Maloarhangel'sk (Orelan agj)
Lidnanznam![]() | |
Valdkund | Venäma |
Eläjiden lugu (2023) | 3,512 ristitud |
Pind | 3,44 km² |
![]() | |
Pämez' | Maksim Titov (reduku 2021—) |
Telefonkod | +7−48 679-xx-xxx |
Avtokod | 57 |
Aigvö | UTC+3 (MSK+0) |
Sil sanal voib olda toižid znamoičendoid; miše nähta niid, tulgat tänna.
Maloarhangel'sk (ven.: Малоарха́нгельск) om Venäman lidn da lidnankund Orelan agjan suves. Se om Maloarhangel'skan rajonan (vspäi 1928) administrativine keskuz da pala.
Istorii
[vajehta | vajehtada lähtetekst]Eländpunktan aluz om pandud 17. voz'sadal kuti Arhangel'skoje-žilo. Se sai makundan lidnan statusad vl 1778 nügüdläiženke nimenke, ližatihe малый-sanad («pen'») erištamha Arhangel'sk-lidnaspäi. Toižen mail'man sodan aigan lidn oli okkupiruidud nacistoil (reduku 1941 — 23. uhoku 1943).
Maloarhangel'sk šingotase mašiništonsauvomižen kodvijan tegimel i sömtegimištol (lihakombinat, voitegim, leibtegim).
Geografijan andmused
[vajehta | vajehtada lähtetekst]Lidn sijadase rajonan päivlaskmas, 220 m ü.m.t. keskmäižel korktusel. Matkad Kurskan agjhasai om seičeme kilometrad suvipäivlaskmha orhal. Matkad Orelhasai om 70 km lodeheze-pohjoižhe orhal vai 80 km avtotel. Toine lähembaine lidn om Fatež (Kurskan agj) 56 km suvipäivlaskmha orhal vai 80 km avtotedme. Lähembaine Maloarhangel'sk-raudtestancii om saudud 14 km päivlaskmha orhal vai avtotedme, radab «Orel — Kursk»-keskustal.
Maloarhangel'sk om lidnankundan üks'jäižeks eländpunktaks. Lidnankundan pind — 3,44 km².
Eläjad
[vajehta | vajehtada lähtetekst]Vl 1897 lidnan ristitišt oli 7 785 eläjad, vl 1939 — 3 497 eläjad. Vn 2010 Venäman rahvahanlugemižen mödhe lidnan eläjiden lugu oli 3 620 ristitud, rajonan koumandez. Kaik 3 293 eläjad oli lidnas vl 2017. Kaikiš suremb lidnan ristitišt oli 9 300 eläjad vl 1913 i 4 300 eläjad vll 1992−1996.
Rahvahad (2010): venälaižed — 98,3 %, toižed rahvahad — 1,7 %.
Ortodoksižen hristanuskondan ph. Mikoi-arhangelan jumalanpert'[1] om letud lidnas vspäi 2005. Enzne Sündun Voznesenjan päjumalanpert' i kaks' jumalanpertid ei ole kaičenus.
Glazunovkan maižanduztehnikuman (lähižes rajonas) Maloarhagel'skan filial[2] om lidnan professionaližen opendusen aluzkundaks.
Lidnan Administracii om likvidiruidud vn 2021 redukus, sen jäl'gmäine pämez' oli Aleksandr Trunov (reduku 2016 — reduku 2021). Sil aigalpäi lidnan Rahvahandeputatoiden nevondkundan ezimez' radab lidnan pämehen.
Galerei
[vajehta | vajehtada lähtetekst]-
Rajonan tobmuden sauvuz (2021)
-
Ph. Mikoi-arhangelan jumalanpert', vn 2020 nägu
-
Torguindan keskuz vl 2021
-
Lapsiden sädamižen kodi (2021)
-
Rajonan keskuzline läžundkodi vl 2021
![](http://upload.wikimedia.org/wikipedia/commons/thumb/f/ff/%D0%91%D0%B0%D0%BD%D0%9C%D0%B0%D0%BB%D0%BE%D0%B0%D1%80%D1%85%D0%B0%D0%BD%D0%B3%D0%B5%D0%BB%D1%8C%D1%81%D0%BA.jpg/1000px-%D0%91%D0%B0%D0%BD%D0%9C%D0%B0%D0%BB%D0%BE%D0%B0%D1%80%D1%85%D0%B0%D0%BD%D0%B3%D0%B5%D0%BB%D1%8C%D1%81%D0%BA.jpg)
Homaičendad
[vajehta | vajehtada lähtetekst]- ↑ Maloarhangel'skan pühäpertid sobory.ru-saital. (ven.)
- ↑ Maloarhangel'skan filial Glazunovkan maižanduztehnikuman glazunovka-prof.obr57.ru-saital. (ven.)
Irdkosketused
[vajehta | vajehtada lähtetekst]- Lidnan da rajonan tobmuden aluzkundoiden sait (maloarhr.ru). (ven.)
- Lidnan informacine sait (maloarhangelsk.ru). (ven.)
![]() |
Maloarhangel'sk (Orelan agj) Vikiaitas |
Orelan agjan lidnad | ||
Bolhov | Dmitrovsk | Livni | Maloarhangel'sk | Mcensk | Novosil' | Orel | ||