Saransk
Lidnanznam![]() |
Flag![]() |
Valdkund | Venäma |
Eläjiden lugu (2023) | 312,252 ristitud |
Pind | 81,5 km² |
Pämez' | Igor' Asabin (tal'vku 2021—) |
Telefonkod | +7−8342-xxx-xxx |
Avtokod | 13, 113 |
Aigvö | UTC+3 (MSK+0) |
Saransk (ven.: Сара́нск, erz.: Саран ош vai Саранской, mokš.: Саранош, Саранск ошсь vai Саранскяйсь) om Venäman lidn valdkundan päivlaskmas. Se om Mordovijan Tazovaldkundan pälidn da kaikiš suremb lidn, Saranskan lidnümbrikon administrativine keskuz.
Istorii
[vajehta | vajehtada lähtetekst]Eländpunktan aluz om pandud vl 1641 kuti puine lidnuz kaičemha Venäman röunad. Se sai oficiališt lidnan statusad vl 1780.
Saransk šingotase nenil sarakoil: mašinansauvomine (ladimed, avtopalad), elektrotehnine (pidatusen ladimed, optine kuid, kabeläd, radiolokacijan stancijad), elektrusen tehmine (kaks' LEK:ad), sauvondmaterialiden pästand (raudbetontegesed, krepindan savič, lämuzizoläcii), sömtegimišt (leibän tegim, maidkombinat, lihakombinat, makarontegesiden kombinat, oluden i spirtan tegimed, konservtegim, konditerine fabrik), mugažo omblendan edheotandad, biohimijan kompanii i meblin kaks' edheotandad ratas lidnas.
Geografijan andmused
[vajehta | vajehtada lähtetekst]![](http://upload.wikimedia.org/wikipedia/commons/thumb/a/a4/%D0%A0%D0%B0%D0%B9%D0%BE%D0%BD%D1%8B_%D0%A1%D0%B0%D1%80%D0%B0%D0%BD%D1%81%D0%BA%D0%B0.png/250px-%D0%A0%D0%B0%D0%B9%D0%BE%D0%BD%D1%8B_%D0%A1%D0%B0%D1%80%D0%B0%D0%BD%D1%81%D0%BA%D0%B0.png)
Leninan rajon Oktäbr'skii rajon Proletarskii rajon
Lidn sijadase tazovaldkundan päivnouzmas, Insar-jogen molembil randoil (ven.: Инса́р, erz.: И́несаро лей / Инзара 168 km pitte, Volgan oigedpol'ne bassein). Se seižub Volgaveren ülüdel, 120..250 metrad korktusil, 160 m ü.m.t. keskmäižel korktusel. Insaran pened ližajoged lidnas oma Sarank (ven.: Саранка), Tavl (Тавла), Penzätk (Пензятка).
Saransk jagase koumeks administrativižeks rajonaks: Leninan, Proletarskii, Oktäbr'skii. Rajonad oma eriližeta municipaližeta statusata, no ičeze administracii om kaikuččes. Kaik 16 eländpunktad mülüdas lidnümbrikho Saranskan ližaks, niiden kesken koume küläd, kümne žilod i koume lidnanvuittušt žilod: Luhovk (ven.: Луховка, 8320 rist. vl 2020), Jalg (Ялга, 7828 rist.), Nikolajevk (Николаевка, 4862 rist.). Kaik ned alištudas lidnan Oktäbr'skii-rajonale.
Eläjad
[vajehta | vajehtada lähtetekst]Vl 1913 kaik 16,8 tuh. ristituid oli elänu lidnas. Vn 2010 kaiken Venäman rahvahanlugemižen mödhe lidnan eläjiden lugu oli 297 415 ristitud. Kaikiš suremb lidnan ristitišt oli 323 tuhad eläjid vl 1987. Saranskan lidnümbrikon ristitišt oli 331 654 eläjad vl 2015, 344 367 eläjad vl 2017 383,27 km² pindal.
Rahvahad (enamba mi 0,4 % vl 2010): venälaižed — 70,7 %, mordvinalaižed — 21,8 %, totarlaižed — 4,8 %, ukrainalaižed — 0,7 %, toižed rahvahad — 2,0 %.
