr lopt lik de Dyvre.
De Bakkersreie begunt eigentlik lik twêe ofzoendrlikke kanoaltjes : de westelikke vertakkienge lopt vôort uut de Kapusynereie, goa lanst 't begynof, woada z' oovrwêfd is, en loopt tonne vôort vanof 't Sas-uus an 't Minnewoatre in nôordlikke richtienge, vo ter ogte van 't Wyngoardpling tegoare te kommn mê d' ôostlikke vertakkienge van de Bakkersreie, die begunt aan de Katelyneveste. De Bakkersreie makt grôotndêels dêel uut van de lôop van d' ôorsproenklikke riviere de Reie.
Nie glyk by de mêeste andre reien looptr by de Bakkersreie niewers e glyknoamige stroate ip den oevre. De westlikke vertakkienge van de Bakkersreie wordt oovrspann deur de Westmêersbrugge, d' ôostlikke deur de Kolettynebrugge, de Fonteinebrugge en de Wyngoardplinbrugge. De reste van de Bakkersreie wordt overspann deur de Begynofbrugge (Wyngoardbrugge), de Walbrugge, de Mariabrugge en de Boniefoasjuusbrugge.
De Bakkersreie lopt lanst verschillnde kerjoozieteitn en monuumentn. Azôo passeert ze 't iddr vernoamde Begynof Ten Wyngoarde, mor ook 't Oed Sint-Jan, d' Uuze-Lieve-Vrowwekerke en 't Gruutuuzemuuzeum.
-
De Bakkersreie ter ogte van 't begynof met de Wyngoardbrugge.
-
De Walbrugge dichte by 't 19ste êewsche gedêelte van 't Oed Sint-Jansospitoal.
-
De Bakkersreid dichte by 't middelêewsche gedêelte van 't Oed Sint-Jansospitoal.
-
De Bonifoasiuusbrugge.
-
De Gruutuuzebrugge.