Sunž (lidn)
Lidnanznam![]() | |
Valdkund | Venäma |
Eläjiden lugu (2022) | 67,142 ristitud |
Pind | 235,55 km² |
![]() | |
Pämez' | Timur Cičoev (kezaku 2017—) |
Telefonkod | +7−87 341-xx-xxx |
Avtokod | 06 |
Aigvö | UTC+3 (MSK+0) |
Sunž (ven.: Су́нжа, inguš.: Шолжа-Пхье) om Venäman lidn da lidnümbrik Ingušetijan Tazovaldkundan pohjoižpäivnouzmas. Se om tazovaldkundan kahtenz' surtte lidn, mugažo Sunžan rajonan administrativižeks keskuseks (ei mülü sihe vspäi 2017).
Istorii
[vajehta | vajehtada lähtetekst]Vll 1830−1845 Kurijürt-eländpunkt (inguš.: КIури-Юрт) oli olmas Sunžan oiktal (suvižel) randal. Kavkazižen sodan jäl'ghe kozakad paniba Sunženskai-stanican alust (ven.: станица Сунженская) Sunžan hural (pohjoižel) randal vl 1845. Vl 1852 udesnimitihe Slepcovskai-stanicaks (ven.: Слепцовская) sodan vägimehen Nikolai Slepcov-majorjenaralan kanzannimen mödhe. Vl 1939 stanic sai ut oficiališt nint: Ordžonikidzevskai (ven.: Орджоникидзевская).
Ingušetijan sädandan jäl'ghe stanic kändihe röunanverižeks i oli kodikš pagenikoiden täht Čečenijaspäi sodategendoiden aigan. Vn 2015 5. päiväl kezakud kätihe stanicad lidnanvuiččeks žiloks, vn 2016 3. päiväl uhokud nimitihe žilod nügüdläižikš jogen mödhe. Vn 2016 tal'vkus Sunž-žilo sai lidnan statusad.
Sunž šingotase sömtegimišton edheotandoil: voisagudtegim, konservtegim, konditerine fabrik.
Geografijan andmused
[vajehta | vajehtada lähtetekst]Lidn sijadase Sunž-jogen hural randal tobjimalaz (Terekan bassein), 320 m keskmäižel korktusel valdmeren pindan päl. Matkad Magashasai om 30 km suvipäivlaskmha. Lähembaine lidn om Karabulak kahesas kilometras päivlaskmha. Federaline civiline Magas-lendimport[1] (IGT / ИНШ / URMS, inguš.: Магаса Аэропорт, 333 tuh. passažiroid vl 2019) sijadase lidnan päivlaskmaižel röunal.
Sunž om lidnümbrikon üks'jäine eländpunkt.
Eläjad
[vajehta | vajehtada lähtetekst]Vn 2010 kaiken Venäman rahvahanlugemižen mödhe eläjiden lugu oli 61 598 ristitud. Vl 2017 lidnan ristitišt oli 65 006 eläjad. Kaikiš suremb ristitišt oli 70 095 eläjad vl 2009, poleni Čečnän soda lopun tagut.
Rahvahad (vl 2010, enamba 0,9%, ozutadud rahvahudenke): ingušad — 90,1%, čečenalaižed — 7,5%, venälaižed — 0,9%, toižed rahvahad — 1,5%.
Gumanitarine innovacijoiden i lämoipalopäzutajiden[2] kolledžad, Islaman institut i Ingušetijan valdkundaližen universitetan (alusenpandud tähä vl 1994) severz'-se korpusoid oma professionaližen opendusen aluzkundoikš.
Galerei
[vajehta | vajehtada lähtetekst]-
Toižen mail'man sodan memorial (2011)
-
Lidnan Keskuzline mečet', vn 2015 nägu
-
Kul'turkeskuz (2015)
-
Magas-lendimport vl 2013
-
Slepcovskai-raudtestancijan sauvuz vl 2014
Homaičendad
[vajehta | vajehtada lähtetekst]- ↑ Magas-lendimportan sait (airportmagas.ru). (ven.)
- ↑ Lämoipalopäzutajiden kolledžan sait (pskri.ru). (ven.)
Irdkosketused
[vajehta | vajehtada lähtetekst]![]() |
Sunž (lidn) Vikiaitas |
Ingušetijan Tazovaldkundan lidnad | ||
Karabulak | Magas | Malgobek | Nazran' | Sunž | ||