Čerepovec
Lidnanznam![]() |
Flag![]() |
Valdkund | Venäma |
Eläjiden lugu (2021) | 312,091 ristitud |
Pind | 122 km² |
![]() | |
Pämez' | Margarita Guseva (sügüz'ku 2017—) |
Telefonkod | +7−8202-xxx-xxx |
Avtokod | 35 |
Aigvö | UTC+3 (MSK+0) |
![](http://upload.wikimedia.org/wikipedia/commons/thumb/d/d0/CherepovetsBus.gif/250px-CherepovetsBus.gif)
Čerepovec (ven.: Черепове́ц [tɕɪrʲɪpɐˈvʲɛts]) om lidn Venäman lodehes. Se om Vologdan agjan kaikiš suremb eländpunkt, kahtenz' surtte lidnümbrik eläjiden lugun mödhe, Čerepovecan rajonan administrativine keskuz (ei mülü sihe).
Lidn om agjan tegimišton keskuz. Kaikiš znamasižembad oma raudan da sen ühthesuladusiden metallurgine kombinat i sen holitajad edheotandad, himižiden heretusiden tehmine, sauvondmaterialiden tegimed (faner, silikatine savič), maižanduztehnikan ühthekeradamine (traktorad).
Istorii
[vajehta | vajehtada lähtetekst]Lidn mainitase ezmäižen kerdan (Hristan) Pühäpäivän mez'jumalankodikš, sen aluz oli pandud vl 1362. Jumalankodin pala — Pühäpäivän päjumalanpert' — om olmas nügüd'-ki. Puhtaz («čerettüd») külä (ven.: Чистое село) sündui jumalankodin seiniden taga.
Čerepovec sai lidnan statusad vn 1777 4. päiväl kül'mkud. Oli kadotanu sidä vozil 1797−1802. Vl 1844 ezmäine tegim raudad pästmaha oli saudud lidnha, se oli Krasil'nikov-torgovanan tegim.
Vozil 1918−1927 lidn oli Čerepovecan gubernijan administrativižeks keskuseks, sid' vll 1927−1930 Leningradan agjan Čerepovecan ümbrikon keskuseks. Vspäi 1930 om olmas lidnaks agjan alištusenke, kacmata agjaha. Vspäi 1937 lidn mülüb Vologdan agjaha.
Geografijan andmused
[vajehta | vajehtada lähtetekst]Lidn sijadase läz Ribinskan vezivaradint, Jagorb- (ven.: Ягорба) da Šeksn- (ven.: Шексна) jogiden ühthejoksmusen randoil (Volgan bassein), 130 m ü.m.t. keskmäižel korktusel. Matkad Vologdhasai om 113 km päivnouzmha orhal, 136 km avtotedme. Lähembaine lidn om Ves'jegonsk (Tverin agj) 70 km suvipäivlaskmha orhal.
Čerepovec om lidnümbrikon üks'jäine eländpunkt. Se jagase nelläks territorialižeks rajonaks: Industrialine (istorine keskuz), Jagorbantagaine (sijaline nimi — «jogentaguine»), Šeksnantagaine («Prostokvašino») i Pohjoine («faner»).
Tobmuz
[vajehta | vajehtada lähtetekst]Käskusenandai tobmuz om Lidnan Dum 26 ühtnijanke. Järgenduseližed valičendad oliba sihe vn 2017 10. päiväl sügüz'kud (9nz' kucund). Ezitajiden valdatusiden strok om viž vot. Lidnan pämez' om Margarita Guseva, tegeb Duman ezimehen velgusidme vn 2016 20. päiväspäi sügüz'kud, ezitajad valičiba händast lidnümbrikon pämeheks ičeze mülükundaspäi vn 2017 14. päiväl sügüz'kud.
Lidnan merijan pämez' om Vadim Germanov, Lidnan Dum vahvišti händast radnikusele vn 2019 29. päiväl redukud. Edeline mer om Jelena Avdejeva, radoi 14.09.2017-dataspäi.
Eläjad
[vajehta | vajehtada lähtetekst]Vn 2002 Venäman rahvahanlugemižen mödhe eläjiden lugu oli 311 869 ristitud, vl 2010 — 309 298 ristitud. Kaikiš suremb ristitišt oli 324 500 eläjad vl 1999. Vl 2017 lidnan ristitišt oli 318 856 eläjad. Agjan ristitišton nelländez eläb Čerepovcas.
