Regimägi

Regimägi (suom. i roč.: Riihimäki, suomen virkand: [riːhɪmækɪ]) om Suomenman lidn da lidnankund valdkundan suves. Mülüb Kanta-Häme-agjaha.

Regimägi
Riihimäki (suom. i roč.)

Lidnanznam
Valdkund	Suomenma
Eläjiden lugu (2024)	28,638 ristitud
Pind	125,55 km²
Pämez'	Jouni Eho (kezaku 2022—)
Telefonkod	+358-(0)19
Aigvö	tal'vel UTC+2, kezal UTC+3

Lidnankundan sijaduz agjas i valdkundas (2020)

Istorii

Raudte tuli žilho vl 1870, järed raudtesol'm radab nügüd'. Kätihe eländpunktad lidnudeks vl 1922. Se sai lidnan statusad vl 1960.

Regimägi šingotase saksalaižen Würth-kompanijan logistižen keskusel (mašiništonsauvomine, himižed substancijad), Valio-kompanijan tegimel (sömtegimišt), toine järed radonandai om «Fortum Waste Solutions» (jändusiden ümbriradmine i mahusen rekul'tivacii).

Geografijan andmused

Lidn sijadase agjan suvipäivnouzmas. Korktusiden vajehtuz om 30..75 m, kundan kaikiš korktemb čokkoim om Hatlamminmägi (165 m ü.m.t.).

Matkad agjan Hämenlidn-keskushesai om koumekümne kilometrad lodeheze-pohjoižhe, Hel'sinkin keskuzpalhasai om 69 km suvhe. Lähembaine lidn om Hüvinkä kümnes kilometras suvhe.

Vn 2022 andmusiden mödhe lidnankundan pind om 125,55 km², sidä kesken kuivma — 121,01 km², vezi da sokaz tahond ottas 4,54 km².

Tobmuz

Regimägi jagase 31 nimitadud rajonaks (üks'lugu suom.: kaupunginosa), mugažo 12 küläd mülüdas lidnankundha. Regimägin municipaline suim kogoneb 43 ezitajaspäi.

Edeližed lidnan pämehed oma Jere Penttilä (keväz'ku 2021 — semendku 2022), Sami Sulkko (kül'mku 2016 — sügüz'ku 2020), Seppo Keskiruokanen (2000−2016), Esko Hanninen (1983−2000).

Eläjad

Vl 1980 lidnankundan eläjiden lugu oli 23 971 ristitud, vl 2000 — 26 173 ristitud, vl 2010 — 28 803 ristitud, vl 2020 — 28 815 ristitud. Kaikiš suremb kundan ristitišt oli 29 160 eläjad vl 2016.

Mamankelen mödhe (2016): suomen kel' — 94,9 %, ročin kel' — 0,4 %, toižed keled — 4,7 %.

Galerei

• 
  Suomenman stöklan muzei (2015)
• 
  Regimägin keskuzline lüteranine jumalankodi, vn 2008 nägu
• 
  Kontorsauvuz vl 2006
• 
  Regimägin avtobusstancii vl 2008
• 
  Regimägin päraudtestancii vl 2007

Irdkosketused

• Regimägi-lidnan oficialine sait (riihimaki.fi). (suom.) (angl.) (roč.)