Menzelinsk
Lidnanznam.png)
| |
| Valdkund | Venäma |
| Eläjiden lugu (2022) | 16,713 ristitud |
| |
| Pämez' | Aidar Salahov (sügüz'ku 2013—) |
| Telefonkod | +7−85 555-xx-xxx |
| Avtokod | 16, 116, 716 |
| Aigvö | UTC+3 (MSK+0) |
Menzelinsk (ven.: Мензели́нск, tot.: Минзәлә / Minzәlә) om Venäman lidn da lidnankund Tatarstanan Tazovaldkundan pohjoižpäivnouzmas. Se om Menzelinskan rajonan administrativine keskuz i üks'jäine lidn.
Istorii
[vajehta | vajehtada lähtetekst]Eländpunktan aluz om pandud 16.−17. voz'sadoil kuti kaičendlidnuz kalaidajiden rahvahiden hogahtusespäi. Nimitihe jogen mödhe. Žilo lidnusenke saiba makundan lidnan statusad vl 1781.
Menzelinsk šingotase sömtegimištol (südäiveded, mineraline vezi), sauvondal, avtotransportan i maižanduztehnikan kohendusen edheotandoil, meblin tehmižel lapsiden täht.
Geografijan andmused
[vajehta | vajehtada lähtetekst]Lidn sijadase läz Menzel'-jogensud (tot.: Минзәлә, ven.: Мензеля, 123 km pitte), Kamanjogen hural randpolel (Alakaman vezivaradim), 90 m keskmäižel korktusel valdmeren pindan päl. Matkad Kazanihesai om 292 km päivlaskmha. Lähembaine järed lidn om Jarčalli 50 km päivlaskmha «Volg»-avtotedme (M7), trass om lidnan suvipäivlaskmaižeks röunaks.
Menzelinsk om lidnankundan üks'jäine eländpunkt.
Eläjad
[vajehta | vajehtada lähtetekst]Vn 2010 kaiken Venäman rahvahanlugemižen mödhe lidnan eläjiden lugu oli 16 476 ristitud, rajonan ristitišton koume videndest. Vl 1979 i vspäi 2002 om enamba mi 16 tuhad eläjid, kaikiš suremb ristitišt oli 17 153 eläjad vl 2017.
Rahvahad (enamba 1% vn 2002 rahvahanlugemižen mödhe): venälaižed — 50,2%, totarlaižed — 45,2%, marilaižed — 1,7%; toižed rahvahad — 2,9%.
Islaman kaks' pühäpertid oma avaitud: pämečet' i vn 2012 mečet' M7-trassanno. Ortodoksižen hristanuskondan nell' pühäpertid[1] oma olmas lidnas: ph. Mikulai-čudonsädajan päjumalanpert', kaks' jumalanpertid, mugažo Illä-endustajan naižjumalankodin (1860) sauvused oma kaičenus.
Menzelinskan maižanduztehnikum[2], pedagogine kolledž[3] i medicinine škol[4] oma professionaližen opendusen aluzkundoikš.
Galerei
[vajehta | vajehtada lähtetekst]-
Lidnan i rajonan tobmuden sauvuz (2021, ende A. Pasmurov-torgovanan pert') -
Islaman pämečet', vn 2021 nägu -
Ph. Mikulai-čudonsädajan päjumalanpert', vn 2021 nägu -
Pedagogine kolledž Musa Džalilän nimed hänen muzejanke (2021) -
Menzelinskan dramteatr vl 2021
Homaičendad
[vajehta | vajehtada lähtetekst]- ↑ Menzelinskan pühäpertid sobory.ru-saital. (ven.)
- ↑ Menzelinskan maižanduztehnikum edu.tatar.ru-saital. (ven.) (tot.)
- ↑ Menzelinskan pedagogine kolledž edu.tatar.ru-saital. (ven.) (tot.)
- ↑ Menzelinskan medicinine škol edu.tatar.ru-saital. (ven.) (tot.)
Irdkosketused
[vajehta | vajehtada lähtetekst]- Lidnan da Menzelinskan rajonan sait (menzelinsk.tatarstan.ru) Tatarstanan Tazovaldkundan tobmuden aluzkundoiden oficialižel portalal. (tot.) (ven.)
- Lidnan informacine sait (menzelinsk.ru). (ven.)
 |
Menzelinsk Vikiaitas |
| Tatarstanan Tazovaldkundan lidnad | ||
| Agriz | Al'met'jevsk | Arsk | Aznakajevo | Bavli | Bolgar | Bugul'm | Buinsk | Čistopol' | Innopolis | Jarčalli | Jelabug | Kazan' | Kukmor | Laiševo | Leninogorsk | Mamadiš | Mendelejevsk | Menzelinsk | Nižnekamsk | Nurlat | Zainsk | Zelenodol'sk | Tetüši | ||