Ortodoksižen hristanuskondan 12 pühäpertid[1] oma saudud lidnas: phh. Afanasii i Feodosii Čerepovecalaižiden kafedraline päjumalanpert' (2009−2014), Hristan Eläbzdusen päjumalanpert', viž jumalanpertid i viž časounäd. Protestantizman kundad oma registriruidud, niiden kesken vižkümnenden päivän jumalankodikund i baptizman uskojad. Islaman keskuzline «Barakat»-mečet' (Blahoslovind) om avaitud.
Lidnan opendusen aluzkundad: 38 keskškolad, valdkundaline universitet, Radioelektronikan sodauniversitet[2], kaks' tehnikumad, viž kolledžad, kaks' professionališt školad.
Transport
[vajehta | vajehtada lähtetekst]Lidn sijadase transportteiden läbitusel: raudte (vspäi 1905 «Piter — Vologd»-keskustal), avtoted (A114 «Vologd — Uz' Ladog», Čerepovec — Ribinsk, Čerepovec — Belozersk) da Volgan-Baltijanmeren vezite. Redukun avtotesild ühtenzoitab Šeksnanjogen randoid vspäi 1979, ottas sidä lidnan simvolaks paksus. Toine Arhangel'skan sild ühtenzoitab Šeksnan radoid vspäi 2022.
Avtobusad, tramvaid da taksid oma kundaližeks transportaks lidnan südäimes.
Čerepovecan rahvahidenkeskeine lendimport[3] (ЧРВ / CEE / ULWC, 149 tuh. passažiroid vl 2017) sijadase 20 kilometrad pohjoižhe lidnan keskusespäi A114-trassanno, läz Čerepovecan rajonan Botovo-žilod.
Galerei
[vajehta | vajehtada lähtetekst]-
Vezičuhunduz (vn 2015 fotokuva)
-
Raštvoiden jumalanpert' (1789), vn 2001 nägu
-
Čerepovecan metallurgine kombinat tagamal vl 2020
-
Jäpert'kulun sauvondan lopind vl 2006
-
Čerepovec-päraudtestancijan sauvuz vl 2020
Tetabad sündnuded da eläjad
[vajehta | vajehtada lähtetekst]- Nikolai Noskov (sünd. 1956) — Venäman pajatai da muzikankirjutai.
- Leonid Parfönov (sünd. 1960) — Venäman lehtezmez', TV-vedai da režissör.
Sebruzlidnad
[vajehta | vajehtada lähtetekst]Ajud, Romanii (vn 2002 semendkuspäi)[4]
Balakovo, Saratovan agj, Venäma[5]
Cele, Slovenii[6]
Derri, Nju Hempšir, AÜV[7]
Gorna Orähovic, Bolgarii[8] (vspäi 1998)
Klaiped, Litvanma[9] (vspäi 1992)
Läojuan', Girin, Kitai[6]
Molodečno, Vaugedvenäma
Montkler, Nju Džersi, AÜV[7] (vspäi 1991)
Raahe, Suomenma[8] (1968)
Homaičendad
[vajehta | vajehtada lähtetekst]- ↑ Čerepovecan pühäpertid sobory.ru-saital. (ven.)
- ↑ Venäman kaičendministrusen Radioelektronikan sodauniversitetan sait (vure.mil.ru). (ven.)
- ↑ Čerepovecan rahvahidenkeskeižen lendimportan sait (aeroport-cherepovets.ru). (ven.)
- ↑ Uzištused. — Cherinfo.ru. (ven.)
- ↑ Čerepovcal uz' sebruzlidn om otnus //Uzištused 2010-11-08. — Media-keskuz (35media.ru). (ven.)
- ↑ 6,0 6,1 С Днем рождения, город! (Sündundpäivänke, lidn!) // Uzištused 2009-11-03. — Cherinfo.ru. (ven.)
- ↑ 7,0 7,1 Череповец принимает гостей (Čerepovec vasthaotab adivoid) // Uzištused 2009-10-09. — Cherinfo.ru. (ven.)
- ↑ 8,0 8,1 Uzištused. — Cherinfo.ru. (ven.)
- ↑ Tedonandmine. — Jur-portal.ru. (ven.)
Irdkosketused
[vajehta | vajehtada lähtetekst]- Čerepovec-lidnan tobmuden sait (cherinfo.ru). (ven.)
- Lidn Vologdan agjan ohjastusen oficialižel portalal (vologda-oblast.ru) venäkelel i anglijan kelel.
![]() |
Čerepovec Vikiaitas |
Vologdan agjan lidnad | ||
Babajevo | Belozersk | Čerepovec | Gräzovec | Harovsk | Kadnikov | Kirillov | Krasavino | Nikol'sk | Sokol | Sur' Ustüg | Tot'm | Ustüžn | Vitegr | Vologd | ||