Ortodoksižen hristanuskondan kafedraline päjumalanpert' ph. Feodor Ušakovan oiktastuseks i läz 20 toižid pühäpertid i jumalankodid oma olmas lidnas. Islaman Keskuzline pämečet', «Uskudar»-pämečet' i «Ihsan»-mečet' oma letud da avaitud. Katoližen jumalankodikundan tulend i judaizman pühäpert' oma väges.
Edeline lidnümbrikon pämez' om Pötr Tultajev (kezaku 2012 — sügüz'ku 2021).
Transport
[vajehta | vajehtada lähtetekst]Avtobusad, trolleibusad da maršruttaksid oma kundaližeks transportaks lidnan südäimes.
Rahvahidenkeskeine (vspäi 2015) civiline Saransk-lendimport[1][2] (SKX / СРН / UWPS, 103 tuh. passažiroid vl 2021) sijadase 7 km suvipäivnouzmha lidnan keskusespäi. Sišpäi tehtas reisid Moskvha da Sočihe, mugažo čarterreisid. Lendimport om elänu rekonstrukcijas läbi vodele 2018.
Galerei
[vajehta | vajehtada lähtetekst]-
Lidnümbrikon tobmuden sauvuz (2020)
-
«Lerua Merlen»-sauvondgipermarket (2018)
-
Kafedraline päjumalanpert' ph. Feodor Ušakovan oiktastuseks, vn 2009 nägu
-
Jumalanmaman Kazanin jumalaižen pühäpert', vn 2011 nägu
-
«Tehnopark Mordovija»-organizacijan administracii vl 2014
-
Mordovijan valdkundaline universitet, päsauvuz (2020)
-
Mordovijan nacionaline dramteatr (2007)
-
«Mordovija Arena»-futbolstadion (2018)
-
Saranskan lendimportan uz' terminal vl 2018
-
Saransk I-päraudtestancijan sauvuz vl 2017
Tetabad ristitud
[vajehta | vajehtada lähtetekst]- Žerar Depardjö (sünd. 1948) — Francijan akt'or.
Homaičendad
[vajehta | vajehtada lähtetekst]- ↑ Saransk-lendimportan oficialitoi sait (aeroport-saransk.ru). (ven.)
- ↑ Saransk-lendimportan oficialine sait (aviamordovia.ru). (ven.)
Irdkosketused
[vajehta | vajehtada lähtetekst]![]() |
Saransk Vikiaitas |
Mordovijan Tazovaldkundan lidnad | ||
Ardatov | Insar | Kovilkino | Krasnoslobodsk | Ruzajevk | Saransk | Temnikov | ||
Venälaižen Federacijan subjektoiden pälidnad | ||
Abakan | Alauz'lidn | Anadir' | Arhangel'sk | Astrahan' | Barnaul | Belgorod | Birobidžan | Blagoveščensk | Bränsk | Čeboksarad | Čeläbinsk | Čerkessk | Čit | Elist | Gatčin | Gorno-Altaisk | Groznii | Habarovsk | Hanti-Mansiisk | Irkutsk | Iževsk | Ivanovo | Jakutsk | Jaroslavl' | Jekaterinburg | Joškar-Ol | Kaliningrad | Kalug | Kazan' | Kemerovo | Kirov | Kizil | Kostrom | Krasnodar | Krasnogorsk | Krasnojarsk | Kurgan | Kursk | Lipeck | Magadan | Magas | Mahačkal | Maikop | Moskv | Murmansk | Nal'čik | Nar'jan Mar | Novosibirsk | Omsk | Orel | Orenburg | Penz | Perm' | Petropavlovsk Kamčatkal | Petroskoi | Piter | Pskov | Rostov Donal | Räzan' | Salehard | Samar | Saransk | Saratov | Siktivkar | Simferopol' (de fakto) | Sevastopol' (de fakto) | Smolensk | Stavropol' | Sur' Uz'lidn | Suvisahalinsk | Tambov | Tomsk | Tul | Tver' | Tümen' | Uf | Ulan Ude | Ul'janovsk | Vladikavkaz | Vladimir | Vladivostok | Volgograd | Vologd | Voronež | ||